歷代志上 9章1節 到 9章9節   背景資料  上一筆  下一筆
Thang án-ne瞭解:第九章是用耶路撒冷做中心(第3節、第4節、第7節、第9節、第14節、第17節、第34節、第38等節),以及猶大支族kah便雅憫支族ê kiáⁿ孫(包含掃羅ê kiáⁿ孫在內)為主要對象。作者想beh表達一個思想:耶路撒冷kā koh一pái成做敬拜上帝ê中心。Tùi所羅門王往生後ê分裂王國,直到主前586年亡國tī巴比倫帝國之下,以色列民族是teh過俘擄ê生活環境下chiah koh一pái結合起來。因為án-ne,mā thang看出亡國ê苦難,tī某一個方面來講mā看出是上帝ê賜福。上帝透過以色列人民tī亡國期間ê苦難,mā帶hō͘ in極大ê賜福──結合ê民族。因為án-ne,結合後ê以色列人民,tńg來國內後就kā它稱做「猶大」,因為猶大已繼承雅各「大kiáⁿ」ê名份。

Koh講,tùi北國以色列九個支族tī主前721年被亞述帝國消滅並kā人民俘虜去做奴隸,以及被強迫kah外族通婚了後,直到波斯帝國取代了巴比倫帝國統治迦南地,án-ne歷經了將近兩百年(主前538年了後開始回鄉ê浪潮),有真chē以色列人民已經tī外面邦之地生根,甚至成做以色列人民眼中ê「外邦人」à。In因為有固定ê生活,á是已經完全外族化了,並無跟tòe 回鄉ê人潮行。

另外一方面,tńg來國內後ê以色列人民,因為得tio̍h重建聖殿ê機會,因為án-ne,擔任祭司角色ê利未族人就顯得koh-khah重要,這mā是chit章經文用真chē篇幅紹介利未族人ê kiáⁿ孫kah in tī聖殿中祭祀ê工作ê原因。

Chit章tī信仰上ê意義m̄是小khóa,因為這至少講出一個重要ê認bat:以色列民族被掠到外國去,並m̄是結束,卻是in ē-tàng生存了落來,而且重回故鄉重建家園,chit點chiah是kui個族譜記述ê中心思想。這mā teh說明一件事:上帝kah in同在。就ná親像早年in出埃及進入曠野漂流ê時,上帝kah in同在仝款(參考撒母耳記下七:6—7)。Koh講,chit章mā特別提起回鄉了後,第一件是就是重建聖殿,然後派利未族人護守tio̍h聖殿。因為án-ne,chit章大部分篇幅就是kā khiā起tī耶路撒冷,以及定居聖殿ê守衛,kah其他利未族人lóng登錄落來。

歷代志ê作者用「忠於上帝,國家就興旺;反之,國家就敗亡」chit種觀念看kui個民族ê興衰。族譜mā照chit-ê思路kah方向編寫ê。看起來kah-ná是真簡單ê信仰內涵,卻是kui本聖經ê主要教示kah規則。

Chit段經文描寫主前538年,當波斯帝國phah敗巴比倫帝國了後,波斯皇帝塞魯士決定tháu放所有以色列人民hō͘ in tńg去故鄉重建家園。Chia記載tāi先tńg去家鄉ê族群。

第1節,chit節mā為歷史下一個一個重要註腳:頭前第一到八章,就是chia所講ê「所有以色列人」。續落來chit句:「猶大人因犯罪而受懲罰,被掠到巴比倫去。」說明猶大會亡國,人民會hō͘擄,lóng是kah in得罪上帝有分bē開ê關係。Á chia ê猶大,mā是teh代表kui個以色列十二支族,因為chhun落來ê殘存人民,就是用猶大支族siōng chē。

第2到3節,chia講tāi先tńg去故鄉ê,就是一般人民,iáu有就是祭司、利未人,kah聖經工人。接著有「猶大、便雅憫、以法蓮,kah瑪拿西支族ê人tòa tī耶路撒冷」,這表示耶路撒冷雖然tī巴比倫帝國摧毀之下,已經成做廢墟,m̄-koh in iáu-koh kā耶路撒冷當做siōng重要ê聚集之地。

第4到6節,chia特別提起猶大支族回鄉ê宗族siōng chē,共計有「六百九十個家族」,in lóng聚集tī耶路撒冷。而且tī in中間有出現幾個重要ê領導者,包括有烏太、亞帥雅、耶烏利等。

第7到9節,chit段經文是關係便雅憫支族ê人。In共計有「九百五十六個家族tòa tī耶路撒冷」,有幾個重要ê領導者,包括有:撒路、伊比尼雅、以拉、米冊蘭等。

重新查詢 專卷研經 歷代志上系列
錯誤回報,請聯繫comm[@]fhl.net