歷代志上 11章10節 到 11章47節   背景資料  上一筆  下一筆
Chit段經文記載對王朝建立有功勞者ê名單。Chit段經文mā thang參考撒母耳記下第廿三章8到39節。Chia,歷代志作者先hō͘ chit段記事作一個簡介(第10節),然後chiah開始一一紹介。

第10到14節,因為大衛手下有勇士,而且lóng是忠心耿耿ê將領,因為án-ne,tī上帝賜福之下,伊所治理ê以色列國就日漸強壯。

Chit段經文先紹介大衛身邊ê三個重要人物,包括有雅朔班、以利亞撒,m̄-koh無寫出第三個,這第三個應該是「沙瑪」。照撒母耳記下第廿三章11節ê記載,伊chiah是tī田裡阻擋非利士人追殺以色列人民ê hit位勇士,卻m̄是以利亞撒。撒母耳記ê作者講以利亞撒kah大衛阻擋非利士人繼續攻擊後退中ê以色列人民,而且一直無停地揮動伊手中ê劍,直到手僵硬à。

第15到19節,chit段經文特別提起三位勇士,in為tio̍h大衛想lim伯利恆城門邊ê井水,冒性命ê危險去取水來hō͘大衛lim,不過大衛m̄敢lim,因為he是眾勇士用性命換來得來ê。因為án-ne,伊kā它獻hō͘上帝。大大án-ne行正表示kā siōng好ê、siōng珍貴ê禮物獻tī上帝ê面前。其實,chit-ê故事主要mā teh說明:大衛真正心意是真想佔領伯利恆,因為佔領了伯利恆,就ē-tàng lim hia ê水。對當時ê人來講,擁有井水,等於擁有性命ê保障仝款。Ē-sái講是,大衛ê部下並無完全明白伊ê意思。後來伊kā hiah-ê水獻hō͘了上帝,mā是teh表明伊tio̍h用性命ê氣力,攻入伯利恆。

第20到25節,tī chit段經文中,主要teh紹介另外幾位英勇ê戰士,mā是領導者。In就是約押ê小弟亞比篩,伊是「三十個勇士」ê首領。Tio̍h注意ê是「三十個勇士」,tī希伯來文聖經是用「三勇士」。第二位是比拿雅,後來伊就是大衛siōng-kài倚重ê侍衛長。Mā因為伊擁護所羅門繼任為王,kah約押擁護亞多尼雅分邊。後來所羅門繼任為王了後,kā約押處死,升比拿雅接替約押當元帥。

作者teh描述大衛ê chiah-ê眾勇士,m̄是因為氣力ê強大成做勇士,卻是因為in有聰明ê智慧,知影怎樣對付比in koh khah強大ê惡勢力,親像亞比篩一個人ē-tàng對付三百個人(第20節);比拿雅ē-tàng tī坑裡phah死一隻獅、刣死一個埃及巨人。

第26到47節,這就是大衛身邊三十個勇士ê名單。比較值得注意ê是,chit份名單中mā出現赫人烏利亞,大衛因為愛上伊ê bó͘拔示巴,而謀刣死chit位愛將(參考撒母耳記下第十一章)。而且值得注意ê是,tī chiah-ê勇士中,並無全部lóng是以色列人民,除了烏利亞是赫人外,mā thang看tio̍h洗勒是「亞捫人」、伊特瑪是「摩押人」。Thang看出大衛有夠額ê心胸,接納外族人來加入伊ê軍團,而且hō͘ in領軍。

重新查詢 專卷研經 歷代志上系列
錯誤回報,請聯繫comm[@]fhl.net