经文：以西结书 1:1-1:3 注释:
以西结书第一章1节到第三章27节，chit段经文真清楚记载tio̍h先知以西结hō͘上帝呼召ê经过。这kah其它先知书teh绍介先知ê写法大无相仝；一般来讲，只要phah开先知文献来看，真容易就会看tio̍h一个共同特色，作者lóng会先绍介先知本身ê时代背景，以及hō͘上帝呼召ê经过（参考耶利米书第一章1到1节、何西阿书第一章1节、阿摩司书第一章1节）。M̄-koh chit本经册却用长到三章ê篇幅teh绍介先知以西结受呼召ê经过，kah用身躯语言来表示上帝beh伊传讲ê信息。
Chit本经册siōng特别ê所在，就是大部分是使用第一人称来叙述，表示这是先知本人teh述说家己ê性命经历。不过，chit本经册虽然是用以西结ê名称，却真少交带先知以西结ê家庭背景，mā因为án-ne有关先知以西结ê身世背景认bat mā真少。唯一清楚ê，就是伊活跃ê时期tī主前593到571年之间。
第1到3节，chit三节mā是chit本经册ê序言。短短三节经文却真清楚讲出时间、地点，thang明白此经册ê社会晓背景。
Chia讲时间是「第三十年四月初五日」，第2节则真清楚讲he是「约雅斤王受掠后第五年」，而约雅斤hông掳去巴比伦ê时间，大约是tī主前598 á是597年。伊在位时间非常短，只有短短三个月而已（参考列王记下廿四：8）。因为án-ne，「受掠后第五年」，ná应该就是tī主前593 á是592年之间。M̄-koh这「三十年」是怎样算？圣经学者各有无仝见解。有一种讲法是：先知以西结是tī主前623年出世tī耶路撒冷。Chia ê「三十年」，真可能就是teh指先知以西结三十岁ê时chūn，得tio̍h上帝呼召ê信息，这是照摩西律法规定，祭司是tùi三十岁开始服事（参考民数记四：23、37）。Án-ne tú好thang符合顶面所讲「受掠后第五年」ê时间。
先知以西结看见「天开」，并且「看tio̍h上帝ê异象」，chit句话表示先知以西结kah上帝之间有特别ê关系。先知以西结是祭司，是「布西ê kiáⁿ」。伊「听见」上帝对伊讲话，mā感受tio̍h上帝ê「能力充满」tio̍h伊。Chia ê「能力」一词mā thang做「灵」、「手」字解释（参考以西结书三：14、22、八：1、三十三：22、三十七：1、四十：1）。
经文：以西结书 1:4-1:14 注释:
Chit段经文记载先知以西结看见第一个异象—「四个活物」，mā详述有关这「四个活物」ê长相。特别tio̍h注意ê是，tī以西结书中一再出现「四」这数字，此数字tī以色列文化中，有「周全」、「东、西、南、北」四方ê意思（参考创世记十三：14）。Tī以西结书中，用来表示「四面八方」（参考十九：8、廿八：23、三十九：17），指全世界ê意思。Mā用来表示「四周」（参考六：5、13、四十：25、29、33、36、四十一：12、四十二：15、四十三：13、四十八：17、35）。
第4节，先知以西结讲伊注意「观看」有「暴风tùi北方刮来」，是夹带「sìh-nà tùi一堆云层里闪出」。这表示若是无一堆云层遮这sìh-nà，看见ê人恐惊会有性命ê危险。因为圣经作者ài用上帝出现ê时会发生强烈ê闪光，会用厚厚ê云层来遮他发出ê亮光（参考出埃及记十九：16、18、四十：34），免得人因为看见上帝ê面来死去（参考出埃及记三十三：20）。
第5到12节，chit段经文描述chit四个活物ê几种样式：
一是「形状像人」（第5节）。
二是四个活物lóng各有「四张面」（第6节）。这四张面ê长相lóng无仝款，tī「头前ê像人，正pêng ê像狮，tò-pêng ê像牛，后面ê像鹰」（第10节）。Á这「四张面」ê每一张面lóng是「向(ǹg)四方」看kah非常清楚。
三是有「四只翼股」，tī chit四只翼股中，「有一对翼股往上展开，kah附近ê翼股连接，koh有另外一对翼股遮盖家己ê身躯」（第11节）。
四是有「笔直ê腿」，这表示四个活物无法度像人仝款，thang kā腿弯曲，只有ē-tàng挺直地khiā-teh。
五是「脚蹄像牛蹄」，而且会发亮ná亲像擦亮ê铜一般发光。
第13节，chit节真清楚讲出四个活物所代表ê，并m̄是真实ê生物，却是一种象徵性ê形体，teh表示荣耀ê光芒，ná亲像「火烧ê火炭」，「像火炬」一般不断来「冒出火焰，发出闪光」，chit种景象lóng teh说明两种意义，一是上帝来临（参考出埃及记廿四：15—18），所带来ê是赐福、洁净（参考出埃及记廿九：43）。二是上帝ài beh进行审判ê时，mā会出现chit种类似荣光ê景象（参考出埃及记十六：7、9—10、民数记二十：6），所带来ê是严厉惩罚。
第14节，kā此节kah第12节连结做伙看，就会知影chiah-ê活物并m̄是tòe己意行动，却是跟tòe上帝ê旨意、命令而动。而且其速度之快，ná亲像「sìh-nà」一般，无人ē-tàng知影甚么时chūn会达到，mā m̄知会停留jōa久时间。
经文：以西结书 1:15-1:28 注释:
Chit段经文是用「轮á」来延续叙述四活物ê景象。
第15节，「活物ê边上lóng有一个轮á」，而chiah-ê「轮á」是「触地」ê状态。对照第十章9节来看，tī chit ki-lō͘-pek ê身边lóng有一个轮á。头前讲四活物lóng有笔直ê腿，有脚蹄（参考第7节），m̄-koh现在是讲chiah-ê活物各有「轮á」thang代替笔直ê腿来行动，mā就是讲in无需要使用腿。
第16到17节，讲tio̍h轮á是「彼此直角相切」，chit句话已经说明chit四个活物beh行动，并无需要转向，随时随地lóng thang照需要，向某一个方向向前行。
第18节，chia讲「轮kho͘-á上有真chē chē目睭」，chit句话mā说明chiah-ê轮á ē-tàng详细看清楚周边所有ê一切景象，无任何事物ē-tàng隐藏这四活物ê目睭。
第19到21节，chit节讲出chit四个活物kah in ê轮á是连结成一体ê，koh khah重要ê，轮á lóng是顺服四活物ê指令，因为四活物控制tio̍h轮á。
第22节，「圆顶」，chit-ê词原本是teh指「空气」ê意思，mā ē-tàng指「太空」（参考诗篇一五○：1）。作者讲「ná亲像用显（hiáⁿ）目ê水晶做ê圆顶」，意思是teh指一个坚实ê硬体，造型为弧形ê台子样式，chit-ê ná亲像有弧形ê台子是khǹg tī「四个活物头壳顶」，看起来ná亲像水晶一般非常「显（hiáⁿ）目」。
第23节，tī chit四活物ê头壳顶是「圆顶」，然后四个活物用in身上ê「一对翼股，kah附近ê翼股连接」，这mā是第9节已经讲过ê。然后用「另外一对翼股遮盖家己ê身躯」，án-ne，就ē-tàng清楚看出一幅清楚ê图案：四个活物头壳顶顶tio̍h一个带有弧形ê台子，然后四个活物各自kā身上ê一对翼股伸出来彼此相扣tio̍h。Á坐tī这圆顶上ê，就是上帝。他会下令hō͘这四活物移动ê方向，á是teh指示beh去ê所在。
第24节，「翼股所发出ê声音」，这说明活物身上ê翼股，并m̄是静态ê，却是一直teh飞舞phah动。Chia用三种无仝ê响声来描述chiah-ê翼股phah动ê声音：
一是「kah-ná大海tī澎湃」。
二是「像大军tī喊hoah」。
三是「像全能上帝ê声音」。
第25节，chit节并无说明当活物ê翼股停止拍phah后，继续tùi「圆顶传来」ê声音，到底是甚么内容。有可能是上帝选召先知以西结ê声音，m̄-koh mā可能是上帝准备进行审判ê声音。
第26节，tī chia chiah讲出圆顶上有一个「宝座」，这宝座是用「蓝宝石造ê」。Chia用「圆顶顶面」，意指天顶。圣经作者若提起天顶ê「宝座」ê时，指ê就是上帝ê位置，而chit种「宝座」并m̄是任何一个君王ê座位ē-tàng比并。
「顶面坐teh ê kah-ná是人」，先知以西结非常小心地使用「kah-ná」chit-ê词，chit-ê词mā teh表示伊并m̄是正面看见上帝，却是tī一种雾雾无清ê状态下，因为án-ne chiah会用「kah-ná是人」chit种句话来表达照创世记第一章26节ê记载，讲上帝是用他ê「形像」来造人，chit种「形像」并m̄是用人ê词汇ē-tàng表达出来。
第27节，先知以西结kā亲目所见ê描述出来，为tio̍h是beh说明伊m̄是陷入幻想，却是真正看见上帝kah-ná是人ê样式。Chia讲出顶下两段落，身躯ê「腰部」为顶下两段落，伊讲tùi「腰部以上kah-ná是擦亮了ê铜」。「腰部以下像火」，表达ê意思是tī上帝ê四周全部lóng光辉灿烂。
第28节，chit节就真清楚指出，chiah-ê亮光lóng teh表明上帝ê「临在」、显现。而且chia强调chiah-ê光kah「虹」ê光仝款灿烂，hō͘先知以西结看见这「景象就坦覆 (thán-phak）tī土脚」，因为伊知影chit时就是上帝显现ê时刻，mā就tī chit时chūn，伊「听见」了上帝传hō͘伊ê声音。
经文：以西结书 2:1-2:10 注释:
Tī第一章用真长ê篇幅（第4到28节）绍介先知以西结所看见ê四个活物，其实，若详细看经文内容就会发现，chit种异象无论描述jōa-ni̍h-á详细，lóng真oh用笔墨描绘出其样式，就算照内容画出来，mā会是一种真奇怪ê图案。以西结书就是tùi先知以西结所看见ê异象开始记载，而且先kā chit异象描述过了后，chiah说明上帝对伊讲ê话，而续落来chit段记载上帝对伊讲ê话，篇幅真长，一直到第三章27节chiah结束。
第1节，「必朽ê人！」，chit句话是以西结书ê特色，一再地出现kui卷经册中，共计出现93次。Tī中文《和合本》是用「人子」，chit-ê词tī但以理书第七章13节是用来表达上帝差派ê拯救者ê意思。因为án-ne，tī新约福音书中，耶稣不时以「人子」自称。作者用「必朽ê人」取代「人子」，就是koh khah清楚teh表明一个基本观念：即使是上帝所拣选ê仆人，mā是人，而且是上帝卑微ê仆人。
「khiā起来！」这是一句真严肃ê命令用词。会出现chit种用词，真可能就是因为当时先知以西结看见出现tī伊目睭前ê异象后，kui个人就瘫tī hia动不à。因为án-ne chit句「khiā起来」mā有命令ê用意，ài先知以西结注意听上帝对伊「讲话」。
第2节，「上帝ê灵进入我内面」，上帝ê灵mā代表上帝ê气力，是性命ê活力，chit种tùi上帝来ê气力kā先知以西结「扶起来」，表示上帝kā会kah先知以西结同在，会帮助伊，赐hō͘伊够额ê气力。
第3节，chit节讲上帝差派先知以西结「到以色列人hia去」，chit种差派已经清楚说明一件事：先知以西结ê工作会真危险。因为当人敢「背叛」上帝ê时，表示连上帝ê话kah诫命lóng m̄惊惶，任何人去传讲上帝ê信息mā无用，甚至kan-taⁿ会面临性命ê危险而已。
Chit节特别强调以色列人民是tùi in ê「祖先」开始，就有背叛上帝ê事发生（参考耶利米书三十一：32），并无因为过去历代先知ê提醒、劝勉而悔改，却是继续不断来做出违背上帝旨意ê事，一直到先知以西结时代都无改变。
第4节，chit节讲tī上帝眼中ê以色列人民，是「固执刚硬」，chit-ê词表示m̄知见笑，厚面皮ê意思，mā thang做顽劣解释（参考出埃及记三十二：9、三十三：3、5、三十四：9）。Koh讲，刚硬mā teh表明心内麻痹，听bē落去上帝ê声音。先知以赛亚、耶利米lóng有tùi上帝来仝款ê信息（参考以赛亚书六：9—10，耶利米书五：2—3）。这teh表示以色列人民根本就不「不尊重」上帝ê话，无kā上帝ê话khǹg tī心里，拒绝听从。
第5节，「不管」以色列人民「听m̄听」，先知以西结lóng一定tio̍h去传。伊去传，表示伊尽了责任，若伊m̄去，就表示伊怠忽职守（参考以西结书三十三：1—6）。
「in就知影bat有一位先知tī in中间」，chit句话会被记起，就beh tī tāi-chì过了后chiah会显明出来（参考以西结书三十三：33）。先知耶利米mā bat强调，一个人是m̄是真正先知，tio̍h等伊传讲ê信息实现ê时，chiah ē-tàng判断（参考耶利米书廿九：9）。Mā因为án-ne，先知tī伊传讲预言ê信息ê时，lóng是孤独ê。因为in lóng是讲未来ê事，大家iáu看bē-tio̍h、摸bē-tio̍h甚至无法度想像会tio̍h。
第6到7节，chit节讲出先知以西结会面临ê遭遇，就是hō͘「反抗」、「看bē起」。上帝甚至提醒伊，差派伊去，ná亲像ài伊进入「蝎子中间」，随时lóng会有死亡ê危险。M̄-koh上帝拣选仆人出去传达信息ê时lóng会ài in「mài惊」（参考约书亚记一：9，以赛亚书四十一：10，耶利米书一：8、17）。同时「mā mài惊in讲ê话」，chit节重复两pái chit句话，表示当时ê hiah-ê人对先知传达ê信息，lóng会用非常讽刺ê话语hō͘ in侮辱。Á siōng好ê回应方式，就是无beh chhap。Mā有两pái强调「不管」以色列人民「听m̄听」，伊lóng tio̍h kā上帝ê话「转告in」，这就是第5节所提起过ê，就算tī siōng恶质ê环境下，mā tio̍h传达上帝ê信息。因为「in是一阵叛逆ê人」，表示in就算听见了上帝ê仆人ê声音，mā bē认错，kan-taⁿ会狡辩。
第8到9节，「注意听」，这是上帝提醒先知以西结tio̍h注意听他所beh hō͘伊ê信息。Teh注意听了后，就beh「开嘴」，kā上帝beh hō͘伊ê「物件食落去」，这真清楚teh说明一件事：上帝ê仆人，只有ē-tàng听从上帝，bē-tàng违逆上帝ê命令。因为án-ne，chit句「bē-tàng亲像in仝款叛逆」之言，真可能是因为先知以西结听tio̍h上帝beh伊食下「一轴册卷」ê时，心中有所踌躇。
第10节，chia讲先知以西结tī食落去chit轴册卷chìn前，是「看见册卷ê正反面lóng写字」，其实古代ê册卷，真少正反面lóng写字，一般来讲lóng只有写tī正面上，因为当时ê纸lóng是用蒲草做ê，tī正面写ê墨水，真容易渗透到背面。现在chia讲正反面lóng写字，表示beh传达ê内容siuⁿ chē。Chia强调讲所写ê内容充满tio̍h「哀悼、吐气，kah悲痛ê话」，chiah-ê内容lóng是kah悲惨ê性命有关。
经文：以西结书 3:1-3:3 注释:
Chit章是继续第一章，上帝命令先知以西结传信息hō͘以色列人民听，是用身躯语言ê方式。
Chit三节上帝beh先知以西结用身躯语言ê方式传达信息，chia讲beh kā上帝hō͘伊ê册卷hō͘食了落去。
第1节，上帝beh先知以西结「食下这册卷，然后去向以色列人讲话」，换句话讲，上帝beh先知以西结照册卷ê内容传达信息，这mā表示先知以西结后来所传讲ê，lóng是上帝beh伊讲ê。
第2到3节，听从上帝ê命令，这是身为上帝ê仆人先知以西结一定tio̍h顺从ê第一件事。先知以西结听从上帝ê话「thí开嘴」，kā「册卷食下，装满腹肚」。先知以西结讲「这册卷像蜜仝款甜」，chit句话kah头前第二章10节所讲ê册卷之「哀悼、吐气，kah悲痛」ê内容完全颠倒。这mā讲出了kui本圣经ê中心信息：上帝ê话，就是性命ê话语。Ē-sái lian去ê性命得tio̍h滋润，hō͘性命出现展新ê气力（参考以赛亚书四十：8，诗篇十九：10、一一九：103），chit种性命是充满tio̍h欢喜、甘甜ê。Mā thang án-ne了解：上帝ê话确实是亲像诗人所讲ê甘甜赢过蜂蜜，ē-sái讲是，上帝ê话对tī故意犯错、做恶质ê tāi-chì ê人讲，听起来就会感觉tio̍h真痛苦，因为上帝ê话ná亲像针刺仝款，甚至ná亲像针钻入人ê骨髓一般ê利剑剑（参考希伯来书四：12）。
经文：以西结书 3:4-3:15 注释:
Chit段经文继续第二章3节所讲ê，上帝拣选先知以西结ê目的，就是beh差派伊向以色列人民传达上帝ê信息。其实以色列人民并m̄是因为听m̄-bat，却是拒绝听从上帝ê话语，因为in ê心固执刚硬。M̄-koh上帝beh先知以西结m̄-thang为tio̍h án-ne担忧。他beh hō͘先知以西结坚硬ná亲像钻石，chit种鼓励ná亲像呼召先知耶利米仝款（参考耶利米书一：18）。
第4到5节，上帝beh先知以西结去以色列人民hia，kā他ê「话转告in」，chit句话真清楚讲tio̍h就是beh传讲他ê信息。上帝mā特别强调并m̄是派先知以西结「到讲话难bat ê外国人hia」，kā chit句话对照第10节，就thang看出上帝beh先知以西结去向家己ê同胞以色列人民传信息，只要有人愿意听，绝对无语言上ê隔阂。
第6到7节，chit两节是相对句型。
Chia强调上帝并m̄是派先知以西结去「hiah-ê大国」、「到hiah-ê讲难bat ê外国话ê人hia」；相对tī hiah-ê大国、听m̄-bat ê人，以色列算是一个小国（参考申命记七：7），而且又koh是先知以西结家己ê同胞，lóng听bat，m̄-koh却是「连一个mā m̄肯听」上帝ê仆人先知以西结传达ê信息，án-ne chiah是真正ê问题所在。原因是「in真是koh固执koh刚硬」，tùi祖先开始到现在一直都无改变（参考以西结书二：3—4，耶利米书十一：7—8）。
第8到9节，chia讲上帝beh hō͘先知以西结kah以色列人民「仝款固执刚硬」，m̄-koh chia ê「固执刚硬」一词，kah第9节所提起ê「坚硬」，kah先知以西结ê名之含意仝款，表示立场坚定，m̄惊别人ê要胁，因为有上帝做伊ê砥柱，chit种态度kah上帝hō͘先知耶利米表达出来ê态度仝款（参考耶利米书一：18）。
Chit两节mā讲出一个重要区别，以色列人民ê心刚硬，是因为人拒绝上帝透过他仆人传出ê信息，而先知是上帝ê仆人，上帝为tio̍h beh hō͘他ê仆人ē-tàng tī以色列人民威胁杀害ê环境下，iáu-koh bē因惊惶而放弃上帝ê信息，á是因为tú-tio̍h严重挫折就m̄知如何是好，á是会继续传扬上帝ê信息，chit种心是一种坚忍ê心，因为án-ne，第9节chia用「像钻石仝款坚硬」，就是beh hō͘先知以西结「m̄免惊」chiah-ê来自人ê恐吓、威胁力量。
第10到11节，上帝beh先知以西结「侧耳听」他ê话，「并且记tī心里」，然后ài伊「到流亡ê同胞hia」，「不管in听m̄听」，lóng tio̍h kā上帝ê信息传达出来。即使知影以色列人民m̄听先知以西结传达ê信息，上帝iáu是beh他ê仆人照样去传讲。这mā说明传达上帝ê信息siōng重要ê所在，并m̄是在tī对方听m̄听，却是上帝ê仆人是m̄是：听从上帝ê命令、旨意去传达上帝ê信息。
第12节，「上帝ê灵kā我举起来」，这表示现在ê先知以西结完全是tī上帝ê带领之下，m̄是伊家己有甚么能力。就tī chia ê时，先知以西结听tio̍h身后有「隆隆ê声音」teh讲话，这表示上帝就出现tī伊ê身边。伊听tio̍h「tio̍h颂赞天顶上主ê荣耀」chit种声音，chit句话mā说明一个基本信仰认知：无论人ê有甚么力量，á是任何才华等，chiah-ê lóng是tùi上帝来ê赏赐，是上帝ê灵kah人同在chiah有ê。因为án-ne tio̍h用上帝赏赐ê chiah-ê能力所得tio̍h ê成果来荣耀上帝。
第13节，thang参考第一章23到24节。
Chit节讲tio̍h四活物tī「空中飞翔」，mā说明坐tī四活物顶面宝座顶ê hit位主宰，已经发出命令，因为这四活物是beh听从坐tī宝座顶面hit位ê命令（参考一：26—28）。
第14到15节，「上主ê能力大大地充满我」，chit句话koh一pái出现tī第22节。
这「上主ê能力」，表示上帝ê灵、力量。上帝用他ê灵kā先知以西结「提行」，意思是kā伊举起离开地面。意思是伊被提起来像一只鸟ê款，án-ne就ē-tàng tùi空中鸟瞰地面，看tio̍h kui个俘虏区里ê以色列人民之状况。当时伊ê感觉是「艰苦心koh气愤」，这是因为真正hō͘上帝ê灵充满ê人，已经失去自我，完全hō͘上帝使用。Á上帝beh用伊去传达会hō͘人拒绝ê信息，而且是hō͘家己ê同胞拒绝，这是一种hō͘人心灵郁卒ê事。换句话讲，伊想beh拒绝，却bē-tàng为力。想tio̍h去传达koh bē有结果，就会感觉非常挫折。上帝kā先知以西结提起「迦巴鲁河边ê提勒亚笔」，hō͘伊「tī hia停留七工」，因为「所看tio̍h kah所听见ê事」，hō͘伊tī hia发呆到「m̄知如何是好」，这必定kah tī俘虏营中看见凄惨ê生活状态有关。
经文：以西结书 3:16-3:27 注释:
以西结书一再提起上帝ê仆人真重要ê工作之一，就是成做国家、民族ê「守望者」，这守望者ê主要工作，就是beh提醒家己ê同胞、国家，是m̄是有危险来侵犯。Tī本册ê第三十三章1到9节有真清楚说明守望者ê角色kah使命。
Chit段经文mā说明先知以西结koh一pái hō͘上帝ê灵充满了后ê现象，就是先知以西结第二个身躯语言ê动作，伊kā家己关tī厝宅里，上帝beh hō͘伊成做哑口，无法度讲任何信息，直到上帝重新开启伊ê嘴巴，伊chiah ē-tàng继续传达上帝beh伊讲ê话。
第16到17节，chia讲经过了「七工以后」，表示经过了一段含有上帝特殊旨意ê时间了后。上帝派先知以西结「做以色列国ê守望者」，这是心灵ê守望者，替上帝看守他ê子民，kā上帝ê话语传达hō͘被拣选ê子民，hō͘ in时刻注意是m̄是有违背上帝ê旨意（参考耶利米书六：17），先知哈巴谷mā是án-ne（参考哈巴谷书二：1）。
第18到19节，chit两节是相对句型，thang参考以西结书第三十三章1到9节。
「邪恶ê人」chit-ê词tī圣经内面通常是teh指弃sak上帝而拜偶像为神ê人，特别是teh指上帝子民去做chit种事，是上帝所无法度容忍ê事。上帝beh先知以西结去劝勉in「改邪归正」，悔改归向上帝。如果先知以西结确实是传讲，án-ne伊确实是尽到守望者之责任者，bē受tio̍h上帝ê惩罚。M̄-koh若以色列人民不听从上帝ê话，「iáu-koh作恶」，in就beh「因家己ê罪」受罚「死亡」。
第20到21节，chit两节mā是相对句型。
Chia所谓「好人」，意思是teh指有照上帝ê话去行ê人，若是「开始作恶」，chit种人必定会「tú-tio̍h危险」，被诱惑而失迷性命ê方向。先知以西结tio̍h亲像一个守望者仝款，去警告伊，若无，「伊一定会死」。Á上帝mā「不记念伊做过ê好事」若是守望者无去警告，上帝beh向伊「追究责任」。因为伊ê疏忽á是怠慢应该尽ê责任。相对ê，若是守望者确实做到à伊该做ê事，「警告」chiah-ê原本是「好人」ê人，hō͘ in因为「接受」听tio̍h ê「警告」而知影悔改「无koh犯罪」，án-ne，这「好人」kah守望者lóng会「活teh」，ē-tàng「bē死」。
第22到24节，chia讲上帝「能力大大地充满」tī先知以西结身上，然后伊听tio̍h上帝beh伊到「山谷」去，tī hia会听tio̍h上帝ê声音。结果伊看见ê是kah chìn前tī「迦巴鲁河边」ê提勒亚笔（参考第15节）仝款，lóng是「看tio̍h上主ê荣耀」，这荣耀hō͘先知以西结只有「坦覆 (thán-phak）tī土脚」，m̄敢看tio̍h上帝ê面。Chit pái上帝beh先知以西结kā「家己关tī厝宅里」，这是继第三章2到3节记载上帝beh伊食下一书卷了后ê第二个奇特动作。
第25到26节，当先知以西结kā家己关tī厝宅里ê时chūn，上帝讲「人tio̍h用索á」kā伊「捆起来」，而这除了先知以西结外，并无其他ê人tī chia。Chit时上帝ē-sái先知以西结「变成哑口」，无法度去「警告chiah-ê叛逆ê人民」，án-ne in就无法度听tio̍h上帝ê信息。
Kā chit两节合并来看，thang讲当先知以西结想beh传达上帝ê信息ê时，当时ê人kā伊禁锢起来，m̄准伊tī公共场合传扬上帝ê信息，m̄-nā án-ne，iáu限制伊只有ē-tàng tī厝内，ná亲像kā伊软禁仝款，m̄准伊kah外界ê人接触，án-ne，伊就ná同哑口一般，无法度传出任何信息。
第27节，「后来」，上帝koh一pái开启先知以西结ê口，hō͘伊「恢复」讲话ê能力，伊就会kā上帝ê信息传达出去。M̄-koh结果是「有ê肯听，有ê m̄肯听」
经文：以西结书 4:1-4:17 注释:
Tùi chit章开始直到第廿四章止，lóng是tī预言南国iáu大将会tú-tio̍h ê困境，直到灭亡，人民hông掳去巴比伦做奴隶ê情景。
以西结书ê特色之一，就是上帝beh先知以西结使用身躯ê动作传达上帝ê信息，ná亲像第二章8节到第三章3节，先知以西结用食下一本册来表说明传达上帝ê话，嘴唇确实会像食了甜蜜仝款地甜，ē-sái讲是食进腹肚了后ná亲像启示录第十章10节所讲ê，腹肚就真正感觉tio̍h苦。
现在第四章记载上帝beh先知以西结，kā家己围困tī画出来ê耶路撒冷城中，用来teh象徵hit-ê城被围困，而伊就teh代表以色列人民，然后，上帝beh先知用侧睡ê方式，表达他忿怒ê惩罚。
续落来第二个身躯语言，是用大麦、小麦、豆子等农作物，揉成面团做成饼，每工只有ē-tàng食一点点á，kah lim两杯水，而且tio̍h用人ê粪便做燃料烘chiah-ê饼来食，用chit种方式表达hiah-ê饼是无清气ê。
类似chit种身躯语言表达出ê意义，除非有专心注意看kah思考，若无，beh会明白，却m̄是容易ê事。
第1到3节，上帝beh先知以西结the̍h一块「砖á角khǹg tī」家己ê面前，然后Tī顶面画一座「teh代表耶路撒冷」ê城市，有真好ê围城景象出现，表示耶路撒冷被敌军围困tio̍h。然后ài先知以西结用铁片当做隔墙，hō͘伊kah hit-ê城之间隔开。Án-ne，先知以西结khiā tī墙外，面对tio̍h城墙内，表示hit-ê城被包围、攻击，用chit种方式来表明巴比伦帝国会围困耶路撒冷城。
注意chit句「你ài面对chit座城」，chit句话tī天主教《思高圣经学会版本》译成「朝ǹg城板起面孔」，而《吕振中教授版本》翻译做「kā你ê面khiā在无振动向(ǹg)它」，中文《和合本》用「你对面攻击chit-ê城」，chiah-ê用句lóng teh表明攻击者bē心存怜悯，却是会板起面孔怒目相视ê款，并且会严厉攻击ê意思。
第4到6节，这是第二个象徵性ê动作，上帝beh先知以西结用侧睡ê方式来表示痛苦，用索á捆缚来表示受掠、失去自由。
上帝beh先知以西结「ǹg倒pêng侧卧」，chia续落来讲是为tio̍h「以色列ê罪孽」，而tī第6节是讲「ǹg正pêng侧卧」，则「为犹大ê罪受苦」。换句话讲，kui个以色列民族lóng得罪上帝，上帝用chit种方式来表明他ê艰苦心。
Án-ne tio̍h「倒三百九十工」，然后koh讲「一工等于一年」，án-ne，这「三百九十工」就是整整390年ê时间。
对tī chit-ê时间有真chē种讲法，其中之一种看法是比较khah接近chit-ê时间ê，he就是tùi所罗门王死后王国分裂，这是大约tī主前930年，一直到主前538年以色列人民tùi巴比伦帝国被释放tńg去故乡，这是一个概略性ê时间。Á chit段时间iáu包括南国犹大ê「四十年」在内。因为南国犹大是tùi 586年灭亡，而kui个以色列民族回乡是tī巴比伦帝国被波斯帝国消灭开始，这是538年，波斯皇帝塞鲁士下令，释放境内所有以色列人民回乡。
无论是北国以色列，á是南国ê犹大，先知以西结lóng传出一个共同点，就是in lóng会因为罪ê缘故而受苦。Chit种罪，就是弃sak上帝，对上帝无忠实，chit点差不多就是kui个先知运动中ê主轴信息，为tio̍h是beh修正以色列人民偏离上帝旨意ê行为。M̄-koh先知ê信息往往hō͘人民拒绝，而带头做chit种弃sak上帝ê罪ê人，是君王、贵族kah有权势者，包括hiah-ê社会领袖、先知kah祭司等。
第7到8节，chit两节又koh是另外一种肢体语言动作。上帝beh先知以西结「挥拳」来表达上帝beh对耶路撒冷忿怒采取攻击ê方式。Chit句话mā是tī回应第1到3节所提起ê，攻击耶路撒冷ê事。上帝讲ài kā先知以西结「捆起来」，「直到围城ê日期满」，这是tī回应第4到6节所讲ê，先知以西结需要用「侧卧」ê方式，这就ná同被索á捆缚起来仝款无法度动弹。
第9到12节，现在上帝beh先知以西结用混合小麦kah大麦，以及一kóa杂粮「揉成面团，做成饼」，用来当做伊「侧卧」tī土脚ê「三百九十工所beh食ê食物」，而且规定「每工只thang食两百三十公克」，是「ta̍k工按定量食」，买天只有ē-tàng lim「两杯」ê水，koh khah严肃ê是「tī民众面前，用人粪做燃料烘chit种饼来食」。
以色列人民通常只食「小麦」制细麦粉做成ê饼，而「大麦」制成ê大麦饼，是用养饲家畜动物ê，chiah-ê「豆子、豌豆、粟米」等lóng是副食品。「粗麦」，这是hō͘动物ê食物，除非粮荒，若无，bē食用，koh khah无法度用来做做献祭ê礼物。M̄-koh现在是hō͘掠到异邦去做奴隶，主人kā chiah-ê养饲动物ê粟á kah hō͘人食ê麦á搅拌做伙制成饼，hō͘ chiah-ê受掠来ê以色列人民食，这teh暗示俘掳in ê人无kā in当「人」看，而且分配给in ê食物kah水lóng无够用，甚至是极尽所ē-tàng ê侮辱in。Ài in留落来家己ê粪便曝干当做燃料，表示看in远比动物iáu不如。另外有一种看法，认为是缺乏燃料之故，chiah需要用chit种方式。
第13节，「食律法所禁止ê无清气物件」，这是teh指利未记第十一章所记载ê规定，摩西律法有明确记载，toh一kóa食物是属tī洁净，toh一kóa是无清气ê。这说明被掠到他国做奴隶ê人民，已经无法度照家己ê风俗、宗教信仰过日子，只祈求ē-tàng生存落来。
第14节，先知以西结向上帝表示伊从来无「食自然死ê á是被野兽撕碎ê动物」，mā「无食过无清气ê食物」来「玷污」家己ê身躯，因为án-ne，上帝chit种命令hō͘伊非常为难。
第15节，上帝改变原先ê计画，允准先知以西结用「牛粪代替人粪做燃料」来烘饼。Chit种用牛粪、马粪等做燃料ê风俗，tī中东地带真普遍。
第16到17节，chit两节是tī回应第10到11节。
上帝讲他「beh hō͘耶路撒冷绝粮」，这是上帝对犹大人民ê严厉惩罚。耶利米哀歌有真chē诗歌，lóng teh描述当时耶路撒冷城粮荒确实非常严重（参考耶利米哀歌一：11、19、二：12、19、20、四：4、5、9、10、五：9、10）。上帝讲会致使chit种结果，lóng是因为以色列人「家己ê罪」所带来ê结果。其实chit种绝粮ê景况，m̄-nā发生tī耶路撒冷，北国以色列ê首都撒马利亚城mā有过chit种惨境（参考列王记下六：24—29）。
经文：以西结书 5:1-5:4 注释:
以西结书第四章ē-tàng清楚看tio̍h先知以西结用身躯语言，向犹大人民传达上帝ê信息。第五章继续chit种身躯语言，ài伊kā上帝hō͘犹大人民听ê信息表达出来。Chit种用身躯表达上帝信息ê方式，tī今á日大众传播发达ê时代mā真oh bat，何况是对圣经时代ê犹大人民，in koh khah无容易明白。
Chit章kah第四章仝款，m̄-koh chit章kan-taⁿ用短短4节篇幅，透过身躯语言来传达上帝信息，然后用khah长ê段落来解释上帝beh先知以西结讲ê话。
这四节是续接第四章所用ê身躯语言。Tī这短短四节经文中，上帝beh先知以西结用剃刀kā家己ê胡须、头毛剃掉，然后kā之各分做三分之一，续落来是用无仝ê方式处理chiah-ê胡须kah头毛，包括三分之一用火烧，三分之一用力跺掉，最后ê三分之一hō͘风吹掉，用chit三种无仝方式teh表示耶路撒冷ê犹大人民会遇tio̍h ê结果，意思是in会被火烧、刀刣、赶散（俘虏），koh khah惨ê是连这被赶散ê三分之一，到最后mā会hō͘上帝用「剑tui-jiok」in，这lóng teh表示kui个国家、民族会遇tio̍h严重性ê祸果。
第1节，「the̍h一把利剑当做剃刀」，若是对照以赛亚书第七章20节，上帝就bat用亚述帝国国王当做理发匠，伊beh剃掉以色列国ê胡须、头毛，kah拔尽身上ê每一条汗毛，表示是一种严厉ê惩罚、侮辱kah痛苦ê动作（参考撒母耳记下十：4—5）。Á蓄发、留胡须对犹大人民来讲，认为是一种神圣、誓约ê记号（参考民数记六：5—6a），摩西律法mā清楚规定，cha-po͘人ê胡须kah头壳顶周围ê头毛bē-tàng剃掉（参考利未记十九：27），特别是祭司koh khah是án-ne（参考利未记廿一：5）。只有tī悲伤ê时chūn，chiah会剃掉头毛kah胡须（参考以赛亚书十五：2、耶利米书四十八：37）。因为án-ne，当先知以西结听tio̍h上帝beh伊kā头毛kah胡须剃光ê时，就会感觉真好笑，左邻右舍á是街坊厝边，必定会认为伊精神不正常，会嘲（sau）笑、讥讽伊。
第2节，「城被围困ê日子」是teh指第四章4到5节所提起ê总共三百九十工，á是包含另外iáu koh khah koh加上去ê四十工。续落来继续解释第1节所提起ê ài kā剃落来ê「三分之一ê须发tī城内烧；the̍h另三分之一到城外，边行边剁碎；koh the̍h chhun落来ê三分之一掖tī空中hō͘风吹散」。这真清楚，「tī城内烧」是譬喻耶路撒冷城to̍h是会遇tio̍h ê结果（参考列王记下廿五：9，耶利米书三十九：8），chiah-ê人可能是iau饿到死，á是病死。Á hiah-ê逃离到城外ê人，m̄-nā无佳哉免得受难，却是被巴比伦ê军队tui-jiok，有ê贵族就tī城外被杀害，连国王mā是仝款tī城外被俘虏，另外有人tùi城内被掠到外面杀害（参考列王记下廿五：4—7、18—21）。
Chhun落来ê三分之一teh代表人民会受掠去，被卖到各地去做奴隶。Chiah-ê lóng是teh说明亡国ê日子kah境遇，是非常悲惨ê。
第3节，「留落来几根头毛，用你ê衣角包上」，chit句话真清楚teh说明tio̍h留落来一kóa在身上，mā thang看出其含意，表示虽然上帝tī极大ê忿怒中，m̄-koh á是带怜悯ê心，他会留落来一kóa当做「残存ê子民」，chiah-ê人mā是先知以赛亚、耶利米所讲ê「劫后余生」者（参考以赛亚书十：20、三十七：31—32，耶利米书廿三：3、三十一：2）。
第4节，chit节说明hiah-ê逃离chit pái巴比伦攻击、蹂躏耶路撒冷城ê犹大人民，并m̄是每一个人lóng会听从先知ê话，其中会有人认为只要逃到埃及去，就ē-tàng佳哉免得受难。M̄-koh先知以西结tī chia讲，若是不听从上帝ê话，就算逃到埃及去避难mā无用，因为上帝必定会追讨chiah-ê不听从他话语ê人。
经文：以西结书 5:5-5:17 注释:
Chit段讲出上帝beh惩罚耶路撒冷ê主要原因，就是chit-ê城ê居民带头做上帝看做邪恶ê事，chiah会引起上帝chiah-ni̍h大ê忿怒。
第5节，chia用「至koân ê上主」，chit-ê词是teh表示chit位创造ê上帝，是无法度用其它任何神明来比并ê。Chit位「至koân ê上主」teh过去bat kā以色列民族「放在世界ê中心，hō͘列国环绕它」，chit点特别是tī大卫王kah所罗门王时代thang看出来。
第6到7节，m̄-koh犹大人民，特别是历代君王、众领袖，并无珍惜上帝赏赐kā in赐福ê chit项恩典，竟然bē记得上帝颁布kā in赐福ê「诫命」、「律法」，而且是故意去「随从列国ê风俗习惯」，严重ê程度是「比列国koh khah邪恶，比邻国koh khah悖逆」，koh khah烧热衷（参考以西结书十六：47，列王记下廿一：9）。
第8节，chit句「至koân ê上主宣布」，表示上帝已经做出了判决，他tio̍h成做家己选民ê「对敌」者，tio̍h「在列国面前审判」以色列民族，这等于是beh公开侮辱犹大人民仝款，chit种公开侮辱siōng快ê方式，就是hō͘外国入侵以色列ê犹大国境，mā就是后来发生ê巴比伦帝国灭亡犹大仝款。
第9到10节，chit句上帝「所憎恨ê」事其实只有一点，就是弃sak上帝，去拜偶像神明，因为án-ne上帝决定严厉惩罚以色列民族，而chit种惩罚是「从来m̄-bat有」、「以后mā不koh án-ne」，这ē-sái讲是一pái空前绝后ê「惩罚」，ē-tàng想像会tio̍h，这是一pái犹大人民生kah死ê关键时刻。
Koh讲，chia讲出惩罚ê严重性是到à「父母tio̍h食kiáⁿ；kiáⁿ tio̍h食父母」，这ē-sái讲是人间siōng悲惨ê时刻kah景象，hō͘人听lóng会感觉毛骨悚然，而chit件事却tī主前587到586年间发生了，he是巴比伦帝国围困耶路撒冷城一年六个月期间，城内因为粮荒严重有ê景象（参考耶利米书十九：9，耶利米哀歌二：20、四：10）。就算无饿死ê人，上帝mā会「Kā侥幸残存之民mā lóng赶散到各地去」，in lóng kā受掠伊去为奴。
第11节，上帝指「家己永恒ê性命chiù-chōa」，chit种句型真清楚teh表示：真正上帝，是永恒ê。Á永恒ê上帝，m̄是用人ê手造出来ê，他是原本就已经存在ê，所有ê万物lóng是他创造ê（参考出埃及记三：14），相对ê，用人ê手所造出来ê一切，lóng是有限、目nih-á ê，只有tī上帝内面，chiah有永恒。「chiù-chōa」，这表示一定会成就ê事，绝对bē改变ê意思。上帝忿怒地控诉犹大人民做出「玷污我ê圣殿」ê事，意思是teh指kā崇拜虚假神明ê方式，引进耶路撒冷圣殿去做敬拜上帝。
Koh讲，chia ê「玷污圣殿」mā有一种可能，是teh指in tī圣殿内设置偶像神明，chit点tī以西结书第八章有koh khah详细描述。因为án-ne，上帝「一屑á都留情地歼灭」chit种亵渎、玷污他神圣ê所有景象。
第12节，重复叙述第2节所提ê。
第13节，chit节thang看出上帝确实到à忍无thang忍ê地步，因为án-ne，chiah会大怒来惩罚对他「不忠」ê犹大人民。
第14到15节，当上帝严厉惩罚犹大人民了后，邻国ê人民看tio̍h lóng会「嘲（sau）笑」in，甚至是「远避」in，看in ná亲像身上长了癞ko病ê病人一般，深惊受tio̍h感染。就ná同第12节所提起ê，有三分之一ê人会病死。
第16节，in会面临「iau饿ê痛苦」，因为城内断了粮食，而hit种痛苦就「kah-ná锐利ê箭刣灭」仝款，这kah父母一定tio̍h煮食家己ê婴á来充饥仝款，心内ê痛ná亲像被锐利ê箭射中一般。
第17节，chia ê「饥荒kah野兽」、「瘟疫、暴行，kah战争」等，lóng是上帝惩罚悖逆子民ê方式。
经文：以西结书 6:1-6:14 注释:
Chit章kah第七章两篇是先知以西结传出ê上帝信息，lóng是提起上帝beh采取实际行动来惩罚犹大人民。Á chit项惩罚ê主因，在tī犹大人民弃sak上帝，去拜偶像神明。
Tī chit两章中，起头lóng是用「上主向我讲话」（参考六：1、七：1），然后中间穿插了七pái「in就会明白（á是知影）我就是上主」chit句话（参考六：7、10、13、14、七：4、9、27），表示上帝án-ne讲，mā照所讲ê话实现à。
Tī以西结书中，chit句「in就会知影我就是上主」，mā ē-sái讲是主要ê中心思想，共计用了chē kah六十三pái，表明ê就是beh犹大人民清楚知影，甚么人chiah是永恒ê主上帝，真正万物之主。Kah犹大人民所烧热衷崇拜ê偶像神明，完全无相仝。
Tùi chit章thang清楚看tio̍h先知以西结严词谴责犹大人民，讲in处处lóng出现拜偶像神明ê证明，因为án-ne上帝beh严惩in。Á惩罚ê方式ná亲像先知耶利米所讲ê，包括战争、iau饿、瘟疫等三项。其实，这三项lóng kah战争有密切关系。M̄-koh上帝会留落来一kóa残存ê子民teh过流亡痛苦ê生活，chit时in chiah会醒悟过来，知影过去ê错误。
第1到3节，「上主向我讲话」，当先知tio̍h用chit句话当做踏话头ê时，伊一定tio̍h忠实，无个人ê想法á是念头tī其中，若无，就是传达假ê信息，ná会hō͘上帝严厉惩罚（参考耶利米书十四：14—15a，以西结书十三：1—3、8—9）。
上帝beh先知以西结「面向以色列群山传达」上帝ê信息。所谓「群山」，表示对象并无局限tī犹大国境内，却是包括已经亡国，m̄-koh被外族占领ê北部地区之内ê犹大人民，当然mā ē-tàng包括受掠以及四散tī外面国ê犹大人民，希望in lóng ē-tàng听见伊传达ê信息。因为án-ne，chia用「山脉、丘陵、山峡、山谷」来形容，而chiah-ê地方teh过去lóng是迦南地人民设置偶像祭坛siōng普遍ê所在。
上帝beh先知以西结去宣告chit种信息，就是他决定beh严厉用他ê「刀剑」彻底地「摧毁人民拜偶像ê所在」。
第4到7节，是续接第3节所提起ê上帝beh「用刀剑摧毁」，所以会有人「tī偶像面前被刣」，表示chiah-ê虚假ê神明并无会庇护人ê性命安全。而且是beh kā in ê「尸体分散」，并kā「骸骨散tī祭坛四周」，hō͘ chiah-ê祭拜偶像ê祭坛变成污秽之地。
Koh讲，chiah-ê被刣ê人中间，mā包括带领犹大人民去拜偶像神明ê祭司，lóng会hō͘刣死tī祭坛边，ná亲像约西亚王所做ê仝款（参考列王记下廿三：19—20）。
Chit句「以色列所有ê城镇lóng tio̍h被毁灭」，是teh指战争失败带来ê结果，mā是用来惩罚犹大人民ê一种方式（参考六：11）。因为敌人会一屑á都留情，「四界有人被刣」，可见战死ê人数相当chē。M̄-koh上帝á是会施恩、怜悯留落来「残存之民」，hō͘ in thang kā上帝对待犹大人民ê各种事迹传述hō͘下一代，hō͘后代kiáⁿ孙学习认bat，上帝chiah是永恒ê主宰。
第8到10节，thang参考第十二章16节。Chia讲上帝beh「容许一kóa人tī大屠杀中逃生」，这是先知文献中一再提起ê「劫后余生」，á是「残存ê子民」ê意思，这mā teh表示南国犹大ê灭亡，并m̄是无缘无故，mā m̄是上帝故意m̄-chhap外敌ê侵入打击in，却是有上帝「容许」，包括容许外族人来打击in，mā容许in中间有人残存落来做见证，这说明每件事ê发生，必定有上帝ê旨意在其中（参考十四：21—23）。Chiah-ê劫后余生ê hiah-ê人，lóng是tī苦难中chiah会记起是in弃sak上帝，去拜偶像，故意bē记得上帝ê恩典chiah会有chit种结果。Mā因为án-ne，in chiah会醒悟过来，原来上帝警告过in ê话「m̄是空话」。
第11节，现在上帝beh先知以西结「搓手，跺脚」，用chit种身躯语言来传达他ê信息，表示「哀哭」，这kah一般人用chit种动作来庆祝（参考廿五：6），有完全无仝ê意思。上帝是beh先知以西结用chit种动作来为in遭遇亡国ê苦难，表示in做「邪恶kah hō͘人憎恨ê事」，chiah会面临chit种凄惨ê结果。
第12节，提起上帝ê惩罚包括「战死、饿死、病死」这三项，tī第七章15节先知以西结koh一pái提起chit项警语。而且是无论远近，lóng lóng无佳哉免得ê意思。因为上帝beh「倒尽」他ê「大受气」，准备彻底毁灭ê意思。
第13节，kah第3节相对照；tī第3节提起「山脉、山峡、山谷」，chit节是讲「每一座大山、每一个山峰」、「tī每一棵绿树kah橡树下底」，意思是各地lóng有拜偶像神明ê祭坛。先知以西结讲上帝beh hō͘ chiah-ê过去祭拜偶像神明ê所在，lóng会成做犹大人民ê堆积尸体ê所在。
第14节，「伸手消灭」，意思指上帝出手打击，chit种语句一再出现tī以西结书中（参考十四：13、十六：27、三十五：3）。
「第伯拉伊城」，真有可能就是teh指常讲ê「利比拉城」（Riblah），若án-ne，则这是tī哈马ê所在，这是属tī叙利亚境内ê城镇（参考列王记下廿五：21）。通常mā被称做「哈马隘口」（参考民数记十三：21，约书亚记十三：5，列王记下十四：25）。
「南方ê旷野」，指ê是西奈旷野。
「tùi南方ê旷野一直到北方ê第伯拉伊城」，这整句话就是tī指上帝审判ê地点。先知以西结用chit种句话tī提醒犹大人民，m̄-thang bē记得，上帝是会审判ê，而且上帝出手惩罚绝对bē是轻ê。
经文：以西结书 7:1-7:14 注释:
续第六章谈起有关上帝kā重重地惩罚犹大人民，明明是就是beh kā in彻底毁灭仝款，tī chit章则清楚讲tio̍h，上帝ê惩罚teh beh来临。而且先知以西结传出ê信息中，真清楚提起外国人tio̍h入侵犹大人民ê国境，tio̍h掠夺in所有ê一切。
Chit章mā特别提起外族人ê入侵，m̄-nā进入in khiā起ê土地，连in看做神圣ê圣殿场所，mā因犹大人民玷污圣殿在先，现在连外族人mā teh beh进入践踏圣殿ê神圣。另外一则真重要ê信息：当上帝惩罚带来国难ê时，无论贫贱富贵lóng是仝款，bē有例外。Tī这一章中，一再出现ê词句是「终局到à」（参考第2节、3节、6节），chit句话也kah犹大人民过去一直认为耶路撒冷有上帝ê约柜，因为án-ne，固若金汤，bē被phah败。M̄-koh上帝若缩tńg来他庇护ê手，就算siōng坚固ê城墙mā是枉然。
先知以西结一再传出ê信息，就是上帝审判ê时刻真紧to̍h会来临，伊一再用ê词句就是「终局」、「真紧」、「ê时机成熟」等。 Koh讲，上帝ê惩罚lóng是有真实凭据，ná亲像他听见所多玛城kah蛾摩拉城ê问题，就亲自落来观察（参考创世记十八：20—21）。现在ê情况mā是仝款，上帝看见犹大人民处处歌颂、崇拜巴力神明ê声音，以及献祭ê热烈，他非常受气，因为án-ne，决定对犹大人民采取严厉ê惩罚。
第1到2节，tī第六章是用以色列ê大细山脉，现在则讲tio̍h犹大人民khiā起ê土地顶面，lóng会有上帝ê惩罚临到。这mā teh表示就算逃走到他国去，mā是仝款，上帝bē放过（参考耶利米书四十二：13—17），无论犹大人民逃到tó位，lóng是仝款，上帝一定追到hit-ê地方，hō͘犹大人民无所遁形。
第3到4节，「终局来到」，这「终局」一词kah「收割」是相关语，意思是teh指果子成熟ê时，就ài beh进行采收。现tī先知以西结传出上帝ê信息，指出犹大人民ê「终局」到à，mā等于teh表明上帝beh对犹大人民进行「收割」，mā就是chit节所指ê「审判」ê意思。Á农人tī采收成熟ê果子ê时，是bē留落来任何一粒成熟ê果子ê。Ná亲像chia所讲ê，上帝决定「不饶恕，mā不怜悯」犹大人民，因为in「做可恶ê事」，弃sak上帝，去拜偶像神明，只为tio̍h beh thàn取koh khah chē ê财富，iáu故意kā上帝赏赐in ê一切，lóng讲是巴力神明所赏赐ê，chit种态度等于teh亵渎上帝ê神圣kah赏赐ê恩典。
第5到7节，上帝讲犹大人民会「接二连三」地tú-tio̍h「灾难」。原因是in是「接二连三」地犯罪，一件接连一件地去做违背上帝旨意、做上帝看做讨厌ê事。Hit时in kā kan-taⁿ会看见「混乱」，in过去tī「山丘上ê祭坛」祭拜偶像神明ê欢乐，bē koh再出现。
第8到9节，「根据你所做ê事审判」、「照你所做hō͘人憎恨ê事惩罚」、「照你所做可恶ê事惩罚」等，连续两节lóng提起仝款ê句话，teh表示chit件事一定会发生。Á chiah-ê句话lóng teh表示上帝ê惩罚lóng是有根据ê，而且lóng确实查证过in恶质ê行为，一点lóng m̄冤枉in。这mā说明上帝是报应ê上帝，会照人所做ê行为来报应。
第10到11节，犹大人民过去「暴行横流，傲气冲天」，chiah-ê lóng是为in带来毁灭ê原因。Chia ê「暴行」一词mā ē-tàng指「棍子」。Á「傲气」mā表示「埋怨」ê意思。Chia tio̍h说明犹大人民骄傲ê态度，一再显明in ē-tàng无需要上帝。Á这骄傲ê活气已经冲上了天，表示上帝看kah非常清楚。因为án-ne，当上帝惩罚日子来临ê时，过去所有ê才能、财富、地位等lóng kā失去。
第12到14节，「ê时机成熟了」，表示上帝惩罚ê时间到à。
「买ê m̄免欢喜」，意思是teh指虽然用真低ê价钱买tio̍h真好ê货品，á是土地，chit时mā m̄免欢喜。因为灾难随时会来到，就算买到à，mā bē用得tio̍h。
「卖ê m̄免忧愁」，因为sàn-chhiah chiah需要典卖家产，而且被买方欺压到俗俗卖，chit时心内一定真oh过，kah-ná亏损真大ê款。M̄-koh先知以西结tī chia讲m̄免忧愁，因为「上帝ê大受气kā仝款地piàⁿ落tī每一个人身上」，án-ne，即使m̄卖，mā是仝款，kah买ê人lóng仝款，就算只卖到一点点á ê钱，mā bē有任何存留，原因是敌人真紧to̍h会来，而来了后，就会搜刮殆尽。
「无一个商人ē-tàng活到thàn tńg来伊所损失ê」，chit句话koh khah清楚表明无论累积jōa-chē财富都无用，ē-tàng存活落来已经真无简单，也tio̍h满足了。Á「邪恶ê人无法度存活」，这是kui本圣经ê教导，意思是teh指上帝一定会严厉惩罚chiah-ê弃sak他ê人。
「军号响了」，这是早期相战、进攻ê吹号声。「人人lóng装备好势」，表示知影敌人已经beh来进攻，m̄-koh却「无人出去相战」，原因是知影无法度取胜，甚至连开城门迎战ê心志lóng消失à。因为知影敌军确实真强壮、庞（pâng）大，声势压境。若án-ne，拥有财富mā是枉然，拥有体面、光彩mā派不上用场。
经文：以西结书 7:15-7:27 注释:
Chit段经文讲述当敌人来攻击ê时，发生tī耶路撒冷城内ê景象，是悲惨ê，因为in过去所膜拜、尊崇为神ê偶像神明，teh发生危机ê时，是连一点路用mā无。因为无任何力量ē-tàng抵抗上帝决定ê惩罚。Ná亲像头前经文一再提起ê「终局」来到仝款，上帝决定beh án-ne做，因为只有án-ne chiah hō͘犹大人民确实知影甚么人是真正神。
第15节，chit节koh一pái看tio̍h「战争」、「瘟疫饥荒」，chiah-ê lóng是上帝用来惩罚他ê子民ê方法。Tī第14节讲无人出去相战，后来逼得一定tio̍h phah开城门出去迎战ê时，mā是仝款，一点功用mā无，因为出门去相战ê人，lóng会「死tī刀下」，而城内ê人并无比较khah好字运，因为有瘟疫致使「病死」，因缺粮严重而活活「饿死」。
第16到20节，描述面临chit种重大灾祸来临ê时，hiah-ê人反应出来ê迹象，包括有ná亲像受tio̍h惊惶ê粉鸟；脚手lóng发软无力；穿麻衣为死去ê亲人哀伤；剃光头表示tú-tio̍h侮辱；原本看做贵重而且穷毕生之力teh追求ê金银财宝mā会弃sak扔tī街路任人去拾，因为拥有chiah-ê无法度解决iau饿，况而且chiah-ê金银珠宝是诱惑in弃sak上帝chiah致使taⁿ ê结果。先知以西结用chit种方式teh描述：当人弃sak上帝，去拜偶像神明ê时，过去拥有ê一切荣华富贵lóng会变成相对ê结果，就是一贫如洗，而且是见笑到极点。
第21到22节，上帝惩罚以色列子民ê方式，就是hō͘「外国人抢夺in」，洗劫in所有ê一切贵重物件，甚至上帝mā会允准chiah-ê敌人进入原本用来敬拜上帝ê神圣圣殿，因为tī敌人尚且无进入耶路撒冷前，上帝ê子民犹大人民，已经tī圣殿内置放偶像神明teh崇拜了，in已经比敌人koh khah早就侮辱了上帝ê神圣à。因为án-ne，hō͘敌人进入玷污圣殿，mā等于是teh玷污hiah-ê置khǹg tī圣殿中ê偶像神明。
第23到24节，上帝hō͘「siōng凶恶ê民族」（指巴比伦人ê强猛，kah暴力之重非常厉害）进入城内，进行残暴ê行为，连犹大人民看做「siōng强猛ê勇士」，（这是teh指过去专门teh欺负家己人民ê hiah-ê有权势ê人），见tio̍h chiah-ê外族人来入侵，mā会失去「勇气」，因为in kan-taⁿ会欺负家己弱小ê同胞，遇tio̍h强敌入侵是lóng无能力去抵抗。
第25节，「绝望ê时chūn到à」，这是kah头前所讲ê「终局」仝款ê意思。
「chhōe求和平」，表示想用金钱换取敌人撤军，已经无可能。Chia「和平」一词，表示「平安」ê意思。
第26节，提起「先知」、「祭司」、「长老」等，chiah-ê lóng是当时以色列民族ê社会菁英、领袖。In应该是维护社会安定kah导正社会秩序ê领导者，m̄-koh in并无án-ne，颠倒ê，ná亲像耶利米书第二章8节所提起ê，先知kah祭司lóng bē记得上帝，这就thang看出问题ê严重性。因为án-ne，「灾难接踵而来；pháiⁿ消息接连不断来传过来」，其实是一点mā不足为奇。
第27节，讲出上帝是报应ê神，以色列社会中强势者怎样欺负弱势者，上帝mā kā用in欺负人ê方式回报in。
经文：以西结书 8:1-8:6 注释:
Tùi第八章开始到第十章22节，这是先知以西结所看见ê第二异象。Tī chit段落中，先知以西结描述所看见ê异象，说明上帝ê荣耀已经无koh出现tī犹大人民看做siōng尊贵ê耶路撒冷圣殿中，因为犹大人民拜偶像神明ê行为大大地得罪了上帝。当上帝无koh出现tī耶路撒冷圣殿ê时，ná mā teh表示上帝已经远离耶路撒冷，这隐喻tio̍h hit-ê城会遇tio̍h极大ê灾难。Chit种观念mā是kui本圣经ê思想中心—有上帝同在，必定安稳；相对ê，无上帝同在ê所在，必定纷乱不安。
先知以西结ê异象siōng-kài特别ê所在，就是神魂出窍四界去旅行，这mā构成了以西结书ê特色。因为án-ne，tio̍h了解以西结书，就m̄是tùi文字面来看，而是beh看文字背后所beh表达ê信息。
Chit段经文讲述先知以西结hō͘上帝ê灵提起耶路撒冷圣殿北门ê入口所在，看见ê第一个景象，就是民众teh拜偶像ê情景。这表示上帝beh对耶路撒冷ê犹大人民进行惩罚，并m̄是无缘无故，却是有凭有据，先知以西结就是siōng好ê证人。因为伊亲目看tio̍h hiah-ê偶像神明存在tī耶路撒冷圣殿中。
第1节，讲出了确实ê日期就是「流亡ê第六年，六月初五日」，kā chit时间对照第一章2节ê「约雅斤王受掠后第五年」，约雅斤王是tī主前598年继任王位，m̄-koh chiah kan-taⁿ继位三个月，就因为巴比伦帝国围困耶路撒冷城而受掠（参考列王记下廿四：8—12）。因为án-ne，chit-ê时间应该是主前592年9月17日。
「tùi犹大流亡来ê众长老」，chit群长老应该是kah先知以西结仝款，lóng是hō͘掠到巴比伦ê迦巴鲁（参考一：3），in 做伙去拜访先知以西结。Tùi chia thang mā知影先知以西结已经lóng受民众kah众长老尊崇，确认伊是先知ê角色。Koh讲，这mā显示出in虽然被掠到巴比伦ê集中营区内，m̄-koh却ē-tàng自由行动。就tī chiah-ê长老来拜访ê时chūn，「至高上主ê能力忽然临到」先知以西结ê身上。
第2节，thang参考第一章4节、26到27节。
这是用拟人笔法来描述上主ê灵。这描述ê方式真特别，讲「一个kah-ná是人ê形像」出现tī先知以西结面前，而这「形像」呈现出来ê光亮ná亲像「火」、像「铜发光」一般。根据马太福音第廿八章2到3节ê描述，天使ê容貌ná亲像「sìh-nà」一般ê亮光。
第3节，chit-ê以人形像出现ê上帝ê灵，「伸出一只像手」，掠tio̍h先知以西结ê「头毛」，然后就kā伊带到「耶路撒冷」ê「圣殿北门内院ê进口处」。这表示先知以西结是kui个人被提起来。上帝ê灵kā伊带到耶路撒冷城圣殿ê北门；这是tùi圣殿外院通往内院ê门，而就tī「hia有一尊触怒上帝ê偶像」，这是此异象ê中心信息，thang看出上帝ê忿怒并m̄是无原因，就是犹大人民已经kā偶像立tī圣殿外院进入内院ê门口处，án-ne，任何tio̍h进入圣殿内院敬拜上帝ê民众lóng会看见这尊偶像，有ê甚至会先对偶像祭拜了后chiah进入内院敬拜上帝，这表示in变成看见甚么就拜甚么，已经bē记得上帝是独一ê，m̄准有任何其它神明kah他并列ê教导。
上帝hō͘先知以西结看见这景象，án-ne伊就ē-tàng举证说明上帝忿怒、惩罚ê原因。换句话讲，先知以西结传出ê信息是有凭据ê，并m̄是凭空捏造。
第4节，「我看见以色列上帝ê荣耀」，圣经中谈起「上帝ê荣耀」ê时，lóng teh表示上帝ê权能、奇妙ê作为。
第5节，特别tio̍h注意ê是chia讲「行廊进口ê祭坛边á有一尊触怒上帝ê偶像」，表示这偶像所在ê位置比第3节提起ê koh khah内面，是khǹg tī祭坛边á了，án-ne，犹大人民是beh献祭hō͘上帝neh，iáu是beh献祭hō͘亚舍拉？换句话讲，犹大人民tī敬拜上帝ê事顶面根本就搞无清楚。
Chit节讲先知以西结向圣殿北pêng ê门看，这门出去就是王宫所在地，君王tio̍h进入圣殿ê时，通常lóng会用chit-ê门，有时mā被称做「祭坛门」。Chia mā是宰杀tio̍h献祭ê羊羔ê所在（参考利未记一：11）。因为án-ne，mā是非常重要ê地点，只要有带cheng-seⁿ tio̍h献祭hō͘上帝ê民众，lóng会经过此门。M̄-koh就tī chit所在看tio̍h「一尊触怒上帝ê偶像」，这真正是非常严重，mā说明君王、祭司等lóng tī拜偶像à。
第6节，真清楚说明上帝决定远离耶路撒冷，m̄是他欢喜án-ne，却是犹大人民用真chē方式侮辱上帝，来「逼」上帝远离圣殿。
Chia用「jōa-ni̍h-á 可恶」、「比这koh khah 可恶」等句话，lóng teh表达犹大人民拜偶像神明ê热情，并bē输敬拜上帝。
经文：以西结书 8:7-8:13 注释:
这是先知以西结看见ê第二个景象，伊看见墙壁顶有一个大洞。Tùi chit-ê洞口往内底看，原来内面另外有一工地，m̄-koh看tio̍h ê却是一幕不堪入目的景象，有七十个以色列长老teh拜偶像，这是非常严重ê恶质行为。Á现在是一阵长老来访问先知以西结，这mā是伊会chiah-ni̍h一屑á都无细jī指出，就是因为in带头犯罪，因为án-ne，in beh为国家ê灭亡负起siōng大ê责任。
第7到8节，上帝hō͘先知以西结看见「墙壁顶ê一个洞」，这真可能是后来为tio̍h beh做bē看kháu得ê事，而加工打造ê，非常隐密，一般人看bē-tio̍h，m̄-koh上帝ê灵非常清楚，因为án-ne，带先知以西结看见这洞。然后上帝beh先知以西结继续kā chit-ê洞挖koh khah大ê「一个大洞」，结果发现内面「有一个门」。这就是一般所讲ê「密室」。
第9到10节，上帝beh先知以西结进入到内面去，发现「墙壁顶画满蛇kah其他无清气ê动物」，chia ê「蛇」，tī犹大人民ê文化观念中，就是teh指魔鬼、撒旦ê意思（参考启示录二十：2），mā「看māi in tī hia所做邪恶thang憎ê事」，原来chiah-ê祭司等众领袖lóng是bih tī he暗室中拜偶像，献祭hō͘偶像神明。
第11节，chia指出tī这暗室中竟然有chē kah「七十个以色列ê长老」，这表示差不多是所有以色列民族ê代表lóng到齐了，而in手中「lóng捧tio̍h一个香炉，香ê烟袅袅上升」，正teh进行祭祀礼仪。In一定想bē到上帝会进入暗室，掠tio̍h in犯罪ê事实。照利未记第七章21节，若是有人án-ne做，必定tio̍h kā in tùi犹大人民中hō͘「开除」，这「开除」有两种意思，其一是teh指kā chit人判处死刑，另外一是tùi社区中hō͘ in驱离出境。若án-ne，chiah-ê长老lóng该判处死刑。
Chia真清楚指出带头者是「沙番ê kiáⁿ雅撒尼亚」，chia有困难ê所在是：chit-ê人到底是甚么人？学者有无仝ê看法，至少有一点thang来确定，就是有代表性ê领导者。
第12节，是上帝对犹大人民，特别是chiah-ê众领袖—七十位长老—指控，讲in「tī充满偶像ê房间内膜拜」。Koh khah害ê是in iáu会讲：「上主看bē-tio̍h咱，伊弃sak了chit-ê所在。」chit种讲词tú好讲出人想beh做犯罪ê tāi-chì ê藉口。In已经bē记得上帝是无所不在、无所不知ê神，是全能ê神。
第13节，上帝真清楚指控chiah-ê众长老kah犹大人民所犯ê罪，是比现在in所做ê iáu「koh khah 可恶」，意思是in犯ê罪jú来jú严重。
经文：以西结书 8:14-8:18 注释:
Chit段经文koh khah详细描述出第13节所提起ê koh khah 可恶ê事之证明，并且讲出上帝ài beh进行ê审判。
第14节，地点仝款是tī「圣殿北门」ê所在。Tī he地方上帝hō͘先知以西结看见有一阵妇女tī hia「正teh为搭模斯神ê死而啼哭」；这「搭模斯神」是tī巴比伦地区香火非常兴盛ê植物之神，ná亲像撒迦利亚书第十二章11节所提起、迦南地人所崇拜ê「哈达・临门」之神仝款，lóng是属tī植物之神。Án-ne thang看出，犹大人民进入迦南地了后，mā tòe当地人拜chit种传说中ê植物之神。Chit种神死后会到地狱去当地狱之官，掌管地狱ê大门。因为án-ne，迦南人认为当tī春天祭拜，祭拜ê时tio̍h用「啼哭」ê方式，án-ne，春耕了后ê秋收就ē-sái栽种之农作物有好ê收成。通常chit-ê神明lóng是妇女tī膜拜，因为in相信若是春天膜拜这神明，秋天收成会koh khah好。In mā深信，若是崇拜此神，结婚ê妇女比较khah容易有娠生kiáⁿ，而未婚ê妇女容易被cha-po͘人欢喜。传说中，chit-ê搭模斯神mā管理爱情。
Chia会讲这神「死」了，mā有另外一个原因，就是因为饥荒、粮食严重欠收，大家认为是妇女拜ê无够，献祭siuⁿ少，chiah致使chit种干旱ê结果。Án-ne，啼哭ê声音就需要koh khah大声，献祭tio̍h koh khah丰富，chiah ē-tàng唤醒chit-ê神，hō͘其koh活。
第15节，第14节ê现象已经够严重ê了，m̄-koh tī chit节上帝koh hō͘先知以西结看见比这iáu「koh khah 可恶ê事」，这mā说明为甚么上帝会发生大受气，严厉惩罚犹大人民ê原因，是以色列ê众领袖真正是堕落到极点。
第16节，「圣殿ê内院」，chia只有祭司chiah ē-tàng入去ê所在，一般民众禁止进入，因为chia是祭司teh举行献祭ê地点，只有祭司阶级ê人chiah ē-tàng进入来chit-ê所在，koh kā它称做「祭司院」。M̄-koh tī chia却发现「约有二十五个人，背向内院」ê祭司，竟然tī「拜初升ê日头」，而且地点竟然是tī祭司院，这tú好证明了in是tī敬拜上帝ê地方，mā同时teh拜偶像神明，chit种行为其实就是teh亵渎上帝ê神圣。这就是tī回应第15节所讲ê，in做「koh khah 可恶ê事」。
第17节，上帝ê灵带领先知以西结去查看实际发生ê事，透过伊传达上帝ê信息，kā时间kah地点lóng指证出来，表示chiah-ê lóng是经过调查了后，查之有据，并无故意冤枉á是栽赃。因为án-ne，上帝会严厉惩罚犹大人民，是in罪有应得。因为in「做可恶ê事」。
上帝对犹大人民ê指控是in「以siōng无礼ê举动侮辱」上帝，chia所讲ê「siōng无礼ê举动」，意思是teh指in the̍h树枝指向上帝。这是当时巴勒斯坦地区一种崇拜神明ê方式，用树枝khǹg tī鼻á ê头前，然后唱歌跳舞跳跃tio̍h。M̄-koh犹太人kā「树枝」翻译做「恶臭」，意思是teh指kā真臭ê树枝带到圣殿ê祭坛所在，用chit种方式表示对上帝极大ê「侮辱」。
第18节，「激怒」上帝ê结果kan-taⁿ会带来上帝严惩，无可能得tio̍h上帝ê「饶恕」、「怜悯」。虽然in tī hō͘上帝严厉惩罚ê时会向祈求「饶恕」，m̄-koh上帝决定不接受。类似chit种信息mā出现tī其他先知作品中，讲上帝会拒绝犹大人民祈祷ê声音，连上帝ê仆人先知代替祈求，上帝mā会拒绝接受（参考以赛亚书一：15、五十八：3、4，耶利米书十四：12）。
经文：以西结书 9:1-9:11 注释:
Tùi chit章到第十一章等三章，lóng是谈起有关上帝怎样惩罚耶路撒冷kah犹大人民ê情景。这惩罚ê情景tú好说明先知信息中有关上帝惩罚ê过程：先是查证，并且证据确凿，续落来就宣判，然后执行。
Tī第八章就真清楚讲出耶路撒冷圣殿中充满tio̍h亵渎上帝神圣ê偶像，而且koh khah恶质ê，是祭司、长老，kah人民lóng tī拜chiah-ê置khǹg tī圣殿中ê偶像神明。Chit章就提起上帝决定beh用严厉ê惩罚对付in。
第1节，「我听见上帝大声hoah」，这是上帝beh hō͘先知以西结知影他teh beh进行ê审判kah执行判决ê动作。上帝对他ê天使，mā就是行刑者下令带「武器」来「惩罚chit-ê城市ê人」。
Chiah-ê行刑者mā ē-tàng被看做是hit-ê城ê守护天使。Chia虽然无清楚指出chiah-ê行刑者手上ê「武器」是甚么？m̄-koh这「武器」一词mā ē-tàng是kui个受造物，亲像草蜢、冰雹、瘟疫等等lóng是。无仝惩罚方式，就会有无仝ê「武器」，而tī chia，ē-tàng知影ê是chiah-ê使者手上ê武器，其实就是巴比伦ê军队。因为是巴比伦帝国ê军队，所以先知耶利米会用「大铁锤」来形容（参考耶利米书五十一：20）。
第2节，「六个人各带武器」，tī启示录第八章2节、6节ê记载，是有七位天使teh进行惩罚ê工作。有kóa翻译本用「七个人」，而有kóa翻译本用「六个人」。这是因为希伯来文ê介系词「Be」，ē-tàng译成「其中」，mā ē-tàng用「kah」、「以及」。若采用「后者」，则hit位「穿插麻纱衫裤ê」就是第七位。M̄-koh若是采用前者，则只有六个。
Chiah-ê上帝呼召来惩罚以色列ê使者tùi「圣殿外院ê北门行过来」，chia to̍h是犹大人民犯恶质之罪ê所在。Chit时有「一个穿插麻纱衫裤ê带笔墨」，这「笔墨」是判决ê工具，而且是带犯罪ê记录。In来「khiā tī铜祭坛边á」，这是设tī北门内院ê所在，是献祭hō͘上帝ê祭坛。铜ê祭坛，这是为tio̍h烧化祭ê路用。这是所罗门王时代所设置ê（参考列王记上八：64）。
第3到4节，「上帝ê荣耀离开ki-lō͘-pek」，这是teh指上帝ê能力无koh kah至圣所中ê约柜同在。「ki-lō͘-pek」是teh指约柜顶ê盖kòa。上帝kā hit位带笔墨、穿插麻纱衫裤ê使者讲，去「行遍全耶路撒冷」，若是看见「hiah-ê因城内所发生可恶ê是而苦恼悲叹ê人」，mā就是知影有chit种行为而心中感觉非常ê艰苦心，soah koh bē-tàng为力hō͘ in阻止而发出悲叹声音ê人，就beh「tī in额头做记号」，这「记号」表示ài kā chiah-ê人分别出来。这「记号」ê希伯来文是「tāw」，这字是希伯来文最后一个字母，表示上帝并无会惩罚忠实tī他ê子民，却是甚么人犯罪，甚么人就tio̍h为家己所犯ê罪死亡（参考十八：4b），先知耶利米mā持仝款ê讲法（参考耶利米书三十一：30）。
第5到6节，讲出上帝ê惩罚是bē有任何宽待，因为chiah-ê悖逆ê人民已经是沉沦到底à。因为án-ne，上帝下命令tio̍h chiah-ê行刑ê天使，kah tī chit位手the̍h笔墨ê天使后面，仝款是「行遍全城」，「屠杀」所有悖逆上帝ê人。除了「额头有记号ê人」以外，其余lóng m̄留。这是真严酷ê命令，而且是tùi「圣所下手」开始进行格刣令，结果是kā ná七十位「长老」（参考八：11）lóng刣死了，这表示犹大人民已经会失去领导者。
第7节，「Kā尸体堆满圣所ê庭园，弄lah-sap圣殿」，这mā是一种污秽圣殿ê方式。等于是上帝tī回应chiah-ê tī圣殿拜偶像ê人ê行为。
第8节，先知以西结讲当hiah-ê天使teh进行「大屠杀」ê时chūn，伊独自一人留tī圣殿中向上帝为犹大人民祈祷。类似chit种祈求koh一pái出现tī第十一章13节b句。伊祈祷ê内容，差不多kah亚伯拉罕当年为所多玛城kah蛾摩拉城ê代祷仝款，问上帝果真正beh kā「kan-taⁿ存ê人lóng灭尽mah」（参考创世记十八：23）？摩西mā bat为hiah-ê铸造金牛而且下拜ê人民代祷过，甚至愿意kā家己ê名hō͘上帝删除，来换取上帝ê怜悯kah赦免（参考出埃及记三十二：31—32）。
第9节，是上帝回应先知以西结ê代求，表示上帝拒绝，tùi他ê控诉thang看出来，他讲「以色列人kah犹大人罪恶滔天」，这表示犹大人民所犯ê罪，确实非常严重。Chiah-ê人ê行踏是「四界」行「凶刣事件」、「充满不义ê事」，已经会失去上帝拣选ê本意。因为上帝拣选ê子民，是beh行公义、伸张正义（参考创世记十八：19）。M̄-koh chiah-ê犹大人民心中已经无上帝ê话，á是kā上帝ê话当做垃圾、废话仝款。
第10节，上帝并无应允先知以西结ê代求，他照计画进行惩罚ê工作。Koh讲，上帝已经无koh听犹大人民ê啼哭之声，坚持ài beh进行他严厉惩罚ê计画，「不饶恕」mā「不怜悯」，上帝beh用in对待别人ê方式，「照样待in」。这说明上帝进行报应ê惩罚。
第11节，chit位执刑上帝命令ê「穿麻纱衫裤」天使tńg来，讲伊已经「遵照」上帝命令，而且是「完成任务了」。Chit句话表示主前586年，巴比伦消灭了犹大国，并且死亡ê人数不计其数。
经文：以西结书 10:1-10:22 注释:
Chit章thang对照第一章来看。主要teh记载有关耶路撒冷tī巴比伦军队进入城内ê时，bat放火烧毁耶路撒冷城kah圣殿、王宫，以及贵族ê厝（参考列王记下廿五：8—9）。Tio̍h注意ê是chit章所记载ê ki-lō͘-pek，就是第一章所记载ê四活物。
Koh讲，chit章koh一pái记录上帝ê荣耀离开耶路撒冷圣殿。M̄-koh有bē少圣经学者认为chit章是后来编者加上去ê资料。
第1节，thang参考第一章26节。
「ki-lō͘-pek头壳顶ê圆顶」，这是teh指至圣所ê顶面，chia讲有「蓝宝石造ê宝座」，kah第一章26节描述ê仝款。
第2到4节，第2节thang参考第一章13节。
上帝beh hit位「穿麻纱衫裤」ê使者，「tùi ki-lō͘-pek下底」用手「捧出火烧tio̍h ê炭」，然后kā这火烧ê炭「掖tī全城」，ē-tàng想像会tio̍h，主前586年，巴比伦军队进入城内，就是放火烧城，包括圣殿、王宫、贵族房舍全lóng烧，后来mā证实，hit-ê城经此大火一烧，就成了废墟。
Chit位使者照上帝ê命令进入圣殿，tī ki-lō͘-pek ê所在，伊看见「有云彩充满内院」，这表示tio̍h上帝iáu tī hia。Mā因为上帝临在，所以圣殿大放光芒。
第5节，参考第一章24节。
Chia讲「ki-lō͘-pek ê翼股」会发生真大ê声音，根据tī第一章24节ê记载，「ki-lō͘-pek ê翼股」发出ê声音ē-tàng大到像大海tī澎湃，mā像大军tī喊hoah，koh khah sêng全能者ê声音。
第6到7节，对照第2节来看。Chit位ki-lō͘-pek照上帝指示ê话去做。Á可能是siōng靠近chit位穿麻纱衫裤之使者ê ki-lō͘-pek，「伸手」到「火堆中」the̍h火炭hō͘ chit位使者，thang hō͘伊去执刑上帝hō͘ in ê命令。
第8到13节，tùi第8节开始到第17节ê经文，记载ê内容kah第一章15到19节差不多仝款。
注意chit段经文lóng是用「ki-lō͘-pek」，而tī第一章lóng是用四活物。Koh讲，chia讲ki-lō͘-pek ê全身，包括「身躯、背部、手、翼股，kah轮á lóng有目睭」，m̄-koh tī第一章只有轮kho͘-á上chiah有（参考一：18）。Chia án-ne描述，mā teh表示上帝对耶路撒冷犯罪ê情形，确实是看kah非常透彻。因为án-ne，定hit-ê城ê罪并无冤枉。
第14节，参考第一章10节。
Chia讲「每一个ki-lō͘-pek lóng有四张面」，tī第一章10节讲四个活物各有四张面。Chia讲「四张面」，有「牛ê面」、「人ê面」、「狮ê面」、「鹰ê面」等。Tī第一章10节是用前、后、左、右等四个面像来表示。Chia所讲ê「牛ê面」，tī希伯来文是teh指「ki-lō͘-pek ê面」。
第15到16节，先知以西结特别强调现在所看见ê，lóng kah伊tī迦巴鲁ê俘虏营区所看见者仝款。
Chia讲ki-lō͘-pek ài如何行动，chiah-ê轮á就跟tòe配合移动，真清楚，tī chia ê基路伯和第一章ê四活物是仝款ê。
第17节，「因为ki-lō͘-pek控制tio̍h轮á」，chit句话thang参考第一章20到21节。Ki-lō͘-pek ná亲像驾驶者，轮á就ná同交通工具。
第18节，chia讲「上主ê荣耀离开圣殿ê进口处」（参考九：3），重新「移到ki-lō͘-pek顶面」，这表示上帝已经完成审判ê工作，伊tio̍h离开过去一直陪伴tī犹大人民中间ê圣殿。他搭乘ki-lō͘-pek当交通工具。
第19节，真正重要ê，就是坐tī ki-lō͘-pek顶面ê上帝，现在已经来到圣殿ê大门口—东门，续落来tī第十一章23节讲上帝tùi chia到东边ê hit座山顶去。因为án-ne，chit节表示chit时ê上帝，已经准备ài离开耶路撒冷圣殿了，这表示他惩罚ê工作已经完成à。
「上主ê荣耀tī in顶面」，只要有上帝ê所在，就有他ê特殊光辉出现。先知以西结真可能以前tī圣殿出入ê时，无看过chit种景象。现在上帝ê灵带伊到圣殿chia来，mā同时hō͘伊看见上帝ê荣耀。
第20节，koh一pái确认所看见ê ki-lō͘-pek就是第一章所描述ê四活物。
第21到22节，参考第一章6节、8节、9节、12节、17节等等。Chia讲每一个ki-lō͘-pek「lóng是往前直行」原因是chiah-ê ki-lō͘-pek lóng有四个面，每一个面lóng往向前行，四个面，等于前后左右lóng thang行动，m̄免转身。
经文：以西结书 11:1-11:13 注释:
Chit章是继续谈起有关耶路撒冷ê事，tī chit章中谈起三件关系hit-ê城ê事，一是第1到13节，这是kah耶路撒冷城被毁灭ê原因有关，说明hit-ê城彻底毁灭是出tī上帝严厉惩罚ê结果。二是第14到21节，预言犹大人民kā重新聚集做伙，chiah-ê重回家园ê犹大人民，会得tio̍h上帝赏赐ê新性命。三是第22到25节，短短几节经文，讲上帝ê荣耀已经离开耶路撒冷城。Á先知以西结清楚表明伊确实有遵照上帝ê旨意，kā所看见信息传达出去。
Chit段经文是继续头前两章谈起有关上帝beh严厉惩罚耶路撒冷城ê事。
第1节，「上帝ê灵kā我提起」，chit句话说明先知以西结一直是hō͘上帝ê灵充满tio̍h。Án-ne，伊所看见ê lóng是出tī上帝ê旨意，是上帝beh hō͘伊亲目看tio̍h ê现象á是事物。现在上帝ê灵kā伊带到「圣殿ê东门」处，tī chia先知以西结「看见二十五个人」，in中间有两位是「雅撒尼亚」，kah另外一位「比拿雅ê kiáⁿ比拉提」，in两人可能「民间领袖」，因为án-ne，先知以西结认bat in。
第2到4节，chit两个领袖带头hō͘耶路撒冷ê犹大人民「tī城内图谋邪恶，诡计多端」，做上帝看做邪恶ê事。却iáu对人民讲「无久就beh重建家园」，上帝就是beh先知以西结指责chit种传达错误、虚假信息ê人，以及听信chit种错误信息ê人，beh hō͘ in lóng清楚知影这是错误ê信息，因为khǹg tī锅内ê肉一定走不掉、逃bē过，真紧to̍h会hō͘煮熟。
注意第3节对照第廿四章1到6节来看，就会知影「锅á」chit-ê词，thang用来譬喻耶路撒冷城。Chiah-ê社会领袖传出无正确ê信息，是认为耶路撒冷城墙真坚固，ná亲像锅á一般，thang庇护锅内ê肉。其实，锅á外面已经ná亲像ki-lō͘-pek the̍h火烧ê炭掖tī城内ê每一个角落，tú-teh火烧tio̍h（参考十：2、7），真紧to̍h会熟à。
第5到6节，「Lín嘴所讲、心所想ê，我lóng知影」，这是上帝ê全能。他是无所不知ê上帝，mā是鉴察人心内意念ê上帝。这mā说明，人tī暗中所计画图谋邪恶ê事，iáu未进行chìn前，上帝已经非常清楚à。特别是chiah-ê犹大人民ê领袖四界滥刣无辜ê，m̄是只有少数几件，却是「杀害chiah-ni̍h chē人」，而且是「街路lóng堆满尸体」hiah-nih-chē。M̄-koh chiah-ê是表面上kah-ná无人知影，ē-sái讲是上帝却非常清楚。
第7节，清楚记载先知以西结对耶路撒冷城内ê犹大人民讲，「锅内ê肉是hō͘ lín杀害ê人ê尸体」，却m̄是第3节chiah-ê犹大人民领袖家己所讲kā人民讲ê，thang受tio̍h「锅」一般有力ê庇护。
「bē-bái，chit座城就是锅」，chit句话是teh指耶路撒冷应该是真坚固ná亲像锅一般，thang经历火般ê烧、炖。M̄-koh这并无表示犹大人民tī内面就真安全，无，in á是仝款会ná亲像被hiat-ka̍k ê物件仝款，kā无好ê tùi锅á内拾出来，ná亲像垃圾一般被「hiat出城外」，表示ná亲像m̄-thang ê物件弃sak。因为上帝弃sak in à。
第8到12节，讲述上帝怎样对待耶路撒冷ê犹大人民。
上帝会用犹大人民siōng-kài担心ê「刀剑攻打」in。这「刀剑攻打」表示战争，而且是phah败仗，战死tī家己ê土地顶面。Á活落来ê人会被「交hō͘外国人」手中，成做他国ê俘掳，这ná亲像被判处「死刑」仝款。Koh khah惨ê，是无论in怎样逃，lóng逃不掉，因为这是上帝ê惩罚，原因是in「违背了」上帝ê命令。
第13节，并无说明为甚么「比拿雅ê kiáⁿ比拉提」会「忽然倒枪杀」，真可能kah伊带头犯罪ê事有密切关系。因为先知以西结正teh传述上帝beh毁灭、惩罚耶路撒冷ê犹大人民ê时，bat提起比拉提ê名kah事件（参考第1节），结果比拉提就因为án-ne来死。
当先知以西结看tio̍h比拉提忽然猝死在地，第一个反映就是赶紧向上帝祈求。伊问上帝kám讲「ài kā以色列kan-taⁿ存ê人lóng灭绝mah」，因为比拉提是社会领袖之一，若连伊lóng tī chit种lóng无心内准备之下而猝死，hō͘先知以西结ê感觉是：上帝ê惩罚是chiah-ni̍h紧，伊连tio̍h呼吁in悔改ê时间mā无。
经文：以西结书 11:14-11:25 注释:
Chit段经文大大无仝tī前段经文；Tī chit段经文中，对象是hiah-ê被掠到巴比伦去做奴隶ê犹大人民。而且chit段经文带hō͘ chiah-ê受掠ê犹大人民来讲，是极大ê安慰kah鼓励，因为上帝m̄-nā为in留落来了劫后余生ê子民，而且iáu beh kā in被敌人侵占ê土地归还kā in赐福。
第14到15节，提起耶路撒冷城内ê犹大人民，in teh谈论有关hiah-ê被掠到巴比伦去做奴隶ê同胞。
「离开上主ê圣所siuⁿ远了」，意思是teh指会失去上帝ê照顾，á是讲离开上帝去拜别ê神明ê意思（参考撒母耳记上廿六：19）。Á讲chit种话ê人，mā tú好显示家己对上帝ê认bat错误。因为上帝并m̄是khiā起tī人所建造ê建筑物内面，因为án-ne，远离耶路撒冷圣殿，并无表示一定弃sak上帝。Á是讲上帝会因为人远离圣殿这建筑物，就讲上帝离开in，这是错误ê观念。其实讲出chit种话ê人，tú好讲出了in心内ê意念kah不良ê动机，in认为hiah-ê被掠到巴比伦去ê同胞，就是hō͘上帝所惩罚ê，因为án-ne，in留落来ê土地、财产，就是上帝beh「赐hō͘」in chiah-ê无受掠ê人应得ê产业，这明显是一种贪婪ê念头。
第16节，「我iáu是beh kah in同齐tī流亡ê所在，当做in暂时ê圣所」，chit句话tú好回应了第15节所提起ê。上帝iáu是beh kah hiah-ê受掠ê犹大人民同在。即使in生活tī奴隶ê痛苦生活中，上帝mā tòe in同齐受苦。
「暂时ê圣所」，chit句话真可能就是成做后来形成「会堂」ê主要催化剂。有上帝ê话语，就有上帝同在。因为上帝就是用他ê话创造宇宙万物（参考约翰福音一：1—4）。人ê心中若有上帝ê话，就会遵守上帝ê教示，上帝必定会看顾chit种子民。
第17节，「领in离开我分散in去ê各国，kā in集合起来」，chit句话tú好说明上帝beh重新做以色列民族ê上帝，上帝放ta̍k in，mā tio̍h koh一pái带领in。Chit种信息一再出现tī先知ê文献中（参考以赛亚书四十三：5，耶利米书廿三：3、廿九：14、三十一：8、三十二：37）。
第18节，真重要，说明上帝对犹大人民唯一ê要求，就是犹大人民一定tio̍h对上帝忠实，就是kā所有其它偶像神明除掉，bē koh再重犯过去弃sak上帝ê愚戆行为，却是会专心一意ê敬拜上帝。
第19节，讲上帝beh重新改造他ê子民，hō͘ in有颗「新ê灵、新ê心」，chit种新ê灵kah心，是会服从上帝ê心。这mā是一种期待，希望犹大人民会真正悔改（参考十四：6、十八：30、三十六：25—27）。
第20节，「in beh做我ê子民，我beh做in ê上帝」，chit句是非常典型ê立约句型（参考出埃及记六：7，耶利米书廿四：7、三十一：33、三十二：38）。
第21节，讲出上帝会赦免、拯救ê对象，就是忠实tī他ê子民。若是执迷不悟ê子民，上帝iáu-koh bē改变他惩罚ê计画。
第22节，teh说明ki-lō͘-pek决定怎样行，in脚下ê轮á就跟tòe in转向、行动（参考十：15—17）。上帝就是坐tī这ki-lō͘-pek宝座ê顶面。
第23节，thang续接第十章19节，讲上帝ê荣耀离开圣殿ê东门后，就是「离开城，停tī城东边ê hit座山顶」，chit座山就是橄榄山（参考撒迦利亚十四：4）。
第24到25节，讲上帝ê「灵」kā先知以西结提起来，带伊tńg来到原来ê所在—迦巴鲁河边ê营区。先知以西结非常清楚，伊ê工作kah使命就是beh kā上帝指示伊ê「一切lóng kā流亡ê同胞讲à」，这是非常重要ê一件事，mā是先知是m̄是尽责ê重要分界线。忠实上帝ê先知，一定会kā所看见ê景象、听见ê信息lóng传达hō͘上帝指示ê对象。
经文：以西结书 12:1-12:16 注释:
第十二到十九章是一个新ê段落。Tī chit段落中，ná亲像头前所讨论过关系耶路撒冷城毁灭ê事，koh一pái提出来，为tio̍h是beh希望犹大人民会相信伊传达ê信息，这mā表示人民ê心是刚硬ê，根本就听bē落去先知以西结传讲kā in赐福ê信息。
头前提过先知以西结siōng特别ê所在，就是用身躯语言来表达上帝ê旨意。Chit段经文ná亲像头前第四到五章所扮演ê行动剧般，用这来说明耶路撒冷会遇tio̍h摧毁ê景象，伊用逃亡者通常lóng会带ê行囊来说明hit-ê城teh beh毁灭，人民会四界逃窜来说明。
第1到2节，上帝讲他所拣选ê子民竟然是「悖逆」他旨意ê子民，这「悖逆」一词是teh指心刚硬ê意思，á是故意违抗ê态度。
「in有目睭，却看bē-tio̍h，有耳á，却听无看tio̍h」，这mā是先知以赛亚tī kā伊谴责ná时代ê犹大人民所用ê词句（参考以赛亚书六：9—10）。先知耶利米mā bat用类似ê句话teh谴责犹大人民（参考耶利米书五：21）。耶稣mā bat用引用先知chiah-ê话语来提醒他ê门徒，m̄-thang陷入像先知时代ê犹大人民仝款（参考马太福音十三：13—15，马可福音四：12、八：18）。
第3到6节，是上帝beh先知以西结用另外一种身躯语言ê样式来传达信息。
上帝beh先知以西结「准备流亡ê时所需要ê包袱」，这是teh指亡国后逃亡、流浪各地ê时，tī路上需要ê物件。然后「天乌以前」就tī「大家金金teh看下离开」，表示犹大人民会hông掳去做奴隶。上帝beh先知以西结用chit种行动剧，希望ē-tàng唤醒犹大人民，有可能chiah-ê「悖逆ê人会注意tio̍h」先知以西结chit种行动。M̄-koh真正ê问题是：in并无一定看tio̍h就会明白。「需要用包袱」，mā是先知以西结亲身ê经历，伊真清楚需要带kóa甚么物件。然后上帝beh伊当tio̍h犹大人民面前tī厝内ê「墙上挖一个洞」，续落来是tī众人「目睭前kā包袱背tī肩头，蒙着（tio̍k）眼睛行出去」。Chit种tī墙壁顶挖洞ê动作，tú好象徵着有如小偷the̍h贼利用暗时看bē-tio̍h ê时刻，á是无人想像会tio̍h ê时chūn，á是tī lóng无防卫能力ê时chūn，忽然ná亲像窃贼一般进入厝内，窃行所有ê物件。
Chit段经文mā可能是teh暗示主前586耶路撒冷城被巴比伦军队攻入ê时刻，犹大末代国王西底家kah随从跟tòe逃离出城，后来被发现掠ê景况（参考列王记下廿五：4—7，耶利米书三十九：4—7）。
第7节，等于是kā头前所提起ê，做一个总结，表示先知以西结确实是遵照上帝hō͘伊ê指示去做。
第8到9节，「第二工早起」，这说明前一工ê动作，先知以西结lóng是遵照上帝ê指示去做，然后有人看tio̍h会问先知以西结，m̄-koh并m̄是伊ē-tàng家己解释，因为这是照上帝ê话做，就beh照上帝hō͘伊ê启示去解释其意。
第10节，「针对tī耶路撒冷统治ê领袖kah居民讲ê」，这表示上帝是beh对所有耶路撒冷城ê人民，m̄-nā是领导阶层，包括一般人在内讲chit-ê信息。Chia ê「居民」一词，mā thang表示身边幕僚大臣，是teh指国王身边ê幕僚人员。这koh khah清楚表示：一个领袖身边ê幕僚，tio̍h kah领导者仝款负担仝款ê罪责。因为in是thang讲谏言、扶正国王偏差ê行为，hō͘领袖所做ê决定、策略，是正确ê。
第11到14节，是上帝beh先知以西结kā犹大领袖kah人民讲ê话。
「动作是一种预兆」，而这预兆表示犹大人民会「沦落做难民，做俘虏」，虽然有领袖人物想beh逃亡，m̄-koh in ná亲像蒙着（tio̍k）眼睛ê人仝款，m̄知该往tó位去chiah安全。上帝拣选巴比伦王当罗网，而这罗网就是为tio̍h beh捕掠犹大人民领袖而织成ê，然后kā in「带到巴比伦」chit句话，回应了第12节所讲ê「看bē-tio̍h beh去ê所在」，而且是「iáu无看见hit-ê城就beh死」，chit句话mā讲出了西底家王虽然是hō͘掠到巴比伦，却因为目睭被巴比伦王hō͘刨出来，失明而无法度看见ê意思（参考列王记下廿五：7）。而且「宫廷内所有ê人，包括顾问kah侍卫赶散到各国」，chit句话真清楚说明chiah-ê过去享受高官爵位ê人，taⁿ lóng会成做被优先惩罚ê对象，原因in lóng是过去参与策划á是推动弃sak上帝ê要角，á是扮演重要谋略ê人。而且无论chiah-ê人怎样逃，都无用，因为「人会四界追捕in，刣灭in」，这真清楚teh说明上帝ê忿怒，除了是上帝所beh留落来ê残存对象外，其余lóng无法度闪过上帝ê惩罚。
第13节tī第十七章20节、第三十二章3节koh一pái提起。表示chit款tāi-chì一定会实现。
第15到16节，chit句「in就知影我是上主」tī第20节lóng koh一pái出现，mā是先知以西结一再使用ê句话，表示犹大人民经历过án-ne残酷ê性命境遇了后，chiah会醒悟过来，chit时chūn chiah体会出真正上帝是甚么人，m̄-koh为ê时已晚，因为chit时in已经沦落为他国ê奴隶了。Tī这大灾难中，上帝á是留落来一阵「残存ê人」á是劫后余生chit种信息，说明上帝tī非常忿怒ê中间，mā存怜悯ê心，hō͘ hiah-ê忠心tī上帝ê子民thang保存性命。Á chia mā koh一pái提起上帝惩罚ê方式，是用「战乱、iau饿、瘟疫」这三项。M̄-koh上帝决定beh保存ê chit群劫后余生ê kiáⁿ民，会避开chiah-ê灾难，为tio̍h是beh hō͘ chiah-ê人当见证者，tī「流亡ê各国讲述家己以前所做ê是jōa-ni̍h-á 可恶，并且tio̍h承认」耶和华上帝chiah是真正神。
经文：以西结书 12:17-12:28 注释:
这是chit章第二个行动剧，上帝beh先知以西结用战栗、pi̍h-pi̍h-chhoah、焦急等方式，来表示犹大人民teh beh tú-tio̍h大灾难，hō͘ in pi̍h-pi̍h-chhoah、战栗、焦急到m̄知如何是好。
Chit段经文ē-sái讲是先知以西结tī提醒犹大人民，一定会听上帝忠实仆人ê声音，m̄-thang koh再听从hiah-ê虚假ê先知所讲ê信息。因为上帝就teh要实现他所吩咐hō͘先知以西结所传达ê信息。
第17到20节，一再提起犹大kah耶路撒冷ê人民会「战栗」无停，这「战栗」一词mā thang做「地动」解释，表示会大大惊惶无停，就算无hông掳去做奴隶，mā kā看见家己khiā起ê城镇ná亲像废墟一般而胆战心惊到讲不出话来。
「人口稠密ê城镇会hō͘摧毁，庄头变成旷野」，类似chit种警语tī第六章14节、第十五章8节、第三十三章28节等等处经文lóng有出现。
第21到23节，「光阴飞逝，异象渺茫」，chit-ê句流传tī犹大人民中间ê俗语，mā是in用来讽刺先知所讲ê话。原因是先知lóng会提醒犹大人民讲，若m̄赶紧悔改，一定会遇tio̍h灭亡。Ē-sái讲是因为听tio̍h先知chiah-ê信息了后，有ê是过了kúi-nā年，á是无经历到上帝beh摧毁犹大人民ê事件，就án-ne渐渐出现chit句流行tī以色列民间ê话，意思是teh指时间过去à，á是无出现先知所预言hit-ê惩罚ê日子来临。现在上帝kā先知以西结讲，犹大人民为甚么会流传tio̍h chit句「光阴飞逝，异象渺茫」ê话，是teh指in认为根本就m̄相信众先知所传达ê信息。当然，chit句话ê另外一面，表示犹大人民比较khah欢喜听hiah-ê假先知所讲ê话，因为假先知所传讲ê lóng是in认为khah好听，mā是in想beh听ê，m̄-koh hiah-ê信息却是虚假ê。
M̄-koh现在上帝beh终结chit句流行tī以色列民间ê俗语，hō͘「以色列中无koh流传chit句话」，m̄-nā án-ne，上帝kā先知以西结讲beh kā chit句话改成：「ê时机成熟了，上帝ê国teh beh实现ā！」
第24到25节，「koh再mā bē有假异象kah迷惑人ê预言」，chit句话tú好显示出当时犹大人民中，一再出现假先知teh讲预言（参考十三：1—7、17）。上帝讲bē koh再有chit种现象出现，是因为上帝beh实践所讲ê话，mā证明他所拣选ê仆人传达ê信息lóng是真实、可靠，并且chiah-ê信息「一定」会tī in「活teh ê时chūn执行」出来，「无koh耽误」，chit点对真先知来讲是siōng大ê安慰。
第26到28节，tùi chit三节thang看出犹大人民并无感受tio̍h国家被灭亡ê危急，in认为先知以西结即使所讲ê lóng是真正，he mā是「指遥远ê将来」，这表示in根本就不在乎先知呼吁in赶紧悔改ê信息，m̄-koh上帝表示chit件事「bē koh再耽误」，上帝ê话「一定实现」。
经文：以西结书 13:1-13:17 注释:
Chit章谈起有关假先知嚣张ê情景，先知以西结讲chit种人危害犹大人民非常大，因为in lóng是乱使用上帝ê名传达虚假ê信息。Chiah-ê假先知中m̄-nā有男ê，mā有女ê假先知。换句话讲，tī主前第六世纪时代，犹大国真正是假先知四界猖獗，án-ne chiah是真正致使犹大国灭亡ê另外一个重要因素。因为假先知传出来ê信息会误导民众偏离上帝ê道jú来jú远。
Chit段经文是谈起假先知所带来ê问题，m̄-nā无帮助犹大人民免tī灾难临身，koh khah严重ê，是带来koh khah悲惨ê结局。Chiah-ê假先知主要问题在tī in是kā家己ê意念、想法，当做是上帝ê启示。Koh讲，in是想用家己所讲ê，来「逼」上帝应验，因为án-ne，上帝绝对bē赦免、不原谅chiah-ê假先知，一定会严厉惩罚in。
第1到2节，假先知siōng the̍h手ê方法，就是「家己编造预言」，m̄-koh真先知kan-taⁿ会传达上帝ê ài in讲ê话（参考列王记上廿二：14），m̄是为tio̍h beh讨人欢喜。
第3节，「愚戆ê先知有灾祸à」，chia ê「愚戆」一词tú好kah「智慧」相对。「愚戆」是teh表示对上帝ê认bat完全无知ê意思，而「智慧」则是teh指认bat上帝（参考箴言一：7、九：10）。Chit句话已经真清楚指出对上帝m̄-bat ê假先知，就无可能会讲出上帝ê信息来指引人行正确ê道路。因为án-ne「in ê灵感是家己幻想ê；in ê异象家己编造ê」。
「灵感」、「异象」，这lóng是上帝对先知启示ê方式（参考民数记十二：6）。假先知敢做chit种事，tú好显示in ê心中根本m̄相信有上帝（参考诗篇十四：1—3）。
第4到7节，chit段话讲出假先知ê几个特色：
一是「跟tòe tī废墟内出入ê狐狸仝款无用」。圣经作者用「狐狸」来表示kan-taⁿ会破坏、践踏，一无好处（参考雅歌二：15）。Mā被用来形容是kah蛇仝款ê「奸巧」之动物。Koh讲，chia ê「狐狸」一词，mā有ê翻译本用「野狗」，in通常会集体出入，mā tī废墟中chhōe腐尸ê肉食（参考耶利米哀歌五：18）。
二是kan-taⁿ会bih起来tī废墟中四界游荡，chhōe机会图己私利。当发现「城墙ê缺口」出现ê时，bē想beh去「修补」，看见「倒落来ê低围墙」mā bē想beh去「修建」。Chia所讲「城墙ê缺口」、「倒落来ê低围墙」，lóng是teh指一个国家、社会发生了问题ê意思。
因为án-ne，「当上主ê日子来临、战事发生ê时chūn」，犹大人民只有ē-tàng眼睁睁地看tio̍h因为听从假先知ê话为家己带来ê灾难，无能力保卫家己免受灾害。因为上帝讲他「并无差派in」，in就无法度kā犹大人民讲怎样chiah ē-tàng避过灾难。
第8到9节，上帝讲beh「对敌」chiah-ê假先知。「对敌」一词，thang参考以西结书第五章8节，表示上帝kā kah chiah-ê人成做仇敌，会进行审判惩罚in。Chia mā讲出上帝beh án-ne惩罚假先知：
一是「bē-tàng参加我子民ê聚会」，表示上帝kā远离in，án-ne，in永远听bē-tio̍h上帝怜悯ê消息。Koh讲，chit句话mā表示tī敬拜上帝ê聚会场合，m̄准chit种会乱使用上帝ê人进入，beh kā chit种人当做是外族人仝款。
二是「in ê名bē-tàng登记tī以色列家ê名册上」，这意思是beh tùi族谱中kā chiah-ê人ê名hō͘删除。表示tī in ê族群中，已经无chit种人，因为是见笑ê记号。
三是「绝无法度tńg来到以色列故土」，表示in无法度成做「残存ê人民」、「劫后余生」ê子民。换句话讲，重建家园ê荣誉in无份。因为in就是残害犹大人民受难，而且是逼kah犹大人民远离上帝ê祸首。
以上三项惩罚表示kā in完全排除tī犹大人民中间，上帝ê选民m̄准有chit种人tī内面。
第10到12节，koh一pái举出假先知ê特色：
一是「哄骗」，意思讲白贼，讲不诚实ê话。
二是「讲：『平安！』，其实并无平安」，thang参考第16节，表示chit-ê信息是假ê，m̄是tùi上帝来ê信息（参考耶利米书六：13—14、八：10b—11）。
三是「用石头堆砌ê墙，先知刷上白灰」，这是一种譬喻，mā就是无真实打造起来ê墙，外面用iáu未浸过ê「白灰」涂抹tī墙面上，hō͘外表看起来亮丽，内面却是lóng无连结稳固ê气力，chit种墙真紧to̍h会倒落来。因为是假ê，当事件来临ê时，chiah-ê假墙真紧to̍h会倒落来，看见ê人就会问讲：「Lín粉刷墙有甚么路用？」是嘲（sau）笑ê意思。
第13到14节，koh一pái重复叙述第10到12节ê经文所譬喻不真实ê砌墙工程。Á其结果是倒落来ê墙会「压死」chiah-ê听从假先知话语，kah讲假信息ê众先知。。
「Lín就知影我是上主」chit句话，chit句话tī本章中一再重复出现tī第21节、第23节。Tī以西结书中共计出现有chē kah 52次ê chē，作者用这句来表示犹大人民lóng是tī受tio̍h严厉惩罚而带来苦难了后，chiah会醒悟过来。
第15到16节，thang看出上帝是会受气ê，虽然他是怜悯慈悲，不轻易受气，m̄-koh对hiah-ê专门teh假冒他ê名，传不实信息ê假先知，上帝一定会「倾倒」他ê「大受气」，用以严厉惩罚chit种人。Chit种「大受气」就是第9节所提起ê三项。
只要是假先知，无论in讲jōa-chē「平安」，都无用，m̄-nā无平安，反却是带来灭亡。
经文：以西结书 13:18-13:23 注释:
Chit段经文是针对犹大人民中间ê女假先知所讲责备ê话。Tī以色列ê历史中，有出现过女先知，亲像摩西ê阿姊美莉安（参考出埃及记十五：20）；士师时代ê底波拉 mā是（参考士师记四：4）；tī约西亚王时代mā出现户勒大女先知（参考列王记下廿二：14）；tùi巴比伦回乡了后koh一pái出现ê女假先知挪亚底（参考尼希米记六：14）；而耶稣出世ê时耶路撒冷mā出现一位女先知名叫「安娜」（参考路加福音二：36）。M̄-koh只要是先知，意思lóng是teh指上帝ê仆人，lóng应该严格遵守传达上帝启示ê话，bē-tàng有虚假、捏造ê事发生。
Tī chit段经文mā指出chiah-ê女先知，ná亲像迦南地普遍ê占卜者、女巫、行法术ê妇女。以色列人民进入迦南地后深受影响，有人学自迦南人ê chit种巫术，mā扮演tio̍h先知ê角色（参考弥迦书三：11）。
第17节，「tī民间编造预言ê妇女」，表示是假ê，m̄是tùi上帝来启示ê。照申命记ê规定，无论是男是女，只要是假先知，lóng一定tio̍h处以死刑（参考申命记十三：5）。
第18到19节，「手腕上ê魔带，制头壳顶ê魔罩」，这是迦南地妇女ê风俗，讲chiah-ê物件thang做避邪ê路用。现在女ê假先知mā用chit种方式「当做一种符咒，thang hō͘ in ē-tàng操纵人ê性命」，这就是一种邪门奇术，为tio̍h是beh迷惑别人，á是用来控制别人ê行动，in是用chit种方法tī「左右」上帝「子民生死」，为tio̍h是beh「求家己ê利益」，这是一种诈骗ê行为，bē管伊人生á是死，只追求己利，甚至mā会「为tio̍h几kā大麦，几块饼」，就会传讲一大堆假话，chit种情形tī北国以色列mā发生过（参考弥迦书三：5）。
「无应该死ê，lín刣死；该死ê，lín hō͘ in活teh」，这是teh指假借上帝ê名，进行杀害无辜ê性命，这是上帝siōng痛恨ê行为。
「Lín向我ê子民讲白贼，in竟相信了lín」，这是一句非常反讽ê话，表示上帝ê子民竟然会相信chiah-ê透过占卜、算命、观兆等法术，却m̄相信一路tùi埃及带领in祖先行出来，pôaⁿ过生存非常困境ê旷野，进入流奶kah蜜ê迦南地，这mā是令上帝感觉非常艰苦心ê原因。
第20到21节，是上帝beh处置chiah-ê犹大人民，kah tī in中间ê女先知。
上帝beh「撕下hiah-ê魔带，解救被lín控制tio̍h ê人」，表示beh kā chiah-ê女先知所用来欺骗别人óa靠为生ê法术器物lóng拆毁，这是teh指chiah-ê法术会失去效力，无任何作用。Hō͘忠实tī上帝ê子民「永远bē koh受」chiah-ê假ê女先知「控制」。
第22到23节，是上帝说明前两节审判ê理由。Chia讲上帝beh hō͘「好人」恢复对上帝ê信心，知影确实有审判。并且beh结束chiah-ê假ê女先知所讲ê一切预言。
经文：以西结书 14:1-14:11 注释:
Chit章是谈起有关以色列人民ê长老来chhōe先知以西结，虽然chia并无说明in来chhōe先知以西结谈kóa甚么问题，m̄-koh tī第八章1节、第十二章1等处lóng有记载chiah-ê长老来chhōe伊，是想beh了解上帝ê旨意。先知以西结ê回答真清楚，若是以色列人民弃sak上帝，必定会带来灭亡。若是有人ē-tàng得tio̍h生存机会，是因为hiah-ê人对上帝忠实，得tio̍h上帝ê怜悯kah拯救，m̄-koh chiah-ê劫后余生ê人民，并bē-tàng救别人，只有ē-tàng救家己。Chit种观念tī第十八章有进一步ê阐述。
Koh讲，tī chit章经文中特别提起挪亚、达尼尔，kah约伯等三人，主要tī重新解释以色列人民久长以来流传落来ê观念：得救，并m̄是óa靠祖先ê庇荫，chit种观念需要纠正，chit点mā tī行洗礼约翰ê信息中传达出来（参考马太福音三：9）。Ē-tàng得tio̍h上帝拯救ê，唯一ê途径就是认罪悔改，无其他捷径（参考耶利米书十八：7—8），约拿书中mā提出chit种信仰认知。
Chit段经文是谈起上帝beh先知以西结回答chiah-ê来询问伊上帝旨意长老ê内容。先知以西结并无hō͘ in chiah-ê长老安慰á是鼓励ê话，却是koh一pái kā伊谴责in弃sak上帝，去拜偶像神明ê罪行，chiah会致使今á日沦落成做奴隶ê原因。先知以西结强调上帝ê话就是：只有认罪悔改，chiah是得tio̍h上帝怜悯、赦免ê唯一途径。
第1节，chia用「以色列人ê长老」chit位词，代表ê m̄-nā是南国ê长老，却是包含所有以色列人民ê意思。Chia所讲ê「长老」，其实就是全体以色列人民ê领袖，虽然in是tī受掠ê集中营区，á是非常有影响力ê意见领袖。
第2到3节，上帝beh先知以西结回答chiah-ê长老，讲chiah-ê带头ê长老iáu teh「迷恋」、「跟tòe」偶像ê行踏，因为án-ne，就算in想beh了解上帝ê旨意，上帝mā bē「回应in」。Chit种回应等于讲上帝无koh垂听in祈祷ê声音。
第4到5节，chit两节所讲ê「以色列人」是包括北国以色列kah南国犹大ê人民，mā是表示北国以色列会灭亡，以及现在南国面临ê灭亡问题，lóng是kah人民去拜偶像有关。上帝用chit种方式「亲自教示」in，上帝希望用chit种方式「赢tńg来」全体以色列人民对他ê「忠心」。
第6节，希伯来文所用ê「tńg来」，意思是teh指「转向、转离」，chiah-ê用词lóng是teh指「悔改」ê意思。上帝beh他ê子民ē-tàng「弃sak」现在拜ê「偶像」，mā就是hiah-ê hō͘上帝「憎恨ê物件。上帝所喜爱ê，就是他ê子民对他忠诚。
第7到8节，chia第7节thang参考第4节，而第8节thang参考第十三章9节。
Chia讲tio̍h上帝要求ê范围扩大到khiā起tī以色列人民「中间ê外侨」，原因是chiah-ê侨居tī in中间ê人，若是拜偶像，就会影响tio̍h in对上帝ê忠心。In既然「弃sak」上帝，soah koh想beh透过先知明白上帝ê旨意，这是侮辱上帝ê神圣。因为án-ne，上帝beh「亲自教示」、惩罚in，koh khah严厉ê是beh「开除」in，hō͘ in无koh是上帝ê子民。
第9到11节，chit段经文是假先知ê问题，in kan-taⁿ会讲虚假ê话来迷惑人民。Chia真清楚指出，会有假先知出现，是上帝允准假先知去迷惑他ê人民。因为以色列人民已经去拜偶像神明，koh想tùi先知得tio̍h上帝ê旨意。Á chiah-ê先知并无真实传达上帝ê信息，却是为tio̍h取悦人民讲假话，hiah-ê人虽然知影in是假先知，却附kah in所讲ê话。因为án-ne，上帝必定会追究听从假先知ê人民。上帝会án-ne做，是为tio̍h希望chiah-ê弃sak上帝ê子民kah众先知，会知影回转过来，而知影走chhōe上帝ê怜悯、赦免，然后「无koh犯罪而污辱家己」，án-ne，上帝会照所立ê约，承认以色列人民就是他ê子民，他beh做in ê上帝。这mā是先知以西结所强调ê，上帝会用惩罚来筛选忠实ê子民，koh一pái重新拣选。
经文：以西结书 14:12-14:23 注释:
Chit段经文真重要，讲出对上帝信仰ê忠诚，m̄是靠祖先累积ê成果做凭据，却是每一个人一定tio̍h为家己ê信仰态度kah行为向上帝负责。Tī chit段经文mā提起上帝所用ê惩罚是非常严重ê，chiah-ê惩罚包括战乱、饥荒、野兽，kah瘟疫等四种惊人ê灾难，作者希望用chit种警语hō͘大家醒悟过来，而会即时改邪归正，顺服上帝ê教导。
Koh讲，chit段经文mā提起圣经siōng常出现ê代祷功课，ná亲像亚伯拉罕为所多玛、蛾摩拉城ê罪恶代求仝款，希望慈悲ê上帝会赦免犯罪ê人民。Chit段经文mā提起三位tī传说中ê信仰模范生，包括有挪亚、达尼尔，kah约伯这三人，m̄-koh就算是有án-ne信仰楷模者tī，in mā只有ē-tàng救家己，却m̄是因为有in三人，上帝就赦免了所有弃sak上帝去做邪恶ê tāi-chì ê人。
第12到134节，对tī一再悖逆ê子民，上帝最后采取惩罚ê方式，就是用严重ê「饥荒」当做惩罚方式。当人kah cheng-seⁿ lóng面临iau饿ê性命威胁ê时，chiah会发现家己ê软弱、有限，而且in所拜ê偶像神明mā bē-tàng做甚么，kan-taⁿ会hō͘人放sak。
第14节，chit节kah第20节仝款。
Chit节提起「挪亚、达尼尔，kah约伯三个人」，这是古代真有名望ê人，是大家公认ê义人，in lóng有真好ê「义行」。Chia ê「达尼尔」，其希伯来文是「Dani’el」，中文《和合本》用「但以理」，为tio̍h kah圣经中ê「但以理」区别（希伯来文是「Daniyye’l」），所以《现代中文》译本用「达尼尔」chit-ê名字。不过圣经中只有tī chia出现「达尼尔」chit-ê名字，并无记载关系伊ê事迹。先知以西结想beh表达：chit三个人lóng是上帝眼中ê「义人」，m̄-koh就算有in ê代祷，上帝会垂听，in mā「只有ē-tàng救家己」，因为拯救ê恩典kah主权是tī上帝手中，并m̄是来自某一个人。无任何人ē-tàng救别人免tī上帝忿怒ê惩罚。
第15到16节，chia讲上帝会用「野兽」来惩罚悖逆ê子民。即使是有挪亚等「三个人tòa tī hia，in mā无法度救家己ê kiáⁿ；in只有ē-tàng救家己，而土地会变成荒野」，chit点真清楚teh警告已经被掠到巴比伦做奴隶ê以色列kah犹大人民，m̄-thang总是期待有祖先á是信仰伟人ê代求，he是无用ê，只有家己认罪悔改chiah是正途。
第17节，chit节提起「遭遇战乱，锐利ê刀剑」，chiah-ê lóng是teh指战争，表示上帝惩罚ê一种方式。Chia指出严重到「Kā人kah cheng-seⁿ lóng刣了了」，表示彻底毁灭ê意思。
第18节，chit节kah第14节、第16节、第20节等等仝款。
第19节，chit节提起另外一种惩罚，就是「瘟疫」，而且是非常厉害，因为teh传染病「猖獗」之下，死亡会降临hō͘「人kah cheng-seⁿ lóng刣了了」。
第20节，koh一pái重复第14节、第16节、第18节ê句话。
第21节，「战乱、饥荒、野兽，kah瘟疫」，chia讲此四种是「siōng惊人ê灾难」，意思是teh指超过人ê能力thang防止á是降低死亡。Chit节mā特别指出chit四种「惊人ê灾难」是beh降临到「耶路撒冷」，当做上帝惩罚hit-ê城人民ê恶质行为。
第22到23节，当大灾难来临ê时，若「有人佳哉免得，koh救出了伊ê kiáⁿ」，chia先知以西结特别提醒，m̄-thang认为chiah-ê逃出来ê人是khah好ê，á是照上帝ê话去遵行ê，不，只要「注意观察」，就会发现in是「jōa-ni̍h-á邪恶」、败坏，因为án-ne，tùi chiah-ê逃出来ê人ê身上kah行为，tú好thang来证明上帝会án-ne严厉惩罚耶路撒冷，并m̄是无端冤枉人，却是lóng「有理由」，而且chiah-ni̍h严厉ê惩罚是「应该ê」。Chiah-ê人只不过是目nih-á地存活落来。
经文：以西结书 15:1-15:8 注释:
Chit章真特别，是用葡萄树来做譬喻，说明无结出果子ê葡萄树，最后只有ē-tàng被当做柴火烧而已。因为án-ne，用无结出果子ê葡萄树来表明耶路撒冷，就算隐藏tī树林中，mā tio̍h被拣出来弃sak。
第1到2节，「葡萄树怎样ē-tàng kah别ê树相提并论」，表示葡萄树kah一般ê树无仝；一般ê树，通常lóng thang做建材，m̄-koh葡萄树却只有结果子ê功能而已。先知以西结传出上帝chit种信息，是带有质疑ê意思，主要teh说明以色列人民若是葡萄树，却无结出果子，án-ne它比其他ê树iáu不如。
第3到5节，chit节讲出无法度结出果子ê葡萄树，到底iáu有甚么用途？chia特别提起就算想用它来做成「挂物件ê木钉」mā bē-sái，「只有ē-tàng用来生火」，完全无其它ê功能，表示它是一无是处。
第6到7节，上帝beh惩罚他ê子民，就kah-ná「tùi树林内kā葡萄树拣出来烧仝款」，这就真清楚表示这葡萄树已经无甚么作用à，只有ē-tàng当做柴火烧而已。「即使in逃出一场火灾，有另外一场大火会kā in烧尽」，chit句话真清楚隐喻西底家王当时ê处境，hit时耶路撒冷城被攻陷，伊kah随从护卫lóng tùi城内逃了出来，m̄-koh伊却tī半途被耶路撒冷ê军队追上，巴比伦王tī伊面前刣死伊ê kiáⁿ，iáu kā伊ê目睭挖了出来，然后用铜链锁tiâu伊，kā伊带到巴比伦（参考列王记下廿五：1—7）。
第8节，chit节讲出上帝会án-ne惩罚他ê子民，是因为in对上帝「不忠」，去拜偶像神明，弃sak了上帝，ná亲像bó͘弃sak了家己ê丈夫一般。
经文：以西结书 16:1-16:14 注释:
Chit章ê经文是以西结书siōng ē-tàng凸显上帝kah以色列民族之间就ná同是夫妻关系。以色列民族自喻in kah上帝之间ê亲密关系，khah赢过任何其他民族，in认为上帝独爱in，因为in kah上帝立有性命之约。M̄-koh圣经作者，特别是先知ê文献中，则真清楚表明：如果以色列民族kah上帝之间ê关系ná亲像夫妻般亲密，án-ne就应该ná亲像夫妻般ê忠于对方，无法度弃sak。Ē-sái讲是in却m̄是亲像in家己所讲ê hit种谨守规矩，却是四界去拜偶像神明，ná亲像人尽thang夫ê淫妇一般。In拜了真chē偶像神明，hō͘上帝非常受气，而决定严厉惩罚in，chit种描述tùi先知何西阿ê文献中（参考何西阿书第一到三章）就thang清楚看出来。
Chit段经文有一个非常重要ê思想中心：以色列民族所有ê一切，tùi出世开始，直到落尾变成贵妇般ê富裕等等，lóng是tùi上帝来ê怜悯kah赏赐，in并m̄是原本就拥有。
第1到2节，上帝beh先知以西结去对受掠ê犹大人民讲，in siōng令上帝「憎恨」ê所在，就是去拜偶像神明，特别是耶路撒冷ê犹太人siōng严重。
第3到5节，chit段经文是tùi以色列民族tùi「出世」开始讲起。Chia开始讲「迦南是你ê故乡」，chit句话有两种意思，一是teh指kui个迦南地ê所在，tī以色列人民ê观念中，是一个低贱、无水准ê所在。二是teh指耶路撒冷城，原本是耶布斯人盘踞ê城，大卫执政时代，chiah占领hit-ê城而改名为耶路撒冷。
「老父是亚摩利人，老母是赫人」，chit两种人lóng是属tī迦南地ê原住民，chit句话原本ê意思是teh指耶路撒冷原本就m̄是属tī以色列人民ê城市，是属tī chiah-ê原住民khiā起ê所在，而chiah-ê原住民tī以色列人民ê眼中，lóng是属tī无清气ê人。先知以西结用án-ne词句譬喻tio̍h以色列民族一定tio̍h谦卑落来，m̄-thang总是kā家己看做非常圣洁。Kā此二句并列做伙，意思是teh指以色列人民出身并无纯洁，却是混杂ê族群。Chit对骄傲ê以色列人民来讲，是当头一记打击。
Chia mā讲出一个卑微家庭不时出现ê景象，婴á连该受ê保护都无，原因是无安定ê居所，不时tī漂流chhōe khiā起ê所在（参考申命记廿六：5），ná亲像现代用语所讲ê「街友」、「街童」，而chit句「无人替你剪脐带，洗身躯，用盐擦身，用布包起来」，意思是连产婆都无。产妇是家己用刀á是口咬断脐带，mā无基本ê清洁卫生，这lóng teh表示婴á出世就暴露tī真大ê风险中，死亡率非常高。Ná亲像别人m̄-thang「弃sak tī田野间」ê弃婴一般，随时会死去。
第6到7节，chit两节讲出了上帝对以色列民族ê疼惜。原本是可能因为「弃sak tī田野间」，随时会死去ê弃婴，因为上帝「看见」这卑微ê性命正tī死亡ê「血里蠕动」而且「kui身躯是血」，上帝「不忍」hō͘伊死去，因为án-ne，kā伊收留并且「栽培」上帝ná亲像作穑人tī「照顾田里ê花草」仝款，无微不至ê照顾，hō͘伊「渐渐长大，发育成做少女」，性命开始茁壮起来，发育得非常好，而且体材美丽动人。
Chia用「头毛秀长」一词来表示尊严kah能力（参考士师记十六：17）。Á chit句「犹原赤身露体」，表示以色列民族进入迦南地了后，并m̄是真齐全，虽然成熟ê条件lóng有够，m̄-koh iáu m̄是真稳定，不时会hō͘当地ê外族人来入侵，被剥夺了原有ê遮身ê物，这tú好讲出了士师时代ê混乱背景。
第8节，chit节进一步说明chit-ê弃婴成长kah非常美，已经长大「成熟」，mā「会谈情讲爱」。注意chit句「用外套遮盖你ê裸体」，这表示求婚ê一种动作，mā是teh表示愿意结婚chiah ē-tàng接受ê动作（参考路得记三：7b）。因为án-ne，tī chia上帝kah chit-ê tùi弃婴长大起来而且已经成熟cha-bó͘-gín-á「山盟海誓」，而且立婚约，这cha-bó͘-gín-á就成做上帝ê「bó͘」，这tú好说明以色列民族kah上帝之间ê特殊关系—夫妻。
第9到14节，chit段经文说明上帝怎样恩待chit位kah他立婚约ê bó͘以色列民族ê关系。
「用水洗掉你身上ê血迹」，thang对照第6节ê「tī血里蠕动」，表示除去这cha-bó͘-gín-á身上ê污秽，然后「用橄榄油擦你ê皮肤」，hō͘伊身上散发出香气，mā是高贵ê意思。然后装扮伊tú亲像一个准备出嫁ê新娘，chia ê打扮koh khah sêng国王beh娶ê王后（参考诗篇四十五：13—14）。Chiah-ê说明lóng teh表明以色列民族之所以被o-ló，全部lóng是上帝hō͘ in，并m̄是in原本有甚么。包括现在「美丽非凡」，而且「名气就传遍列国」，mā表示以色列民族kah伊族ê差别。
经文：以西结书 16:15-16:34 注释:
Tùi第15节开始，chit段经文真清楚指出以色列人民堕落，弃sak上帝ê罪行。先知以西结传出上帝ê信息，ná亲像先知何西阿ê信息仝款，是用上帝kah以色列民族之间ê「夫妻」关系来譬喻，指责以色列人民弃sak家己ê丈夫，去kah其他ê情人行淫，这表示in弃sak了上帝，去拜其它偶像神明。
第15到19节，chit节讲出以色列民族并无记念上帝对伊ê厚爱，mā bē珍惜上帝赏赐各种恩典。颠倒地，利用家己ê美貌kah名气「放荡纵情，来者不拒」，chit种行为kah妓女仝款。In kā家己美丽ê衫裤「装饰拜神明ê所在」，想beh吸引人去kah in行淫，in ê行为就kah庙妓仝款。Koh khah hō͘上帝伤心ê，in竟然the̍h上帝赏赐kā in赐福ê「金银珠宝铸造」偶像神明来拜，iáu kā上帝赏赐kā in赐福ê衫裤、「粮食」，而且是「上等面粉、橄榄油、蜂蜜」等贵重珍品当做祭物献hō͘ chiah-ê in ê手「铸造」出来ê「偶像」神明。这kah主前第八世纪ê先知何西阿所谴责当时北国以色列人民ê行踏完全仝款（参考何西阿书二：5、8）。
第20到21节，「你the̍h你kah我生ê kiáⁿ当牲祭献hō͘偶像」、「iáu刣死我ê kiáⁿ当牲祭献hō͘偶像」，chiah-ê句话lóng真清楚指出北国以色列kah南国犹大ê人民bat kā家己kiáⁿ献祭hō͘巴力等偶像神明，而且chit种行为又koh是tùi国王带头teh做（参考列王记下十六：3、十七：17、廿一：6）。Á chiah-ê行为lóng是上帝严厉禁止ê（参考申命记十八：10），mā是上帝看做siōng讨厌ê行为。
第22节，chit节thang对照第6节。
第23到26节，「你惨了！你受灾了！」chit种用词早tī先知何西阿ê时代就用teh警告北国以色列人民弃sak上帝（参考何西阿书七：13），现tī先知以西结用来谴责犹大ê以色列人民，讲in án-ne做，kan-taⁿ会带来灭亡而已。所谓「邪恶ê事」，Tī圣经作者认为就是去拜偶像。而且in拜偶像ê行为是处处可见，「街头巷尾」lóng有，淫乱ê严重，hō͘ in原本尊贵、高雅ê气质全部丧失殆尽，chiah-ê恶质ê行踏hō͘上帝非常受气。
第27到29节，chit三节lóng是进一步用来指责犹大国ê领导者，对上帝无信心，不听从先知ê劝告，而去勾结「埃及」（第26节）、「亚述」（第28节）、「巴比伦」（第29节）。这说明in kan-taⁿ想beh用用政治ê方法来取得国家安全保障。先知以赛亚就bat警告in讲，这是愚戆ê念头kah做法（参考以赛亚书二十：5—6、三十：1—3、三十一：1）。M̄-koh先知ê信息hō͘ in知影，若无上帝伸手庇护，就算拥有强大ê军事武力mā是枉然。
第30到34节，chit段经文koh一pái说明以色列民族所做chit种弃sak上帝，去拜偶像神明行为ê泛滥行踏，就「像无耻ê妓女」仝款，连一点见笑感mā无。M̄-koh in是比妓女koh khah惨，妓女是为tio̍h thàn钱出卖肉体，m̄-koh以色列民族根本就是只为tio̍h满足淫乱ê心去行淫，iáu「赠送礼物倒贴情郎」，只为tio̍h满足家己ê欲望，「出钱去雇情郎」，这真正hō͘上帝无法度容忍。
经文：以西结书 16:35-16:43 注释:
Chit段经文说明上帝beh严惩南国犹大人民，而惩罚ê方式，就是侮辱伊，因为伊既然亲像一个荡妇般，上帝就顺tio̍h伊ê行为，hō͘伊彻底难堪。
第35节，「淫妇耶路撒冷」，chia ê「耶路撒冷」指ê是kui个犹大人民，m̄-koh mā隐含tio̍h所有以色列人民。「beh听上主所讲ê话」，这是上帝beh宣判ê踏话头，ná亲像法官tī宣读判文仝款。
第36到39节，chit段经文讲出上帝ê审判ê理由，上帝先宣布in ê罪状：
一是犹大人民「脱光了衫裤」，陪tio̍h情人困，mā为tio̍h拜偶像神明去当庙妓。
二是「杀害家己ê kiáⁿ，kā in当牲祭献hō͘偶像」，chit句话thang参考列王记下第廿一章6节。
续落来是宣判惩罚ê方式：
一是上帝beh tī外面国人面前「剥光」犹大ê衫裤，hō͘大家看见以色列人民「全身赤裸」这是一种极大ê侮辱，chia「剥光」mā teh表示hō͘ in一无所有。
二是上帝lóng tio̍h用「处死」ê方式来惩罚，这是照摩西律法ê规定，淫乱罪是死罪，刣人罪mā是仝款。
三是，hō͘犹大人民成做他国人民ê奴隶，in不但beh来夺行in身上所有ê「衫裤kah首饰」，mā hō͘ in「赤裸裸一丝不挂」ê丑态毕露出来。
第40到41节，thang参考第廿三章47节。Chit两节讲出chiah-ê列国kā怎样对待犹大人民：
一是用「石头」phah死。这是对付淫乱罪者ê一种惩罚方式（参考申命记廿二：24）。
二是「用剑剁碎」，表示一种tī非常忿怒之下进行ê手段。
三是「放火烧你ê厝」，这表示koh khah án怎都无钱thang hō͘情郎了，án-ne，就bē koh再用钱勾引、雇用情郎来行淫（参考以西结书十六：33—34）。Chit种放火烧厝á是田园ê方式，mā是古代社会一种对付仇敌ê方式（参考士师记十二：1、十五：6），hō͘仇敌lóng无遮蔽、安居ê场所，而成为sàn-chhiah ê「丧乡」者。
第42节，chit节是讲tī惩罚了后，chiah会hō͘上帝小khóa消怒一下。
第43节，「你bē记得你年轻ê时我怎样待你」，chit句话thang参考以西结书第十六章1到8节。因为án-ne，上帝用chit种方式来「报应」in。
旧约圣经作者一再提醒读者，上帝是会报应ê（参考士师记一：7、九，历代志下六：23，以赛亚书三：11、五十九：18、六十五：7，耶利米书十七：10、三十二：19，以西结书十六：59，何西阿书四：9）。耶稣ê教导中mā提出chit种看法（参考马太福音十六：27）。
经文：以西结书 16:44-16:58 注释:
Chit段经文用姊妹来形容北国以色列kah南国犹大，ná亲像双生á一般，两pêng犯罪ê情形lóng雷同，意指北国以色列犯罪致使灭亡，南国犹大并无tùi兄弟之邦ê北国灭亡学tio̍h悔改ê功课，却是有样学样，因为án-ne，面临ê结果就是灭亡。
第44节，「有其母一定有其女」，chit句话kah台湾民间俗语所讲ê「有其父一定有其子」是仝款ê意思。意思是子女ê行为是先tùi父母学来ê。Chia ê「老母」，就是第3节所提起ê「老母是赫人」，意思是teh指迦南人。
第45节，chit节讲耶路撒冷人民kah in ê「老母」之行为「仝款」，意思是teh指kah赫人仝款，lóng是属tī迦南人hit种淫乱家族ê传统。
「憎恨家己ê丈夫kah kiáⁿ」，正常ê妇女会喜爱家己ê丈夫kah kiáⁿ，m̄-koh耶路撒冷人民淫乱ê严重性，ná亲像第32节讲过ê，无欢喜家己ê丈夫反tńg喜爱kah别人私通。
「你mā像你姊妹」，这是teh指南国犹大ná亲像已经被亚述帝国消灭ê北国以色列仝款，lóng是堕落、腐败ê。
第46到47节，「你ê阿姊是撒马利亚」，这真清楚指北国以色列，撒马利亚是伊ê首都。Chia所讲ê「阿姊」，意思是大国。
「你ê小妹是所多玛」，chia用所多玛，表示he是个充满淫乱ê城市。Á chit-ê城市却是设tī犹大ê首都耶路撒冷「南边」。所谓「小妹」，意思是小国。Chia用「所多玛」，重点并无单是在tī所多玛城有淫乱ê行为，koh khah是指hit-ê城物质生活富裕了后，所带来ê傲慢，甚至对贫困者无怜悯之心，只知影贪婪，m̄知ài tī富有ê时chūn，疼惜贫困ê人（参考第49节），反却是欺负in，这是上帝siōng讨厌ê行为。Chia指犹大ê人民比起北国以色列人民kah所多玛人并无有jōa好，颠倒ê，是「koh khah邪恶」。
第48到50节，chit节tio̍h对照第47节来看；tī第47节提起讲犹大比所多玛kah撒马利亚ê恶行koh khah严重，而tī chit第48节koh khah清楚讲「所多玛kah伊周围ê村镇」并无像犹大犯hit种重ê罪恶。
Chia所谓「不照顾hiah-ê困苦sàn-chhiah ê人」，chit句话mā表示社会会失去公义ê准则，会去欺负贫困ê人（参考阿摩司书二：6），chit种恶质行为上帝绝对bē原谅。Á「骄傲」，chit-ê词所代表ê意义是：心中无上帝，á是根本无kā上帝khǹg tī眼内。Á上帝所「憎恨」ê事，就是去拜偶像。
值得注意ê，是第48到50节chit段经文lóng是以所多玛城为例，说明犹大比所多玛城弃sak上帝ê道koh khah远，这是非常严重ê一件事。因为所多玛城án-ne败坏，结果上帝kā伊毁灭à。现在犹大比所多玛koh khah恶质，ná结果án怎，用脚头u想mā知。
第51到52节，前一段（第48到50节）是提起所多玛城hō͘上帝摧毁ê事，而chit段第51到52节则提起撒马利亚城被毁灭ê事。
撒马利亚城是北国以色列ê首都，tī主前721年被亚述帝国所灭，以色列人民受掠，并贩卖到各地去做奴隶。如果撒马利亚「所犯ê罪恶iáu不及」犹大「所犯ê一半」，这表示犹大ê罪恶koh khah重大，mā teh表示：将来hō͘上帝惩罚ê严重性，必定会超过北国以色列人民所承受ê。
第53节，chit节经文真重要，表面上看起来kah-ná是上帝应允所多玛kah撒马利亚这两座遇tio̍h摧毁ê城市，有一工会恢复昔日光彩。M̄-koh事实并m̄是án-ne，chit节经文应该是一句讽刺ê话语，意思是：当上帝beh会恢复已经被毁灭ê所多玛kah撒马利亚这两座城ê时，就会恢复南国犹大ê耶路撒冷城。换句话讲，耶路撒冷城beh koh再恢复，mā tio̍h等待所多玛kah撒马利亚这两城恢复了后，á是到时chiah同齐恢复。这已经是kā耶路撒冷贬低到比所多玛kah撒马利亚iáu不如了，对过去自誉为上帝ê kiáⁿ ê以色列人民来讲，其实是充满讽刺、侮辱到极点ê话语。
Koh讲，所多玛城已经成做废墟，完全hō͘上帝所摧毁。若是beh等所多玛城tī恢复昔日光彩ê时，he就是teh kā南国犹大ê以色列人民讲，m̄-thang koh再期待了仝款，根本是完全无指望ê意思。
第54节，「你tio̍h知见笑」，chit句话mā是警语，kā犹大人民讲一定tio̍h注意，灾难ê日子真紧to̍h会来临。当in tú-tio̍h比北国以色列koh khah惨重ê灾难ê时，in chiah会发现过去in嘲（sau）笑北国以色列，in ê遭遇会比家己现在所tú-tio̍h ê灾难会加「真chē」。
第55节，chit节kah第53节是仝款ê意思，其实就是teh警告南国犹大人民，in想beh恢复、复兴起来ê机率非常渺茫。
第56到58节，chia指出犹大人民ê种种恶质行为iáu未被「揭露」出来chìn前，in m̄-nā骄傲，而且iáu嘲（sau）笑所多玛人，其实in比所多玛人iáu koh khah pháiⁿ。Taⁿ上帝严厉惩罚ê结果，是换来仇敌「以东人」、「非利士人」，以及周围「恨」犹大人民ê一kóa附近小部落、族群等，lóng会嘲（sau）笑in遭遇chit种惨状，而这是过去从来m̄-bat发生ê事，理由只有一点：in弃sak上帝，去拜偶像神明，认chiah-ê神明为in ê神，会拯救in，m̄-koh结果却是因为án-ne而「受尽折磨」，因为虚假ê神并无会救in。
经文：以西结书 16:59-16:63 注释:
Chit段经文kah先知耶利米仝款，lóng tī提起受tio̍h上帝严厉惩罚了后ê犹大人民，当in Tī痛苦ê境遇中，悔改认罪并呼求上帝怜悯、赦免ê时，慈悲ê上帝会koh一pái接纳in重新，kah in立新ê约。上帝有惩罚，mā有救恩，这是kui本圣经ê教示。
第59节，「照你ê行为报应你」，这是圣经ê教导，上帝是会报应ê神。
第60节，「我beh记念你少年ê时chūn我kah你缔结ê盟约」，chit句话表示上帝永远记tiâu当初带领以色列人民出埃及进入旷野ê时，tī西奈山所立ê约。上帝会信守所立ê约，m̄-koh相对ê，以色列人民却总tī一段时间了后，便bē记得kah上帝ê约。
第61节，「你接纳你ê姊妹tńg来以后」，chia所指ê姊妹，就是tī第46节所提起ê撒马利亚kah所多玛，而「接纳」，是意思是讲chit两个城市kah人民，有一工lóng会臣服tī南国犹大之下，上帝beh这kā两地ê人民「交hō͘」in，成做in ê「cha-bó͘-kiáⁿ」，hō͘ in管理。Chia讲hit时chūn犹大人民会「感觉见笑」，是因为in发现家己过去bat耻笑北国以色列人民，taⁿ chiah知影家己并无甚么好夸口ê，甚至家己原本有耶路撒冷kah圣殿做中心，却无koh khah好ê见证，mā仝款沦落到成做奴隶，因为án-ne，心中会「感觉见笑」。
第62节，chia谈起上帝beh「重新」kah犹大人民「立约」，先知耶利米mā传出仝款ê信息，伊就真清楚强调，上帝beh重新kah以色列人民立新约，而且所beh立ê新约是beh写tī心版上（参考耶利米书三十一：31—33），因为án-ne，新ê约chiah bē tùi性命中消失á是被疏忽、遗忘。
第63节，这是chit章经文siōng重要ê一节，说明上帝beh用他ê慈爱来「赦免」犹大人民ê时，chit时chūn in会感觉「惭愧」，甚至连想beh「开嘴」mā「m̄敢」。因为知影家己犯严重ê罪感觉见笑万分。Koh讲，这mā说明上帝ê恩典lóng是赢过人ê过犯，因为án-ne人一定会会晓感恩。
经文：以西结书 17:1-17:10 注释:
Chit章用两只大la̍h-hio̍h当做譬喻，讲述巴比伦帝国会入侵犹大以色列，虽然以色列人民投靠另外一大la̍h-hio̍h，m̄-koh á是仝款会hō͘巴比伦帝国掠去。Tī chit-ê比喻内面，提起一个重要ê信仰观念：只要是奉上帝ê名所chiù ê chōa、所做ê事，lóng tio̍h确实遵守。若是奉上帝ê名做事、讲话，却无确实遵行，就是teh亵渎上帝神圣ê名仝款，上帝bē kā chit种行为当做无事，他一定会严厉惩罚。
Chit章ê历史背景thang参考列王记下第廿四章，he是发生tī主前597年，当犹大王约雅敬执政时代，巴比伦帝国军队第一pái攻入耶路撒冷城，伊被迫臣服巴比伦帝国。因为伊kah埃及缔结密约，埃及答应会出兵挺犹大，所以背叛巴比伦帝国，m̄-koh埃及并无án-ne照约束而行，巴比伦帝国军队俘虏了国王kah所有宫廷ê要员。Á继位ê约雅敬ê kiáⁿ约雅斤，mā无遵行臣服巴比伦帝国之约，因为án-ne，chiah kan-taⁿ做王三个月，巴比伦军队koh一pái围攻耶路撒冷，chit pái连圣殿lóng遇tio̍h严重ê洗劫，而且被俘虏ê人koh khah chē。然后，巴比伦帝国皇帝立约雅斤ê a叔玛探雅为王，玛探雅后来被巴比伦皇帝改名为西底家，伊mā是仝款背叛、无愿意臣服巴比伦帝国，结果巴比伦帝国ê军队围攻耶路撒冷长到一年六个月，tī主前586年消灭犹大，耶路撒冷城毁，人民被掠到巴比伦做奴隶（参考列王记下第廿五章）。
Chit段经文是先知以西结用两个譬喻来描述iáu大将面临ê灾难，其一是用一只大la̍h-hio̍h来譬喻巴比伦帝国，并用来说明巴比伦帝国án怎入侵犹大国，而且俘虏了当时ê国王约雅敬、约雅斤父子，kah扶植西底家王ê经过。其二用另外一只大la̍h-hio̍h来说明埃及帝国ê情形。时间大约是tī主前595到589年之间，tī西底家执政ê年代中，埃及确实bat出兵救助过耶路撒冷，逼kah巴比伦帝国撤兵（参考耶利米书三十七：5）。
第1到2节，「譬喻」chit-ê词，若是照第3到10节ê内容来看，thang看做是「寓言」ê意思。M̄-koh有时mā thang做「谜语」解释，因为「譬喻」ê方式，有真chē时chūn对无了解情境ê人来讲，无法度明白到底teh指甚么人，á是讲甚么事，而对情境了解ê人来讲，却是ná亲像一语道破之妙。因为án-ne，beh了解chit段经文，一定tio̍h先读过列王记下第廿四到廿五章，以及历代志下第三十六章，若无，chia ê譬喻，就会变成谜语。
第3到5节，讲这「譬喻」讲「有一只大la̍h-hio̍h」，这是teh指强大ê气力ê意思，因为chit只大la̍h-hio̍h ê特徵是「翼股大，羽毛丰满」，表示ē-tàng飞翔到真远ê所在。Tùi第12节经文就thang看出，chit只「大la̍h-hio̍h」是用来譬喻巴比伦帝国。
Chit只「大la̍h-hio̍h」飞到「黎巴嫩山顶，啄断香柏树幼嫩ê尖端」，「黎巴嫩」是代表犹大国。「香柏树」是黎巴嫩出名ê贵重木材，mā是贵族siōng kah意ê建材之一。
Chit只「大la̍h-hio̍h」kā香柏树ê嫩枝末端hō͘「啄断」，然后kā之「带到商业中心，seng-lí兴隆ê城市」。Chia「幼嫩ê尖端」譬喻tio̍h犹大王约雅敬，伊因为背叛巴比伦帝国而被带去巴比伦，就是chia所讲ê「商业中心，seng-lí兴隆ê城市」（参考历代志下三十六：6）。Á「Kā以色列出产ê一丛树苗移植到一块肥ê土地顶面」，这棵「树苗」，指ê就是约雅斤，伊继任约雅敬为犹大ê王，hit时chiah年纪kan-taⁿ 18岁，执政kan-taⁿ三个月koh 10天，就被巴比伦俘虏，而所谓「移植到一块肥ê土地顶面」，意思真清楚，就是带到巴比伦去。「hō͘它生长」，tùi列王记下第廿五章27到29节ê记载，约雅斤王被掠到巴比伦，共计长到三十七年久ê时间，chiah得tio̍h释放并且受tio̍h巴比伦皇室ê礼遇款待。
第6节，chia讲这棵被移植巴比伦去ê嫩枝，开始「发芽生长，成了一丛低矮、向四面伸展ê葡萄树」，意思是teh指后来续接约雅斤为王ê西底家，伊原本是约雅斤王ê a叔，被巴比伦王任命为王，并同时kā伊本名ê玛探雅改为西底家（参考列王记下廿四：17）。因为án-ne，chia所谓「低矮」，意思真清楚，就是teh指当巴比伦帝国ê傀儡政权，这就是此节所讲ê「枝叶蔓延ê葡萄树」ê意思。虽然是傀儡政权，m̄-koh mā是由以色列人做王，而且ē-tàng teh过安定ê生活，延续族群ê性命。
第7到8节，这「另外一只大la̍h-hio̍h，mā有一对大ê翼股，羽毛丰满」，chit种描述ná亲像第3节所描述ê hit只大la̍h-hio̍h仝款，hi̍t节所讲ê是teh指巴比伦帝国，而chia是用来譬喻埃及帝国。Tùi chia mā thang看出当时kui个中东地带ê军事kah政治情势，hit时足以kah巴比伦帝国相抗衡ê，就只有埃及帝国。因为án-ne，先知以西结用仝款ê句话来描述埃及chit只大la̍h-hio̍h。
「这棵葡萄树kā根kah枝子lóng伸向chit只la̍h-hio̍h」，这是teh暗喻tio̍h被巴比伦帝国立为傀儡政权ê西底家王，并m̄是真心臣服tī巴比伦帝国，却是转向伸到埃及帝国去à。原因是认为tī埃及有「比果园koh khah丰富ê水源」，chia ê「水源」是teh指埃及ê尼罗河，意思是teh指埃及帝国。这就变成西底家王对伊ê「主子」巴比伦帝国皇帝不忠（参考列王记下廿五：1，耶利米书五十二：3），转向走chhōe埃及帝国ê帮助（参考耶利米书十七：15），而chit项走chhōe照耶利米书第三十七章5节ê记载，是有目nih-á成功ê时间，并无hō͘犹大ē-tàng完全脱离巴比伦帝国ê侵犯。
「其实，这棵葡萄树早to̍h栽种tī肥chē水ê园á内」，chit句话真清楚表示：犹大若是继续tī巴比伦帝国ê扶植下，会koh khah稳定成长，而且ē-tàng生做「品质优良ê葡萄树」，因为án-ne，chit节mā teh讲出犹大王西底家并无想beh án-ne继续落去，伊认为转向óa靠chit只大la̍h-hio̍h—埃及，就ē-tàng脱离嫩枝被啄断移植到巴比伦帝国之阴影，m̄-koh显然地chit种政治kah军事判断是错误ê。
第9到10节，先知以西结用反问ê句话，类似自问自答ê方式，来说明西底家王chit种背叛巴比伦帝国ê行为，kan-taⁿ会带领犹大行向完全灭亡ê后果。
「这棵葡萄树ē-tàng长大茂盛mah？」chia用「葡萄树」指西底家王所带领ê犹大国。「长大茂盛」，是teh指ē-tàng继续长大起来。先知以西结用怀疑ê句话来问。伊指出「第一只la̍h-hio̍h」—巴比伦帝国，一定会受气，然后会kā这棵「葡萄树」ê根「拔起来」，是teh指hō͘犹大国完全灭亡。
「免得强大ê国家mā ē-tàng轻易kā它连根拔除」，chit句话清楚表明，犹大若是无巴比伦帝国ê护卫，就算独立起来，mā是一个真脆弱ê国家，任何一个小khóa有力量ê附近族群，就thang kā它摧毁。因为chit时tī西底家王统治之下ê犹大，国势是非常脆弱ê，根本经不起「东风ê打击」。
经文：以西结书 17:11-17:24 注释:
Chit段经文是teh解释前段第3到10节所讲ê譬喻内容。然后用一首诗歌表示：犹大经过巴比伦ê惩罚了后，续落来是传来上帝安慰、拯救ê信息。Ná亲像头前有叙述过ê，先知文献ê特色，就是讲一段上帝受气ê谴责、惩罚，m̄-koh最后lóng是会带来鼓舞ê信息，m̄-koh chit种信息lóng有一个基本前提：悔改、归向上帝。
第11到15节，chit段经文是teh解释前段譬喻ê意义。上帝beh先知以西结问问hiah-ê「悖逆」犹大人民，问问in是m̄是明白巴比伦kā in ê国王kah「伊ê臣仆掠到巴比伦去」，然后命令西底家「宣誓效忠」，而西底家王mā确实bat「奉上帝ê名chiù-chōa忠心」，表示beh对巴比伦帝国忠心，m̄-koh结果却是违背了这誓言。Thang理解ê是巴比伦ài西底家王chiù-chōa效忠，只有一个原因，就是beh「防止国家复兴」，ài犹大永远归顺tī巴比伦帝国ê统治之下。M̄-koh「犹大王反叛了」，因为西底家并无真心顺服tī巴比伦帝国ê统治，伊á是暗中派人去kah埃及帝国串连，想利用埃及帝国来牵制巴比伦帝国。虽然先知耶利米bat警告过伊m̄-thang án-ne做，m̄-koh chit时chūn ê西底家王已经听bē落去上帝ê仆人先知所传达ê信息。
第16到18节，chit段经文是上帝对犹大国采取惩罚ê回应。上帝表示一定会照所决定ê计画去执行。就是西底家「chit-ê王一定会死tī巴比伦」，chit句话thang参考列王记下第廿五章7节。「因为巴比伦王立伊做王」，chit句话thang参考列王记下第廿四章17节。
「巴比伦王前来攻城」，这是主前587年，mā是西底家王在位ê第九年ê十月10日，围城长到一年六个月时间，mā就是到隔年ê四月。最后耶路撒冷城门开了，会phah开城门，是因为城内闹饥荒严重到hō͘人民无法度忍受ê状态，甚至父母kah隔邻交换婴á煮食来充饥（参考耶利米哀歌四：10，耶利米书十九：9）。Hit年犹大正式灭亡，时间是主前586年（参考列王记廿五：1—3）。Chia讲情况严重ná亲像进行「屠杀」仝款，连埃及想beh「派siōng精锐ê部队来mā无法度救援」，而事实是后来并无来帮助，就án-ne，犹大灭亡à。真正ê问题是在tī西底家王弃sak誓约。
第19到21节，koh一pái用上帝以他「永恒ê性命chiù-chōa」一词，chit种句话mā是以西结chit位先知不时使用ê句型，beh表明kah上帝ê约，tio̍h用性命ê态度来回应。
「因为伊弃sak指我ê名所chiù ê chōa」，这就是头前第15节所讲ê，西底家王用上帝ê名chiù-chōa却违背誓言，因为án-ne，上帝非常忿怒，决定beh「惩罚伊」。
上帝讲beh「thí开罗网」，这表示巴比伦帝国ê军队会四面围困耶路撒冷城，就算西底家王利用地道逃到城外，mā无法度脱逃，虽然伊身边有「siōng精锐ê」御林军随身庇护，m̄-koh chiah-ê军人后来lóng弃sak了伊，最后hō͘伊孤立无援而受掠（参考列王记下廿五：4—6）。
第22到24节，这是一首诗歌，表示上帝beh带hō͘苦难ê以色列民族一个全新ê希望。
「我beh at断香柏树ê尖端」，chit句话thang参考第3节，原本是teh指约雅敬被巴比伦帝国hō͘俘虏去做奴隶。M̄-koh现在chia ê「我」却是teh kí上帝家己。
「香柏树ê尖端」，表示大卫家族ê kiáⁿ孙，上帝beh kā它「拆下」来，然后重新栽种、培育，ài kā新发出来「幼嫩ê枝子」，「种tī高山顶」。Chia ê「高山」是teh指耶路撒冷。
「茁壮生长，结果子」，表示上帝亲自灌ak、看顾、守护，就算siōng脆弱ê性命，mā会koh一pái得tio̍h性命ê气力。
「各种鸟á飞来做巢，tī树荫下chhōe归宿」，chit种句话表明以色列会重新成做一个强盛ê国家，chit种预言ná亲像先知以赛亚所预言仝款（参考以赛亚书五十五：4—5），而chit-ê前提，就是以色列人民会确实听从上帝ê话、悔改，归向上帝。
Chit首诗歌讲出一个基本信仰认知：骄傲，kā会hō͘人弃sak上帝ê赐福，而上帝看顾卑微、敬畏他ê人。他扶持弱小、谦卑ê子民。这mā是耶稣降生ê时，马利亚ê诗歌中mā清楚讲出了chit-ê信息（参考路加福音一：52—53）。
经文：以西结书 18:1-18:18 注释:
Chit章全部lóng teh说明上帝对hiah-ê悖逆ê人，一定会严厉惩罚。M̄-koh对hiah-ê遵行上帝旨意ê人，上帝m̄-nā bē惩罚，iáu会hō͘ in赐福。Chit种信息tú好讲出上帝一定kā善kah恶清楚分别出来。换句话讲，上帝绝对bē伤害到无辜ê。
Chit章mā讲出先知以西结传出ê信息是：甚么人犯罪，甚么人就会因为罪来死。Á慈悲ê上帝，是无愿意任何人死亡。Mā因为án-ne，上帝一再地差遣他ê仆人众先知传达信息hō͘他ê子民，只有一个期待：就是以色列人民ē-tàng悔过归向上帝，m̄-thang koh再去做违背上帝旨意ê事，尤其是去拜偶像神明。
Tī chit段经文中，先知以西结纠正犹大人民久长以来tī信仰上ê错误观念，包括掠做是上帝会kā祖先犯罪ê责任加重tī后代kiáⁿ孙中间，以及怎样做chiah算遵行上帝ê旨意。伊kā犹大人民讲，去做上帝看做好ê事并无困难，就是对上帝忠实，而且tī实际ê社会生活中就ē-tàng实践上帝看做善ê事。
Koh讲，chit段经文mā举例说明kiáⁿ m̄-nā无传承家己父母ê好模样，却是所讲所行lóng kah父母所做ê事相违背，chit种人，就一定tio̍h为家己ê恶行，接受上帝ê惩罚。
第1到2节，chia thang参考耶利米书第三十一章29节。
「以色列境内流传ê chit句俗语」，是teh指流行tī当时kui个中东地带民间ê俗语。表示每一个人lóng一定tio̍h为家己所做ê事负责，无推托ê空间。
第3到4节，上帝用他「永恒ê性命chiù-chōa」，表示他所讲ê话，会永远流传落去，因为上帝ê话就是真理。
「以色列境内以后be7 koh流行chit句俗语」，表示当犹大人民被掠到异乡去受苦难，hit时就会认清家己会遭遇苦难，确实是因为家己犯罪所致使，bē koh再怪罪别人。无论是甚么人，一定tio̍h清楚chit件事，就是「甚么人犯罪，甚么人就会死」，这是性命ê基本认知，无chhōe藉口ê余地。
第5到9节，chit段经文真清楚描述「一个诚实、公正ê好人」之生活态度kah样式。
一是「不拜以色列人ê偶像」，表示对上帝绝对忠实，不跟tòe大家弃sak上帝。
二是「不拐诱别人ê bó͘」，表示真实ê上帝子民，bē去做违背社会道德、伦理ê事。而且会严格遵守洁净ê礼仪「不kah经期中ê cha-bó͘-gín-á同房」。
三是「不欺诈，不抢劫」，chiah-ê lóng是属十诫中ê第八诫kah第十诫，不贪别人ê财物（参考出埃及记二十：15、17）。注意chia ê「不诈欺」，表示用诚实ê法码对待人，这包括司法公平在内（参考申命记廿五：13—16）。
四是「Kā抵押品iáu hō͘负债ê人」，mā会「the̍h物件hō͘ iau饿ê人食，会the̍h衫裤hō͘赤裸ê人穿」，mā知影「借钱hō͘人不取利息」等，chiah-ê lóng teh表示伊会关心贫困ê人生活之需要。
五是「m̄做邪恶ê事」，这是teh指tio̍h用公义ê法则对待人，bē冤屈别人，会按「公tú-teh理纠纷」，这mā是摩西律法ê规定（参考出埃及记廿三：2—3、6—8，申命记十六：19—20）。
六是会真确「服从」上帝ê「诫命」，知影「谨慎遵行」上帝ê律法。
第10到13节a句，chit段经文是举出违背顶面所讲「好人」行为ê例，即使是「好人」ê kiáⁿ，mā仝款会tú-tio̍h到上帝严厉ê惩罚。
一是「抢劫、刣人」，chiah-ê lóng是不应该有ê恶质行为。Á chiah-ê行为是伊ê老父「从来无做过」chit种「pháiⁿ事」，ná亲像「tī山顶神庙食祭肉，拐诱别人ê bó͘」等。换句话讲，这ná亲像玛拿西王所做ê，并m̄是in父亲希西家bat án-ne做，却是伊家己án-ne做。
二是「欺诈sàn-chhiah人，抢劫，扣押负债人ê抵押品」，以及到「异教ê神庙去拜可恶ê偶像」，而且是为tio̍h beh收取利息而「借钱hō͘人」等等，chiah-ê lóng是in父亲所无做ê事。
其实先知以西结ê chiah-ê描述，mā thang tùi犹大约雅敬王ê身上看出来，伊m̄-nā无学tio̍h老父约西亚王对上帝忠实，却是做出恶质ê行为（参考耶利米书廿二：13—17），chit种君王á是领导者一定会hō͘上帝严厉惩罚。如果一个君王á是社会ê领导者是用恶质ê态度对待人，in所领导ê社会，人民ê社会行为mā kan-taⁿ会学样，做koh khah败坏ê事。
第13节b句，chia上帝做出宣判讲有顶面所讲án-ne行为ê人，「伊一定死；伊是自取灭亡」，chit句话回应了第4节所讲「甚么人犯罪，甚么人就会死」。因为上帝是公义ê，他一定进行严厉ê审判。
第14到18节，chit段经文举出ê例tú好kah第一个例（第10到13节）颠倒；第一个是teh指kiáⁿ无kā老父好ê行为传承落来，却是做kah老父完全颠倒ê事，去做恶质ê事，chit种人一定死。现在chit段举出颠倒ê例，就是拒绝学习老父ê pháiⁿ模样ê人，一定ē-tàng存活。
一是kiáⁿ「看见老父一切ê罪恶，却无随从老父ê pháiⁿ模样」，chiah-ê恶质ê行踏包括有：拜偶像、拐诱人妻、欺压人、抢劫、the̍h sàn-chhiah人ê抵押品不归还、m̄-the̍h食物hō͘ iau饿ê人、借钱hō͘需要ê人索取利息等等，chit-ê kiáⁿ无仿效老父ê pháiⁿ模样，ná亲像希西家王无传承伊ê老父亚哈斯，做出上帝眼中看做邪恶ê事（参考列王记下十六：1—4），伊确实做上帝认为对ê事（参考列王记下十八：1—3）。因为án-ne，tī siōng困难ê时刻，上帝伸手救助伊，差派天使kā围耶路撒冷ê亚述大军赶tńg去去（参考列王记下十九：35）。
二是顶面所讲chiah-ê恶质行踏lóng是老父家己所做ê事，chit-ê老父就beh「因家己所犯ê罪死亡」，上帝绝对bē hō͘伊ê kiáⁿ承受罪罚。因为chit-ê gín-á kā老父ê chiah-ê恶质行为完全切割断绝，从来m̄-bat学习。
经文：以西结书 18:19-18:32 注释:
Chit段经文提供一个重要观念：无所谓积功德thang用来换取罪过减免该受ê惩罚。这mā讲出了基督教信仰一个基本观念：上帝赏赐hō͘人能力是beh去实践上帝ê旨意，m̄是beh人用来当做「赎罪券」ê路用。
Koh讲，chit段经文有一个中心主题：悔改。Án-ne chiah是得tio̍h上帝赦免、怜悯ê主要因素。Á这mā是kui本圣经ê教导。
第19到20节，chit两节是犹大人民听先知以西结ê回答后表示无仝ê意见。In问讲：「kiáⁿ为甚么不因老父所犯ê罪受折磨？」chit种观念kah当时流行ê俗语有关，ná亲像耶利米书第三十一章29节所记载：「老父食了酸葡萄，kiáⁿ ê嘴齿酸pháiⁿ à。」chit两节非常清楚指出，上帝一定会保存hit-ê些遵行他旨意ê子民，hō͘ in「存活」，因为「只有犯罪ê人该死，kiáⁿ m̄免为老父ê罪受折磨」。
「好人会因为行善得报偿；pháiⁿ人会因为做pháiⁿ受惩罚」，chit句话kah台湾俗语ê「好人有好报；pháiⁿ人有pháiⁿ报」仝款。
第21到22节，「悔过」，意思是teh指归向上帝。Mā就是tùi「弃sak」上帝而去做上帝看做邪恶ê事，tńg来到上帝面前，遵行上帝ê「律法」，对tī chit种人，上帝ê回应是「m̄免死，一定存活」。因为án-ne，「悔过」，是改变á是hō͘上帝息怒ê唯一thang行方案。Koh讲，真正「悔过」ê人，是无法度讲条件ê，只有ê，就是照上帝ê话「做该做ê事」。
第23节，chit节mā讲出kui本圣经ê教导，就是上帝「宁可」看tio̍h罪人「因悔过而存活」，chit句话koh一pái出现tī以西结书第三十三章11节。
第24节，chit节thang参考彼得后书第二章20到22节。
「好人不koh做好事，而做pháiⁿ人所做hō͘人憎恨ê pháiⁿ事」，这表示原先ê好人已经沉沦、弃sak了上帝，伊所做ê pháiⁿ事，kan-taⁿ会koh khah pháiⁿ。而且这m̄是只有一pái，却是连续无停，比起原本是pháiⁿ人ê人，只有过之而无不及。因为án-ne，「伊以前所做ê好事无hông记念」，这就是头前所讲ê，过去所做ê善无法度积存来折换后来ê罪责。Chit种人等于违背了kah上帝所立之约，伊会因为「背信、犯罪来死亡」。
第25到29节，chit段经文是tī辩驳以色列人民错误ê观念，因为in认为上帝tī第21到24节所做ê回答有问题，甚至认为上帝不公平，kah-ná是teh讲若是好人过去所做ê善，无被保存落来当做「功德」使用，就冤枉了好人。
第25节kah第29节ê经文内容完全仝款。主要teh强调，m̄是上帝不公平，却是以色列人民ê认知有错误。
第26节，「好人不koh做好事」，这表示原先是好人ê chit-ê人，弃sak上帝ê道已经真远，伊bē记得上帝kah他ê诫命，而且所做ê事，比pháiⁿ人所做ê koh khah恶质。其结果就是「因为家己做pháiⁿ事」来死。
第27节kah第26节呈相对句型。Chia ê「悔过」kah第28节ê「省察、改过」是仝款ê意思。
第30到32节，chit段是劝勉以色列人民一定tio̍h赶紧悔过，只有án-ne chiah ē-tàng保存性命。上帝ê审判真公平，一定会「照lín个人ê行为审判lín」，chit句话mā tī第七章3节、第三十三章20节。
「Lín tio̍h悔过」，只有án-ne chiah ē-tàng hō͘人避免因为罪带来「毁灭」、死亡，而chit点ē-sái讲是kui本以西结书ê中心信息，mā是kui本圣经信息ê主轴。
「换一个新ê心、新ê灵」，thang参考以西结书第十一章19节、第三十六章26节。这表示「新ê心」kah「新ê灵」并m̄是人家己有办法更新，却是因为归向上帝，上帝chiah会赏赐hō͘伊一粒新ê心灵（参考罗马书十二：2）。上帝「无愿意任何人死亡」，无论甚么人，只要知影「改过就会存活」，这mā是先知运动ê中心思想。
经文：以西结书 19:1-19:9 注释:
Chit章是一篇诗歌，mā ē-sái讲是一首「挽歌」。类似chit种「挽歌」，除了耶利米哀歌外，诗篇第廿二篇mā是一首哀歌。
「挽歌」这字，tī希伯来文是「qînâ」字，mā thang当做「哀歌」，是用悲哀ê调子来写做ê诗歌。Thang明白先知以西结tī面对当时恶质ê政治局势，koh看见当时ê政治领袖kah社会菁英lóng无悔意，只知影继续放荡、欺骗、拜偶像、敛财、欺压等恶质行踏，伊屡屡劝勉，m̄-koh soah koh得bē-tio̍h回应，因为án-ne，为tio̍h表明心中ê绝望，伊写chit首哀歌表明对国家前途ê绝望，希望用这种方式来唤醒同胞，对未来景况m̄-thang koh再存任何幻想。
Chit篇诗歌是两首哀歌编辑而成，第一首是第1到9节，这是为君王á是领导者所写ê哀歌；第二首是第10到14节，chit段诗歌是为犹大国teh beh毁灭而写ê诗歌。先知以西结ê chiah-ê哀歌lóng是teh隐喻当时ê政治环境kah现实。
这是第一首寓言诗歌。描述一头大母狮养育了小狮，chit只小狮学会晓了猎食、食人ê后，却被掠tiâu带往埃及去。先知以西结用母狮养育幼狮来形容犹大chit-ê国家ê运命，反应出当时政治ê生态kah危机。Chit种用狮来形容国家、君王ê情形，tī那鸿书第二章11到12节mā出现chit种描述。
第1节，「为以色列ê两个王子唱chit首挽歌」，chia讲「两个王子」，这「王子」指ê是王室，á是国王。两个王子，一是第4节指犹大约西亚王ê kiáⁿ约哈斯hông掳去埃及去ê事，这是发生tī主前609年；二是第5节ê背景对照第9节来看，则可能是约雅敬ê kiáⁿ约雅斤被掠到巴比伦去，时间是tī主前597年。M̄-koh mā有可能是teh指西底家王，则时间是tī主后586年。
第2节，「你老母是母狮」，这是teh指犹大国，用「母狮」来表示所有君王ê老母。
「蹲伏tī雄狮群中」，表示边á lóng是对in虎视眈眈ê凶猛国家，想beh kā chit头母狮独占，这mā显示了当时犹大国ê局势是非常恶质。M̄-koh tī án-ne恶质ê环境下母狮iáu有能力kah办法kā「小狮养大」，表示上帝á是怜悯，透过犹大国chit-ê老母想出所有ê办法照顾、养育chiah-ê「小狮」。
第3节，「一只小狮成做少壮ê狮」，所谓「少壮ê狮」，意思是teh指约西亚ê kiáⁿ约哈斯。Tī主前609年，约西亚王率兵对抗埃及军队，战死tī米吉多（参考列王记下廿三：29），因为án-ne伊年纪kan-taⁿ廿三岁ê kiáⁿ约哈斯hō͘人民膏立做犹大王（参考列王记下廿三：30b—31）。
「学会晓猎取食物，成做食人ê猛兽」，表示狮长大成做猛兽会「食人」，表示kan-taⁿ会做伤害ê事。隐喻tio̍h约哈斯王「仿效伊祖先ê pháiⁿ模样，做上帝看做邪恶ê事」（参考列王记下廿三：32）。
第4节，「列国听见了，kā伊诱进深坑」，这真清楚就是tī约哈斯继任chiah kan-taⁿ三个月时间，埃及帝国就派出军队来攻打耶路撒冷，而chit句「用钩子kā它拖到埃及」，表示埃及kā约哈斯掠去埃及做奴隶，而伊后来就死tī埃及（参考列王记下廿三：34b，耶利米书廿二：10—12）。
第5节，「老母等得心焦绝望」，chit句诗歌真清楚teh描述犹大国人民心中ê不安。
「koh另养一只小狮成做少壮ê狮」，表示约西亚ê另外一个kiáⁿ以利亚敬被埃及国王尼哥任命继任为犹大国王，并kā伊改名ê约雅敬。
第6节，tùi chit节到第9节teh描述ê，若是照第9节ê「带到巴比伦」chit句话来看，这并m̄是指继任为王ê约雅敬kah约雅斤，却是指后来ê西底家王。因为án-ne，先知以西结是略过约雅敬王kah约雅斤王ê时代，直接描述西底家王ê时代。
「少壮ê狮跟tòe其他ê狮四界徘徊」，chit句话描述西底家王并无照约束臣服tī巴比伦ê统治之下（参考历代志下三十六：13），伊四界想办法beh kah埃及联盟来抵抗巴比伦，这就是chit所在所讲ê「四界徘徊」，意思是西底家王想beh脱离巴比伦帝国，无想beh继续当附庸国。
第7节，「破坏城堡，摧毁城市」，这说明西底家王认为结合埃及帝国，就ē-tàng扩展并强化犹大ê军事武力，án-ne，伊就ē-tàng想beh án怎to̍h án怎，m̄-koh chit种情势只有tī开始之初有效，却因欺压邻国而带来koh khah大ê仇恨。
第8节，「列国tùi四面八方来围攻」，这意思是列国对犹大ê倒抛。Chiah-ê过去被它欺压、恐吓过ê国家，lóng趁巴比伦帝国来侵犯ê时，kah跟tòe而来，以东就是其中ê一例（参考俄巴底亚书第12到14节）。Chia ê「thí开罗网」，意思就是teh指犹大军队á是人民，无论án怎躲闪，都无办法躲避chit pái ê灾难，犹大国王西底家被「诱进深坑」，意思是受掠（参考列王记下廿五：1—7）。
第9节，这是teh指西底家受掠后ê情形，伊被「带到巴比伦王hia」，伊ê kiáⁿ被当tio̍h伊ê面刣死，伊家己ê目睭mā被挖出来，然后伊被铜链捆绑拖去巴比伦，mā死tī巴比伦，这就是此节所讲ê「koh khah án怎都听无看tio̍h它ê咆哮」ê原因（参考耶利米书三十九：4—7）。
经文：以西结书 19:10-19:14 注释:
这是另外一首诗歌，koh一pái用葡萄树来隐喻犹大国ê遭遇，ná亲像被火烧毁ê葡萄树仝款。
第10节，「老母像一丛种tī溪水旁ê葡萄树」，先知以西结真ài用葡萄树做譬喻（参考十五：1—6、十七：1—10）。基本上先有一个了解：栽种葡萄树ê，就是上帝，他选品质siōng好ê葡萄树（参考以赛亚书五：2）。先知以西结讲这棵葡萄树是栽种tī「溪水旁」，因为「水源充足」，因为án-ne，生做「枝叶茂盛，果子累累」，这ná亲像诗篇第一篇3节所描述ê仝款。
第11节，先知以西结用「枝子坚硬，thang做王ê权杖」chit句来形容以色列siōng辉煌ê时代，mā就是大卫kah所罗门治理ê时期，大ê时m̄-nā无外敌胆敢觊觎、窥视，所有附近国家、民族lóng只有ē-tàng乖乖顺服，而且每年呈上贡品，而耶路撒冷城则成做kui个中东所有国家前来朝圣ê圣城，ná亲像án-ne节诗歌所讲ê「枝子高耸入云，人人可见」非常雄伟、壮丽。
第12节，「有忿怒ê手kā它连根拔起」，chia ê「连根拔起」，意思是摧毁了这棵原本茂盛ê葡萄树，hō͘这棵葡萄树因为án-ne lian去死亡。既然栽种者是上帝，mā只有上帝chiah有办法ē-tàng kā此棵葡萄树「连根拔起」。
「Kā它摔tī土脚，hō͘东风吹干」，chia讲「摔tī土脚」，表示用极大ê气力，而且是带极忿怒ê气力kā chit棵葡萄树拔起来了后，狠(hiông)狠「摔tī土脚」。除了上帝之外，甚么人有chit种能力？
「枝子at断，果子枯干，被火烧光」，chiah-ê用句lóng teh表示这棵原本生做非常茂盛ê葡萄树，已经lóng无生机thang讲。
第13节，「移植到旷野」，这真清楚讲出kah第10节是完全颠倒；tī第10节提起栽种tī水源充足ê溪水旁，现在是栽种tī无水源ê旷野之地。Án-ne，这棵葡萄树就lian去死去。
第14节，「树干tio̍h火」，chia「树干」mā thang用来表明大卫kiáⁿ孙ê王室，而chit节所讲ê「枝子kah果子」，thang用来表示以色列民族ê支派kah子民，chia讲chiah-ê lóng会hō͘火烧尽。
「伊无koh有坚硬ê枝子，thang做王ê权杖」，tú好kah第11节ê a句相对照，表示koh khah án怎都chhōe bē-tio̍h任何人ē-tàng继续领导以色列民族。因为树木已经被连根拔起à。Koh讲，「树干tio̍h火」，表明权威ê记号，lóng已经无koh存在，mā说明以色列chit-ê民族是m̄是ē-tàng继续生存落去，lóng是一个问题。
「这挽歌一直流传tio̍h」，表示chit首哀歌m̄-nā tī受掠ê以色列人民中流传tio̍h，mā会继续流传到后代kiáⁿ孙中，甚至tī外面族人中间mā被流传tio̍h。
经文：以西结书 20:1-20:32 注释:
以西结书tùi第二十章开始直到第廿四章，长到五章ê经文中，lóng是teh谈有关耶路撒冷城被巴比伦军队攻陷ê预言。Á chit段经文ê背景应该是tī主前591年到588年所传讲ê信息。
Tī chit第二十章，先知以西结以宗教信仰ê历史为主轴，叙述以色列民族tī信仰上失序ê情形。其实mā thang án-ne讲，先知运动siōng重要ê基础，就是tùi信仰来反省，却m̄是考量政治、经济ê状况，koh khah m̄是军事ê。Tī众先知ê观点中：若是无敬虔ê宗教信仰，就算有真好ê政治领导者，mā会真紧to̍h变质；若是无真坚定ê信仰做基础，经济发展会变成压榨、剥削穷苦人民ê藉口；若无信仰做根基，军事力量真可能会成做统治者滥刣无辜人民ê工具。因为án-ne，先知运动siōng重要ê一件使命，就是hō͘国家、社会、民族ê领导者，lóng ē-tàng tńg来到上帝面前，同时人民mā tio̍h以忠实ê心回应上帝拣选ê疼。
Chit段经文谈及上帝怎样爱以色列人民，m̄-nā kā in带领出埃及ê奴役之地，而且iáu kah以色列人民立约，表示beh赏赐kā in赐福肥ê土地thang安居。M̄-koh当in离开埃及进入旷野开始流荡ê生活了后，每pái经历到iau饿、干渴、瘟疫等侵袭，就一再地发出怨言，甚至认为tńg去埃及比离开koh khah好，chiah-ê lóng teh表示in已经对上帝失去信心。而且koh khah严重ê是，当in进入应允之地后，in ê kiáⁿ孙并无因为顶一代祖先所犯ê错误而知影警醒悔改，反却是跟tòe祖先恶质ê行为去拜偶像弃sak上帝，而且chit种情形是一犯koh再犯，án-ne chiah是上帝siōng-kài忿怒ê原因。
第1到3节，「被放ta̍k ê第七年五月初十日」，这是teh指主前591年七月á是八月10日。是以约雅敬王tī主前597年受掠hit年开始计算。
Chia koh一pái提起「有kóa以色列ê长老」到先知以西结ê「面前坐落来」，in真想beh知影「上帝ê旨意」。In真可能是想beh知影，到底in ài tī巴比伦做奴隶jōa久？先知耶利米bat真清楚表示会长到「七十年」时间（参考耶利米书廿五：11—12）。不过mā有另外一种看法，认为chiah-ê长总是来询问耶路撒冷是m̄是成（chiâⁿ）实会如先知以西结所讲ê会hō͘巴比伦帝国所毁？á是讲上帝ê圣殿被摧毁？因为in一直认为上帝ê圣城kah神圣ê居所无可能被敌人所毁。In án-ne问，是想beh知影到底怎样一回事？m̄-koh当先知以西结向上帝求问启示旨意ê时，上帝ê回答是「m̄准lín求问」，因为chiah-ê犹大人民ê众长老过去一再拒绝听从上帝ê仆人传达ê信息。
第4节，上帝beh先知以西结「宣告in ê罪」，这表示上帝ê审判beh开始。这审判提起in ê祖先早已经弃sak上帝去拜偶像。
第5到7节，chit三节koh一pái提起上帝带领以色列民族ê祖先离开埃及，并且应允kā in赐福流奶kah蜜之地，iáu kah in ê祖先立约，ài in「hiat-ka̍k in所疼ê hiah-ê thang憎恨ê偶像，bē-tàng拜埃及ê假神来玷污家己」，因为这是上帝所m̄准ê事。
第8到9节，chit节指出以色列人民真正ê问题，就是无遵行所立ê约，in「背叛」上帝，无「听从」上帝ê旨意，而chit款tāi-chì情是in早tī埃及时就发生了，上帝原本beh hō͘ in死tī埃及，m̄-koh后来á是带领in离开埃及，因为上帝bat用家己ê名chiù-chōa，讲beh带领in离开奴役in ê埃及。
Chit种为tio̍h维护上帝神圣ê名ê讲法，tī本章第14节、第22节、第44节等等一再出现。换句话讲，上帝绝对m̄准他ê圣名tú-tio̍h到侮辱、毁谤。
第10到12节，上帝「领in出埃及，chhōa in到旷野」，chit句话真重要，因为这清楚说明以色列人民离开埃及了后，m̄是马上就进入hit-ê应允之地，却是先进入旷野。而且是tī旷野漂流长到四十年时间（参考申命记八：2，约书亚记五：4—6，使徒行传七：36），而chit段tī旷野漂流期间，mā是真重要ê一段训练功课，为tio̍h是beh hō͘ in ē-tàng脱胎换骨，成做完全óa靠上帝ê族群，而bē koh再怀念tī埃及ê富裕物质生活（参考民数记十一：4—6）。Mā同时「命令in遵守安息日」，因为会遵守安息日ê诫命，因为上帝ài in用chit种方式来表示「当做咱立约ê记号」（参考出埃及记三十一：12—13、16—17），表明in愿意「成做神圣ê子民」。
第13节，chit节mā有表示一个基本信仰观念：不遵行上帝ê律法诫命，就等于是「玷污了安息日」，原因是安息日tùi án-ne kah上帝立约ê凭据。不遵行上帝ê话，就表示无koh遵守kah上帝所立ê约，真自然tek，就bē想beh去敬拜上帝，听上帝ê话语。上帝本来想beh「倒尽」他ê「大受气，消灭in」，m̄-koh上帝后来无án-ne做因为他有怜悯kah丰富ê疼。
第14节，chit节koh一pái重复第9节所讲ê。
第15到16节，因为án-ne上帝chiù-chōa「不领in」到「hit块流奶kah蜜ê土地」，chit件事是teh指hit群tùi埃及出来，年满二十岁以上ê人，只有二十岁以下ê人chiah ē-tàng进入，原因是in对上帝ê应允无信心，除了连连发出怨言之外，并无切实遵行上帝ê仆人ê教导，甚至是背叛上帝ê旨意（参考民数记十四：28—35，约书亚记五：4—6）。Koh讲，mā因为in「玷污了安息日」，hō͘这原本神圣ê约ê记号蒙上了阴影。
第17节，上帝「可怜」以色列民族，并无tī忿怒中出手惩罚in，因为án-ne chiah无「tī旷野消灭in」。
第18到20节，m̄-koh上帝有「警告」in，当年二十岁以下ê青年，绝对bē-tàng随从旷野民族ê「风俗」，mā bē-tàng「拜偶像来玷污家己」，tio̍h「服从」上帝ê「律法诫命，遵守安息日做神圣ê日子」，用chit种方式来表明kah上帝之间立约ê凭据。
第21节，m̄-koh「hit一代mā背叛了」上帝，m̄-koh上帝仁慈怜悯，因为iáu有一kóa遵守立约ê人所带来ê福气，减少了上帝ê「忿怒」，无kā in全lóng刣了了。
第22节，chit节koh一pái重复第9节、第14节等等。
第23到24节，chia已经暗示了早tī以色列人民iáu tī旷野漂流时代，上帝就有chit种准备，beh严厉惩罚in，hō͘ in「分散到全世界」，原因就是in lóng轻蔑上帝ê话语，对神圣ê安息日采取轻视ê态度。
第25到26节，chit两节经文thang参考罗马书第一章24到32节，表示上帝最后采取ê方式，就是chhut-chāi以色列人民放纵家己ê恶质行踏，包括in「献家己ê大kiáⁿ做牲祭」，学习了当地拜偶像神明ê恶质行为（参考列王记下十六：3、十七：17、廿一：6）。Á chiah-ê行为lóng是当年摩西所严厉禁止ê（参考利未记十八：21，申命记十八：10）。
第27节，上帝指控以色列人民ê祖先背叛上帝，对上帝「不忠」，违背了kah上帝之间所立ê约。因为以色列人民kah上帝ê约，是ná亲像夫妻ê约束ê关系，因为án-ne，对上帝「不忠」，就是对上帝ê一种极大「侮辱」。
第28到32节，chit段经文讲出上帝会拒绝来询求上帝旨意ê长老，就是因为当上帝带领in ê祖先进入「应允kā in赐福ê土地」后，in就一再地tī「大山kah绿树」中起祭坛拜偶像神明，iáu认为上帝看bē-tio̍h，而且tī祭坛上kā家己ê kiáⁿ当做「牲祭烧献hō͘伊所拜ê偶像」，chit种行为差不多就是迦南地人民tī宗教信仰上ê行为，然后现在「iáu敢来求问」上帝ê「旨意」，因为án-ne，上帝tī chia真清楚回答讲：「m̄准lín求问！」chit句回应了chit章第3节所讲ê。
经文：以西结书 20:33-20:44 注释:
Chit段经文是kā上帝严厉ê惩罚kah拯救恩典交织做伙讲述，mā表明上帝tī非常忿怒之下，lóng是带怜悯ê恩典beh拯救他ê子民，tùi分散到各国去到集合起来带tńg来家乡。M̄-koh拯救ê恩典并m̄是所有ê人lóng ē-tàng享受，却是真心诚意悔改ê人，chiah-ê人就是知影弃sak罪恶，回归到上帝面前来ê人chiah ē-tàng享受chit种恩典。
第33节，上帝指家己「永恒ê性命」向以色列人民chiù-chōa，这「永恒ê性命」tú好kah以色列人民刚硬ê心相对照。因为án-ne，上帝beh用他「大能ê手」，以及「惩罚ê膀臂」，beh「拚落」他ê「大受气治理」in，这等于是beh用惩罚埃及全国ê方式来惩罚以色列人民。
第34到36节，chit段经文表示并m̄是以色列人民被敌人俘虏到外国á是当了奴隶，上帝ê惩罚就终结、完毕，无，却是iáu koh khah继续受tio̍h惩罚，chit种惩罚比肉体上ê痛苦iáu koh khah艰苦心，he是tī敌人面前侮辱in。
Chia特别提起以前「tī西奈旷野」惩罚以色列人民ê事，就是二十岁以下ê以色列人民chiah有资格进入（参考民数记十四：29—30）。Tī chia，表示上帝beh「照样惩罚」以色列人民，只chhun残存ê人民chiah ē-tàng重新tńg去迦南地。
第37到38节，上帝beh「严厉管束」in kah上帝所立ê「约」。Chia「严厉管束」mā teh代表建立严格ê规矩，hō͘所有ê人m̄敢超过jú秩序。上帝beh kā hiah-ê「背叛kah犯罪ê人」除掉，就án-ne「m̄ hō͘ in tńg来到以色列故土」，án-ne，chiah-ê背叛上帝ê人会kui世人为奴，无得tio̍h释放ê机会。
第39到40节，chit两节提起，上帝beh以色列人民家己决定，是beh「继续拜」hiah-ê「偶像」，á是beh听从上帝ê话。若是in beh听从上帝ê话，就一定tio̍h「无koh献祭hō͘偶像来侮辱」上帝ê「圣名」。上帝便会欢喜in来敬拜他。
第41到42节，当in顺从上帝ê话语后，上帝会带领in「离开流亡ê所在」，重回故乡koh再重建家园了后，当in献上「馨香牲祭」hō͘上帝ê时，上帝会接纳in用感恩ê心所献上ê祭。
第43节，chit节thang参考以西结书第六章9节、第十六章63节、第三十六章31节等等。说明当人明白上帝ê救恩了后，就会明白家己是jōa-ni̍h-á污秽，会对家己侮辱上帝ê圣名感觉「见笑」。
第44节，上帝以「行动来维护家己ê荣誉」，chit种行动有两种，一是惩罚悖逆ê以色列人民，二是伸手kā in tùi四散世界各地为奴之地带领tńg来故乡。
Koh讲，上帝并无按照以色列人民「邪恶kah败坏ê行为所应得ê来惩罚」in，这tú好显示了上帝ê疼khah赢过人所犯ê罪（参考以斯拉记九：13，诗篇一○三：10）。Chit点mā是基督教信仰ê中心，表明上帝ê疼，会遮掩咱所犯ê罪。因为án-ne，人lóng应该存感恩ê心回应上帝拣选、怜悯ê疼。
经文：以西结书 20:45-20:49 注释:
Chit段经文，tī希伯来文圣经是khǹg tī第廿一章ê篇幅中，而tī《七十人译本》则kah《台语汉字》以及《现代中文》ê版本仝款，lóng是编辑tī第二十章ê末尾。Mā是tùi chit段经文开始直到第廿三章止，每段经文ê踏话头lóng是用「上主对我讲话」当做段落ê起点（参考二十：45、廿一：1、8、18、廿二：1、17、23、廿三：1）。
Chit段经文是上帝对先知以西结讲ê话，ài伊面对南方ê树林讲话，而chit段话却是传达上帝ê惩罚方式，就是用火烧毁所有ê树木，而且火势极大，无法度用人ê能力扑灭。Chia ê「火」，真清楚是teh表明上帝ê忿怒，会烧尽人所有ê一切财物。
第45到46节，chia出现「南方」一词，而tī第47节mā一再出现。上帝beh先知以西结对tio̍h树林讲「预言」，这mā是一种象徵性ê身躯语言。
第47节，「火会烧尽树林内ê全部树木」，若是这树林表示kah黎巴嫩有关，án-ne，用chit-ê词乃是一种隐喻ê讲法，表示原本以珍贵建材建造起来ê王宫，会因上帝忿怒ê火而付诸一炬。列王记下第廿五章9节真清楚记载，当巴比伦帝国ê军队攻入耶路撒冷城后，就是「放火烧毁了圣殿、王宫，kah一切耶路撒冷达官贵人ê房屋」。
先知beh对树林讲话，mā tio̍h树林「听至koân ê上主所讲ê话」，这表示树木树林lóng是上帝所创造ê（参考创世记一：11—12），只要上帝ê命令落来，chiah-ê上帝所创造ê树木树林lóng会听从。
「tùi南方一直延烧到北方」，chit句话mā有表示全面性ê受tio̍h火焰波及，无一乡镇、城市thang佳哉免得，这就是chit所在所讲ê「人人lóng会感觉火焰ê炙烧热」ê意思。
第48节，chia真清楚讲出是「上主放ê火」，既然án-ne，想beh用人ê气力阻挡，he是无可能ê事，除非上帝koh下命令阻止，若无，一定会kā一切lóng烧为火灰，所以chia讲「无人ē-tàng扑灭」。
第49节，先知以西结因为不时用chit种象徵性ê譬喻，m̄-nā是言论mā包括伊ê身躯语言。因为án-ne，引起真chē以色列人民ê「抱怨」，讲伊「常讲谜语」，表示真oh领悟。「谜语」mā thang指譬喻ê意思（参考以西结书十七：2）。
经文：以西结书 21:1-21:7 注释:
Tùi第二十章45节开始，直到第廿一章32节止，先知以西结讲tio̍h上帝会严厉惩罚悖逆ê犹大人民kah亚扪人，而且chit种惩罚lóng是kah「刀剑」息息相关。
Tī前一段经文是用火来描述上帝ê惩罚teh beh来到，而且是非常严重。现在第廿一章则进一步用「刀剑」取代大火烧树林，来表示上帝怎样惩罚悖逆ê犹大ê以色列人民。
第1到5节，tī第二十章46节是讲beh「面对南方」，头前上帝beh先知以西结「面向耶路撒冷，责备hiah-ê圣所」，现在则「面对耶路撒冷」，而且是kah「圣所」ê事件有关。上帝讲beh kah犹大人民「对敌」，原因是in做严重亵渎上帝神圣ê恶质行为（参考八：15—18）。对敌ê方式是beh「拔出剑来」，chit支剑是teh指第19节ê巴比伦帝国ê意思。
注意chit句「无论好人pháiⁿ人lóng刣了了」，而且是「tùi北到南lóng刣」，这并m̄是讲上帝不分好人kah pháiⁿ人，却是讲所有ê人lóng弃sak了上帝，因为无论大街小巷lóng充满tio̍h偶像崇拜ê记号。
第6到7节，koh一pái看tio̍h上帝beh先知用身躯语言传达信息，上帝beh先知以西结「像失望心碎ê人」仝款，发出「haiⁿ-haiⁿ叫」ê声音，而且是beh「tī群众面前haiⁿ-haiⁿ叫」。然后解释伊haiⁿ-haiⁿ叫ê意义，是「pháiⁿ消息」，而且这pháiⁿ消息kā带来众人ê「心慌意乱」、「两手发软」、「双膝pi̍h-pi̍h-chhoah」、「勇气尽失」等四种现象出现。
经文：以西结书 21:8-21:17 注释:
Chit段诗歌被称做「刀剑诗歌」，表示上帝beh用锐利ê刀剑来惩罚他ê子民。大卫bat为tio̍h扫罗kah约拿单写一首挽歌，该首挽歌mā被称做「弓歌」，因为o-ló约拿单ê弓giú得真美。Kā它称做「刀剑之歌」，是teh表明一个中心信息：上帝惩罚ê力道真大。
第8到9节，上帝beh先知以西结讲「预言」，hō͘犹大民众知影to̍h是teh beh发生，á是一定会发生ê事。
「一把锐利发亮ê剑」，这表示只要是上帝出手惩罚，he是一点lóng m̄含糊，ná亲像快刀斩乱麻仝款。
第10到11节，chia讲此kā锐利ê剑是经过「磨快了」了后，看起来ná亲像「sìh-nà发光」仝款ê锐利，为tio̍h是ài beh进行「惩罚」ê工作。M̄-koh犹大人只听信in ê众领袖ê讲法，认为kah巴比伦帝国有签订和平条约，巴比伦帝国就bē进入耶路撒冷城来掠夺、屠杀。现在in kā看见巴比伦ná亲像「sìh-nà发光」ê快剑，巴比伦皇帝ná亲像「刽子手」仝款，伊会kā用残酷手段杀害犹大人民。
第12节，用「绝望捶胸」，这是一种非常痛苦ê「哀号」样式。因为「以色列ê首领」kah in ê「子民同齐被刣」惨重。
第13节，koh一pái讲tio̍h上帝á是希望ē-tàng看见犹大人民悔改，只要in肯悔改，上帝就会赦免in。M̄-koh若是「不悔改」，这「灾难必定临到in」。
第14到17节，果然，犹大人民á是坚持拒绝听从上帝ê信息，现在上帝开始执行chit项惩罚命令，当in看见巴比伦军队像一支勇猛「所向无敌」ê军队，进入耶路撒冷城内就四界杀戮。
经文：以西结书 21:18-21:32 注释:
Chit段经文特别提起巴比伦王就是上帝用来惩罚犹大国ê刀kah剑。巴比伦王用摇箭占卜ê方式，tī耶路撒冷，á是亚扪ê 拉巴城两大城中选取一条，结果决定进攻耶路撒冷。先知以西结mā指出犹大人民siōng大ê错误，就是m̄相信上帝ê仆人所传达tùi上帝来ê「预言」，in只相信政治手段ē-tàng拯救in ê性命免tī危机，m̄-koh这是错误ê想法。
第18到19节，chia ê「巴比伦王」是teh指尼布甲尼撒；伊用强大ê军事武力进攻大ê耶路撒冷。
第20到22节，tī第19节中ê两条路线中，其中一条是「指向亚扪ê 拉巴城」，「拉巴城」是亚扪ê首都（参考耶利米书四十九：2），另外一条是「指向犹大，通往有巩固防卫ê耶路撒冷城」。
Chia提供古代君王á是祭司（巫师）用三种方式询问上天ê旨意：一是「用摇箭占卜」。二是「求问伊ê偶像」。三是「查看祭牲ê肝」，chit种方式用土制造成动物ê肝ê样式，画分做几个区块做占卜ê路用。
因为抽出ê箭上写「耶路撒冷」，因为án-ne，巴比伦尼布甲尼撒王就决定进攻耶路撒冷城。尼布甲尼撒准备「破城ê槌」，然后koh「筑土堆，挖壕沟，喊hoah叫刣」，chiah-ê lóng是攻城一定有ê基本动作。大声叫mā是一种威吓城内居民kah守军ê方式。
第23节，thang参考第十七章16节所提起ê背景。Chit节提起耶路撒冷人「bat kah巴比伦订了条约」，就是因为西底家王bat用上帝ê chiù-chōa，表示绝对忠实tī巴比伦帝国。In并m̄相信上帝透过他忠实仆人先知传达ê信息。
第24节，「人人lóng知影lín罪孽深重」，表示犹大人民偶像崇拜ê热情已经m̄是风闻而已，却是远近lóng知。因为án-ne，上帝一定会严厉「惩罚」in，kā in「交hō͘敌人」巴比伦帝国。
第25到27节，「邪恶该死ê以色列领袖」，chit句话指ê是包括君王、先知kah祭司lóng在内。现在上帝beh惩罚chiah-ê众领袖，因为in就是带头犯罪ê人，上帝决定beh摘落来in ê「王冠kah礼帽」。
「无权力ê人会被提升，统治者会被sak落台」，chit句话thang参考以西结书第十七章24节，表示上帝一出手，狂傲者原本尊贵、荣耀ê一切lóng会化成乌有。
Tī chia「完了」一字连续出现三pái，表示所预言ê事一定会实现ê意思，而且会遇tio̍h毁坏而无法度修复。Tī chia是teh指耶路撒冷城koh khah án怎都保不住à。
第28到29节，「向侮辱以色列ê亚扪人讲ê话」，这表示上帝m̄-nā beh惩罚犹大人民，mā beh惩罚亚扪人，仝款是「刣人ê剑已经准备好势」，而且「剑已擦亮，像sìh-nà发光」，情景lóng kah耶路撒冷ê遭遇仝款。
第30到32节，先知以西结传出上帝ê话，ài in「收剑入鞘」。因为上帝就是beh透过巴比伦帝国来惩罚亚扪人，就算in想beh抵抗mā是枉然。
Chia提起巴比伦王尼布甲尼撒王是一个「残忍ê刽子手」，in会彻底消灭亚扪人ê国家、族群，hō͘后代「无人会koh再记起」in。
Tùi顶面所讲经文thang看出犹大ê以色列人民，kah亚扪人所遭遇ê结果是大无相仝；前者是hông掳去做奴隶，而且集体tī奴隶集中营中过生活，in ê故乡虽然因为án-ne而荒废了，成做野狗盘踞ê所在（参考耶利米书十：22）。M̄-koh总有一工，in会hō͘上帝带领tńg去故乡重建家园。Á后者mā就是亚扪人，却tī in家己ê家乡被巴比伦帝国hō͘彻底打击，iáu hō͘伊族hō͘并吞消灭。
经文：以西结书 22:1-22:16 注释:
Chit章是谈及有关耶路撒冷人民所犯之罪。Ài beh特别注意ê是，先知讲tio̍h耶路撒冷ê时，并无单指hit-ê城，却是teh代表南国犹大人民。
以西结书ê经文m̄是照时间ê顺序编排，却是先知以西结tī各种无仝ê场合、时间，伊所传讲ê信息被收集起来汇编而成chit本经册，chit章就是一个例，kui章共计收录三篇上帝启示hō͘先知以西结ê信息，chiah-ê信息以「上主对我讲话」做踏话头（参考第1、17节、23节等等）。这三篇信息lóng有一个共同主题：谴责耶路撒冷ê罪恶。
这是第一篇信息，先知以西结陈述犹大人民所犯ê罪行真是五花八门，包括有：残杀同胞、拜偶像、滥权欺压人民、不孝、诈欺、压迫孤儿寡妇、不守安息日、讲白贼、淫乱，甚至乱伦、放高利贷等等，chiah-ê lóng是摩西律法所严厉禁止ê行为，却lóng tī犹大人民身上处处可见，án-ne chiah是hō͘上帝非常痛心而决定彻底摧毁in ê原因。
第1到2节，一开始就指耶路撒冷城是座充满「凶手」之城，城内不时发生残害别人性命ê tāi-chì，因为án-ne上帝beh先知以西结去kā hit-ê城人民「所做一切可恶ê事」指出来。
第3到5节，tùi第3节开始，先知以西结指出犹大耶路撒冷人民「杀害真chē同胞」、「拜偶像玷污家己」，因为án-ne，上帝审判犹大人民，以及上帝ài怎样惩罚in。
第6到12节，thang参考以西结书第十八章15到17节所列举ê罪状。Chia指出in ê罪状如下：
一是「达官显要」带头「乱使用权力，杀害人民」。这是违反十诫ê第六诫。
二是「无人孝敬父母」，这是违背十诫ê第五诫（参考出埃及记二十：12）。
三是「欺诈外侨，压迫孤儿寡妇」，这lóng是违背摩西律法规定ê生活准则（参考出埃及记廿三：9，申命记十：18、19）。
四是「不守安息日」，这是违背十诫ê第四诫（参考出埃及记二十：8）。
五是「有人专门讲白贼，beh置人tī死地」，这是违背十诫ê第九诫。
六是「食祭过偶像ê肉」，因为迦南地人食chit种祭祀食物ê时，in ê宗教礼仪含有chiù-chōa ê咒语，表示beh对神明忠心。
七是「满足淫荡ê欲望」、「kah老父ê bó͘细姨同房」、「kah别人ê bó͘私通」、「诱奸新妇」á是kah「姊妹乱伦」等等，chiah-ê lóng是乱伦ê行为，mā是违反第七诫。
八是「强迫kah经期中ê cha-bó͘人同房」，这mā是违背摩西律法ê规定（参考利未记十八：19、二十：18）。
九是「做职业杀手」，这是teh指以刣人为业，是犯刣人罪，等于违背十诫ê第六诫（参考出埃及记二十：13）。
十是「放高利贷，向以色列同胞索取利息」，这mā是违背摩西律法ê禁令（参考利未记廿五：35—38，申命记廿三：19—20）。
以上chiah-ê lóng teh表明in lóng kā上帝hō͘「bē记得」，chiah会做出顶面所讲chiah-ê无应该有ê事，伤害上帝ê心。
第13到16节，说明上帝决定beh严惩in，beh追讨in所得tio̍h ê chiah-ê「不义之财，追讨」in ê「血债」，上帝必定会kā in「赶散到各国」去，hō͘列国「侮辱」in，án-ne「好终止in chit种邪恶ê行为」。
经文：以西结书 22:17-22:31 注释:
Chit段经文是上帝惩罚犹大人民ê方式。Tī chit段经文中讲上帝beh用火炉提炼金属物件为譬喻，beh kā无用ê杂质烧毁、熔化成废物弃sak。另外一种方式，是第一段所描述犹大人民所犯ê罪，koh一pái重新叙述一pái，mā表示上帝惩罚ê严厉是有原因ê。
第17到18节，讲「以色列人是一堆废物」，表示in已经败坏到极点，ná亲像「炉里炼银所chhun下ê废物」，说明犹大人民差不多就是thang弃sak ê渣滓。
第19到22节，「废铜烂铁」，表示像不堪使用ê金属「无路用」。现在上帝beh kā犹大人民lóng「集合tī耶路撒冷」，然后tio̍h用他ê「怒火熔化」chiah-ê无用ê「废铜烂铁」。
第23到24节，原本上帝赏赐hō͘以色列民族khiā起ê chit块土地，是流奶kah蜜之地，taⁿ已经变成「是无清气ê」地方，chit种无清气kah in所犯ê恶质行为有密切关系。上帝「受气惩罚」ê方法，就是「不降雨kā in赐福」，án-ne饥荒会tòe-tiâu而来。
第25到29节，指出犹大社会ê领导人物lóng犯罪，包括有「领袖」、「祭司」、「先知」、「达官显要」、「有钱人」等等，in kan-taⁿ会为tio̍h夺取钱财，无惜谋财害命，滥刣无辜ê，甚至iáu会讲不实在ê预言，并且亵渎上帝ê神圣，m̄遵守安息日做圣日等等。
第30节，讲上帝一直teh chhōe是m̄是有遵从他旨意ê人，好修补chit种伤痕，m̄-koh结果竟然是「连一个mā chhōe bē-tio̍h」，这表示全体人民lóng参与犯罪ê行列。
第31节，若是连一个mā无ê话，chit种结果只有被毁灭一途，ná亲像所多玛城仝款。
经文：以西结书 23:1-23:21 注释:
第廿三章是第十六章了后，koh一pái用淫妇、娼妓等字词来描写以色列民族。所讲ê两姊妹，就是teh指北国ê以色列kah南国ê犹大。先知以西结用「阿荷拉」来代表北国以色列ê首都撒马利亚，用「阿荷利巴」代表南国犹大首都耶路撒冷。
Chit段经文详细描述以色列民族án怎违背kah上帝之间ê夫妻之约ê关系，用来比并以色列民族kah其它同盟国家间互动ê情景。
第1节，「有一对姊妹」，指ê就是两个城市（á是国家）ê意思。
第2到4节，「tòa tī埃及」，这是teh指以色列民族bat tī埃及做过奴隶ê意思。Chia用「妓女」teh代表以色列民族已经沦落到成做性工作者，任人sńg弄。表示以色列民族过去tī埃及做奴隶，就是埃及人ê sńg物，因为奴隶是无自主权，而且是主人ê「财产」，一定tio̍h服从主人ê命令做tāi-chì，随在主人pái布。
Chia讲「阿荷拉—代表撒马利亚」，chit-ê名字意思是teh指「伊ê帐幕」，这koh说明上帝已经无koh kah in同在à。「阿荷利巴—代表耶路撒冷」，tú好讲出上帝tī以色列人民中间，因为án-ne，mā代表耶路撒冷圣殿ê意思。
「我娶了in姊妹两人」，表示上帝kah南北两国ê以色列人民lóng有立约，chit-ê约是ná亲像夫妻一般。而且in「替我生了gín-á」，表示有真正夫妻之实。
第5节，就明显Kā chit种夫妻间ê婚约关系，引伸到政治盟约ê境况，就是kah上帝（丈夫）ê关系已经薄弱，却强化kah亚述（情郎）ê关系亲密。因为án-ne chia用「结婚后犹原做妓女」，形容对上帝无忠实ê意思。
第6到7节，chit两节讲出亚述当时ê军队非常帅气挺拔，hō͘人看见就会心生迷恋之情，包括「穿紫色制服ê军人、贵族kah高级军官」，而且是看起来ta̍k个lóng「少年iân-tâu」，结果北国以色列人民迷恋到倾心甘愿「做in ê情妇」，这mā表示并无实质ê婚约关系，只不过是hō͘ sńg弄ê对象。
第8节，chit节thang参考第二十章5到8节，thang明确看出北国以色列原本kah亚述立约，后来soah koh想beh背叛亚述，去chhōe埃及帮忙，chit种tī政治上对盟约ê无忠实，to̍h是in对上帝无忠实ê写照。用chit种方式形容北国以色列人民ná亲像「妓女」仝款，欢喜「操淫业」过生活。
第9到10节，这是上帝对北国以色列ê惩罚，kui气就kā北国以色列交hō͘「亚述情郎」，而这是发生tī主前721年（参考列王记下十七：5—12）。亚述极尽所ē-tàng地侮辱in，「Kā伊剥光」衫裤，同时「掠tiâu伊ê cha-bó͘-kiáⁿ」，kā in lóng俘虏去做奴隶（参考列王记下十七：6）。
第11到13节，「小妹阿荷利巴」，是teh指南国犹大ê意思。Chia指出犹大并无tùi北国以色列人民ê惨痛境遇来学习反省，反却是「koh khah堕落，koh khah淫荡」，结果仝款，「伊被玷污了，伊kah伊阿姊仝款淫荡」。这lóng teh说明犹大去chhōe亚述ê协助，in lóng忘记tī tú-tio̍h困境ê时chūn，chhōe kah in立有性命之约ê上帝，却是去chhōe政治上ê伙伴。
第14到15节，头前谈及亚述，现在开始谈起巴比伦帝国。当南国犹大看tio̍h巴比伦渐渐兴盛起来，就koh转向巴比伦帝国靠lóng。Chia用「鲜红ê颜料」之画像，表明巴比伦帝国ê兴起，比起渐渐老迈ê亚述koh khah引人注目。而且chiah-ê高级军官是「腰间lóng系tio̍h腰带，头壳顶带着有垂饰ê礼帽」，chiah-ê用词lóng teh表示装扮得非常亮眼，hō͘人看了lóng会产生迷恋之心。
第16到17节，chia讲出犹大国开始想beh kah巴比伦帝国进行外交盟约关系。M̄-koh结果境遇仝款，ná亲像北国被亚述蹂躏仝款，南国犹大遇tio̍h巴比伦帝国ê摧残情况仝款。
第18节，「伊tī大众面前thǹg-pak-theh，hō͘大家lóng知影伊是娼妓」，这是真大ê侮辱。Chia ê「大众」、「大家」所指ê除了巴比伦帝国之外，iáu有真chē国家mā参与掠夺耶路撒冷有分（参考列王记下廿四：2），大家lóng tī笑南国犹大ê懦弱、不堪一击。
第19到21节，清楚讲tio̍h南国犹大iáu-koh相信埃及是in ê siōng爱（参考耶利米书三十七：5）。In m̄知上帝已经拣选巴比伦帝国当仆人，beh来惩罚犹大（参考耶利米书廿五：8—9）。
经文：以西结书 23:22-23:35 注释:
Tī chit段经文中有四pái lóng是用「至koân ê上主án-ne讲」（参考第22、28、32、35节等等）做踏话头，mā说明这是四个分段，说明犹大（用「阿荷利巴」一词表示）án怎得罪上帝，却m̄知反省、悔改认罪。因为án-ne，上帝表明ài怎样严厉惩罚这悖逆ê子民以色列。
第22节，chia「至koân ê上主」，chit-ê词至少表明三种意义：一是teh指创造宇宙万物ê主宰；二是teh指独一、无法度用其它神来比并ê真神；三是teh指神圣bē-tàng侵犯。
Chia指出犹大tī心态上ê错误，就是喜新厌旧ê感情。用tī对上帝ê信仰上，就是对上帝无「全心、全情、全力」ê疼，因为án-ne，上帝beh激起chiah-ê过去kah犹大有外交关系联盟ê国家受气、忿怒，hō͘ chiah-ê国家「来围攻」犹大。
第23到24节，讲出准备出兵来攻击犹大ê，包括有「巴比伦人kah迦勒底人」，这其实lóng是仝款ê人。同时iáu有「比割人、书亚人、哥亚人，kah所有ê亚述人来」，这表示所有ê族群lóng kā趁此机会围攻南国犹大，hō͘它无法度逃脱上帝ê惩罚。Chiah-ê来围攻ê族群、国家lóng配备tio̍h「战车kah辎重车」，in ê军队装备齐全，lóng有「盾牌头盔护身」。而且chiah-ê国家、族群会「照in ê律法审判」，表示chiah-ê来攻击犹大ê族群，bē带有怜悯，却是会用非常粗暴ê手段来对待in。
第25到27节，讲出巴比伦帝国军队使用残酷ê手段对付犹大，in会「割掉」犹大以色列人民「鼻á kah耳á」，并且mā会「刣死」kah「俘虏」in ê kiáⁿ，甚至是「活活烧死」，chiah-ê teh说明人类战争史上常见ê残酷手段，m̄-nā过去án-ne，即使tī今á日mā是仝款。
「剥掉你ê衫裤，抢去你ê珠宝」，chit节thang参考第十六章39节。前者是一种侮辱ê方式，后者讲出过去因为犯罪所累积存起来ê珍贵物件，lóng会hō͘洗劫一空。换句话讲，过去用chiah-ê珠宝显示贵族气派ê，taⁿ lóng会成做被侮辱ê对象。只有tī chiah-ni̍h残酷ê惩罚下，犹大人民chiah会醒悟过来而「无koh留恋埃及」。
第28到31节，仝款是用「至koân ê上主án-ne讲」开始，chit段经文mā说明巴比伦帝国ê军人会án怎地残酷对待以色列人民，就是极尽所ē-tàng地侮辱in，hō͘ in ná亲像「妓女」仝款，任人sńg弄、嘲（sau）笑、轻视。犹大ná亲像「娼妓」仝款，m̄-nā只有ē-tàng供众人sńg弄，iáu tio̍h去学习怎样崇拜chiah-ê结盟宗主国ê偶像神明。因为in学习北国以色列（指「阿荷拉」，参考廿三：4）ê脚迹。因为án-ne，上帝怎样惩罚北国以色列，mā tio̍h用仝款ê方式惩罚犹大。
Chia用「惩罚」ê「杯」来表示上帝ê惩罚。Tī圣经中不时被用惩罚ê杯来做譬喻（参考诗篇七十五：8，以赛亚书五十一：17、22，耶利米书廿五：15—29、四十九：12，俄巴底亚书第16节，哈巴谷书二：16）。
第32节，tùi chit节到第34节，是一首诗歌，mā是用「至koân ê上主án-ne讲」开始，mā用chit句话做结语。
Chia继续第31节所提起ê「酒杯」，强调这杯是「koh深koh大」，表示甚么人lim了这杯，必定会醉茫茫。这杯「贮满惩罚」，这是teh指上帝ê大受气所带来ê结果。
第33节，讲第32节ê酒杯所带来ê结果是「hō͘人恐怖、凄凉」、「醉倒、悲惨」，chiah-ê lóng tī指国家将会灭亡ê意思。
第34节，「lim尽这杯，连渣滓mā吞落去」，chit句话真清楚teh说明：南国犹大所有ê人民，无任何一个人ē-tàng逃得过chit pái国家被灭亡所带来ê惨剧。
「碎片会割破你ê乳房」，有ê版本用「拔出你ê头毛」，chit种句话lóng teh表明非常痛苦ê意思。
第35节，是chit段经文ê最后结语，用「至koân ê上主án-ne讲」做总结。并且讲出kui个惩罚ê原因：就是「bē记得」、「弃sak」了上帝。
经文：以西结书 23:36-23:49 注释:
Chit段经文koh一pái重复叙述犹大ê人民án怎bē记得in kah上帝之间ê关系，对上帝无够忠实，最后就是只相信政治、军事结盟会带来力量，m̄-koh chit种想法就是对上帝ê信心不足，甚至是bē记得上帝chiah是以色列民族性命ê保护者，这是非常悲哀ê事。
第36节，上帝beh先知以西结准备好势去公布上帝teh beh ài beh进行对以色列民族ê惩罚。
第37到39节，thang参考以西结书第十六章20节、第二十章31节等等。
Chia指出以色列民族所犯ê罪证，包括对上帝无忠实，mā因为in ê众领袖chiah进行残害异己ê「凶刣」行为，koh khah恶质ê是竟然kā家己ê kiáⁿ当做牲祭献hō͘异教神明，koh「污辱圣殿」ê神圣，就是tī圣殿中mā建造异教神明ê偶像（参考列王记下十六：10—16、廿一：4—7），无koh遵守安息日做圣日。
第40到45节，用妓女án怎放荡、淫乱ê行踏，来形容以色列民族ê败坏情况，差不多是严重到只要是有钱人lóng thang kah之上床ê状态。M̄-koh in bē记得chiah-ê钱后来会koh被chiah-ê ná亲像强盗ê人夺取而去。结果是in只有ē-tàng成做被sńg弄ê淫妇仝款，一点尊严mā无。而且为tio̍h取悦chiah-ê来嫖妓ê，in iáu kā一kóa无辜ê人hō͘杀害（参考列王记下廿四：4）。上帝绝对bē赦免chit种领导者。
第46到47节，是上帝惩罚以色列民族ê方式，就是用「暴徒恐吓」、「洗劫in」，并且the̍h「石头phah」、「用剑刺」、「刣死in ê kiáⁿ」，以及「放火烧掉in ê厝」，án-ne，in过去所有ê一切lóng kā付诸一炬。
第48到49节，讲出上帝会用顶面所讲ê方法，来惩罚以色列民族，好终结in屡劝m̄听，故意去做惹上帝极大忿怒ê恶质行为，只有án-ne，in chiah会醒悟过来，知影甚么人chiah是真正上帝。
经文：以西结书 24:1-24:14 注释:
Chit章真重要，因为chit章是先知以西结受上帝呼召后，tú-tio̍h siōng严重ê冲击，就是耶路撒冷城被围困到hit-ê城被攻破，犹大国灭亡。特别ê是当先知以西结挚爱ê bó͘忽然猝死，却bē-tàng为bó͘举哀，chit种心灵ê痛苦、难堪，hō͘伊无法度言语。
头前一再提起犹大人民所犯ê罪状，现在则明确地指出chiah-ê罪kā为in带来ê严厉惩罚，上帝亲自拣选巴比伦皇帝尼布甲尼撒当做仆人（参考耶利米书廿五：9），带兵来围困耶路撒冷城。
第1到2节，chia清楚记落来巴比伦军队围城ê时间是tī「流亡ê第九年十月初十日」，这tú好是主前588年正月15日。上帝beh先知以西结「记落来今á日这日子」，因为这是苦难ê开始，是「巴比伦王开始围攻耶路撒冷」ê日子。
这日期在列王纪下第廿五章1到2节ê记载是：「西底家背叛巴比伦王尼布甲尼撒，因为án-ne尼布甲尼撒率领全军来攻打耶路撒冷；hit时是西底家在位第九年ê十月十日。In tī城外扎营，绕tio̍h城墙筑垒攻击，一直围困到西底家在位ê第十一年。」
第3到5节，这是用一首简短ê诗歌做譬喻，来形容上帝透过巴比伦军队围城ê譬喻，表明上帝beh惩罚「悖逆ê子民」因为in ê心是硬到极点，听bē落去上帝劝勉ê话。
Chia用「Kā锅khǹg tī火上，锅里贮满水」，chia ê「锅」表示耶路撒冷（参考以西结书十一：3、7、11）。「火」，是teh代表上帝ê惩罚惩罚。
「上等ê肉」、「siōng好ê羊肉」，chiah-ê用句lóng是teh kí上帝ê子民。现在，m̄是只有「上等ê肉」á是「siōng好ê羊肉」，连「特选ê骨头」mā bē放过，这等于是全部lóng tio̍h khǹg入去锅里「煮」。而且iáu koh khah tī「锅下堆满木柴」，chia「木柴」teh代表巴比伦军队，为tio̍h beh hō͘火势猛烈ê意思。
第6到8节，chia指出耶路撒冷是一个「充满凶手ê城」（参考以西结书廿二：3），因为城内发生真chē杀害无辜ê人ê性命。
「生銹无洗过ê锅」，表示已经pháiⁿ到极点，无法度修复ê意思。「銹」一字mā表示恶毒、罪孽之种ê意思。
「内面ê肉」，这是耶路撒冷城内ê以色列人民。「一块块地被夹出来，一块mā不留」，表示城内ê以色列人民会被一个一个掠起来。
「溅tī光滑ê大石上」，表示chiah-ê残害别人性命者，并m̄知家己罪恶chē深，iáu以刣人为乐，无kā被杀害ê人用土埋起来（参考利未记十七：13），反tńg会hō͘害者ê血迹留tī石头壳顶，用来展宝家己杀害jōa-chē人。Chiah-ê被残害者ê呼hoah声音，上帝听见了，他beh伸手替in伸冤，上帝beh亲自替chiah-ê受害者「报复」。
第9到12节，这是第二pái用「充满凶手ê城」chit-ê词句形容耶路撒冷。上帝beh「亲自堆积木柴」，而且是beh继续「添木柴，煽火」，hō͘锅á滚烫得koh khah快、koh khah烈，然后「Kā肉汤煮干，kā骨头烧焦」，完全无存留任何一丝希望ê意思。当锅理ê肉kah骨头lóng煮到彻底了后，tio̍h拚出来。然后kā锅á用焰火烧。为tio̍h是beh kā锅á内ê「銹」去除掉，án-ne「锅就洁净à」。头前讲过，「锅á」代表ê是耶路撒冷。Án-ne，就ē-tàng kā耶路撒冷彻底除掉过去所犯ê罪过，hō͘伊成做一个新ê城，这mā是后来先知以西结讲tio̍h重建新ê耶路撒冷圣殿之背景。
「倒空了ê铜锅」，表示kā耶路撒冷城内所有ê人lóng被赶出去，hō͘城内空无一人。Án-ne，整座耶路撒冷城就变成废墟。
第13节，说明上帝会án-ne严厉惩罚，只有一个原因，是希望完全洁净以色列人民，ē-tàng真心地归向上帝。
第14节，「我beh采取行动ê时机到à」，chit句话表明上帝展开惩罚时刻到à。Ná亲像第1节所提起巴比伦军队已经来围困耶路撒冷城。当上帝惩罚ê时是「绝对bē怜悯，mā不阔容」，无koh hō͘ in任何机会。
经文：以西结书 24:15-24:27 注释:
Chit段经文看出先知以西结ê心灵世界，为家己同胞受难ê痛苦。Chit种痛苦ná亲像家己身边siōng亲近ê bó͘往生了，mā无法度表示哀伤，用chit种方式来回应目chiu金金看家己ê同胞往生，mā无法度哀伤艰苦心，iáu koh khah像无甚么事发生仝款。原因是伊已尽了先知ê责任，劝勉过in，ē-sái讲是in偏偏m̄听，只知影一意孤行地犯罪落去，致使严重得罪上帝，因为án-ne受tio̍h chiah-ni̍h严厉ê惩罚是理所当然ê事。
第15到17节，是teh譬喻上帝惩罚他ê子民，有kah顶面仝款帝kā先知以西结「siōng心爱ê人」，mā就是伊ê bó͘「夺行」，然后上帝beh先知以西结「m̄-thang哀伤、痛哭，á是流目屎」，这是上帝对先知以西结ê要求，ài伊当做平常事仝款，koh kah-ná无甚么事发生一般。因为án-ne「bē-tàng光头赤足」，「bē-tàng蒙面」，mā「bē-sái食别人为丧家预备ê食物」等，以上ê动作lóng teh表示上帝就是beh先知以西结bē-tàng为死去ê bó͘办理丧事，á是表示「哀悼」ê意思。
第18到19节，说明先知以西结是真正m̄知伊bó͘会猝死，因为是上帝「忽然」kā伊bó͘夺去。身为上帝忠实仆人ê先知以西结就「遵照上主ê命令做」，因为án-ne，引起别人ê bē了解而问伊「为甚么án-ne做neh」。
第20到24节，是先知以西结teh对以色列民众解释伊之所以无举办丧事礼仪ê原因，是beh表明犹大人民teh beh面临仝款哀恸ê惨状有关。伊bó͘ ê死，ná亲像以色列人民kā耶路撒冷「圣殿当做骄傲ê气力，眼目的喜爱kah心灵ê寄托」，m̄-koh现在上帝beh亲手「污辱这圣殿」，而且留tī圣殿内ê「kiáⁿ lóng tio̍h被杀害」，tī chiah-ni̍h凄惨ê境遇之下，先知以西结ài犹大人民跟tòe伊去做，就是「不蒙面，m̄食别人为丧家预备ê食物」，mā不「光头斥足，mā不哀悼悲泣」，唯一ē-tàng做ê就是大家彼此「相对悲泣」，用chit种方式互相安慰问。先知以西结kā以色列人民讲，tio̍h照伊「所做ê」跟tòe去做。
第25到27节，特别强调先知以西结所扮演ê角色，其实就是beh hō͘犹大人民看tio̍h一个明确ê记号，这就是上帝ài怎样惩罚in悖逆ê行为。
经文：以西结书 25:1-25:17 注释:
Tùi第廿五章开始直到第三十二章，是一个新ê段落。Tī chit段落中，lóng是论到有关上帝审判围tī以色列人民四周ê国家、民族，包括有亚扪、摩押、以东、非利士、泰尔、西顿，kah埃及等。Tī chit段经文中，有几个特色，一是用「至koân ê上主讲」词句，二是lóng会先说明上帝为甚么审判chiah-ê国家á是族群，三是论述上帝ài怎样惩罚，四是以「án-ne，lín就会知影我是上主」chit句话做结尾。
Chit章论到了四个族群，包括第1到7节ê亚扪；第8到11节ê摩押；第12到14节ê以东，kah第15到17节ê非利士等。
第1到2节，「beh责备亚扪人」，chit-ê族群是现在约旦王国ê一部分， tī犹大东边ê隔壁。早tī士师ê时代，就是hō͘以色列人民siōng感头壳痛ê族群之一（参考士师记十：7—9、十一：4）。一直到主前597年，亚扪人藉tio̍h巴比伦帝国入侵耶路撒冷ê机会，趁火来phah劫（参考列王记下廿四：2），而且tī背后策划杀害巴比伦帝国任命ê总督基大利（参考耶利米书四十：13—四十一：18）。
第3节，指出亚扪人看见犹大遇tio̍h洗劫，圣殿被毁ê时，却tī边á拍手、跺脚，而且用正khau倒削ê话语讥笑以色列人民。
第4到5节，因为in幸灾乐祸ê行为，上帝beh hō͘「东边旷野来ê部族」，入侵tī in ê「土地顶面扎营、定居」，而且beh「食lín ê土产，lim lín ê奶」，chit句话真清楚teh表示亚扪一定tio̍h按时向占领in ê统治者进贡。In ê首都「拉巴城」，会荒废成做「放牧骆驼ê所在」，甚至严重到kui个国家「成做羊群倒ê牧场」，这表示城内ê人民大多数被刣死，á是人民hông掳去贩卖为奴，城内无koh有人khiā起。
第6到7节，上帝beh án-ne严厉惩罚亚扪人，是因为in用幸灾乐祸ê心态teh看待以色列人民ê境遇，连一点点á同情心mā无。上帝ê惩罚就是hō͘ in成做外国人侵犯ê对象，ná亲像以色列民族所遇tio̍h ê情景仝款。
第8节，提起「摩押」国，in tī亚扪ê南边隔壁，死海以东ê所在，南边kah以东相连，东边是阿拉伯大沙漠。
「摩押讲犹大国kah别ê国家lóng无差别」，chit句话表示tī摩押人ê眼中，认为上帝ê选民mā无甚么了不起，这等于是藐视上帝，看bē起上帝仝款。
第9节，「摩押边界ê城镇」，chia特别提起「伯・耶西末、巴力・免、基列亭」等三个主要「城堡」，是设tī死海ê东边，亚嫩河ê北部，lóng会因为hō͘上帝惩罚，chiah-ê城镇会受tio̍h巴比伦军队ê「攻击」，这mā表示摩押会失去边界屏障。
第10到11节，上帝一定「beh惩罚摩押」，有tùi「东边旷野来ê部族」会征服「摩押，连亚扪同齐征服」。结果摩押kah亚扪lóng tī chit两族ê并吞之下，「被列国遗忘」消失。
第12节，开始提起「以东人」ê问题。上帝讲「以东人凶狠地向犹大报复」，chia所指ê「报复」，是teh指耶路撒冷城遇tio̍h摧毁ê时chūn，以东人khiā tī巴比伦人hit边，协同残害以色列人民（参考俄巴底亚书第12—14节，诗篇一三七：7—9），in chit种恶质ê行踏hō͘上帝认为是「罪恶滔天」般ê严重。因为上帝无欢喜人有chit种趁火phah劫、落井下石ê心态á是行为。
第13节，提起上帝决定beh「惩罚以东」，tùi「提幔到底但ê土地lóng tio̍h荒废」，意思是teh指kui个以东人khiā起ê地区，「lóng tio̍h荒废；所有ê人lóng被杀害」，这是真严重ê惩罚。
第14节，指出以色列人民会执行chit项「向以东报复」ê命令，chit句话已经teh暗示上帝会koh再复兴以色列民族。
第15到17节，开始提起有关非利士人ê问题。Chia讲非利士人ê「世仇」，就是teh指以色列人民。为tio̍h beh报复，in「tī仇恨下杀戮了敌人」，表示in杀害以色列人民真chē。因为án-ne，上帝ài beh进行惩罚，方式真清楚，就是beh「消灭」chit-ê族群。甚至「连残留tī非利士平原ê人」，上帝mā lóng m̄ hō͘ in有机会存活落来，因为上帝beh「重重地」、「piàⁿ落大受气」惩罚in，ná亲像in用残酷手段相对待已经落难ê犹大人民仝款。
经文：以西结书 26:1-26:21 注释:
Tùi chit章开始直到第廿八章19节，chit段经文lóng是teh指tio̍h泰尔chit-ê城市kah族群ê问题。泰尔，古早时腓尼基，mā就是今á日ê黎巴嫩ê首都，是一个海岸城市，因有绝佳ê地理位置，因为án-ne，tī商业kah政治上，一直是列强觊觎争夺ê城市。Chit-ê城市自古以来就kah以色列人民有密切ê商业来往。
主前595到594年间，泰尔bat kah犹大签订联合公约beh共同对抗巴比伦帝国（参考耶利米书廿七：3），m̄-koh tī犹大受tio̍h巴比伦攻击ê时，泰尔却因为看见ê时势不利，而无照约束出兵协防犹大，结果反tńg hō͘家己成做孤立ê城市，终其尾受tio̍h巴比伦帝国严厉ê打击。
Tùi第廿六到廿八章19节ê chit段经文中，thang用「上主对我讲话」chit句话当做区分段落（参考廿六：1、廿七：1、廿八：1、11、20），然后每一个段落ê主题：一、第廿六章1到21节，论到泰尔城ê毁灭；二、第廿七章1到36节，讲tio̍h泰尔船队ê没落kah遭遇；三、第廿八章1到10节，泰尔王kā受tio̍h惩罚；四、第廿八章11到19节，用泰尔王ê遭遇警戒其他国家。
Chit章真详细地叙述巴比伦军队会带hō͘泰尔kah居民极大ê摧残kah伤害，其中iáu包含一首哀歌，是为tio̍h beh哀悼泰尔ê毁灭。
第1到2节，「流亡ê第十一年某月初一」，tùi第2节知影是「耶路撒冷毁了」ê日子，因为án-ne，thang换算出是tī主前586年二月12日á是13日，mā就是耶路撒冷沦陷ê日子。
「泰尔城ê居民兴高采烈」，in看见「耶路撒冷毁了」而出现chit种反应，原因是in只tùi经济利益着（tio̍k）眼，认为耶路撒冷chit-ê贸易对手，现在无能力kah in竞争à。
第3到6节，上帝决定beh「对敌」泰尔，这「对敌」一词tī先知以西结ê作品中用真chē pái，表示上帝ê审判kah惩罚ê意思。上帝惩罚ê方式就是召集列国ná亲像「波涛涌来」般ê攻击泰尔，hō͘泰尔完全无法度承受，结果被「扫除所有ê土粉」，呈现出来ê是「光溜溜ê石头」，到最后泰尔最后只chhun「孤岛」，无土地thang种作，只有ē-tàng tī「孤岛」上靠掠鱼为生。即使án-ne，mā bē-tàng安宁，因为列国会来「洗劫」它，mā tio̍h「用剑刺刣周围城镇ê居民」。
Chit句「周围城镇ê居民」，原本希伯来文是teh指「田里ê众女」，意思是teh指tī田园里工作ê妇女mā难佳哉免得，lóng kā遇tio̍h杀害。这mā表示被杀害ê人非常chē，差不多是全被刣灭ê惨况。另外一方面，chit句「周围城镇ê居民」，mā是teh表示泰尔ê「卫星城市」，是óa靠泰尔经济发展而生存ê城镇ê意思。
第7到8节，「世界siōng大ê国王—巴比伦ê尼布甲尼撒王」，这是kan-taⁿ有ê一pái用「世界siōng大ê国王」chit种句型形容巴比伦帝国皇帝尼布甲尼撒。Mā tùi chit句话看出当时ê巴比伦帝国已经是siōng大、siōng强壮ê帝国。Chia讲「军马、战车、骑兵」等名词，chiah-ê lóng kah「马」有关系，这teh表示：巴比伦军队已经kā siōng重要ê军事装备lóng派出，非常齐全。巴比伦帝国已经先the̍h落来了泰尔ê「周围城镇」，而且chiah-ê城镇ê居民lóng遇tio̍h「杀害」。然后in「挖壕沟，筑土堆，排列盾牌」等，准备ài进攻泰尔。
第9到14节，「破城ê槌」，这是kā整棵树ê主干phut落来当做撞城ê武器。是kā树干ê一头削成尖头状，包上厚ê铁片，kā chit种树干khǹg tī推车上，用快速方式推撞城门。Á「铁棒拆毁堡垒」，chit种铁棒带有锐利ê弯勾，m̄-nā thang用来拆毁城墙，mā thang用来攻击守卫ê军兵。来进攻泰尔城ê巴比伦军队ê阵容非常坚强，m̄-nā是军兵人数真chē，单单军兵喊叫kah战马ê嘶厉声，就够额「震撼了城墙」，其攻击力非常坚强，明明是无法度抵挡。In tī「大街小巷横冲直撞」，如入无人ê地一般四界「用剑刺刣居民」，连泰尔ê守护神之「庙柱会被sak倒tī地上」，所有商家kah私人财物lóng kā hông掠夺、洗劫一空。Kui个泰尔城以后be7 koh听tio̍h「歌声」、「竖琴ê乐声」，过去歌舞升平ê日子，现在lóng「停止」了，因为国家战败了，人民死伤惨重，受掠为奴ê人koh khah chē。只chhun讨海人tī「光溜溜ê石头」曝渔网而已。因为毁坏情况严重到「无法度重建」，表示已经是彻底毁灭。
第15节，thang参考以赛亚书第廿三章1节，描述hit-ê城tú-tio̍h ê惨状是连航行tī海上ê船夫，lóng thang听见远tùi城里居民被「屠杀」ê时所发出ê「尖叫」声音。
第16节，巴比伦军队ê残酷手段，m̄-nā是泰尔城受tio̍h非常惨重ê结果，连散落在地中海ê附近真chē岛屿、城邦ê国王，听见了mā lóng胆战心惊地主动「脱掉王袍kah刺绣ê衫裤」，全身「pi̍h-pi̍h-chhoah」到无法度khiā立，只有ē-tàng「坐tī土脚」m̄知如何是好。
第17到18节，是一首哀歌。真清楚谈起过去ê泰尔，bat有过非常强盛、风光ê时刻，m̄-koh in lóng bat因为án-ne而仗势欺人，「恐吓沿海ê居民」，taⁿ变成in hō͘人欺压、恐吓。Taⁿ当它受tio̍h巴比伦帝国ê摧残ê时，其他koh khah弱小ê「岛屿」邦国听tio̍h巴比伦帝国án-ne残酷手段teh摧毁泰尔ê时，lóng会「颤抖」、「惊惶」不安。
第19到21节，lóng teh说明泰尔kā成做废墟，无人khiā起ê所在，就kah-ná被「深渊大洋ê水淹灭」，表示完全无恢复性命ê希望。Ná亲像被推到「阴间」、「深渊」一般，只有「死人」chiah会去khiā起ê所在。而且kā永远无koh重现。
经文：以西结书 27:1-27:9 注释:
Chit章是一篇篇幅甚长ê哀歌，是继续teh描述第廿六章所提起上帝kā严惩泰尔chit-ê国家。因为泰尔有两个港口，其一是tī北pêng ê天然港口，另外一则南边ê人工港，这mā是泰尔之所以繁荣ê因素，因为有两个港口吞吐货物，mā hō͘伊成做地中海非常重要ê贸易商港重镇。Chit章就是用航海船只来来往往ê变化来譬喻泰尔tùi兴旺到没落，终到毁灭之景象。
Chit段经文是teh描述泰尔过去繁荣ê景象，m̄-nā有来往各地ê船只停泊tī其港口，而且来往交易ê商家lóng是属tī上流阶级。
第1到2节，这是chit章诗篇ê起头序言，主要目的是为泰尔「唱挽歌」。
第3到4节，凸显了泰尔这国家经济兴旺ê景象，有「真chē海岛国家贸易ê商埠」设立tī chit国家，因为án-ne，它「夸耀家己是十全十美ê城市」，因为它是一个海口城市，因为án-ne，「以海为家」，表示泰尔ná亲像一艘航行tī海上ê船只般，kui个城市ná亲像一艘「被造得美仑美奂」大船仝款。
第5到9节，chit段诗歌是tī回应第3节所提起ê「十全十美」，kah第4节所讲ê「美仑美奂」之情景。Chit段经文提起ê建材lóng是当时siōng上等ê材料，m̄-koh mā thang看出泰尔chit-ê城市非常奢华。它ê建材包括有「乌门山ê松树做柴板」，以及「黎巴嫩ê香柏树做船桅」，koh有「巴珊ê橡树做桨」，以及用「基提ê松树镶嵌tio̍h象牙做甲板」，加上它ê帆是用埃及进口ê「绣花麻纱制成」，而它ê蓬是「tùi以利沙岛运来ê紫色布 」制成等， m̄-nā án-ne，in iáu聘请「西顿人、亚发人」划桨，然后有本地ê高手「掌舵」，而且有「迦巴勒来ê老手」木匠雕琢该船等等，chiah-ê描述lóng thang看出泰尔城市ê奢华情景。
经文：以西结书 27:10-27:25 注释:
Tùi第10节开始，chit段经文讲tio̍h泰尔因为商业发达，经济能力真强，因为án-ne，雇用外籍兵团为伊防卫。Chit段经文mā同时描述泰尔tī商业贸易上繁荣ê景象。Chia m̄-nā列出一连串ê地名，而且mā lóng kā chiah-ê地区kah泰尔贸易ê货物名称列出来，表示泰尔确实是kui个中东地区ê货物集散地，á是贸易中心。这mā说明为甚么当耶路撒冷被破坏、摧毁ê时，泰尔人会欢喜拍手叫好，讲in koh khah án怎都无竞争对手了（参考廿六：2）。
第10到11节，特别清楚讲tio̍h泰尔雇用来自「波斯、吕底亚，和弗ê佣兵」teh防卫hit-ê城。Á「亚发」kah「西顿」lóng是出「掌舵」ê高手。因为án-ne，tùi「亚发」雇用掌舵高手来泰尔守卫城墙，因为án-ne，若想beh入侵chit-ê城市，就一定tio̍h透过船只，而驾驶船只就一定tio̍h是掌舵能力强ê人才有赢面。这说明泰尔有真强ê海军teh防卫国家安全。
「迦玛底」，chit-ê词表示军队ê意思。意思是teh指chiah-ê外来ê军团lóng真尽心地teh替泰尔守护城墙。所谓「盾牌挂tī你ê墙上」，表示一种武力ê象徵，无敌人敢来侵犯。因为án-ne，hō͘泰尔人lóng thang高枕无忧，是因为它ê经济能力真强，无论tī toh方面lóng成做附近国家所羡慕ê对象，对它赞誉有加，讲它是一个「十全十美」ê城市。
第12到24节，描述泰尔人所交易ê对象遍及世界各地。而且买卖ê物件lóng是贵重，而且是非常重珍贵ê物件，chiah-ê包括象牙、紫色布、香料、珠宝、金、绿宝石、高级香料等等，同时mā有战争物资ê战马、驮马，kah骡子等。
第25节a句，chia讲泰尔「用siōng大商船ê船队装运货物商品」，chit句话说明泰尔ê港口有真好ê条件，chiah hō͘它tī航运kah货物ê吞吐量上，确实真大，这mā显示出伊tī当时ê中东地带，差不多lóng无对手thang比。
经文：以西结书 27:26-27:36 注释:
Tī前段真详细地记落来泰尔ê兴盛之样，chit段却讲chiah-ê繁华ê景象，lóng会成做过去，因为泰尔会受tio̍h上帝严厉ê惩罚kah打击，而且hō͘伊就án-ne跋一下peh bē起来。
第25节b句tú好回应了上一句ê泰尔ná亲像一艘艘ê「大船」，船顶「满满地装载了」来自各国、各地进行贸易ê货物，「航行」tī大海上。显示出泰尔ê繁荣，khah赢过任何其他ê地区、国家。
第26到29节，真清楚讲tio̍h虽然像大船，不过上帝出手一击，就全部崩垮瓦解。「外洋」，表示深海ê所在。「东风」，这一向是上帝惩罚ê方式。现在上帝决定beh惩罚泰尔，因为án-ne，吹起了东风打击海面。Chia ê「东风」，mā thang代表「巴比伦帝国」，因为伊tī东pêng。Á无论jōa大ê船只，只要tú-tio̍h上帝惩罚ê东风，所有ê一切lóng kā「沉到海底」，m̄-nā是船顶ê货物，mā包括「木匠kah商人」、「军人」，以及船顶所有ê人员，就算是「海员kah舵手」mā无法度佳哉免得而且无论in怎样「呼救」，mā是无啥路用。Hiah-ê tī岸边看见船只遇难ê海员kah舵手原本想beh下水去救助，m̄-koh实在是无法度接近遇难ê船只，因为海上刮起ê东风所造成ê风涌实在是siuⁿ大了，最后只好上岸来，只thang hō͘船只沉无落去。
第30节，「掖尘埃tī头壳顶，tī灰中phah滚」，chiah-ê tī岸上ê海员kah舵手，看tio̍h船难就发生tī in目睭前，mā只有ē-tàng用chit种方式来表示in心中ê艰苦心「哀悼痛哭」。
第31节，thang参考第七章18节。
In哀悼痛哭ê方式，ná亲像厝内至亲ê人往生hit种。In用「剃光头，穿丧服」举哀，mā表示in kah泰尔这国家ê关系密切。
第32节，这是一首挽歌，主要tī哀悼被毁灭ê泰尔chit-ê国家、城市。Chit段哀歌mā thang参考第廿六章17到18节。
「toh一座城ē-tàng kah泰尔相比」，chit句话清楚说明泰尔过去ê繁荣景象，大大超过任何城市邦国。
「沉无tī海底ê泰尔」，因为是沉无tī海底，mā teh表示孤独，无koh有任何声音出现。过去in bat是每工歌舞升平ê繁荣城市，现在已经今非昔比，大无相仝à。
第33到34节，是对应句型。
当过去平顺ê时，因为航运、商业鼎盛，为统治者「君王」带来大笔财富，而且来chia进行贸易ê国家lóng得tio̍h真koân ê利益。Taⁿ ê泰尔盛况无koh，原因是泰尔ná亲像一艘大船遇tio̍h大「海难」仝款，沉无到「海底」下，m̄-nā「货物」尽失，连所有过去óa靠这大船生活、工作ê人mā lóng「消失tī海中」。
第35到36节，「群岛」，这是teh指过去来chia进行贸易ê国家，in看tio̍h泰尔chit种结局lóng大感「大tio̍h惊」，连「君王mā lóng惊惶」到m̄知如何是好，而「显露愁容」，因为m̄知koh来tio̍h怎样办，甚至会惊惶接落来自己mā会「遭遇」到「仝款ê运命」。
经文：以西结书 28:1-28:19 注释:
Chit章thang分做几个段落，一是第1到10节，chit段落teh述说泰尔会án-ne引起上帝极大ê忿怒，是因为泰尔王tī国家发展到颠峰状态ê时，kā家己譬喻成做神，而且想beh取代上帝。二是第11到19节，提起上帝出手惩罚，会致使泰尔永远灭亡。三是第20到23节，chit段落是谈起有关西顿ê问题，虽然无说明西顿人到底犯甚么，m̄-koh清楚记载上帝惩罚in ê方式。四是第24到26节，chit段落讲tio̍h上帝beh复兴以色列，他beh出手打击hiah-ê藐视以色列人民ê附近国家，另外一方面上帝beh带领以色列人民重回故乡，重建家园。
Chit段经文是描述泰尔王ê结局。Tī chit段经文中，引用了创世记第二、三章伊甸园ê典故，来说明过去ê泰尔原本是美丽ê国家，taⁿ kā变成废墟，甚至被消灭殆尽，完全无koh存在。圣经一再提醒一件事：只要是人，就m̄是神。因为án-ne，当人想beh取代上帝ê时，犯罪ê行为就会油m̄-koh生。泰尔王kah巴比伦帝国国王lóng有仝款ê问题，in自喻为神是上帝绝对无法度容忍ê事。
第1到2节，chia真清楚指出泰尔王kah伊ê国家会án-ne hō͘上帝惩罚，就是「自认为是神明」，这ná亲像先知以赛亚teh谴责巴比伦国王ê情形仝款（参考以赛亚书十四：12—14）。先知以西结讲泰尔王自认「像神明坐tī海中ê宝座顶」，伊bē记得ē-tàng hō͘海浪平静ê，是创造宇宙万物ê上帝。若无他命令海浪平静，所有ê船只lóng无法度航行，泰尔ê海上贸易lóng kā化做乌有。
上帝beh先知以西结对泰尔王清楚讲出伊是「必朽ê，m̄是神」，chit句「必朽ê」人，意义真清楚是teh指有限、会死ê。
第3到5节，「达尼尔」，chit-ê名字tī以西结书第十四章14节bat出现过一pái，指一个真有智慧ê人。骄傲ê泰尔王自认是非常「聪明，明白所有ê奥秘」ê人，khah赢过民间流传甚久ê智者「达尼尔」。
第4到5节，chit节讲出了泰尔王骄傲ê原因，就是in tī贸易上非常成功，m̄-koh he是伊用「聪明kah技巧致富」，「累积了真chē金银」，因为泰尔王「会晓经商ê秘诀，不断来增加财富」，伊是因为累积了真chē财富而骄傲。
第6到10节，chit段经文讲tio̍h上帝beh kā泰尔王彻底摧毁，因为伊kā家己当做kah「神明仝款聪明」，m̄-koh上帝却beh差遣「凶暴ê敌人」来攻打泰尔，结果泰尔王过去用「聪明kah技巧得来ê一切美物」，lóng teh-beh被「摧毁」，换句话讲，所有过去累积起来ê财富，会因为上帝ê忿怒kah惩罚，而消失殆尽。
「刣你，kā你沉入海底」，tī以色列文化中，海底，ná亲像深渊仝款，这是一种永远ê刑罚，ná亲像阴间仝款，是上帝惩罚犯罪者siōng严重ê方式。当敌人ài kā泰尔王「沉入海底」ê时，伊「iáu敢自称是神明mah」？不，无可能。因为只要是人，就是「必朽ê，m̄是神」。上帝beh hō͘泰尔王死tī「不虔敬ê外国人手中」，表示泰尔王会因为chit pái ê灾难，hō͘上帝永远弃sak，á是讲会死得非常凄惨。
第11到12节，chia讲泰尔bat是「完美ê典范」，既「充满智慧」，koh有真好ê经济发展ná亲像第廿七章1到9节所描述ê样式。
第13到15节，chit段经文讲述原本泰尔是完美ê，ná亲像khiā起tī「上帝ê田园—伊甸园」仝款上帝用真chē贵重ê宝石「装饰」，以及用「金首饰打扮」泰尔，而且iáu差派「hō͘人惊惶ê ki-lō͘-pek」，mā就是有上帝ê天使守护。
第16到19节，chit段经文描述上帝对泰尔王ê惩罚，上帝ài伊离开「圣山」，因为伊太骄傲。这是因为当泰尔王kah伊治理下ê国家达到非常兴旺ê时chūn，就开始狂妄、残暴，而且「作恶多端，做seng-lí不守公道」，致使上帝ê名遇tio̍h侮辱，这mā是为甚么上帝beh彻底毁灭泰尔ê原因。上帝mā用惩罚泰尔王ê方式当做警告其他国家kah君王ê方式。
经文：以西结书 28:20-28:26 注释:
Chit段经文是描述上帝beh惩罚西顿chit-ê城。通常只要讲到泰尔，就会连结西顿。因为chit两个城市ná亲像兄弟之邦仝款。Mā thang án-ne了解，只要是泰尔有做ê恶质行踏，西顿必定mā会发生。
最后一段话是关系以色列民族ê复兴。Chit段结语siōng大ê特点，就是突显出上帝对他ê子民ê看顾kah爱。泰尔是永远灭亡，m̄-koh相对tī以色列民族，上帝却beh hō͘伊重新复兴起来。
第20到21节，chia讲上帝beh先知以西结用「责备」ê严厉语气之方式对西顿人讲话。
第22到23节，chia讲上帝beh成做西顿人ê「对敌」者，当众人看见上帝惩罚西顿ê时，lóng会「称颂」上帝，因为大家lóng认为he是西顿人ê报应，mā是上帝公义ê审判，这mā显示了上帝ê「神圣」，chiah会「施行惩罚」tī he作恶多端ê人ê身上。Á上帝惩罚ê方式，就是用「瘟疫」惩罚西顿城内ê人民，而城外则有来自「四面八方」ê敌人威胁会「刣灭」hit-ê城ê居民。
第24节，chit节提起以色列民族ê复兴，过去hiah-ê看bē起、轻视伊ê国家、民族，taⁿ lóng m̄敢koh再「轻视以色列」à。
第25节，上帝teh-beh伸手kā被「放ta̍k」到各国去ê以色列人民「领tńg来」到上帝赐hō͘「仆人雅各ê土地」，这清楚表明上帝kah以色列民族之间有特别ê关系。
第26节，以色列人民kā ē-tàng「安居乐业，建造房屋，开垦葡萄园」有安定ê生活，bē koh受到外族入侵ê威胁。因为上帝伸手「惩罚轻视以色列ê邻国」，án-ne，以色列人民就ē-tàng teh过「安全」无虑ê生活。
经文：以西结书 29:1-29:21 注释:
Tùi第廿九开始直到到三十二章，chit段lóng是论到埃及ê问题。Tī chit段长到四章ê经文中，除了第三十章1到19节无标明日期外，其余ê段落lóng有明确ê日期（参考廿九：1、17、三十：20、三十一：1、三十：1、17）。就án-ne ē-tàng看出，先知以西结就是beh hō͘读者知影伊所论到ê事lóng是事实。
先知真清楚ê说明：以色列民族既然是上帝ê选民，因为án-ne，无论tú-tio̍h jōa大ê危险，siōng重要ê，就是beh óa靠上帝ê带领，却m̄是óa靠强权ê势力。Koh讲，上帝siōng m̄准ê一件事，就是当人á是国家得tio̍h气力ê时，就kā家己神化了，认为家己ē-tàng kah上帝相比，甚至想beh对抗上帝，chit种心态kah念头kan-taⁿ会带来上帝严厉ê惩罚。Chit章经文就真清楚讲tio̍h上帝为甚么beh严厉惩罚埃及国王kah伊ê人民，原因是in像泰尔国王仝款，自比为神而且自认ē-tàng掌控上帝所创造ê尼罗河。Chit种态度就是kā上帝所创造ê万物，当做家己ê私人财产仝款，koh khah严重ê是iáu kā家己神化，这是上帝所讨厌ê行为。因为án-ne，上帝用巴比伦来惩罚埃及。
第1节，时间是犹大人民流亡ê「第十年十月十二日」，chit-ê日期就tī主前587年正月，是tī第廿四章1节所记载耶路撒冷被巴比伦帝国围困ê一年后。
第2到3节，chit两节连续用了三pái「责备埃及」，表示上帝非常受气一定会严厉惩罚埃及。上帝beh成做埃及王以及伊ê人民ê「对敌」者，表示上帝beh惩罚ê对象。原因是因为伊太骄傲了，竟然讲埃及ê「尼罗河」是伊「造ê」，是伊ê。伊根本无kā上帝khǹg tī眼内，却是kā家己当做神仝款，这ná亲像泰尔自称做「神」（参考以西结书廿八：2）仝款狂妄。
Chia用「潜伏tī河里ê大鳄鱼」来形容埃及王，chit句话有两个意思，一是in óa靠这河域过生活，二是in不时攻击靠近河边ê动物。
第4到5节，因为埃及王自喻是河中ê大鳄鱼，因为án-ne，上帝就beh用「钩子」来钩它ê鳃。「鳃」被钩tòa，表示chit只大鳄鱼已经被掠tiâu，走不掉。上帝mā tio̍h kā「贴tiâu tòa」tī chit只大鳄鱼「鳞甲」上ê「鱼mā同齐khiú出来」，chiah-ê贴tiâu tī鳞甲上ê鱼，指ê就是埃及ê附庸国家á是族群。Án-ne，受惩罚ê m̄-nā是埃及，mā包含其附近óa靠它耀武扬威ê小国、族群。然后kā它「hiat-ka̍k tī旷野」、「横尸荒地，无人收埋」，这表示境遇真凄惨，kan-taⁿ会沦落成做野兽ê食物。因为上帝beh用它ê「尸体来喂飞鸟行兽」。
第6到7节，只有tī chiah-ni̍h严厉之惩罚下，埃及国王kah人民chiah会醒悟过来，原来in ê君王并m̄是神，尼罗河mā m̄是神，m̄是in赖以生存ê气力。Chit时chūn，以色列民族chiah会明白in所óa靠ê埃及，只不过ná亲像「一条脆弱ê拐á」，m̄-nā无作用，靠近伊iáu会受伤害，这lóng是teh说明埃及根本就是靠不住ê一个国家。
第8到9节，chit两节讲出了上帝ê惩罚确实真严厉。原因是第9节所讲ê，埃及国王骄傲地自称是创造者，自认为尼罗河是伊「造ê」。
第10到12节，chit段经文继续讲tio̍h上帝对埃及ê惩罚。上帝m̄-nā tio̍h kah埃及国王「做对」，mā tio̍h kah尼罗河「做对」，后者表示上帝bē koh再hō͘尼罗河有水thang饮用kah灌溉，kui个埃及地「全部荒芜废弃」，无任何人kah动物会khiā起其中。
第13到15节，经过「四十年后」，上帝beh重新带领埃及人tńg来故乡，m̄-koh kan-taⁿ有「南部」ē-tàng khiā起而已，无koh像过去hit种强壮，in只有ē-tàng「组成一个小国」，而且是「世界上siōng小ê王国」，因为án-ne，in无法度koh再「统治别ê国家」，chit点kah上帝应允hō͘以色列人民ê cheng差真大（参考以西结书廿八：25—26）。
第16节，「以色列绝无koh óa靠in」，表示以色列人民因为看见埃及受tio̍h严厉惩罚而醒悟过来，知影「óa靠人是jōa-ni̍h-á ê错误」，而且清楚知影创造万物ê上帝chiah是「至koân ê上主」。
第17节，「流亡ê第廿七年正月初一」，这是主前571年4月26日。
第18节，「巴比伦王尼布甲尼撒攻打泰尔」，这表示巴比伦军队bat猛攻泰尔，这是tùi主前587年开始攻打，直到574年，长到13年时间，因为泰尔ê防守真坚固，巴比伦军队ê攻击无想像中ê顺利，致使巴比伦军队则严重损兵折kā。Chia用「军队背负重荷，soah致使头秃肩破」来形容巴比伦军队因为久攻不下泰尔ê倦tah-tah状态。
「ē-sái讲是王kah军队都无得tio̍h报酬」，chit句话表示经过十三年ê攻打，了后虽然成功，m̄-koh ē-tàng掠夺得tio̍h ê物件，却khah输这十三年所付出ê战争经费。
第19到20节，chit两节thang看出巴比伦军队看tio̍h攻打泰尔得不偿失了后，决定转向攻打埃及，án-ne巴比伦国王就ē-tàng用phah败埃及所得tio̍h ê「战利品」，来做补偿攻打泰尔损失ê「军饷」。
第21节，「hit时」，表示上帝审判ê时刻。上帝beh koh一pái赐福以色列，这表示惩罚埃及是对以色列有利。上帝beh hō͘全体以色列人民注意听先知以西结传讲ê信息。
经文：以西结书 30:1-30:19 注释:
Chit章ê第1到19节经文继续论到有关上帝惩罚埃及ê第三段，可惜chit段经文并无注明是tī甚么时间宣告ê信息。不过tī第20到26节就有说明传达信息ê时间，先知以西结使用隐喻，表明埃及teh对抗巴比伦ê攻打ê时，ná亲像断了一只膀臂般hō͘不上力，结果埃及败得koh khah惨。
Chit段经文论到埃及全国lóng tio̍h tú-tio̍h上帝严厉ê惩罚，列出真chē城市ê名，北tùi密夺到南部ê色弗尼lóng无一佳哉免得。
第1节，「上主koh对我讲话」，tī tùi第1到19节ê chit段论到惩罚埃及ê经文中，每一个段落ê起头lóng是用chit-ê句型，参考第1节、第6节、第10节、第13节等等。M̄-koh chia ê「koh」，是续接toh段信息，圣经学者一直有无仝ê意见。
第2到4节，上帝beh先知以西结讲出「预言」，而且是beh大声叫，表示上帝ê惩罚真严重ê意思。
「上主采取行动」，表示上帝ài beh进行审判。
「乌云密布、列国受惩罚」，表示m̄-nā是埃及受tio̍h惩罚，mā包含kah埃及联盟ê其他国家、族群，如第5节所提起ê国家、盟邦。Á上帝惩罚ê方是就是用战争，而且是战祸遍及埃及全地，koh khah凄惨ê是「全国被洗劫，夷为平地」，表示埃及所tú-tio̍h ê惩罚非常严重，差不多是彻底荒废。
第5节，chit节提起几个族群lóng有人被埃及雇用为佣兵，包括真早就移居tī埃及国内ê以色列人民在内。
第6到8节，「tùi北部ê密夺到南部ê色弗尼」，chit句话表示埃及全国ê意思。「所有保卫埃及ê人lóng tio̍h阵亡」，包括「埃及ê精锐部队会hō͘消灭」，因为这是tùi上帝来旨意ê惩罚，所以无任何国家、人民ē-tàng抵挡得à。
第9节，原本「古实人」认为有埃及当其宗主国，in就ē-tàng teh过「安逸无虑」ê生活。M̄-koh现在in kā听tio̍h上帝「派使者坐船去扰乱」in，表示in mā tòe「惊惶失措」，m̄知该怎样办chiah好。
第10到12节，chit段经文真清楚讲上帝beh用巴比伦王尼布甲尼撒去「摧毁埃及ê财富」，而且伊ê军队teh攻击ê时，手段是残酷、「凶狠」ê，in会用「刀枪攻击」，则人民必定会丧命并且「横卧全埃及」。换句话讲，巴比伦军队入境埃及，m̄是只停留tī一城市á是某一个地区，却是遍及埃及各地，无一佳哉免得。另外一方面，上帝同时进行ê惩罚，就是hō͘「尼罗河干涸」，而这tú好打击了埃及国王ê要害，因为伊bat骄傲地讲尼罗河是伊ê，是伊造ê（参考以西结书廿九：3）。
「Kā埃及交tī邪恶ê人手中」，表示上帝用邪恶ê巴比伦帝国来惩罚邪恶ê埃及。Chia ê「邪恶」表示心中无上帝ê意思。
「外国人」，意思是teh指心中无上帝，á是m̄-bat上帝ê人。
第13节，「挪弗」，mā就是「孟斐斯」（Memphis），bat是古埃及ê首都，tī开罗以南大约二十四公里处。Chit-ê城ê人民敬奉「蒲伊」（Plah）chit-ê神明，认为chit-ê神明用它ê语言创造ê诸神，管理宇宙kah万物。因为án-ne，tī埃及有真chē偶像神明，而人民mā欢喜崇拜chit位「蒲伊」之神。代表chit-ê神ê样式是「牛」，in称呼chit种牛神为「阿比斯」（Apis），这mā是为甚么以色列人民行出埃及进入旷野后，á是念念无bē记得chit-ê「蒲伊」神，tùi án-ne造了一只「金牛」来拜（参考出埃及记三十二：1—6），结果引起上帝极大ê震怒。
「无人统治埃及」，chit句话有两种意思，一是teh指埃及国hō͘别人侵占、统治。二是teh指国家已经灭亡à。
第14节，「埃及南部」，这是设tī尼罗河上游ê地区，当chit所在「荒芜」，mā表示尼罗河干涸à。
「火烧北部ê琐安城」，这「琐安城」mā就是「坦尼斯」（Tanis）。「火烧」琐安城，表示hit-ê城会毁坏到寸草不留，完全荒芜。
「惩罚首都底比斯」，chit-ê城做埃及首都ê时间真久，人民以敬拜日头神「亚孟」（Amon）为主神。因为来chia朝圣ê民众相当chē，因为án-ne mā带hō͘此城相当chē财富。M̄-koh当上帝一出手惩罚，chiah-ê「财富」lóng kā遇tio̍h「摧毁」（参考第15节）殆尽。
第15到16节，「埃及siōng巩固ê要塞—训城」，tī尼罗河三角洲东部ê一座城，chit-ê城离地中海kan-taⁿ一公里远而已，是重要ê军事kah商业城镇，mā是古代中东地区兵家必争之地。现在上帝讲beh「piàⁿ落」他ê大受气到hit-ê城，hō͘ hit-ê城「饱受灾难」。
「底比斯ê城墙会被击破」，tī第14节已经有提起上帝kā beh惩罚hit-ê城，tī第15节提起hit-ê城ê财富会hō͘摧毁，现在则讲敌人会击破城墙，「像大水仝款冲入城里」，表示hit-ê城ê沦陷，人民kā因为án-ne而受尽被凌虐、屠杀、强暴，以及财产hông掠夺之苦。
第17节，「希利坡里城」，前者是tī开罗北pêng ê大约十公里远ê所在，hit-ê城mā被称做「日头之城」，以崇拜日头神「拉・阿图姆」（Re—Atum）为主。
「比伯实」城，这是tī开罗附近ê所在，以拜女神「贝斯蒂」（Bastet）为主。Mā是当时埃及kah附近国家朝圣ê中心城市。
M̄-koh这两城ê青年人，为tio̍h beh抵抗巴比伦帝国ê入侵，结果因为无法度抵挡，致使「青年lóng tio̍h阵亡」，无死去ê mā lóng tio̍h「被俘」。
第18节，「答比匿」，chit-ê城设tī苏伊士运河沿岸，bat是犹太人流亡到埃及时主要ê居所城市。
Chia ê「乌暗」、「密云」等词lóng teh表示性命面临死亡ê危险，表示埃及teh beh面临极大ê危险，人民可能会面临受掠为奴ê结果。
第19节，上帝beh「惩罚埃及」ê原因，就是beh hō͘埃及国王知影，伊m̄是神，创造万物ê上帝chiah是真神。
经文：以西结书 30:20-30:26 注释:
Chit段经文是先知以西结使用隐喻，表明埃及teh对抗巴比伦ê攻打ê时，ná亲像断了一只膀臂般ê hō͘不上力，结果埃及败得koh khah惨。
第20节，chia指出时间tī「流亡ê第十一年五月初七」，这大概是tī主前587年4月29日，mā是以西结书第八次记载日期（参考一：1、八：1、二十：1、廿四：1、廿六：1、廿九：1、17）。
第21节，上帝讲「我phah断了埃及王ê手股头」，这大概就是tī犹大王西底家tī被巴比伦围困后ê三个月，请求埃及来救援。顶pái犹大请求埃及救援，确实hō͘巴比伦帝国撤军，m̄-koh chit pái并无hō͘巴比伦撤退，却hō͘埃及严重受创，ná亲像断了一只手股头仝款（参考耶利米书三十七：5—10）。「无人ē-tàng替伊包扎」，意思是埃及失败了，得bē-tio̍h其他ê救助。
第22到24节，m̄-nā án-ne，上帝iáu koh khah继续惩罚埃及，惩罚ê方式是「phah断伊ê双臂」，上一节讲埃及断了一只手股头，现在是「双臂」lóng断了，换句话讲，埃及受tio̍h ê惩罚是加倍严重了，连ài the̍h起任何防卫ê武器mā无办法，上帝beh hō͘埃及完全废除军事武力ê意思。然后kā埃及「放ta̍k到全世界」，上帝特别「hō͘巴比伦王ê手股头强壮」，为tio̍h是beh惩罚埃及到伊完全投降为止，chit时chūn ê埃及只有ē-tàng tùi痛苦中发出「haiⁿ-haiⁿ叫」ê声音，有ê甚至是会痛苦难耐到「死去」。
第25到26节，无论是埃及ê「衰弱」，á是巴比伦帝国ê「强盛」，lóng是决定tī上帝ê手中。Chiah-ni̍h大家chiah会明白真正主，就是创造宇宙万物ê上帝。
经文：以西结书 31:1-31:18 注释:
Chit章ê第2到9节是一首诗歌，先知以西结用香柏树譬喻埃及，表示伊原本生做非常壮大、茂盛，甚至连伊甸园里ê香柏树mā不比它高、美丽，而且有各种动物来寄居其中。M̄-koh tī第15到18节讲壮大ê香柏树倒落来了，所有寄居tī其中ê lóng离开。M̄-koh续落来就讲tio̍h埃及tùi siōng koân ê境界，瞬间受tio̍h非常严重ê创伤，然后坠落到非常深ê阴间去。Tùi第10到14节ê记载thang看出这壮大ê香柏树（埃及）会án-ne倒落来，是因为它已经腐蚀（骄傲）à
第1节，先知以西结讲chit pái上帝hō͘伊ê信息beh传hō͘埃及王kah伊ê人民，日期是tī「流亡ê第十一年二月初五日」，这日期是tī主前587年6月21日。Mā是以西结书中第九个日期（参考一：2、八：1、二十：1、廿四：1、廿六：1、廿九：1、17、三十：20）。
第2到3节，「你像」chit-ê词原希伯来文是「亚述」，亚述原本是主前第八世纪siōng强盛ê国家。M̄-koh后来就tī主前612年被巴比伦帝国消灭。现在用tī埃及身上，意思是「埃及像亚述」仝款，会hō͘巴比伦hō͘消灭。
Chia用「黎巴嫩ê香柏树」来譬喻埃及，而且是一丛生做非常壮大ê香柏树，用这来形容埃及ê国势，是非常坚强有力。
第4到5节，chia讲tio̍h埃及chit-ê国家有非常好ê条件，m̄-nā有「泉水」，mā有「地下脚ê水」，chiah-ê lóng teh表示埃及是一个水源充沛ê地区，因为án-ne，tī chit河流周围ê树木lóng生做非常茂盛，m̄-koh这棵香柏树是生做「比其他树高」、「枝子koh长koh密」。
第6到7节，「飞鸟」、「野兽」等飞禽行兽譬喻真chē小国，lóng是欢喜来依靠tī埃及ê庇荫下生活，这mā是chia所讲ê「列国tī树荫下安居」ê意思。因为这棵大ê香柏树，确实生做非常茂盛，其树根「深入地下ê水源」，这Tī一般人看起来是永久繁荣兴旺ê保证。
第8到9节，「上帝园中」，这是teh指「伊甸园」，表示上帝对埃及有特别ê厚爱，hō͘埃及强壮到无tè比，连「松树」、「枫树」等lóng无法度kah它相比，chit种形容，主要teh说明埃及是大家欢喜寄居、经商á是交往ê国家。
「我hō͘它生做美丽，枝叶茂盛」，chit句话mā是chit首诗歌siōng重要ê一句，表示埃及之所以强壮，并m̄是家己有甚么能力，却是上帝ê作为，因为上帝特别疼它，m̄-koh这是beh hō͘埃及承担责任，m̄是beh hō͘它嚣张、夸耀家己。
第10到14节，chit节讲出埃及会受tio̍h上帝惩罚ê原因，就是因为它「生做jú高jú骄傲」。上帝ê惩罚是：
一是kā它「交hō͘外来ê统治者」，这是teh指巴比伦帝国会来统治埃及。
二是统治者会用「phut倒它，弃sak它」，这等于是用重ê手phah埃及，án-ne「tī它树荫下khiā起ê各国人民lóng tio̍h离开」。
三是成做废墟，结果是飞鸟kah野兽mā来chia歇脚kah「践踏它」。
四是上帝bē koh再hō͘任何一个国家ē-tàng永垂bē朽烂，却是lóng会像世间所有ê人仝款，会「进入阴间，kah死人同齐」。
第15到17节，chit段经文lóng teh说明埃及这棵大树被丢入阴间后ê情形：
一是「地下脚ê水淹盖」过它，chit种用词lóng teh表示无koh有任何性命ê希望，因为无任何溪流ê水会流过其身边。
二是「乌暗罩tiâu黎巴嫩山」，án-ne就bē koh再有阳光出现，原本绿荫浓密ê香柏树，会因为为缺少水ê滋润、阳光ê照耀而「枯焦死」。
三是因为上帝chit种惩罚而「震撼列国」，过去已经丢入tī阴间ê lóng发出「欢喜」ê声音。这表示无人会同情伊ê境遇ê意思。
四是过去寄居tī埃及「大树」庇护之下ê国家、民族，taⁿ lóng会因为in过去藉势杀害别人ê，taⁿ mā连带受tio̍h惩罚，lóng tio̍h「被放ta̍k到列国」，表示成做奴隶被贩卖到各国去。
第18节，「这棵大树代表埃及王kah伊ê人民」，chit句话用来解释头前ê譬喻。
「不虔不敬」，表示无受过割礼者，á是心中无上帝ê。这说明无论是甚么人，即使像埃及过去hit种有辉煌ê时代，mā lóng tio̍h受tio̍h上帝ê审判，无例外。
经文：以西结书 32:1-32:16 注释:
Chit章是继续tùi第廿九章开始ê谈起有关上帝beh惩罚埃及之记事。Tī这章中提起两个时间，一是第1节，二是第17节。Á tī chit两段时间lóng是耶路撒冷沦陷后ê时间，表示犹大亡国à。
Chit段经文koh一pái tńg来到了第廿九章3到5节所提起尼罗河kah河里ê怪物。Beh表明ê就是：埃及就是尼罗河中ê hit只怪物，上帝beh用siōng严厉ê方式来处置chit只河中ê怪物。
第1节，上帝hō͘先知以西结ê信息，时间是tī「流亡ê第十二年十二月初一」，这是主前585年3月3日。
第2节，上帝beh先知以西结去「警告埃及王」，并为埃及王「作挽歌」，表示上帝惩罚埃及王ê时间到à。Chia讲埃及王家己认为是「少壮狮」，表到真勇猛、威严，m̄-koh tī上帝眼中，埃及王只不过亲像一个「河里ê鳄鱼」，siōng chē是「tī河里泼水，用脚搅混河里ê土，hō͘河水污浊」，kan-taⁿ会用chit种混水摸鱼ê方式，躲bih起来藏tī人看bē-tio̍h ê所在，做kóa bē看kháu得ê事。M̄-koh即使是án-ne，上帝á是真清楚知影伊teh chhòng甚么。
Chia所用ê句话mā另外有一种意思，指埃及ê外交政策，时常搅乱了kui个中东国际社会ê秩序。Á是讲它真会使弄别人去做不应该ê事，而bih tī暗处thèng候收成。
第3到8节，chit段经文描述上帝惩罚埃及ê手段：
一是「当真chē国家ê人民聚集ê时chūn」，上主「会抛网掠tiâu」它，hō͘它无法度逃脱。
二是kā它「拖到岸上」，弃saktī土脚，「hiat tī荒野，叫所有空中ê飞鸟旱地上ê行兽来食」它。
三是它ê「尸体」kā遍满kui个「山岭」、「溪谷」，而所流ê「血」差不多ē-sái讲是血流成河一般，预言死伤会真严重。
四是当上帝惩罚埃及时，天象会改变，ná亲像当年摩西带领以色列人民行出埃及chìn前所发生ê灾难仝款（参考出埃及记十：13—15、21—23）。
第9到10节，chit两节lóng teh强调上帝严厉惩罚埃及时，ē-sái真chē埃及「m̄-bat听过ê国家」，以及「群王会惊惶pi̍h-pi̍h-chhoah」，表示列国lóng会因为巴比伦军队ê凶猛、残暴之武力摧毁了埃及而惊kah gāng去到无法度khiā稳，全身pi̍h-pi̍h-chhoah，担心「性命」不保。因为担心会受tio̍h牵连，心中惊惶不安。
第11到16节，chit段经文真清楚hō͘埃及王知影，伊会「遭遇巴比伦王ê刀剑」杀害。有真chē「凶狠ê国家」会跟tòe巴比伦帝国ê军队联合起来，用真残酷ê手路「刣了了」埃及ê人民，án-ne，伊kah伊ê人民过去「所夸耀ê一切」全部lóng会跟tòe「消灭」。
Tī前面所提起ê，过去埃及王就是tī尼罗河里hō͘河水混浊，藉以杀害过河ê人kah cheng-seⁿ。Taⁿ当埃及国王kah伊ê人民lóng被消灭殆尽ê时，孕育性命ê尼罗河就ē-tàng恢复以往ê「清澈」，无koh「污浊」了，而孕育性命ê契机会重新启开。因为án-ne，字面上看起来是残酷，其实mā是上帝特别ê恩典，会有新性命ê开始。上帝beh「hō͘埃及成做废墟荒地」。这mā是上帝beh先知以西结写ê「挽歌」，用来「哀悼埃及kah伊ê国民」，m̄-nā án-ne，chit首挽歌会成做「列国ê妇女lóng tio̍h唱」ê挽歌，mā会流传落去，成做一首警戒世人ê哀歌。
经文：以西结书 32:17-32:32 注释:
Chit段是关系上帝论到惩罚埃及ê最后一段。Tī chit段经文中记载，埃及会hō͘落去到「阴间」，这ná亲像头前所叙述ê泰尔仝款，会被关tī黄泉（参考廿六：20）。而且m̄-nā是埃及而已，连同过去kah它仝伴作恶、享福ê国家mā无法度佳哉免得。
Tī chit段经文中一再重复ê词句是：「倒tī阴间」、「未受割礼」、「被刀剑刣死ê人」、「bat hō͘人惊惶战栗」等，chiah-ê用词主要teh表明，上帝ê审判一到，无论过去有jōa-chē荣华富贵kah权势，落场lóng会跟hiah-ê邪恶ê人仝款。
第17节，chia提起上帝hō͘先知以西结信息ê时间是tī「流亡ê第十二年正月十五日」，m̄-koh tī希伯来文并无「正月」chit个月份时间，m̄-koh，有两种观点，一种根据中世纪犹太圣经学者ê注释，认为是「十二月」，若是án-ne，时间就是主前586年4月13日到主前585年4月1日之间。另外一种是根据《七十人译本》用「正月」，包括「耶路撒冷」版本、《现代中文》等，lóng是采用《七十人译本》ê资料。Án-ne，就是主前586年4月27日。
第18到19节，这是另外一种挽歌ê方式，用「哀号」ê方式表达。M̄-koh重点lóng是teh说明埃及人民kah「其他强国同齐推入阴间」，kah hiah-ê「不虔不敬」做伙，表示埃及人无koh有甚么了不起，in mā是别人看bē起ê对象。
第20到21节，chia所讲ê「siōng英勇ê战士kah埃及ê盟友」，是teh指过去kah埃及仝伴ê人。旧约圣经时代，英勇ê战士tī社会上地位siōng koân，lóng受尊崇。M̄-koh现在chiah-ê lóng kā失去意义，因为in kah埃及人仝款同在阴间痛苦ê深渊中。Á「盟友」，就是参与做邪恶ê tāi-chì ê人，in mā无法度逃脱免除阴间之惩罚。
第22到23节，chia提起「亚述」，意思是teh指主前612年被巴比伦帝国消灭ê亚述，情形kah埃及teh beh面对ê惩罚仝款。过去「in活teh ê时chūn bat hō͘人惊惶战栗」，现在上帝用埃及人对别人所做ê方法来报应in。
第24到25节，「以拦」，这是圣经时代ê一个国家，tī底格里斯河ê东边。后来被波斯并吞，成做波斯ê冬季首都，目前mā是tī伊朗境内。仝款ê，in过去所做ê，taⁿ mā仝款受tio̍h报应，「倒tī阵亡ê人中间」落去到阴间「受别人侮辱」，kah hiah-ê「未受割礼」ê人同在同齐。原因是in mā「bat hō͘人惊惶战栗」。
第26到27节，「米设kah土巴」，mā就是tī小亚细亚ê「弗吕家kah基利家」。In bat是泰尔ê贸易伙伴，过去是奴隶贩卖ê中心，mā是铜器制造ê大城（参考廿七：13）。In仝款mā是tī上帝审判下，受惩罚落去到阴间去。Chiah-ê古代社会英勇战士本来应该享受ê尊崇，tī上帝审判ê结果lóng是「倒tī阴间」。理由是过去in bat「hō͘人惊惶战栗」。Taⁿ in受tio̍h惩罚，换in tī阴间战栗惊惶。
第28节，「埃及会照样被粉碎」，chit句话讲出了埃及并无比头前叙述过ê国家好jōa-chē，lóng是仝款悲惨地被落去到阴间。
第29节，chit节提起「以东」，in原本是以色列人民ê亲人，m̄-koh因为mā参与掠夺犹大，因为án-ne，上帝mā会惩罚，hō͘伊「倒tī阴间」。
第30节，「所有北方ê首领」，lóng因in过去ê「权势bat hō͘人惊惶战栗」，现在mā lóng kah hiah-ê in眼中无甚么水准ê「未受割礼、被刀剑刣死ê人同齐到阴间受辱，倒tī hia」，无甚么差别。
第31节，chit节需要特别注意，因为chit节忽然讲tio̍h「埃及王kah伊ê军队会因为看见chiah-ê tī刀下丧生ê人ê遭遇而得tio̍h安慰」，其实，这是teh指当时先知以西结是tī巴比伦ê奴隶营区，伊无指出巴比伦帝国有一工ê遭遇mā kā kah埃及仝款。其实，先知以西结是beh传达chit-ê信息hō͘伊同受苦难ê同胞，beh hō͘ in知影有一工巴比伦ê遭遇会kah埃及仝款，当埃及王kah伊ê军队看tio̍h巴比伦王kah伊ê军队mā仝款来到阴间，就会「得tio̍h安慰」，因为摧毁in ê刽子手mā受tio̍h惩罚à。
第32节，chit节是chit段经文ê结语，表明ê是性命ê主权是tī上帝手中。人一定tio̍h真慎重tī土脚过日子，m̄-thang有欺负别人ê念头á是行为。因为上帝会报应、惩罚。无论人拥有甚么权势、力量，lóng是仝款。
经文：以西结书 33:1-33:20 注释:
Tùi第三十二章开始，直到第三十九章，这部分是本经册ê第四段落。
第三十三章谈起一个重要ê中心议题：先知是上帝ê仆人，仆人ná亲像一个「守望者」，一定tio̍h据实传达所看见ê一切景象。Á chit种「守望者」ê观念tī第三章16到21节已经有提过，m̄-koh二者之间有差别；第三章是谈及个人，chit章是论到kui个民族、国家。
Chit段经文谈起先知á是祭司ê角色，m̄-nā是传达上帝ê话，á是主持献祭ê工作而已，in iáu有一个重要ê使命，就是扮演「守望者」ê角色，这是一种责任。Chia清楚说明上帝ê特性，就是喜爱人悔改。罪人只要悔改，上帝就会赦免。相对ê，好人犯罪，一定会受tio̍h严厉ê惩罚。因为án-ne，Tī chit段经文中，先知以西结mā是teh鼓励劫后余生ê以色列人民，m̄-thang失去ǹg望。上帝是怜悯ê主，他希望以色列人民会知影悔改归向上帝，上帝一定会伸手拯救in。
第1到2节，每pái「国家遭遇战乱」ê时，ná国ê「人民会选出一个人来做守望者」，chia并无明确指出甚么人是守望者，而照摩西律法规定，chit种人当然一定tio̍h年满二十岁以上，而且有服过兵役者chiah thang担任社稷代表。其实chia是teh讲先知以西结是teh讲家己ná亲像chit-ê守望者。
第3到6节，chit段经文讲tio̍h守望者ê责任，kah人民ê回应态度。
一是tī「敌人逼近」ê时chūn，这守望者会「吹号警告人民」。
二是若是城内ê人民「听见警报无加chhap」，án-ne in「被敌人刣死，罪归家己」，守望者thang m̄免负责任。
三是若守望者「不发警报」，chit时chūn敌人来进攻，而且「刣死了人，即使被刣ê是罪人」，上帝mā tio̍h向守望者「追讨血债」，因为罪人mā有悔改ê机会。
第7到9节，chit段经文讲先知以西结就是上帝差派到「以色列国ê守望者」，因为án-ne，伊就一定tio̍h真忠实地kā上帝ài伊「警告」以色列人民ê话，一屑á都保留地全部讲出来。因为守望ê工作是一种责任，mā是使命，绝对无法度用任何理由、藉口来推托责任。Mā无法度讲因为对方是邪恶ê人就不警告，上帝bē接受任何藉口。
第10节，「引用以色列人常讲ê话」，表示这是一句流传tī俘虏营中ê话，in因为耶路撒冷城毁灭，圣殿被烧毁而感觉一切希望lóng落空了，chit种沈淀在内心自责ê情况真普遍而且深，因为án-ne，in「渐渐消瘦」，并且渐渐心灰意冷，差不多丧失活落去ê意念。
第11节，chit节ē-sái讲是kui本圣经siōng重要ê信息，就是罪人悔改。就是上帝喜爱ê，是看见罪人悔改而得tio̍h上帝怜悯、赦免，存活落去。慈悲ê上帝无愿意看见罪人因m̄知悔改来死亡。
第12节，tùi chit节开始到第20节ê chit段经文，thang参考第十八章21到29节，lóng是仝款ê主题，谈起好人后来去做pháiⁿ事；pháiⁿ人却知影悔改。
「pháiⁿ人改过，m̄免受惩罚；好人犯罪，不蒙饶命。」这是对比句型。「好人」若是犯罪，过去所做ê好事「bē-tàng救伊」。
第13节，chit节讲出上帝ê恩典是无法度被the̍h来乱使用ê。过去上帝所赏赐ê、应允ê，并bē-tàng the̍h来做现在犯罪ê抵押债券使用。人应该珍惜上帝所赏赐ê各种恩典，而且好好á使用tī现在ê生活kah工作，却m̄是the̍h来乱使用，这是tī败坏上帝ê恩典。
第14到16节，chit三节kah第13节是相对照ê句话。Chia用举例ê方式说明上帝特有ê慈悲。伊喜爱人悔改归正，赢过所有ê献祭（参考何西阿书六：6）。
「Kā抵押ê物件iáu hō͘原主」，表示怜悯贫困ê人，即使对方无能力归还，mā愿意怜悯伊ê困境。
「Kā偷来ê物件归还原主」，这是不诚实mā是贪婪ê行为。M̄-koh若改过，就算伊过去有犯罪ê行为，上帝mā会赦免、赦免。
第17到19节，chia讲出tī犹大人民中间一再有人传出chit种信息，认为上帝ê作法「不公正」。Chit种「不公正」是认为in祖先犯罪，却ài in承受上帝ê惩罚。In会有chit种看法，是因为in认为拜偶像，mā是祖先流传落来ê，in只是继承而已。其实m̄是án-ne，却是in家己mā欢喜án-ne做，而且in拜偶像ê行为比in ê祖先koh khah严重。因为án-ne，上帝ê信息koh一pái强调只要是做pháiⁿ事，m̄知悔改，就是beh面临「死亡」ê审判。相对ê，只要会「改过」，而且确实有做「公正ê事」，上帝一定会赦免chit种人，hō͘ chit-ê人得救。
第20节，上帝一定会「按照」每一个人ê「行为审判」（参考耶利米书十七：10、三十二：19，马太福音十六：27，罗马书二：6），绝对无讨价iáu价ê空间。
经文：以西结书 33:21-33:33 注释:
Chit段经文真清楚讲tio̍h耶路撒冷沦陷à。先知以西结传达上帝hō͘伊ê信息hō͘犹大人民知影。Tī chit段信息中mā凸显了一个重要问题：甚么人chiah是上帝真正子民？是hiah-ê无hông掳去做奴隶ê？á是hiah-ê受掠ê人mā是？m̄-koh真正ê问题并m̄是tī甚么人受掠，却是有无听从上帝ê仆人先知传达ê信息，án-ne chiah是真正ê问题所在。就算hiah-ê kah先知以西结仝款被掠到巴比伦ê人，mā无想beh听，koh khah免讲留tī故乡耶路撒冷ê犹大人民mā仝款，大家就算听，mā无动tī衷。
第21节，chia讲时间是tī「流亡ê第十二年十月初五日」，这是主前585年1月8日。
「有一个tùi耶路撒冷逃出ê难民」，chit-ê人对先知以西结讲「耶路撒冷城已经陷落了」，chit-ê逃走出来ê人算是好字运ê，因为当时以东人bat堵tī城门口协助巴比伦军队掠人、刣人（参考俄巴底亚书第14节）。Chit-ê消息对受掠tī巴比伦ê犹大人民ē-sái讲是非常大ê震撼，m̄-koh对先知以西结来讲并m̄是新鲜事，因为早tī以前，上帝已经启示伊，hō͘伊知影巴比伦军队围困耶路撒冷城ê事（参考以西结书廿四：1—2）。
第22节，tī chiah-ê逃难出来向伊报告chit-ê消息ê人来ê「前一晚」，先知以西结koh一pái得tio̍h「上主ê灵临到」伊ê身上，并且「恢复」了伊「讲话ê能力」，因为chìn前上帝hō͘伊失去讲话ê能力（参考廿四：27）。现在上帝beh先知以西结传出信息hō͘犹大人民。
第23到24节，「以色列境内hiah-ê荒城ê居民」，这是teh指hiah-ê无被掠到巴比伦去，留落来ê hiah-ê「siōng穷苦ê人」（参考列王记下廿四：14、廿五：12）。Chiah-ê留落来ê人就认为in「应该得chit块土地」，意思是in想beh占有hông掳去ê人所留落来ê土地产业。Chit种态度早tī上帝对先知以西结ê启示中就有提过（参考以西结书十一：14—15）。看起来in原本是弱势ê一阵，现在却反tńg变成强势一阵。其实，in无hông掳去巴比伦做奴隶，并m̄是因为in比较khah洁净、忠实tī上帝，却是因为in比较khah衰弱无做奴隶ê生产能力。现在in m̄-nā无怜悯hiah-ê受掠ê人ê心，koh khah无因为亲友受掠而哀伤，反却是心中沾沾自喜，认为ē-tàng藉这占领荒废落来ê土地。
第25到26节，先知以西结tùi上帝得tio̍h启示，回应chit群想beh占有别人产业ê人ê话，一一地指出in ê罪状包括有：「食带血ê肉」，这是摩西律法所严格禁止ê事（参考利未记三：17、七：26—27、十七：10）；「拜偶像」，这koh khah严重，因为这是所有罪中siōng严重ê一件，mā是十诫第一到二诫ê禁令；「刣人」，这是违背第六诫ê诫命；「做hō͘人憎恶ê事」，kah拜偶ná亲像仝款ê行为；「ta̍k个奸污厝边ê bó͘」，这是teh指in被巴比伦占领后，大部分ê cha-po͘人lóng被掠到巴比伦去做奴隶，留落来ê chiah-ê人并无好好á彼此互相照应，却奸污了hiah-ê失去丈夫ê妇女。Á这mā是犯第七条诫命。以上chiah-ê lóng是严重败坏ê行踏，而且lóng是违背摩西律法ê行为，「凭甚么iáu敢讲chit块土地」是in ê？这是先知以西结提出ê质疑地。
第27到29节，chit段是上帝做出ê审判。包括有：
一是tī城内ê会「死tī刀下」，这是teh指战争中死亡。
二是「野外ê」会「被野兽食掉」，这表示饥荒严重，饿死mā无人埋葬。
三是「bih tī山顶á是洞穴里ê人会病死」，这是teh指瘟疫会肆虐猖獗，死亡iáu-koh会继续落去，而且是严重。
因为上帝beh「彻底荒废」kui个迦南地，因为土地ê荒废，mā就「无人会经过」该地，这是因为上帝「惩罚」所带来ê结果。
第30到33节，chit段经文讲出犹大人民lóng知影先知以西结是上帝ê仆人，是真正先知。In「聚集做伙ê时lóng tī谈论」tio̍h先知以西结ê事，m̄-koh「in听，却无实行」，而且是「一句mā不实行」，然后kā先知以西结所传达ê信息「当耳á边风」，这kah先知耶利米所tú-tio̍h ê情况仝款（参考耶利米书二十：8b）。其实，in会有今á日chit种落场，就是因为无kā上帝ê信息当做一回事。Tī in眼中，先知以西结只不过像是一个娱乐别人ê「歌手」，而且是「kan-taⁿ会唱唱情歌、弹弹竖琴」ê艺人而已。
这kah耶稣teh谴责当时ê犹太人领袖是仝款ê，in「kan-taⁿ会讲，bē做」（参考马太福音廿三：3）。耶稣勉励他ê众门徒，ài kā听tio̍h伊ê话而去实行，chiah会像kā厝起tī石磐顶，永远坚固、bē摇动；若是听m̄去实行，就ná同kā厝起tī沙土上仝款脆弱（参考马太福音七：24—27）。
第33节，上帝koh一pái对先知以西结保证ài伊去传ê信息，「一定会实现」，到ê时犹大ê以色列人民就会知影in「bat有一位先知tī in中间」，m̄-koh为ê时已晚。
经文：以西结书 34:1-34:16 注释:
旧约圣经作者ài kā以色列人民ê君王、社会领袖（包含先知、祭司、长老）譬喻为顾羊人，而kā以色列人民譬喻为上帝ê羊群，而上帝就是羊群ê主人，然后上帝kā伊ê羊委托chiah-ê君王、众领袖来照顾，hō͘ chiah-ê人扮演顾羊人ê角色，照顾、管理羊群，mā就是上帝ê子民（参考诗篇七十八：70—72，以赛亚书四十四：28、五十六：11，耶利米书廿五：34、五十：6，三十七：24，弥迦书五：4，撒迦利亚书十一：4—11、15、17）。
因为有chit种顾羊人kah羊群之间ê观念，好ê顾羊人会为羊舍命，bē想beh tùi羊ê身上得tio̍h甚么特别利益。
圣经作者mā提供了一则重要观念：上帝ê话ná亲像好ê「饲料」，比蜂蜜甘甜，比金子koh khah贵重，会hō͘人ê性命更新，得tio̍h智慧，心眼明亮起来（参考诗篇十九：7—11）。
Chit章就是用chit种顾羊人kah羊群ê关系中做譬喻，说明上帝子民ê受掠，就是因为上帝ê仆人无善尽顾羊人ê职责，所以，上帝表示亲自来牧养他ê羊群，喂饱hiah-ê iau饿ê羊，医受伤ê羊，并且chhōe tńg来hiah-ê失迷ê羊等。
Chit段经文清楚指出上帝ê仆人，就是以色列人民ê众领袖，因为无善尽好顾羊人应该有ê职责，koh khah恶质ê是in iáu吞食上帝羊群ê肉，因为án-ne，上帝beh处罚chiah-ê不忠心ê顾羊人，无koh hō͘ in当顾羊人。
相对tī chiah-ê恶质ê顾羊人，上帝beh亲自做他子民ê顾羊人，ná亲像诗篇第廿三篇所写ê，上帝就是以色列人民ê好牧者。类似chit种经文，Tī圣经中一再出现（参考诗篇七十八：52—53、七十九：13、八十：1—3，以赛亚书四十：11、四十九：9—10，耶利米书三十一：10）。
第1到2节，「以色列ê统治者」kah「以色列ê牧者」，chit二个是仝款ê意思，表示chiah-ê人民ê领袖，就是上帝所委任ê顾羊人仝款（参考撒母耳记下七：7）。
上帝beh先知以西结讲「预言」，hō͘ chiah-ê以色列ê统治者知影in teh-beh「受灾了」，理由是in「只顾家己，却无牧养羊群」，chit种领导者通常lóng是存贪婪ê心。
第3到4节，chit段经文讲述了chiah-ê不忠心ê顾羊人是án怎自私、贪婪，只顾家己，不照顾上帝ê羊群。Chia清楚指出chiah-ê牧者恶质ê行踏，包括「lim羊奶，穿羊毛衣，宰siōng肥美ê羊，食羊肉」等等chiah-ê，这原本是顾羊人thang得tio̍h ê报酬，m̄-koh in却lóng「不牧养羊群」，m̄-nā无照顾破病ê、虚弱ê，mā不chhōe tńg来失迷ê羊，颠倒ê iáu使用暴力对待chiah-ê上帝ê羊群。。
第5到6节，这是上帝teh指控chiah-ê顾羊人，hō͘羊被野兽「撕碎」、「吞食」，mā hō͘羊「流落tī山谷峻岭中，分散全地，无人照顾，mā无人chhōe」。
第7到12节，chit段经文是上帝透过先知以西结呼吁所有ê「牧者」一定「beh听」上帝ê话，这是上帝对in ê控诉，讲chiah-ê牧者「只顾家己，无顾羊群」。因为án-ne，上帝kah chiah-ê顾羊人「做对」，伊kā采取几个积极行动：
一是上帝beh收tńg来他ê羊，m̄准chiah-ê恶仆人继续当chiah-ê羊ê「牧者」，因为chiah-ê恶质ê牧者「只顾家己」。
二是上帝beh tùi in ê「嘴里抢救」家己ê「羊」，m̄准in「食」chiah-ê羊ê「肉」，意指chiah-ê恶质ê顾羊人kan-taⁿ会残害主人ê羊群。
三是上帝beh「亲自chhōe tńg来」他ê「羊群」，kā陷入tī困境中á是危险中ê羊群「抢救」tńg来，免得受难。
第13节，第一pái出现chit种句话是tī第十一章17节，然后tī第二十章34节、41到42节、第廿八章25节等等处经文lóng一再地提起。Chiah-ê经文lóng kah chit节仝款，讲tio̍h上帝重新kā四散各国ê以色列人民领tńg来故乡重建家园。
第14节，chit节thang参考诗篇第廿三篇2节。
第15节，chit节真重要，chia讲上帝beh亲自牧养他ê「羊群」，为「in chhōe thang安歇ê所在」，表示上帝beh庇护他ê子民，hō͘他ê子民不再生活tī强敌虎视眈眈ê环境中，ná亲像诗篇第廿三篇4到5节诗歌所提起ê仝款。
第16节，chit节tú好kah第4节相对照。
先知以西结讲上帝beh「按公道牧养羊群」，chia ê「公道」表示无koh有弱肉强食ê社会景象，却是大家lóng享受公平ê生活环境。
经文：以西结书 34:17-34:31 注释:
Chit段经文是上帝审判ê宣告，就是区分好kah pháiⁿ、善kah恶，说明第16节所讲ê公道。Chit段经文mā是kā第25节提起ê新约所带来之景象呈现出来，he是一个非常thang期待ê新世界，是一个性命受tio̍h尊重、无受威胁ê所在。
第17节，chit节马太福音第廿五章31到46节，耶稣基督所譬喻中天国ê审判。
Chia用「绵羊kah山羊」来表示beh「分开」羊群中「好ê kah pháiⁿ ê」，这并m̄是讲「绵羊」khah好，而「山羊」比较khah pháiⁿ，主要teh说明会有所区别。
「个别审判」，这表示上帝ê审判绝对是清楚公道，绝对bē用「包裹」方式来判定是非、轻重，而产生善恶不分。这mā是先知文献中一再提起ê，每一个人会因家己ê罪受报应（参考以西结书三十三：20b）。
第18到19节，chit两节真清楚讲出上帝审判ê时，对hiah-ê贪婪无度ê贵族、有权势者，绝对bē宽待。因为chiah-ê人是「食上等ê草料iáu m̄知足」，koh khah恶质ê是故意用脚去「踩踏」hiah-ê chhun落来ê草，hō͘ hiah-ê贫困ê人民连beh食清气ê草mā得bē-tio̍h，想beh lim清气ê水mā bē-tàng得，只有ē-tàng lim「搅浑了ê水」，chit种行为是非常可恶ê。上帝ê审判一到，chiah-ê帐lóng会算得非常清楚。
第20节，koh一pái强调上帝ê「公道」特性。
「肥壮kah瘦弱ê羊」，譬喻着有权势者kah贫困ê人民，上帝tī chit二个之间会有「公道」ê审判。
第21到22节，chit两节讲tio̍h chiah-ê恶质ê羊，会用in有力ê「肩膀排挤，用角抵虚弱ê」羊，iáu会「Kā in赶散到各地」，这就ná同是一阵有权势者，利用in手上拥有ê势力欺压贫困者仝款。M̄-koh上帝绝对不阔容chit种行为，伊会kā chiah-ê被赶散ê羊「抢救」tńg来，hō͘ chiah-ê被欺负ê羊无koh「被虐待」。上帝ê做法真清楚，就是kā「好ê kah pháiⁿ ê分开」来审判，hō͘恶质ê无法度遁形。
第23到25节，chit三节mā是kui本圣经ê中心信息。
上帝beh赐hō͘他ê羊群有一个像他一般ê「君王做in ê牧者，牧养in」，chit点一直是以色列人民所期待ê。
注意chit句「上主beh做in ê上帝」，这是典型ê立约句话。因为án-ne，接落去就是上帝「beh kah in立约，保证in安全」，hō͘ chiah-ê会威胁羊群安全之「境内凶猛ê野兽」无koh出现，hō͘羊群「ē-tàng安全地」生活。Chit种安全ê约ê特质是，永远ê，bē改变ê，表示上帝ê疼永远bē止息，这就是永远ê约ê意思（参考以赛亚书五十四：10）。
第26到28节，chit三节thang参考弥迦书第四章1到4节。
Chia讲tio̍h上帝beh赐福hō͘ chiah-ê kah他重新立约ê子民。当上帝kā tùi四散到世界各地ê子民带tńg来后，beh hō͘原本荒废ê土地koh一pái「按时降雨」，án-ne「果子树会结果子，田园会出五谷」，因为有雨水、五谷，生活无缺无虑，chit时「人人lóng kā tī家己ê土地顶面安居」，这是一个全新ê生活景象，是人人所ǹg望ê生活世界。因为无人会hō͘锁链捆缚，mā bē有人被「奴役」，mā bē有人受tio̍h「恐吓」。因为上帝就是in ê牧者、领袖。
第29到30节，「Kā肥ê土地赐kā in赐福」，原本上帝赏赐hō͘以色列人民ê，就是肥、流奶kah蜜之地。是因为以色列人民背叛上帝，致使in国家灭亡、人民受掠，土地荒废成做野兽khiā起ê所在。现在上帝重新带领in tńg来khiā起，而且beh照时落雨，hō͘ in ê土地thang得tio̍h雨水kah甘露ê滋润，chit时chūn，土地会koh一pái生产丰富ê五谷，人民就bē受tio̍h「饥荒」ê威胁，mā bē koh再有别ê国家来「侮辱in」，án-ne，而且上帝iáu beh kā siōng好「肥ê土地赐kā in赐福」，hō͘ in thang「安居乐业」地过生活。非常重要ê是上帝beh kah in同在，而in就是上帝ê子民。
第31节，chit节用立约ê句型做结语。表明chit位上帝，就是以色列人民siōng好ê牧者。「Lín是我ê子民，我是lín ê上帝。」chit句话mā是立约siōng典型ê句话。
经文：以西结书 35:1-35:15 注释:
Chit章是论到上帝惩罚以东ê记事。Tī第廿五章12到14节mā有一小段经文记载上帝beh惩罚以东ê宣告。Tī这章经文中有一个特色，就是tī每段宣告之结尾，lóng是用「án-ne，你就知影我是上主」（第4节、第9节、第15节），chit句型teh表明上帝是审判者，是性命真正ê主宰。
Chit章说明上帝之所以beh惩罚以东人，是因为in做一件上帝siōng无法度忍受ê事，就是当巴比伦军队攻陷耶路撒冷城ê时，以东人盘踞tī城ê四周，每pái看见犹大人民tùi城里逃走出来，in就趁机会洗劫、杀戮，á是kā逃走出来ê犹大人民掠并kā它交hō͘巴比伦军队（参考俄巴底亚书第12到14节）。为tio̍h án-ne，上帝beh审判in chit种可恶ê罪行。
第1到2节，「公开责备以东」，表示上帝ê审判是「公开」ê，这mā teh表示上帝ê审判lóng是公平。Á「责备」chit-ê词，表示用真严厉ê话语讲出来。
第3到4节，这「至高」一词，表示审判者上帝是唯一ê主宰。Chia ê「以东山」，这是teh指以东ê意思。上帝讲beh kah以东「做对」，意思是teh指上帝kā以东看做是敌人仝款。因为án-ne，tio̍h「伸手攻打」以东，hō͘ chit-ê国家变成「荒废」ê所在，m̄-nā是「城镇荒凉」，连in khiā起ê「土地」mā tio̍h变成「荒芜」之地，表示敌人会攻进in ê城镇，人民会hō͘掳伊去。
第5到6节，chit节讲以东是「以色列ê世仇」，表示chit种仇恨是tùi历史上一件件累积起来ê。Chia说明上帝beh惩罚以东，是因为当上帝tī惩罚以色列人民ê时，以东人iáu趁势kā in「交hō͘敌人屠杀」，chit句话thang tùi俄巴底亚书第10到14节ê记载清楚看出来。这表示以东人是帮凶，就是协助巴比伦攻击、屠杀犹大ê刽子手仝款。因为án-ne，上帝决定beh用in所用ê方式来对付in，因为án-ne chia讲「血债一定tio̍h用血债还」。
第7到8节，chit两节thang看出上帝决定beh严厉惩罚以东，而惩罚ê方式，就是hō͘强敌来侵犯以东，chit种惩罚ê结果，m̄-nā土地被占领，人民mā会hō͘杀害殆尽，ná亲像犹大人民所遇tio̍h ê惨况。
第9节，「永远荒废」，意思是teh指永远成做他国ê附属国，chit件事一直到主前第二世纪chiah实现，mā就是马加比时代，phah倒希腊帝国，并且占领了以东ê土地，koh khah名为「以土买」，并且强令以东人beh遵守割礼，表示臣服tī犹太人。
第10节，chia用「犹大kah以色列」一词表示以色列民族，而in所khiā起ê土地是teh指kui个迦南地。M̄-koh这是上帝赏赐hō͘以色列人民khiā起ê土地。Á以东人「竟然敢讲」he是in ê，并且用实际行动「并吞」了chit块「土地」，chit点mā是上帝所无法度忍受ê事。
第11节，「愤恨、嫉妒、讨厌」，表示心内ê仇恨极深。现在上帝beh以东人所用ê方式来回应in，这mā teh说明上帝会「报应」，表示他是一个「伸冤」ê上帝。
第12到13节，chit两节讲出以东人「疯狂自大」，心中根本to̍h无上帝。
第14到15节，chit两节koh一pái说明上帝一定会报应，过去以东人看见犹大人民惨剧ê时发出欢呼，现在轮到别人仝款对待in。
经文：以西结书 36:1-36:15 注释:
Chit章teh说明上帝真正是怜悯了全部以色列人民。上帝beh hō͘以色列民族换做全新ê「心」，是颗会顺服上帝旨意ê心，就是tùi洗荡in ê心灵做起，hō͘ in知影真正性命ê主，是创造宇宙万物ê主宰。M̄-nā án-ne，上帝iáu koh khah赐福hō͘以色列民族，hō͘ in有坚强ê性命力kah真chē ê后代kiáⁿ孙。
Chit段经文是上帝beh透过先知以西结向所有以色列民族khiā起ê「山岭」、「土地」讲话，chit种象徵性ê表达方式，主要teh向以色列民族传达一个重要信息：上帝beh koh一pái带领in tńg来到chit片他所赏赐ê土地顶面khiā起。Chit种宣告，mā等于teh kā tī hit片土地khiā起ê人民讲，上帝对他所指定ê土地有主权。
第1到2节，上帝beh先知以西结「向以色列ê群山传达」他ê「信息」，这表示山岭mā是上帝创造ê，一定tio̍h听从上帝ê命令。另外一方面，chit句「以色列ê群山」，mā teh表示对所有占领tī chiah-ê山岭ê族群知影上帝teh对in讲话了，beh hō͘ in清楚in所占领ê chiah-ê山岭并m̄是in ê，却是上帝ê，是他赏赐hō͘以色列人民khiā起ê所在。
第3到4节，现在上帝beh先知以西结对chiah-ê占领了以色列民族土地、山岭ê邻国讲话，chiah-ê邻国过去bat「讥笑以色列」，mā bat「洗劫、侮辱」以色列民族，现在in lóng tio̍h听上帝ê话。
第5节，chit节讲上帝beh「tī大受气之下责备邻国，尤其是以东」，这表示上帝受气à，而且特别针对「以东」，原因是in ê态度是「目中无人」。
第6到7节，chit两节koh一pái强调上帝确实是忿怒到极点了，他坚持beh对chiah-ê占领以色列民族土地ê国家、族群，进行严厉ê惩罚。
第8节，chit节讲出两个重要信息：一是上帝beh koh一pái hō͘ chiah-ê被破坏而遇tio̍h锉殆尽ê树木重新恢复生机，「koh再茂盛」起来，并且hō͘果子树lóng ē-tàng「结出果子」。二是上帝beh hō͘他ê子民「真紧to̍h beh回乡」，上帝beh kā四散到各地ê以色列人民带tńg来故乡，重建家园，ná亲像重新栽种ê树仝款koh再茂盛起来。
第9到12节，chit段经文讲到à上帝对以色列民族ê应允：一是beh hō͘四散各地ê以色列人民ē-tàng回乡，二是ē-tàng重新「耕犁掖种」，in ê子女bē「iau饿」，这mā表示in thang安定生活，三是赐福in会「chē子chē孙」，表示有充沛ê性命力。四是比以前koh khah有活力，城镇「koh khah繁荣」。
第13到15节，「chit块土地是食人ê」，chit句话隐含tio̍h tī主前587到586年间，当巴比伦帝国围困耶路撒冷城ê时，城内发生严重饥荒，致使人民做出交换婴á煮食充饥ê惨事（参考耶利米书十九：9，耶利米哀歌二：20、四：10）。M̄-koh现在无koh会有过去hit种交换kiáⁿ煮食来食致使「绝子绝孙」ê现象，mā bē是「亡国丧民」土地，颠倒ê，tī上帝赐福下，chit块过去被蹂躏ê土地，会重新出现生新机。「bē koh再hō͘ lín被外国人辱骂、讥笑」，原因是上帝做in ê上帝，成做in ê盾牌kah守护者。
经文：以西结书 36:16-36:38 注释:
Chit段经文是上帝透过历史ê回顾，重新beh建立以色列民族，hō͘ in成做新而且是圣洁ê以色列民族。
第16到18节，chia提起过去以色列人民（意思是teh指南北二国）因为去「拜偶像」神明，「生活行为lóng玷污了hit块土地」，致使in tī上帝眼中ná亲像「无清气」ê妇女仝款（参考利未记十五：19—24）。In mā犯「刣人」ê恶质行为，因为án-ne引起上帝「piàⁿ落大受气」当做惩罚ê方式。
第19到21节，上帝惩罚ê方式就是kā in「放ta̍k到外国去」，只要看见in ê人，lóng知影以色列民族是上帝ê选民，却án-ne潦倒、落魄，讥笑in ê时chūn，mā同时侮辱上帝ê「圣名」。
第22到24节，chit两节真重要，说明并m̄是以色列人民有甚么值得提ê优点，hō͘ in ē-tàng tńg去故乡，却是上帝为tio̍h beh保全「家己ê圣名」。过去以色列人民hō͘上帝ê名「蒙羞受辱」，taⁿ上帝beh证明他是神圣bē-tàng侵犯ê，因为án-ne，上帝beh kā以色列民族带tńg来故乡，证明上帝绝对ê神圣。
第25到28节，Tī chit段经文中，上帝有表示几个重要行动来说明他kah以色列民族之间ê特殊关系：一是上帝beh重新改造以色列民族，洗荡in一切ê污秽。二是kā in赐福换上一粒「新ê心、新ê灵」，hō͘ in知影「服从」上帝ê旨意。三是kah in重新立约，in beh重新做上帝ê子民。
第29到30节，chia讲beh hō͘以色列人民重回故乡了后，tī上帝赏赐kā in赐福khiā起ê土地顶面「无koh有饥荒」，所掖种ê「五谷丰收」，hō͘ in ê「果子树结实累累，田园增产」，chiah-ê lóng是当时世界看做siōng珍贵ê性命财产。Tī chit种环境之下bē有「饥荒」，mā bē被「列国侮辱」。
第31到32节，chit两节thang参考第六章9节、第十六章63节、第二十章43节等等。
当以色列人民重回家乡了后，发现上帝是án-ne恩待in，chit时in就会醒悟起来，知影过去所做ê事真是荒唐至极，而知影「痛恨」万分。上帝koh一pái强调他会án-ne做，并m̄是因为以色列人民有甚么优点，却是上帝beh维护家己ê圣名ê缘故。因为án-ne，上帝beh以色列人民知影悔改，知影「为家己所做ê感觉惭愧见笑」。
第33到36节，chit段经文说明上帝洗荡了以色列人民ê罪，mā就是赦免了in，并且赐福in，hō͘ in过去荒废ê土地重新得tio̍h赐福而ē-tàng生出一股全新ê气力，种作ê田园ná亲像伊甸园hit种ê美，无koh是废墟，却是「人口稠密，koh有巩固ê堡垒」thang安全khiā起ê城镇。
Chit句「iáu未灭亡ê邻国」，表示hiah-ê侥幸生存落来ê族群，lóng会看tio̍h上帝怎样保护以色列残存ê人民，带领in tńg去故乡，而且hō͘ chiah-ê人民ē-tàng「重建废墟重耕荒地」。这既然是上帝是用他永恒性命chiù-chōa ê话，就一定会实现。
第37到38节，chit两节koh一pái说明回乡后ê以色列人民，已经显示出全新ê气象，除了清楚知影，in siōng好ê，mā是唯一ê óa靠者，就是bat带领in tùi奴隶之地tńg去故乡ê上帝，而他beh赐福kā in赐福「人口像羊群仝款增chē」，真是siōng大ê赐福。Án-ne，in除了过去tī战争中死亡惨重外，hông掳去做奴隶ê mā有真chē是操劳过度来死亡，chhun落来ê就是所谓残存ê人民。现在tńg去故乡了后，上帝赏赐kā in赐福ê，就是按时降雨，hō͘ in ê土地肥而生产丰富ê五谷、果子，hō͘ in无iau饿ê危险，hō͘ in thang因为án-ne生湠chē-chē遍满大地，重建起来ê城镇，会像过去繁荣、人口真kheh ê耶路撒冷城仝款，充满tio̍h性命活力，mā会知影献上感恩ê祭。
经文：以西结书 37:1-37:28 注释:
Chit章ē-sái讲是kui卷以西结书siōng特别ê一章，谈起上帝hō͘死去ê枯骨全部苏醒起来，chit种异象ê预言，是tī回应头前一再提起过上帝beh带领四散在世界各国ê以色列人民tńg去故乡之期待（参考二十：34、廿八：25、三十四：13、16、三十六：24），对tī所有ê以色列人民来讲，这是真大ê鼓舞kah激励。Chit种应允ê背景，tú好teh说明kui本圣经一再传达ê中心信息：tī上帝手上无无法度成就ê事。因为他就是创造宇宙万物ê主宰。Chit位创造主ē-tàng tùi「无」生「有」，当然thang用已经枯干真久ê骨头，来创造新ê性命。
Chit章iáu有一个重要ê主题，就是用两条木棍来譬喻分裂ê以色列民族，上帝beh koh一pái带领in tńg去故乡重建家园，hō͘ in有机会重新复合，ná亲像hō͘两条木棍成做一条。
Chit段经文是谈起有关死去已经真久，骨头lóng已经非常枯干ê状况下，上帝用重新创造ê方式，pûn气进入chiah-ê骨骸，hō͘ chiah-ê死后已经埋葬tī坟墓里ê尸体koh活起来，成做ē-tàng保国卫民ê军队，tī家己家园ê土地顶面耕耘。
第1到2节，chia记载是上帝ê「灵」tī运行，这灵带领先知以西结「行遍山谷」，kui个「山谷里堆满非常枯干ê骨骸」，这是hō͘人看了就会怵目惊心ê景象。这thang联想tio̍h主前587到586年期间ê背景，当时巴比伦军队围困耶路撒冷城，城内闹饥荒严重到人食人充饥（参考耶利米书十九：9，耶利米哀歌二：20、四：10）。另外一方面，就算是ē-tàng逃出耶路撒冷城，mā会hō͘守tī城外ê巴比伦军队，á是tī城外thèng候围捕杀戮ê以东军队杀害。Á kui个山谷lóng是骨骸，就thang知影被杀害ê人数是chē到无法度估计，而用「非常枯干」一词，tú好表示死亡已经有一段真久ê时间，tī人看起来，绝对无可能有任何koh活ê希望。这mā隐喻tio̍h所有tī俘虏营中ê以色列人民对性命已经绝望到极点。
第3到6节，chit段经文是先知以西结kah上帝之间ê对话。
上帝ê灵问先知以西结，chiah-ê枯骨是m̄是「ē-tàng koh活起来」？先知以西结真清楚性命ê问题「只有」上帝chiah「知影」。
既然án-ne，上帝就beh先知以西结向chiah-ê非常枯干ê骨骸讲「预言」，表示上帝beh做ê事：一是「我beh吹做一困进lín内面，hō͘ lín koh活起来」，chit-ê「气」字，希伯来文是「ruah」，tī创世记第一章2节、第二章7节等等记载仝款ê字，这说明上帝ê灵，就是上帝ê气力，mā是性命之气。因为án-ne，当上帝ê气一吹入chiah-ê枯骨，chiah-ê原本无性命ê枯骨，就会「生筋长肉，包上一层皮」，重新出现生机。二是上帝ê气一吹，原本看起来是完全死去ê性命，就会「koh活起来」，而这是只有性命ê主宰—上帝chiah ē-tàng做到ê事。
第7到8节，当先知以西结「遵照上主ê命令讲预言」，伊忽然发现chiah-ê骨骸开始有「瑟瑟ê声音，一阵骚动，骸骨彼此连结起来」，而且是「生筋长肉，包上一层皮」，然后讲「躯体iáu未呼吸」，表示iáu未性命ê迹象出现。这真清楚说明chiah-ê原本非常枯干而且是四散分离ê骨骸，现在重新组合了起来，表示性命开始tī重整，展现了性命ê契机。
第9到10节，上帝beh先知以西结续落来「向风讲预言」，chia ê「风」一字，就是创世记第一章2节所讲上帝ê「灵」，mā是第二章7节ê「气」字。当伊遵照式样ê命令对风讲预言后，果然有「tùi四面八方吹来，pûn入去chiah-ê躯体」，chiah-ê「躯体就活起来，khiā立起来」，而且koh khah特别ê是，chiah-ê活起来而且khiā立起来ê人，数目「够额编成军队」，mā表示chiah-ê koh活ê人，m̄是亲像破病tú复原ê人，却是亲像thang马上赴战场ê精兵仝款壮硕。
第11到14节，chit段经文讲出以色列人民ná亲像头前所叙述ê满山满坑ê尸体，而且是非常枯干ê骸骨仝款，对kui个民族ê性命已经不存任何希望à。M̄-koh现在一切lóng 会改变，因为上帝伸出了他怜悯ê手。上帝讲beh「phah开」死亡ê「坟墓」，kā in「带出来」，领in tńg来到「以色列本土」。M̄-nā án-ne，in无koh ná亲像埋葬tī坟墓里已经死去ê人，却是「活起来」有上帝「活气pûn入去」in原本已经死去ê身躯，in就án-ne重新得力，而且体验出chit位pûn气tī in身躯、赏赐kā in赐福新性命ê就是主上帝。
第15到19节，chit段经文是上帝beh先知以西结the̍h「两条木棍握tī手里」做象徵性ê譬喻预言。Tī这两条木棍中，其中有一条Tī顶面写「犹大王国」，另一条顶面写「以色列王国」，然后kā这两条木棍「两头相接，当做一条木棍」。这teh说明以色列tī所罗门死后分裂做做南北两国，现在beh接起来，表示重新复kah成一个国家。其实，早tī先知运动中就有过chit种呼吁（参考何西阿书一：10—11，以赛亚书十一：12—13，耶利米书三：18、三十：1—3）。上帝beh先知回覆hiah-ê来询问chit-ê木棍譬喻ê同胞，tī上帝手中，以色列民族无南北二国之分，表示上帝beh拯救ê是kui个以色列民族。
第20到22节，chit段经文真清楚表示上帝beh先知以西结kā「两条木棍握tī手里」，hō͘以色列人民清楚看见，上帝决定tùi四散到世界各地ê以色列人民，kā in带tńg来故乡「本土」。然后ài kā in「组成一个国家」、「由一个君王来统治」、「无koh分裂为两国」，这lóng teh表示tio̍h上帝ê应允to̍h是会实现，ná亲像两条断裂ê木棍，kā重新组合做伙。
第23节，chit节讲tio̍h几个重要ê动作：
一是，tńg去故乡ê以色列人民「无koh拜thang憎恶ê偶像玷污家己」，换句话讲，in会对上帝忠实，专心敬拜上帝。
二是tī社会生活上「无koh腐败犯罪」。过去滥刣无辜、欺压弱势者等罪行，以后be7 koh出现。
三是上帝beh亲自「洗净in」，表示上帝beh用清洁ê水洗荡、雾in，洗掉in身上ê污秽。
四是上帝beh koh一pái宣告kah以色列人民ê约：「in beh做我ê子民；我beh做in ê上帝」。
第24到25节，chit节回应了第三十四章11到15节所预言ê，上帝beh拣选一位「像大卫ê君王出现」，这是因为大卫王hō͘人认为是上帝ê仆人（参考撒母耳记下三：18、七：8、列王记下八：19、十九：34，以赛亚书十一：1、10、三十七：35）。Tī上帝眼中，大卫ná亲像好ê「牧者」仝款，会照顾上帝ê子民，而且会带领chit群上帝ê子民「诚心遵行」上帝ê「律法」。而且chit位君王是会带领人民永远tòa tī上帝赏赐kā in赐福祖先「tòa过ê土地」上。
第26到28节，chit两节koh一pái提起上帝kah以色列人民ê约外，mā用「同in tòa tī hia」chit句话来表示上帝以后be7 koh kah in分离。上帝会赐福kā in赐福，hō͘ in「人口增chē」，会「永享太平」，而且有上帝ê「圣殿永远屹立tī in ê土地顶面」，这teh表示以色列人民代代kiáⁿ孙lóng会以敬拜上帝为荣誉。Chit时chūn，所有「列国就知影」，上帝已经tńg来到了以色列人民中间，「拣选以色列人民」做他ê子民。
经文：以西结书 38:1-38:9 注释:
Chit章kah第三十九章，chit两章lóng是谈起有关歌革ê事。M̄-koh甚么人是歌革？这一直是圣经学者teh chhōe ê问题。虽然有真chē讨论chit位词ê意思，不过，有一种讲法比较khah thang接受，就是歌革是邪恶势力ê代名词，表示作恶多端ê世界。Mā thang用来表示乌暗kah光明tī历史中一直彼此争斗。
Koh讲，chit两章有真chiok厚ê「启示」文体内容，因为án-ne，真重视数字上ê表达，亲像上帝kah邪恶ê势力决战，kā拾获ê器械当做柴火用，tio̍h用七年时间chiah ē-tàng烧完，而收尸埋葬tio̍h用七个月，「七」是表明洁净。
有趣味ê是chit两章共分做七个段落，每一个段落ê开始lóng会「至koân ê上主」开始。这七段落是：1.第三十八章3到9节、2.第三十八章10到13节、3.第三十八章14到16节、4.第三十八章17到23节、5.第三十九章1到16节、6.第三十九章17到24节、7.第三十九章25到29节等等。
Chit段经文描述以色列人民tú tùi巴比伦被释放tńg来故乡，就马上tú-tio̍h了歌革率兵tùi玛各地区ê米设kah土巴来攻打，对chiah tú beh开始安定生活ê以色列人民带来极大ê威胁。
第1到3节，上帝beh先知以西结「责备」玛各地区ê「米设kah土巴两国ê统治者歌革」。因为伊带领军队来攻打tú回乡重建家园ê以色列人民，破坏了in正想开始ê安定生活。因为án-ne，chit位「至koân ê上主」beh kah歌革chit位统治者「做对」。
第4到5节，chit节讲出上帝kah歌革做对ê方式，就是beh kā伊「扭转过来，tio̍h用钩子钩tòa」伊ê「腮」，hō͘歌革听从上帝ê命令。
Tùi chit节mā thang看出歌革所率领ê军队是训练有素、装备齐全，因为伊ê「军队有真chē战马kah制服整齐ê骑兵」，而且「每一个士兵lóng配备tio̍h盾牌kah剑」。M̄-nā án-ne，伊ê军队iáu有bē少是外籍佣兵，包括有tùi「波斯」、「古实」、「弗」等地，而且武器ê配备lóng真齐全。
第6到7节，除了第5节所提起ê外籍兵团以外，chit节提起iáu有koh khah chē ê联盟军队，包括有tùi「歌篾kah北方ê陀迦玛来ê军队」，iáu有tùi「其它各国来ê军队」，歌革所率领的确实是一支势力非常强大ê联军。
第8到9节，chit两节讲tio̍h无论是甚么人teh带领军队，背后lóng有上帝ê旨意。Chia讲「koh过几年」，表示以后会发生ê事。上帝beh命令歌革去「征服一个国家」，而这国家真清楚就是以色列。为甚么会án-ne？chia并无说明。M̄-koh有一个可能是teh说明歌革率领军队去攻打正teh过回乡有安定生活ê以色列人民。
经文：以西结书 38:10-38:17 注释:
Tī chit段经文中，主要teh描述歌革一直计画tio̍h beh侵犯以色列，掠夺in所有ê一切，就ná同凶猛ê野兽攻击被它看中ê猎物仝款。M̄-koh圣经作者teh表达一个思想：每件事ê背后，lóng有上帝ê旨意。若m̄是，歌革mā bē想beh趁机会洗劫以色列人民。M̄-koh，上帝却tio̍h用歌革洗劫以色列人民ê行动，hō͘歌革知影是神圣ê上帝teh主导chit件事。这ná亲像俗语所讲ê：谋事在人，成事在天。
第10到12节，chit段经文说明时间一到，上帝就会hō͘歌革「心生阴谋诡计」，想tio̍h beh侵略hiah-ê iáu未á是根本就无「设防ê城镇」，因为chiah-ê城镇ê居民认为有上帝teh看顾保守in，因为án-ne，in khiā起ê城镇无需要建造城墙（参考撒迦利亚书二：4—5）。M̄-koh mā因为án-ne hō͘ in真容易成做外族人眼中ê猎物。M̄-koh上帝beh先知以西结清楚指出歌革心中所想ê，就是想beh洗劫以色列人民khiā起ê城镇，因为以色列人民「拥有真chē cheng-seⁿ kah财物」。
第13节，chia ê「示巴」，是teh指现今阿拉伯半岛西南ê叶门。「底但」，这是tī以东南部ê所在。「伊施」，这是今á日ê西班牙。「各城镇ê商人」，表示chiah-ê lóng是有财力ê人，mā thang表示领袖。Chiah-ê人lóng tī问歌革一个问题：伊是m̄是真正想beh「夺行洗劫」chit-ê城镇ê一切财物？这看起来kah-ná in tī关心chit件事，其实mā对，in关心ê是想beh趁机会分一杯羹，却m̄是beh阻止歌革ê恶质行踏。
第14节，「趁我子民teh过安逸生活」，这是上帝保守看顾chiah有ê福气。M̄-koh歌革beh出发去攻击上帝ê子民以色列，上帝是真清楚ê，因为án-ne，上帝差先知以西结去刺激伊紧去，趁以色列人民都无城墙做防备ê时chūn进攻。
第15到16节，这是由真chē盟国联合组成ê军队，军伍看起来非常壮观，是「庞（pâng）大，koh精锐ê骑兵队」，而且兵丁ê chē就「向乌云罩tiâu全境」，明明是就是看bē清楚，m̄-koh hō͘人看了就会胆战心惊，心生惊惶。作者tī chia表示上帝允准歌革率领军队进攻以色列，用chit种方式来说明kui个行动ê主权是tī上帝ê引chhōa之下。
第17节，chia讲歌革就是上帝「以前预告teh beh来临ê hit个人」。M̄-koh tio̍h注意ê是：tī先知以西结chìn前，并无出现歌革带领军队攻击以色列ê记事。因为án-ne，这是用歌革来代表巴比伦帝国ê皇帝。
经文：以西结书 38:18-38:23 注释:
Chit段经文看起来是过去已经发生ê事，虽然无明指巴比伦帝国，m̄-koh其实就是讲巴比伦帝国。因为tī先知以西结chìn前后，上帝ê仆人就bat传出上帝警告ê信息hō͘以色列人民讲，上帝beh差派强大ê势力入侵以色列，来惩罚以色列人民。问题是以色列人民m̄听，chiah会致使国家沦亡，人民被掠到异国去做奴隶。
第18到19节，这有两个层面thang看，一是teh指上帝无欢喜歌革ê军队入侵以色列。因为án-ne，上帝tī伊ê军队入侵ê时，非常受气。二是teh指以色列人民一直m̄听警告，结果引发上帝大怒。M̄-koh tī续接ê下文来看，是第一种情形，指歌革ná亲像抢匪仝款，是上帝所无欢喜ê对象。
第20节，chit节讲上帝的确是受气à，致使连「水里ê鱼、空中ê鸟、地上ê大细动物，以及人」等等，lóng会因为听tio̍h上帝震怒ê声音而「战栗pi̍h-pi̍h-chhoah」，连「高山峻岭」lóng会「崩裂」，而且「城墙倒落来」，chiah-ê现象lóng teh说明上帝确实非常忿怒。
第21到22节，上帝beh用「各种灾难hō͘歌革惊惶」，chia描述上帝所用ê方式是：hō͘伊ê军队起「内哄，彼此残杀」，án-ne就会hō͘联盟瓦解。另外koh hō͘「瘟疫kah流血」、「豪雨、冰雹、大火、硫磺」等等chiah-ê来自大自然ê灾害降临在这看起来lóng是精锐部队ê「联军身上」，hō͘联军真紧to̍h被摧毁瓦解。这ná亲像主前701年亚述皇帝西拿基立率兵攻打耶路撒冷ê时，tī半暝hō͘上帝ê天使刣死，死亡人数chē kah十八万五千人仝款（参考列王记下十九：35）。
第23节，上帝用chit种方式beh向chiah-ê自认真伟大ê国家领导者表明，他chiah是「神圣ê上帝」，而列国chiah知影真正上帝是甚么人，人绝对无法度高过上帝。
经文：以西结书 39:1-39:20 注释:
Chit章mā是针对歌革所讲ê预言，其中有真chē内容kah第三十八章重复。Ná亲像头前有叙述过ê，上帝有审判，必定有拯救。Chit章讲tio̍h上帝惩罚歌革kah伊ê联军，mā同时讲tio̍h上帝拯救他ê子民以色列。
Chit段经文真清楚讲tio̍h歌革军队惨败ê情景，尸体横卧野外，被野兽kah飞鸟当做食物，原本伊率领ê军队是beh攻击以色列人民ê，现在却反却是以色列人民beh去清理歌革军队死伤ê尸体，而且是需要用长到七个月时间，这说明歌革若m̄听从上帝ê话，就会为家己带来凄惨ê结果。
第1节，chit节kah第三十八章2到3节仝款。
Chit节强调上帝beh kah米设kah土巴这两国ê统治者歌革「做对」，表示上帝会惩罚伊。
第2到3节，参考第三十八章15到16节。
Chit两节讲歌革kā率领精锐军队「扭转过来」，上帝kā歌革带到「以色列ê群山顶」，却是「beh phah掉」伊「倒手掠tiâu ê弓，正手the̍h ê箭」，这表示情况已经完全改变过来。
第4到5节，chit节描述歌革军队惨败ê情况，伊所率领ê联军会phah惨败致使军队ê「横尸野外」，m̄-nā án-ne，上帝beh 将军队ê「尸体hō͘飞鸟kah野兽做食物」，就亲像上帝过去惩罚以色列人民仝款（参考以西结书三十三27）。Tī本章第17到20节有koh khah详细说明上帝怎样差遣飞鸟kah野兽来吞噬尸体。
第6节，「放火烧玛各ê土地，kah沿海一带安居ê人民」，chit种情形就ná同上帝tī惩罚埃及仝款（参考三十：8）。
第7节，chit节讲上帝beh用án-ne严厉ê惩罚手段，主要是为tio̍h beh维护他ê「圣名」，上帝绝无容允他ê圣名koh一pái hō͘人「侮辱」。
第8节，先知以西结讲，上帝所讲出ê话「一定来临」，因为他ê话一出，事必定会成就。
第9到10节，chit两节说明战争已经结束，而歌革所率领ê军队战败了后，留落来真chē武器，hō͘所有ê以色列人民「出去拾」当做柴火烧，数量「加得tio̍h够额烧七年」之久。这mā是隐喻tio̍h以后bē koh再有任何战争发生，而chia所讲ê「七年」，是一个象徵性ê数字，表示武器数量非常chē烧不完ê意思。以色列人民「beh抢劫」、「掠夺」过去抢劫kah掠夺in ê chiah-ê敌人，这表示以色列人民会进行报复ê动作，而chiah-ê动作lóng是上帝所允准ê，表示这是上帝teh报应歌革所犯ê严重罪过。
第11节，chit节说明歌革ê军队死亡惨重，因为以色列人无想beh hō͘ in ê尸体污染土地，所以kā它集体埋葬（á是讲是弃sak）tī一个kā它称做「歌革军谷」ê所在。因为「歌革kah伊ê部队lóng tio̍h葬tī hia」，这表示歌革mā tī chit pái ê战争中阵亡。
第12到14节，chia讲以色列人民单单beh处理chiah-ê死去ê歌革军人ê尸体，就需要花上「七个月」时间，其实，chia ê「七」mā是一个象徵性ê数字，表示一段长时间，因为死去ê人非常chē，所以「tio̍h动员全国ê人力来埋葬」，而且是beh「派专人巡视各地」，chiah有办法完成chit项洁净土地ê工作。若有「iáu暴露在地面ê尸体」，就需要kā它「埋好」，表示chit种洁净ê工作一定会彻底实行。因为照摩西律法ê规定，尸体是无清气ê（参考利未记五：2、廿一：1—4、廿二：4，民数记五：2、六：5—8、十九：16、三十一：19）。Á上帝所赏赐ê土地是圣洁ê。
第15节，thang理解，若是有尸体经过「七个月」了后iáu未埋葬，暴露tī外面受tio̍h风吹日曝，以及飞鸟野兽吞噬，必定kan-taⁿ会chhun落来「骸骨」而已，chiah-ê lóng一定tio̍h留落来记号，hō͘专责埋葬ê工作人员好chhōe处理，而埋葬骸骨ê地点就是tī「歌革军谷」。这就是kā歌革军队ê尸体lóng全部埋葬做伙，以防有尸体暴露tī外面，hō͘路过ê旅客因为触(tak)tio̍h到尸体而无清气。
第16节，「附近有一个庄头以这军队号名」，chia并无写出「军队」ê名，m̄-koh tī《中文和合本》有写「哈摩那」，意思是teh指「军兵」，á是「群众」ê意思，以今á日ê名来讲，就是「万人冢」ê意思。
第17到20节，chit段经文ē-sái讲是koh再进一步描述第9到16节ê歌革军队战败后凄惨之情景，就是尸体遍满山谷，够额喂饱所有ê飞禽行兽。因为án-ne chia讲「tùi四面八方呼唤」所有ê飞鸟行兽来食上帝为in准备ê「祭肉」。Chiah-ê祭肉除了是死亡ê军兵尸体，mā包括歌革军队ê后勤补给品，有「公绵羊、小羊、山羊、公牛，kah巴珊ê肥牛」等，chiah-ê家畜会因为无人保护而成为飞禽行兽ê食物，被in「尽情地食肉，lim血，直到食饱醉倒」为止。
经文：以西结书 39:21-39:29 注释:
Chit段经文真清楚讲出上帝ê审判，对tī hiah-ê无照上帝旨意做tāi-chì ê军事强国，上帝绝对bē宽待，包括上帝家己ê选民以色列民族mā是仝款。另外一方面，chit段经文mā讲tio̍h上帝á是会伸出怜悯ê手来看顾以色列人民，hō͘ in ē-tàng tùi四散ê世界各地tńg去故乡重建家园，因为án-ne，chit段经文mā是为第四十章以后ê重建耶路撒冷城kah圣殿做准备。
第21到22节，上帝ê审判有两方面：一是拯救，另外一是惩罚。Á chia讲上帝「beh hō͘列国看见」他ê「荣耀」，这荣耀意思是teh指上帝ê权威。Tī chia上帝beh「执行」他「公正ê判断」。因为公正，所以会得tio̍h大家ê o-ló，而这o-ló就是teh荣耀上帝。
第23到24节，chit两节清楚讲出以色列人民会án-ne沦落成做他国ê奴隶，并m̄是上帝bē-tàng「看顾」in，却是因为in「得罪」上帝，去拜偶像神明，致使上帝受气「弃sak in」，故意「hō͘敌人击败in，杀害in」，这是上帝「施行报应」ê方式。
第25到26节，上帝讲beh「怜悯雅各ê后代」，hō͘ in ē-tàng「重整家园」，上帝用chit种方式来「维护」他ê「圣名」，无koh hō͘ hiah-ê俘虏以色列人民ê国家á是in ê人民继续侮辱上帝ê名。
第27到28节，chit两节koh一pái讲tio̍h上帝beh tùi「放ta̍k」ê各地带领以色列人民「tńg来到本土」，而且ná亲像顾羊人chhōe tńg来所有ê羊，一只mā「无留落来」，全部lóng领tńg来。
第29节，上帝beh用他ê「灵灌ak以色列」人民，这ná亲像为以色列人民换一粒新ê心、注入新ê灵仝款（参考以西结书三十六：26—27），án-ne，以色列人民就会遵守上帝ê旨意，而且上帝绝对bē「弃sak in」。
经文：以西结书 40:1-40:16 注释:
Tùi第四十章开始，一直到第四十八章止，chit段lóng是记载先知以西结所看见新ê耶路撒冷kah圣殿ê异象。值得注意ê是tī chit异象中，作者强调有泉水tùi圣殿内流出来，ná亲像性命ê泉水流过仝款，过去无性命迹象ê，现在lóng呈现出一片活泼ê性命力，ná亲像创世记第二章所显示出来ê伊甸园仝款。
Chit段长到八章ê启示经文，真可能有祭司资料ê背景，chit种资料有一个真重要ê思想主轴：一切lóng是上帝ê荣耀。Chit种荣耀是以敬拜做中心，表示人愿意尊崇上帝，以上帝ê旨意为依归。
Chit段经文描述先知以西结tī异象中看见一座设tī以色列ê高山，并且tú-tio̍h一个像铜仝款发亮ê人，chit种人beh指示先知以西结该看ê事物。Chit段经文mā同时描述圣殿外院kah东门ê情景。先知以西结并m̄是建筑师，伊是先知mā是祭司。伊只是kā伊所看见ê异象记录落来讲hō͘ kah伊同在巴比伦集中营ê以色列人民听。
第1节，chia提起「耶路撒冷陷落ê第十四年正月初十」，mā就是先知以西结等第一批hông掳去巴比伦ê以色列人民，tī异乡「流亡ê第二十五年」。这年是主前573年。
「上主ê大能临到我身上」，tī第三十七章1节用过，表示上帝ê灵临到先知以西结身上，hō͘伊感受tio̍h一股极大无法度抗拒ê气力。这力量kā伊「带走」。
第2节，「tī异象中」，先知以西结看见「目睭前有kah-ná一座城ê建筑物」出现，地点是tī「以色列地」ê「一座高山顶」，这是teh暗示锡安山，而chit座城就是teh指耶路撒冷城。
第3到4节，先知以西结看见「一个人像铜仝款发亮ê，手里the̍h麻绳kah木尺」，chit-ê人就khiā tī城ê「门口」处。Chit-ê人ài先知以西结「详细看，注意听，专心注意」，chit种人ài伊kā所看见ê「一切kā以色列人讲」。Chit-ê人kah-ná是一个「导览者」，beh传达hō͘先知以西结，好tńg去教导以色列人民。M̄-koh tùi本章第5节开始，chit种人lóng是用伊手上ê量绳tī测量，m̄-koh无讲出任何ê话语。Á先知以西结可能就跟tòe chit-ê人，kā所看见ê lóng记录落来。
第5到6节，先知以西结讲伊看见ê是「圣殿，周围有墙」，然后看见chit种人the̍h「一条三公尺长ê木尺，tú-teh量墙」，而这「墙高三公尺，厚三公尺」，然后来到à「朝东ê门洞」，这就是所讲ê东门，mā就是圣殿ê正面。「外院」有三道门，就是「东、北、南」，tú好kah内院mā有三道门相对（参考四十：32）。
现在是tùi外院ê东边洞口beh进入内院ê东门处，就是tùi外院beh进入圣殿正门ê所在，有「台阶」。这是tùi外院进入圣殿正门chìn前ê台阶，共计有二十五阶，外院门口有阶，内院门口有八阶（参考第31节），án-ne，台阶就ē-tàng hō͘ beh进入内院ê民众稍事停喘一下，并且整理衫裤、仪容等。Chia有一个「外玄关，有三公尺深」，就是tī chia歇一下。
第7节，tī chit厚到「三公尺」玄关了后有「甬道」，tī「甬道」ê两旁，「各有三间守卫房」。Chiah-ê「守卫房」就是警卫teh看守，对进入圣殿内院ê人需要检查，除了beh防范外邦人进入外，mā tio̍h检查带入祭坛ê cheng-seⁿ是m̄是有祭司检验合格证明。过了「守卫房」了后，就是一个「门廊」对tio̍h圣殿。
第8到9节，「门廊有四公尺深」。然后，接近圣殿ê「甬道」ê两pêng lóng有「墙柱厚一公尺」，可见这是真雄伟koh有气派ê建筑。
第10节，仝款ê，teh进入圣殿ê「甬道两旁各有守卫房三间」，tùi chia开始，进入ê声音就beh开始降低，kah外墙ê所在无仝。喧哗ê声音是会马上被禁止。
第11节，这是内院东门ê入口，其「阔六公尺半，甬道五公尺」。Chit种门，算是阔阔ê。真容易hō͘朝圣客进入内院。
第12到13节，守卫室头前有「矮墙」，这矮墙ê作用是beh隔开圣殿警卫kah民众。Chia ê守卫者是利未族人。
第14节，tùi「甬道」到「门廊」，甬道是五公尺，而门廊是「十公尺」，因为出了门廊就是内院空地à。
第15节，tùi大门进入到内院空间，是二十五公尺，若加上门廊ê十公尺，就有三十五公尺。
第16节，chia讲外墙lóng有「小窗」，这其实是用木条子交错起来ê窗格á，具有装饰ê作用。Koh讲，「甬道两pêng ê墙柱lóng有雕刻tio̍h棕树」，这mā是一种装饰。
经文：以西结书 40:17-40:27 注释:
Chit段经文是属tī圣殿外院，以及外院ê北门kah南门ê部分。
第17到18节，chia并无说明这「三十个房间」ê功用是甚么，mā无说明确实ê地点。
「铺石ê路」是绕tio̍h外院，m̄-koh「外院比内院低」，这thang凸显出内院ê崇高kah重要性。因为内院接近圣殿，mā thang看出jú接近圣殿，地势jú高。
第19节，「内院有一个门，比外院ê门高一个台阶」，这lóng teh表示内院kah外院之间是「圣俗」之间ê无仝。内院ê门kah外院ê门距离有「五十公尺」远。
第20到21节，chia讲「通往外院朝北ê门洞」，hit-ê门洞有「甬道」，kah东门仝款，mā是「两pêng各有三间守卫房」，这lóng说明即使是beh进入圣殿ê外院，mā lóng beh经过chiah-ê守卫室警卫ê检视。然后tùi外院beh进入内院ê时，mā是仝款，tio̍h通过甬道ê守卫室。
第22节，chia讲北门tī「门廊、窗户，kah雕刻tio̍h棕树ê墙柱lóng kah东门ê仝款」，这表示tī先知以西结ê异象中，新ê圣殿是每一个门lóng仝款。
「有七个台阶上北门」，表示圣殿确实是盖tī一座小山丘上。通常会讲「上锡安山」，表示圣殿是盖tī siōng koân ê所在。
第23节，外院通往内院「两个门间ê距离，长五十公尺」，这kah东门仝款。因为án-ne，thang清楚看出，新ê圣殿是正四方形。
第24到25节，「朝南ê门洞」，这是teh指南边ê门，包括「守卫房、墙柱，kah门廊ê寸尺lóng kah其他ê门仝款」，表示这圣殿除了西边无开门外，其余东、南、北等三门，无论tī外面观kah内部方面lóng仝款。Mā就是讲，无论tùi tó一个门进入内院，lóng是仝款ê。
「甬道」ê长度kah阔度，mā是仝款kah东门、北门仝款，分别是「二十五公尺」kah「十二公尺半」（参考第13、15、21节）。
第26节，「甬道ê入口有七个台阶上南门」，这kah北门ê甬道入口仝款（参考第22节），ē-tàng看出圣殿是设tī siōng koân ê所在，表明它是神圣ê。
第27节，chit-ê带领者手上一直the̍h量尺，每道门lóng量，而且mā量了外墙ê门到内墙ê门之间ê距离，lóng是「长五十公尺」。
经文：以西结书 40:28-40:49 注释:
Chit段经文谈及内院ê南门、东门、北门，以及厢房kah圣殿ê部分。
第28节，「内院ê南门，大细kah外院ê仝款」。既然有门，就会有围墙，若无，这门就无存在ê意义à。因为án-ne，thang理解tī外院beh进入内院ê时，koh有一道围墙区隔tio̍h内院kah外院。因为外院是外邦人mā thang进入ê所在，若是内院无围墙，就真容易hō͘外邦人tī无注意之下误闯内院而造成冲突。
第29到30节，tùi chia thang看出内墙kah外墙ê墙间之设施lóng仝款，包括有「守卫房、门廊，kah墙柱」等。而且四周lóng有「小窗」，而且甬道mā仝款「长二十五公尺，阔十二公尺半」。
第31节，上内院tio̍h爬「八个台阶」，表示内院比外院koân出「八个台阶」。这mā teh暗示beh进入外院chìn前，就一定tio̍h有敬畏ê心，ná亲像beh登上上帝ê殿仝款。
第32节，「内院ê东门，大细kah kah其他仝款」，chit句话已经说明东门、南门、北门等三个门，无论tī设施、造型等lóng仝款。东门并无因为是属tī正门就比较khah特别。
第33节，墙壁顶ê设施包括有「守卫房、门廊、kah墙柱」等，mā有「小窗」。甬道ê长阔度mā kah外院ê墙仝款，「长二十五公尺，阔十二公尺半」。
第34节，「上这门有八个台阶」，tùi围墙ê外面beh进入外院，就beh peh上七个台阶，koh来tùi外院beh进入内院则是beh爬「八个台阶」，án-ne，就共计tio̍h爬十五个台阶。Ná亲像头前讲过ê，表示jú来jú高，jú接近至圣所ê意思。
第35节，「北门，大细kah外院ê仝款」，当然也kah其它ê门仝款。
第36节，每道门ê设施lóng仝款，有「守卫房、墙柱，kah门廊」等。因为有守卫房，因为án-ne，需要开「小窗」透光。「甬道长二十五公尺，阔十二公尺半」，chit句话mā teh表明内墙ê厚度，kah外墙仝款。
第37节，tùi北门chia beh进入这到内墙，仝款是需要爬「八个台阶」。
第38节，「外院有一间厢房」，而这厢房是tī「通往内院ê北门」ê所在，chia主要是用来「清洗烧化祭ê祭牲ê」，原因是祭坛在内院处。因为án-ne，靠近内院ê所在mā有两种用意，一是比较khah接近，m̄-koh m̄是在内院，因为内院真接近至圣所，án-ne chiah bē造成内院污秽，致使至圣所mā连带受tio̍h污秽。
第39到41节，thang看tio̍h共计「有八张桌á」，lóng是为tio̍h beh用来宰杀献祭用ê cheng-seⁿ，包括有「烧化祭、赎罪祭，kah赎过祭ê祭牲」，lóng tī这八张桌á处理。奇怪ê是无写出「平安祭」，而且chit种祭是含有节期庆祝ê内容（参考申命记廿七：7，撒母耳记上十一：15，列王记上三：15、八：63，历代志下三十：23、三十一：2）。
先知以西结无嫌费气讲述chiah-ê，mā有一个用意，beh hō͘ tńg去故乡重建家园ê以色列人民知影tio̍h用信仰重建生活秩序，hō͘一切lóng tùi信仰开始，而信仰就是bē-tàng随便，一切lóng得按照规矩来。
第42到43节，chiah-ê桌á是「石头凿成ê，高五十公分，桌面七十五公分正方」，然后tī桌á ê「四边有七公分半阔ê槽」，宰杀动物流出来ê血thang顺chit-ê槽流来收集，了后kā它洒tī祭坛ê四周。
第44到46节，chia说明设立chiah-ê厢房ê作用，就是为tio̍h提供给办理献祭礼仪ê祭司用ê，特别分开坐北朝南ê厢房，是为tio̍h「tī圣殿供职ê祭司用」，而坐南朝北ê厢房是专为「tī祭坛前供职ê祭司用」，án-ne，就bē有混乱，因为祭司各执无仝ê工作，mā有专门歌唱kah专门宰杀牲祭等无仝ê工作。
「所有祭司lóng是撒督ê后代」，这kah tī摩西时代规定所有祭司lóng一定tio̍h是出tī利未支派亚伦ê kiáⁿ孙（参考出埃及记第廿八到廿九章），已经有差别。会改变是tī大卫王时代，因为亚伦kiáⁿ孙ê大祭司亚比亚他参与大卫宫廷争权内斗（参考列王记上一：5—8）。因为án-ne，当所罗门掌握了王权了后，随时kā亚比亚他大祭司ê职位kā伊废除（参考列王记上二：26—27），然后任命撒督取代亚比亚他ê职位（参考列王记上二：35）。
第47节，「内院，是五十公尺正方，圣殿坐落西边」，外院是正方形，内院mā是。Á圣殿则坐西朝东，因为án-ne，正门就是东门，只要tùi东门进入，就会直接看见圣殿，hō͘人心生敬畏。
第48节，「圣殿ê前堂」，一般来称呼祭司院，是只有祭司chiah thang进入ê所在。根据所量出来ê尺度，chit-ê前厅并m̄是真大，只有「深两公尺半，阔七公尺」而已，颠倒是两pêng ê墙壁真厚，有「一公尺半」。
第49节，chit节讲出beh上圣殿，一定tio̍h peh上台阶，chia虽然无标示有jōa-chē台阶，m̄-koh《七十人译本》kā希伯来文ê「asher」这字翻译做「台阶」。Án-ne，「台阶阔十公尺」，就成做有十个台阶。M̄-koh《现代中文译本》ê翻译认为是一个台阶，而且是真大ê一个台阶，有「阔十公尺，深六公尺」之大。
若是以「台阶」来看，这就thang看出圣殿比内院高了十个台阶。Mā tùi chia thang看出先知以西结心中ê概念：敬拜上帝ê所在，是siōng崇高ê所在，koh khah ài有敬畏ê心。
经文：以西结书 41:1-41:4 注释:
Tùi第四十章47节开始到第四十一章，lóng是kah圣殿内部有关ê记事。Ná亲像所罗门王建造ê圣殿仝款，分做三个部分，包含门廊、门厅，以及siōng圣洁ê所在，就是献祭ê祭司院所在。
Chit段经文是继续第四十章47到49节所提起ê圣殿内院部分。
第1到2节，「圣所」，这是teh指设tī内院ê圣殿部分。Kui个圣所ê「长」是「二十公尺」，而「阔」是「十公尺」，这thang清楚看出圣所是长方形ê。
第3到4节，「内院」，这是teh指「至圣所」ê所在，he是一处「十公尺正方」ê场所。Mā是以色列人民认为siōng-kài神圣ê所在。入口ê所在，有两条「墙柱」，m̄-koh并无精美ê雕刻。Mā thang看出先知以西结异象中所看见ê圣殿，已经无koh是精雕细琢ê建筑，却是朴素ê建筑，m̄-koh却拥有真诚ê心灵，án-ne chiah是siōng重要ê。
经文：以西结书 41:5-41:12 注释:
这是谈起圣殿内墙两pêng ê厢房，并特别提起西边ê厝宅。
第5节，「圣殿ê内墙，厚三公尺」，这墙kah外院ê墙厚度仝款，lóng是三公尺（参考四十：5），而且「靠tio̍h圣殿ê墙周围有厢房」，chit种情形就kah外墙ê东、南、北面lóng各有十间ê情形仝款。Chiah-ê厢房「每间阔两公尺」。
第6到7节，chiah-ê「厢房有三层，每层有三十个房间」，án-ne总共有九十间厢房。Á「圣殿外墙ê每一层lóng比下一层凹入去，上层比下层薄」，这说明就是jú往顶面去，就jú往内缩，就ná仝一个座楼梯形状。Chia有九十间厢房，却都无说明功用何在。Chiah-ê厢房外面「有两个阔阔ê楼梯」，因为án-ne，thang tùi一楼爬到三楼。
第8到11节，「圣殿ê北面有一个门thang通到各厢房，南面mā有一个门通到各厢房」，其实，这九十间厢房就是靠tio̍h chit两个门当通道使用。一般会行tī「有两公尺半阔」ê平台，行Tī顶面á是tùi厢房搬运物件，应该是真安全koh方便ê。
第12节，chit节特别提起至圣所后面ê「一座厝」，这是一间独立ê「厝宅」，是真大ê一间「长四十五公尺，阔三十五公尺」，「四周ê墙壁厚两公尺半」，m̄-koh，并无说明这房间ê功用。
经文：以西结书 41:13-41:20 注释:
这部分是属tī圣殿ê大细，lóng是以五十公尺做基准，以及内部配置ê情形。
第13到15节a句，圣殿「长五十公尺」，然后tùi圣殿「后壁到空地尽头西边ê hit座厝宅，相距五十公尺」。然后包括「两pêng ê行廊」、圣殿头前、两旁ê空地mā lóng是「长五十公尺」，án-ne，kui个空间面积，看起来就是一个正方型。
第15节b句，圣殿thang分做三部分，就是「前堂、圣所，kah至圣所」。「前堂」ê部分，是一般cha-po͘人thang进入ê所在，通常mā kā它称做cha-po͘人院。「圣所」，就是只有祭司身分ê人chiah ē-tàng进入，chia有献祭ê祭坛（参考第21节）。「至圣所」只有大祭司chiah thang进入。
第16节，chit节讲所有圣殿lóng是「嵌木板」，有thang phah开á是关闭ê窗á。
第17到18节，圣殿ê墙壁顶lóng雕刻tio̍h「基路伯和棕树」，而且是「基路伯和棕树相间并排」，表示ki-lō͘-pek是严密看守tio̍h这圣殿。
第19到20节，这ki-lō͘-pek ê面有两面，一面是「人ê面」，另外一面是「狮ê面」，分别向(ǹg)两pêng ê棕树。四面ê墙壁lóng是án-ne ê图案。
经文：以西结书 41:21-41:26 注释:
Chit段经文谈起圣所内ê祭坛，以及圣所kah至圣所中ê门扇。
第21节，「圣所ê门柱是四方ê」，tùi开始，先知以西结所看见ê kui个圣殿lóng是四方ê，连圣所ê门柱mā是。
第22节，teh进入「至圣所」chìn前，有一座「像木制ê祭坛」，chit种坛tī摩西时代是属tī「香坛」，chit-ê坛是「pái tī上主面前ê桌á」，这可能是「供饼ê桌á」，每工lóng需要更换新ê饼，表明每工lóng需要来到上帝面前，领受上帝ê赐福。
第23到24节，chit两节讲tio̍h「圣所kah至圣所各有一个门」，而且「每一门lóng是双扇ê」，表示这门全phah开ê时chūn，bē占领真大ê空间；mā thang用来管制出入，hō͘门不到开到siuⁿ大。
第25节，chiah-ê「门上lóng有雕刻tio̍h棕树kah ki-lō͘-pek」，表示有上帝ê天使teh看守tio̍h。
第26节，chiah-ê设tī「前堂两pêng ê厢房lóng有小窗」，主要就是透光，m̄-koh圣所内就无窗户thang透光à。
经文：以西结书 42:1-42:20 注释:
Chit章谈起tī南kah北两pêng ê厝，tú好kah第四十一章12节所提起ê西边有一座厝仝款。
第1节，「chit-ê厝宅离圣殿西边hit-ê厝宅无远」，圣殿西边ê厝宅记载tī第四十章12节。
第2到8节，chit段经文描写北pêngchit-ê厝宅ê建造情景，是长方形（长五十公尺，二十五公尺）。这厝共计「三层」，每上一层就往内缩。因为án-ne，siōng顶面ê一层siōng小，有点á像金字塔型。Siōng顶面ê一层「全部lóng是房间」。厝是坐南朝北。
第9到12节，kah北pêng厝宅相对ê，是有另外一间厝座落tī「圣殿南边」，chit-ê所在mā「另外有一座一模一样ê厝宅」。Chit座厝宅ê情形是kah北pêng ê厝宅完全「仝款」。
第13节，chit节提起「东边kah南边chiah-ê房间lóng是圣ê」，显然《现代中文译本》tī chia写ê「东边」是错误，应该是「北pêng」chiah正确（参考四十一：12）。所谓「圣ê」，意思是teh指用来提供给进入至圣所ê「祭司tī chia食至圣ê祭物」，然后mā tio̍h kā准备献祭ê「至圣ê祭物」，包括有「五谷祭、赎罪祭，kah赎过祭」lóng留tī chiah-ê房屋中。
第14节，chit节讲出祭司teh进入至圣所ê时，需要换穿衫，而且出了至圣所了后，mā tio̍h换了衫裤「chiah thang到一般人聚集ê所在」，mā就是外院。先知以西结用chit种方式teh说明「圣俗」之间是有分别ê。
第15到20节，chit段经文是关系圣殿ê四周，mā就是圣殿外面围墙ê四周，是正方形ê，每边各长两百五十公尺。Á这围墙kā圣殿ê神圣kah外面ê俗地分开，表明上帝kah人之间ê差别。
经文：以西结书 43:1-43:12 注释:
Tùi第四十章开始，上帝ê灵带领先知以西结看tio̍h新ê耶路撒冷，就是tùi东门开始，然后tùi外面一直绕进了内院到至圣所等，án-ne绕了一kho͘-á了后，koh tńg来到chia记载ê，mā是tùi东门开始讲起。
Chit章开始beh谈ê是kah祭典有关ê事物。
Chit段讲出上帝tùi圣殿内发出命令，表示上帝已经tńg来到他启示hō͘先知以西结看见ê新ê耶路撒冷圣殿。旧ê圣殿是污秽、败坏ê，现在这新ê圣殿是圣洁ê，有上帝khiā起tī其中。
第1到2节，「以色列上帝ê荣耀tùi东方来」，chit句话表示上帝已经tī圣殿中，因为现tī先知以西结是hō͘带到「朝东ê门」，mā就是圣殿正门口ê所在。Chia所提起ê「上帝ê荣耀」，表明ê是上帝显现。Chia mā讲上帝出现ê时有「声音像海浪澎湃；大地因伊ê荣耀而发出显（hiáⁿ）目ê光辉」，这是四个活物phah动翼股所发出ê声音，ná亲像大海tī澎湃，mā像庞（pâng）大军队tī喊hoah（参考一：24）。
第3到5节，chìn前上帝离开，是因为以色列人民弃sak上帝，而且犯上帝看做siōng严重ê罪，就是污秽了圣殿ê圣洁，众祭司tī圣所内拜偶像（参考以西结书第八章）。现在是新ê耶路撒冷圣殿，是圣洁ê，上帝重新tńg来到「圣殿」里，而且是tùi「东门」（正门）进入。然后上帝ê灵带领先知以西结进入圣殿内院，伊看见圣殿「充满上主ê荣耀」。
第6节，chit位带领先知以西结丈量耶路撒冷圣殿ê人，就「khiā tī」先知以西结ê「边á」，chit时chūn，先知以西结听见上帝tùi圣殿内对伊传出信息。
第7到9节，tùi第7节开始是上帝传达hō͘先知以西结ê信息。
上帝真清楚hō͘先知以西结知影圣殿是伊ê「宝座」，而且上帝beh透过圣殿tòa「tī以色列人中间」，上帝beh治理in，这表示他已经koh一pái接纳以色列人民，恢复kah in之间ê关系。Á以色列人民kah in ê君王。而且圣殿kah王宫之间kan-taⁿ一墙之隔，mā无koh允准有任何国王被葬tī耶路撒冷城内，以维护耶路撒冷kah圣殿ê圣洁，án-ne就ē-tàng彻底kā圣kah俗之间ê差别显现出来。
第10到14节，上帝beh先知以西结kā圣殿设计ê特殊性kah意义传达hō͘所有以色列人民知影。主要目的，就是hō͘ in知影为过去所犯ê错误「感觉见笑」，án-ne mā就ē-tàng避免重蹈覆辙。特别是beh hō͘以色列人民知影圣殿ê建造kah内部ê布置lóng是「按照条例规则执行」，连一点点á马虎ê态度mā bē-tàng。Ná亲像早年上帝ài摩西带领以色列人民建造圣幕仝款，一切lóng tio̍h按照上帝ê命令去做（参考出埃及记第三十九到四十章）。
经文：以西结书 43:13-43:27 注释:
Chit段是先谈及关系圣殿内院ê祭坛之大细，然后续落来就谈及án怎chiah好办理献祭ê礼仪。
第13节，这祭坛ê「四周有槽」，这槽thang用来收集牲祭流落来ê血。
第14到17节，祭坛共计有三层，包括有「底层」、「中层」，kah「上层」等，每上一层，就会往内缩「五十公分」。中层kah上层各高「两公尺」，只有底层是「一公尺高」。Chit座祭坛是用来「烧牲祭」用ê，因为烧牲祭，所有祭坛ê四角处，lóng有「凸出ê角」，chiah-ê角tī早期是用来做避难处ê（参考出埃及记二十：12—14，列王记上一：50—51、二：28—29）。「祭坛ê台阶tī东面」，高度共计有五公尺。Kah出埃及记所规定ê bē-tàng有台阶（参考出埃及记二十：26），免得祭司无小心露出下体，已经无仝款à。
第18节，这祭坛tio̍h用来献「烧化祭」用ê。当刣死beh献祭ê牲祭了后，就kā cheng-seⁿ ê血洒tī祭坛四周，这表示「洒牺牲ê血」，因为血是代表性命，thang为人赎罪。
第19节，chit节koh一pái强调「利未支族、撒都后代ê祭司」是主持献祭者。因为án-ne，只有in chiah thang到祭坛边办理献祭ê礼仪。
第20节，chia说明牲祭ê血用来涂抹tī祭坛「上层凸出ê ná四个角，中层ê四个角」，除了表示「分别它为圣」之外，mā teh表示thang用来做避难，kah走chhōe免tī处死ê所在。
第21到22节，「Kā赎罪祭ê小公牛带到圣殿外面，teh指定ê所在火烧」，而且隔工tio̍h献「无残缺ê公山羊做赎罪祭」，这lóng teh表示完美ê意思。然后用羊ê血洁净祭坛，表示有赎罪ê作用。
第23到24节，续落来tī公山羊了后，tio̍h带「一头无残缺ê小公牛kah公绵羊」当做献祭品。Á chit pái ê献祭品tio̍h「掖盐tī in身上」当做烧化祭献hō͘上帝。根据利未记第二章13节ê记载，「盐」teh代表调kah，mā teh代表kah上帝立约ê意思。
第25到26，án-ne连续七工之久，每工lóng tio̍h办理献祭，每pái献完牲祭了后，祭司就beh kā祭坛洁净，hō͘它「分别为圣」。
第27节，到à「第八工」，iáu koh khah tī最后加上「平安祭」，chit-ê祭是表示庆祝、欢喜。
经文：以西结书 44:1-44:14 注释:
Tùi chit章开始，谈起有关祭司ê规矩。主要用意是提醒in绝对无法度koh再像过去hit种做出污秽家己神圣职责ê事。因为án-ne，tùi第四十四到四十五chit两章，lóng是谈起有关圣殿内ê人事规矩。
Chit段经文谈起上帝带领先知以西结进入圣殿内后，hō͘伊看见上帝ê荣耀充满tio̍h整座圣殿，并且ài伊知影外族人bē-tàng参与圣殿祭祀礼仪，然后谈起利未人过去所犯ê严重错误，最后是讲tio̍h祭司阶层。Chit段经文mā提起关系利未族人被降级，以及被禁止当祭司ê原因。
第1到3节，chia一开始讲带领先知以西结tńg来到「圣殿外院ê东门」处，伊看见「门关闭tio̍h」，而且讲以后chit-ê东门会「永远关闭」。并且强调讲「任何人lóng m̄准用这门」进入圣殿，m̄-koh君王thang tùi东门进入到上帝祭坛ê面前，是因为旧约时代ê君王，lóng hō͘人认为是上帝在世间所任命ê代表（参考撒母耳记上廿四：6、廿六：9），而且君王lóng会tī祭祀礼仪中扮演tio̍h重要角色。
第4节，先知以西结被带领tùi「北门」来到圣殿头前，chit时伊「看见上帝ê荣耀充满tio̍h伊ê圣殿」，这表示上帝显现在圣殿内面，先知以西结看见上帝chit种荣耀，真自然tek就「坦覆 (thán-phak）tī土脚」。
第5节，上帝beh先知以西结「留意」伊所「看见」kah所「听tio̍h ê一切」。上帝beh kā所有关系圣殿ê规则，就是「注意toh种人thang进入圣殿、toh种人bē-tàng进入圣殿」，免得影响tio̍h圣殿ê圣洁。
第6到9节，chit段经文真清楚说明toh种人thang进入圣殿，toh一kóa人应该被拒绝。Chia讲上帝绝对m̄准、mā「无koh容忍」过去「悖逆ê以色列人民」，继续in过去所做「一切可恶ê事」，这是teh指过去in tī圣殿里拜偶像ê事（参考以西结书第八章、耶利米书七：30、三十二：34）。现在真清楚表示无受过割礼，以及被逆上帝旨意ê异族人lóng bē-tàng进入圣殿内献祭。
第10到14节，chit段经文谈起有关利未人m̄准当祭司，是因为有「利未支族ê人随从其他以色列人弃sak」上帝，跟tòe去「拜偶像」，这是非常严重ê错误行为。因为án-ne，上帝无koh hō͘ in继续tī「圣殿工作」，换句话讲，上帝解除in当「祭司事奉」ê资格，m̄-nā án-ne，连beh「接近」上帝ê「圣物」kah「至圣所」mā lóng tī禁止ê范围。In只有ē-tàng tī「圣殿内当杂役」，丧失过去当祭司ê荣誉。
经文：以西结书 44:15-44:27 注释:
Chit段经文提起撒都 chit家族当祭司ê责任，kah该遵守ê规律，以及祭司ê产业部分。
第15到16节，chia讲tio̍h当大家lóng陷入迷惑而弃sak上帝ê时chūn，只有「撒督后代ê祭司」iáu保持「诚心事奉」上帝。因为án-ne，chia特别强调讲，只有撒督「in thang进入圣殿」，m̄-nā主持献祭礼仪，mā「主持圣殿礼拜」，表示beh hō͘ in撒督特权，这是其他利未家族ê人所不及ê。
第17到19节，chit段经文是谈起祭司穿插ê方面，只thang穿「麻纱衫裤」、「裤」，戴「麻纱做ê礼帽」，这kah摩西规定ê亚伦kah伊kiáⁿ ê衫裤仝款材质（参考出埃及记三十九：27—29，利未记六：10a、十六：4）。Iáu有一定tio̍h小心ê是祭司穿ê衫裤，tī祭祀礼仪结束后，就一定tio̍h更换，穿一般ê衫裤chiah thang到外面去，除了是「圣」、「俗」之特别（参考以西结书四十二：14），mā是为tio̍h避免hō͘接触tio̍h ê人受tio̍h伤害。
第20到21节，chia是仪容ê方面，包括tio̍h「修剪」头毛到「适当」ê长度。Mā禁止teh进入内院chìn前「lim酒」，这表示teh主持圣礼祭典前lóng bē-tàng lim酒。
第22节，规定祭司只thang「kah以色列ê处女á是同事ê寡妇结婚」，前者是纯洁，后者是怜悯同事ê遗孀，hō͘ in适当ê照顾。
第23到24节，chit两节讲出祭司有教育人民ê职责，除了tio̍h教导民众「分辨圣俗」，mā tio̍h教导民众知影照「规则条例遵守宗教节期」，特别是遵守「安息日做圣日」。
第25到27节，chit项有关接触tio̍h死者ê身躯之规定，tī利未记第廿一章1到4节mā有明确规定。这是为tio̍h beh hō͘祭司有洁净ê身躯，chiah ē-tàng hō͘带领献祭礼仪ê事务洁净。
第28到29节，chit两节真清楚讲上帝会照顾祭司，因为án-ne，祭司无法度「拥有地产」，意思是teh指种作ê田地。因为án-ne，祭司ê生活所需要ê全部beh靠tio̍h民众tī祭坛上ê献祭所分得ê物件。Chiah-ê献祭，包括「赎罪祭，kah赎过祭」ê祭品，lóng tio̍h归hō͘祭司「做食物」。
第30节，chit节谈起「初收ê农作物」kah献hō͘上帝ê特别礼物「lóng tio̍h归祭司」，尤其是「ài kā第一块」烘好ê饼hō͘祭司，用chit种方式来表示疼惜祭司，确实án-ne做ê人会蒙上帝ê「赐福」。这主要是beh hō͘祭司安心办理圣殿祭祀礼仪ê工作，以及教育民众。
第31节，chit节讲祭司「bē-sái食自然死去á是被野兽咬死ê鸟kah兽」，原因是án-ne ê动物，无放过血，含有血ê肉，照规定祭司是bē-tàng食ê。
经文：以西结书 45:1-45:6 注释:
Chit章有几个主题，一是tùi第1到6节ê经文继续谈起关系利未人生活ê关怀，二是第7到17节，有关君王应该遵守ê规则，三是第18到25节，谈起Pôaⁿ过节应该ê献祭礼仪。
Tùi chit章第5节开始，一直到第四十六章18节止，chit段经文lóng是上帝对先知以西结启示所做ê记录。
先知以西结有一个非常重要ê观念，就是beh kā圣kah俗分别清楚。Tùi圣殿ê规划kah祭祀礼仪ê规定，到祭司ê工作lóng是án-ne。现在chit段经文提起beh koh再kā土地划分出一块地是专门供圣殿祭司使用ê。
其实chit段落mā是为第四十七到四十八两章记载有关分配土地ê事，tī chia预留伏笔。
第1到2节，「分配土地hō͘各支族」了后，「tio̍h留一块献hō͘上主」，意思是teh指保留做圣殿ê用途。Chit块土地是「十二公里长，十公里阔」。续落来beh tùi顶面所讲chit块土地中koh「划出一个四箍围做圣殿用地」，chit块圣殿用地是每边「长两百五十公尺」，然后koh加上「二十五公尺阔ê空地」，这表示圣殿ê外围iáu有片空地，chit片空地就是hō͘神圣之地kah世俗之地有一个缓冲地带。
第3节，续落来是tī chit块ài做圣殿用地ê土地，koh划出「一半，长十二公里半，阔五公里」当做「建造圣殿ê路用」，chit块建造圣殿用ê土地，就kā它称做「至圣ê地」。这mā是第四十二章16到20节所提起ê圣殿范围。
第4节，chit块特别划分出来当做「至圣ê地」，是beh做建造圣殿外，mā是kā它「划归hō͘ tī圣殿供职ê祭司」，因为án-ne，chit块土地会建造祭司专用ê厝。这tī第四十章45到46节lóng有记载，而且强调祭司lóng是「撒督ê后代」，chit点tī第四十八章11节mā koh一pái提起。
第5节，chia mā特别提起tio̍h另外划出一块地hō͘利未人，in是「tī圣殿供职ê利未人」，内面mā有利未人ê「住宅区」，这mā说明一个重要转变，就是tī先知以西结以前，利未人是无土地ê，m̄-koh tī先知以西结ê异象中，利未人thang拥有一块特定范围ê土地。这mā讲出了祭司kah利未人之间ê差别，因为祭司并无土地。
第6节，chit节讲出「以色列人」mā thang tòa tī圣区ê「隔邻」ê所在，chit块地比利未人拥有ê范围会细一半，只有「长十二公里，阔两公里半」。
有关这部分tùi第四十七章13节起，直到第四十八章35节有koh khah详细ê说明。
经文：以西结书 45:7-45:17 注释:
Chit段经文lóng是关系君王ê部分，包括in khiā起ê土地kah相关ê祭祀礼仪。
第7到8节，chit两节提起beh划分出两块土地「hō͘君王」，就是东边kah西边各一块。特别分出这两块土地来hō͘君王，主要原因是希望君王「bē koh再欺压」上帝ê子民，ná亲像亚哈王想beh占有拿伯ê葡萄园仝款（参考列王记上第廿一章）。
第9节，chit节是对君王ê劝勉。Ná亲像申命记第十七章16到20节仝款，真清楚规范君王应该注意ê事项，就是要紧记上帝ê话语，án-ne就bē成做欺压上帝子民ê恶君，而会以公义治理人民。Chia讲「有够！」，意思是表示tio̍h知影「知足」。「tio̍h伸张正义，主持公道」，这thang讲就是kui本圣经ê教导。君王是上帝所拣选ê仆人，就应该tio̍h实践公义ê准则（参考创世记十八：19，耶利米书九：24、廿二：3，何西阿书十二：6，弥迦书六：8）。Á「bē-tàng koh再强迫我ê子民离开in ê土地」，chit句话隐含tio̍h一个重要ê讯息：恶质ê君王，kan-taⁿ会逼kah人民远离家园到各地去走chhōe thang安居乐业之地khiā起。
第10节，thang参考利未记第十九章36节。
「人人lóng tio̍h用标准公正ê度量衡」，chit句话m̄-nā表示司法一定会公平；另外一方面，这mā是对所有人民讲ê，ài大家lóng用公正ê态度过社会生活，bē-tàng有欺骗ê行为，án-ne chiah会hō͘上帝所接受、欢喜。
第11节，「贺梅珥」，这是一种容积单位，包括「固体」kah「液体」。先知以西结制订新ê度量衡，用贺梅珥做基准，一个「伊法」á是「罢特」等于十分之一ê贺梅珥。
第12节，「舍客勒」，这是重量单位siōng基本ê单位，每一个舍客勒，是「等于二十季giú」，而一个「弥ná」等于六十个「舍客勒」。
第13到15节，chit段是teh指beh捐hō͘君王ê供物，mā thang做「税」来看。
「小麦」、「大麦」等lóng是「六十分之一」，而「橄榄油」则「收成ê百分之一」，「羊」是「两百只tio̍h献上一只」。
第16到17节，既然人民有提供君王税赋，君王就有责任为全国人民提供献祭所需要ê一切物件，特别是tī「赎罪」ê祭品上koh khah是beh由众领袖家己负担，代表全国人民办理「赎罪祭、素祭、烧化祭、平安祭」等祭祀礼仪，原因是君王á是领袖，lóng是顶面所讲chiah-ê祭典ê主祭官。
经文：以西结书 45:18-45:25 注释:
Chit段经文君王怎样参与献祭礼仪，kah tio̍h注意ê事项。Á tùi第18节开始一直到第四十六章24节，chit段经文所记载ê内容有bē少kah摩西律法ê规定有差别，lóng是关系领袖、君王tī祭祀礼仪上应该有ê责任。
第18到20节，tī第18节提起「正月初一」是「洁净圣殿」ê节期。这tī利未记第十六章有真详细ê描述，he是属tī赎罪日。而且时间是tī每年七月初十。祭司ài kā「赎罪祭ê血」分别「抹tī圣殿ê门柱、祭坛ê四角，kah进入内院大门ê门柱上」，chiah-ê表明洁净ê意思。续落来是正月「初七日」ê献祭，仝款是献赎罪祭。因为人常常tī「无意中á是因无知而犯罪」。Án-ne看起来，tī七工之内，就beh献两pái赎罪祭，mā是洁净圣殿ê祭。
第21到22节，「正月十四日开始，你tio̍h守Pôaⁿ过节七工」，这是摩西律法严格规定ê节期，mā是以色列民族siōng重要ê节期。Tī这七工之内lóng tio̍h食「无酵ê饼」。因为是siōng重要ê节期，因为án-ne，君王tī第一工tio̍h代表kui个民族献祭，需「献一头公牛做赎罪祭」。
第23到24节，tī chit七工中间「tio̍h ta̍k工向上主献七头无残缺ê公牛kah七只公绵羊做烧化祭」，另外iáu koh khah「献一只公山羊做赎罪祭」，teh献上chiah-ê公牛、公绵羊等cheng-seⁿ ê时，mā tio̍h同时搭配「十七公升半ê素祭，三公升ê橄榄油同齐献上」，这mā说明只有君王、领袖chiah有chit种能力，因为伊ê财富来自人民ê税赋，因为án-ne，伊所献ê祭lóng是代表全体人民。
第25节，chia谈起「Tòa棚节」，这mā是重大节期之一。时间是tùi「七月十五日开始ê七工期间」。而且这七工中间是「ta̍k工献赎罪祭、烧化祭、素祭，kah橄榄油」，kah头前Pôaⁿ过节ê献祭仝款。
经文：以西结书 46:1-46:24 注释:
Chit章经文是继续前一章有关君王参与祭典ê各项规矩。Mā koh一pái提起有关君王ê土地，传承hō͘家己ê子女，kah赏赐hō͘臣仆无相仝；hō͘子女ê ē-tàng继续传承落去，m̄-koh hō͘臣仆ê，只要臣仆往生，就收回归王室所有。并且提起祭司使用灶脚ê时应该遵守ê规矩。
第1节，「tī六个工作日内」是表示不包含安息日在内。「内院ê东门一定tio̍h关闭」，原因只有君王chiah thang tùi东门（正门ê意思）进入。Chia讲「安息日kah初一，东门tio̍hphah开」。因为chit-ê时间君王beh进入，所以一定tio̍h phah开东门。
第2节，「当祭司为君王献烧化祭」，表示君王beh代表人民献祭，是ná亲像今á日ê主祭官仝款。M̄-koh chia由祭司主持仪式。
Tio̍h注意ê是君王tio̍h「khiā tī门柱边á」，意思是teh指君王只有ē-tàng进入来内院ê门边，无法度进入内院。因为内院只有祭司kah利未人thang进入。
第3节，「安息日kah初一」hō͘人看做是siōng重要ê日子，因为án-ne，全国人民lóng tio̍h敬拜上帝。
第4到5节，chit两节详细记载君王tī「安息日」应该「beh向上主」献祭ê物件。
第6到7节，这是关系「初一」tio̍h献祭ê物件。
第8节，chit节kah第2节所提ê仝款，koh一pái讲tio̍h君王á是领袖teh代表人民，因为án-ne，伊thang tùi东门进入。
第9节，chia就真清楚讲tio̍h：因为节期民众真chē，为tio̍h beh维持圣殿献祭活动路线ê秩序，就规定进出圣殿ê时采南北门相对为动线，就án-ne门进，就tio̍h tùi另外一门出去！
第10节，「人民入来ê时chūn，王mā tio̍h入来」，意思是teh指非节期ê时，若是君王mā tio̍h kah一般人民仝款是tùi南门á是北门进入，tùi相对ê门出去。
第11节，chit节是teh指特别节期ê献祭，需要注意献牲祭ê时，lóng需要配搭「十七公升半ê素祭」kah「三公升ê橄榄油」同时献上。
第12节，chia提起王beh进入内院献祭ê时，thang kah安息日仝款，请人替伊开东门，m̄-koh伊一离开，东门就马上「关密」。
所谓「自愿祭」，是teh指「还愿」ê祭（参考利未记七：16、廿二：18—22）。
第13到15节，「每工早起」，tio̍h准备「无残缺ê一只一岁ê小羊做烧化祭hō͘上主」，iáu koh khah搭配「两公升面粉kah一公升橄榄油」ê素祭。Chit种献祭是「永久有效」，因为án-ne，「bē-tàng间断」。
第16节，若是君王处理家己ê土地hō͘子女，得tio̍h分配ê人就ē-tàng永远得tio̍h hit种产业。这是为tio̍h beh落实第四十五章7到8节ê规定，hō͘君王无贪婪ê心思意念。
第17节，若是君王kā土地「赐hō͘臣仆」，chit种赏赐是「暂时」拥有。等到「归还年」就beh归还hō͘国王。这「归还年」有两种意思，一是teh指安息年，mā就是每一个第七年。换句话讲，领受tio̍h土地ê臣仆只有七年ê所有权（参考申命记十五：12）。另外一个意思，是teh指利未记第廿五章10节所提起ê五十禧年。Chiah-ê tùi奖赏领受tio̍h ê土地，lóng tio̍h归还hō͘「王族」，这是因为只有「王kah王子thang永久拥有这土地」。
第18节，仝款规定王族ê人bē-tàng「侵占人民ê产业」，王族ê人只有ē-tàng使用家己家族ê产业，án-ne就ē-tàng「免得伊欺压人民」，致使「侵占」上帝子民ê「土地」。
第19到20节，这是说明祭司tī使用ê房间，特别分别出来「是圣ê」。有两个地方，一处tī「南边」，另外一处tī「西边」。这两个所在，lóng是隐密ê，就ē-tàng避免「伤害人民」，原因献祭后ê物件，iáu hō͘人看做是神圣ê物。「chit-ê所在是hō͘祭司煮赎罪祭á是赎过祭ê肉用ê，mā是烘素祭用ê」，就kah灶脚仝款，tī chit所在煮食，mā tī chit所在食用。这mā thang防止献祭ê物件流落到外面去。
第21到22节，这是利未人thang活动ê所在，特别是tī「外院ê四个角落」lóng有利未人活动ê「小庭园」，这小庭园「长二十公尺，阔十五公尺」。
第23到24节，tī每一个庭园「靠tio̍h石墙」有「炉á」，指引先知以西结看ê hit-ê人讲，这是「灶脚」，是hō͘利未族人「tī chia煮人民所献ê祭物」，了后mā tī chia食用。
经文：以西结书 47:1-47:23 注释:
以西结书第四十七到四十八等chit两章lóng提起有关土地ê问题，tī chia概略地叙述以色列民族各支派重新分配土地ê事，而且chit种分配是每一个支派lóng仝款。Chit种描述lóng隐含tio̍h一个用意：一个全新性命ê开始，是充满tio̍h上帝ê赐福。
Chit段经文讲述圣后面有泉水涌流出来，有水ê所在，就会有性命出现。就亲像上帝创造ê伊甸园仝款，有四条河流源源不断灌溉了kui个田园。当先知以西结讲出伊看见chit种异象ê时，对以色列人民来讲，有非常重大ê意义。因为水，一直是大家所渴望得tio̍h维护性命ê重要资产。因为án-ne，当先知以西结看见有泉水不断来tùi圣殿涌流出来，而且水深到一定tio̍h siû水chiah ē-tàng渡过，这mā说明新ê耶路撒冷有上帝奇异ê恩典而且丰富有chhun，无koh有欠缺ê烦恼，hiah-ê人会充满感谢。
第1到2节，chia讲「圣殿ê门口」，是teh指圣殿ê东门，mā就是正门。M̄-koh正门现在是关闭ê，因为án-ne，先知以西结是tùi圣殿ê「北门出来」，然后行到外面「转到朝东ê外门」。Tī chia，伊看见「有泉水tùi门入口所在下底涌出，流向东方」，ná亲像启示录作者讲ê，这泉水是tùi圣殿ê宝座涌流出来ê，而tī诗篇第四十六篇4节讲，这道河流ê水是「喜乐」，是tī上帝居所chiah有ê。
Tī「圣殿南面」有水tùi「地下流出来」，chiah-ê水流「经过祭坛南边」，然后tùi「门ê南边流出来」。这lóng teh说明chiah-ê水，是经过上帝ê赐福而流出。注意chia讲水流经祭坛，是teh表示祭坛随时随地lóng thang清洗保持洁净，无论是teh献祭chìn前，á是献祭ê后ê洁净工作，lóng ē-tàng真轻易完成。这teh表明以后献hō͘上帝ê礼物lóng是siōng洁净ê。
第3到5节，chit三节讲tio̍h水ê深度，是tùi siōng浅只有到「脚踝」，然后jú往前行，水ê深度jú深，到à「脚头u」，然后到à「腰部」，直到「深到无法度涉足过去，只好siû水chiah ē-tàng过去」，chiah-ê lóng teh象徵上帝ê恩典是丰富到无法度估计、衡量。
第6节，「留意这一切」，thang想像会tio̍h chit条河流并无任何支流注入，m̄-koh却是tùi圣殿ê「下底涌出」，而且是jú来jú深，表示这是永远bē缺乏、永远bē干涸ê水源。
第7节，「看见两岸有真chē树」，这kah创世记第二章15到17节，kah启示录第廿二章1到2节所提起ê，这河流所经过ê所在，两旁lóng栽种tio̍h「性命树」，树á顶是结果子累累。
第8到12节，Tī chit段经文中，chit-ê导览者kā先知以西结讲chit条tùi圣殿流出泉水而成ê河渠，水流经过ê所在生机盎然，hō͘原本lóng无性命ê迹象ê死海地区，变成一片活跃、新有性命力ê海。这kah以西结书第三十七章1到14节所提起ê，hiah-ê已经枯干ê骸骨，会因为为上帝ê灵注入，而呈现全新ê性命，甚至thang马上成做ē-tàng进攻敌人阵营ê精兵有异曲同工ê所在。
Chia讲tùi圣殿流出来ê泉水带来ê各种变化如下：
一是当chit条河渠ê水，tùi「向东流，经过约旦河，进入死海」，致使原本是「咸水」ê「死海」之水，变成「淡水」。这是非常奇异ê改变，大大超过人ê能力所想像会tio̍h。
二只要是chit条河渠所流过ê所在，lóng会「各种生物kah鱼类」，m̄-nā án-ne，这河渠ê水会「hō͘死海ê水新鲜，水流过ê所在lóng有性命」。
三是原本无可能有生物存在ê死海，会因为chit条水源ê水注入，而变成「像地中海仝款有各种鱼类」，而且是「非常chē」。「海边会有讨海人tī曝渔网」，chit句话mā teh暗示来chia掠鱼ê人真chē。
四是「河ê两岸会有各种树木生长结实」，chiah-ê树ê「果子thang做食物」外，它ê「叶á thang做药材」。
注意第11节特别提起，这河流所经过ê所在，特别是死海有大改变，「沿岸ê沼泽kah池塘ê水犹原是咸ê」，án-ne就ē-tàng提供日常生活上所需要盐。
「隐・基底」，这是tī死海西岸中部ê一个城镇，现在iáu-koh保持chit-ê名。Chia有一个深泉。
「隐・以革莲」，真可能是设tī死海西北面，tī昆兰附近，mā有深泉。
Tùi chia开始直到第四十八章，lóng是谈起有关以色列民族十二支族分配ê土地范围。
第13到14节，chia讲tio̍h以色列民族「十二支族」ê「地界」，特别强调讲「约瑟支族会得两份」，这kah雅各临终前ê吩咐有关（参考创世记四十八：5），后来十二支派就是由约瑟ê kiáⁿ以法莲kah玛拿西两个取代约瑟kah利未。
Chia强调「tio̍h公平分配土地」，这是上帝「赐kā in赐福做产业」ê土地。表示in tńg去巴比伦故乡后，重新分配土地ê时，就无koh像所罗门王死后，国家分裂为南北二国。却是合一ê国家kah十二支族。
第15到20节，chit段经文谈起东、西、南、北等四面ê范围。Chit段有关分配土地ê事，mā thang参考民数记第三十四章1到12节。
第15到17节，事(tāi)先谈及ê是「北pêng ê地界」。
第18节，这是「东边ê地界」。
第19节，这是「南边ê地界」。
第20节，这是「西边ê地界」。圣经时代，西边是siōng安全ê所在，因为西边就是靠近地中海防守khah容易，敌人若beh tùi海路攻击，一定会有真好ê船只、运输等交通工具装备，否则无法度攻击。
第21到23节，「各族beh分chit块土地」，chit句话已经teh表示无甚么人比较khah特别，而且值得注意ê，就是「外侨kah in tī chia出世ê kiáⁿ lóng tio̍h分得土地」，m̄-nā是in，iáu包括tī in中间出世ê子女，mā lóng tio̍h kah以色列人民仝款，享受土地分配权，chit点是过去所无ê。Chit种信息mā是先知以赛亚所传出来ê，上帝应允所有归属他ê人，lóng被同等看待（参考以赛亚书五十六：3—8）。
经文：以西结书 48:1-48:7 注释:
Chit章是继续第四十七章21到23节所提起ê「各支族beh分chit块土地」，chit章就是记载每一个支派所分配到ê土地。
Chit段经文提起北方七个支派分配到ê土地，这是因为北pêng ê土地比较khah阔大。分配ê方式是「tùi北到南」ê方式，支派kah支派之间ê土地相隔壁。
第1到7节，「希特伦、哈马隘口、以难城，延伸到大马士革王国kah哈马王国交界」，这是北pêng ê地界（参考四十七：15—16）。这是tùi北pêng讲tio̍h南边。
「tùi东面ê边界到西面ê地中海」，分配ê方式是「tùi北到南各分得一份土地」，就是tùi「m̄-koh、亚设、拿弗他利、玛拿西、以法莲、吕便、犹大ê秩序」án-ne分配落去。Chit-ê所在属tī北部地区，因为面积比较khah广大，分配给顶面所讲chit七个支派。Á值得注意ê是「但」、「拿弗他利」，kah亚设等这三支派分配到ê土地，是距离耶路撒冷圣殿siōng远ê所在。也kah约书亚时代所分配ê土地仝款，「但」支派所有ê土地mā是siōng北pêng ê所在。
经文：以西结书 48:8-48:14 注释:
Chit段经文特别提起圣殿ê土地。这部分thang参考第四十五章1到6节。
第8到9节，chia提起「特别用途」，这是teh指为tio̍h建造「圣殿」ê需要而特别提拨ê土地「献hō͘上主」，这是为tio̍h beh建造圣殿用。
第10节，chit节谈起ê是属tī「祭司」ê部分，「tùi东到西十二公里半，tùi北到南五公里」。圣殿位置tī siōng「中心」地带。
第11节，chia koh一pái强调「圣区」是分配给「撒督」ê后代。因为「撒督」ê kiáⁿ孙chiah ē-tàng当祭司。先知以西结讲撒督ê后代对上帝「忠心事奉」，kah「利未支族ê人随从以色列人背叛」上帝完全颠倒。这真可能是kah列王记上第十二章31节记载ê事件有关，he是因为北国耶罗波安tī伯特利城kah「但」城chit两所在建造金牛崇拜，利未支族ê人并无阻止chit件事。
第12到13节，因为撒督ê后代对上帝忠心，因为án-ne，in就tòa tī圣殿所在ê区域。M̄-koh利未支族ê人只有ē-tàng tī祭司ê外围，mā hō͘人看做是一块「特区」。因为in beh协助祭司管理圣殿，kah协助祭司办理献祭ê事务。
第14节，包括祭司kah利未支派ê土地，lóng是属tī「圣地」，因为án-ne lóng bē-tàng买卖。建造圣殿ê chit块土地是「siōng好ê」，因为是献hō͘上帝做建造圣殿敬拜用ê，规定是「bē-tàng买卖、交换，á是转hō͘」。
经文：以西结书 48:15-48:22 注释:
Chit段经文记载属tī一般民众thang khiā起ê所在。
第15到18节，chit块「长十二公里半、阔两公里半ê土地」，是一般人lóng thang khiā起tī chia。Tī chia thang建造城，chit-ê城是「四方ê」，每边「长两千两百五十公尺」，然后tī城ê「四周tio̍h留空地，阔一百二十五公尺」。Chia比较khah特别ê所在，是beh留落来一块hō͘ khiā起tī chit所在ê民众有thang种作ê田地。
第19到20节，只要是khiā起tī城内ê人，thang共同使用chit块留落来ê空地做耕地。这是m̄是就是后来发展出来ê共有土地，同齐种作ê起头？就不得而知。
第21到22节，chit两节提起君王ê土地，南北分别kah犹大、便雅悯ê地相连接。
经文：以西结书 48:23-48:29 注释:
Chit段经文提起其他五个支族ê土地。
第23到28节，tùi圣殿区域开始往下分配，tāi先ê「便雅悯、西缅、以萨迦、西布伦、迦得」等五个支族。这thang看出圣区ê北pêng是犹大支族，南边就是便雅悯支族ê土地。Á迦得是tī siōng南边，kah siōng北pêng ê「但」遥遥相看。
第29节，「tio̍h用抽签ê方法kā chit块土地分hō͘以色列各支族」，chit句话讲出了Tī顶面所讲分配土地ê工作上，并m̄是先知以西结讲了算，却是由各支族推荐代表出来抽签后分配所得tio̍h ê。
经文：以西结书 48:30-48:35 注释:
Chia提起有关耶路撒冷城ê城门kah号名ê情景。
第30到34节，耶路撒冷城ê「城门」共计有「十二个」。
「四面ê城墙」，每面「各有三个城门」。Á chiah-ê城门「lóng按照以色列支族ê名号名」。
第35节，新ê耶路撒冷城墙「四周总共长九千公尺」。Á「chit-ê城beh叫做『上主tī chia』」，意思是teh指上帝ê城。这kah第十一章23节讲上帝离开hit-ê城，到现在上帝是tńg来到耶路撒冷城（参考四十四：4），已经完全无仝à。现在hit-ê城因为有上帝khiā起tī圣殿里，而hō͘ hit-ê城充满tio̍h上帝ê荣耀。因为án-ne，chiah会称做「上主tī chia」。
重新查询