撒母耳記上 13章15節 到 13章23節   背景資料  上一筆  下一筆
Chit段經文說明非利士人準備全面進攻以色列。M̄-nā án-ne,koh khah hō͘以色列人民擔心ê是,in ê武力兵器根本就無法度kah非利士人相抗衡。因為in連製造刀槍ê能力mā無。頂pái先知撒母耳帶領以色列人phah敗非利士人,mā是仝款無任何武力兵器,m̄-koh卻ē-tàng phah贏in,靠ê就是耶和華上帝ê幫助。聖經作者非常強調ê一點,就是戰爭並m̄是完全靠武力兵器,卻是óa靠上帝。Á上帝會拯救、幫助敬畏伊ê人(參考詩篇三十三:16—19)。士師時代ê底波拉phah敗夏瑣ê迦南王耶賓,就是óa靠上帝,卻m̄是óa靠武器(參考士師記五:8)。

第15到18節,chia真清楚講出先知撒母耳離開了掃羅,這表示掃羅kā失去先知撒母耳ê輔導,這已經為伊以後偏離上帝旨意留落來一個伏筆。掃羅身邊kan-taⁿ chhun落來六百個忠心ê跟隨者,加上伊真英勇ê kiáⁿ約拿單,掃羅帶領chiah-ê跟隨者kah非利士人準備開仗。

第19到23節,chit段經文已經清楚描繪出,非利士人ê軍隊kah以色列ê軍隊,二者之間強弱cheng差siuⁿ大。若是án-ne phah落去,以色列ê軍隊絕對是慘重傷亡。不講兵器、武力,單講人數就相差siuⁿ chē;非利士人軍隊chē kah「三萬戰車、六千騎兵,kah無數ê步兵,加得tio̍h像海灘上ê沙粒仝款」,而以色列ê軍隊mā只不過是跟tòe tī掃羅身邊ê六百人、約拿單身邊ê一千人。

Koh講,chia講非利士人不准hō͘希伯來人「製造刀槍」,然後解釋講非利士人會打造各式各種ê兵器,kah耕耘用ê器具。這lóng tī說明當時ê非利士人已經發展得非常先進,比起以色列人民是先進真chē,以色列人民雖然進入迦南地,m̄-koh kah-ná iáu是停留tī放牧ê生活型態中。因為án-ne,in siōng普遍ê武器,就是弓箭kah甩石機,ná親像頂pái亞捫人威脅beh挖掉伊ê正目(參考十一:2),án-ne 會hō͘ in無法度koh再使用kan-taⁿ有ê兵器。Kui個以色列軍隊只有掃羅kah kiáⁿ約拿單,in兩人有刀槍chit種「現代化」ê兵器而已。這就ná親像以今á日ê美國kah非洲小國仝款。Chit段經文mā講出以色列人民若是有「現代化」ê農具,就一定tio̍h付出真koân ê代價。看起來,chit pái ê對仗是hō͘以色列軍隊想beh逃離lóng會有困難,因為非利士人已經駐守tī「密抹隘口」,這是一個重要ê防守要地。

重新查詢 專卷研經 撒母耳記上系列
錯誤回報,請聯繫comm[@]fhl.net