重新查询
经文:

传道书 1:1-1:18

注释:

Chit章一开始就提出作者对性命ê观点,mā预先为chit本册提出共同主题—空虚。作者认为tī chit世间其实并无新ê事,一切lóng像kui个宇宙星辰一般,性命lóng是án-ne周而复始ê循环。

Chit章thang分做两个段落,一是第1到11节,chit段经文除了绍介本经卷作者外,mā kā本册卷ê内容做简介。因为án-ne,本段经文mā ē-sái讲是chit本册卷ê序言。二是第12到17节,Tī chit段经文中一再强调ê主题是:追求属tī人间世间ê智慧、事物等,结果lóng会是白忙一场。

第1节,「tī耶路撒冷做王」,tùi大卫王开始,到所罗门了后ê耶罗波安,直到西底家末代国王为止,只要是犹大王lóng是tī耶路撒冷作统治者。因为án-ne,并无确定chit位作者是甚么人。「传道者ê语录」,chia ê「传道者」一词tī本册卷中共计出现七pái(参考一:1、2、12、七:27、十二:8、9、10)。Chit-ê词mā thang当做是「老师」,动词有含「聚集」ê意思。「语录」带有用坚定ê语气teh指导听者得tio̍h正确á是清楚ê方向ê意思(参考十二:9),因为án-ne,chit句「传道者ê语录」ê意思,thang讲是老师teh为问题chhōe答案(参考七:27)ài帮助有giâu疑ê人。

第2节,「空虚」,chit-ê词ē-sái讲是kui本传道者ê中心题旨,tī本卷中共出现35次。此字原本是teh指tī清早看见空气中ê雾气,当阳光出现ê瞬间,会tī chiah-ê雾气看见súi、鲜艳ê光彩,m̄-koh雾气真紧to̍h消失phah m̄见去。作者讲「人生空虚,一切lóng是空虚」,chit种句型是渐进、加强语气,表示性命中一再出现「空虚」ê各种经历。

第3节,tùi chit节到第9节chit段经文中,一再出现「日头下脚」一词,而tī kui本传道书中,共计出现29次。所谓「日头下脚」,表示tī人生存ê实况范围á是性命ê极限之内。Koh讲,所谓「日头下脚」mā teh表示无隐藏ê所在,即使tī隐密ê所在,mā会hō͘发见。「操作劳碌」,chit-ê「劳碌」一词,mā构成chit本经册ê重要用词,共计出现22次。除了表示身躯ê劳苦(参考诗篇一二七:1),mā thang讲是心灵上ê痛苦(参考诗篇廿五:18)。「益处」,原本是商业上ê用词,表示「利息」、「获利」,mā thang做「满足」。

第4到7节,chit段经文thang用一个常听见ê词句来表示,就是「周而复始」。其实,这四节mā是teh强化第2到3节所讲ê劳苦终生,所得tio̍h ê最后lóng tio̍h归还原处。所谓「一代过去,一代koh来」,这是teh指性命ê一种周期,bē停止。「世界」mā thang表示「大地」,而「日头」、「风」、「江河」等,lóng以一定ê规律tī振动、运转,in存在ê定律bē改变,mā bē消失。Chia用「koh再tùi hia出来」、「循环无停」、「归回原发ê所在」等用词,kah第4节所提起ê「世界总是仝款」仝款ê意思,表示kui个上帝所创造ê宇宙lóng是不断循环,包括人ê性命mā是仝款,一代续落来一代,包括人在内ê kui个世界并无会停止。因为一停落来,就是末日来临à。

第8节,「万事」,是teh指第4到7节所提起ê一切,作者用「人」、「日头」、「风」,kah「水」来表示。「厌倦」,chit-ê词mā表示「干燥」、「无味」,á是「困乏」ê意思,mā表示已经习认为常,无甚么感觉。因为án-ne无法度讲述完整性命ê感受,因为有「目chiu金金看,看不饱;耳听,听不足」,性命lóng是感觉有欠缺,无法度完全满足心意,而这mā是一种痛苦á是「空虚」。

第9到10节,ná亲像第4到7节所提起ê,一切lóng会照原订ê规律继续无停ê运转,而且是周而复始。因为án-ne,以前「发生过ê事iáu beh发生;做过ê事iáu koh khah koh做」,表示就是因为án-ne,chiah会hō͘人感觉性命ê空虚。当人自认为发见新鲜事ê时chūn,phah开历史ê资料来看,会发见原来过去已经有人做过à。特别是tī性命ê旅程中,人会发见死亡时刻围tī身边,而且挥之m̄去,chit时chūn chiah会感受tio̍h家己ê软弱kah有限,而且无法度超越自身ê瓶颈kah界限。

第11节,chit节是相对句型,用「往昔ê事」kah「今后发生ê事」做对照。Á「无人追念」kah「mā无人记tiâu」,是仝款ê意思。Chit节表示性命ê时间是过得hiah-ni̍h快,一下就lóng bē有人去怀念,因为世事替换ê siuⁿ紧,来不及详细看,koh有另外一种事、物出现。人真紧to̍h会bē记得今á日发生ê事,即使是非常有名望ê人mā是仝款,时间一久就无koh有人记tiâu(参考九:5)。

第12节,chit位传道者讲伊「tī耶路撒冷做过以色列ê王」,chit句话kah第1节所讲ê仝款。因为伊bat拥有君王ê荣耀kah富贵,因为án-ne,伊thang tùi真chē智者身上学习tio̍h一般人所学习bē-tio̍h ê事物,包括智慧在内。

第13节,chit位传道者「决心用智慧探求,考察天下发生ê一切事」,表示chit位君王真认真teh走chhōe想明白「天下所发生ê一切事」,就chit点来讲,chit位有君王身分ê传道者算是bē-bái ê一位。M̄-koh伊发见「上帝hō͘人类ê担子是jōa-ni̍h-á沉重」,chia所讲ê「沉重」,mā thang表示无法度了解,对tī真chē bē明白ê事物,即使追求、探索beh知究竟,结果lóng是白忙一场。M̄-koh身为君王,koh一定tio̍h明白一切chiah ē-tàng治理好国家,却发见无法度知影事故发生ê原因,心情tùi án-ne「沉重」起来。

第14节,chit位君王「观察了世间ê一切事」,伊发见所有ê「一切lóng是空虚,等于捕风」,因为「风」是掠bē-tio̍h ê,因为án-ne,等于虚无,mā就是「空虚」ê意思。这「捕风」一词共计出现9次(参考一:17、二:11、17、26、四:4、6、16、六:9)。

第15节,chit节真可能是古代ê谚语。Chit句「弯曲ê物件无法度变直」,这表示既定ê事实是无法度改变ê。Á「无存在ê事物无法度数算」,chia所讲ê「无法度数算」ê物,就ná海边ê细沙,天顶ê星辰hiah-nih-chē。意思是人ê能力,是无法度改变已经存在ê现象,特别是人所ē-tàng承载ê气力非常有限。

第16节,这是一句出tī示巴女王o-ló所罗门王ê话(参考列王记上十:7),认为伊「比任何一个统治过耶路撒冷ê人lóng有智慧」,而列王记作者mā认为所罗门王是「比世间任何一国ê君王koh khah富有,koh khah聪明。全世界ê人lóng想觐见所罗门,beh听上帝赐hō͘伊ê智慧ê话」(参考列王记上十:23—24)。

第17到18节,mā因为án-ne,chit位有智慧ê君王「决心辨明智慧kah愚昧,知识kah狂妄」之间ê差别,m̄-koh结果ná亲像一般世人劳碌仝款,lóng是「捕风」,白做无益而已。作者有一个深切ê体验,就是学jú chē,想jú chē,结果发见苦恼mā jú chē。假使是án-ne,结果iáu是仝款,是空虚、捕风。

经文:

传道书 2:1-2:26

注释:

Chit章作者感觉一切lóng是空虚ê时,想beh有所改变ê方式是选择「享乐」来突破性命ê局限,而伊所讲ê享乐是teh指感官上ê享受。

第1到3节,传道者ê心内已经决定beh án-ne做,就是亲身去体会tio̍h底「享乐」、「享福」对性命ê意义是甚么,结果家己ná亲像小丑仝款,hō͘人看起来就想beh发笑。表示会失去分辨能力,「享乐lóng无益处」,无得tio̍h想beh得tio̍h ê。就án-ne想beh「藉酒自娱,走chhōe快乐」,因为「酒」thang hō͘人目nih-á bē记得苦恼,可能hō͘人感觉兴奋,á是hō͘身躯减轻痛苦感觉舒畅。M̄-koh ná亲像俗语所讲ê「借酒浇愁,愁koh khah愁」。

第4到8节,作者想用建造花园ê方式,改变生活环境,希望用chit种方式来hō͘家己快乐。伊建造富丽堂皇ê建筑物,ná亲像皇宫一般。而且iáu栽种葡萄树,而且「修造庭院果园,种植各种果子树」,并「挖掘水池,灌溉树木」,这lóng teh表示chit-ê人若m̄是一个大财主,就是一个君王。有chiah-ni̍h堂皇ê大厝kah广大ê庭园,就需要有人来帮忙整理。因为án-ne,chit-ê人就去买来真chē「男女婢隶」来协助整理看管。Tùi第8节ê描述来看,chit位大财主真亲像所罗门王,因为伊有一千个嫔妃(参考列王记上十一:3)。M̄-koh却因为有chiah-ni̍h chē ê财富kah嫔妃,hō͘伊弃sak了上帝,án-ne并无值得。因为离开上帝,人就会「随心所欲」到最后会丧失一切。

第9到11节,chit位君王á是大财主,确实是真富有,伊ê富有「强大,赢过任何在耶路撒冷tòa过ê人」,并且自认「头尾有智慧」。Chit-ê自认真有智慧ê君王á是财主,kā身上ê财富用来「尽情享受,无受拘束」,伊认为chiah-ê钱lóng是家己辛劳得tio̍h ê,应该hō͘家己好好á享受,这是一种对家己辛劳得来ê「报酬」,ná亲像第4到8节所描述ê一切,án-ne看起来,全部所做所为lóng是理所当然。M̄-koh当伊「回顾」观察ê时,便发见「家己ê成就,思想所付出ê辛劳」lóng白费,因为伊「领悟到一切lóng是虚空,lóng是捕风」。就án-ne伊讲「日头下脚ê一切lóng无益处」,chit句话koh一pái tńg来到了第一章3节所提起ê。因为所有ê物件lóng会变化、摧毁、消失。

第12节,「一个君王所ē-tàng做ê,lóng是用往ê君王所做过ê」,chit句话回应第一章9到10节。意思是无甚么是新ê,lóng是旧ê。Chia thang看tio̍h一个自认真有智慧ê君王,所ē-tàng做ê事mā m̄是甚么新事,án-ne,伊ê智慧koh算是甚么?kah狂妄、愚昧koh差jōa-chē?其实是仝款ê。

第13到14节,chit两节用智慧kah愚笨作比较khah。真正「智慧」是会「赢过愚昧」,至少智慧者会知影人ê性命有限,需要上帝ê扶持,比起「愚笨ê人却tī黑暗中摸索」,是beh好过千倍。圣经作者ài用「光明」kah「乌暗」来说明性命ê两种结果,就是生kah死。Tī chia作者讲聪明人kah愚笨ê人,结果lóng仝款。原因就是人lóng会死,无任何人ē-tàng用家己ê方法hō͘ 性命延长、bē死(参考路加福音十二:25)。其实两个之间ê差别是:

聪明人因为看见可能会面临死亡而操心,会想出所有ê办法beh脱离;而愚昧人却是因为无敏感度,á是根本就是无知。M̄-koh两个ê结局果lóng仝款面对死亡。

第15节,「愚昧人ê遭遇mā是我ê遭遇」,因为作者自认真有智慧(参考第9节),m̄-koh tī chia却真清楚指出,任何人lóng一定tio̍h面对死亡ê来临,这tú好是传道书ê中心题旨:死亡,是上帝赏赐hō͘人类siōng公平ê礼物。作者tī-chia koh加上一句,尽管是聪明,只要想tio̍h死亡,就bē感觉聪明对性命有甚么特别「益处」à。因为án-ne,伊讲「一切lóng是空虚」,表示人对死亡根本就无法度掌握,mā无法度制止,只有ē-tàng眼睁睁地看tio̍h它ê来临。

第16节,chit节回应了第一章11节。Chit节讲出第14到16节所提起ê,只要是死亡,大家lóng仝款ê,无任何人例外。这真清楚讲tio̍h「无论是智是愚,lóng tio̍h死去」,无任何人ē-tàng因为聪明有例外。

第17节,chit节回应了第3节所提起ê,作者teh追求智慧ê驱使心之下,开始走chhōe性命ê意义,m̄-koh结果却发见死亡罩tiâu tī每一个人ê性命,hō͘人消耗真chē时间teh思考án怎避免死亡,事实却是人永远脱离死亡ê威胁。

第18到19节,chit两节是作者对性命ê省思。人一生「辛劳」lóng是会累积「财富」(m̄-nā是thang数ê金钱,mā包括才能、知识、性命经历等无形ê财富),因为「无法度m̄ kā一切留hō͘后人」,chiah-ê累积ê财富会由甚么人继承?koh khah重要ê,继承ê是「智」者,á是「愚」笨ê人?这只有上帝知影。因为人看起来聪明ê,往往是上帝眼中ê愚昧者。

第20到21节,chit两节thang参考路加福音第十二章16到20节。Chia提起「智慧、知识、技能」等三样,总括代表ê意义就是智慧。经文中提起m̄-koh虽然拥有chiah-ê,m̄-koh,kah得tio̍h遗产ê人互相比较,心内iáu是真m̄甘愿,因为得tio̍h遗产ê人是不劳而获。

第22到23节,「操心、辛苦、劳碌」等用词lóng指仝款ê意思。因为劳碌ê结果仝款是「痛苦愁烦」,结果致使「夜夜bē-tàng安宁」,表示身心lóng受tio̍h痛苦。

第24到25节,作者tī chit三节讲出性命siōng基础ê要件就是:性命需要有上帝ê参与,只有án-ne,chiah是得tio̍h幸福ê泉源。作者强调只有tī「上帝ê旨意」之下,人「ē-tàng lim食,享受伊辛劳ê成果」,án-ne chiah算是siōng大ê「幸福」。第25节ê「若m̄是出tī上帝」,chit句话mā ē-sái讲是kui本传道书ê中心思想,讲出一切lóng是出tī上帝ê赏赐,若无,人即使劳碌一生累积真chē财富,性命mā无法度满足。Ē-tàng享受食ê、lim ê,其实lóng是tùi上帝来赏赐ê结果。因为án-ne,tio̍h用感恩ê心来回应,而且会知影珍惜,因为这一切lóng是上帝赏赐,这mā是为甚么祖先lóng会警告kiáⁿ孙bē-tàng暴殄天物ê原因。

第26节,chit节是相对句。「智慧、知识,kah喜乐」chiah-ê lóng是上帝赏赐ê恩典。Chit种恩典是赏赐hō͘ hiah-ê属tī上帝「欢喜ê人」。相对ê,上帝所无欢喜ê人,就是「罪人」,mā就是只知影想tio̍h家己享受,却bē记得上帝恩典ê人。Chit种人,无论累积jōa-chē,最后lóng会亲像捕风仝款,一无所有。

经文:

传道书 3:1-3:22

注释:

Tī第一到二章先绍介chit位传道者自认真有智慧,ē-tàng掌控性命,m̄-koh家己却发见无论án怎努力,甚至更换生活方式,结果lóng失败。Chit时chūn,传道者开始tùi生活kah自然界ê定律来反省,koh khah明明确知影性命无法度靠家己ê气力改变,因为伊发见其中是用上帝ê「律」tī运行。

Chit章thang分做两个段落,一是第1到8节,传道者认为每件事lóng有上帝ê计画kah时间表。二是第9到22节,ài人学会晓谦卑,知影家己ê有限kah脆弱。

第1节,传道者讲「天下万象lóng 有它ê 期, 万项事lóng 有它ê 时。(全民版)」,作者认为会án-ne有「定期」出现,是因为时间是上帝所创造ê,因为án-ne,时间mā tī上帝ê掌握中,人ê气力无法度改变上帝ê时间表。所谓「性命ê时间表」就是án-ne体会出来ê。

第2到8节,tùi第2节开始到第8节,作者用十四则例,讲出廿八个「ê时」,说明规律ê重要性,而且tī chit廿八个规律中,lóng是用相对词表达。

「生有时,死有时」,这真清楚讲出性命ê出现kah消失,lóng有上帝ê旨意。

Tùi chit句「栽种有时,拔除有时」开始,到第3节ê「拆毁」kah「建造」,lóng是teh描写人类行为ê两极性。「栽种」,这ē-tàng指掖种。每一种作物lóng有其生长时间,tī无适当ê时间掖种,植物成长ê效果就会变差,甚至无法度生长,因为无仝ê季节,气候ê变化mā无仝。「拔除」,就是teh指收割。果子提早收成,成熟度会不足,m̄-koh太晚采收则会过熟而落果,甚至腐烂。

「杀害」kah「医」是对应型态,同第2节ê「生」kah「死」之间ê差别仝款。「杀害」,这是teh指杀害性命,可能kah战争有关系。当战争出现,就会有「拆毁」ê景象出现,m̄-koh「拆毁」了后mā时常会有「建造」,ná亲像耶路撒冷城kah圣殿,tī主前586年被拆毁,然后koh重新「建造」起来。「医」是teh指救治破病á是受伤者,hō͘伊免tī死亡。战争后ê修复工作继续不断来teh进行。人类ê愚昧tú亲像是án-ne显示出来,发动战争破坏,然后chiah来透过医修复。

「啼哭」kah「欢笑」对应,然后用「哀恸」kah「舞蹈」对应。Chiah-ê lóng kah人ê感情、感受等有密切关系,是属tī人ê情感。

第5节提起ê事是比较khah无容易明白ê一节。原文本是teh指「hiat tàn」石头kah「堆聚」石头,可能是teh指一种游戏,á是耕田整地?á是亲像《现代中文》译本ê「同房」kah「分房」?m̄-koh chit种「hiat tàn石头」kah「堆聚石头」mā用来形容拆毁kah重建ê工作;拆毁已经不堪使用ê厝,然后建造新ê厝,mā就是hiat tàn kah堆聚石头ê意思。M̄-koh chit种hiat tàn kah堆聚之景象,mā常见teh相刣ê时chūn,摧毁敌方ê建筑物、桥梁,á是任何障碍物。M̄-koh当占领者为tio̍h beh防卫,就需要堆聚石头为障碍,来预防止敌方进攻。

另外一方面是tī巴勒斯坦地区真重视婚姻,举行婚礼通常lóng是kui个村落ê大事。因为án-ne,所有少年人会聚集同心协力为teh beh新婚ê男子建造新ê厝,当新婚夫妇进新ê厝,就ná亲像台湾俗语所讲ê「进洞房」,因为án-ne mā会描写为「同房」。「分房」则是teh指长大ê gín-á结婚成家,就是tùi父母「分房」出来。「亲烧热」kah「冷淡」,前者讲出热情欢迎ê状态,而后者讲出人之间产生「距离」,mā就是分房后ê情景。

「chhōe」原本是teh指「获取」,tú好kah「遗失」相对应,kah「保存」kah「弃sak」是仝款ê意思。

「拆裂」kah「缝补」是鲜明ê对应句。以色列人民tī亲人往生ê时,会用拆裂衫裤ê方式来表示哀伤(参考创世记三十七:34)。拆裂衫裤mā teh表示卑贱ná亲像癞koê病人仝款,是人见人厌ê对象(参考利未记十三:45)。「拆裂」,mā ē-tàng用来表示「分裂」ê意思(参考列王记上十一:30—31)。「缝补」mā当做遮掩ê意思,ná亲像人犯罪了后,发见家己赤身露体,就赶紧the̍h无花果树ê树叶遮掩家己(参考创世记三:7)。相对tī头前ê「拆裂」表示分开、分裂,tī chia mā thang用来当做「复合」ê意思(参考以西结书三十七:17—19、22)。续落来ê「缄默」kah「言谈」,mā是相对字词。「缄默」mā常用来表示悲痛哀伤到极点(参考约伯记二:13,耶利米哀歌三:28)。「言谈」,指ê是高谈论阔,滔滔不絶ê讲话。

「疼」kah「恨」就ná亲像「战争」kah「和平」,lóng是属tī相对ê词。Chia ê「疼」kah「恨」,并无kā重点khǹg-tī私人层面,而比较khah是关系民族、部落,甚至是国家kah国家之间ê关系。Án-ne,kah下半句ê「战争」kah「和平」就thang对称。「战争」kah「和平」,tī人类ê历史上一直重演。

第9节,「一切ê劳苦」,指ê是头前2到8节所叙述ê,说明一切lóng有上帝ê旨意在其中,既然án-ne,作者反问人「一切ê劳苦有甚么路用neh」?是teh指人bē明白chiah-ê事ê缘由。Chit时,就会感叹人ê劳苦意义何在?

第10节,「咱负荷沉重ê担子」,表示上帝并无hō͘人知影顶面所讲chiah-ê景况,hō͘人感叹性命ê空虚、辛劳,却lóng无所得。

第11节,chit节是chit章经文ê中心,讲出上帝创造án-ne有「秩序」ê生存环境,人ê问题是无法度清楚明白上帝ê用意。上帝「为万事特定适当ê时间」,这是tùi创世记第一章所记载有关上帝创造时间ê记事来看,说明有特定ê时间teh运转,而且是运转得非常稳定。就tī chiah-ê继续无停ê时间运转之下,传道书作者讲这是创造主上帝为tio̍h beh hō͘人有「永恒ê意识」,知影上帝teh掌管一切,m̄-koh并m̄是ài人完全明白。这mā表示人真oh明白上帝ê旨意,除非有上帝亲自启示。

第12到13节,传道者改变一个生活态度,既然无法度成做永恒ê主宰,只有ē-tàng目nih-á存在ê时,倒不如退一步tńg来掠tiâu chit-má ê每一刻。「lim食,享受辛劳ê成果」,这是人手上所ē-tàng掠tiâu、掌握ê,无法度放弃,因为chiah-ê lóng是「上帝ê恩赐」。因为án-ne,ē-tàng享受这目nih-á ê辛劳成果,mā是一种幸福(参考二:24)。

第14节,当人kah创造万物ê上帝相比,人是jōa-ni̍h-á ê渺小、不足、脆弱、有限。Á相对tī上帝,他是「永远长存」。因为tī上帝手中,无过去、chit-má,á是将来。因为他是永恒ê主宰,无受时间、空间ê限制。有限ê人根本无法度改变永恒ê上帝所创造ê一切。

第15节,chit节真清楚讲出以前发生过ê事,chit-má koh继续发生,在世间无新鲜事,原来这是「上帝hō͘仝款ê事重复出现」,是有上帝ê旨意在其中,m̄是无缘无故。

第16节,chit节mā是约伯记ê主要议题:为甚么好人会受苦难?相对ê问题是:为甚么作恶ê人飞黄腾达?作者发见在应该有「公道kah正义」ê所在,却出现「邪恶」。伊讲:「tī chit世间,应该有公道kah正义ê所在,反tńg有邪恶」,chit句话讲出人对无合理ê事物有无力感。用圣经作者普遍ê话语,就是「罪恶」。Tī无公义ê社会中,chit种罪恶siōng明显出现ê所在就是法庭,法庭内出现无公义ê审判。

第17节,「是好人,是pháiⁿ人,上帝lóng tio̍h审判」,chit句话thang参考启示录第二十章12节。「每件tāi-chì,每种行为lóng有特定ê时间」,chit句话thang参考本章第2到8节。表示每一件事lóng有上帝参与其中。因为án-ne,bē-sái公义、不守公道,lóng会成做hō͘ 上帝严厉惩罚ê原因。

第18节,「上帝teh考验咱」,为tio̍h是帮助人koh khah明白,而且愿意顺服上帝ê旨意。「人不比兽高明」,chit句话表示人常违背上帝ê旨意,反tńg其他受造物lóng会听从。

第19节,chit节紧接上句话,说明kui个受造物lóng有仝款结果,因为án-ne,人不比其它受造物koh khah伟大,mā不比其它受造物koh khah聪明,而且siōng后面对ê结果仝款,lóng有死亡teh thèng候。

第20节,thang参考创世记第二章7节、19节等等。人kah兽类lóng是用地上土粉造出来ê,mā「lóng tio̍h归回土粉」。

第21节,chit节清楚表明审判ê主权tī上帝,m̄是人。因为人是受造物,无审判性命ê权柄,只有上帝chiah有审判万物ê主权。

第22节,作者koh一pái强调,人ē-tàng「享受伊辛劳ê成果」是siōng好ê事,mā是上帝赏赐hō͘人ê「运命」,这就是享受,chit种句话重复出现(参考五:18、九:9)。



经文:

传道书 4:1-4:16

注释:

Chit章看起来khah无一个明确ê主题,m̄-koh脱离不了本来所传达ê主题:tī日头下脚,一切lóng是空虚。

第1到3节,ná亲像头前已经有提过ê,传道书ê作者无可能是所罗门王,因为chit段经文讲tio̍h社会无公义ê事,拥有权势者对弱势者ê欺压,hō͘传道者认为若beh án-ne受苦,倒不如无出世。

「欺压」,这是teh指强者对弱者ê压迫。通常是teh指tī财物上ê勒索、夺取。M̄-koh却因为得bē-tio̍h救助kah伸冤,因为án-ne,传道者认为若án-ne,则「死去ê人」反tńg是「比活teh ê人幸福chē了」。虽然是án-ne ê讲法,传道者mā提出相对ê看法,是活teh总比死去iáu koh khah强(参考传道书九:4)。原因是活teh ê人,iáu有平反ê机会,若是死去ê人就无。不过传道者认为性命siōng痛苦ê事,就是看见痛苦,却无法度伸手救助,因为án-ne,传道者认为án-ne无出世反tńg khah好,因为无出世就bē tú-tio̍h chiah-ê事。

第4到6节,传道者讲无需要因看tio̍h别人飞黄腾达就心生羡慕,因为名利财富真紧to̍h会过去。Chia讲「功名」,是teh指因聪明带来ê成就,m̄-koh tī chiah-ê赞赏ê背后,却mā会隐藏tio̍h众人ê嫉妒,若án-ne,劳碌ê结果并m̄是为人带来甘甜kah欢喜ê感受,颠倒,是ná亲像「捕风」仝款,尽感空虚。作者引用一句流行tī当时ê俗语,就是「愚戆人游手好闲,hō͘家己饿死。」chit句话说明愚戆ê人pîn-tōaⁿ到极点,bē有任何利益thang讲。Chia ê「饿死」,表示伤害家己。Á第6节ê论点tú好介tī第4 kah第5节之间。虽然是只「the̍h一小kā而心安理得」,就bē亲像第4节所讲ê,只知影「劳碌工作」thàn取koh khah chē,结果是一无所得。

第7节,chit节ê「koh看见」,kah第1节ê「观察」、第4节ê「发见」,lóng是teh指tī「日头下脚」看kah非常清楚ê现象。

第8节,「无kiáⁿ,mā无兄弟」,chit-ê人是「孑然一身」,chiah-ê用词lóng teh表示伊ê财产无论累积起来有jōa-chē,lóng bē有家己亲人继承。这表示就算伊thàn取非常chē,到最后iáu是beh留hō͘别人。Á chia提起「kui工劳碌,从来bē满足」,chit点chiah是传道者所beh传达ê中心信息。一个人若是bē满足,伊必定bē tī工作中得tio̍h快乐,却是一种贪婪ê表现。

第9到12节,传道者Tī chit段经文中用正面ê语气讲tio̍h伙伴关系。

Chia讲「因为两个人合作效果koh khah好」,表示两个人同齐工作「效果koh khah好」,表示是一种报偿,mā有含上帝赏赐ê意思(参考诗篇一二七:3)。
两个人ē-tàng互相扶持,chiah bē容易「跋倒」。Chia「跋倒」一词是teh指跌落沟渠、深坑,表示会致使性命危险ê状况下。Mā thang表示判断失误,一个人出现失误ê机率比两个人合作思考ê失误率高。

「两个人同睡彼此lóng暖kah」,这thang做夫妻ê譬喻,mā ē-tàng指旅行ê路程中,有一个伴侣,m̄-nā安全,koh ē-tàng互相取暖。Chit句话mā用来形容tī tú-tio̍h逆境ê时,有人陪同,总比一个人孤独好。

「两个人合力thang抵抗一个人ê打击」,这是teh指外出tú-tio̍h盗贼侵袭,两个人就ē-tàng联手抵抗。「三股合成ê索á是无容易chhoah断ê」,这是一句流行ê俗语,tī各种民族中lóng有。表示团结ê气力大。

第13到14节,chia讲tio̍h君王出身ê背景,kah伊ê家世并m̄是有绝对关系。M̄-koh kah上帝有密切关系。通常「出身贫寒」ê人真容易被社会忽视。M̄-koh智慧并m̄是来自富裕ê家庭,á是皇宫贵族,却是tùi上帝来赏赐。上帝hō͘贫寒者有智慧,伊就ē-tàng突破sàn-chhiah ê限制。Á真正有智慧ê人mā bē受tio̍h牢狱之灾ê局限。Ná亲像约瑟仝款。「年老ê时chūn愚昧,m̄肯接受忠言」,chit种人往往会做出「晚节不保」ê事来。因为人年老ê时,往往思路迟钝。

第15节,「中间有一个少年人会起来代替旧王」,这是世间ê定律,俗语所讲ê「长江后浪推前浪」,表示人ê各种能力、体力、智力lóng会跟tòe年龄ê增长而退化,新一代ê活动力会jú来jú强盛,终其尾取而代之。传道者用chit种方式teh说明:无论人过去jōa-ni̍h-á有能力建立真chē基业,总有一工iáu是会hō͘新一代所取代。

第16节,传道者tī chit节做个总结。无论是jōa-ni̍h-á伟大ê君王,「统治无数ê人民」,m̄-koh只要伊一死情况总会改变。尤其是tī政治上,统治者一死,所有过去统治ê对象lóng会改变。

经文:

传道书 5:1-5:20

注释:

Chit章讲tio̍h有关信仰ê问题。真少人会注意tio̍h宗教信仰ê问题,一直环绕tī人性命中,无法度分开。特别是tī以色列民族,宗教信仰是一切ê中心,in m̄-nā以宗教信仰成做kui个民族立国ê基础,mā用宗教信仰建构人kah人之间ê关系。Tī chit章中,ē-tàng看出传道者表达一个真重要ê观念:正直kah单纯,是敬畏上帝ê基础。若是无敬畏上帝ê心,人所有ê一切,m̄-nā无利益,反tńg有害,甚至可能延祸到下一代。

    第1节,「你到上帝ê殿去,tio̍h小心。」chia所谓「上帝ê殿」,是teh指敬拜上帝ê场所。M̄-koh kui个大地lóng是上帝创造ê,而且他是无所不在ê上帝。因为án-ne,无论任何地方,lóng ē-tàng成做敬拜上帝ê殿。Chit-ê意思是任何地点、时刻,lóng tio̍h心存敬畏。「tio̍h安静学习,赢过hiah-ê不明是非ê愚戆人去献祭」,chit句话已经清楚表明,到敬拜上帝ê所在siōng重要是注意听上帝ê话语。 

第2节,「开嘴以前tio̍h先想看māi」,所谓「开嘴」,意思是teh指祈祷。祈祷是kah上帝讲话,bē随便讲讲了事,这是非常错误ê心态。「m̄-thang chhìn-chhái向上帝下愿」,chit句话thang参考箴言第二十章25节。Á「用不着喋喋不休」,意思是teh指话真chē。Á这mā是耶稣所讲ê,祈祷无需要án-ne(参考马太福音六:7)。

第3节,chit节其实就是tī谈祈祷应该有ê态度。「事务繁多,恶梦mā chē」,chia所讲ê「事务繁多」,是teh指人心ê bē满足,想beh tī物欲生活上追求koh khah chē,chit种人,最后只有hō͘家己心神耗费koh khah chē,而结局恶梦连连。另外一方面,「事务繁多」mā是teh指心不专心斟酌,却是心有旁骛,chit种祈祷m̄-nā bē有结果,反tńg是一种对上帝ê不敬。「言语chē,就容易显出愚戆」,有敬虔心灵ê人,祈祷ê时并无会刻意讲真chē话,因为伊深知上帝会垂听敬畏并敬拜他ê人ê祈祷(参考约翰福音九:31)。

第4到5节,chit节thang参考申命记第廿三章21到23节。圣经记载几则下愿koh还愿ê故事,亲像:雅各(参考创世记廿八:20—22、三十五:6—7、14);先知撒母耳ê老母哈娜(参考撒母耳记上一:11、24—28);士师耶弗伊(参考士师记十一:30—31、34—40)等,lóng tī说明向上帝下愿,就一定tio̍h还愿,án-ne chiah是正确ê下愿态度。若是不真实ê下愿,倒「不如不下愿」来得实在。

第6节,chit节主要teh说明讲话一定tio̍h有所约束,m̄-thang随便讲亵渎上帝ê话。因为上帝是审判者,他鉴察人ê心思意念。Á人ê话,往往是tùi心内意念发出来。换句话讲话一定tio̍h诚实。若无,kan-taⁿ会「招惹上帝ê忿怒」。

第7节,chit节是整段头前六节经文ê总结,传道者用「敬畏上帝」chit句话做结尾。如论是做事、讲话,lóng一定tio̍h用敬畏上帝ê心,mā就是一定tio̍h用诚实做基础,án-ne chiah ē-tàng留存永远。

第8节,chit节thang参考第四章1节。作者真清楚,有权势ê人会用伊ê权势来迫害人民,chit款tāi-chì自古以来,人ê世界并无因为教育普及有改变,反tńg因为知识koh khah chē,欺压贫困人民ê手段koh khah细腻,有真chē「官官相护」ê事件,因为án-ne,看见chit类ê事mā「免得惊奇」。

第9节,「甚至君王mā óa靠田地ê出产来供应」,chit句话真清楚说明欺压农民ê结果,是伤害家己而已。因为有农民chiah有食物。因为án-ne,好ê君王会重视土地公平正义。Tī chia mā thang kā「田地」看做是「国家」。换句话讲,侵占别人ê国家,kan-taⁿ会为家己带来损失,bē有任何利益。

第10节,「贪爱钱财ê人总m̄知足」,使徒保罗讲chit种行为就是「拜偶像」(参考以弗所书五:5,歌罗西书三:5),而贪财是万恶ê根源(参考提摩太前书六:10)。「贪」这字ê另外一面,就是自私。Á「羡慕财富」ê人,chiah会kā性命耗费teh追求财富,结果就算是财富满满,却得bē-tio̍h上帝ê赐福(参考路加福音十二:20),chit种性命mā是「空虚」。

第11节,chit节讲出一般人看「富有」,就是óa靠伊食饭ê人真chē,m̄-koh真正富有,是tùi性命ê知足建构起来。却m̄是tùi数字jōa-chē来判断。

第12节,chit节thang参考传道书第四章4节。「劳工」kah「有钱人」,是相对ê人物。前者是靠家己ê劳力thàn钱,却ē-tàng心安理得「困kah香甜」。相对ê,有钱人若是用不正当手段夺取、欺压别人得tio̍h财富,这kan-taⁿ会为家己带来koh khah chē ê烦恼、愁苦,甚至「无法度成眠」。

第13节,这是「累积财富」对人ê性命所带来ê灾「害」,无任何益处。这mā是俗语所讲ê:财富chē,并无一定是福气。

第14节,「经营不善」,指ê是灾害带来ê结果。Chit种灾害,是teh指人用不正当手段夺tio̍h来ê,表面上看起来thang hō͘下代kiáⁿ孙得tio̍h真chē,结果却「丧失一切」,甚至会遗害后代。

第15到16节,chit两节thang参考约伯记第一章21节,提摩太前书第六章7到8节。性命是tī上帝手中,上帝hō͘人空手出世,mā hō͘人空手tńg去。人ê性命是来自土粉,mā会tńg来归土粉(参考诗篇九十:3,传道书三:20)。

第17节,「乌暗、悲愁、操心、病痛,kah怨恨」,chiah-ê用词ê意思lóng仝款,是teh指人tī所经历性命ê苦难(参考诗篇九十:10)。

第18到19节,「上帝所赐目nih-á ê一生」,chit句话thang参考诗篇第三十九篇5节、第九十篇9节。作者认为人活teh ê日子里,ē-tàng「lim食,享受tī日头下脚辛劳得来ê成果」,就是性命siōng大ê幸福(参考传道书二:24)。因为上帝赏赐性命hō͘人,就是beh hō͘人享受ê。Kah-ná tī伊甸园中,人thang享受园内所有ê一切。

第20节,续落去tī第19节,既然是tùi上帝来ê恩赐,即使性命是「目nih-á」,mā m̄免「烦恼」,意思是teh指m̄免担心夜间会困bē去。

经文:

传道书 6:1-6:12

注释:

Chit章是用对比ê方式看性命ê意义,传道者提起两组对照:其一是富者kah贫困者;其二是长寿kah夭折làu胎ê胎儿,两个之间tùi外表看起来虽有差别,m̄-koh最后ê结果却lóng仝款ài面对死亡ê来临,chit点mā是kui本传道书ê主旨之一。

第1到2节,「我发见」,这kah「我看见」是仝款ê意思。「重重地压」,这压力其实就是teh指「荣誉、财富、产业,kah伊想beh ê一切」等,chiah-ê tī任何时代lóng会hō͘人认为是siōng好ê性命礼物,mā teh代表是来自「上帝赐福」。圣经beh表达ê一个信念:一个人拥有chiah-ê,lóng是tùi上帝来ê赏赐。既是tùi上帝来赏赐,就是好。M̄-koh若是上帝赐福hō͘人拥有顶面所讲chiah-ê,而「m̄ hō͘伊享受,却hō͘生份人享受」,这说明性命ê主宰者是上帝,m̄是人家己。换句话讲,人若拥有chiah-ê世人看做siōng珍贵ê物,却无法度享受,chit种性命是空虚ê,因为kah上帝赏赐ê本意无仝。表示人虽然拥有chiah-ê珍贵ê物,却kah上帝疏远à。

第3到4节,chit节thang参考申命记第十一章21节;诗篇第一二七篇3到5节等等经文。Chit节thang看tio̍h传道书作者tī chia所提起ê,to̍h是圣经作者一向teh标榜ê siōng大福气,ná亲像头前所提起ê,kah上帝连结做伙,chiah ē-tàng享受上帝所赏赐ê一切,若无,即使生湠chē-chē,享长寿,mā lóng是空虚ê。

Chia ê「死后koh bē-tàng安葬」,意思是无人会因为chit-ê人过世感觉悲伤,mā bē想好好á ê帮伊办后事,甚至是期待chit-ê人早日离开世间。Chit种人,通常lóng是极权统治者,á是kan-taⁿ会剥削贫困劳工ê大财主(参考耶利米书廿二:18—19)。传道者讲,若是有顶面所讲chiah-ê景况,he chiah是真正悲哀,khah输「一个làu胎ê胎儿」来得好。

第5节,第4节是正面语法,chit节则用反面ê语句讲述。描述胎儿「无见过阳光」,kah第4节ê「消失tī黑暗中」,仝款ê意思。因为tī日头下脚,所看见ê劳碌lóng是空虚、捕风。「无知觉」,表示伊完全bē受tio̍h人间ê不幸所影响。M̄-koh「至少得tio̍h安息」,表示无烦恼mā bē被搅扰,á是m̄免koh再担心任何事ê发生。

第6节,chit节是用来对照无出世活tī chit世间ê胎儿。Chit节有一个假设性ê前置词「假设」、「如果」。「活了两千年」,回应第3节所提起ê「在世长寿」。其实,真实ê世界并无人ē-tàng án-ne长寿,「两千年」只是用来表示一段非常久ê时间。传道者认为无论性命长á是短,甚至像被堕掉ê胎儿,lóng仝款,结果lóng是会死亡(参考传道书三:19—20)。传道者用chit种方式teh表达:ē-tàng真实享受上帝所赐ê恩典,性命chiah有意义。

第7节,「人为家己ê口腹劳碌」,chit句话ná亲像台湾俗语所讲ê「活teh为图谋三餐劳碌」,á是常听ê「开门七件事—柴、米、油、盐、酱、醋、茶」。M̄-koh「却永远填不满腹肚」,表示追求口腹之欲会hō͘性命感觉饱足是一种错误ê观念。

第8节,chia用「聪明人」kah「愚戆人」对比。Chia真清楚指出chit两种人lóng只是无闲终生,却无好好á享受上帝赏赐ê恩典,án-ne,in之间koh有甚么差别。Chia讲「叫sàn-chhiah人知影怎样kah人来往」,这「来往」ê意思thang指出两个面向:一是sàn-chhiah人并无有时间去学习有钱人ê生活礼节;二是叫sàn-chhiah人去面对性命困境并无意义。因为in是连为tio̍h beh饱足三餐劳碌lóng已经来不及à。

第9节,传道者kā性命ê重点khǹg tī第9节:满足。这是性命圆满siōng好ê解释。「ē-tàng满足tī家己所有ê,khah赢过贪得无餍」,这是相对句型,说明追求心灵ê满足,chiah是有智慧ê人。Á智慧是tùi认bat上帝得tio̍h(参考诗篇一一一:10,箴言一:7、九:10)。Chit句话kah俗语:「一鸟tī手,比两鸟tī树koh khah好。」是仝款ê意思。

第10到11节,「已经发生ê事是早to̍h命定了」,chia ê「命定」,原本用ê字是「亚当」,意思是teh指上帝用土粉造出来ê人。既然是土粉,表示性命就是有所限制,无法度超出上帝所创造ê范围,mā就是性命最后lóng会有仝款ê终结—归tī土粉(参考创世记三:19,传道书三:20、五:15)。「人无法度kah比伊强大ê抗辩」,chia ê「强大」者,是teh指上帝。人想beh kah上帝抗辩?he是无可能ê。因为「jú抗辩,jú感觉无益,对家己mā无好处」,约伯ê经历是真好ê例。上帝用约伯记第三十八到四十一章回应约伯ê申诉后,约伯后siōng感觉非常见笑而向上帝讲出忏悔ê话(参考四十二:1—6)。

第12节,「目nih-á」、「空虚」、「影儿飞逝」等等chiah-ê用词,lóng teh表示人ê有限kah脆弱。人想beh tī chiah-ni̍h短促ê性命旅程中,清楚辨识性命ê「价值」,确实真oh。如果tī人活teh ê日子lóng无法度掌握siōng重要、siōng有意义ê事,án-ne,人koh怎样ē-tàng知影死后会发生ê事?

经文:

传道书 7:1-7:29

注释:

Tùi第七章开始到第九章中,作者kā重点khǹg tī「好名誉」,以及「生」kah「死」chit两个主题上。Tī第七章则真亲像箴言仝款,传道书作者收集一连串ê谚语,tùi chiah-ê谚语mā thang看出社会中共同ê基本性命价值kah态度。

第1到6节,传道者lóng是用相对词句,而且是比较khah性ê字「赢过」来表达作者对性命价值ê判断,án-ne容易hō͘读者清楚思路ê方向。

「好名誉赢过珍贵ê香水」;香水洒tī人ê身上,通常会往下流,m̄-koh,好ê名誉却会往上提升,而且传播ê范围会扩大。而且,香水ê气味kan-taⁿ会teh雾ê附近散发,m̄-koh好ê名誉却会传播到超越人ē-tàng想像ê所在。「死ê日子赢过出世ê日子」,chit句khǹg tī chit节下半,tú好回应ê上半句所讲ê。因为一个人死去,chiah ē-tàng评断出伊ê名誉,所谓「盖棺定论」。一个人可能活teh ê日子非常风光,m̄-koh tī死后却无得tio̍h好ê名声,伊生前ê风光景象,ná亲像雾tī全身ê香膏油一般,香味四溢,m̄-koh却khah输好ê名声thang继续久长。Chit种现象tùi独裁者身上thang看tio̍h chit种见证,反tńg是被独裁者陷害ê义人,往往名垂青史。

「有丧事」kah「有宴会」,成对比ê现象。去前者ê厝,赢过去后者ê厝,tī下半句作者解释了原因,因为到丧家去,会hō͘人tùi迷糊中醒悟过来,知影无论家己jōa-ni̍h-á有权势,总有án-ne ê一工,iáu是仝款会死亡。

「忧愁赢过欢乐」,原因是忧愁ē-sái「心智koh khah敏锐」,因为tī苦难中会hō͘人对性命ê理解koh khah深刻。人类共同ê性命经历,是因为tú-tio̍h苦难,chiah会对性命有koh khah深刻ê体验,teh诠释对性命ê意义ê时就koh khah有影响力。

第4节ê「愚戆人」kah「明智人」是相对ê。「欢乐」是目nih-á ê,ná亲像诗人所讲ê,人ê一生即使活到八十岁,所得tio̍h ê「只是劳苦愁烦」(参考诗篇九十:10)。明智ê人会清楚知影「寿命有限」,当人知影家己ê性命有限ê时,就会晓珍惜、把握,bē浪费时间tī hiah-ê不必要ê事物上。

第5节讲「明智人ê责备」必定是真实,chit种责备比kan-taⁿ会讲谄媚ê话koh khah有益tī性命。因为「愚戆人ê赞扬」就是teh指谄媚ê话,he kan-taⁿ会hō͘人失迷、陷入堕落ê网中,一点帮助mā无。

第6节是流行tī中东地带ê一句谚语。古ê时中东地带因为chē属荒野地带,刺phè chē,普遍被当做柴火,火烧得紧,耐烧热点低,而且火烧时常会发生真大ê爆裂声。因为án-ne,有chit句谚语是用来形容「虚假」、「不实在」,意思是讲:一个人kan-taⁿ会讲,bē做。

第7节,「欺诈」kah「o͘-se」是仝款ê意思。做一个人看起来真「明智」,m̄-koh伊却无用「明智」来帮助人,颠倒,却用来「欺诈别人」,chit种人就是「愚戆人」。仝款ê,一个人接受「o͘-se」,kan-taⁿ会「损pháiⁿ家己ê品格」。Chia ê「品格」,所代表ê是一个人ê「德性」。

第8节,「tāi-chì ê终局赢过开端」,原因是「终局」ē-tàng看出成果。「忍耐赢过傲慢」,chia ê「忍耐」有含谦卑ê意思。若án-ne,谦卑相对tī「傲慢」。Á傲慢人ê心中无上帝(参考诗篇十四:1)。Chit种人ê性命会亲像无根ê树,真紧lian去,mā ná亲像糠粃被风吹散,消失无踪(参考诗篇一:4)。

第9节,chit节thang参考哥林多前书第十三章4到7节。Chia ê「受气」,是teh指tùi性命经历ê困扰中所发出「愤怒」(参考传道书一:18、二:23)。

第10节,chit节thang参考以赛亚书第四十三章18节。如果讲「往昔ê日子」比chit-má好,表示chit-má是退步ê,等于承认家己无长进。

第11到12节,chit两节是tī回应第10节所讲ê「往昔ê日子」。因为chia讲「有性命ê人」,就是teh指chit-má活teh ê人。Á chit-má活teh ê人「应该有智慧」,表示活teh ê人应该清楚家己kah性命ê主上帝之间ê关系。「产业」,表示财富ê意思。旧约圣经ài用「产业」表示kah上帝有密切关系ê对象。Án-ne讲起来,「产业」mā是teh表示一个kah上帝有约ê关系ê对象。Chit种人,应该是属tī认bat上帝救恩ê人。所以认bat上帝ê人,会知影上帝就tī伊身边teh庇护伊,hō͘伊无koh惊惶敌人á是威胁性命ê人侵犯。因为有智慧ê人,会知影怎样óa靠上帝来击退威胁性命ê气力,而这绝对m̄是用「金钱」thang换来得tio̍h ê。

第13节,thang参考第一章15节a句。

第14节,「喜乐kah患难lóng出tī上帝」,这表示性命ê生á是死,lóng是tī上帝ê旨意中进行。「将来beh发生ê事甚么人ē-tàng预知?」chit句话thang参考以赛亚书第四十一章22到23节、26节、第四十三章9节。一个真正认bat上帝ê人,就会知影每件事ê背后lóng有上帝奇妙ê旨意在其中。M̄-koh人永远无法度预先明白上帝ê旨意。

第15节,tùi chit节开始,传道者koh开始探讨一个不时hō͘人讨论ê性命问题:为甚么好人lóng是tú-tio̍h真chē困境,而pháiⁿ人却是万事顺利,甚至飞黄腾达?约伯记作者提出chit种问题,诗篇第七十三篇ê诗人mā有chit种问题。其实,传道书作者beh表明一个基本认bat:性命掌握tī上帝手中,甚么人作恶?甚么人行善?上帝非常清楚,人行善á是行恶kah寿命长短无直接关系,也kah性命ê境遇无直接关连。一般箴言lóng是讲善有善报、恶有恶报,m̄-koh tī chia传道书作者却提出无仝ê看法,mā是伊tùi「观察了真chē事」了后ê心得而发见,chit种善有善报、恶有恶报并m̄是性命ê定律,实际上mā会发生「好人行善,反tńg早死,pháiⁿ人作恶,倒享长寿」,tī诗篇第七十三篇mā有chit种见解。M̄-koh先知以西结提出无相仝ê看法,认为上帝是希望hō͘ hiah-ê作恶ê人有机会悔改(参考以西结书三十三:11),因为他是慈悲ê上帝。

第16节,chia所谓「行善过度」,意思是teh指人自认为tī善事顶面lóng做kah比别人chē koh好,án-ne,真容易掉落tī自认为义ê陷阱中。「自作聪明」,这是siōng容易hō͘家己受伤害ê愚戆者chiah会有ê表现。

第17节,「pháiⁿ」kah「狂妄」,这lóng是一种罪ê表现。二者lóng显示出心中根本to̍h无上帝chiah会有chit种心态。

第18节,「两种极端」,是teh指第16到17节。「只要敬畏上帝」,是teh指心中随时lóng认定上帝chiah是性命ê主宰,án-ne,人teh做任何事情ê时lóng会谨慎,m̄敢夸耀家己ê才华、能力,mā bē愚昧到自认为真聪明。

第19节,「智慧hō͘人ê帮助」,因为智慧是teh指认bat上帝。认bat上帝ê人所得tio̍h ê气力,是thang「赢过十个长官对城市ê贡献」。

第20节,chit节thang参考列王记上第八章46节ê「无人不犯罪ê」chit句话。约伯记第十五章14到16节,以及箴言第二十章9节lóng有类似ê话。诗篇ê诗人甚至讲,tī上帝眼中,世间无一个「行善ê人」(参考诗篇十四:3)。台湾俗语有类似ê话:「鼻孔朝下,无一个好人。」

第21到22节,「m̄-thang kā别人ê话lóng khǹg tī心上」,chit-ê话是teh指别人ê批评,甚至是有损尊严ê话。就听tio̍h来自奴仆ê侮辱ê时,tú好讲出主人必定有严重ê错误。仝款ê,当咱想beh侮辱别人ê时,mā tio̍h提醒家己bat有过受侮辱ê心境。

第23节,「用我ê智慧」,表示人用家己所知影ê一切,想beh追求真实tùi上帝来赏赐ê智慧,m̄-koh却发见家己所知影ê真有限,而且发见智慧kah人ê距离「真远」。

第24节,「甚么人ē-tàng探测性命ê意义?」这并m̄是人ê智慧所ē-tàng理解ê,因为性命是上帝创造ê,太奥秘à。因为án-ne,只有tńg来到上帝里chiah有办法知影。

第25节,传道者讲伊原本是想beh「走chhōe智慧」来解答心中ê giâu疑,结果m̄-nā无chhōe-tio̍h智慧,反tńg「发见邪恶是无知,愚昧是疯狂」。

第26节,「有kóa cha-bó͘人比死亡惊人」,这是teh指in会诱惑cha-po͘人去做违背上帝旨意ê事,ná亲像tī伊甸园中,cha-bó͘人诱惑cha-po͘人kah伊同齐食上帝禁食ê果子仝款。只有「蒙上帝欢喜ê人ē-tàng逃脱」,意思是teh指tī上帝面前khiā立会tiâu,á是hō͘ 上帝看做是义人ê人,因为上帝会赏赐hō͘ chit种人有智慧,知影怎样抗拒cha-bó͘人ê诱惑,而脱离灾难。

第27节,传道者会án-ne讲,因为伊是经过一段时间思考chiah「一点一点发见出来ê」。「tī千名男子中,我thang chhōe-tio̍h一个可敬佩ê,m̄-koh tī cha-bó͘-gín-á中,一个mā chhōe bē-tio̍h」,chit句话ê意思,其实是teh指cha-po͘人kah cha-bó͘人lóng仝款,chhōe bē-tio̍h有智慧ê人。Cha-po͘人用「一千」比「一」,表示少到可怜,差不多不存在。Á cha-bó͘人mā仝款,世间差不多看bē-tio̍h真正有智慧ê cha-bó͘-gín-á。

第29节,chit节ê意思是teh指:上帝创造人kah万物ê时,原本只希望人用他赋予 ê形像,好好á管理世界,m̄-koh人却m̄知满足,hō͘原本单纯ê世界因为人ê私beh而变kah一团混乱。

经文:

传道书 8:1-8:17

注释:

Chit章koh一pái讲tio̍h性命kah能力ê有限,这是人ê所认为人ê特徵,任何人都无甚么差别,活在世间ê日子ē-tàng用各式各种ê权势、能力、财富威吓别人,m̄-koh结果lóng仝款,甚么mā带bē走。

第1节,「只有明智人」指ê是「智慧者真少ê意思。「智慧hō͘伊面有光彩」,chit句话讲出一个真正认bat上帝ê人,ná亲像人ê面上容光焕发,hō͘别人看tio̍h ê时mā会得tio̍h性命ê ǹg望。摩西tī山顶面见上帝了后,落山来ê时就是满面光彩(参考出埃及记三十四:29—35)。诗人讲上帝ê话ná亲像性命ê亮光(参考诗篇一一九:105),hō͘知影而且认bat ê人性命ê道路bē行偏。

第2节,chit节koh一pái提起君王ê问题,就是m̄-thang随便去违抗「王ê命令」,而是beh「遵守」。Chit种讲法,是古代国王继任ê时,lóng会向上帝chiù-chōa,beh遵守上帝ê道,而人民mā会chiù-chōa表示拥戴。这就是讲「m̄-thang随便向上帝下愿」,既然已经chiù-chōa下愿beh án-ne做,就一定tio̍h照所下ê愿án-ne去做。类似chit种观念mā tī使徒保罗写hō͘罗马教会ê书信中出现,m̄-koh m̄-thang bē记得使徒保罗会án-ne强调,是建构tī统治者有照上帝ê旨意做tāi-chì(参考罗马书十三:1—7)。Koh讲,使徒保罗chit种努力,伊想beh hō͘罗马统治者知影:基督徒并无亲像犹太领导阶层ê人所毁谤ê,基督徒lóng是作恶ê份子,却是遵守国家规矩ê良好公民,chit点chiah是伊写该段话语ê主要用意。

第3节,chit节讲出tú-tio̍h「随意做tāi-chì」ê国王、领导者、领袖、统治者,siōng好ê方式,就是「离开伊」,因为不离开chit种「随意做tāi-chì」ê国王,等于是kah伊仝伴,mā就是「留tī危险ê地位上」,意思是跟tòe作恶ê国王á是统治者是真危险ê事。因为in任意杀害人,跟tòe tī in身边ê人mā会hō͘家己陷入犯下随意杀害人ê网中而m̄知。

第4到5节,「王ê话有权威」,表示chit-ê国王是一个独裁者,chiah会「无人ē-tàng抗拒伊」chit种场面出现。M̄-koh chit种君王kan-taⁿ会带hō͘人民koh khah chē ê痛苦,hō͘人民过悲惨ê生活,而bē带hō͘人民幸福kah快乐。会认bat国王ê命令,就会知影怎样避开祸患,án-ne就有性命ê「安全」。Koh讲,chia mā讲出tī一个独裁者体制下beh生存,就一定tio̍h清楚知影chit位统治者命令之真实用意是甚么,án-ne chiah ē-tàng保存性命免tī不必要ê苦难。这mā是「聪明人知影做事ê适当时机kah方法」。

第6到7节,「适当ê时间kah方法」,这是上帝赏赐hō͘人ê机会,m̄-koh真正会掠tiâu chit-ê机会ê人,m̄是家己有甚么能力,原因是人ê智慧kah能力非常有限ê,除非是有上帝启示chiah ē-tàng得tio̍h。即使是位居高官显要mā仝款,「无人知影将来beh发生甚么事」,因为只有上帝chiah知影(参考以赛亚书四十一:4、26、四十二:9、四十四:7、四十五:21、四十八:3、6)。
第8到10节,lóng是讲tio̍h有权势者kah hiah-ê无权势ê被统治者之间ê差别,mā有意提出hō͘有权势ê统治者知影警戒。

「无人ē-tàng bē死,mābē-tàng决定家己ê死期」,ná亲像头前已经提起过ê,传道书作者欢喜讲tio̍h性命死亡ê事,基本上,传道书作者想beh kā所有读者讲对性命应具备ê基本认知:性命会面临死亡。无论是hiah-ê拥有极大权势者mā是仝款,lóng会因为死亡而消失,即使后代对伊歌功颂德mā仝款。统治者kah被统治者之间ê差别;前者就是teh指「一kóa人有权力」ê人,而后者就是「tī in下底受苦」ê人。传道者讲无论生前拥有jōa-chē权力,甚至是hoah起hoah倒风云,mā仝款会死。M̄-koh chiah-ê作恶ê人,平时表面上看起来kah-ná真有信仰ê款,因为án-ne,死后就被kah in同齐敬拜ê人o-ló,讲in是生前jōa-ni̍h-á敬虔,chit-má死后一定会升天去享受上帝hō͘ in ê尊荣kah喜乐。其实,这lóng是虚假ê o-ló,tī上帝ê面前并无一定真实。

第11节,传道者认为就是「因为罪无马上受tio̍h惩罚」,chiah会hō͘ hiah-ê作恶ê人「án-ne大胆犯罪」。Mā就是一般人所讲ê,无随时出现应该有ê报应,所以chiah hō͘作恶ê人胆敢继续嚣张枉法,作奸犯科。会án-ne有chit种想法,可能是有两种观念形成:一是认为上帝慈悲,bē轻易受气,koh有丰盛ê慈爱(参考出埃及记三十四:6—7,诗篇一○三:8—10)。二是ná亲像使徒保罗所讲ê,人知影上帝仁慈,故意不悔改,执意继续作恶(参考罗马书二:4),这是一种轻视上帝恩典ê态度。

第12节,「犯罪百次」,表示chē到无法度thang数。M̄-koh chit种人却是「享长寿」,这其实真不公平。M̄-koh「享长寿」并无一定就是福气。Chit-ê意思是teh指作恶ê人jú享长寿,伊所犯ê罪恶jú深重,对chit-ê人有甚么好处?传道者确信,真正hō͘人感受tio̍h性命ê快乐,是因为「敬畏上帝」,chit种人必定会体验tio̍h「事事亨通」,chia ê「亨通」,是teh指甘甜、美好。这表示心中敬畏上帝ê人,伊做事lóng会有上帝同行、带领。尽管行过ê路径真艰困,却充满tio̍h活力。

第13节,一般lóng希望如chit节所讲ê,作恶ê人,真紧to̍h会消失,á是性命会夭折。事实上并m̄是án-ne。却是tú好kah第12节所提起ê仝款,恶人是享长寿。只有一点是真正,就是作恶ê人,是bē敬畏上帝ê。就是因为in心中根本to̍h无上帝。

第14节,chit节是对偶句型。传道者讲出性命ê无奈,kah无法度理解ê真实现象:就是该临到恶人ê报应,却tī好人ê身上看见;而tī好人身上应该有ê报答,却teh做恶ê人ê身上出现。因为án-ne,作者讲这是无法度明白ê事,是真「空虚」ê事。

第15节,传道者提出chit种解决方法:「应该享乐。」理由只有一点:这是上帝赏赐hō͘人「目nih-á ê性命中劳碌所应得ê一点享受」。作者chit种观点mā有另外一个用意,m̄-thang kā所得累积起来留hō͘下一代,因为并m̄知继承者是明智者,á是愚戆者(参考二:18—19)。

第16到17节,ná亲像头前所提过ê,作恶ê人享长寿,而且tī第14节所提过ê现象,传道者真想明白,希望ē-tàng用家己所有ê智慧、认知去了解,m̄-koh却是老想bē出一个所以然来。M̄-nā án-ne,想beh「明白上帝ê作为」,却mā总是bē明白,穷尽所有力量想beh知影「日头下脚所发生ê事,mā chhōe bē-tio̍h答案」,这就是性命ê奥秘,只有上帝chiah知影。M̄-koh人对上帝ê认知却是真少。

经文:

传道书 9:1-9:18

注释:

Chit章有一个特色,就是传道者用第一人称来论述。另外在chit章ê主题内容有一个特别ê所在,就是作者一再强调真chē事物确实是真oh理解。因为án-ne,作者用「m̄知」、「无人知影」chit种句话来描述。其实,这mā是续接第八章17节所讲ê「无法度明白」、「并m̄知」ê思想主轴,表示人ê能力实在是非常有限,beh了解性命ê问题真正真oh,人无法度知影上帝tī伊ê性命中有何旨意。

第1节,chit节讲出kui章ê中心思想:一切lóng tī上帝ê支配下。Mā就是讲上帝掌管一切ê性命,包括有智慧ê人kah义人。Chia所讲ê「这一切」是teh指第八章16到17节所描述世间ê一切事,m̄-koh mā thang指头前几章经文中所提起有关性命ê事。

第2节,chia虽然无说明「仝款ê运命」是teh指甚么,m̄-koh tùi第3到5节thang看出,所讲tio̍h ê「运命」其实是teh指「死亡」。Chia作者用相对ê句型讲出六组无仝ê人:

一是「义人á是邪恶人」,前者是teh指认bat上帝,mā kah上帝有和好关系者。后者是teh指m̄信上帝,而且心中根本就是无上帝,kan-taⁿ会照家己喜爱拣选óa靠ê对象,mā就是拜偶像者。

二是「好人á是pháiⁿ人」,这mā thang用「洁净á是无清气」来看,而洁净á是无清气所代表ê意义就是心地是m̄是纯洁。

三是「虔诚ê á是不虔诚ê」,这是有关敬拜上帝ê态度是m̄是真心。

四是「献祭ê á是不献祭ê」,有献祭ê人,表示ê是有敬拜上帝ê人,颠倒,无献祭,就是代表轻视上帝ê人。

五是「好人ê遭遇无一定比罪人好」,chia所谓「好人」,指ê是根据上帝ê命令、规律做tāi-chì ê人。

六是「chiù-chōa ê」á是「无chiù-chōa ê」,chia ê「无chiù-chōa ê」,表示伊ê心中敬畏上帝,chit种人m̄敢随便chiù-chōa。

作者用以上六组对照来说明一个事实:结果lóng仝款,一定tio̍h面对死亡,无甚么分别。

第3节,「人人ê运命仝款」,chia ê运命指ê是性命终结来临,mā就是死亡。作者讲无论是甚么人,包括hiah-ê「心内充满邪恶kah狂妄」ê人mā是仝款,lóng会死亡。

第4节,传道者虽然一再强调讲死chiah是公平,m̄-koh伊iáu是强调活teh就是性命ê ǹg望。作者特别举出「一条活teh ê狗比一头死去ê狮好」为例,说明ē-tàng活teh chiah重要。Tī中东地带,「狗」hō͘人看做siōng卑贱ê动物,mā hō͘人讨厌(参考撒母耳记下十六:9,马太福音十五:26,路加福音十六:21)。M̄-koh即使是án-ne,活teh ê狗就有机会改变别人对它ê看法。

Á「狮」,原本不时被形容是万兽之王(参考箴言三十:30)。M̄-koh传道者讲,就算是án-ne凶猛,人见人惊ê万兽之王,只要一死,就是甚么mā无。传道者用「狮」kah「狗」做譬喻,mā是一种隐喻方式;狮thang代表有权力ê统治者,「狗」teh代表被统治,特别是hō͘殖民ê卑微人民。就算凶猛如狮般ê统治者若是死去,权势会跟tòe消失。M̄-koh被看bē起如狗一般ê被统治之人民,只要活teh就有希望得tio̍h新ê性命,甚至取代chit位死去ê统治者。

第5节,「活teh ê人知影in会死」,chit句话讲出智慧文学ê基础,就是每一个人lóng知影家己会死,因为án-ne,当人知影死ê时刻来临ê时,就会知影怎样把握最后ê时间。「已死ê人甚么lóng m̄知道」,这tú好kah活teh ê人成对比。「奖赏」kah「记念」,lóng tī指有限时间中间会hō͘世人推崇传述ê,m̄-koh只有少数人而已,绝大多数ê人lóng会被忘ê chheng-khì-liu-liu。

第6节,「疼、恨,kah嫉妒」,chiah-ê无论是jōa-chē á是轻重,tī死去ê人身上所有ê「疼、恨,kah嫉妒」lóng会因为人ê死去而终止,唯一thang留落来hō͘后代ê只有疼而已(参考哥林多前书十三:8、13)。

第7节,chit节thang参考第二章24到26节、第三章12节、13节、22节、第五章18到20节、第八章15节等等,lóng是teh劝勉人应该tio̍h珍惜家己劳碌所得tio̍h ê,用来食、lim,而且是「快快乐乐」地享用,因为这是家己努力工作ê成果。Chia ê「去食饭」、「去lim酒」,原本ê意思是teh指「食你ê饭」、「lim你ê酒」,意思是去享受家己努力工作得tio̍h ê报酬。因为chiah-ê「饭」、「酒」并m̄是用偷、骗、夺取有ê。真正重要ê是「上帝已经欢喜接纳你ê工作」,这是teh指用真实ê心tī劳碌ê工作上,án-ne chiah是上帝所欢喜ê事,mā chiah会带有上帝ê赐福。

第8节,这是续接上节所提起ê,用tùi劳碌所得tio̍h ê钱来买衫裤穿,mā会显示出是上帝赏赐ê记号。Á「涂芬芳ê发油」,是teh表示尊贵。作者khah强调,这m̄是虚有ê外表,却是一种tùi工作得tio̍h酬劳带来ê欢喜,hō͘性命充满活力、欢喜ê记号。

第9节,tī第四章9到12节提起两个人共享ê欢喜ê时,清楚提起夫妻共同劳碌所得tio̍h ê,就应该用来「共享人生ê喜乐」。因为夫妻是性命共同体。

第10节,tùi chit节就thang看出传道者一再强调ê理念,就是「无论作甚么事,lóng tio̍h努力做」,只有án-ne chiah ē-tàng心安理得享受劳碌ê成果。传道者tī chia beh表明一个重要ê性命观念:工作是一种性命ê表徵,并不在tī从事甚么工作chiah有意义,只要有工作,性命就有活teh ê意义。若无,当人死亡到「阴间」ê时,chiah-ê thang呈显出性命意义ê表徵就消失à。
第11节,传道者tī chia举出五个例来说明真chē tāi-chì kah现象,是kah一般传统ê了解无相仝ê:

(1)「真gâu赛跑ê人并无一定得奖」,意思是teh指人就算劳碌一生,并无一定会得tio̍h ê报酬。

(2)「勇士无一定phah赢」,因为这包括真chē外在因素,并m̄是军事武力强就一定会phah赢,因为性命是tī上帝手中。Ná亲像一支勇猛ê军队,mā tio̍h有上帝ê应允chiah ē-tàngphah赢,chit种历史资料真chē。

(3)「聪明人无一定有饭食」,chia ê「有饭食」ê意思,是teh指过好日子。

(4)「机智ê人无一定富有」,chia ê「机智」,表示反应灵敏ê人,ná亲像商场上ê seng-lí人。

(5)「能干ê人无一定居高位」,这例tī现实ê政治环境中koh khah是俯拾to̍h是。

第12节,「人m̄知家己ê时运」,chia ê「ê时运」,表示无论是甚么事,都无人ē-tàng事先料得准。Ná亲像「鱼」á是「鸟」,chit两种动物lóng是siōng机警kah灵敏ê,m̄-koh in mā可能陷入鱼网、网罗中,koh khah何况人mā会常tī「phah算无到ê时chūn」,「忽然陷tī恶运中」,这就是所谓出乎意料之外ê事一再出现tī人生活ê境遇中。

第13到15节,传道者讲伊发见一件真有意思ê事,然后举出chit-ê例:「小城被一个强国ê王攻击,伊围困hit-ê城,准备破城」,这tī一般看起来lóng是绝望ê时刻,m̄-koh「城里有一个居民,伊真穷,却真有智慧,ē-tàng救hit-ê城」,因为伊穷,hō͘伊hō͘人疏忽了结果是hit-ê城灭亡à。

M̄-koh请注意,chit句「ē-sái讲是无想tio̍h伊」,mā thang翻译成:「伊救了hit-ê城,ē-sái讲是无人记念伊。」而《希伯来文》圣经是用chit种句话:「如果hit-ê城ê人民看重sàn-chhiah人ê话,伊á是允准以解救hit-ê城。」因为这sàn-chhiah人有智慧,伊ē-tàng掌握关键拯救全城,m̄-koh无人注意伊,会愿意听伊ê意见。Thang参考撒母耳记下第二十章记载一则事件,就是有一个cha-bó͘人救了伊khiā起ê「亚伯・伯・玛迦」chit座城。

第16节,这是一句箴言,接近俗语所讲ê:「人微言轻。」真实ê智慧thang扭转干坤,mā thang改变历史转向。M̄-koh却因为人微言轻而被忽略,因为一般人看ê,lóng是外表ê身分地位,却bē记得真实ê智慧,往往kah家世背景无关。

第17节,「听明智人几句小声ê话」,chia ê「小声」mā thang当做「安静无声」ê意思,表示明智ê人会用心平气kah ê方式说明事故kah原理。真正有智慧ê人,bē大声吆lim。相对ê,是有权有势ê人,往往讲话teh代表权威,而伊ê属下往往是会大声叫ê愚戆人。

第18节,「智慧会比武器有koh khah大ê成就」,chit句话thang参考诗篇第三十三篇16到18节。因为智慧就是力量。其实,有智慧ê人mā会改变武器,科技就是一个例。Chit句「一个罪人ē-tàng挫败真chē好事」,chia ê「罪人」表示一个心中无上帝ê人,kan-taⁿ会óa靠家己ê能力,结果反tńg是pháiⁿ了大事。

经文:

传道书 10:1-10:20

注释:

Chit章收集了真chē古老箴言,而chiah-ê箴言iáu不外乎teh突显智慧者kah愚戆者之间ê差别。圣经一再提醒,智慧就是认bat上帝,而认bat上帝ê人,必定会知影人ê有限kah不足,而学会晓谦卑。相对ê,愚戆ê就是m̄-bat上帝ê人,chit种人siōng大ê特徵,就是kā家己当做神,若无,就是认为家己ê气力,thang征服天下,hō͘人屈服。

第1节,「死胡蝇hō͘整瓶香水发臭」,chit句话ná亲像第九章18节ê b句所讲ê。Chit节ná亲像俗语所讲ê:「一粒老鼠屎,pháiⁿ了一锅粥。」

第2节,「正直」原本意思是teh指「正pêng」,而「偏差」chit-ê词,指ê是「tò-pêng」。Tī以色列文化传统上有chit种看法:认为正pêng代表ê是良善、尊贵、美好,而tò-pêng teh代表邪恶、错误、卑贱。「行为」thang做为心思意念ê解释。

第3节,只要小khóa注意,就ē-tàng看出甚么人是愚戆人。因为愚戆人往往滔滔不绝地讲个无停,不管知影á是m̄知,lóng会表示意见。

第4节,chit节thang参考箴言第廿五章15节、第十六章14节。「当权者生你ê气」,表示臣仆有错误,á是当掌权者发性地ê时,「m̄免离开岗位」,原因是受气ê一方往往无一定是正确ê一方,而且受气时常会hō͘人失去正确ê判断。Chit节mā teh表示:受气当头,任何解释并无容易被接受。只有tī心平气kah之下,chiah ē-tàng注意听。

第5节,chit节koh一pái提起传道者看见「不公道ê事,是统治者造成ê错误」,因为是统治者,mā是拥有决定国家大事ê权力者,因为án-ne,chit种人造成ê错误,ē-sái全民受tio̍h伤害。

第6到7节,chit两节续接第5节所提起ê统治者造成之大错误,就是颠倒了两种事实,传道者tī chia讲「不公道」,表示反常,kah一般原本建构起来ê社会秩序大无相仝。Chit两节其实mā回应了第九章11到12节所提起ê现象,就是有能力ê人,无一定ē-tàng成做领导者。Chit种「不公道」ê事,tī传道书中一再提起(参考三:16、四:1—3、13—16、五:8—9、八:9—11)。Tī chia,传道者特别提起几种现象:

(a)愚戆人居高位、掌大权,尤其是掌握经济大权。

(b)颠倒职场伦理ê现象。

(c)chiah-ê现象tī一个讲究商场利益ê世界来讲,并m̄是甚么新鲜事,只要有利益thang thàn,chit种现象就会一再发生。

第8到9节,chit两节提起四种情形,lóng是hō͘人感触真深ê事:
一是「挖陷阱ê,家己掉入去」,原本是beh用来陷害别人ê,结果是害了家己。Chit种句话tī诗篇中一再出现(参考诗篇七:15、九:15、十:2、三十五:8、五十七:6、一四一:10)。

二是「拆围墙ê,被蛇咬了」,原本是beh改变疆界,á是扩大范围,真有可能是teh指侵犯别人ê土地,就会遇tio̍h致命ê攻击。

三是「开凿石头ê,被石头压伤」,这真可能像挖掘隧道,就常发生被石头砸伤ê事件,一点mā不足为奇。

四是「锉木柴ê,被木头phah伤」,这tī古代社会以木柴为主要生火材料,因phut柴受伤mā是真常见ê事。

传道者主要teh表示:任何时chūn,无论做任何事,lóng可能有意想bē到ê事会跟tòe发生。

第10节,「斧子钝了不磨,就tio̍h费koh khah大ê气力。」chit句话ná亲像俗语所讲ê:「工beh善其事,必先利其器。」这已经是一种生活常识。Ná亲像「聪明人」办tāi-chì,lóng是会chìn前「筹画」妥当了后chiah进行。

第11节,「蛇」,是上帝所创造ê物中siōng奸巧ê动物。传道者讲,若是beh成做「弄蛇ê」,一定会先学会晓控制蛇,若无,被它咬了后,就无得sńgà。Chia ê「蛇」,thang用来譬喻若有特别会营钻、贪图私利ê人。Beh对付chit种人,就需要先想好,然后随时出手。

第12到14节,chit三节lóng谈及真正智慧者,知影怎样小心谨慎讲话。Ná亲像俗语所讲ê:「君子一言,驷马难追。」讲话ná亲像泼出去ê水仝款,是收bē tńg来ê。传道者khah强调对性命ê事m̄-thang立论siuⁿ chē,因为无人thang预言将来会发生ê事。

第15节,chit节是一句流行tī中东ê俗语。表示一个人若是连siōng基本ê事lóng无清楚,koh怎样ē-tàng帮助别人?强调失迷性命方向ê人是真thang悲ê。这mā譬喻一个国王á是统治者,若是m̄知怎样带领一个国家行向正确ê方向,到最后就是hō͘人民无闲终生,却是白忙一场。

第16到17节,chit两节提起一个愚戆ê国家领导者是「国家ê大不幸」。相对ê,若君王是一个智者,he就是「国家ê大幸」。Chia所提起ê「君王年轻」,并m̄是指年龄,却是指无知、bē-tàng、无感,mā thang讲是幼稚到极点。有chit种君王,伊身边ê宠臣就会「通宵宴乐」乱了纲纪,致使国政荒废,受害ê就是国民。Á「君王办事果断」,表示真有辨识能力,知影该怎样做出有利tī国民、社会ê决策。伊身边ê「臣仆照时进食,ē-tàng节制,不酒狂」,这三项lóng是代表忠实ê臣仆会认真办好ê政事。

第18节,「厝漏m̄修,soah致使厝顶裂缝,厝宅倒落来」,这是teh指用「厝宅」譬喻国家政事,形容一个国家像一个家庭所khiā起ê厝。若是一个khiā起ê屋子已经有破洞,却iáu m̄知该怎样补修,到最后kan-taⁿ会hō͘厝瓦解、倒落来。Chit种屋主就是「pîn-tōaⁿ人」,若是针对国政来讲,国家出问题却m̄知赶紧修改、革新,chit种君王就是「昏君」。

第19节,tī第18节讲国家重臣kah君王lóng是pîn-tōaⁿ者、昏君、蠢臣, án-ne,chit节就是teh指chiah-ê官员kan-taⁿ会食、lim,享乐,却m̄知民间疾苦。因为无论是大宴小宴,lóng会开销国家公帑,致使税金加重,人民koh khah苦而已。

第20节,chit节讲出独裁者统治下ê国家常有ê现象,就是用重罚箝制人民ê思想言论,认为án-ne限制人民「bē-tàng批评君王,连心内埋怨mā bē-tàng」,就算tī「困房内mā bē-tàng」讲出口,认为án-ne是天衣无缝ê禁令,m̄-koh「空中ê飞鸟可能kā你ê话传播出去」,这真清楚表示:绝对有人会kā chiah-ê迫害ê记事留落来,流传hō͘ koh khah chē人知影。所谓「即使tī困房内mā bē-tàng」,表示连身边siōng亲密ê人mā bē-tàng信任。Chit款tāi-chì通常会发生tī极权、独裁者统治之下chiah会发生。

经文:

传道书 11:1-11:10

注释:

Chit章mā是由真chē谚语所组成,是kah生活有密切关系,m̄-koh主题mā不外乎是论到人对性命ê认知有限,因为án-ne,做kóa预防是有帮助ê。

第1节,「Kā你ê钱投资teh对外贸易上」,原本希伯来文是teh指「粮食掖tī水面」,tī《中文和合本》、天主教《思高版本》、《吕振中教授版本》,以及《台语汉字本》lóng是采用chit种译文。Thang án-ne理解:古早时,粮食就是资产,农村社会甚至会用粮包(chhek-á-pau)当标会ê筹码。若án-ne,则《现代中文译本》翻译做「钱」并m̄是错误。若是「粮食」,thang譬喻做「钱」、「资产」,则「对外贸易」,就是teh指做买卖seng-lí。

第2节,「ài tī有khah好无仝ê所在投资」,ná亲像第1节所提起ê,若是kā粮食、财产分配到需要ê所在去,ná亲像chia所讲ê「khǹg tī有khah好无仝ê所在」。「因为你m̄知tī chit世间会遇tio̍h甚么恶运」,表示人对性命ê掌控能力非常薄弱。Mā thang讲人对未来ê事所知有限,tio̍h适度分散风险,ná亲像俗语所讲ê「m̄-thang kā鸡卵khǹg tī仝一个篮á里」。

第3节,chit节意思是teh指该会怎样,就会怎样,m̄是用人ê能力ē-tàng阻挡,因为每件事ê背后,lóng会隐藏tio̍h上帝奇妙ê旨意。

第4节,「等待风调雨顺」,若是作穑人种田有chit种心态,伊就「永远掖不了种」,án-ne就「永远无法度收割」。这说明若是beh等到外在一切条件lóng好势chiah ài做,án-ne就永远做不了事。

第5节,性命是一种奥秘,是上帝奇妙ê创造,即使今á日医学科技thang藉tio̍h仪器观察胎儿tùi受孕到成熟出世ê成长过程,却iáu无法度理解性命ê奥秘,koh怎样ē-tàng知影上帝创造宇宙万物ê奥秘?

第6节,「早起暗时lóng tio̍h掖种」,意思是teh指m̄-thang等待风kah日丽ê时chūn chiah掖种,因为m̄知hit种ê日子甚么时chūn会来到。「m̄知早起掖ê是m̄是比暗时掖ê好」,chit句话真清楚说明世界á是生活ê环境怎样变化,无人ē-tàng知影,只有勤奋工作chiah是正确ê性命态度。

第7节,chit节表示人活teh ê时chūn,ē-tàng「享受」性命ê时刻,就是幸福ê事。

第8节,「beh为每一年ê寿命感恩」,是teh指无论活jōa久,lóng是上帝赏赐ê恩典。因为除了上帝以外,无人ē-tàng预知未来会发生ê事。性命ê时间非常有限、thang数,m̄-koh死亡却是永远。

第9节,「少年」kah「青春」lóng是teh指性命中siōng具活力ê阶段。「随心所欲做你欢喜做ê事pah!」,这表示少年人真有理想、异象,而且有冲劲、活力。因为án-ne,thang放心尽管去做家己欢喜ê事。

「m̄-koh,tio̍h会记得,上帝beh按照你ê行为审判你。」这是一句真严肃ê警语。所谓「随心所欲却无超过矩」,就是chit-ê意思。因为上帝是审判者,他是性命ê主宰。希伯来书第四章13节讲,每件事lóng无法度隐瞒,而且每一个人lóng ài面对上帝ê审判。

第10节,「烦恼」,mā thang做「悲愤」、「恼怒」、「忿怒」等解释。传道者讲年青ê岁月中,若是有chit种心境缠身,就会hō͘人感觉性命真「痛苦」,这等于是tī浪费性命仝款,结果就是「空虚」,甚么mā无得tio̍h。

经文:

传道书 12:1-12:14

注释:

第十二章thang分做两个段落,第一个段落是第1到8节,是延续第十一章9节后面对少年人ê劝言,chia koh一pái提醒m̄-thang bē记得上帝chiah是性命ê主宰。第二个段落是第9到14节,mā是传道书ê结语。

第1节,「趁你少年ê时,ài会记得你ê创造主。」chia ê「趁」一词,表示「掠tiâu」、「紧掠tiâu」,原因「少年」时间是目nih-á久,真紧to̍h会过去。Chit节意思是teh指宇宙万物ê创造者上帝,他是性命ê主宰,是审判者。Tio̍h趁少年有活力ê时,学习认bat chit位创造宇宙万物ê主宰。

第2节,chia用「日头、月娘、星辰」,以及「云彩」,意思是teh指做一个人iáu活teh ê时chūn,千万ài会记得第1节所讲ê「创造主」。M̄-thang等到年老ā,chiah想beh chhōe上帝。

第3节,「手股头会phi̍h-phi̍h-chhoah」、「腿无力」、「嘴齿只chhun几支」、「目睭花,视线雾雾无清不清」等等,chiah-ê lóng teh形容一个人已经老态龙钟,体力衰弱ê时chiah想beh来接近上帝,á是beh学习认bat上帝。

第4节,「你ê耳á聋了,听无看tio̍h街上ê吵闹;推磨á是歌唱声音你听bē-tio̍h。」这是人衰老ê现象,有时会连讲话都无气力,á是想beh讲,却m̄知该讲kóa甚么。Mā ē-sái讲是臭耳lâng ê现象,听无看tio̍h别人讲话ê声音,甚至连敲锣phah鼓合tio̍h歌声ê声音,响亮如推磨一般mā是听无看tio̍h。Chit种人,就算传讲上帝ê信息hō͘伊听mā是枉然。「雀鸟á初唱,你就醒来」,表示困眠真浅,困bē去,天未光就醒起来;á是teh指耳鸣继续无停,ná亲像雀鸟á tī耳边叫个无停。以现代人ê状况来讲,就是走病院ê频率khah赢过去敬拜上帝。

第5节,「惊上高处,行路mā有危险」,意思是连beh行出门lóng会感觉无安全。「头毛斑白,精力衰退,性欲断绝,koh khah án怎都无法度挽回了」,chiah-ê话真清楚表示:chit时人已经是到à力不tùi心ê时。就算想beh学习,mā会感觉lóng无兴趣thang讲,á是听bē落去à。Á「向(ǹg)最后ê归宿地去」,表示行向死亡。Chit时chūn,「街上kā有哀号ê声音」,表示送葬ê队伍tī teh等待加入送殡ê行列,á是等待看chit种丧葬队伍经过。

第6节,chit节讲「银链á」、「金灯台」、「吊绳」、「水罐」等物件,chiah-ê原本都是串做伙,无法度分离ê,若是其中任何一件有损pháiⁿ、断裂ê时,chiah-ê器皿就会失去功效。作者用chit种方式来形容:做一个人tī性命teh beh达tio̍h终点ê时,chiah想ài会记得性命ê创造主,确实是缓不济急,无作用。

第7节,chit节为tio̍h án-ne段经文作一个总结,就是每一个人ê「身躯kā归还土粉」,表示无论是甚么款ê身世背景lóng仝款,人来自土粉,就iáu原tńg来到土粉去。「咱ê活气会归回赐性命ê上帝」,chit句话真清楚表示:tùi上帝来ê,就beh tńg来到上帝hia。

第8节,chit节应该是传道书ê总结。Mā回应了chit本经册siōng起头连续出现两pái ê「空虚,空虚」(参考一:2),表示这是真实ê结果,事实就是án-ne。当人ê性命结束ê时,一切lóng归回原位,性命会tńg来到上帝ê所在。

第9节,指传道者应该有ê特质,就是一位「明智者」,mā就是真实认bat上帝ê人。Chit种传道者,伊会「教导」,mā会无停「研究」,并且去考证所流传落来ê「格言」是m̄是真实。

第10节,chit节讲出一个好ê传道者,就是一个认真tī「走chhōe」真理ê人,而且是一个「忠实」、「真诚」ê人,ē-sái讲是本身是一个传道者siōng基本ê要件。

第11节,传道者mā是一位传讲「明智」信息ê人。因为án-ne,伊所传讲ê信息lóng有「督责ê功效」,ná亲像「顾羊人手中hit-ê带刺ê牧棍」仝款,表示伊诚心ê教导,mā会hō͘听tio̍h ê人感觉刺痛、艰苦心,m̄-koh这却对性命有启发作用。好koh认真正传道者会编撰教材,而且chiah-ê教材会影响深远。Bē因为社会环境变迁而改变,mā bē因为任何压力就改变本来ê教导。M̄-koh所有顶面所讲chiah-ê lóng是来自「人类ê大牧者上帝所赐ê」,换句话讲,真正智慧ê语言,m̄是人家己有ê,真正智慧结晶,是上帝赏赐hō͘人ê礼物。

第12节,tùi chit节到第14节,表示作者想beh chiah koh讲几句话,因为án-ne,伊用「iáu有一件事你应该tio̍h注意」。传道书作者表示天下有jōa大,就有jōa-chē ê册thang写。M̄-koh若想beh明日时头下事,he是无可能ê事。如果有人想beh án-ne做,最后只会hō͘伊感觉心神俱疲,结果mā是一场空虚而已。

第13节,传道者koh一pái tńg来到伊编撰此经册ê时ê中心思想,mā是伊siōng想讲ê话,伊讲:「Chiah-ê tāi-chì lóng 已经听了à;结尾就是tio̍h 敬畏上帝,谨慎遵守他ê 诫命;这就是人ê 本份。(全民版)」换句话讲,一个真实敬畏上帝ê人,会想tio̍h ê事,就是án怎实践上帝ê命令。

第14节,作者强调做一个人是m̄是有kā上帝ê命令落实在生活á是工作中,上帝会清楚知影。无论咱做甚么,「á是善á是恶,连hit-ê siōng隐秘ê事,上帝lóng tio̍h审判」,chit句话mā thang参考希伯来书第四章13节;马太福音第十二章36到37节。表示无论是甚么人,lóng需要面对上帝ê审判,无任何人ē-tàng例外。人若存 chit种认知,就会谨慎生活,注意家己在世间所做ê事kah所讲ê话。

重新查询