撒母耳記下 20章1節 到 20章13節   背景資料  上一筆  下一筆
Chit章經文主要teh描述有一個便雅憫支族ê人,名叫「示巴」,伊鼓吹便雅憫支派ê人起來反對大衛當以色列ê王。就án-ne,有bē少人因為án-ne離開大衛,m̄-koh tio̍h注意ê,是便雅憫支派kah猶大支派仝款lóng是tī南部地區,伊chit種動作,等於是叛變仝款。約押出來追緝示巴,後來示巴躲進「亞伯‧伯‧瑪迦」城,hit-ê城有一個聰明ê婦人為tio̍h beh救hit-ê城免遭約押攻破而帶來大屠殺,表示願刣死示巴,chiah hō͘ hit-ê城免除一場大災難。 

Chit段經文紹介有一位便雅憫支族ê示巴,伊出來煽動北部支派ê人跟tòe伊公開反對大衛做王。因為北部支族ê人原本就對大衛偏愛猶大支族ê人,心早就有不平。因為án-ne,當示巴出來煽動北部以色列人ê時,跟tòe ê人bē少。

第1到2節,chia特別強調示巴「是便雅憫支族」ê人,伊出來鼓吹大家mài跟tòe大衛,表示大衛kah in無任何關係,甚至講「無益處」,意思是大衛做王,kan-taⁿ會偏愛猶大支族ê人。這問題就大à。因為掃羅是便雅憫支派ê人,這已經teh隱喻,掃羅ê kiáⁿ孫á是該支族ê人,對大衛出來領導以色列民族有淡薄á有意見。伊鼓吹ê結果深受北部以色列人贊同,因為án-ne「以色列人lóng離開大衛」,表明in不支持大衛做王統治kui個民族。M̄-koh猶大支派ê人則繼續「對大衛忠心」。

第3節,thang參考撒母耳記下第十六章21到22節。Chiah-ê宮女是hō͘大衛命令留守耶路撒冷王宮(參考十五:16)。In kah押沙龍同床,mā是hō͘逼ê,chiah-ê宮女若是拒絕,所得tio̍h ê必定是死刑。chit-má大衛tńg來宮,無koh歡喜chiah-ê宮女,當然thang理解,m̄-koh大衛並無遣tńg去in tńg去故鄉去過一般平民生活,反tńg kā chiah-ê宮女貶為「活寡婦」仝款,kā in phah入「冷宮」,是真殘酷ê刑罰,hō͘ chiah-ê宮女teh過 ná親像被軟禁般ê生活。

第4到7節,大衛雖然以亞瑪撒取代約押,想beh因為án-ne拉lóng北部以色列人對伊ê向心力。M̄-koh chia卻說明亞瑪撒並無真心順服大衛ê領導。因為án-ne,當便雅憫支族ê比基利人示巴起來造反ê時,伊受命去集合所有猶大ê軍隊,m̄-koh卻無法度達成任務。這有幾個可能性:有可能伊mā想beh支持示巴ê政變。M̄-koh mā有可能猶大軍隊將領根本m̄-chhap亞瑪撒ê元帥軍權,in寧可接受約押ê領導。大衛ài伊tī三工之內kā示巴追tńg來,m̄-koh亞瑪撒卻無tī時間內完成,表示伊ê統帥能力有問題。大衛知影án-ne落去,可能會hō͘示巴ê叛亂擴大到無法度收拾。因為án-ne,伊ài亞比篩去追緝示巴。因為約押已經被解除了元帥職權,chit-má亞比篩差不多就是大衛身邊siōng重要ê軍事將領。

第8到10節,伊ê部隊追緝到à「基遍ê大巖石」,這已經是屬tī便雅憫支族ê領地à。亞瑪撒看見亞比篩kah約押帶軍隊來,就出來迎接in,約押故作鎮靜而且熱情ê態度往前向亞瑪撒請安。約押故意用「親嘴」來請安亞瑪謝,掩蓋(khàm)伊teh beh出手殺害亞瑪撒ê陰謀。其實,約押ê心中是充滿tio̍h敵意,特別是亞瑪撒被大衛用來取代伊ê元帥職位,chit點hō͘約押心內懷恨。Tī亞瑪撒完全失去心防ê時,伊the̍h出暗藏tī另外一隻手上ê劍「刺進」亞瑪撒ê「腹肚」,hō͘亞瑪撒當場死亡。然後繼續in去tui-jiok示巴。

第11到13節,chia並無提起chit-ê約押ê隨從是甚麼人,m̄-koh伊確實bat幫助約押,hō͘ hiah-ê原本tī亞瑪撒身邊ê人知影,約押是kah大衛tī仝一個邊ê,效忠大衛ê人,「lóng應該跟tòe約押去」。伊會án-ne講,是幫助約押澄清了伊被大衛解職chit件事,beh hō͘ chiah-ê心神不安ê軍人知影,約押kah亞比篩已經去追殺示巴了,支持大衛ê軍人,lóng應該跟tòe去。只要有約押tī teh ê所在,就bē有其他ê將軍出現。chit-máē-sái講是約押掌握了軍權,伊小弟亞比篩當然m̄敢kah伊爭權。因為án-ne,tùi chia開始,亞比篩ê名無koh出現。

重新查詢 專卷研經 撒母耳記下系列
錯誤回報,請聯繫comm[@]fhl.net