歷代志上 9章17節 到 9章34節   背景資料  上一筆  下一筆
Chit段經文說明定居tī耶路撒冷,專門負責守衛聖殿ê宗族,以及負責聖殿內部獻祭等器皿物件ê利未人。

第17到21節,這是專門負責看守聖殿守門者,共計有四個宗族,包括有沙龍、亞谷、達們、亞希幔等,看守物件南北四方ê門。Chiah-ê守衛者lóng是khiā起tī東門入口所在,這東門就是耶路撒冷聖殿ê正門,mā是siōng重要ê門。然後由可拉族ê沙龍kah伊ê兄弟,負責看守進入聖幕內ê門禁。

第22到27節,chit段經文進一步描述守衛ê情景,包括選出來守衛聖殿ê入口者,共計有「兩百十二人」,tī大衛王kah先知撒母耳時代就已經開始有chit種工作。負責督導守衛ê就是利未人,m̄-nā tio̍h管理守衛人員,mā tio̍h管理聖殿裡ê房間kah庫房,iáu有負責開關聖殿ê門。

第28到30節,除了頂面所講管理工作外,另外有一批利未人,是專門負責聖殿內面禮拜ê時tio̍h用ê各項器皿,使用前後lóng一定tio̍h切實清點過,免得有損傷á是遺失。另外有ê利未人負責保管獻祭ê用品,包括麵粉、酒、橄欖油、香、香料等等,因為chiah-ê是為tio̍h獻祭而準備,因為án-ne,mā有利未人負責調配香料,製作香、蠟燭、供餅等物。

第31到34節,沙龍ê kiáⁿ負責預備beh烘ê祭物,而哥轄宗族ê人則專是負責安息日聖殿裡所需要ê供餅。另外有kóa利未人負責聖殿音樂,這部分ê人,因為每工lóng有獻祭禮儀,因為音樂、香、蠟燭、供餅等等chiah-ê物件lóng無法度斷,因為án-ne,負責chiah-ê工作者,就一定tio̍h khiā起tī聖殿裡專門為in準備ê房間。Á in chiah-ê lóng是來自無仝宗族,因為án-ne,每一個宗族ê族長mā lóng一定tio̍h khiā起tī耶路撒冷,來方便臨時beh調派人員駐進接替工作,ē-tàng真有彈性。

重新查詢 專卷研經 歷代志上系列
錯誤回報,請聯繫comm[@]fhl.net