歷代志上 20章1節 到 20章8節   背景資料  上一筆  下一筆
Chit章記載大衛率兵攻打亞捫,以及後來大衛koh攻打非利士人ê情形。

第1到3節,chit段經文thang參考撒母耳記下第十二章26到31節。

Tī第十九章講亞捫人bat用大筆金錢去雇用外籍兵團協助抵抗以色列,結果失敗à。M̄-koh外籍兵團包括敘利亞等,lóng主動去kah大衛訂定和平條約。M̄-koh亞捫人就是無願意án-ne做。因為án-ne,頂pái戰役了後ê隔一年,大衛手下大將軍約押,就率兵去進攻亞捫人ê土地。In tùi亞捫人ê手上,奪取in ê神明米勒公偶像,神像上有一頂金冠冕是用三十五公斤ê黃金鑄造ê,大衛kā頂面ê寶石取落來嵌tī家己ê王冠,iáu得tio̍h真chē戰利品,並要求亞捫人做苦工。

第4到8節,chit段經文特別提起三位迦特巨人被大衛kah伊ê臣僕phah敗,主要是teh說明有上帝同在ê人,即使面對tio̍h「巨人」mā m̄免驚惶,因為上帝ê能力大大超過人ê氣力,ná親像大衛iáu是孩童時代,就ē-tàng phah敗巨人歌利亞仝款(參考撒母耳記上十七:41—51)。

請注意,第5節特別註明是「迦特人歌利亞ê兄弟拉哈米」,kā撒母耳記下第廿一章19節記載ê「迦特人歌利亞」ê矛盾修改過來。

重新查詢 專卷研經 歷代志上系列
錯誤回報,請聯繫comm[@]fhl.net