撒母耳記下 18章1節 到 18章18節   背景資料  上一筆  下一筆
Chit章是記載大衛kah押沙龍父子之間一場武力對決,描述押沙龍整軍出發想beh消滅in老父大衛ê勢力。M̄-koh結果m̄-nā無因為擁有龐大軍伍而獲勝,顛倒,連家己mā tī戰役中死亡。另外一方面,tùi chit章mā thang看tio̍h大衛tī親情上有軟弱ê一面,事(tāi)先是大kiáⁿ暗嫩強暴小妹她瑪,大衛無hō͘伊受tio̍h應有ê譴責kah懲罰;後來押沙龍刣死兄哥暗嫩,大衛hō͘伊逍遙法外。然後押沙龍叛變、竄奪王位,大衛卻iáu beh所有部下將領,bē-tàng殺害chit-ê背逆伊ê kiáⁿ。大衛chit種態度,想beh維護軍紀、司法ê公義是真困難ê。因為國王ê kiáⁿ不守法mā thang安然無事,人民就會kah著有樣學樣。

Chit段經文是描述約押率領大衛ê護衛軍隊去對抗押沙龍ê以色列軍隊,結果以色列軍隊是慘敗,m̄-koh真chē看見押沙龍落難kha̍h tī樹枝頂ê人,lóng m̄敢刣死押沙龍,後來是約押看bē落去,親自帶隨從去收拾押沙龍,chiah結束chit場叛亂、竄奪王位ê事件。單tùi chit章ê記事來看,記載chit場戰爭ê經過是非常簡略,因為重點並m̄是在tī戰爭ê過程,卻是tī押沙龍ê死。因為án-ne,有關押沙龍死亡ê經過,描寫得非常清楚。

第1到2節,大衛身邊ê護衛軍已經tùi原本六百人,增加到chit-má ê「一千人kah一百人」。大衛kā它分做「一千人kah一百人為單位ê隊伍」,然後「每單位有軍官指揮」帶領。Koh khah重要ê,伊kā chiah-ê護衛軍分別由三位忠心ê 將領帶領,這三人就是「約押」kah「亞比篩」,in是兄弟,lóng是洗璐雅ê gín-á,是大衛ê外甥。另外一位「以太」,伊是大衛侍衛隊領袖。

第3到5節,tī chit段經文中,真清楚看見大衛真想親自帶軍上陣,m̄-koh chiah-ê 將領無仝意,原因是in認為萬一此役失敗,大衛iáu有後退之路,其實,真正ê問題在tī第5節,大衛一再交帶chit三位將領,千萬m̄-thang殺害押沙龍。Chiah-ê 將領知影,萬一面對押沙龍,大衛可能出不了手,反tńg被押沙龍殺害。因為chiah-ê 將領ê阻止,大衛只好順從chiah-ê 將領ê建議不親自出征,m̄-koh交帶in kah所有兵丁m̄-thang殺害押沙龍。

第6到8節,大衛軍隊ê總指揮官是約押,而以色列軍隊則由押沙龍親自率領。結果以色列軍隊慘敗,作者只簡單描述以色列軍隊是「死傷慘重」,有「兩萬人陣亡」,這是非常嚴重ê慘敗。逃走藏入去叢林ê死亡人數bē少。可見實際死亡人數koh khah chē。

第9到10節,tī潰敗soah逃入去樹林內去bih起來ê以色列官兵中,就包括押沙龍在內。撒母耳記下第十四章26節就bat描述押沙龍ê長相,帶有chiok厚而且長ê頭毛,chia就講伊ê頭毛tú好「hō͘樹枝纏tiâu」,押沙龍ê坐騎—騾,卻逃走去,押沙龍因長髮纏tī樹上無法度解落來,就án-ne被掛吊tī樹á頂。約押ê一個部屬發見了押沙龍,m̄-koh伊m̄敢刣死押沙龍,而趕緊走去kā約押講。

第11到13節,約押聽tio̍h了後,隨時想用犒賞方式,ài通報ê兵丁去殺害押沙龍,m̄-koh因為有大衛ê命令,無任何兵丁敢違抗,in lóng驚大衛追究責任。Chit位兵丁對約押講「王一定知影,甚麼事lóng瞞不過伊」,chit句話已經說明大衛統治之下ê軍紀非常嚴格。Koh講,mā有可能因為大衛tī家己ê軍營中mā藏有眼線。

第14到17節,約押帶十個隨從士兵跟tòe伊去kā吊掛tī樹上ê押沙龍刣死。然後kā押沙龍hō͘埋了,續落來約押命令吹停止攻擊號,然後率領全軍tńg去陣營。

第18節,chit節講押沙龍「無kiáⁿ」。M̄-koh tī撒母耳記下第十四章27節記載,講押沙龍有「三個kiáⁿ,一個cha-bó͘-kiáⁿ」。為甚麼有chit種差別?這有一個可能,就是押沙龍ê chiah-ê gín-á lóng早to̍h夭折,因為án-ne,雖然講有「三個kiáⁿ」,卻無記錄名,唯一ê是cha-bó͘-kiáⁿ名叫「她瑪」。Chia mā講押沙龍生前就有為家己tī「王谷」立一個碑,可惜並無說明此碑寫tio̍h是甚麼。

重新查詢 專卷研經 撒母耳記下系列
錯誤回報,請聯繫comm[@]fhl.net