歷代志上 6章31節 到 6章48節 背景資料 上一筆 下一筆 |
歷代志作者對聖殿ê音樂真重視,kúi-nā pái提起有關利未人tī聖殿中負責音樂ê事工,親像tī本章第31節、第十五章16節、第十六章4到7節、第廿五章1到8節、歷代志下第廿九章25到26節等等。 Chit段經文就是講tio̍h有關聖殿歌手ê名單。 第31到32節,chia講當大衛kā約櫃引進耶路撒冷,安置tī聖幕了後,大衛王就每工派人tī聖殿中負責音樂ê事。伊用chit種方式來o-ló、歌頌上帝。 第33到38節,chia紹介第一班ê領袖,是哥轄宗族ê人希幔支族譜。 第39到43節,這是第二班領袖亞薩kah伊ê族譜,伊是革順ê kiáⁿ孫。 第44到47節,這是第三班領袖米拉利宗族ê以探,以及伊ê族譜。 第48節講除了tī聖幕ê音樂工作外,mā同時兼負tio̍h聖幕其他ê工作。 |