使徒行傳 12章20節 到 12章25節   背景資料  上一筆  下一筆
Chit段經文主要teh說明用殘酷手段迫害基督徒ê希律,tī一pái聚會中忽然暴斃猝死。有關伊ê死,傳說真chē,猶太人史學家約瑟夫(Joseph)講是tī一pái記念羅馬皇帝ê生日慶典,日頭光照射到希律王所穿ê棉袍上,因為陽光反射,照得伊感覺非常ê不爽快,無jōa久就死去à。不過使徒行傳ê作者路加soah講是因為「天使」打擊亞基帕王,伊因為án-ne來死。作者主要目的是teh強調:任何迫害基督徒ê統治者,lóng會受tio̍h上帝ê譴責。

第24節,chit節真有意思,雖然教會kah基督徒受tio̍h嚴厲而且殘酷ê迫害,m̄-koh基督徒並無因為án-ne而減少,顛倒地,人數日漸增加、興旺,「上帝ê道繼續擴展,日見興旺」。

第25節,巴拿巴kah掃羅tńg來耶路撒冷向大家報告in tī安提阿教會服事ê成果,離開ê時in mā帶tio̍h約翰‧馬可同行。

重新查詢 專卷研經 使徒行傳系列
錯誤回報,請聯繫comm[@]fhl.net