創世記 27章1節 到 27章29節     上一筆  下一筆
12.第廿七章:
Chit章mā是由頂面所講三種文獻混合編輯而成ê。chit章mā是大家所熟悉ê有關以撒ê兩個雙生á kiáⁿ兒,以掃kah雅各兩位兄弟之間ê問題。Chit一章之所以重要,是因為由此開始,創世記ê編者kā族長ê主軸開始引chhōa入雅各ê系統。Mā tùi chit一章開始,一直到創世記結束,創世記ê作者紹介雅各──koh稱以色列kah伊ê家族之所以被揀選ê經過,以及怎樣進入埃及,kah後來會án-ne有摩西受上帝揀選,去帶領以色列人民出埃及ê事件背景,lóng記載tī第廿七到五十章chit段經文中。

13.第廿七章1到29節:
Chit段經文koh一pái說明以掃kah雅各兄弟之間衝突ê原因,kah雅各欺騙in父親,奪取大kiáⁿ ê名分,引起以掃極度ê不滿,á準備ài殺害雅各。
第1到4節,以撒準備ài kā伊ê財產傳承hō͘伊「偏愛」ê kiáⁿ兒以掃。因為án-ne,伊ài以掃去準備伊siōng喜愛ê口味佳餚。

祝福,這mā講出了一個重要觀念:分離。老父年老時,為gín-á祝福,表示伊kah gín-á分離。

第5到10節,chit段經文說明利百加設計behkā丈夫以撒對偏愛ê kiáⁿ兒以掃ê祝福,搶奪到家己偏愛ê kiáⁿ兒雅各身上。關鍵ê經文是tī第8節,利百加ài她偏愛ê kiáⁿ雅各去做她a̍i伊去做ê事,就是用羊取代兄哥以掃獵取ê野味,thang欺騙以撒,奪取以撒ê祝福。

第11到17節,雅各提醒偏愛伊ê母親利百加,chit種欺騙行為若是被老父以撒發現,m̄-nā得bē-tio̍h祝福,反卻是帶來詛咒。

M̄-koh利百加表示為tio̍h奪取chit份重要ê祝福,就算因為被發現á需要承擔詛咒,伊mā願意。這tú好說明父母鼓勵gín-á作無正確ê事,甚至溺愛到願意承受性命ê詛咒。「照我去做」(參考第8節、第13節、第43節),果然雅各就照tio̍h母親去做。創世記作者beh表達一件事:人會犯罪ê基本原因,就是無照上帝去做,卻是依照誘惑ê欺騙話語去做,像第三章蛇對人ê誘惑仝款。Mā因為án-ne,雅各足足有長到二十年時間,受盡伊丈人拉班ê欺騙、受苦。

第18到29節,chit段經文說明雅各果真tī母親利百加ê設計下,成功地欺騙過、奪取到老父以撒ê祝福。

以撒為tio̍h beh防止家己因為年老、目睭chheⁿ-mê,確實真詳細地檢驗雅各ê身分,chiah-ê詳細ê檢驗,lóng teh說明過去家庭生活中,伊一再領教過雅各不斷來欺騙。

第18到20節,這是以撒第一pái因為聽覺所帶來ê懷疑,理由是聲音無像以掃ê。Á雅各用上帝ê名來欺騙以撒,伊kā家己ê欺騙行為,講是上帝ê賜福。

第21到23節,這是第二pái以觸覺檢視雅各ê身分,因為看bē-tio̍h m̄-koh對聲音有懷疑,因為án-ne,想用觸摸身軀來辨別。因為以掃出世ê時, 全身lóng是毛(參考廿五:25)。M̄-koh因為利百加有tāi-chì先準備,用羊毛皮來欺騙看bē-tio̍h ê以撒。

第24到25節,這第三pái是用味覺來測試,伊透過詢問認定身分,了後又ài雅各kā準備好ê肉the̍h hō͘伊食。

第26到27節a句,這第四次是用嗅覺來測試,以撒ài雅各用chim嘴來表示。
以上四次lóng因為以撒ê瞎眼á hō͘雅各ê欺騙成功。

第27節b句到29節,這是以撒對雅各ê祝福,tī chit-ê祝福中主要有三件事:一是天頂有甘露,二是地上有肥ê土地,三是成做領導者,mā就是大族長ê意思。


重新查詢 專卷研經 創世記系列
錯誤回報,請聯繫comm[@]fhl.net