撒母耳記上 25章36節 到 25章44節   背景資料  上一筆  下一筆
Chit段經文描述拿八猝死後,大衛娶亞比該成做伊ê bó͘。

第36到38節,拿八會án-ne「心情愉快,lim得爛醉」,必定kah「剪羊毛」節期中,伊獲利真chē有關,想beh好好á慶祝一下。M̄-koh伊用hit種「像王所享受ê仝款」奢華ê慶祝樣式,相對tī保護伊財產、奴僕免受損害ê大衛ê需要,卻是án-ne吝嗇,而且拒絕hō͘ in大衛任何資助,tú好呈現出非常大ê對比。亞比該是一個有智慧ê cha-bó͘人,伊知影chit時chit時,並無適合向拿八講任何事,因為án-ne伊等到隔工早起,拿八tùi酒醉中清楚過來後,亞比該chiah kā昨hng發生ê事kā丈夫拿八講,á拿八聽了後,則馬上有ná中風仝款半遂ā,真緊,tī十工了後就往生。

第39到40節,大衛一聽拿八往生,就派人去向亞比該提親,表示beh娶亞比該做bó͘。

第41到42節,聽tio̍h大衛beh娶她做bó͘,亞比該二話不講,馬上就答應成做大衛ê bó͘。

第43到44節,作者無說明大衛tī甚麼時chūn娶「亞希暖」做bó͘。Chit-ê名kah掃羅ê bó͘同名(參考十四:50)。照撒母耳記上第廿七章3節ê記載,大衛tī娶亞比該chìn前,已經娶亞希暖做bó͘了,而且iáu生一個kiáⁿ名叫「暗嫩」(參考撒母耳記下三:2)。可見,大衛mā擁有「多妻」。Koh講,chit兩節經文mā為撒母耳記下第三章13到16節,有關「歸還」米甲hō͘大衛ê記事,以及後來大衛kah米甲之間ê不和諧留落來伏筆。

重新查詢 專卷研經 撒母耳記上系列
錯誤回報,請聯繫comm[@]fhl.net