重新查询
经文:

约珥书 1:1-1:20

注释:

Tùi第一章2节开始直到第二章17节,chit段经文lóng是提起一个重要主题,就是有关上帝审判ê日子来临,kah草蜢带来ê灾难。Tī第一章提起ê草蜢灾难,lóng teh隐喻上帝teh-beh严厉惩罚悖逆ê子民。先知约珥用chit种方式teh呼吁犹大ê以色列人民tio̍h知影赶紧悔改归向上帝,若无,当上帝审判ê日子临到,就只有ē-tàng哀嚎惨叫而已。

第1节,ná亲像俄巴底亚、约拿、那鸿、哈巴谷、玛拉基等先知ê情形仝款,都无详细绍介chiah-ê先知ê身世背景,只有一句简单ê描讲述,上帝ê话临到某某人,á是某某人ê kiáⁿ。Mā因为án-ne,tio̍h明白chiah-ê众先知ê身世背景,就一定tio̍h tùi in所讲ê信息中来认bat。Chia讲先知约珥是「比土珥ê kiáⁿ」。M̄-koh chit位「比土珥」ê名只出现tī chia。Á约珥chit-ê名字ê意思是teh指:耶和华是上帝。

Chit节虽然无说明先知约珥ê背景,m̄-koh却讲出一句先知文献siōng典型ê话语:「上主hō͘某某人ê信息。」chit种用句tú好说明一件事:先知所传讲ê信息是上帝hō͘伊ê,m̄是先知家己欢喜讲甚么就讲甚么。

第2到3节,先知约珥真严肃地提出警告,特别指定当时ê序大beh听上帝ê话,而in ê「子女」们mā ài认真听从上帝ê话语,koh khah重要ê,chiah-ê tùi上帝来ê话语m̄是只有流传一代、两代,而是beh流传到「世世代代」。

Koh讲,chia连续出现「听pah」,而且是「tio̍h注意听」等词,这是对伊ná时代ê一种呼吁,ài in注意听上帝ê声音。

第4节,约珥chit位先知siōng特别ê所在,就是伊用草蜢来做譬喻,说明上帝惩罚他ê选民ê时,敌人ná亲像草蜢一般ê来到,hō͘人无法度抵挡,mā m̄知该怎样办?草蜢,这m̄是人会惊惶ê昆虫。M̄-koh,当它聚集起来ê时,即使是tī今á日án-ne科技发达ê时代,mā束手无策。先知约珥tī chia连续提起四种草蜢ê名称,而且lóng hō͘了chit四种草蜢一种特有ê「毁灭」角色。Mā有学者认为chit四种草蜢,其实就是草蜢成长过程ê四个阶段。Tùi「剪蝗」到「队蝗」;koh再tùi「队蝗」到「踊蝗」;然后tùi「踊蝗」到「毁蝗」等。

先知约珥tī chia mā是án-ne,伊用草蜢当做譬喻ê题材,而且讲得非常生动,因为草蜢是以色列人民非常熟悉ê昆虫,tī in祖先出埃及chìn前,埃及境内bat发生蝗灾,造成农作物受tio̍h严重伤害,hō͘埃及ê经济受创甚厉,差不多无法度承受(参考出埃及记十:14—15)。现tī先知约珥用以色列人民siōng-kài熟悉ê历史材料来传达上帝ê信息,对以色列人民来讲,thang真紧to̍h进入状况。

先知约珥teh描述chiah-ê灾难ê时,已经真清楚teh说明灾难来临ê时,m̄是人所ē-tàng料想得tio̍h ê,m̄-nā速度非常紧,而且一下á就布满kui片大地,即使人看见满天飞舞ê草蜢,以及布满kui片农地、树林ê草蜢ê时,只有ē-tàng仰天长叹,完全lóng无抵挡ê能力。

	第5节,tú好就是tī回应第4节ê灾难。Chia谈起「酒醉」、「嗜酒」ê人,即使酒醒起来,mā是无法度理解到底发生甚么事。因为án-ne,先知约珥就呼喊chiah-ê酒醉ê人,tī「清醒」后,就beh开始「啼哭」à。因为家园,特别是「葡萄园被毁了」。Tio̍h注意ê,Tī圣经中通常会用葡萄园来譬喻以色列民族。

	第6节,先知约珥kā草蜢用来譬喻家己ê国家已经陷入了非常危险ê状况中,伊用「草蜢」chit-ê词来形容chiah-ê来侵犯ê敌人,然后讲in ê数目chē到ná亲像草蜢仝款「bē-tàng胜数」。M̄-nā án-ne,chiah-ê来攻击ê敌人,lóng带有ná亲像狮般锐利ê「嘴齿」。Chiah-ê lóng tī kā以色列人民讲如果in不赶紧醒悟过来,所beh面临ê就是彻底毁灭。

	第7节,则清楚讲出chiah-ê ná亲像草蜢来袭ê敌人,会彻底破坏所有农作物,毁灭kui个国家。Chit种破坏是全面性ê,葡萄园会hō͘毁坏,无花果树被食光,甚至连树干lóng遇tio̍h剥皮ê惨状。如果一丛树木ê皮被剥掉,chit丛树就会死去。

	葡萄、无花果、橄榄、石榴等chit四种果子树lóng是teh代表上帝kah伊子民之间ê特殊关系。

第8节,先知约珥提出ê第一种会哀伤、悲叹ê人,就是hiah-ê年纪小chiah tú订婚ê「少女」,in会失去「未婚夫」。先知约珥用chit种方式来譬喻,以色列会面临ê惨剧,就ná仝一个chiah订婚iáu未嫁去夫家ê少女仝款,为tio̍h死去ê未婚夫痛哭哀嚎ê悲惨状况仝款。

第9节,这是先知约珥提起会哀伤ê第二种人,就是圣殿ê众祭司。M̄-nā tī chia提起,mā tī第13节koh提起。

圣殿ê献祭是非常重要ê宗教信仰礼仪。每工早暗祭司lóng tio̍h上圣殿去献祭hō͘上帝,包括烧祭kah素祭。现在一切农作物lóng枯焦死了,厝内所饲养ê家禽动物mā无法度得tio̍h食物,完全无法度献祭。一般来讲,若是人面临灾难,soah koh无法度藉tio̍h信仰到圣殿献祭得tio̍h心灵ê平安ê时,心中ê无安全kah失落感必定会koh khah严重。Á chit时ê祭司必定会心中艰苦心、哀伤至极。

第10节,chit节koh一pái提起草蜢过了后带来土地ê大灾难,一切lóng已经成做荒凉之地。Tī第7节则提起葡萄树、无花果树,chia提起葡萄树kah橄榄树。橄榄树tī巴勒斯坦ê重要性thang讲kan-taⁿ次tī葡萄树而已,m̄-nā果子thang食用,也ē-tàng用来提炼橄榄油,而且ē-tàng用上等ê橄榄油制造专为圣殿点灯用ê油(参考出埃及记三十:24),iáu thang用来制成药品、化妆品。Chit节mā thang看tio̍h当「田野荒凉」ê时,土地就会悲叹、哀愁。
Án-ne tùi第7到10节看tio̍h chit四种teh象徵以色列人民kah上帝之间亲密关系ê果子树,有三种已经枯焦死了,如果koh加上第12节,就会看tio̍h连石榴mā仝款枯焦死,án-ne就表示以色列人民kah上帝之间ê关系已经完全断了,án-ne chiah是siōng大ê悲哀ah!

    第11到12节,chit节先知约珥提出会「悲伤」、「哀号」ê第三种人,就是作穑人们。作穑人,in ē-sái讲是圣经时代siōng有社会生产力ê人,mā是当时社会siōng大力量ê代表。Chit种族群会悲伤,án-ne就表示m̄是个人ê问题,却是kui个社会已经陷入非常严重ê状态中。Chia讲一切农作物包括有大麦、小麦、葡萄、无花果、石榴、棕树、苹果树等一切果子树lóng因为草蜢ê侵袭lóng「lian去」死去而且是毁灭殆尽。

第13节,chia进一步呼吁众祭司「beh穿麻衣痛哭」。穿麻衣,这是非常严肃ê一件事,表示厝内有至亲ê人过世。现在则祭司穿麻衣到圣殿内去「整瞑痛哭」,表示极度ê哀伤。In是teh代表全体以色列人民到圣殿内去向上帝忏悔,祈求上帝ê怜悯kah赦免。

第14节,头前有祭司穿麻衣整瞑啼哭,现在则是beh全体犹大ê以色列人民lóng禁食,iáu koh khah举行聚会。以色列人民每年lóng有一个节日就是beh án-ne过ê,he就是赎罪日。照摩西律法ê规定,tī赎罪日一定tio̍h「禁食,tio̍h聚集敬拜上主」(参考利未记廿三:26—27)。无错,就是因为以色列人民犯严重ê罪行,引起上帝极大ê忿怒chiah会有chit种结果。因为án-ne,chit项聚会乃是全国性ê公开聚会,要求长老kah全国人民lóng一定tio̍h参加禁食、祈祷、忏悔ê聚会,thang讲kah「赎罪日」ê聚会完全仝款。

第15节,所谓「上主ê日子」,chit句子tī chia经册共出现五次(参考另外四界是二:1、11、31、三:14)。是teh指上帝审判ê时chūn到à。先知约珥提醒以色列人民,上帝ê日子来临,mā就是灾难降临ê时刻。

圣经中提起「上主ê日子」ê时,通常表示两种意义,一是teh指上帝审判ê日子。无论对以色列人民á是任何族群lóng是仝款ê。二是teh指上帝子民得tio̍h拯救ê日子,因为上帝伸出他全能ê手,拯救他ê子民脱离灾难,hō͘他ê子民得tio̍h应该有ê荣耀(参考以赛亚书四十六:13)。

第16节,chit节值得注意,第一句讲「农作物被毁了」,这是teh指物质生活上开始有严重ê欠缺。简单ê一句话,mā teh说明人类即使有koh再大ê能力,对tī这tùi上帝来惩罚造成ê灾难,真正是lóng无招架余力。Chit节ê第二句话是「上帝ê圣殿无欢乐」,这是teh指宗教心灵层面ê干渴。人tī物质生活上缺乏ê时,若是心灵ē-tàng满足,mā会hō͘因为物质缺乏所带来ê痛苦得tio̍h减轻,甚至会甘之如饴。M̄-koh若是宗教心灵sàn-chhiah,即使拥有koh khah chē ê财富,人永远bē感觉满足。先知阿摩司就有一段真美ê话语形容chit种问题(参考阿摩司书八:11—12)。申命记ê作者真清楚说明,即使tī无任何食物ê旷野,mā会因有上帝ê话而得tio̍h性命ê满足(参考申命记八:3—4)。

第17到18节,chit两节lóng是teh描述灾难过了后ê残破景象,包括农田荒废,致使谷仓几成废墟之态,而cheng-seⁿ为tio̍h beh chhōe食物四界乱窜,甚至发出悲鸣ê叫声。Chiah-ê lóng tī说明上帝忿怒ê惩罚。

第19到20节,chit两节ē-sái讲是先知约珥为以色列同胞向上帝ê哀求。注意第19节ê「火」kah「火焰」chit两个字,指ê是上帝极大ê受气tú亲像大火仝款火烧tio̍h。Chit种火烧ê火、火焰,hō͘人lóng m̄敢接近。M̄-nā是人需要上帝息怒,连家禽动物如牛、羊等lóng发出哀鸣ê声音,teh向上帝恳求息怒,因为溪水干涸,草原lóng无了,in mā陷入性命ê困境中。

经文:

约珥书 2:1-2:17

注释:

Chit章thang分做两个段落,一是第1到17节,这是继续第一章提起ê草蜢带来ê重大灾害。二是第18到32节,提起一个中心主题:上帝koh一pái怜悯悖逆ê子民,只要呼求上帝ê名,lóng会得tio̍h上帝ê拯救。

    绝大多数ê先知lóng有一个共同ê心境,就是忧国忧民。原因是in tùi上帝领受ê信息,主要目的是ài以色列人民会记得上帝ê教导,m̄-thang弃sak上帝。In信息ê中心思想是:弃sak上帝ê教导,等于是自取灭亡。因为上帝chiah是性命ê主宰,mā是一个国家、民族历史ê中心。颠倒地,若是bē记得上帝拯救ê恩典,等于是藐视上帝ê教导仝款,会带hō͘以色列民族生存ê危险。因为án-ne,先知运动中lóng会一再提醒以色列人民tio̍h注意,无论环境jōa-ni̍h-á恶化,一定会谨记上帝ê教示,对上帝beh忠实,绝对bē-tàng有两样ê心思,chit种教导m̄-nā tī家己ê心中,mā tio̍h教导代代kiáⁿ孙谨守上帝ê话语(参考申命记六:4—9)。

	先知约珥传达ê信息中不时提起「上主ê日子」。伊一再提醒以色列同胞ài beh特别注意「上主ê日子」teh beh来到,而且这日子一来到,必定是非常凄惨,因为会有上帝降落ê灾难临到。Thang án-ne了解:当上帝ài先知出来传达chit种警告ê信息ê时,就已经teh表示上帝对犯罪ê选民已经容忍到某一个个程度à。上帝是一个慈悲ê上帝,他所期待ê就是chiah-ê被拣选ê族群会赶紧悔改、归向他。先知约珥ê信息就有chit种特色,所以,当伊传出上帝teh beh以大灾难来惩罚以色列人民ê时,另外一方面伊mā替以色列同胞祈求上帝,伊kā上帝讲灾难确实非常严重。言下ê意思,是期待上帝ē-tàng koh再hō͘以色列同胞一个喘气、悔改ê机会。

    第1节,这是第二pái提起「上主ê日子」,mā就是审判ê时chūn teh要到à。先知约珥呼吁大家lóng tio̍h用「颤抖」ê心面对上帝ê审判。Chia提起「锡安」,意思是teh指耶路撒冷ê某一个座山,teh代表上帝khiā起ê所在。

    第2到3节,先知约珥真清楚讲,这日子乃是「乌暗阴森」、「乌云浓雾」ê日子。这kah先知阿摩司所提出ê警告仝款(参考阿摩司书五:18)。原来chit两个表示乌暗ê景况,lóng是kah大片ê草蜢来临有关。先知约珥讲草蜢无来chìn前in ê厝园美丽像伊甸园,taⁿ因为草蜢过境变成「荒凉ê旷野」,而且蝗灾严重到「甚么lóng无放过」。

第4到5节,chit两节描述草蜢ê chē,以及侵袭ê严重性。Chit种攻击ê严重性,ná亲像勇猛ê军队猛烈攻击仇敌仝款,无一丝á ê怜悯之心。Mā可能tī先知约珥ê时代bat发生过án-ne严重ê草蜢之灾,伊用大家所熟悉ê灾难经历当做教材,希望ē-tàng因为án-ne唤醒以色列同胞知影,惹上帝ê忿怒,结果ná亲像经历过ê草蜢灾难仝款,甚至可能iáu会koh khah严重。

第6节,如果讲先知约珥ê时代,是tī主前第八世纪ê世代,thang想像当时亚述帝国对北国以色列ê威胁。Á是若是先知约珥ê时代是tī主前第六世纪ê时代,án-ne应该是巴比伦帝国ê时代,对当时m̄-nā是南国犹大ê以色列人民造成极大ê惊惶感,甚至连附近国家、族群lóng感受tio̍h仝款ê生存压力,这thang tùi先知耶利米ê作品中看出来(thang参考耶利米书第四十六到四十九章)。若用约珥书第三章6节所提起ê希腊chit-ê帝国来看,hit-ê先知约珥就真有可能是tī希腊帝国时代。Chit种话,hō͘以色列人民一听tio̍h就惊惶不安ê,应该是teh指希腊帝国à。

第7到10节,chit段经文lóng是用「它」chit-ê代名词,这是因为先知约珥是用草蜢来形容teh beh来攻击以色列ê仇敌。Ná亲像头前所讲ê,无论是toh一个时代,有能力攻击以色列人民ê附近国家,就是chiah-ê足以hō͘ in受掠而且被贩卖到奴隶市场上去受苦ê亚述、巴比伦、波斯、希腊等等chiah-ê大帝国。Chit段经文就是teh形容chiah-ê国家军队非常勇猛,明明是就是kah大批草蜢攻击绿色田园仝款。

第10节ē-sái讲是圣经中teh描述末日景象ê专门用语(参考以赛亚书十三:10,以西结书三十二:7,阿摩司书八:8—9)。先知阿摩司soah讲ē-tàng hō͘天地变色ê,并m̄是自然界本身ê改变,koh khah m̄是人ê能力所及,却是上帝hō͘伊án-ne(参考阿摩司书五:8)。用天地变色来形容末日来临ê chit种讲法,mā是用来说明人ê性命已经无法度照平时ê方式来应付à。因为天地lóng变色了,人kah万物ê生存lóng teh beh面临威胁。耶稣基督mā用chit种讲法来警告伊ná时代ê犹太人(参考马可福音十三:24—25)。

第11节,chit节真清楚讲出,类似草蜢成群、有秩序,而且是一波波无停来攻击,就是上帝ê惩罚。先知约珥tī chia形容上帝ê日子明明是就是一个「jōa-ni̍h-á惊人」ê日子,并m̄是个thang期待得tio̍h拯救ê日子。原因是人犯罪ê状况非常严重,beh祈求得tio̍h上帝ê怜悯差不多是微乎其微。

第12到13节,先知约珥真清楚kā伊讲ê同胞,悔改m̄是外表ê「禁食、啼哭、哀号」,á是「拆裂衫裤」等,chiah-ê lóng是外表ê现象,心内ê忏悔chiah是真正重要ê。因为上帝是看人心内ê上帝,m̄是看外表,tio̍h真心ê悔改,因为上帝是「有恩典,充满怜悯;伊不轻易受气,有丰盛ê慈爱」,会「随时愿意饶恕」人。这mā是kui本圣经ê信息(参考出埃及记三十四:6,诗篇一○三:6—10、八十六:15、一四五:8,约拿书四:2)。

第14节,chia ê「mā可能」,表示无人会明白、知影,因为上帝beh怜悯甚么人,就怜悯甚么人,m̄是根据人ê条件。赦免ê主权tī上帝,并m̄是tī人ê手中。Koh讲,chit节所描述上帝ê赐福,tú好kah头前所提起ê荒废之田园、饥荒之现象呈现强烈对比;chia讲tio̍h上帝ê赐福kā是丰富到够额一切所需要,而且有chhun。Bē koh再像头前所提起ê,祭司连beh献祭ê物件都无,一切动物lóng饥渴到发出哀嚎ê声音。

第15到17节,kah第1节ê吹号无仝。Chit所在「吹号」是ài大家赶紧悔改。「禁食」,mā是为tio̍h beh悔改ê缘故。Á chit种宣布禁食ê规律就是由祭司来担任,mā是由祭司带领民众来举行认罪ê聚会,chit种聚会是全体民众lóng需要参加,tùi siōng年长ê,到幼年年轻ê gín-á,就算抱tī怀中之婴á mā beh同齐参加严肃ê禁食祈祷会。

「上主ah,求你可怜你ê子民」,这是众祭司tī严肃ê禁食祈祷会中所发出ê祈祷文。只有án-ne,敌人才bē提出「Lín ê上帝tī tó位?」chit种问题(参考诗篇四十二:10、七十九:10、一一五:2,弥迦书七:10)。

经文:

约珥书 2:18-2:32

注释:

Tùi第18节开始,直到第三章结束,先知约珥传达ê信息lóng是好ê、鼓励ê,是带来ǹg望ê好消息。Ná亲像第二章17节所提起ê,先知约珥bat为tio̍h以色列人民可能面临ê严厉惩罚而向上帝恳求,祈求上帝怜悯以色列人民,不beh hō͘以色列ê仇敌讥笑in讲:「Lín ê上帝tī tó位?」现在则开始讲tio̍h情况有极大ê转变,这有一种可能性,就是以色列人民确实悔改。因为án-ne,上帝mā改变伊本来ê计画,停止原本beh降落ê灾难,而改为赐福气kā in赐福。先知约珥真清楚强调,只要以色列人民知影悔改,而且真诚ê醒悟过来,是唯一ē-tàng得tio̍h上帝ê赦免、怜悯ê机会。

第18节,chit节ē-sái讲是先知约珥信息ê一个重要转捩点。Chia开始讲上帝beh关心他子民所khiā起ê「土地」,mā tio̍h「怜悯」他ê子民。上帝ê怜悯,m̄-nā是移行灾难,而且kā本来已经有ê灾难修复,hō͘荒废ê土地,koh一pái看tio̍h青翠绿叶,而且长满果子,这就是第19节所描述ê景况。

第19节,chit节thang对照第一章10到12节所记载田园荒废ê景况,是「五谷、美酒、橄榄油」都无了;现在则全lóng恢复生机,m̄-nā有收成,而且是thang满足。Mā因为án-ne,无人敢koh再侮辱上帝ê子民。

第20节,thang对照第一章4节、第二章2到3节所描述ê灾难中,hiah-ê非常有组织ê草蜢侵入,带来ê是非常严重之灾难,现在则tī上帝ê命令下,chiah-ê原本用来惩罚以色列人民ê草蜢,lóng kā「远离」,á是hō͘上帝消灭殆尽。

Chit节提起chiah-ê「草蜢」之灾难是来自「北方」。Tī先知以赛亚、耶利米kah以西结等经册中,lóng是用「北方」来描述攻击以色列人民ê仇敌(参考以赛亚书十四:31、四十一:25,耶利米书一:13、14、15、四:6、六:1、22、廿五:9,以西结书一:4),ná亲像chiah-ê草蜢来自北方仝款。

第21节,chia讲:「土地,你m̄ 免惊,tio̍h 欢喜快乐,因为上主行大事。(全民版)」为甚么是对土地讲话?这kah创世记第三章17到19节有关,tī该段经文中记载土地因为人犯罪而连带受tio̍h惩罚。上帝惩罚人犯罪siōng直接ê方式,就是hō͘土地生产不出任何农作物、果子,án-ne人就会因为iau饿而知影谦卑悔改。M̄-koh相对ê,当上帝赐福人类ê时chūn,就是hō͘土地thang生产出丰盛ê谷物、果子等。上帝赐福土地,就等于是赐福人类仝款直接。

第22节,chit节一开始就呼teh-hoah「行兽ah,不要害惊」,thang对照第一章18到20节,提起家畜动物,以及荒野ê行兽lóng因为炕旱引起ê大火而逃命,koh tī非常干渴时chūn,chhōe bē-tio̍h溪水thang lim,因为án-ne,in lóng发出哀嚎ê声音。现在则是beh chiah-ê家禽动物行兽不要害惊,因为ná亲像第23节所提起ê,会有适量ê春霖秋雨降落,hō͘「草场青翠青翠」,真自然tek「果子树」就ē-tàng茂盛成长,特别是「无花果树、葡萄树」就会「结实累累」。

第23到24节,chit节描述上帝ê赐福。
Tī巴勒斯坦地区,通常每年十月到十一月是雨季,chit时chūn农民开始掖种,tú好下了khah-chē ê雨量滋润苗栽ê需要。每年ê三到四月间,是炕旱ê季节,而chit-ê时chūn tú好是收成ê时chūn,siōng惊下大雨伤害农作物。因为án-ne,chia特别用「适量」,表示tú好满足需要。适量表示非常好ê赐福,是永远bē缺乏ê意思。

第25节,chit节thang参考第一章4节、第二章2到11节所描述ê,上帝差遣草蜢侵袭大地,造成严重灾难带来ê损失,现在上帝决定kā它全部「补偿」过来。

Chia所用ê「补偿」,旧约圣经中有几个含意,一种是表明「赔偿」ê意思(参考出埃及记廿二:2、7、9),另外一种表示上帝ê惩罚,是一种「加倍」ê惩罚,表示beh kā过去所hō͘ in ê,连本带利ê收tńg来(参考耶利米书十六:18)。第三表示赐福,是上帝hō͘ in他ê子民加倍ê赐福,弥补过去ê损失(参考撒母耳记下十二:8,约伯记四十二:10、以赛亚书六十一:7,撒迦利亚书九:2)。

第26节,chit节说明了性命中siōng大ê赐福,就是「饱餐足食」。Chit节mā thang对照第17节所提起ê,仇敌teh讥笑,并且iáu用自高ê口气询问in ê上帝tī tó位?现在无人敢chiah koh讲chit种话了,因为上帝已经hō͘他ê子民丰衣足食,而且有chhun。Koh khah重要ê,仇敌看tio̍h上帝ê子民lóng teh过真丰富ê生活,mā会相信以色列ê上帝并无离开他ê子民。

第27节,chit节ē-sái讲是约珥书siōng重要ê一节经文,chia提起「约」ê问题。圣经中teh表明上帝kah他子民之间ê关系ê时,通常用两种句型来表示,一是「我是上主—lín ê上帝」(参考出埃及记六:7、,利未记廿六:12,耶利米书七:23、十三:11,以西结书十一:20、三十六:28、撒迦利亚书八:8,玛拉基书三:17)。除了上帝以外,无别ê上帝。因为chit位上帝是宇宙万物ê创造者,他是唯一ê。这mā是上帝kah他ê子民立约ê基础(参考出埃及记二十:3,申命记四:35,撒母耳记下廿二:32,列王记上八:60,列王记下五:15,诗篇十八:31,以赛亚书四十三:10、四十六:9))。Chit节诗歌mā清楚说明了以色列人民tī忏悔了后,向上帝表明in会忠实tī上帝,以上帝为in唯一ê救主。因为án-ne,上帝beh koh一pái照顾in,ná亲像老父照顾、疼惜kiáⁿ仝款(参考诗篇一○三:11—12)。

    第28到29节,圣经中有kúi-nā pái提起上帝ê「灵」beh「piàⁿ落」tī他ê仆人身上。现tī先知约珥tī chia讲上帝ê灵会灌ak tī以色列人民中间,而且是不分年龄,无论「老年人」、「少年人」,甚至连「奴仆kah hō͘女」mā lóng会分享到上帝圣神ê同在,而充满tio̍h「异象」。

Chia讲「kiáⁿ会宣告」上帝ê信息,这意思是teh指每一个gín-á lóng会有上帝启示ê话语thang听得见。二是「老年人做奇异ê梦」,表示即使年纪真大,mā会继续得tio̍h上帝奇妙ê启示。因为「梦」讲出上帝ê旨意kah计画。三是「少年人看见异象」。「异象」说明上帝hō͘人ê启示(参考创世记十五:、四十六:2,列王记下二十:10)。

先知约珥án-ne传出信息,就是tī kā以色列人民讲kah上帝之间有非常亲密ê关系,上帝一再启示in看见他ê旨意,而in mā会遵行上帝ê旨意做tāi-chì。

第30到31节,chit两节是有关末日审判来临ê现象。Tī第一章15节有提起tī「上主ê日子快到à」,然后koh讲「hit日子是jōa-ni̍h-á惊人ah」,chit种句话tī第二章10节、11节koh一pái提起。Tī第二章10节mā提起「日头、月娘lóng昏暗,星辰mā无koh发光」,这kah此节所讲ê日月lóng会变色是仝款ê意思。

第32节,先知约珥真清楚表明一个性命转机,就是「凡呼求上帝ê名ê人lóng一定得救」。Chit点对任何时代ê人来讲lóng是真重要ê信息。使徒保罗mā引用先知约珥ê chit句话(参考罗马书十:13)。

经文:

约珥书 3:1-3:21

注释:

当先知约珥呼吁伊ê同胞一定会确实悔改,来期待上帝ē-tàng赦免、赦免ê时,伊真清楚指出,上帝并无ài他子民ê悔改只是外表上做做款式,却是ài in真实地tùi心内ê悔改做起,这就ná亲像teh拆裂心肝仝款(中文和合本用「beh拆裂心肠」,台语汉字本用「拆裂lín ê心」)。这kah大卫王犯罪了后忏悔ê时所讲ê意思仝款;伊讲:「上帝ah,祢所意爱ê祭就是忧伤ê心;忧伤痛悔ê 心,祢bē 看轻。(全民版)」(诗篇五十一:17)tī先知以赛亚讲有chit种心境者,上帝一定会hō͘ chit种人重新得tio̍h性命ê「希望」(参考以赛亚书五十七:15)。

先知约珥ê呼吁了后,以色列人民确实有真具体ê回应,因为án-ne,先知约珥就传出了上帝hō͘以色列人民非常美好ê信息做回应,chit-ê信息是上帝ê拯救kah怜悯。Tùi第二章18节开始直到第三章最后,lóng是án-ne ê信息。

悔改ê意义,就是kā罪恶改变成做良善,chit种人会得tio̍h上帝ê欢喜kah接纳,chit点mā ē-sái讲是kui本圣经ê中心主题。以色列人民必定是tī听tio̍h先知约珥ê呼吁了后,有明确ê改变,chiah会hō͘上帝生出怜悯ê心,决定beh改变他本来beh毁灭以色列ê计画,换做赐福、赦免、怜悯,并且继续接纳以色列人民为他ê子民,他是以色列人民ê上帝。

第1节,chia开始就提起「上主ê日子」。Chit-ê词句一再出现(参考一:15、二章:1、11、29、三:1、14、18),ē-tàng看出先知约珥对「上帝ê日子」chit-ê信息ê看重。通常tī先知文献中,chit-ê词句lóng是teh指上帝ê审判来临之日,同时mā thang讲是teh指上帝拯救、怜悯ê时刻。Tī先知约珥ê信息中mā是án-ne;伊tī第一章到二章17节chìn前,谈起「上帝ê日子」,所beh表达ê信息lóng是kah上帝惩罚ê时刻来临有关。Á tùi第二章18节了后到第三章结束,「上帝ê日子」lóng是kah上帝拯救ê恩典来临有密切关系。

Chit节讲上帝「beh hō͘犹大kah耶路撒冷重新繁荣起来」,chit句话thang对照第二章23节所提起「锡安ê人民,tio̍h欢乐」chit句话。「繁荣起来」有一个重要ê意义,就是有丰富ê性命力。Chit种性命力bē因为tú-tio̍h困境就埋怨、kiu-kiu,á是妥协,却是会想beh尽一切办法好好á生存落去,因为确信上帝必定会同在,mā会适ê时伸出援手救助。

第2到6节,chit节提起「审判谷」,意思是teh指「耶和华ê审判」。M̄-koh现今已经无法度确定这地点是tī tó位,m̄-koh真可能是teh指耶路撒冷城外南边ê「欣嫩子谷」,chit-ê地mā是当时执行死刑á是倾倒垃圾ê所在。

为甚么上帝beh集合万国到chit-ê所在来?原因如下:

一是in侵占了以色列土地,逼kah人民四散到外国去避难(第2节)。Chit款tāi-chì发生tī主前第八世纪ê亚述帝国,以及第六世纪巴比伦帝国,以及以后ê各种帝国,包括tī希腊帝国时代lóng是。

二是kā俘虏来ê以色列人民送到奴隶市场去贩卖,á是分配到王公贵族ê府中去做奴隶,而koh khah严重ê是kā儿童—无论男女,lóng当做换取娱乐ê「商品」般贩卖、兑换(第3节)。

三是掠夺了耶路撒冷圣殿内敬拜用ê圣器,并且kā chiah-ê敬拜上帝用ê圣器,the̍h去khǹg tī in庙里供奉偶像神明,这是对上帝极大ê侮辱(第5节)。先知何西阿mā bat án-ne指控过in(参考何西阿书二:8)。

四是kā以色列人民贩卖hō͘希腊人(第6节)。

先知约珥讲述chiah-ê用意,就是tī说明上帝对chiah-ê严重ê错误行为lóng记载kah非常清楚,一点mā无容允有狡辩、逃避ê机会。这mā是teh显明上帝公义审判ê特色。

注意第6节mā是tī前面提过ê,因为chia有谈起希腊人ê问题,因为án-ne,有学者认为先知约珥ê时代应该是tī主前第三、四世纪时代。

第7节,chit节讲上帝kā采取chit种报复ê方式,就是以chiah-ê大帝国对待上帝子民ê方法来对付in。这mā是一般所讲ê「报应」。

第8节,先知约珥讲上帝ê报复,就是hō͘ chiah-ê习惯海洋生活人,变成被卖者,in会hō͘卖hō͘ tī沙漠中游行各地经商ê阿拉伯人(示巴族),án-ne,in ná亲像以色列人民被绑tio̍h送上船卖去远方仝款,现在换做in家己hō͘人绑tio̍h,被骆驼商队ê人拖tio̍h,行过各地ê沙漠,仝款m̄知会hō͘卖到何方去做奴隶。

示巴人,这是阿拉伯人ê一支,圣经时代in tī商业上非常活跃。

Tùi第9节开始到最后,是先知约珥kah上帝之间交hō͘讲话ê记录。

    第9到10节,chit两节是上帝ài先知约珥公开宣告,讲上帝beh出征了,chiah-ê hō͘上帝点名ê国家好好á准备来对敌上帝pah。第10节提起上帝发起ê战争,tú好kah先知弥迦所讲ê,以后be7 koh有相战完全无仝(参考弥迦书四:3—4);先知约珥是讲beh chiah-ê对敌上帝ê国家、族群起来整军备战,上帝就beh派出他ê军队来攻打in à。

第11到12节,chit两节看起来ná亲像天顶ê天军beh kah地上ê联军开始phah起来仝款。先知约珥一方面tio̍h以色列四周围ê国家、民族lóng集合到「审判谷」来聚集,另外一方面,伊mā祈祷上帝差遣天军降临来kah chiah-ê国家相战。其实,先知约珥chit段话已经讲出一个重要ê信息:

chiah-ê列强国家并无悔改,若无,in一听讲先知约珥ài in到上帝审判ê所在去,就会知影he是惩罚时刻来临à,聪明ê人会马上悔改归向上帝,来期待得tio̍h上帝ê赦免kah怜悯。

第12节下半句ê「上主beh tī hia开庭」进行审判ê工作,这mā表示上帝ê军队已经战赢chiah-ê骄傲国家ê军队,chiah会开庭审判chiah-ê现代人所讲ê「战犯」。

第13节,chia用作穑人teh收割ê情景来形容上帝审判ê款,这ná亲像tī第一章kah第二章所描述ê,上帝差遣草蜢过境仝款,摧毁了所有ê农作物仝款。现在上帝ê审判ná亲像作穑人the̍h镰刀teh收割成熟ê粟á仝款,双手收割ê动作非常俐落,hit种轻快有力,而且收得非常清气。同时mā用葡萄收成了后,送入去压酒池去压汁、kek酒。Chia用「满溢出来」,表示葡萄丰收。先知约珥用chit种句话teh描述上帝ê军队确实是大获胜利。而且上帝是用非常严厉ê方式审判hiah-ê邪恶者,先知约珥形容上帝ê审判ná亲像榨压葡萄ê方式,bē漏掉任何一粒葡萄般ê来审判chiah-ê邪恶者。

第14节「成千上万」,这表示聚集ê人数相当chē ê意思。

第15节,这是常看tio̍h ê句话,lóng是用来形容末日来临ê景象,像第二章10节、31节等等,表示情况是已经到à非常严重ê程度à。

第16节,chit节tú好讲出「上帝ê日子」另外一个意义就是以色列人民得拯救ê日子,hiah-ê邪恶ê国家、族群受审判ê时刻。现在上帝beh tùi耶路撒冷发出非常忿怒ê「怒吼」声音。上帝怒吼ê声音足以hō͘「天地lóng颤抖」,而且声音之大ná亲像出埃及记ê作者用「雷轰」声音来表示上帝ê出现(参考出埃及记十九:16—19,诗篇七十七:17—19,以赛亚书廿九:6)。「雷轰」表示表示上帝ê忿怒,beh惩罚背逆ê子民kah邪恶ê国家、民族,mā teh表示上帝beh来拯救他ê子民脱离敌人ê手。

第17节,「你就知影我是上主」,chit句话不时出现tī上帝施行神迹奇事,彰显他奇妙ê作为了后。值得注意ê是:当上帝彰显他ê神迹奇事异能ê时,有两个情况ē-tàng看出来,一是上帝施行大能ê手拯救他ê子民脱离苦难。其二是上帝出手重重地惩罚对敌他ê人。Koh讲,chit节koh一pái强化耶路撒冷城ê重要性,认为he是上帝khiā起ê所在,上帝必定会为tio̍h他ê荣耀而保护它,hō͘ hit-ê城永远屹立不摇。Tī以色列人民ê认知中,耶路撒冷城就是「上帝ê城」(参考诗篇四十六:、四十八:1)。In甚至称耶路撒冷城为「圣城」(参考以赛亚书四十八:2、五十二:1)。

第18节,chit节回应第17节所讲ê耶路撒冷城乃是上帝之城ê意义。先知约珥teh描述一个美丽景象:只要有上帝同在ê所在,就ná亲像是伊甸园仝款ê美丽,hō͘人看了lóng会垂涎(参考创世记三:8—14)。

Chit节讲「有一条泉水beh tùi上主ê圣殿流出来」,chit句话thang参考以西结书第四十七章1节。「泉水」,这是teh代表永恒性命ê记号,hō͘人永远ê性命bē饥渴。

第19到20节,上帝beh惩罚ê对象m̄-nā是「埃及」、「以东」而已,mā包括第4节提起ê泰尔、西顿、非利士等等chiah-ê国家、族群,上帝一定会惩罚chiah-ê欺压别人ê国家。这mā是tī第7节所讲ê,上帝beh照in对待别人ê方式,反tńg来对待in。这就是俗语所讲ê:「以其人ê道iáu治其人ê身。」

第21节,相对tī第20节所描述ê,耶路撒冷kā成做一个繁荣ê城市,因为有上帝ê慈爱teh照顾tio̍h hit-ê城。Chit种「人烟稠密」,tú好kah主前586年被巴比伦帝国摧毁了后,hit-ê城几呈废墟ê状态,完全颠倒。Tī上帝赐福之下,hit-ê城kā成做一个人人欢喜khiā起ê城市。


重新查询