歷代志上 15章1節 到 15章24節   背景資料  上一筆  下一筆
Tùi chit章直到第十六章7節,lóng是有關搬運約櫃進入耶路撒冷城ê記事,第十六章5到36節是歌頌約櫃進入耶路撒冷城ê詩歌。

Chit段經文是關係大衛tī建造家己ê宮殿完工了後,mā準備ài kā頂pái搬運無成功ê約櫃,koh一pái搬入耶路撒冷ê情形。

第1節,chit節開始就講大衛已經tī耶路撒冷建造完成家己khiā起ê宮殿。伊tī建造宮殿ê同時,mā搭一座帳棚,準備用來安置約櫃。這已經說明伊chit pái beh kā約櫃搬運到耶路撒冷,並無準備同時會幕搬運過來,卻是搭一座新ê會幕。

第2到10節,chit pái kah頂pái大無相仝ê所在,是伊請利未人來擔任chit項工作,免得重蹈頂pái意外ê覆轍。伊除了召集所有ê以色列人民聚集tī耶路撒冷外,mā同時kā利未各宗族ê代表chhōe來,總數共計八百七十人,負責chit pái搬運約櫃ê工作。

第11到13節,tī chit段經文中,大衛講出頂pái運送約櫃出問題ê原因,伊承認是家己潛jú了利未人ê職分,chit pái伊知影一定tio̍h尊重利未祭司職責。因為án-ne,伊kā利未各宗族代表chhōe來,hō͘ in知影tio̍h負起運送約櫃ê責任。

第14到15節,當大衛kā chit-ê重要ê責任交帶利未人ê後,chiah-ê祭司kah利未族ê代表就lóng潔淨家己,chit種潔淨ê禮儀非常繁複,一定tio̍h先進行獻祭ê禮儀(參考出埃及記廿九:1—37),然後tio̍h洗滌家己ê腳手(參考出埃及記三十:17—21)。並且遵照摩西命令有關扛約櫃ê規矩,就是kā約櫃扛tī肩胛頭殼頂,卻m̄是親像頂pái kā約櫃khǹg tī車運行。

第16到24節,chit段經文說明搬運約櫃進入耶路撒冷ê途中,是有專門ê樂師陪伴,而chit種工作mā是tùi利未人擔任,m̄-nā有各種樂器,mā包括真chē聲樂家吟唱詩歌。

重新查詢 專卷研經 歷代志上系列
錯誤回報,請聯繫comm[@]fhl.net