使徒行傳 10章1節 到 10章33節   背景資料  上一筆  下一筆
Chia特別提起羅馬軍官哥尼流是一個「虔誠 ê人」,並且是「一厝內人lóng敬畏上帝,常常慷慨賑濟sàn-chhiah ê猶太人」,chit位羅馬軍官真親像路加福音第七章所描述hit位疼猶太人ê羅馬軍官。Tùi chia ē-tàng看出當時統治猶太人ê羅馬政府,mā有好ê羅馬軍官,對猶太人非常友善。其實,這mā是作者路加寫福音書kah使徒行傳ê特色,伊真會挖掘外邦人ê好處,親像伊tī福音書中ê時常描述撒馬利亞人ê優點。該撒利亞城,這是為tio̍h beh記念羅馬皇帝奧古斯都而號名ê,差不多純粹是一個羅馬人khiā起ê城市。Tī頭前有提過腓利tī chia有好ê見證。

第3到8節,chit段經文是chit位羅馬軍官哥尼流tī祈禱中,忽然有天使出現對伊講話,ài伊派人到約帕去請彼得來。作者路加tī chia講上帝mā會聽「敬虔」ê「外邦人」ê祈禱(參考約翰福音九:31)。就án-ne哥尼流就派「兩個家僕和平常服侍伊ê一個敬虔ê侍衛」,同齊去約帕請彼得來該撒利亞。

第9到16節,chit段經文是描述彼得怎樣得tio̍h上帝ê啟示。上帝啟示彼得ê方式真特別,hō͘伊連續三pái看見一堆食物,chiah-ê食物有「各種飛禽行獸,koh有爬蟲」,真chē是猶太人傳統生活上認為「無清氣」ê物件,m̄-koh上帝卻ài伊食落去。彼得表示從來m̄食chiah-ê無清氣ê物件。所謂無清氣ê物件,是根據利未記第十一章所記載,甚麼物件是潔淨thang食,甚麼物件是無清氣bē-tàng食用。

第15節是chit-ê啟示ê中心主題:「上帝認為潔淨ê,你bē-tàng當做污穢。」人常常kā上帝創造ê物件分做「好」kah「pháiⁿ」,而所根據ê標準往往是kah人ê需要之chē少有關,而且chit種標準mā受tio̍h人ê價值觀念影響,卻常常bē記得萬物是tùi上帝來奇妙ê創造。創世記teh描述上帝創造每仝款物件了後,lóng會講一句話:「上帝看⋯⋯是好ê。」上帝看做好ê,人kā它分做「好」kah「pháiⁿ」,這就有問題à。

第17到33節,chit段經文講出上帝奇妙ê作為。祂透過天使去啟示哥尼流派人去邀請彼得,另外一方面是透過tùi天頂降落ê食物,hō͘彼得知影tī上帝眼中,每一個人lóng是祂所疼惜ê子民,lóng需要福音信息ê滋潤。就án-ne,彼得決定tio̍h kah哥尼流ê奴僕去該撒利亞哥尼流ê厝,傳福音hō͘哥尼流聽。因為這就是上帝beh伊做ê福音事工,m̄-nā彼得家己去,tī約帕mā有六個信徒kah彼得同齊前往。

第25到26節,哥尼流雖然貴為羅馬統治者,m̄-koh看見彼得ê時,卻謙卑到坦覆 (thán-phak)tī伊腳前,彼得連忙扶伊起來。然後哥尼流說明邀請彼得來ê原因。

第27到29節,彼得看見哥尼流厝裡已經有真chē人teh-thèng候à。這表示彼得chit chōa之旅,等於tī該撒利亞傳福音hō͘眾人聽仝款。

第30到33節,哥尼流mā說明伊親身ê境遇,看見上帝ê天使出現tī伊面前,ài伊去請彼得來伊ê厝。然後表示tī in tau ê人lóng是準備ài聽彼得傳講福音ê人。

重新查詢 專卷研經 使徒行傳系列
錯誤回報,請聯繫comm[@]fhl.net