歷代志上 14章1節 到 14章7節   背景資料  上一筆  下一筆
Chit段經文描寫開始有附近國家來進貢,顯示出大衛王已經統治了全以色列,泰爾王率領訪問團來訪,表示對大衛王統治權ê肯定。Koh講,chit段經文mā同時紹介大衛進入耶路撒冷了後koh娶ê妃嬪。Chit段經文mā thang對照撒母耳記下第五章11到16節。

第1節,泰爾希蘭王帶珍貴ê禮物來進貢,特別是帶來一批工匠kah建材,beh替大衛王建造宮殿,這表示附近國家lóng承認大衛就是以色列國ê統治者,統治全以色列民族。

第2節,大衛續接掃羅ê王權了後,伊發見全以色列人民lóng尊崇伊,並無因為移送約櫃發生意外事件而拒絕伊,因為án-ne,伊認為上帝mā接納伊當以色列人民ê統治者。

第3到7節,大衛除了tī希伯崙ê時娶六個妻細姨,到耶路撒冷koh選真chē妃嬪,chit點mā是當伊犯淫亂刣人罪了後,先知拿單ê故事中所譬喻ê,伊是一個「有錢人有真chē牛羊」(參考撒母耳記下十二:2)。Chiah-ê tī耶路撒冷娶ê妃嬪,mā替伊生真chē kiáⁿ,chia記落來十三個gín-á ê名(參考歷代志上三:5—8)。Tī這十三個kiáⁿ中,siōng出名ê一位就是所羅門。

重新查詢 專卷研經 歷代志上系列
錯誤回報,請聯繫comm[@]fhl.net