歷代志上 22章11節 到 22章19節   背景資料  上一筆  下一筆
這是大衛王kā所羅門講有關建造聖殿ê第二段話。

第11到12節,chit兩節是hō͘所羅門ê祝福,祈求上帝照所許ê諾言,賜福hō͘所羅門,án-ne伊tī建造聖殿ê工作上就ē-tàng順利完成。

第13到16節,大衛王除了鼓勵所羅門外,mā同時hō͘所羅門知影伊已經準備好勢ê,除了頭前有敘述石材、木材,chia則特別提起建造聖殿,準備「三千四百公噸金子kah三萬四千公噸ê銀á」,這是非常龐大ê經費,可見建造聖殿用七年時間,準備ê時間mā不短。Koh講,chit種財力mā teh表示大衛王時代ê以色列國,國勢確實是非常強盛,經濟能力真富裕。大衛mā表示伊所準備ê建材可能無夠,ài所羅門一定tio̍h繼續準備。Mā就是一面建造,一面準備。

第17到19節,chit段話是對所有以色列ê眾領袖講ê,ài in幫助所羅門興建聖殿ê tāi-chì外,mā勸勉in一定會「全心全意事奉上主—lín ê上帝」。伊ài所有以色列眾領袖用興建聖殿來表達對上帝ê感恩,而聖殿ê用意mā是kā約櫃安置tī內面。因為約櫃teh代表上帝ê同在。

其實,chit章mā teh說明一件事:無人有資格建造上帝ê聖殿,大衛王ê手上沾滿人ê血,雖然伊是一個真善戰ê勇士、謀士,hō͘以色列國tī伊ê任內,擴疆闢土,外國臣服ê真chē,m̄-koh,卻mā因為án-ne kah神聖、慈愛ê上帝本質無符合。Á所羅門則能力不足,雖然伊擁有ê智慧hông稱做世間無人thang比(參考列王記上四:29—34),m̄-koh對聖殿建造ê思考、策劃能力卻是需要大衛ê輔佐。

重新查詢 專卷研經 歷代志上系列
錯誤回報,請聯繫comm[@]fhl.net