使徒行傳 16章1節 到 16章10節   背景資料  上一筆  下一筆
Tī chit pái ê傳道旅行中,「提摩太」加入了chit pái傳道ê行列。使徒保羅一直kā提摩太看作是siōng好ê同工,甚至看伊有ná家己ê gín-á一般(參考腓立比書二:22,提摩太前書一:2,提摩太後書一:2)。

第3到5節,chia特別提起使徒保羅為提摩太行割禮,這kah-ná kah伊過去ê態度真無仝款。因為仝款是希臘人ê提多卻無行割禮。Mā允准以án-ne了解:提摩太ê老母是猶太人,猶太人ê cha-bó͘人一向扮演家庭教育ê主要工作,因為án-ne,提摩太必定知影真chē關係猶太人ê風俗、禮節。Á因為伊老母是猶太人,tī外邦人ê眼中,伊被看做是猶太人。M̄-koh因為老父是希臘人,所以tī猶太人看起來,提摩太卻是外邦人。Á使徒保羅帶tio̍h伊去傳道,有真chē時chūn,in是beh到猶太人ê會堂去對猶太人傳講耶穌ê信息。因為án-ne,提摩太若是有受割禮,tī以後對猶太人ê工作上確實會有幫助。因為in努力見證福音,上帝賞賜hō͘ in路過ê教會「人數mā一工比一工chē起來」。

第6到10節,chit段經文tī基督教歷史上是一個重要ê轉折點。使徒保羅原本beh北上亞細亞地區,m̄-koh kah-ná tú-tio̍h困難soah無法度順利北上,因為án-ne,in就「se̍h過每西亞,到特羅亞去」。

第9節是真關鍵ê一節,因為使徒保羅tī hit暗「得tio̍h一個異象」,伊看見一個馬其頓人向伊懇求去幫助in。就án-ne,hō͘伊決定beh前往馬其頓。Mā因為chit項決定,基督福音ê信息就此傳入了歐洲。

重新查詢 專卷研經 使徒行傳系列
錯誤回報,請聯繫comm[@]fhl.net