撒母耳記上 7章12節 到 7章17節   背景資料  上一筆  下一筆
Chit段主要teh說明上帝確實揀選撒母耳為先知,並且喜愛伊。因為先知撒母耳聽從上帝ê話做tāi-chì。

第12節,聖經時代不時會用建造記念碑,來記念上帝ê帶領、看顧,並kā它當做kah上帝立約ê記號。M̄-koh先知撒母耳用此記念碑來幫助以色列人民記念上帝ê恩典,卻m̄是記念hiah-ê tī chit pái戰爭中死去ê人。頂pái以色列人民tī「以利以謝」戰敗(參考四:1),chit pái tī「以利以謝」phah贏,用建造記念碑方式來表達一個信仰意義:只要有上帝ê幫助,就會戰勝敵人。

第13到14節,先知撒母耳一直是以色列siōng偉大ê士師,因為tī伊一生ê日子,非利士人無koh再侵犯過以色列人民,而且所有被非利士人佔去ê土地lóng收復了,並kah迦南人和平相處(第13到14節)。簡單ê兩節經文,講出撒母耳扮演「士師」ê角色非常成功,而伊ê成功,是因為自細漢就已經非常用心準備成做上帝ê奴僕。

第15到17節,先知撒母耳重視以色列人ê宗教信仰生活,因為án-ne,不時巡視以色列人ê重要城市,處理人民糾紛ê事務,後來mā tī家己ê故鄉拉瑪起造祭壇。表示拉瑪mā成做另外一個重要ê宗教市鎮。伊án-ne四界巡視,主要是teh減輕以色列人民ê負擔,無需要tī有tāi-chì ê時,iáu一定tio̍h來拉瑪問伊。

重新查詢 專卷研經 撒母耳記上系列
錯誤回報,請聯繫comm[@]fhl.net