经文：列王纪下 1:1-1:8 注释:
Chit章是继续上卷第廿二章51到53节简略绍介亚哈王ê kiáⁿ亚哈谢继任为王了后，伊弃sak上帝ê记事。
Chit段经文描述以色列ê王亚哈谢kah先知以利亚之间ê冲突。原因是以色列ê王一再带领人民去拜偶像神明，弃sak上帝。
第1节，chit节开始就讲亚哈王往生后，摩押国就趁机会背叛北国以色列ê统治。摩押国是tī大卫时代成做以色列ê附庸国（参考撒母耳记下八：2）。后来，摩押每年tio̍h向以色列进贡十万只小羊kah十万只公绵羊ê毛。摩押王米沙敢公然背叛北国以色列ê统治（参考列王记下三：4—5），可见以色列目前ê情况是teh衰微中。
第2到4节，亚哈ê kiáⁿ亚哈谢继任为王后，因为不慎tùi王宫顶上ê阳台摔落来而受tio̍h重伤。伊派人去求问非利士人五大城市之一ê以革伦神明「巴力・西卜」，看是m̄是ē-tàng康复。Chit-ê神明tī新约福音书中被称做「鬼王」别西卜（参考马可福音三：22）。Chit-ê神明mā是tī迦南地ê人民siōng欢喜崇拜ê神，hông称做「胡蝇王」，in认为这神明真有能力，thang医百病。Tùi第2节thang看出以色列人民背叛上帝ê情形是非常严重ê，连国王出状况lóng去询问非利士人ê神明，hit人民就koh-khah免讲à。M̄-koh上帝ài先知以利亚去质问亚哈谢派去ê奴仆，为甚么无问上帝，却去问非利士人ê神明。并且ài先知以利亚直接就kā亚哈谢ê奴仆讲亚哈谢「一定会死」。上帝忠实ê奴仆先知，无论是jōa-ni̍h-á危险，只要上帝命令出来，就一定tio̍h照án-ne去做。以利亚确实遵照上帝ê命令去kā亚哈谢ê奴仆讲。
第5到8节，亚哈谢ê奴仆听tio̍h先知以利亚所讲ê话，就知影大事不妙，就án-ne随时tńg来宫廷去秉告hō͘亚哈谢王。亚哈谢问奴仆所遇tio̍h ê人是生做「甚么款ê」。当奴仆回答讲chit-ê人「穿插兽皮外袍，束tio̍h皮带」。Chia ê「兽皮外袍」，iáu有另外一个意思，是teh指伊ê身上有真chē毛，这是伊ê特徵。当亚哈谢一听tio̍h这特殊记号，随时就知影是上帝忠实ê奴仆以利亚。
Koh讲，先知以利亚ê打扮，说明伊是属tī顶真离俗派ê先知。伊ê chit种打扮后来就成做顶真、离俗派修士ê生活样式，过非常简朴ê生活。新约时代ê行洗礼约翰mā kah先知以利亚仝款，食草蜢、野蜜，穿骆驼毛ê衫裤（参考马可福音一：6）。
经文：列王纪下 1:9-1:18 注释:
Chit段经文讲述亚哈谢ê心真刚硬，认为只要kā先知以利亚关tī监狱中，伊所讲ê预言就bē实现。
第9到10节，亚哈谢王决定派人去缉拿先知以利亚。真可能认为若是kā先知以利亚掠起来，就ē-tàng强迫伊改变所讲ê预言。亚哈谢chit种举动，ná亲像伊ê老父亚哈王，认为kā上帝忠实奴仆米该雅关tī监狱里，伊所预言pháiⁿ ê结果就会失去效力仝款。M̄-koh伊无想tio̍h，chit pái派去掠先知以利亚ê军官kah五十个随从，lóng被先知以利亚祈求上帝tùi天顶降落大火烧死，就ná亲像伊kah亚哈ê假先知tī迦密山顶对决仝款，先知以利亚祈求上帝tùi天顶降落大火烧掉tī祭坛上ê牲祭仝款。
第11到12节，亚哈谢并无因为chiah-ê去掠先知以利亚ê官兵被天顶降落ê大火烧死有改变，伊m̄相信上帝。因为án-ne，决定koh一pái差派另外一个军官mā仝款是带领五十个随从去掠先知以利亚。这表示亚哈谢ê心中根本就m̄相信上帝有chiah-ni̍h大ê能力。
第13到14节，这是亚哈谢第三pái仝款派出一个军官带领五十个随从去掠the̍h先知以利亚。M̄-koh chit pái受派ê军官真清楚知影，绝对bē-tàng轻视上帝忠实ê奴仆先知以利亚。因伊所代表ê就是上帝。前两pái受亚哈谢差派去掠先知以利亚ê军官kah士兵，lóng是用极端无礼ê态度「命令」先知以利亚。结果in lóng遇tio̍h被火烧死ê厄运。因为án-ne，chit位军官用恳切地ê语句请求先知以利亚「怜悯」伊kah伊ê部下，救in ê性命。M̄-thang像过去两pái hit种，祈求上帝天顶降落大火烧死in。
第15到16节，tī上帝命令先知以利亚跟tòe chit-ê军官tńg来王宫去ê时，先知以利亚chiah跟tòe去王宫。M̄-koh先知以利亚并无因为án-ne有任何惊惶，伊照样当tio̍h以色列王亚哈谢ê面，讲出上帝ê受气，「一定」会hō͘伊死去。因为伊m̄信上帝，而且带领人民弃sak上帝。
第17到18节，ná亲像先知以利亚所预言ê，亚哈谢果然死去。亚哈谢无kiáⁿthang继承王位，改由伊ê小弟约何兰继承王位。这大约是tī主前852年左右。
经文：列王纪下 2:1-2:18 注释:
Chit章主要记载上帝忠实奴仆先知以利亚离开人间，hō͘ 上帝接tńg来天家，以及伊ê学生以利沙续接伊ê工作之情形。
Mā是tùi chit章开始，一直到第八章15节止，lóng是记载有关以利沙ê事迹。
Chit段经文记载先知以利亚hō͘ 上帝接tńg来天家ê经过，同时记载以利沙继承以利亚为先知工作ê一段重要记事。Tī chit段经文中，thang看tio̍h先知以利亚怎样训练先知以利沙，前后三pái，伊lóng tio̍h以利沙停止跟tòe伊。Ná亲像耶稣mā是án-ne，对hiah-ê想beh跟tòe伊ê人讲：「狐狸有孔，空中ê飞鸟有巢，独独人子连khòa 头壳ê 所在都无。(全民版)」（路加福音九：58）有人则因为听tio̍h耶稣传讲ê道理感觉真oh接受而离开（参考约翰福音六：66）。Tùi chia ē-tàng看出先知以利沙有非常坚定ê信心，坚持beh跟tòe先知以利亚去，结果伊成功地完成了chit段长途ê旅途训练，mā完成了伊ê心愿――成做先知以利亚ê继承人，同时得tio̍h上帝赏赐hō͘伊ná亲像先知以利亚ê能力。
第1到2节，chia提起先知以利亚身边有一个跟随者以利沙。照列王记上第十九章16节ê记载，上帝bat命令先知以利亚膏立「亚伯・米何拉人沙法ê kiáⁿ以利沙接替」伊作先知。chit-má作者讲上帝beh「用旋风接以利亚升天」，这mā是圣经中所有先知siōng特别ê一位。当in两人tùi「吉甲」出发，tī路上ê时chūn，先知以利亚就ài伊ê子弟以利沙mài跟tòe伊去，伊接获上帝ê命令，beh去伯特利。Chia mā是上帝向雅各显现ê所在（参考创世记廿八：10—19）。M̄-koh以利沙坚持beh跟tòe以利亚到伯特利去。
第3到4节，chia讲「有一阵伯特利ê先知」，这表示chit地区有一个「先知学校」。In kah-ná lóng听tio̍h上帝beh接先知以利亚tńg来天家ê信息。因为án-ne，in向以利沙提出chit-ê问题。M̄-koh以利沙并无想beh谈chit-ê tāi-chì。Á先知以利亚第二pái要求以利沙停止跟tòe。M̄-koh以利沙坚持beh继续跟tòe伊。
第5到6节，这是第二pái有一阵来自「耶利哥ê先知」，这表示tī耶利哥mā有「先知学校」ê设立。Koh再对照第7节、第15节来看，知影chit群先知共计有「五十名」之多。In向以利沙提出kah伯特利hit群先知仝款ê问题。以利沙ê回应mā仝款，无想beh谈chit-ê tāi-chì。就tī chia，先知以利亚koh一pái ài以利沙停止跟tòe。M̄-koh以利沙lóng是用真坚定ê语气表示一定会跟tòe，绝对bē离开。
第7到8节，chia讲有「五十个先知kah in到约旦河」，tùi第15节知影chiah-ê先知是tùi耶利哥出来ê。Tī chia讲先知以利亚以伊ê外袍打击约旦河，河水就分开，伊kah子弟以利沙行过约旦河，这mā teh表示这是tī五十个先知ê面前发生ê神迹，in lóng亲目看tio̍h。
第9到10节，先知以利亚看见以利沙坚持跟tòe伊，就án-ne问伊tī hō͘ 上帝接tńg来天家chìn前，ē-tàng为伊做甚么tāi-chì？以利沙祈求先知以利亚ē-tàng kā能力加倍hō͘伊。因为伊beh继承先知以利亚ê工作。M̄-koh先知以利亚知影，伊身上ê能力并m̄是伊家己ê，却是上帝赏赐ê。因为án-ne，伊真清楚回答he是「真oh答应ê要求」。M̄-koh伊hō͘以利沙一个记号，就是若伊ē-tàng看见伊升天，就表示伊身上有chit种能力。
第11到14节，就tī in一面行一面谈话ê时，忽然tùi天顶降落一台火马拉tio̍h ê火焰车，kā先知以利亚接tio̍h天顶去，这mā为后来先知玛拉基tī预言终末审判来临ê时，上帝beh先差派先知以利亚来临ê记事，留落来一个伏笔（参考玛拉基书四：5）。
当以利沙看见此景象ê时，ná mā表示伊身上已经拥有先知以利亚ê能力à。伊kā家己ê衫裤拆裂做两半，表示不舍老师先知以利亚离开伊，mā同时kā先知以利亚身上lak落来ê hit件兽皮外袍拾起来，伊用chit件兽皮外袍打击约旦河，果然河水就分开，然后伊koh行过河底到对岸去。Tī历代ê先知中有án-ne能力ê人，除了摩西、约书亚外，koh来就是先知以利亚，续落来就是以利沙。
需要注意ê是，以利沙是m̄是ē-tàng成做先知，这m̄是用先知学校（亲像第3、第5、第7节等等），á是「师徒」之间ê相授thang成事，因为真正先知是上帝ê奴仆，是上帝亲自拣选ê。这就是先知以利亚kā以利沙讲，伊唯一thang hō͘伊ê是hō͘伊知影上帝ê旨意，这旨意是透过「记号――亲目看见伊被接到天顶去」（第10节），就表示伊已经hō͘ 上帝所拣选。
第15到18节，这五十个来自耶利哥ê先知，因为亲目看见发生tī in目睭前ê神迹，ē-sái讲是in怀疑先知以利亚并m̄是tńg去到天顶，而可能是hō͘上帝ê旋风吹到「山顶á是山谷里」。因为án-ne，in kā以利沙讲tio̍h去chhōe先知以利亚。虽然以利沙阻止in，in iáu是beh去，结果是甚么都无chhōe tio̍h。不过in lóng因为亲目看见以利沙ē-tàng分开约旦河ê河水，而确信先知以利亚ê能力已经tī以利沙身上à。
经文：列王纪下 2:19-2:25 注释:
Chit段经文主要说明耶利哥城ê水质无好，后来有一座名叫「以利沙水泉」之由来，就是因为以利沙用一把盐改变chit-ê城ê水质而得名。Chit-ê神迹说明两件主要ê内容：以利沙已经继承先知以利亚ê气力。Koh讲，照利未记第二章13节ê记载，盐mā teh表示kah上帝之间立约ê关系。
第19到22节，因为以利沙继承先知以利亚ê能力，而且有五十个来自耶利哥ê先知亲目看见作见证。因为án-ne hit-ê城ê人见以利沙，kā伊讲hit-ê城ê水无好，致使土地贫瘠，这mā说明hit-ê城ê人生活陷入困境。以利沙用一个新碗加上点盐，伊kā chiah-ê碗中ê盐khǹg入水中，tùi án-ne了后，该水泉出来ê水一直真「纯净」。盐，本身就有消毒作用。M̄-koh ná亲像头前所提起过ê，「盐」mā teh代表kah上帝立「忠实」ê「约」ê意思。
第23到25节，chit段经文ê背景是发生tī前往伯特利途中。若kā它对照第一章9到12节，就会看tio̍h列王记编撰者想beh表达一个重要信息：以利沙确实是拥有先知以利亚ê能力。
第23节讲背景是以利沙前往伯特利ê途中，可能是伊继承先知以利亚ê使命后，受tio̍h伯特利居民ê排斥，因为hit-ê城已经tī耶罗波安ê引chhōa下，敬拜偶像神明成做in生活ê一部分。In无意爱上帝ê先知时常kā伊谴责in所拜ê是偶像神明，是虚假ê神。Koh讲，以色列人民认为长头毛chiah是上帝赐福ê记号。chit-má先知以利沙却是秃头，因为án-ne，伯特利城ê少年人出来对伊叫嚣讲：「秃子，滚开！」这是非常藐视ê态度，而藐视上帝ê奴仆，等于是teh亵渎上帝ê神圣仝款严重。
第24节讲以利沙以非常愤怒ê目睭瞪in，并且奉上主ê名诅咒in，结果chiah-ê少年人lóng受tio̍h严厉ê惩罚，被母熊裂碎。来便利膨椅发出咒诅之效力，ná亲像先知以利亚对hiah-ê亚哈谢派去掠伊ê无礼貌官兵仝款有效力。这lóng tī说明以利沙确实是传承先知以利亚ê角色kah使命。
经文：列王纪下 3:1-3:19 注释:
Chit章主要teh说明摩押人想beh脱离以色列统治ê一场重要战争。编撰者tī chit章所描述ê以利沙，真亲像先知米该雅仝款，对国家beh战争ê事提出上帝ê信息。
Chit段经文讲述因为摩押beh脱离以色列ê统治，而引发以色列王约何兰决定出兵镇压。伊邀请犹大王约沙法联合出兵。M̄-koh当in出兵遇tio̍h困境ê时，约沙法王建议询问上帝ê先知，想beh知影上帝ê旨意。这kah列王记上第廿二章记载约沙法tī出兵chìn前，就先询问上帝ê旨意，真无相仝。
第1到3节，这是列王记编撰者真典型ê句型，先说明chit位统治ê君王在位统治jōa-chē年，了后，就是讲chit-ê君王「做上帝看做邪恶ê事」，用chit种句话来形容一个悖逆上帝旨意ê君王。不过，chia讲约何兰王比起伊ê「父亲和母亲耶洗碧」，伊是真chēà。因为mā kā老父亚哈为tio̍h拜巴力所建造ê神柱除掉，可惜，伊并无带领以色列人民tńg来归到上帝面前，敬拜上帝。
第4到8节，chia thang参考第一章1节，有提起亚哈王往生后，摩押国背叛以色列。Á chit-má是以色列王约何兰决定beh出兵镇压摩押。伊邀请南国犹大王约沙法mā同时派兵同齐去攻打。约沙法ê回答ná亲像伊当年回答亚哈准备出兵去攻打叙利亚仝款。因为攻打ê路线beh经过以东，而当时ê以东mā是tī以色列ê统治之下，因为án-ne，mā等于是kā以东mā拉入仝一个战线中。
第9到10节，这三国盟军因为补给品不足，尤其是缺水严重，chit对出征ê军队来讲，是真大ê困境，如过继续落去，必定会hō͘摩押phah败。
第11到13节，chit时chūn，犹大王约沙法认为应该tio̍h询问上帝ê先知，thang知影上帝ê旨意为何。这kah顶pái伊建议亚哈王tī出兵chìn前，先问先知，chit pái显然慢了真chē。以色列王约何兰有一个臣仆提醒in，有一个先知以利亚ê助手以利沙，是上帝ê奴仆先知。约沙法相信只要是上帝ê先知，一定有上帝ê信息thang听。就án-ne chit三个王就联合去chhōe以利沙。Á以利沙真清楚ê回应in，拒绝hō͘ in信息。伊特别对以色列王约何兰讲，ài伊tńg去问伊ê父亲和母亲ê先知，意思是讲王宫中尚且有真chē宫廷养ê先知，thang去问in。Chit句话ê意思是以利沙teh表示，伊kah in无任何关系，拒绝回答ê意思。约何兰听了后，真谦卑向以利沙表示，伊宁可听从上帝ê奴仆先知ê信息。
第14到19节，以利沙听了后，就kí上帝ê名表示，伊会回应，并m̄是因为约何兰王ê缘故，却是因为约沙法ê关系。因为伊是忠实tī上帝ê君王。伊就tī一位琴师ê奏乐声中开始讲出上帝hō͘ in ê信息，chit-ê信息包括：一是in siōng需要水，上帝会补足hō͘ in，kui个山谷kā充满够额ê水，hō͘ in ê军队kah牛羊cheng-seⁿ lim。二是上帝会帮助in phah败摩押人。三是ài in kā摩押人ê田园lóng hō͘ in彻底损pháiⁿ。
经文：列王纪下 3:20-3:27 注释:
Chit段经文描述以利沙对in所ê预言lóng一一实现à。这mā说明只要是上帝忠实ê奴仆先知所传达ê话，就是真实ê，是thang信ê。
第20节，chit节koh一pái说明以利沙确实是上帝ê奴仆先知。因为伊传达ê信息实现à。
第21到23节，全摩押城ê人，不分老少lóng全部集合起来对抗以色列、犹大，kah以东三国ê联军。这mā表示in想beh脱离以色列辖制ê心是真坚定ê。M̄-koh因为山谷充满上帝引进ê水，tī阳光照射下，hō͘ in掠做是这三国联军teh互相残杀。就án-ne就全军进攻。
第24到25节，m̄-koh无想tio̍h进攻ê摩押军队反tńg被以色列等联军反击tńg去。联军趁胜追击。In一方面进攻，一方面kā所经过ê良田lóng破坏，堆置了石头，hō͘田园无法度继续种作，同时hō͘河渠mā无法度蓄水备用。
第26到27节，摩押王见「大势已去」，本想带七百个配剑ê兵刣出重围，来方便到叙利亚去避难，m̄-koh并无成功，因为伊ê城被三军联合包围。伊用一种奇特ê方式，mā就是摩押人ê宗教礼仪，kā家己ê大kiáⁿ刣死当做献祭，kā尸体挂tī城墙顶献hō͘摩押ê神明，这hō͘三国联军ê官兵看tio̍h lóng非常惊惶，因为án-ne，就撤兵tńg去。Á摩押mā因为án-ne而得tio̍h解围ê机会。这mā teh表示chit pái ê征讨是失败ê，而且影响真大，因为后来ê以东mā是án-ne背叛了犹大而独立（参考列王记下八：20）。
为甚么会变成án-ne？真可能是因为以利沙kah-ná无跟tòe in去相战，却是tī讲完预言后，就离开in。Chit段故事说明以色列、犹大kah以东ê国家统帅，并无带领人民真正相信上帝ê奴仆以利沙传出ê信息。因为án-ne，到à最后，当摩押人「用大kiáⁿ当牲祭」tī城墙顶献hō͘ in ê神明ê时，反tńg hō͘以色列人民恐慌到惊惶而退tńg来家己国家去。
经文：列王纪下 4:1-4:8 注释:
Tùi第四章开始，一直到第八章15节止，lóng是teh记载有关先知以利沙ê事迹。其实，tī先知以利沙ê身上，thang看tio̍h先知以利亚ê影像。
第四章是记载先知以利沙所行ê几项神迹，chiah-ê记事lóng tī说明以利沙是一个真尽责ê先知，无hō͘先知以利亚传承hō͘伊ê使命而失去光辉。
Chit段故事读起来并无生份，真亲像列王记上第十七章8到16节，记载先知以利亚tī撒勒法一位寡妇ê厝，经历只chhun一点油kah一把面粉ê事件。Tī先知以利亚ê祝福下，hit位寡妇ê厝tī非常严重饥荒ê时代，就靠tio̍h hiah-ê chhun落来ê一点油kah一把面粉，活到「上主落雨ê hit一工，罐里ê面粉用不完，瓶里ê油mā用不尽」（参考列王记上十七：14）。chit-má chit段经文是记载以利沙hō͘一位寡妇厝里所chhun落来ê一小瓶橄榄油，源源不断来流出来，装满所有容器，卖油得tio̍h ê钱，m̄-nā thang还伊ê丈夫所留落来ê债务，而且iáu有chhun落来ê钱够额母kiáⁿ同齐过活。
第1节，踏话头就绍介「有一个寡妇，伊丈夫是先知中ê一员」，m̄-koh并无记明chit位先知是甚么人。只知影chit位先知已经往生，可能因为án-ne hō͘厝里因积欠债务而hō͘生活陷入极大ê困境。Chia讲债主来ài kā chit-ê寡妇ê「两个kiáⁿ带去做奴隶」，好偿iáu先知所留落来ê债。摩西律法是允准人因为积欠债务而卖身为奴偿还债务，m̄-koh有规定年限是六年，tī第七年一定tio̍h恢复伊ê自由（参考出埃及记廿一：2—3、7）。为tio̍h án-ne，chit-ê寡妇去chhōe以利沙帮忙。
第2到4节，以利沙ài chit-ê寡妇去左邻右舍借容器，并且ài她关ân门窗，然后kā厝里chhun落来ê「一小瓶橄榄油」倒入chiah-ê容器中，hō͘每一个容器lóng装满。
第5到7节，chit-ê寡妇照以利沙ê话去做，果然所有厝里kah厝边借来ê容器lóng装满橄榄油，以利沙ài chit-ê寡妇kā chiah-ê橄榄油the̍h去卖，所得tio̍h ê钱去偿还债务外，伊讲「chhun落来ê钱够额」chit-ê寡妇kah两个kiáⁿ过生活ê需要。这ná亲像先知以利亚hō͘撒勒法ê寡妇，厝里chhun落来ê一点油thang tī hit-ê饥荒时代，一直滴不完仝款。
这说明一个非常重要ê信息：听从上帝忠实奴仆先知ê话，等于听从上帝ê话。Á听从上帝ê话，就永远bē缺乏，而且iáu会有chhun。
经文：列王纪下 4:9-4:37 注释:
Chit段经文thang对照第十七章8到24节，有关先知以利亚hō͘撒勒法ê寡妇ê独生kiáⁿkoh活ê记事。当时先知以利亚是伏tī已经死去ê gín-á ê身上，结果hō͘ gín-á koh活起来。chit-má以利沙mā是用仝款ê方法，结果这书念妇人ê gín-á mā koh活起来。
只是chit件神迹kah先知以利亚行神迹ê对象有别；这书念ê妇女是一个有钱人，而且m̄是寡妇。先知以利亚tī撒勒法tú-tio̍h ê chit-ê寡妇，是kā kiáⁿ ê死怪罪到先知以利亚身上，认为是因为以利亚到伊ê厝，chiah hō͘上帝「记起」伊ê罪，致使伊ê kiáⁿ死去（参考列王记上十七：18）。Chia则说明chit位有钱ê书念妇女是一个真聪明ê人，伊知影上帝ê奴仆先知以利沙必定会帮助伊ê kiáⁿ tùi死里koh活起来，因为伊原本bē有gín-á，是先知以利沙为tio̍h beh酬谢伊好款待伊，而祈求上帝赏赐hō͘伊ê。因为án-ne，chit-ê cha-bó͘人想ê是：原本是无可能ê事，既然tī先知以利沙ê身上显现出神迹奇事，chit-mágín-á死去，只要去chhōe先知以利沙就对à。果然，真正亲像chit位书念妇女所期待ê，伊ê gín-á有复活起来。
第8到10节，chia提起一个有钱ê书念妇人，伊因为邀请以利沙食饭后，而且以利沙每pái去书念lóng会去chhōe伊，结果hō͘这书念ê妇人发见，以利沙是「圣ê神ê人」，chit-ê意思是teh指以利沙是一个分别为圣ê人，á是讲伊是一个和平常ê人无仝款ê人。因为án-ne，伊建议丈夫tī楼顶加起一间小厝，hō͘以利沙以后来到伊家拜访ê时，thang有一个thang tòa ê所在。
第11到13节，以利沙为tio̍h beh感谢chit位妇人对伊ê好款待。因为án-ne，伊问chit-ê妇人ē-tàng为伊做甚么事，thang做回报。M̄-koh chit-ê妇人ê回应是「甚么lóng m̄欠缺」。
第14到17节，以利沙ê奴仆基哈西提意见，hō͘以利沙知影chit-ê妇人虽然富有，m̄-koh丈夫已经年老，ē-sái讲是in都无kiáⁿ。以利沙听了后，随时ài基哈西请chit-ê妇人来见以利沙，以利沙hō͘ chit-ê妇人知影，一年后ê chit时，伊「会抱一个kiáⁿ」，chit种应允对chit-ê妇人来讲，根本是无可能实现ê事。因为án-ne，当伊听tio̍h以利沙án-ne讲ê时，第一个反应是认为以利沙欺骗伊，m̄-koh以利沙无加讲甚么。结果一年后ná亲像以利沙所预言ê，chit-ê妇人真正生落来了一个kiáⁿ。
第18到27节，chit段经文描述经过几年后，chit-ê妇人ê gín-á忽然感觉剧烈头壳痛，无jōa久就往生。Chit-ê妇人kā chit-ê kiáⁿ抱入去起hō͘以利沙tòa ê房间，然后ài丈夫替伊准备好势驴á hō͘伊赶去chhōe以利沙。虽然丈夫bat提醒伊可能会chhōe bē-tio̍h先知，m̄-koh伊坚持beh去chhōe以利沙，而且吩咐奴仆，加快脚步，除非伊讲，若无，途中绝对m̄-thang慢落来。以利沙远远就看见chit-ê妇人，并且派伊ê奴仆基哈西去询问伊是m̄是一切安好。当伊来到以利沙面前，就赶紧抱tio̍h以利沙ê脚。
Tī第23节chia，妇人ê丈夫提醒讲「今á日既m̄是安息日，mā m̄是初一」，意思是teh指这两工以色列人民lóng一定tio̍h停止工作，好专心敬拜上帝（请参考出埃及记十六：23；二十：9—10，民数记廿八：11—15，尤其是每年七月初一tio̍h koh khah特别，利未记廿三：23—25，民数记廿九：1—6）。因为án-ne若是，tī chit两个时间里到圣殿á是聚会ê场合，比较容易chhōe-tio̍h先知。若m̄是顶面所讲时间想beh chhōe-tio̍h先知是真困难ê。Ē-sái讲是chit位书念ê妇女则真有信心一定会chhōe-tio̍h以利沙。因为伊知影以利沙是神ê人，必定知影伊所tú-tio̍h ê困境。
第28到31节，以利沙一听chit-ê妇人kā伊讲，伊无向伊求过kiáⁿ，á是对生育怀有过任何希望，意思真清楚，是以利沙主动为伊向上帝求而得tio̍h kiáⁿ，m̄-koh taⁿ这希望koh破灭à。以利沙随时吩咐伊ê奴仆基哈西先去the̍h伊手上ê拐á khǹg tī gín-á面上，然后伊kah chit-ê妇人mā出发去书念ê厝。M̄-koh基哈西回报以利沙讲，gín-á并无koh活起来。Tī第30节chit-ê妇人讲「绝对bē离开」以利沙，chit种坚持，ná亲像福音书中hit位叙利亚ê腓尼基ê cha-bó͘-gín-á为伊ê cha-bó͘-kiáⁿ求耶稣基督ê医仝款（参考马可福音七：24—27）。结果伊得tio̍h了所beh ê，伊ê gín-á koh活起来。
第32到37节，ná亲像以利亚帮助撒勒法hit位寡妇ê kiáⁿkoh活起来仝款，chia以利沙mā用仝款ê动作「伏tī gín-á身上」，就án-ne，chit-ê gín-á「连phah了七个喷嚏，目睭就thí开来à」，然后kā gín-á交hō͘ chit-ê妇人，hō͘ chit-ê妇人非常感激地跪tī以利沙脚前，面伏地，然后带koh活ê gín-á离开。
经文：列王纪下 4:38-4:44 注释:
Chit段经文连续提起两则有关以利沙所行ê lim食神迹。Tī饥荒ê时代，ē-tàng chhōe-tio̍h瓜藤野果mā真无容易，m̄-koh he却是有含剧毒ê野菜。面粉本身并无去毒ê功能，只是显明先知以利沙有chit种能力，thang kā有毒ê食物去毒清气。Koh讲，少量ê饼，却thang hō͘真chē先知lóng食饱，这mā显示出以利沙身上充满tio̍h伊ê老师先知以利亚传承tùi上帝赏赐hō͘伊ê能力。
第38到41节，chit件神迹ê地点是tī吉甲。
Tùi chit段经文thang看见以利沙有开「先知课程」teh授课。有一阵学生kah伊做伙。同时mā看见tī全国lóng闹饥荒ê时代，原本无甚么食物thang食，只有ē-tàng lim汤。M̄-koh有人稻田里「采野菜」，he是「野瓜藤」，以利沙m̄知he是有毒ê野瓜，就kā它切片后khǹg入锅á里跟tòe汤煮，结果chiah发见he是有毒ê野瓜，大家lóng m̄敢食。以利沙就hō͘人the̍h来一kóa面粉，kā它丢入锅里，就án-ne解除了这野瓜ê毒素，成做thang lim食ê瓜汤。
以利沙用chit点儿面粉所行ê神迹，tú好kah列王记上第十七章记载先知以利亚tī撒勒法寡妇厝里只chhun一把面粉所行神迹仝款，tī he饥荒ê年代，因为这一把面粉解除了iau饿ê危机。
第42到44节，这是第二个神迹，以利沙用二十个饼，行了hō͘一百个先知thang食饱ê神迹。
Chit件神迹ê地点不详，m̄-koh有一人是tùi「巴力・沙利沙」来ê。这地点是设tī约帕北面约廿四公里ê沙仑平原。Chit-ê人带来「二十个饼，是用当年初熟ê大麦做ê」，正确ê态度，应该是kā初熟ê大麦献hō͘上帝，然后由祭司分享（参考出埃及记廿三：19a、三十四：26a）。M̄-koh会the̍h来hō͘以利沙，mā thang看出当时ê北国以色列，已经无利未人当祭司。Chit-ê人可能是kā以利沙kah伊ê门徒当做是祭司看待。
当以利沙接tio̍h这二十个饼ê时，伊吩咐奴仆kā chit二十个饼分hō͘先知食，m̄-koh奴仆提醒伊chiah二十个饼无够一百个人食，mā tùi chia看tio̍h先知以利沙已经收了一百个门徒，这ná亲像一间先知学校。M̄-koh以利沙吩咐奴仆讲：「尽管hō͘ in食pah，因为上主讲，in beh食饱，而且iáu有chhun落来ê。」chit句话真熟悉，ná亲像耶稣用五饼二鱼hō͘超过五千人食饱koh有chhun落来ê仝款（参考约翰福音六：11—13）。果然，以利沙ê奴仆遵照伊ê意思kā chit二十个饼分发hō͘一百个先知食，结果是「大家lóng食饱了，而且iáu有chhun落来ê」。
经文：列王纪下 5:1-5:19 注释:
Chit章记载有关以利沙医患癞ko病ê叙利亚乃幔将军ê事迹，tī旧约圣经中ē-sái讲是一则非常顶港有名声下港有出名ê故事，mā是以利沙所行ê神迹中，siōng-kài大家所欢喜ài讲ê神迹。
Chit段经文讲述叙利亚乃幔将军患tio̍h癞ko病，因为厝里有一个tùi以色列掳来当女婢ê细汉cha-bó͘-gín-á，经过chit-ê女婢ê建议，伊讲以色列ê先知以利沙thang医伊。伊听从了chit位以色列小女婢ê话，身上ê癞ko病因为án-ne得tio̍h痊愈。
第1到4节，tī第1节就记载「因为上主bat藉tio̍h伊hō͘叙利亚军队获胜」chit句话，koh再对照列王记上第十九章15节，上帝ài先知以利亚到大马士革去「膏立哈薛作叙利亚王」，说明列王记作者ê想法，上帝乃是所有族群ê上帝，m̄-nā是以色列人民ê上帝而已。Chit种观念tī先知运动中一再出现，上帝会差遣亚述帝国成做奴仆，替他打击选民以色列背叛行为（参考以赛亚书十：5—6，耶利米书第廿一章、廿五：9）。
癞ko病，这是以色列人民看做siōng危险ê病，甚至认为这是一种「天谴病」，是上帝ê惩罚，无可能得医。而且照摩西律法规定，一定tio̍h Kā chit种人tùi社区中隔离出来，因为是无清气ê记号（参考利未记十三：45—46）。
Chit-ê以色列少女知影主人患tio̍h án-ne ê病症，就向女主人建议，去chhōe「撒马利亚ê hit-ê先知」，真坚定ê语气讲「伊一定会医好伊ê癞ko病」。Chit位以色列女婢会án-ne建议，一定是听过以利沙所行ê神迹。因为án-ne，乃幔将军听了后，就去面见国王报告chit-ê tāi-chì。
第5到7节，叙利亚王听了后，就写封phoe hō͘ 乃幔带，chit张phoe是beh以色列国王帮忙医乃幔将军ê癞ko病。然后家己准备「三万块银á，六千块金子，kah十套衫裤」当做礼物。这确实是一笔庞大ê礼金，就án-ne去见以色列国王。国王一phah开叙利亚王ê信，就吓到差不多崩溃。因为伊深知影chit种天谴病，除了上帝以外，无任何人ē-tàng医好。M̄-koh soah koh惊叙利亚王藉口伊无医好乃幔将军ê病，而派军队来攻打以色列。
第8到12节，以利沙听tio̍h国王án-ne悲伤就拆裂衫裤，就派人去kā国王讲，ài乃幔将军去chhōe伊。原因是beh hō͘ 乃幔将军知影，tī以色列「有一个先知」，chit句话已经teh表明，叙利亚若想beh侵犯以色列，ài beh特别小心，因为chit位以色列先知会kā上帝ê旨意带hō͘以色列人民。上帝是以色列人民ê保护者。Á当乃幔将军来到以利沙ê厝门口ê时，伊并无去开门，却是叫奴仆去kā乃幔将军讲，ài伊直接去约旦河「洗七pái」，án-ne病就会好起来。乃幔将军对以利沙用chit种态度回应伊，感觉非常愤怒，伊认为至少先知也tio̍h出来接见伊，tī伊身上行个宗教礼仪。Koh讲，伊认为若是去约旦河洗七pái，不如tī家己国家叙利亚ê「亚罢拿河kah法珥河」lóng会比约旦河来得清气。伊显然bē记得先知ê话，代表ê是上帝ê信息。Kah河水是m̄是洁净无关系。
第13到15节，佳哉，乃幔身边有一个奴仆劝伊m̄-thang受气，tio̍h听从先知ê话。何况只是去约旦河洗洗就会洁净，就án-ne 乃幔将军听chit-ê奴仆ê话，就去约旦河洗七pái。果然，伊身上ê癞ko病全lóng消除，而且iáu带所有跟tòe ê奴仆去见以利沙，并且见证讲「全世界只tī以色列有上帝，无别ê」。伊ê chit句话其实mā teh说明先知teh代表上帝ê旨意。伊同时请以利沙kā礼物收下。其实，乃幔将军kah伊ê奴仆所讲ê话，kah实际行动等，lóng teh反应以色列国王kah人民比起chit位乃幔将军kah伊ê奴仆lóng iáu koh khah hâm-bān。因为上帝拣选ê以色列人民并无听从上帝忠实奴仆先知ê话语，m̄-koh外邦人却听从。
第16到19节a句，以利沙坚持拒绝接受乃幔将军所beh赠送ê厚礼酬金。因为伊只是负责传达上帝ê话语。为tio̍h án-ne，乃幔将军请求以利沙hō͘伊带两袋ê以色列土tńg来叙利亚去。伊决定只敬拜chit位透过先知传达hō͘伊消息、医好伊ê癞ko病ê神。第17节mā说明古代人对神ê观念，in认为tio̍h beh敬拜in所认bat ê神，就一定tio̍h kah该神所掌管ê土地连做伙，mā就是该神所khiā起ê土地。因为án-ne，乃幔将军beh带tńg来以色列ê土，为tio̍h是beh做敬拜ê路用。M̄-koh伊mā清楚知影，家己无办法拒绝陪伴国王去拜叙利亚ê「临门」神明。其实，伊chit种态度是矛盾ê，既然认为以利沙ê chit位神明是真实ê，而且伊讲bē向任何神明献祭，chit-má koh讲伊有困难，是为tio̍h beh陪国王去膜拜临门神明，而这是为tio̍h政治ê理由ê需要。就án-ne，以利沙祝福伊，乃幔将军就án-ne离开tńg去厝里。
经文：列王纪下 5:20-5:27 注释:
Chit段经文描述以利沙ê奴仆基哈西，因为不诚实、贪婪，结果原本tī乃幔将军身上ê癞ko就转移到伊ê身上，m̄-nā án-ne，先知iáu讲这癞ko会传到下一代ê身上。
第19节b句到22节，基哈西认为伊ê主人以利沙拒绝乃幔将军ê酬劳，是错误ê。因为án-ne，伊决定暗地里跟tòe 乃幔将军去，beh向伊索取酬劳。M̄-koh伊对乃幔将军讲白贼，讲是伊ê主人以利沙派伊去为两个tùi以法莲山区来ê先知ê需要，希望有「三千块银á kah两套衫裤」。虽然chit种数量比起乃幔将军原本准备beh送hō͘以利沙ê「三万块银á，六千块金子，kah十套衫裤」少了真chē，m̄-koh基本上，基哈西chit种行为就是欺骗、贪财。
第23到24节，乃幔将军无多问，á是讲甚么，伊就直接the̍h出比基哈西所讲ê「三千块银á」多一倍ê「六千块银á」，khǹg tī两个袋子中，以及两套衫裤，叫家己ê奴仆扛tio̍h kah基哈西tńg去。
第25到27节，上帝ê奴仆以利沙当然知影chit件事。因为上帝ê灵会启示伊，hō͘伊知影奴仆基哈西暗中所做非法而且欺骗ê事。Koh khah严重ê，是当以利沙问基哈西去做kóa甚么事ê时，若是基哈西赶紧悔改认罪，有可能iáu有机会得tio̍h赦免。M̄-koh伊却iáu认为以利沙m̄知实情，一再讲白贼。结果hō͘伊ê主人以利沙诅咒，基哈西家己kah后代kiáⁿ孙lóng会得tio̍h癞ko病，这是严重惩罚，因为基哈西kah主人以利沙lóng是上帝ê奴仆，就一定tio̍h绝对诚实，若无，上帝ê惩罚是严重ê。
经文：列王纪下 6:1-6:7 注释:
Tùi chit章开始，直到第七章止，列王记作者用三个神迹描述tī以利沙充满tio̍h上帝赏赐ê灵，hō͘伊m̄-nā会行神迹奇事，mā会预先知影teh beh发生ê事等，chiah-ê lóng tī说明以利沙真正是上帝忠实ê奴仆。
这是一段简略描述以利沙有行神迹奇事ê异能。列王记作者teh描述以利沙ê记事中，伊ê能力真特别，大到ē-tàng hō͘死人koh活，而tī chia是连掉tī水里ê斧头lóng thang重新拾起来。
第1到2节，tùi chit两节thang清楚看出早期以色列社会有所讲ê「先知学校」之类ê团体，当时tī伯特利（参考二：5）、耶利哥（参考二：15）、吉甲（参考四：38）等地lóng有chit种先知群体，其中有ê先知「学员」已经结了婚（参考四：1）。
Chit两节讲有一阵以利沙带领ê学生向伊抱怨，讲in khiā起ê所在太小，in想beh扩建，因为án-ne想tio̍h约旦河边去phut些木材搭建房舍，以利沙同意了in ê请求。
第3到5节，以利沙陪in去。结果teh 锉木材ê时，有一个人因为无小心kā借来ê斧头hō͘掉到水里去，只有ē-tàng向老师以利沙求助。
第6到7节，以利沙用另一条树枝tàn入去水里，hit支ka-la̍uh水里ê斧头就家己浮出水面来。
这看起来kah-ná一件微小ê神迹，却讲出以利沙tī先知以利亚了后，tī以色列人民中间有极大ê影响力，mā因为án-ne，跟tòe伊ê学生就jú来jú chē。
经文：列王纪下 6:8-6:23 注释:
Chit段记事tī历史上真oh chhōe出明确资料，因为Tī chit段经文中，lóng只有提起叙利亚王kah以色列王，却都无提起这国王ê名，mā无讲出两国准备交战ê地点。M̄-koh chit段经文主要teh说明：上帝忠实ê奴仆以利沙，有能力thang知影人tī暗中所讲ê话。Á圣经kā咱讲，只有上帝chiah有chit种能力。因为án-ne，这mā teh表示，上帝赏赐hō͘以利沙有特别ê能力，hō͘伊ē-tàng知影叙利亚王暗中进行ê谋略，án-ne，以利沙kā chit件事hō͘以色列国王知影，tùi án-ne躲过一劫。
第8到10节，chia讲出以利沙有特别ê能力，thang知影叙利亚王kah伊ê臣仆商议怎样出兵攻打以色列ê城池。就án-ne伊派人送信hō͘以色列王，ài伊m̄-thang中了计谋。以色列王果然听从以利沙ê话，而且是「仝款ê事发生kúi-nā-pái」，这表示叙利亚王试图攻击以色列真chē pái，m̄-koh都无成功，因为有以利沙ê协助。
第11到17节，叙利亚王感觉奇怪，每pái beh出兵á是偷袭，lóng hō͘以色列王知影，伊怀疑有内奸。M̄-koh臣仆kā伊讲是以利沙先知知影人tī「困房内私下讲ê话」，这是非常特别ê神能之力。因为án-ne，叙利亚王就下令tio̍h掠以利沙。
「多坍」，chit-ê城离北国首都撒马利亚城只有十八公里远，而叙利亚ê军队ē-tàng phah到chia，tú好表示当时叙利亚ê军力甚强，大大超过以色列ê国防力量。当伊ê学生看见叙利亚军队来包围「多坍」想beh掠伊ê时，伊向上帝祈祷hō͘伊ê学生thang看见上帝差派来保护伊ê大军，结果上帝垂听以利沙ê祈祷，伊ê学生看见「山边布满火焰车kah火马，kā以利沙围teh。这表示上帝kah以利沙之间有非常亲密ê关系，上帝用chit种方式teh庇护以利沙。
第18到23节，当叙利亚出兵攻打多坍ê时chūn，以利沙koh向上帝祈祷，hō͘ chiah-ê军队「目睭失明」，果然chiah-ê叙利亚军队lóng失明，就án-ne，以利沙出来kā in讲行m̄-tio̍h去路，伊带chiah-ê目睭lóng chheⁿ-mê叙利亚军人行入撒马利亚城。然后以利沙koh祈祷上帝，开chiah-ê叙利亚军人ê目睭，上帝koh垂听伊ê祈祷。当chiah-ê军人开了目睭了后，chiah发见in已经进入撒马利亚城内，成做以色列ê俘虏。以色列王问以利沙，是m̄是ài kā chiah-ê敌人lóng总刣死？以利沙讲bē-tàng，而且tio̍h hō͘ chiah-ê叙利亚军人有「食物kah水，hō͘ in lim食；放in tńg来in ê王hia去」。以利沙用chit种方式，hō͘叙利亚tùi án-ne了后，m̄敢koh再侵犯以色列。原因是只要有以利沙tī teh，任何攻击lóng会白做无功。Koh讲，chit两节经文mā作了真好ê启示：好款待仇敌，是化解对敌、和平相处ê良药。
经文：列王纪下 6:24-7:2 注释:
Tùi第24节开始，一直到第七章结束，lóng是谈及有关叙利亚王便・哈达率兵围攻撒马利亚城ê经过。因为包围撒马利亚城ê结果，致使城内缺粮严重，物价飘涨到人民根本无力购买，城内发生惨剧，有以色列人民甚至一定tio̍h交换kiáⁿ刣死煮来充饥。以色列国王认为chit项事一定kah以利沙有密切关系，因为án-ne beh去掠伊。Á以利沙则是beh以色列人民对上帝有绝对ê信心，而且伊讲了预言，只要过一工，必定会有非常sio̍k ê粮食thang买卖。M̄-koh以色列王ê奴仆听m̄-bat以利沙ê预言，用「he是无可能ê」chit句话回应以利沙。
第24到25节，chit件围城事件大约是发生tī主前850年左右ê时代，撒马利亚城因为被围困来致使城内缺粮严重，物价飙涨人民无法度生存落去。
第26到29节，chit段经文描述城内悲惨ê情景，粮食缺乏ê严重，其程度已经到人民tio̍h彼此交换kiáⁿ刣死来充饥。这情景真亲像主前587到586年间，巴比伦帝国围困耶路撒冷ê情景仝款，耶利米哀歌第四章10节就有án-ne记载讲：「慈心 ê cha-bó͘ 人 tio̍ h 亲手煮她 ê kiáⁿ，我 ê 人民 ê cha-bó͘ -kiáⁿ tú-tio̍ h 毁灭ê 时，用chit-ê 做米粮。(全民版)」有一个母亲因为án-ne向国王告状，表示伊被隔壁ê cha-bó͘人欺骗，伊ê gín-á先被刣来食了，m̄-koh第二工隔壁ê cha-bó͘人却拒绝交出伊ê kiáⁿ。
第30到32节，以色列王认为chit件事必定kah以利沙有关。因为án-ne，以色列王带兵去掠以利沙。Ná亲像头前讲过ê，以利沙真清楚chiah-ê君王心中ê计谋。因为án-ne，以利沙kah tī伊身边ê一kóa长老提出警告，ài in bē-tàng hō͘ chiah-ê beh掠伊ê人入厝内。
第33节到第七章2节，原来以色列王因为城被叙利亚军队包围，发生严重缺粮带来ê危机，对上帝ê信心产生摇动。Á以利沙ài王一定会听从上帝ê话，并且kā伊讲隔工一定会有够额ê食物出现，hō͘民众m̄-nā thang买会tio̍h，而且负担会起。虽然国王ê侍从m̄相信，m̄-koh以利沙却信誓旦旦地讲chit件事一定会发生。
经文：列王纪下 7:3-7:13 注释:
Chit段经文叙述上帝奇妙ê作为，就是hō͘包围撒马利亚城ê叙利亚军队，听tio̍h类似大批军队进攻ê声音而产生惊惶，丢下所有一切军备逃离军营，kan-taⁿ一夜ê时间，全部军营连一个叙利亚士兵mā无。M̄-nā解除了撒马利亚城内缺粮ê危机，mā应验ā以利沙所预言ê，会有真sio̍k ê粮食thang买卖，而chit-ê消息ê 回报，却是tùi四个准备向叙利亚军营投降ê癞ko病人，因发见实况带tńg来hō͘以色列王ê。
第3到8节，癞ko病人因为是hō͘隔离出来，生活ê需要一定tio̍h óa靠亲友ê接济chiah有办法。M̄-koh因为撒马利亚城内已经被敌军叙利亚包围，无亲友供应in ê需要。因为án-ne，in准备去叙利亚军营投降。In心内想，有可能án-ne可能得tio̍h食物thang充饥。M̄-koh无想tio̍h，当in来到叙利亚军营ê时，竟然发见营中无任何一个人，m̄-koh却充满tio̍h真chē物件。原来是上帝用一件特殊ê神迹，kah第六章17节上帝差遣天兵神将（火焰车kah火马）来干涉搅扰叙利亚军队仝款，hō͘叙利亚军队听tio̍h有「大队兵马kah战车前进ê声音」，赶紧hiat-ka̍k所有ê装备逃生，hō͘以色列军队根本无用一兵一卒，就白白得tio̍h一场胜利，而且得tio̍h叙利亚军队所有ê战利品。
第8到10节，chit四个癞ko病人进入空荡荡ê叙利亚军营，大肆搜刮一切财物，m̄-koh却想tio̍h án-ne真可能为家己带来严重惩罚，就án-ne赶紧tńg来撒马利亚城内去通报chit段消息。
第11到13节，当守卫城墙ê兵丁kā chit四个癞ko病人ê通报hō͘以色列王知影后，伊kah臣仆iáu是担心he是叙利亚军队ê诡计，想用chit种空城计活掠以色列军队kah人民，占领撒马利亚城。M̄-koh有国王幕僚认为横直已经缺粮到必死ê情况，掠准án-ne，不如派人出城去探望实况。Chia讲「chhun落来ê五匹马」，mā thang讲城内因为闹饥荒，连战马lóng刣来充饥，taⁿ只chhun五匹马而已，可见缺粮非常严重。
经文：列王纪下 7:14-7:20 注释:
Chit段经文讲述chit几个被派出去探视叙利亚军营ê人回报，是kah chit四个癞ko病人所回报ê完全仝款。因为in是行到约旦河，沿路看tio̍h ê lóng是叙利亚军队散落tī途中ê一切物件。正应验ā以利沙所讲：in隔工，就ē-tàng用siōng sio̍k ê价钱，买tio̍h真chē粮食ê预言。
第14到16节，以色列王派出去探察叙利亚军营ê人，行到约旦河，沿路除了看见叙利亚军队落走弃sak ê物件外，mā看bē-tio̍h任何一个敌军留落来。因为án-ne，当in 回报chit-ê消息到撒马利亚城内ê时，城内ê以色列人民差不多是倾城而出。Tú好应验ā tī第1节以利沙bat对以色列王所讲ê预言，in kā thang用一块银á买tio̍h三公斤siōng好ê小麦á是六公斤ê大麦。比起缺粮ê时，物价飙到两百公克ê野葱tio̍h卖到五块银á，明明是无法度相比。
第17到20节，chit段经文koh一pái说明以利沙ê预言应验ā。因为走出城去the̍h叙利亚军队留落来ê物件ê以色列人民实在是siuⁿ chē，致使现场是一片混乱，国王只好派出伊ê侍从到城门口指挥秩序，结果却被真kheh ê人群踩死，而这kah伊怀疑以利沙ê预言有关，因为伊m̄相信以利沙预言隔一工就ē-tàng有真sio̍k ê粮食thang买卖解除缺粮ê问题。以利沙bat讲伊会亲目看tio̍h不劳而获ê粮食，却食bē-tio̍h。
Chit段故事koh一pái说明一件事：真正hō͘军队获胜ê，m̄是óa靠人ê能力，却是tùi上帝来奇妙ê计画。诗篇ê作者án-ne讲：「君王bē-tàng 因为兵chē 就得tio̍h 救；勇士bē-tàng 因为气力大就得tio̍h 救。Óa 靠马，无一定会得tio̍h 救；靠大气力mā 无一定ē-tàng 救人。上主ê 目睭看顾敬畏他ê 人，照顾仰望他ê 慈爱ê 人。他会救in ê 性命脱离死亡，保存in ê 活命度过饥荒。(全民版)」（诗篇三十三：16—19）
经文：列王纪下 8:1-8:6 注释:
Chit章经文讲述两件kah以利沙有关ê事，包括伊警告书念ê妇人，ài她离开书念去躲避饥荒。Koh讲，伊预言叙利亚大臣哈薛ē-tàng叙利亚王，这两件事后来lóng应验ā。最后一个段落特别提起「约兰在位期间，以东背叛了犹大」，这mā说明犹大ê国势已经明显衰弱。
Chit件记事应该是发生tī基哈西感染癞ko病chìn前，因为后来基哈西已经被以利沙诅咒会生长癞ko病，而且连带ê伊ê厝内人lóng仝款会长癞ko病。若án-ne，伊无可能随便出入王宫á是tī公众面前。
Koh讲，chia所提起ê七年饥荒，真可能kah第四章38节ê「全国遭遇饥荒」相关。因为án-ne，应该kā chit段经文编排tī第四章37节后面，以利沙为tio̍h beh感谢chit位书念ê妇人对伊ê好款待，kā伊讲饥荒ê日子teh beh来临， ài伊到外国去避难，án-ne，读起来会koh khah顺畅。
第1到2节，tī chia用「bat kā人讲」，表示chiah-ê记事并m̄是照年代ê前后编撰ê。以利沙kā人讲过gín-á bat hō͘伊救活起来ê书念妇女， ài她离开书念「到别ê所在去tòa」，因为书念会有七年ê饥荒。Chit-ê cha-bó͘人听从以利沙ê话，kah全家到非利士去，而且一tòa就是七年。这已经清楚说明一件事：tī社会上地位卑微ê cha-bó͘人，会听从上帝忠实奴仆先知ê话语。
第3到5节，tī he七年期间，chit-ê cha-bó͘人ê财产包括房屋kah田地lóng被人侵占。伊去见王，请求国王主持公道。就tī he ê时，看见基哈西tī国王面前，因为国王询问伊关系以利沙所行神迹奇事ê事。可见当时以利沙所行神迹已经tī以色列人民中间广为传开。Á巧ê是基哈西当teh向国王描述以利沙hō͘一个妇女ê kiáⁿ tùi死里koh活起来，tú好这书念妇女到国王hia，伊成做神迹ê见证者。
第6节，国王询问了后，命令臣仆kā属tī这书念妇女ê财产lóng还hō͘伊。
Chit件记事主要teh说明先知hō͘ in chit位书念妇女ê信息，伊lóng确实遵照去做。听从上帝忠实奴仆先知ê话，m̄-nā bē有任何损失，而且iáu会tī非常困境ê环境下，kā性命有保存落来。听从上帝忠实奴仆ê声音，就ná亲像听从上帝ê信息仝款，chit种人一定会得tio̍h上帝眷顾，chit-ê书念ê妇人就是siōng好ê见证者。
经文：列王纪下 8:7-8:15 注释:
这是有关以利沙预言叙利亚会发生政变ê事。Kui个故事ê中心经文是tī第10到11节，chit两节经文说明原本并无会因为小病来死ê叙利亚王便・哈达，却因为伊ê大臣哈薛计谋篡位而被谋刣死亡。以利沙早看出tī哈薛受命去询问以利沙有关国王便・哈达ê病况ê时，心中就已经生出篡夺王位ê计谋à。Á发生这事件ê年代是tī主前842年左右，哈薛掌叙利亚王权到主前816年。
第7到9节，真可能是kah 乃幔将军癞ko病得tio̍h以利沙治愈ê事有关，叙利亚人对以利沙ê事lóng真熟悉而且敬佩伊。因为án-ne，当伊到叙利亚去ê时，因为国王便・哈达知影了，就赶紧派大臣哈薛带贵重ê礼物去见以利沙，询问伊ê病况是m̄是会好转ê事。
第10到13节，以利沙除了kā哈薛讲叙利亚王便・哈达一定会死。M̄-koh伊ài哈薛tńg去就讲「一定会好」。续落来，以利沙却用流目屎表明另外一件事会发生，就是哈薛会继承王位，并且会是一个真残酷ê国王。哈薛否认chit件事。
第14到15节，果然，以利沙ê预言实现à。哈薛确实是一个残酷ê领导者，伊tńg来到王宫去，就用毯子kā原本iáu bē致使死ê国王hō͘活活闷死，家己就当了叙利亚王。
经文：列王纪下 8:16-8:29 注释:
Chit段经文中描述两个犹大王，其一是约沙法ê kiáⁿ约兰继任为王（第16到24节），另外一个是约兰ê kiáⁿ亚哈谢继任为王（第25到29节）。
第16到19节，chit段经文真清楚讲chit-ê犹大王约兰，是约沙法ê kiáⁿ，伊继承老父ê王位，而老父是一个真敬畏上帝ê君王，伊无kā老父ê好hō͘继承落来，反tńg是去娶一个m̄-nā会杀害先知，mā会养假先知ê以色列王亚哈ê cha-bó͘-kiáⁿ，就ē-tàng知影伊必定会受tio̍h bó͘ ê影响而弃sak上帝。这就是列王记作者所讲ê伊「做以色列诸王所做、上主看做邪恶ê事」，只因为上帝无愿意hō͘大卫ê后裔毁灭，而hō͘伊ē-tàng继续掌权。
第20到24节，chit句「约兰在位期间，以东背叛了犹大，成做独立ê国家」，就ē-tàng看出来约兰无得tio̍h上帝ê赐福，致使顶一代传承落来ê产业失去。M̄-nā以东独立，连立拿城mā失守。Chit座立拿城原本是约书亚分配给祭司khiā起ê城市（参考约书亚记廿一：13）。照历代志下第廿一章18到20节ê记载，约兰因为生一场肠病，痛苦来死。M̄-koh伊死ê时chūn，并无人为伊哀伤。
第25到27节，chit三节记载约兰死后，伊ê kiáⁿ亚哈谢继任王位。伊mā像in父亲仝款，学习北国以色列亚哈王做上帝看做「邪恶ê事」，kan-taⁿ统治一年ê时间就往生à。
第28到29节，tī亚哈王时代，bat kah约沙法有盟约，同齐beh出兵去攻打叙利亚，想kā祖先ê城市基列ê拉末夺回来，m̄-koh亚哈失败了，并且因为án-ne战死战场。chit-má换in ê后代亚哈谢也kah以色列王约何兰联合出兵，去phah哈薛。仝款ê，约何兰受伤tńg去耶斯列养伤。亚哈谢去探望伊。
经文：列王纪下 9:1-9:13 注释:
第九到十章lóng是记载有关以色列新ê王耶户被膏立ê经过，以及伊当政时代ê以色列政情。照列王记上第十九章16节ê记载，膏立宁示ê孙á耶户为以色列ê王ê chit项工作，原本是上帝ài先知以利亚去执行ê。M̄-koh先知以利亚iáu未达成chit项任务，就被接tńg来天顶à。chit-má由先知以利沙执行，而先知以利沙是派伊ê学生去执行chit项任务。
Chit章siōng主要是teh说明tī以利沙时代，上帝藉tio̍h耶户ê手，彻底kā亚哈王朝除掉，连同南国犹大kah北国以色列ê两个王，lóng因为kah亚哈有亲属关系，以及亚哈ê bó͘耶洗碧等，lóng tī同一时候被耶户hō͘除掉。这就应验ā上帝藉tio̍h先知以利亚所讲ê预言实现了（参考列王记上廿一：19、23）。
Chit段经文记载以利沙派门徒去膏立耶户为以色列王ê经过。原因是kah北国以色列王亚哈ê bó͘耶洗碧杀害上帝ê奴仆先知。因为án-ne，亚哈ê后代会为tio̍h án-ne付出代价。因为所有亚哈kah伊kiáⁿ ê chiah-ê恶质行踏lóng是「因为耶洗碧ê煽动」造成ê（参考列王记上廿一：25），特别是teh拜偶像ê事顶面koh-khah是án-ne。
第1到3节，chia所谓「少年ê先知」，指ê就是以利沙ê门徒。以利沙准备一瓶橄榄油ài伊ê学生到基列ê拉末去chhōe「宁示ê孙á耶户」，ài伊膏立耶户「作以色列ê王」，了后，就beh赶紧逃离hit所在。
第4到10节，chit-ê少年ê先知就án-ne去chhōe-tio̍h耶户，hit时耶户正kah一kóa军官teh开会。M̄-koh伊照以利沙ê吩咐，带耶户到另外一间无人ê房间，tī hia膏立耶户作以色列ê王，并对伊讲，ài伊去刣死亚哈ê kiáⁿ mā就是约何兰。Tio̍h用亚哈对待耶罗波安kah巴沙王ê家族hit种来对待亚哈ê家族。这mā说明上帝确实是会「报应」ê。其实，chit-ê少年ê先知所传达ê信息，是kā以前先知以利亚对亚哈王所讲ê话重述了一pái（参考列王记上廿一：21—23）。Mā可能tī先知「学校」训练课程中，已经kā上帝托先知所预言ê事列入了「教科书」中，列为传承使命ê功课。伊mā同时传达一个非常重要信息：chit种彻底铲除亚哈ê家族iáu koh khah包括伊ê bó͘耶洗碧在内。这少年ê先知照以利沙ê交带，完成chit项膏立kah交带ê话后，就赶紧逃离hit所在。
第11到13节，因为耶户是临时被这少年ê先知带离会议ê会场，当伊tńg来到军官会议现场ê时，其他ê军官问伊到底是甚么事？伊就kā伊被膏立为以色列王ê事kā in讲，结果，chiah-ê同事马上就kā in各自ê衫裤铺tī台阶顶面层，hō͘耶户khiā tī顶面，然后大声hoah讲：「耶户做王à！」以chit-má ê话来讲，这等于是政变。Chit种kā衫裤铺tī台阶顶面ê行动，后来tī新约福音记载耶稣骑驴á进入耶路撒冷ê时，门徒kah群众mā有类似ê举动（参考马可福音十一：7—8）。
经文：列王纪下 9:14-9:26 注释:
Chit段经文叙述耶户怎样进行叛变ê军事行动。伊hō͘以色列王约何兰lóng无防备之下，杀害约何兰，并且夺取伊ê王位。
第14到16节，chit段经文真清楚讲出耶户确定进行叛乱ê工作，而且ài拥护伊ê部下绝对bē-tàng tùi基列ê拉末离开去耶斯列通风报信。Á hit时，ná亲像第八章28到29节所提起ê，约何兰因为kah叙利亚相战受伤，当teh耶斯列疗伤，而犹大王亚哈谢因为kah以色列ê约何兰联盟出兵，因为án-ne，伊tú好mā去探望。
第17到20节，当耶户亲自率领军队前往耶斯列城ê时chūn，守望台顶ê守卫看tio̍h，就赶紧提出警告。Á约何兰听tio̍h了后，随时派出骑兵去了解。结果chit-ê骑兵并无tńg来，因为被耶户收留了起来。Mā就是耶户m̄ hō͘ chit-ê出来了解实况ê骑兵tńg去通风报信。就án-ne守卫感觉奇怪，koh再警告。约何兰koh一pái派出第二个骑兵出城去了解实况，chit-ê去ê人也kah第一个仝款。Chit-ê守卫者koh一pái警告。因为这表示若m̄是死tī敌方ê手里，就是hō͘俘虏，若无，就是加入敌方ê行列。Chit-ê守卫非常尽责地提出koh khah清楚ê警告，讲：「hit队人ê首领kah-ná痟ê赶车，真亲像耶户。」
第21到22节，约何兰一听chit-ê消息，随时表示家己亲自去了解到底耶户—伊ê部下，án怎会án-ne。而且亚哈谢mā tòe乘tio̍h家己ê马车陪同前往。当in遇tio̍h了耶户ê时，问耶户是m̄是带来平安？耶户真清楚表示国家乱象一大堆，人民都无平安ê生活。
第23到26节，chit时chūn，约何兰chiah清楚原来耶户叛变à。因为án-ne，伊一面逃，一面向亚哈谢喊叫，讲「反了」，表示这是叛变，ài亚哈谢赶紧逃离。M̄-koh当约何兰teh逃离ê时，耶户用尽所有ê气力，射出弓箭，就án-ne射中伊ê背部，穿过心脏。就án-ne约何兰死tī伊ê马车上。耶户下命令ài部下kā约何兰ê尸体tàn tī拿伯ê田里，这tú好应验ā先知以利亚当年对亚哈所讲ê话（参考列王记上廿一：19）。
经文：列王纪下 9:27-9:37 注释:
Chit段经文记载犹大王mā同时被耶户杀害，而亚哈ê bó͘耶洗碧仝款死去。而且伊ê死mā应验ā先知以利亚所预言ê，就是「狗ài tī耶斯列食伊ê尸体」（参考列王记廿一：23）。这lóng tī说明一点：上帝会报应，绝对会。
第27到29节，chit段经文记载耶户并无hō͘亚哈谢逃离，伊iáu-koh tui-jiok伊，并且下命令部下kā亚哈谢刣死。结果tī靠近以伯莲ê所在，亚哈谢被射成重伤，m̄-koh伊并无停止，却是继续奔驰，直到米吉多城chiah死tī hia。伊ê臣仆kā伊ê尸体运tńg来耶路撒冷，葬tī王室坟墓内。亚哈谢chiah统治犹大一年ê时间而已。
第30到31节，耶户一到耶斯列，耶洗碧mā听tio̍h了所发生ê事，知影耶户叛乱，而且杀害伊ê kiáⁿ约何兰，kah伊ê亲戚犹大王亚哈谢。因为án-ne，心内mā清楚知影，叛将必定会来杀害伊。因为án-ne，伊iáu-koh打扮得真好看，tī王宫ê窗口，看见耶户就大声叫讲：「你chit-ê心利，弑君ê凶手！你会带来平安mah？」伊故意用「心利」来称呼耶户，就是因为心利bat杀害以色列王以拉，篡夺了王位（参考列王记上十六：10）。耶洗碧用「你chit-ê心利」来称呼耶户，意思真清楚koh明显，表示伊是一个杀害君王篡夺王位ê人。
第32到33节，耶户一听，就beh王宫拥护伊ê人，就用实际行动表现出来，kā耶洗碧扔落来。果然，有两三个宫廷官员就kā伊扔出窗外丢了落去，就án-ne耶洗碧死去。耶户赶马车滚过伊ê尸体，表示痛恨入骨。
第34到37节，án-ne，耶户已经完全除掉了耶洗碧kah伊ê残余份子，mā除掉了亚哈王朝ê亲人，伊进入王宫，这表示伊政变成功，正式成做以色列ê王。Chit时chūn，伊下命令kā耶洗碧ê尸体埋à。M̄-koh hiah-ê准备去收埋ê人回报讲，只有chhōe-tio̍h耶洗碧ê头骨kah手骨，这tú好应验ā先知以利亚当年对伊讲ê警语（参考列王记上廿一：23）。
经文：列王纪下 10:1-10:17 注释:
Chit章继续teh描述耶户得tio̍h北国以色列ê领导权了后，继续tùi耶斯列前往首都撒马利亚，并kā亚哈所有ê kiáⁿ孙lóng除掉，并且mā kā tī路上tú-tio̍h ê南国犹大亚哈谢之亲戚mā仝款刣死。然后伊koh khah进一步kā hiah-ê随从亚哈去拜偶像神明ê人民，以及神庙等偶像神明lóng摧毁。Chit种背叛、篡夺王位者，会kā前朝王家ê家族、亲戚lóng杀害ê行为，tī古老社会时代一点mā不稀奇。因为chit种背叛者往往会有一种思维，认为若是无án-ne做，chiah-ê家族人员mā会设法夺回王权，然后采取报复ê行为。
Chit段经文是耶户kā所有kah亚哈有关ê亲人全部lóng杀害ê经过。因为耶户政变ê时，人是tī基列ê拉末城，iáu未进入以色列首府ê撒马利亚城。如果beh真正统治北国以色列就一定tio̍h进驻首府。因为án-ne，伊先发出讯息hō͘所有tī撒马利亚ê达官显要，ài王室ê众将领、大臣lóng得表态支持甚么人做王。因为伊弑王篡位ê事件已经震撼了宫廷，因为án-ne，无人敢表示反对，原因是拥护耶户做王ê势力已经真明显，任何反抗á是不顺从伊ê人lóng会有真惨ê落场。因为án-ne，大家纷纷表态支持伊，并遵从伊下ê命令，kā所认bat ê亚哈亲族ê人lóng刣死。
第1到3节，chit时ê耶户尚且tī耶斯列，伊准备ài进入首都撒马利亚。M̄-koh首都有亚哈王朝ê御林军看守。伊就写phoe hō͘ chiah-ê城内ê众领袖，包括领袖（军事将领）、长老（民间代表）、亚哈kiáⁿ孙ê监护人（亚哈kiáⁿ孙ê老师）等。伊tī phoe中ài in tùi亚哈ê亲戚中选出能干者出来做王。其实，chit种信tú好反应出耶户是一个真有政治手腕ê人。因为伊刣死亚哈ê kiáⁿ约何兰王ê事，早to̍h震撼了全国，特别是首都撒马利亚。因为án-ne，看bat这信ê人lóng知影，耶户并m̄是ài in推荐，却是ài in公开表态是m̄是支持伊做王。
第4到5节，撒马利亚城内ê chiah-ê达官显要当然真清楚政治ê现实面，因为án-ne，大家lóng纷纷回应耶户ê信，in向耶户表态全力支持，而且愿意服从伊ê一切指令，对伊忠诚。
第6到7节，chiah-ê人既然表态beh服从，耶户就ài in kā亚哈ê「七十个kiáⁿ孙」全lóng刣死，而且为tio̍h beh证明确实án-ne做，koh kā chit七十个人ê头lóng phut落来送到耶户hia。这已经清楚说明chiah-ê人为tio̍h要求生存，只好跟tòe耶户背叛in过去所扶持ê亚哈王朝。
第8到11节，就án-ne，耶户kā chiah-ê杀害亚哈kiáⁿ孙ê责任全lóng承揽落来。伊并且kā亚哈tī「耶斯列ê亲属、官员、亲密ê朋友，kah祭司，lóng总刣了了，一个mā无留落来」。这tú好应验ā先知以利亚hō͘亚哈ê信息（参考列王记上廿一：21）。
第12到14节，chia讲「犹大王亚哈谢ê几个亲属」，beh去向耶洗碧太后ê众太子kah王其余ê厝属请安」，这是「亚哈谢因为婚姻ê关系，成了亚哈王ê亲戚」（参考列王记下八：27）。Tī铲除了所有亚哈王朝ê人马、亲族了后，耶户就放心地前往首都撒马利亚，准备去接收王权。Tī路上tú-tio̍h南国犹大王亚哈谢ê亲戚，in因为mā是属tī亚哈bó͘耶洗碧ê亲族，m̄-koh in iáu未得tio̍h耶户当teh全力铲除亚哈亲族ê消息，想beh去耶斯列探望亚哈ê亲族。因为耶户mā kā亚哈谢王hō͘杀害，chiah-ê人必定iáu未得tio̍h消息。因为án-ne，耶户tī chia下命令hō͘伊ê部下，ài in kā chiah-ê lóng刣死，这「四十二人」tī前往耶斯列ê途中全部lóng遇tio̍h杀害，「一个mā无留落来」。
第15到17节，chia提起「利甲ê kiáⁿ约拿达」，这是以色列民族中属tī非常保守ê一个家族。当约拿达得tio̍h消息耶户来到伊ê所在，伊就去迎接并且请安。耶户问伊是忠诚tī伊。伊表示绝对忠诚。因为án-ne，耶户就beh伊上车同齐去撒马利亚，hō͘约拿达亲目看tio̍h伊怎样铲除亚哈ê亲属「一个mā无留落来」。
Án-ne，无论tī tó位，只要是亚哈ê亲属ê人，lóng全部被耶户刣了了à。
经文：列王纪下 10:18-10:36 注释:
Chit段经文是记载耶户开始进行铲除亚哈时代所建立ê巴力神明崇拜，伊tāi先下手处置ê对象，是hiah-ê kā巴力当做真神崇拜ê人民，有淡薄á有thâi鸡儆猴ê用意在内，beh hō͘ hiah-ê想beh拜巴力ê人民懔neh。
第18到21节，作者真清楚讲耶户用「计谋」，为tio̍h是beh「刣死所有拜巴力ê人」。因为án-ne，伊ài撒马利亚城内所有巴力ê信徒，特别是巴力ê先知、祭司等人lóng一定tio̍h出席。耶户是假做讲khah强化对巴力崇拜ê信仰，ài顶面所讲chiah-ê人一定lóng得出席。就án-ne，chiah-ê巴力ê先知、祭司、众信徒lóng聚集到巴力神庙。
第22到24节，耶户带利甲ê kiáⁿ约拿达mā进入巴力神庙中，koh一pái进行宣告，只有拜巴力ê人chiah thang tī庙宇内，而且为tio̍h防止滥刣无辜ê之故，伊特别命令chiah-ê信徒、祭司、众先知lóng一定tio̍h穿祭祀巴力神明ê时ê衫裤，来当做辨识ê路用，因为伊已经埋伏了八十个杀手，准备ài杀害chiah-ê人。Á伊kah约拿达则假做带头祭拜巴力。
第25到27节，果然，当伊kah约拿达tī祭祀典礼结束了后出来，就下命chiah-ê杀手进入庙内kā所有ê人lóng刣死。并且进一步kā所有ê神像lóng搬出来烧毁。
其实mā thang án-ne了解：耶户chit种残酷ê大屠杀动作，mā同时削弱了以色列ê国力，因为必定有真chē菁英mā tī chit pái ê屠杀中丧失性命。后来耶户ê chit种大屠杀行为被先知何西阿严厉谴责。先知何西阿传出上帝ê信息讲：「Kā 伊号名叫做耶斯列；因为koh 一时á，我beh 办耶户ê 家tī 耶斯列刣人流血ê 罪，mā beh hō͘ 以色列 ê 子民 ê 国无去。(全民版)」（何西阿书一：4）原因可能是因为上帝以耶户当做惩罚耶洗碧ê恶行，m̄-koh，耶户并无好好á执行「上帝ê律法」，后来伊mā变了心像耶罗波安仝款带领人民弃sak了上帝，去拜偶像。
第28到31节，虽然耶户铲除了巴力偶像神明ê崇拜，m̄-koh家己却无先洁净家己，hō͘家己重头tńg来耶和华上帝ê面前，伊是用开国元老耶罗波安ê模式，继续带领人民拜金牛，其实chit种金牛崇拜kah伊所铲除ê巴力神明是仝款ê，lóng是迦南人所看做生产ê神。因为án-ne，上帝并无应允hō͘伊ê后裔永远统治北国以色列，却是只有到第四代。
第32到36节，一pái政变后就开始大屠杀人民，对一个社会、国家、民族来讲，并m̄是正确ê行为，一定会hō͘真chē无辜ê人受害，mā ē-sái真chē有识之士噤若寒蝉。Ná亲像先知阿摩司所讲ê：：「通达ê 人看tio̍h chit 款时势，伊会恬恬无讲话，因为时势真bái。(全民版)」（阿摩司书五：13）头前讲过，chit种大屠杀ê结果，就是国势衰弱落来。Chia讲上帝缩小了北国以色列ê版图。Tī约旦河东岸ê土地，真chē所在被叙利亚占领。耶户就án-ne统治了北国以色列长到「二十八年」时间。
经文：列王纪下 11:1-11:16 注释:
第十一到十二章是绍介犹大王约阿施被按立，以及伊执政ê情景。Á第十一章mā是非常特别ê一章，特别提起犹大宫廷内太后亚伊利雅夺权ê经过，以及祭司耶何耶大án怎庇护kah按立年轻ê王子约阿施ê情景。
这是一段犹大王室政变夺权ê残酷记事，描述亚哈谢王ê母亲亚伊利雅亲手beh毁坏王室ê基业。Mā thang án-ne讲，伊想beh夺取王位，重建敬拜巴力神明ê宗教信仰。Chit点tú好kah耶户teh进行ê摧毁偶像崇拜ê工作完全颠倒。耶户会án-ne摧毁亚哈ê kiáⁿ约何兰王朝，除了夺取王位外，iáu有一个主要目的，就是beh重建耶和华宗教ê信仰。因为án-ne，伊tī各地刣死敬拜巴力神明ê重要干部，并且毁坏巴力神明ê殿。所以，当亚哈谢ê母亲亚伊利雅（mā是亚哈ê cha-bó͘-kiáⁿ），一伊听tio̍h家己ê kiáⁿ被刣死后，伊ê第一个反扑行动，就是先采取报复手段――剿灭犹大王室。M̄-koh，杀戮ê行为kan-taⁿ会带来koh-khah chē ê报复á是杀戮，亚伊利雅最后mā是hō͘刣。
第1到3节，亚伊利雅听tio̍h家己ê kiáⁿ被刣了后，第一个反应是反扑，伊下令处死「犹大王室全家」，好佳哉「亚哈谢ê kiáⁿ约阿施」chiah kan-taⁿ只有出世无jōa久，姑妈约示芭救了伊，kā伊匿tī「圣殿ê一间寝室」，chiah hō͘性命会保全落来，án-ne chiah达六年ê时间。
第4到8节，当约阿施七岁ê时，大祭司耶何耶大ài所有王室警卫kah王宫护卫官员lóng tī圣殿里chiù-chōa，ài in用性命保护约阿施ê安全。不准有任何人企图接近chiah年七岁ê王子约阿施。
第9到12节，照规定，军队进入圣殿bē-tàng带武器。因为án-ne，当chiah-ê王室侍卫军进入圣殿保护约阿施ê时，王室官员就the̍h当年大卫存khǹg tī圣殿理ê武器hō͘ chiah-ê侍卫，好保护尚且幼年ê王约阿施。然后耶何耶大就tī圣殿里膏立约阿施为犹大ê王，kā王冠戴tī约阿施ê头壳顶。因为是耶何耶大扶持伊做王，因为án-ne，耶何耶大对王ê影响力mā真深，伊mā thang讲是「垂帘听政」ê一位祭司。
第13到14节， 当亚伊利雅一听tio̍h耶何耶大膏立约阿施为犹大王ê时，伊第一个反应是大喊「造反了」。这当然表示伊掌权七年ê王朝taⁿ大势已去。
第15到16节，耶何耶大下令kā亚伊利雅tī王宫外面刣死，结束伊篡夺王位统治ê年代。
经文：列王纪下 11:17-11:21 注释:
Chit段经文简略讲述耶何耶大带领犹大人民重头tńg来敬拜上帝，并且当约阿施政权ê决策者。
第17到18节，耶何耶大带领约阿施kah人民kah上帝立约，「beh做上主ê子民」，chit句话真清楚teh表明大祭司耶何耶大带领犹大人民重新tńg来到上帝ê怀抱。M̄-nā清除巴力祭坛，mā kā hiah-ê巴力ê祭司马坦刣死。
第19到21节，当一切就绪了后，耶何耶大kah王宫侍卫lóng护送chiah年纪kan-taⁿ七岁ê约阿施tńg来到耶路撒冷，坐上宝座，接受人民ê庆贺。当然chit时chūn ê摄政权lóng落tī大祭司耶何耶大ê手里。
经文：列王纪下 12:1-12:8 注释:
Chit章记载犹大王约阿施执政ê经过，仝款ê记事，mā记载tī历代志下第廿四章。作者主要teh说明大祭司耶何耶大辅政ê时代，lóng带领犹大人民对上帝忠实。Á历代志作者则强调tī耶何耶大往生后，约阿施王就弃sak上帝，koh tńg去拜巴力了，tùi chia mā thang知影列王记作者会tī chia为甚么会讲，当叙利亚王哈薛率兵来攻打耶路撒冷ê时，约阿施就赶紧kā圣殿里所积存ê财宝lóng当做礼物送hō͘叙利亚王哈薛ê原因。
Chit段经文描写约阿施命令众祭司beh kā人民办理献祭ê钱，lóng存起来准备当做整修圣殿ê路用。
第1到3节，chia一开始就讲约阿施共计统治犹大40年，这表示伊tī 47岁ê时就因为被杀害而往生（第21节）。作者讲伊「一生做上主认为对ê事」，原因是伊自细汉就有大祭司耶何耶大「教导伊」。可惜ê是去除偶像崇拜ê工作并无彻底斩草除根，m̄-koh这mā说明拜偶像ê行为，已经深化tī犹大ê以色列人民性命里。
第4到5节，约阿施有意修建圣殿，因为án-ne，伊下令所有祭司一定tio̍h好好á保管tio̍h人民献祭ê时缴交ê费用，á是圣殿税，á是奉献hō͘祭司ê钱。
第6到8节，m̄-koh经过一段时间，整修工程iáu-koh无进展，chit时chūn，约阿施要求所有祭司kā整修圣殿ê钱lóng缴交出来，伊准备ài kā整修圣殿ê工作由王室来接手。
经文：列王纪下 12:9-12:21 注释:
Chit段经文描述整修圣殿ê工作，以及叙利亚王哈薛出兵beh来攻打犹大耶路撒冷ê情形，以及约阿施ê回应方式。
第9到12节，chit段经文说明大祭司耶何耶大怎样带领众祭司kā犹大以色列人民奉献ê钱，收存起来，并清楚点交hō͘王室整修圣殿ê负责人，然后主管整修圣殿ê人，kā chiah-ê钱用来支付hō͘所有整修工程ê人ê工资。
第13到14节，chit两节真清楚讲出犹大以色列人民奉献ê钱，除了支付工资kah买整修用ê材料外，并无用来购置新ê器具，包括碗、银杯、号筒，á是其他金银器皿。
第15到16节，chia讲kā奉献hō͘圣殿ê钱，kah hō͘祭司ê钱分别清楚，而且所有工程人员lóng非常诚实、可靠，因为án-ne hō͘ chit项整修工程进行得非常顺利。
第17到19节ê背景，如果对照历代志下第廿四章17到22节，就会明白为甚么比犹大国势khah弱ê叙利亚敢来侵略，原因是因为tī祭司耶何耶大往生后，无人敢监督国王约阿施，致使伊身边多了真chē引诱伊去敬拜巴力偶像神明ê人，虽然上帝派先知去警告伊kah chiah-ê幕僚，m̄-koh显然地，约阿施kah伊身边ê人lóng m̄听从。上帝ê灵就支配大祭司耶何耶大ê kiáⁿ撒迦利亚去公开警告。结果约阿施tùi敬拜上帝、听从上帝奴仆ê话ê君王，反tńg变成杀害上帝奴仆撒迦利亚ê君王，伊就tī圣殿ê庭园里用石头kā撒迦利亚活活phah死。因为án-ne，上帝无koh赐福伊，m̄ kah伊同在。列王记作者tī chia讲叙利亚王哈薛率兵攻打非利士人ê城市迦特了后，随时转兵来攻打犹大，结果犹大phah败仗，只好kā圣殿宝库里所有ê金子当做「礼物送hō͘哈薛王」，chiah hō͘哈薛带兵撤离耶路撒冷tńg去。
第20到21节，chia讲约阿施ê手下阴谋反叛。Kā伊刣死。照历代志下第廿四章23到27节ê记载来看，in两人杀害约阿施了后，犹大人民并无kā约阿施葬tī王室坟墓内，却是葬tī耶路撒冷城里，而且反叛ê军官，一位是亚扪妇人ê kiáⁿ撒拔，另外一位是摩押妇人ê kiáⁿ约萨拔。列王记作者是讲约阿施是tī伊带军队kah叙利亚军队交战失败撤退ê时，hō͘伊手下ê两名军官刣死，这两名密谋反叛ê军官，一位名叫约撒甲，另外一位名叫约萨拔。为tio̍h是beh报复伊谋害撒迦利亚ê事件。伊死后，伊ê kiáⁿ亚玛谢继承伊ê王位。
经文：列王纪下 13:1-13:13 注释:
Chit章主要lóng是记载北国以色列王约哈斯统治以色列ê时代，伊án怎带领以色列人民归向上帝。M̄-koh以色列人民都无完全弃sak拜偶像ê行为，以及约哈斯死后，伊kiáⁿ约华施继承王位后ê情景。另外有一部分，是记载以利沙活teh ê末期讲出预言以色列王约华施会面对ê国政大事。
Chit段经文描写北国以色列君王约哈斯统治下ê情形。因为伊做上帝看做邪恶ê事，因为án-ne，失去上帝ê赐福。后来伊有改变认罪，祈求上帝带领，而hō͘以色列人民thang得tio̍h上帝赦免而享受太平ê日子。
第1到2节，chia koh一pái出现列王记作者不时用ê句话，讲一个无好ê君王就是「做上主看做邪恶ê事」，mā就是带领人民「犯罪」，无弃sak拜偶像ê行为（第2、6节）。作者用chit种句话teh描述国王无好好á带领人民敬拜上帝，反tńg是带领人民去敬拜偶像神明，hō͘人ê心灵堕落，弃sak了上帝。这就是犯罪ê记号。
第3到6节，列王记作者ê观点，就是国家会tú-tio̍h灾难，就是kah君王带领人民弃sak上帝，去拜偶像神明ê事有关，当然这是tùi宗教信仰ê基础切入看国家、社会ê事务，m̄是tùi政治、军事ê角度看。因为án-ne，chia会讲上帝对以色列人民发出「大受气」当做惩罚ê方式，就是hō͘叙利亚王哈薛，以及伊ê kiáⁿ便・哈达前后率兵来攻打北国以色列，并且用「残暴ê手段压迫以色列人」。Chit时chūn，约哈斯chiah想tio̍h beh tńg来走chhōe上帝，上帝mā垂听伊ê祈祷，「上主赐hō͘以色列一个解救者」，却无说明chit位「解救者」是甚么人，真可能有三个人选；一是亚述ê国王亚大得尼拉利三世，伊tī主前806 kah 804年攻打大马士革，致使叙利亚腹背受敌，赶紧tùi以色列撤兵。二是以色列王约哈斯ê kiáⁿ约华施（第25节）。三是耶罗波安二世，伊是一位非常有成就ê以色列王。因为ē-tàng phah败叙利亚军队ê侵犯，chiah致使北国以色列人民会得thang像以前仝款，安享太平。Ē-sái讲是chit种安享太平ê日子并m̄是真长，原因是以色列人民已经习惯崇拜偶像神明。因为án-ne，tī首都撒马利亚iáu-koh保存「亚舍拉女神ê像」。
第7到9节，chia讲叙利亚王消灭了约哈斯ê军队，hō͘伊只chhun「五十个骑兵，十辆马车，一万步兵」，chit-ê数目比起伊ê祖先亚哈时代有过两千辆战车，以及tī一日之内就消灭了叙利亚军队十万步兵（参考列王记上二十：29）ê实力相比，真是无法度比并。chit-má ê北国以色列ē-sái讲是只有简单ê王室护卫能力，无所讲ê「国防」thang讲。约哈斯统治北国以色列十七年ê时间。伊死后伊ê kiáⁿ约华施继任伊ê王位。
第10到13节，仝款ê，约华施统治北国以色列长到十六年时间，m̄-koh伊仝款，mā是「做上主看做邪恶ê事」，chit种君王lóng是上帝所讨厌ê对象。第12节是值得注意ê一节，chia讲：「伊tī战场上对抗犹大王亚玛谢ê英勇事迹，一一记载tī以色列王史上。」可惜列王记都无留落来清楚资料，说明为甚么约华施治国时代，为甚么会发生kah南国犹大亚玛谢执政ê时ê冲突。M̄-koh thang看出南北两国有冲突，这并m̄是甚么新鲜事。
经文：列王纪下 13:14-13:25 注释:
这是旧约圣经记载有关以利沙最后一段ê经文。有关以利沙死后ê骨骸有特殊能力，是teh说明伊虽然无亲像伊ê老师先知以利亚仝款肉体升天，m̄-koh，伊ê肉体虽然埋葬了，却iáu有「神力」出现，表示出先知kah上帝之间特殊ê关系。Chit段经文mā是成做后代朝圣者络绎不绝地去以利沙埋葬坟墓ê主要因素。
第14节，tùi第八章记载有关以利沙ê记事后，就无koh出现以利沙ê事迹，直到chia重新出现，mā说明tī以色列历史里先知运动中，以利沙ê影响力thang讲和先知以利亚并驾齐驱。Chia讲以利沙「患tio̍h绝症」，tī伊teh要临终chìn前，约华施去探望伊，并且teh哭teh-hoah：「我父ah，我父ah！以色列坚强ê保护者ah！」tùi chit句话mā thang看出约华施kah以利沙之间有真亲密ê关系。Mā同时讲出以利沙ê气力，chiah是真正保护北国以色列ê基础。因为tī伊身上真有上帝ê能力kah伊同在。而且chit种力量khah赢过军队。
第15到17节，tī伊临终chìn前，iáu继续对来探望伊ê以色列王约华施讲出预言。这方式是透过用弓箭射箭ê方式，hō͘约华施知影，伊ê军队thang赢过叙利亚人ê侵犯，并且thang tī亚弗攻打叙利亚人，直到kā in灭绝。
第18到19节，chit两节以利沙ài约华施用箭phah地上，m̄-koh因为约华施只有phah三pái，因为án-ne，以利沙mā hō͘约华施知影，伊原本只要phah五、六pái，就ē-tàng完全消灭叙利亚人ê，m̄-koh却因为约华施无全力以赴，结果只有ē-tàng phah败in，并无能力完全灭绝in。
第20到21节，chit两节真特别，mā ē-sái讲是旧约圣经中siōng特别ê所在，就是以利沙死去，被埋葬à。Ē-sái讲是当有人kā死去ê尸体hiat到以利沙ê坟墓中，触(tak)tio̍h到伊ê骸骨，结果却发生chit-ê触(tak)tio̍h，hō͘死去原本准备埋葬ê死人，却因为án-ne而koh活起来。Mā因为án-ne，后来伊埋葬ê坟墓反而成做以色列人民欢喜朝圣ê所在，可能是希望藉tio̍h去朝圣，hō͘家己ê身躯也ē-tàng得tio̍h神奇ê医pah。
第22到23节，当以色列王约哈斯执政时代，叙利亚王哈薛不时侵犯北国以色列，m̄-koh lóng因为上帝ê恩典，chiah hō͘北国以色列ē-tàng有能力抵挡叙利亚ê侵犯。列王记作者讲，这纯粹是上帝ê恩典，因为上帝无愿意看见家己ê选民被欺负、受苦，ná亲像他以前透过摩西带领受苦ê以色列人民脱离埃及ê管辖仝款。
第24到25节，chit两节应验ā第18到19节以利沙对约华施ê预言。
经文：列王纪下 14:1-14:22 注释:
Chit章记载两件事，一是有关犹大王亚玛谢执政ê情景，仝款ê chit段记事，mā thang参考历代志下第廿五章。二是有关北国以色列王耶罗波安二世治理长到四十一年ê政情。
Chit段经文是记载有关南国犹大王亚玛谢执政后ê事迹。伊ê结局kah伊ê老父约阿施ê遭遇仝款，lóng是hō͘暗刣死去。这mā显示了政情bē稳。特别是当伊决定带兵出击北国以色列ê时，m̄-nā无phah赢，颠倒，是hō͘北国以色列王约华施phah败，而且耶路撒冷城墙被拆一大道，圣殿kah王宫中ê财宝lóng被劫洗一空，而且有人受掠，包括王亚玛谢在内，这thang讲真是悲惨ê结局。
第1到4节，亚玛谢tī「二十五岁ê时chūn」继承老父约阿施ê王位，共计统治耶路撒冷长到「二十九年」时间，án-ne，伊死ê时是五十四岁。作者tī chia讲伊「做上主认为对ê事」，m̄-koh却「无亲像伊ê祖先大卫王」，因为大卫王tī敬畏上帝ê事顶面忠心耿耿。即使家己ê kiáⁿ叛变伊，而且想杀害伊，m̄-koh，伊无因为灾难来临，就会失去对上帝ê信心。亚玛谢是学习老父约阿施，对宗教信仰并无坚持，因为án-ne，hō͘人民继续拜偶像。
第5到6节，chit两节讲亚玛谢巩固了政权了后，就决定处决hiah-ê「刣伊父王ê臣仆」（参考十二：20—21）。M̄-koh伊遵行摩西律法ê规定，无kā父母所犯ê罪责，追究、牵连到in ê kiáⁿ身上（参考申命记廿四：16），却是甚么人犯罪，甚么人承担被惩罚ê责任。
第7节，chit节讲出亚玛谢治理之下南国犹大ê军事实力，ē-tàng kā以东人制服tī统治之下。Tī伊治国之期，m̄-nā重整军队有三十万名精兵，而且koh开了「三千四百公斤银á tùi以色列雇来十万军队」（参考历代志下廿五：6）。M̄-koh后来上帝差遣先知去对亚玛谢讲，不ài伊雇用chiah-ê十万名以色列士兵，因为只要有上帝同在就有够。伊chiâⁿ实听从先知ê话。Mā真如先知ê预言，伊ê军队phah败以东，收复了祖先约兰执政时代所遗失ê以东（参考列王记下八：20—22）。
第8到10节，chit三节记载亚玛谢准备出兵攻打北国以色列，到底是甚么原因，m̄-koh tī历代志下第廿五章14到16节有一段真重要ê记事，说明亚玛谢phah败以东人了后，却kā以东人所拜ê偶像神明带tńg来烧香叩拜。为tio̍h chit件事，上帝ê先知去警告伊，m̄-koh伊却无听从先知ê话，反tńg恐吓讲beh刣死hit-ê先知，结果hit-ê先知讲上帝决定beh消灭伊。Chit段经文讲当亚玛谢决定beh出兵以色列ê时，以色列ê王约华施会讲寓言，伊所讲ê寓言故事有ná teh说明「草猴捕蝉，黄雀在后」ê道理，意思是别认为ē-tàng phah赢以东就骄傲起来，iáu m̄知tio̍h满足，认为家己真了不起。若chit-ê定会失败。
第11到14节，亚玛谢果然心高气傲，m̄听苦劝。Chiâⁿ实出并去phah以色列，结果兵败如山倒hit种严重。以色列军队m̄-nā俘虏了伊，mā俘虏了真chē人做人质带tńg来以色列，甚至以色列军队进攻到耶路撒冷，koh kā以法莲门ê城墙拆毁一大段，koh侵入圣殿、王宫搜刮了真chē金子、银á，kah用具。
第15到16节，chit两节记载北国以色列王约华施往生，伊ê kiáⁿ耶罗波安二世继位。
第17到18节，自从败hō͘北国以色列约华施了后，亚玛谢治理之下ê南国犹大就成做北国以色列ê附庸国。Chit段期间伊koh活了十五年后死去。
第19到22节，ná亲像头前提起过ê，亚玛谢ê晚年境遇kah in父亲约阿施仝款，lóng是遇tio̍h谋刣死去。Tī第19节并无说明甚么人谋刣亚玛谢，不过可能kah圣殿ê祭司有关，若无，就是保守派ê人。虽然伊bat逃到「拉吉城」去避难，m̄-koh凶手iáu是仝款tui-jiok过去kā伊刣死。伊ê kiáⁿ乌西雅继承伊ê王位。伊ê能力bē-bái，收复了所罗门时代用来扩充海外贸易ê港口以拉伊（所罗门时代kā它称做「以禄」，参考列王记上九：26）。
经文：列王纪下 14:23-14:29 注释:
Chit段记载有关耶罗波安二世ê事迹，虽然真简短，ē-sái讲是如果tùi先知阿摩司kah先知何西阿ê作品就thang看出，耶罗波安二世ê时代，ē-sái讲是以色列王国自分裂以来，siōng有成就ê一位国王，mā是北国以色列自分裂后，siōng辉煌ê时代。Tī伊任期长到四十一年内，对kui个以色列国ê军事、经济、政治lóng有真大ê「贡献」，甚至有以色列人kā伊当做「拯救者」看待。
第23到25节，作者一开始就讲chit位耶罗波安二世「做上主看做邪恶ê事」，he就是「带领以色列人犯罪」。
Tùi第25节就thang看出耶罗波安二世tī军事上ê成就，收复了真chē过去祖先所失落ê土地，伊ê成就远比伊以前ê祖先lóng tio̍h koh khah令以色列人民怀念。
先知阿摩司形容伊hit-ê时代ê贵族是「困tī象牙ê床顶，靠tī安乐椅上享福，食嫩牛kah肥羊ê筵席」（参考阿摩司书六：4），就thang看出tī耶罗波安二世时代经济繁荣ê景象。
注意一下第25节所提起ê先知约拿，这kah约拿书中ê hit位「逃亡ê先知约拿」并m̄是仝一个位。
第26到27节，chit两节讲tio̍h耶罗波安二世虽然「做上主看做邪恶ê事」，m̄-koh上帝iáu是藉tio̍h伊来拯救以色列人民。作者ê重点是tī第27节所讲ê，对他ê选民有无比ê疼，mā希望藉án-ne ē-tàng帮助in复兴国家，ē-tàng hō͘以色列人民晓悟过来，因为「上主无愿意以色列人永远灭绝」。M̄-koh，上帝iáu是失望了，这mā是后来以色列亡国tī亚述帝国ê原因。
第28到29节，tī耶罗波安二世统治下ê北国以色列，真正是真有实力，m̄-nā phah败叙利亚kah黎巴嫩ê哈马，lóng重新归顺tī伊治理之下。伊死去了后，伊ê kiáⁿ撒迦利雅继承伊ê王位。
经文：列王纪下 15:1-15:7 注释:
Chit章主要lóng是teh记录北国以色列政情动荡ê情景，包括有撒迦利雅王（第8到12节）、沙龙王（第13到16节）、米拿现王（第17到22节）、比加辖王（第23到26节），以及比加王（第27到31节）等。其它第1到7节是记载犹大王乌西雅，以及第32到38节有关约坦王ê记事。
因为犹大王乌西雅执政ē-sái讲是南kah北两国历任国王在位siōng久长ê一位，长到五十二年时间，伊一个人执政时间thang抵得上北国以色列kúi-nā位国王。这mā表示tī乌西雅王执政ê时期，犹大国ê政局ē-sái讲是非常稳定ê，这无论是过去á是chit-má ê国家来讲，lóng是真重要ê基础。
有关乌西雅王ê事迹，tī历代志下第廿六章mā有详细记载chit位国王所做ê各项事迹。Tī中文《和合本》ê记载，kā乌西雅ê名用「犹大王亚玛谢ê kiáⁿ亚撒利亚登基」，m̄-koh tī历代志则写做「乌西雅」。《现代中文译本》无论是在列王记chia，á是tī历代志lóng是用「乌西雅」。照历代志作者ê资料，伊确实是一个真有成就ê君王，包括：phah败非利士人，hō͘亚扪人向伊降服、进贡，开挖水井，鼓励人民开垦土地种植葡萄园，并且强化国防力量。不过却mā因为国家强盛，心内开始骄傲起来。因为对圣殿ê祭司不敬，kā原本只有祭司chiah thang做ê祭祀工作，家己担当。结果致使癞ko病，mā因为án-ne hō͘伊无法度koh再进入圣殿敬拜上帝，国政是由伊ê kiáⁿ约坦负责。
第1到2节，「以色列王耶罗波安二世在位ê第廿七年」，chit年大约是tī主前767年。当时伊乌雅王是「十六岁」，前后共计执政「五十二年」，chiah-ni̍h久ê时间，是tùi主前792年开始起算是伊kah老父亚玛谢同齐执政，直到主前767年开始，这年伊独自执政是到740年止。
第3到5节，tī第3节chia讲乌西雅效法in父亲亚玛谢ê模样，「做上主认为对ê事」，chit句话mā thang对照第十四章3节。可惜，就是无kā犹大境内以色列人民崇拜偶像ê事完全除去。头前已经有提起过，乌西雅王ê成就真大，m̄-koh却mā因为án-ne而骄傲起来。历代志下第廿六章16到21节记载伊擅自进圣殿tī香坛顶烧香，而这是只有大祭司chiah thang进入ê所在，虽然当时有亚撒利亚祭司带八十个祭司去阻止伊，并且提出警告。伊却tī圣殿香坛ê所在对chit群祭司发大怒，结果就出现癞ko。列王记chia讲伊「一生受这病ê纠缠」，国家大事只好交由伊ê kiáⁿ约坦处理。第5节chia所讲ê「tòa tī家己ê行宫」，意思是teh指伊已经因为患有癞ko病ê缘故，被隔离出来à（参考利未记十三：46）。
第6到7节，就án-ne，乌西雅直到死去ê时chūn，lóng是tī癞ko病ê纠缠下过日子，ē-sái讲是非常痛苦。伊ê kiáⁿ约坦继任伊ê王位。Á约坦tī主前750年就开始接落国家大事，直到老父乌西雅tī主前740年往生。
经文：列王纪下 15:8-15:30 注释:
Chit段经文连续记载撒迦利雅、沙龙、米拿现、比加辖，kah比加等五位以色列君王ê事迹。其中以雅比ê kiáⁿ沙龙当以色列王只有一个月（第13节）时间siōng短。另外一方面，tùi chit段经文mā thang看tio̍h以色列宫廷内斗、争权夺位ê情形，充分显示出政局ê bē稳定。为tio̍h beh夺取王位，米拿现甚至以非常残酷ê手段屠杀居民，连孕妇lóng无放过。
第8到12节，chit段经文是记载耶罗波安二世死后，伊ê kiáⁿ撒迦利雅继位。列王记作者讲伊「kah伊ê先祖仝款做上主看做邪恶ê事」，chit句话对照犹大王亚玛谢kah乌西雅是「做上主认为对ê事」，就thang看出完全无相仝ê情况kah结果。Chia所讲ê「领以色列人犯罪」，意思是弃sak上帝，去拜偶像。真自然tek，就bē遵照上帝ê话去办理国政大事。
伊执政ê时间真短，只有六个月而已。结果就被沙龙暗刣死去，篡夺了伊ê王位。Án-ne，tùi耶户到kiáⁿ约哈斯，然后约华施接任，koh再到耶罗波安二世继任，到撒迦利雅等共计四代就结束loh，这tú好应验ā上主对耶户讲ê，伊ê后代thang接任伊ê王位，m̄-koh kan-taⁿ会到第四代（参考十：30）。
第13到16节，chit段经文是记载有关有关以色列王沙龙ê事迹。
沙龙是谋刣撒迦利亚篡夺王位ê王，m̄-koh chit种王位时间真短，只有一个月而已。虽然列王记作者讲tio̍h有关沙龙ê事迹，lóng「一一记载tī以色列王史上」，m̄-koh tī chia都无任何写了，因为án-ne，mā就只有伊暗刣前王外，其他ê事真oh知影是做kóa甚么。其实，kan-taⁿ有一个月时间，真oh讲ē-tàng做kóa甚么。
第17到21节，tī第14节就有记载「迦底ê kiáⁿ米拿现」刺杀死沙龙，篡夺王位。Tùi第16节mā thang看出伊是一个手段残酷ê君王。Tī伊决定叛变夺取王位所经过ê城镇，特别是「提斐萨」chit-ê城，竟然只因为hit-ê城ê人无向伊投降，伊就进行大屠杀，甚至连「孕妇ê腹肚lóng剖开」，这是非常恶质ê行为。
Mā因为伊手段残酷ê统治，hō͘附近国家特别是亚述帝国对伊施展压力，逼kah伊一定tio̍h进贡「三万四千公斤银á」，而伊因为手段残酷，chiah ē-tàng tùi人民手中强索chiah-ni̍h chē ê钱财o͘-se亚述帝国ê皇帝，好保全家己ê王位。Kā chit节经文比较阿摩司书第五到六章，就会发见chiah-ê有钱人所得tio̍h ê钱财是tùi sàn-chhiah人中剥削夺取ê。Chia讲米拿现除了强索人民ê钱财外，伊mā同时「强迫每人捐出五十块银á」。就án-ne，有长到十年时间，北国以色列人民tī伊治理之下，是过非常痛苦ê生活。
第23到26节，chit段是记载以色列王比加辖ê事迹。伊是继承老父米拿现ê王位，m̄-koh mā只统治两年而已。仝款ê，伊是学老父ê模样，结果是「做上主看做邪恶ê事」，带领以色列人民弃sak上帝，去拜偶像。结果伊ê 将领比加造反，tī王宫内kā伊刣死，ná亲像伊ê老父米拿现杀害前王仝款，比加篡夺了王位。
第27到31节，chit段经文是描述杀害比加辖而篡夺王位ê比加之记事。伊统治北国以色列ê时间算是比较长ê一位，共计有二十年之久。M̄-koh仝款ê，伊mā是「做上主看做邪恶ê事」。
Thang án-ne了解：无上帝赐福，即使拥有王位mā是枉然，对人民、社会、国家lóng bē有帮助。比加做国王期间，国势衰弱，被亚述帝国占领ê城镇包括有：以云、亚伯・伯・玛迦、亚挪、基底斯，kah夏琐等，以及基列、加利利，kah 拿弗他利等地区，koh khah严重ê，是亚述帝国皇帝iáu俘掳了顶面所讲城市ê人民去亚述做奴隶。除了这以外，以色列iáu koh khah年年进贡亚述帝国，而且mā只有ē-tàng听命亚述ê指挥，任其压迫。这mā是以色列人自出埃及后第一pái重新经历到奴隶ê惨痛生活。 后来何细亚起来反叛比加，刣死伊，并且篡夺王位。
经文：列王纪下 15:32-15:38 注释:
Chit段经文是记载有关犹大王约坦ê记事。Chit段记事mā记载tī历代志下第廿七章1到9节。对照两处经文ê记事，就thang发见约坦确实是一个有实力ê统治者，tī伊统治南国犹大期间，bat出兵攻打亚扪人，而且phah败in，并且强迫亚扪人像伊进贡三年，每年tio̍h缴交「三千四百公斤银á，一千公吨小麦，一千公吨大麦」等。历代志作者用chit句话形容伊：「约坦一工比一工强盛，因为伊忠实地顺从上主—伊ê上帝。」ná亲像列王记作者tī chia所讲ê，伊「效法in父亲ê模样，做上主认为对ê事」。Chit种描述，tú好kah北国以色列ê历代君王完全颠倒。
第32到35节，短短ê几节经文，讲出久长以来一直无改变ê现象，就是kah chìn前祖先仝款，无kā人民已经是根深蒂固拜偶像神明ê事hō͘除灭，因为án-ne无法度带领全国人民专心一意敬拜上帝。不过，至少伊是忠实tī上帝ê。只是人民拜偶像ê事，已经是积年thiám月ê老习惯，无强力执行铲除，就会tī民间落根生长。Koh讲，tī伊执政期间，伊tī国防要务上确实是下了功夫，伊kā圣殿ê北门防卫工程建造完成。历代志作者讲伊koh tī耶路撒冷ê俄斐勒扩建城墙，mā tī犹大山区建设城镇，tī山林内建造堡垒kah了望台等，chiah-ê lóng是kah国防基础有密切关系。
第36到38节，伊统治犹大十六年。M̄-koh无想tio̍h tī伊治理期间，叙利亚王利汛kah北国以色列王比加联盟攻打犹大，主要目的是beh犹大mā加入in ê联军，反抗亚述帝国扩大版图ê举动。M̄-koh犹大因为m̄敢得罪亚述，结果以色列kah叙利亚出兵惩罚无加入联军ê犹大。
经文：列王纪下 16:1-16:9 注释:
Chit章lóng是记载有关亚哈斯继任老父约坦留落来王位，统治南国犹大ê情景。Siōng惨ê，是为tio̍h beh巴结亚述帝国，希望亚述帝国出兵抗拒叙利亚kah北国以色列ê联军，伊竟然去亚述拜访结束tńg来国内ê时chūn，kā亚述ê偶像神明mā带tńg来耶路撒冷，结果因为án-ne，kā历代祖先对上帝忠实ê态度，hō͘完全摧毁了，这是非常可惜ê事。
有关亚哈斯ê记事，mā记载tī历代志下第廿八章。Tī历代志ê记事中有一段真特别ê资料，描述上帝ê奴仆先知俄德出来对撒马利亚ê以色列军队喊话，讲为甚么beh俘掳家己ê同胞南国犹大ê军队？为甚么beh屠杀in？俄德提醒in之所以ē-tàng phah赢，是因为上帝beh藉tio̍h in惩罚南国犹大。若是in不tháu放犹大ê俘掳，上帝会严惩in。就án-ne，北国以色列领袖决定tháu放南国犹大ê俘掳，包括受伤ê士兵lóng全部释回。
仝款ê历史记事，mā thang参考以赛亚书第七章。当叙利亚军队进攻ê时chūn，hō͘犹大全国人民lóng心灵不安。Chit时chūn，上帝bat差遣他忠实奴仆先知以赛亚去对亚哈斯讲话，ài伊mài惊，tio̍h信靠上帝。M̄-koh显然地，亚哈斯听bē落去先知以赛亚ê警语。伊宁可相信亚述帝国ê武力护卫，而m̄相信上帝ê庇护、带领。
Chit段经文一开始，就讲约坦ê kiáⁿ亚哈斯继任老父约坦留hō͘伊ê王位，m̄-koh伊却无「效法伊ê先祖大卫王做上主认为对ê事」，就án-ne，带领南国犹大人民弃sak上帝，去拜偶像神明，kah北国以色列君王ê情形仝款，这是非常可惜ê事。
第1到4节，原本tī约坦chìn前ê犹大君王，lóng是对上帝忠实，虽然in无能力铲除境内ê偶像神明，m̄-koh至少国王本身是敬畏上帝ê。M̄-koh却无想tio̍h约坦ê kiáⁿ亚哈斯却m̄是án-ne；伊是弃sak上帝，做上主看做邪恶ê事，kah北国以色列ê王仝款。Koh khah严重ê，是tī第3节，伊做siōng无应该做ê事，mā是伊ê祖先所无过ê行为，就是「Kā家己ê kiáⁿ烧献hō͘偶像，仿效本来住民ê 可恶行为」，而且伊是带头四界去拜当地ê偶像神明。
第5到6节，chia mā thang tùi第十五章37节看见，就是叙利亚kah北国以色列联盟攻打南国犹大，m̄-koh久攻iáu是攻不下耶路撒冷。M̄-koh照历代志下第廿八章5到7节则记载叙利亚kah以色列phah赢了，而且俘掳了真chē犹大人到大马士革去，并且因为约哈斯ê软弱bē-tàng，致使南国犹大有十二万ê精兵被以色列杀害，包括亚哈斯ê kiáⁿ玛西雅mā遭杀害。Á被以色列军队俘掳ê犹大人民共计有二十万人，kah真chē财物。Chit对犹大来讲，ē-sái讲是极大ê创伤。
列王记作者讲，就tī chit时chūn，叙利亚侵入了「以拉伊城」，占领chit-ê城，这原本tī乌西雅王时代所收复ê祖先城镇，taⁿ koh一pái失落。简单ê一句话，讲出南国犹大ê国势衰弱了起来。
第7到9节，为tio̍h beh解决以色列kah叙利亚联军围困耶路撒冷ê事件，请求亚述帝国派兵协助救援。结果付出ê代价是非常贵ê，就是kā圣殿kah王宫中ê金子、银á当做礼物送hō͘亚述皇帝提革拉・比列色。Thang án-ne了解，当君王kā圣殿ê金银财宝lóng当做进贡他国ê礼物ê时，就已经teh表明chit-ê君王已经无koh看重敬拜上帝ê重要性à。果然，亚述皇帝答应了南国犹大约哈斯ê请求，率领军队去攻打叙利亚，kā大马士革占领，刣死叙利亚王，而且俘掳人民。
经文：列王纪下 16:10-16:20 注释:
Chit段经文真清楚说明亚哈斯王带领犹大人民公然弃sak上帝ê经过。
第10到13节，当亚哈斯去大马士革迎接phah败叙利亚ê亚述皇帝ê时，就仿造一座偶像神明kah祭坛交hō͘祭司乌利亚，ài伊仿造一个。当伊tī访问亚述皇帝结束tńg来到耶路撒冷ê时，祭司乌利亚已经造好势该偶像神明kah祭坛，亚哈斯就án-ne带领犹大人民拜偶像。伊会án-ne做，是认为亚述帝国真强，因为án-ne，仿造亚述帝国所拜ê神明mā会强盛起来，其实，这是非常错误ê观念kah信仰认知。
第14到18节，亚哈斯iáu命令祭司乌利亚kā圣殿中原本tio̍h用来敬拜上帝ê新坛移行，kā伊为偶像神明所建造ê祭坛排设tī圣殿内面，换句话讲，tī伊手中，kā偶像神明khǹg入圣殿里，而祭司m̄-nā无阻止，反tńg是听从亚哈斯王ê命令做tāi-chì，误导了国王kah人民进入圣殿祭拜偶像神明，这是非常错误ê行为。
第19到20节，真清楚，犹大tī亚哈斯弃sak上帝了后，全国人民开始疯狂地跟tòe伊拜亚述人ê神明，m̄-koh仝款，并无因为án-ne而hō͘国家kah人民陷入万劫无koh ê处境，因为上帝无koh庇护in，mā m̄ kah in同在。伊tī统治犹大十六年ê时，往生，由伊ê kiáⁿ希西家继任为王。Iáu好，tī希西家王治理之下，伊带领人民重头tńg来上帝ê怀抱，可惜ê是，chit时ê南国犹大已经是衰弱多病，想beh改革mā真oh彻底，m̄-koh至少iáu hō͘犹大人民看见一丝ǹg望。
经文：列王纪下 17:1-17:23 注释:
Chit章主要是讲亚述帝国消灭了北国以色列，并且kā北国以色列人民俘掠到各地去，而且tùi附近各国引进他国、伊族人民进入北国以色列境内khiā起，而这就是后来以色列人民kah外族通婚ê一个主要背景。Á in生落来ê后代，mā因为án-ne被南国犹大人民鄙视（siùⁿ）而kā它称做「撒马利亚人」由来ê一个背景。列王记下mā是tī chit章结束loh北国以色列ê历史。Chit时是主前721年。
本来亚述帝国只是phah败以色列，hō͘伊每年一定tio̍h向亚述帝国进贡。M̄-koh，以色列ê王何细亚显然m̄甘心接受chit种局面，伊想beh结合埃及帝国ê气力，反抗亚述ê控制权，结果反被亚述帝国知情而kā它消灭à。Chit种情形mā是后来南国犹大发生ê情景，上帝忠实奴仆先知耶利米一再苦劝南国人民tio̍h投降顺从巴比伦帝国ê统治，m̄-koh in m̄听从先知耶利米ê话，甚至kā先知耶利米下tī监狱中，继续抵抗巴比伦帝国，结果后来被巴比伦帝国hō͘消灭了，全国人民差不多lóng被掠到巴比伦去做奴隶。
Chit段经文细述上帝无koh庇护北国以色列人民，原因是in弃sak上帝好远、好远。In m̄-nā接受迦南人ê神明，iáu接受in ê生活风俗，而chiah-ê风俗中有真chē lóng是kah迦南人ê宗教礼仪有密切关系。换句话讲，in已经无koh相信上帝，而且欢喜迦南人ê宗教信仰，甚至kā家己ê kiáⁿ当做祭品烧献hō͘异教神明，tī生活上mā去询问算命、卜卦等，chiah-ê lóng是惹起上帝愤怒ê原因。
第1到4节，chia讲「犹大王亚哈斯在位第十二年」，这应该是主前732年。Chit一年「以拉ê kiáⁿ何细亚作以色列ê王」。其实，伊mā是用刺杀比加王篡夺tio̍h王位，ná亲像历代ê先王仝款，lóng是跟tòe去「做上帝看做邪恶ê事」。M̄-koh伊接落ê chit-ê北国以色列，当时是属tī亚述帝国ê殖民国家。可能是看见亚述帝国替换皇帝，伊想趁机会脱离亚述ê统治，结果新任ê亚述皇帝撒缦以色（主前727到722年）派兵来攻打以色列，结果北国以色列投降，只好每年lóng tio̍h向亚述帝国「进贡」。M̄-koh何细亚显然并m̄是真心顺服，伊暗中派人去走chhōe埃及ê资助，并且公然背叛亚述。因为án-ne，亚述皇帝撒缦以色kā伊掠关入监牢。
第5到6节，主前724年，亚述koh一pái大举派兵进攻以色列首都撒马利亚，会「围困」长到「三年」之久，是因为chit座城是建造tī山phiāⁿ上，koh tī亚哈王时代，对hit-ê城做真好ê防御建构，chiah有án-ne坚固ê防御设施。亚述帝国为tio̍h攻取撒马利亚城，竟然围困长到三年之久，不过iáu是攻落撒马利亚城，这是主前721年。亚述帝国攻落了后，就kā「以色列人掠到亚述去」，而且kā chiah-ê受掠ê以色列人民分散tī其他ê城市。其实，mā就是送到各地ê奴隶市场去拍卖，人数chē kah二万七千二百九十名。Tī第24节讲亚述帝国koh再tùi其它附近地区移入伊族人进入补充chiah-ê以色列人民受掠了后空出来ê城镇，这就是以色列cha-bó͘人kah异族通婚ê原因。
第7到12节，chit段经文是作者teh说明为甚么以色列国会hō͘亚述灭亡ê原因，有下列几点：
一是in bē记得bat拯救in祖先脱离埃及奴隶之地ê上帝。去拜偶像神明。
二是in学习迦南地人ê风俗，kā chiah-ê民间崇拜偶像神明ê风俗带入敬拜上帝ê礼仪中。
三是tī各地大城镇、小村、小巷、山丘、树林等地，雕刻偶像神明。
Chiah-ê lóng是上帝不准in做ê事，m̄-koh in lóng屡劝m̄听地去做。
第13到18节，chit段经文是继续前段所叙述ê以色列人民之过犯，就是上帝bat tiāⁿ-tiāⁿ差派先知去警告in，chiah-ê先知包括大家所熟悉ê以利亚、以利沙、阿摩司、何西阿、弥迦，以及siōng早期ê先知以赛亚等。M̄-koh in以色列人民lóng m̄听。而且m̄是只有北国以色列人民拒绝听从，连南国犹大人民mā是仝款。其实，chit种话已经有含严重警告南国犹大人民ê韵味à。
因为拜偶像神明ê风气真兴盛，而chiah-ê虚假ê神明带hō͘以色列人民就是虚妄。Koh khah严重ê，就是「Kā家己ê子女烧献hō͘异教神明，koh向通灵ê kah算命ê问卜」，这是上帝非常受气而oh得原谅ê事。因为án-ne，决定hō͘亚述帝国kā北国以色列消灭，hō͘以色列民族chhun落来犹大国。
第19到20节，前段lóng是细讲北国以色列灭亡ê原因，chit-má chit两节则连带提起南国犹大人民ê问题，mā是kah北国以色列人民ê情形仝款。作者tī chia提起上帝「弃绝所有ê以色列人，惩罚in，kā in交tī残忍ê仇敌手中」，chit句话已经真清楚讲tio̍h以后一百多年，mā就是主前586年巴比伦攻破耶路撒冷ê惨剧。
第21到23节，chit段经文讲述主前930年，mā就是所罗门往生后，以色列民族分裂做做为南北两国，北国以色列就是由以法莲族出身ê耶罗波安带领。M̄-koh伊一开始为tio̍h阻止以色列人民忘不了tńg去耶路撒冷敬拜上帝，竟然tī「但」kah「伯特利」chit两所在建造圣殿，却mā同时雕刻金牛hō͘以色列人民去拜（参考列王记上十二：25—31），这就是北国以色列人民犯罪ê第一步。然后历代国王lóng是án-ne续接落去，ná亲像第22节所讲ê，in是「不断重复伊所犯ê罪」。结果上帝严厉ê惩罚ná亲像第23节所讲ê，被俘虏到亚述帝国去ê以色列人民，是「一直tòa tī hia」，mā就是tùi主前721年，直到主前538年波斯帝国兴起代替了巴比伦帝国了后，以色列人民因波斯皇帝ê允准chiah有机会回乡。Án-ne，in tī亚述帝国khiā起超过了二百年之久。其实，Tī chit段将近两百年时间，北国以色列人民差不多已经chhōe bē-tio̍h完整ê支族宗族à。
经文：列王纪下 17:24-17:41 注释:
Chit段经文讲述被掠到亚述帝国á是受卖到各地去做奴隶ê以色列人民，并无因为án-ne而悔改，却是继续铸造偶像崇拜。虽然in中间有人想beh敬拜上帝，m̄-koh in显然已经无法度分别清楚，真假之神间ê差别。原因是chit种错误ê信仰认知已经好一阵子ê年日，连祭司mā无法度清楚了，án-ne chiah是真正ê问题所在。
第24节，这是非常重要ê一节经文。以色列人民遇tio̍h空前ê「大浩劫」，就是亚述皇帝kā khiā起tī撒马利亚kah附近城市ê外族人，强制迁徙进入撒马利亚城kah附近城镇khiā起，siōng主要ê目的，就是beh会hō͘俘虏到亚述帝国去做奴隶以外ê，hō͘ hiah-ê余留tī撒马利亚ê以色列人民，kah chiah-ê tùi外地迁徙进入ê异族人通婚，想用chit种方式同化以色列民族，mā希望chit种方式改变in ê「耶和华宗教信仰」。其实，亚述帝国会án-ne做有一个原因，讲穿了是想beh kā以色列民族消灭。因为án-ne混合tio̍h khiā起，会真容易hō͘以色列ê妇女kah chiah-ê移居进入ê异族cha-po͘人通婚，这mā是后来有「撒马利亚人」之称ê缘由背景，m̄-koh chit-ê名称有种鄙视（siùⁿ）ê语意。这mā是后来以色列人民改变看法，就是只要女性是以色列人，无论伊kah toh族人通婚，生落来ê kiáⁿ lóng认为是以色列人。M̄-koh若是男性是以色列人，除非kah仝款是以色列cha-bó͘人结婚，若无，只要kah异族cha-bó͘人通婚，生落来ê子女并无算是以色列人，一定tio̍h经过祭司检验合格chiah算。
第25到28节，chia讲chiah-ê被移居进入撒马利亚城khiā起ê人并m̄知á是拒绝敬拜上帝，结果不时发生被野兽咬死ê事件。因为án-ne，亚述知影了后，随时kā掳来ê奴隶中间差派一位有祭司身分ê人tńg去，教导in怎样敬拜上主。
第29到33节，这是一段真重要ê经文，讲述以色列人民kah chiah-ê同居做伙ê外族人，in mā kā信仰混杂做伙à。换句话讲，以色列人民kā敬拜上帝，当做敬拜真chē神明中ê一位神而已，却m̄是独一ê上帝。In甚至学习西法瓦音人kā kiáⁿ烧献hō͘ in ê神明。而且teh敬拜上帝ê时，mā用拜偶像神明ê礼仪参杂加入，chiah-ê lóng是引起上帝非常愤怒ê原因。
第34到41节，chit段经文说明留tī北国以色列ê人民，in已经m̄知甚么是独一ê上帝了，in teh敬拜独一ê上帝同时，mā teh敬拜当地ê异教神明，无论上帝ê奴仆án怎劝解、说明，in lóng无法度听从。因为这已经成做in kúi-nā代传承落来ê信仰态度了，偏离了上帝透过摩西颁布hō͘ in ê律法诫命。讲穿了，in对上帝ê认bat是jú来jú雾雾无清à。
经文：列王纪下 18:1-18:12 注释:
Tùi第十八章开始，直到第二十章止，这三章lóng是teh绍介犹大希西家执政廿九年ê情景。Chit时期mā是南国犹大国siōng脆弱ê时chūn，m̄-koh却因为伊听从先知以赛亚ê建议，m̄-nā从事宗教信仰改革，带领犹大人民归向上帝，koh tī治国ê工作上，ná亲像列王记作者tī chia所讲ê：伊对上帝ê忠实，从来无一个王像伊án-ne，非常谨守上帝hō͘摩西ê律法诫命。
仝款ê记事，mā记载tī历代志下第廿九章，kā历代志ê资料用来对照列王记ê chit段记事，就会koh khah清楚希西家王ê治国情景。
Chit段经文非常特别，就是用第1到8节绍介南国犹大新王亚哈斯ê kiáⁿ希西家继任王位后ê大略记事，主要teh说明伊「效法伊先祖大卫王ê模样，做上主认为对ê事」，然续后落来用第9到11节对照北国以色列tī何细亚王治理之下，被亚述帝国灭亡，人民hông掠去做奴隶ê原因，就是「因为以色列人无听从上主—in ê上帝，违背上主kah in所立ê约」。Chit种对hip相当鲜明，teh说明一个国家、民族ê兴衰，就是根据in有无遵行上帝ê话语。Chit点mā是申命记派作者一贯ê思想kah信念中心。
第1到3节，chit三节真简单地绍介希西家王ê背景，以及伊「二十五岁」开始执政，统治「二十九年」，án-ne算来伊活了五十四岁。第3节讲伊「做上主认为对ê事」，chit句话表明伊ê风格kah信仰态度，kah伊ê老父亚哈斯ē-sái讲是完全颠倒（参考十六：3—4）。对照历代志下第廿九章3到11节所记载ê，就thang发见伊做王ê hit年，就重新kā圣殿ê门phah开，而且进行修建ê工作。伊ài众祭司kā圣殿内hiah-ê邪恶ê偶像全部清除。
第4到6节，列王记作者tī chit三节中hō͘ in希西家真好ê评价，讲：「希西家信靠上主—以色列ê上帝；犹大国，tī伊以前kah以后，无一个王kah伊仝款。」原因是伊继位ê时，beh kā伊ê老父所铸造大量偶像神明ê犹大社会环境改造，确实是需要一下苦心。Koh讲，第4节提供了真重要ê资料，讲伊mā phah破了tùi摩西时代传承落来ê「铜蛇」偶像ê崇拜（参考民数记廿一：4—9）。当年摩西铸造chit座铜蛇，有一个重要ê用意，是beh治疗in tī旷野漂流期间，bat因被蛇咬伤，有bē少人因为án-ne死去。铸造chit座铜蛇，是beh hō͘以色列人民看见了后，无koh惊惶。结果日子久了，以色列人民却kā它当做神像而kā它崇拜，直到chit-má希西家执政，chiah kā它摧毁。
Ná亲像前段所提起ê，当众祭司洁净圣殿了后，希西家王重新举办献祭礼仪作圣殿奉献（参考历代志下廿九：18—25）。Ē-tàng看出一个君王ê态度绝对会影响tio̍h人民。
第7到8节，因为希西家王对上帝忠实，「因为án-ne上主kah伊同在；伊所做ê一切事lóng顺利」，这mā是约瑟tī受卖到埃及做奴隶，以及后来被陷害而关入监狱ê时，作者一再用ê一句话（参考创世记三十九：2、3、21、23）。Tī chia，列王记作者讲上帝kah希西家王同在，hō͘伊有能力thang反抗亚述帝国，而且ē-tàng phah败非利士人，chiah-ê资料thang tùi历代志下第廿八章16到21节ê经文记事看tio̍h背景。说明tī伊执政之下ê南国犹大，国势渐渐茁壮起来。
第9到12节，ná亲像头前有提起过ê，chit段经文tī第十七章已经有真清楚描述亚述帝国消灭北国以色列ê经过，chit-má chia重新简略地叙述北国以色列灭亡ê记事，其实是有一个用意，就是tī第12节所beh说明ê，希西家王就是遵守上帝ê话，因为án-ne会tùi上帝得tio̍h气力。相对ê，北国以色列ê末代国王何细亚因为m̄遵守kah上帝ê约，带领人民弃sak上帝，无上帝同在，国家就因为án-ne被消灭à。
经文：列王纪下 18:13-18:37 注释:
Chit段有关亚述攻打耶路撒冷ê事件，mā同时记载tī历代志下第三十二章1到19节，以及以赛亚书第三十六章等。时间ê背景应该是tī主前701年ê时代。有关chit件亚述攻打耶路撒冷ê记事，在列王记就一直记载到第十九章。
Tī第十七章记载亚述帝国消灭了北国以色列后，对南国犹大来讲，确实是一个真大ê冲击，因为北国以色列ê国势原本就比南国犹大khah大，而且khah强，lóng已经无法度抵挡亚述帝国了，何况是犹大。因为án-ne，当北国以色列人民被俘虏四散后，对犹大国是一个非常震撼ê警讯kah打击。有可能mā可能就是因为chit件重大ê民族灾难，chiah致使希西家深信只有tńg来到耶和华上帝ê信仰，chiah ē-tàng救in脱离亚述帝国ê手。因为án-ne伊带领全国人民专心敬拜上帝，并且kā一切偶像神明ê敬拜lóng总废除掉。M̄-koh却tī chit时，亚述帝国kâⁿ-tio̍h强大武力来进攻耶路撒冷，对希西家挑衅，hō͘伊kah犹大人民感觉非常惊惶kah不安。虽然伊kā亚述皇帝西拿基立勒索ê黄金kah银á lóng奉送过去à，却iáu是无法度满足西拿基立ê要求，西拿基立甚至用极尽侮辱ê话，m̄-nā侮辱犹大人民，甚至鄙视（siùⁿ）tio̍h耶和华上帝，这mā是后来上帝大大愤怒ê原因，进一步koh kā亚述大军差不多hō͘ in全军消灭。
第13到14节，chia讲时间是tī「希西家王在位ê第十四年」，换算是主前701年。Chia讲西拿基立「攻打犹大ê设防城镇，kā它占领」，ē-sái讲是并无记明讲toh一kóa设防城镇被亚述攻落。M̄-koh tī「亚述帝国年鉴」中则记载有四十六座设防城市被占，mā有无数ê村落沦陷，而且有二十余万ê犹太人民被俘虏。因为án-ne，希西家王派出特使去kah准备率军来攻打耶路撒冷ê西拿基立求和，表示愿意降服。亚述皇帝西拿基立竟然狮大开嘴，向希西家王勒索一万公斤ê怎kah一千公斤ê金子。
第15到17节，因为希西家希望用「赔偿金」来缓和亚述帝国ê攻势。M̄-koh这笔费用之高，逼kah伊一定tio̍h kā圣殿壁饰ê金子，以及圣殿kah王宫中宝库里ê银á全lóng当à。M̄-koh即使希西家王照约束送了chiah-ê金银过去，m̄-koh并无减缓亚述决定并吞犹大ê决心，亚述皇帝西拿基立the̍h了钱却爽约，伊tùi拉吉派出大军beh攻打耶路撒冷城。
对照一下历代志下第三十二章到8节ê记载，希西家王看见亚述大军逼近耶路撒冷，伊马上就kah民间长老kah官员商量讨论应对之策。先是kā通往城外ê水泉hō͘堵起来，án-ne，hō͘亚述大军无水lim。Koh讲，赶紧修筑城墙，kah增加军械，然后召集城内所有ê cha-po͘人，并且勉励大家mài惊，有上帝thang当做óa靠，上帝一定会为犹大人民相战。
第18到21节，亚述皇帝西拿基立派出谈判大将beh去kah希西家王对谈。希西家王则派出三个代表，分别是王宫总管、王室书记，kah国史大臣。亚述ê代表真清楚表示希西家王无看清实况，犹大怎样可能有本领kah亚述帝国对抗？连埃及lóng自身难保了，ná会想beh期待埃及ê援军。
对照历代志下第三十二章9到15节ê记载，亚述ê代表真清楚kā chit三个犹大国代表官员讲：一是m̄是定了希西家王所讲ê，认为伊讲上帝会拯救in，he是白贼。二是无任何国家ê神有能力thang脱离亚述帝国皇帝ê掌握。三是in确定耶和华上帝mā是仝款救不了犹大。
第22到25节，chit位亚述代表继续对希西家王派出ê chit三位代表讲出侮辱ê话，包括讲in出兵来攻打耶路撒冷是上帝差派ê，这就是乱用上帝ê名，其实历代志下第三十二章16节，作者讲西拿基立ê代表甚至是讲了「一kóa koh khah难听ê话侮辱主上帝kah上主ê奴仆希西家」。因为án-ne，in无可能是上帝所差派ê，chit点非常清楚。确实，chit位代表在列王记chia mā以非常藐视ê话讲，只要犹大国ē-tàng派出两千骑兵，伊就ē-tàng派出两千匹ê战马，chit-ê意思是teh指伊ê战马可以抵挡犹大ê军队，而且讲亚述军队中siōng微小ê军官lóng tio̍h犹大ê 将领koh khah大。Chit种嚣张ê语句，kan-taⁿ会引起上帝koh khah大ê愤怒。
第26到27节，原来当时中东ê外交语言是亚兰语。Á犹大人民lóng是讲希伯来语。犹大ê代表希望亚述代表mài用希伯来语，为tio̍h是beh希望bē致使影响tio̍h城墙上ê守卫军队之心。M̄-koh chit种恳求mā被亚述大将所否定。而且iáu讲出城内ê人lóng kā「beh食家己ê粪，lim家己ê尿」，chit句话ê意思是teh指耶路撒冷城已经被包围，最后会因缺乏粮食，而用chit种方式来解饥渴。Chit种情形真类似叙利亚王便・哈达进攻北国撒马利亚城ê时，因为围城真久致使撒马利亚城内饥荒严重，结果委了生存，cha-bó͘人交换gín-á煮来食（参考列王记下六：24—30）。
第28到32节，Tī chit段经文内底，亚述代表故意用希伯来语大声对墙上ê守卫军喊叫，主要用意就是ài in m̄-thang koh再听从希西家王ê话，ài in顺从上帝ê带领，因为亚述一定会攻破耶路撒冷城。Chit位代表ài in派代表出来谈降服ê条件，án-ne，in就ē-tàng m̄免lim家己ê尿，食家己ê粪。M̄-koh mā同时讲得真明白，in一投降，结果就是亲像北国以色列仝款，被迁徙「到另一个所在」khiā起。
第33到35节，Tī chit段经文中，chit位亚述代表提起几个被亚述消灭ê族群，in ê守护神lóng无法度挽救hiah-ê族群免除亚述帝国ê攻击。伊用chit种说明来向犹大城墙上ê守护军进行心理战，beh hō͘ in惊惶不安。这ná亲像历代志下第三十二章18节讲ê，亚述代表án-ne做，为tio̍h是beh「恐吓in，hō͘ in无斗志，好thang轻易占领chit-ê城」。
第36到37节，m̄-koh守卫军队真清楚，in听从希西家王ê命令，lóng m̄回答chit位亚述大将任何挑衅ê话。M̄-koh犹大ê chit三位代表则因为听tio̍h亚述大将侮辱in kah上帝ê话语，感觉非常艰苦心，用拆裂衫裤表示心中极大ê哀痛，然后kā所听tio̍h ê话lóng全部kā希西家王讲。
经文：列王纪下 19:1-19:7 注释:
Chit章非常重要，mā ē-sái讲是先知信息ê中心――óa靠上帝，他必拯救。当亚述帝国一再表示beh攻击耶路撒冷城ê时，先知以赛亚却传出上帝ê拯救信息。
仝款chit章记事，mā记载tī以赛亚书第三十七章，mā有部分记载tī历代志下第三十二章20到23节。Mā thang看出历代志作者Tī chit段重要ê上帝拯救耶路撒冷事件之记事，是非常简略ê几节经文chhōa过而已。
Chit段经文描述一个忠实tī上帝ê君王，beh到国家大事ê时，一定会先问上帝ê旨意。因为án-ne，透过先知询问上帝ê旨意，这是希西家听tio̍h三位臣仆报告后ê第一个动作。
仝款ê chit段记事mā记载tī以赛亚书第三十七章1到7节。Tī希西家王时代ê先知以赛亚，一直认为上帝会teh庇护耶路撒冷，伊ài希西家王一定会对上帝有坚定ê信心。Tī伊ê言论中，非常清楚警告执政者，m̄-thang认为óa靠军事武力ē-tàng解救in脱离灾难，伊特别明确指出埃及是不可靠ê，却是应该tio̍h óa靠性命ê主宰上帝chiah是正确之道（参考以赛亚书三十一：1—9）。
第1到2节，当三位特使回覆亚述大将所讲侮辱上帝kah犹大人民ê话hō͘希西家王了后，伊用「拆裂衫裤，披上麻衣」chit种方式来表示心中艰苦心到极点，然后带chiah-ê人进入圣殿，而chiah-ê宫廷大官mā tòe国王仝款teh moa麻进入圣殿。Tī hia，希西家王koh一pái派chiah-ê大臣去见先知以赛亚，chit pái受差派ê koh-khah chē几位「资深ê祭司」陪同。
第3到4节，希西家王ài chiah-ê官员去见先知以赛亚ê时，需要传达ê消息，就是国家tú-tio̍h大难，chit种困境有ná临盆ê产妇，却是因为虚弱而出现难产ê现象。并且beh hō͘先知以赛亚知影，亚述皇帝ê大将讲了侮辱、亵渎上帝ê话。而且希西家讲犹大人民ná亲像「残存之民」，这已经teh表示上帝ê选民就只chhun耶路撒冷城内chiah-ê人民而已。因为其他ê卫星城镇lóng已经被亚述帝国占领了（参考十八：13）。
第5到7节，这是先知以赛亚回覆chiah-ê臣仆ê话。Tī先知以赛亚传达出来上帝ê信息真清楚指出：上帝家己会处理chit件事，而其中ê一种方式，就是hō͘亚述皇帝西拿基立听信谣言而赶tńg去亚述去，最后会遇tio̍h谋害死去。Tī本章第37节记载，伊是hō͘家己ê两个kiáⁿ亚得米勒kah沙利色杀害，m̄-koh这杀害事件并m̄是tī撤军了后随时发生，却是tī tńg去尼尼微城了后，经过二十年ê时间（主前681年）左右。
经文：列王纪下 19:8-19:19 注释:
Chit段经文继续讲述亚述皇帝西拿基立并无听tio̍h埃及tī伊背后进攻而惊惶，却是koh一pái用强猛、威胁ê动作，ài犹大赶紧向伊投降。希西家王接tio̍h西拿基立ê恐吓信了后，就去圣殿向上帝哭诉，请求上帝仲裁。
Chit段经文mā同时记载tī以赛亚书第三十七章8到20节。内容kah列王记作者所记载ê仝款。
第8节，chit节提起亚述皇帝西拿基立tī iáu未听tio̍h伊ê大将回报犹大王希西家并无降服ê意思，就已经先出兵去攻打犹大ê立拿城，chit-ê城mā是耶路撒冷重要ê卫星城市。此城ê沦陷，mā是teh说明耶路撒冷面临了严酷ê考验。
第9到13节，chit段经文讲出西拿基立可能有两pái攻打耶路撒冷。第一pái是tī第9节所提起ê，听tio̍h埃及出兵攻打亚述ê事，这mā是teh回应第7节所提起ê，上帝beh hō͘西拿基立听tio̍h谣言而撤军。M̄-koh当伊率兵tńg去防守ê时，埃及koh撤军tńg去。就án-ne西拿基立koh-khah受气，认为犹大认为有埃及当靠山，不降服，就án-ne koh一pái出重兵攻打耶路撒冷。伊chit pái先写一封phoe严厉警告犹大希西家王，hō͘伊知影亚述ê先祖已经攻占了几个城镇，chit-má伊mā攻占了六个城镇，伊写chit张phoe ê用意，就是beh希西家王目睭睁亮些，抵抗伊ê结果是koh khah悲惨。
第14到19节，希西家王接tio̍h亚述皇帝西拿基立ê恐吓信了后，感觉非常惶恐，只好kā chit封西拿基立写ê信摊tī上帝面前。伊向上帝哭诉，hiah-ê被毁灭ê城镇，lóng是因为人民无敬拜真正创造主上帝，却是去拜偶像ê结果。M̄-koh伊带领犹大人民敬拜上帝，因为án-ne，伊恳求创造万物ê主宰，mā是惟一ê真神一定会「tùi亚述手中」拯救in，án-ne就ē-tàng hō͘全世界ê人lóng知影独独chit位创造主chiah是上帝。
经文：列王纪下 19:20-19:37 注释:
Chit段经文主要是先知以赛亚回应犹大希西家王ê信。Tī这封回覆ê信里，先知以赛亚真清楚kā希西家王讲，ài伊m̄免惊惶，因为亚述皇帝已经得罪全能ê上帝。因为án-ne，上帝beh庇护耶路撒冷ê决心真明确，一定会去执行。上帝beh hō͘犹大人民ē-tàng继续掖种、收割。相对ê，beh hō͘亚述ê军队无一兵一卒ē-tàng进入耶路撒冷城。Beh hō͘亚述皇帝kah伊ê军队怎样来，就怎样tńg去。
Chit段经文kah以赛亚书第三十七章21到38节记载ê内容仝款。Lóng是提起上帝beh庇护耶路撒冷城，hō͘伊无受tio̍h一点á伤害。
第20到24节，先知以赛亚回phoe hō͘希西家王，hō͘伊知影上帝已经「垂听」伊ê祈祷。因为án-ne，上帝beh伸手惩罚亚述帝国ê西拿基立kah伊ê军队。理由是西拿基立嘲（sau）笑ê对象是神圣ê上帝。虽然亚述tī战事上有过真chē丰功伟业ê成就，m̄-koh chiah-ê lóng会真紧成做泡影。
第25到28节，chit段经文先知以赛亚清楚指出，chit-má上帝ài beh进行伊毁灭亚述帝国ê计画。Tī这信中，先知以赛亚清楚讲出，过去亚述帝国ê成就，lóng是因为有上帝赐福带来ê结果。M̄-koh现今ê骄傲，会hō͘ in所有ê tùi án-ne变成废墟，甚至付出koh khah大ê代价。Ná亲像已经完全无法度弹动、受掠获ê动物仝款。亚述ê军队tùi toh条路来攻打耶路撒冷，mā会tùi原路tńg去，这表示in并无任何因为chit pái战争有斩获ê意思。
第29到31节，先知以赛亚讲完亚述ê惨败了后，续落来就是hō͘希西家王知影上帝beh怎样做。这是为tio̍h beh hō͘伊安定心思，m̄免惊惶ê一种方式。
Tī chit段经文讲，先知以赛亚讲上帝ê旨意真清楚，chit段耶路撒冷城被围困期间，确实是发生食物缺乏ê困境，m̄-koh chit种困境真紧to̍h会过去，因为亚述军队会撤军，然后in就ē-tàng继续掖种、收割。犹大城内ê人民ná亲像上帝chhun落来ê子民，今后thang安心khiā起。
第32到34节，chit段经文是继续对希西家王讲ê话。Chia先知以赛亚真明确地讲出，上帝一定会亲自庇护耶路撒冷。而且koh一pái重复讲，beh hō͘亚述军队怎样来，就怎样tńg去。In根本无法度发射任何一枝箭伤害chit-ê城ê任何一个人，mā bē hō͘任何一个亚述士兵行入耶路撒冷城。因为是上帝亲自固守tio̍h chit-ê城。
第35到37节，当希西家王接tio̍h先知以赛亚ê信后，「hit工暗时」上帝就随时执行他对亚述帝国皇帝西拿基立kah伊ê军队ê惩罚。Chia讲上帝ê天使进入亚述军队ê营房中，tī一夜之间，做一困就刣死了十八万五千人。这ē-sái讲是非常严重ê创伤，hō͘亚述帝国就án-ne跋一下peh bē起来。
有一种讲法是上帝用突发ê恶性传染病当攻击ê武器，hō͘亚述军队根本就措手不及。
西拿基立看见chit种惨状，m̄敢真chē所在停留，随时带残余ê士兵赶tńg去尼尼微。M̄-koh「有一工」，mā是头前有提起过ê是过了二十年后发生ê，西拿基立ê两个kiáⁿ，一个名叫亚得米勒，另外一个叫沙利色，杀害in ê老父西拿基立，主要原因是想beh夺取王位，无想tio̍h两个人都无得tio̍h，反tńg是西拿基立ê另外一个kiáⁿ以撒哈顿继任伊ê王位。
历代志下第三十二章23节作者讲，因为chit pái ê事件，hō͘希西家王tī当时lóng受附近各国尊敬伊，不时向伊贡献礼物。
经文：列王纪下 20:1-20:11 注释:
Chit段记载有关希西家王害病严重，teh要死去，然后因为伊向上帝ê哭求，上帝koh赏赐hō͘伊有长到十五年岁月之记事，以及后伊康复了后，却传来巴比伦帝国差派使者来访，希西家王bē记得家己所有ê一切lóng是来自赏赐，tī巴比伦帝国使者面前骄傲地显示家己ê能力，这详细ê记事mā同时记载tī以赛亚书第三十八到三十九章。Tī以赛亚书第三十八章同时收集到一篇希西家王tī康复了后所写ê o-ló诗歌。仝款ê记事mā记载tī历代志下第三十二章24到33节，m̄-koh内容确实是简略了真chē。
Chit段经文世纪tī希西家王害病。原本先知以赛亚传hō͘伊ê信息是：bē康复。为tio̍h án-ne，希西家王后来向上帝祈求，结果上帝koh差派先知以赛亚去kā伊讲会hō͘伊延长十五年ê性命。伊怀疑，因为án-ne祈求一个兆头。
仝款ê chit篇记事，mā记载tī以赛亚书第三十八章1到8节。Á历代志下第三十二章24到26节，用短短三节经文，讲希西家王tī康复后，无感谢上帝ê怜悯，反tńg是骄傲起来，结果就发生真chē灾祸，chit时chūn，伊chiah知影犯m̄-tio̍h去，上帝就无tī伊活teh ê时chūn，降灾祸。
第1到3节，希西家王害重病，这可能是发生tī主前701到702之间，因为án-ne，作者tī chia用「约tī chit时chūn」，mā就是tī亚述帝国皇帝西拿基立派大军来围困耶路撒冷ê时。原本是无希望康复ê，因为先知以赛亚传去hō͘伊ê信息，是伊会死。Ài伊「准备后事」。其实，这mā表示希望伊kah早准备接班ê人，免得koh发生宫廷王室内斗争夺王位ê事件。希西家王听tio̍h chit-ê消息了后，非常艰苦心，伊向上帝祈求。
第4到6节，结果上帝koh垂听希西家王ê祈祷，ài先知以赛亚koh再tńg去王宫，kā希西家王讲，tī「三工之内」，伊就ē-tàng痊愈。并且答应hō͘伊「多活十五年」时间，为tio̍h是beh hō͘伊亲目看见上帝怎样拯救耶路撒冷，m̄-koh击退亚述大军围困耶路撒冷ê神迹。上帝希望用chit种方式，帮助希西家王领导犹大人民用koh khah敬虔ê心，回应上帝ê疼。
第7到11节，当先知以赛亚kā上帝ê应允hō͘伊多活十五年之信息传hō͘伊ê时，mā同时kā希西家王ê奴仆讲，thang the̍h无花果膏涂tī希西家王ê疮口，án-ne就会痊愈。Á当希西家王听tio̍h先知以赛亚án-ne讲了后，随时kā伊讲有甚么兆头thang来证明chit-ê信息是真正。先知以赛亚hō͘伊家己选一个兆头：看chit工影前进十步，á是倒退十步？希西家王选比较无容易看tio̍h ê日影倒退十步。结果就án-ne应验ā。Á希西家王mā chiâⁿ实多活了十五年。
Chit种要求日影退十步ê兆头，真亲像约书亚当年chhōa以色列人民tī迦南地攻打亚摩利人ê时chūn，bat祈祷上帝hō͘日头、月娘lóng停止移动，直到伊phah完胜仗（参考约书亚记十：12—13）。日月星辰lóng是上帝所创造，受造物lóng听从上帝ê话。
会要求兆头，表示tī信心上不足。Á圣经中出现真chē pái需要兆头ê记号，包括亚伯拉罕mā是án-ne，希望上帝hō͘伊知影ná会kah上帝所讲ê仝款，会得tio̍h他赏赐ê土地（参考创世记十五：7）。士师基甸mā是一而再、再而三要求兆头（参考士师记六：17、37、39）。Á祭司撒迦利亚听tio̍h天使kā伊讲，伊年老ê bó͘会生一gín-á，而且tio̍h号名约翰ê时，伊是m̄敢置信。结果天使hō͘伊成做哑口，直到约翰出世chiah解除（参考路加福音一：20）。
经文：列王纪下 20:12-20:21 注释:
Chit段经文是描写希西家王康复起来了后，就bē记得伊ē-tàng存活落来，完全部lóng是上帝ê恩典，m̄-koh伊却认为家己真有才华，因为án-ne，先知以赛亚就hō͘伊知影，伊ê后裔会因为弃sak上帝而遇tio̍h严重ê挫败，结果lóng被掠到巴比伦去做奴隶。换句话讲，当希西家teh夸耀家己ê财富kah才能ê时，chiah-ê lóng会消失殆尽。
第12到13节，chia讲巴比伦王米罗达・巴拉m̄-koh听tio̍h希西家王破病，就带简单ê礼物kah一张慰问卡来探望希西家王。其实hit时chūn ê chit位巴比伦王是真落魄ê，因为伊被亚述帝国phah败，逃到巴比伦南方避难，来看希西家主要目的，是希望ē-tàng联合犹大国反抗亚述。M̄-koh无想tio̍h希西家tī感动之余，却kā家己所有ê财力，kah军事装备lóng呈现曝光tī伊面前看透透。
第14到15节，先知以赛亚得tio̍h上帝ê启示，ài伊去见希西家王，chiah-ê访客tùi tó位来？来做kóa甚么事等chit方面ê问题。希西家王hō͘先知以赛亚知影，chiah-ê访客来自巴比伦，而且tī王宫内看见所有一切，mā就是第3节所描述ê。
第16到18节，先知以赛亚听了后，就kā上帝ài伊传达ê信息hō͘希西家王知影：伊tùi祖先手上传承落来ê一切lóng kā「一件mā不留落来」，包括伊ê后代lóng kā hông掠去，甚至有ê人beh「tī巴比伦王宫内当太监，服侍in ê王」。Á chit件事tī大约经过一百一十五年，mā就是主前586年发生，hit年，巴比伦帝国kā犹大国消灭。
第19节，chit节mā是对希西家王siōng hō͘人诟病ê事，就是伊并无因为先知以赛亚传出chit-ê信息感觉哀伤、艰苦心，祈求上帝赦免怜悯，反tńg是因为chit款tāi-chì是发生tī伊ê后代，伊只致意家己活teh ê年日thang「享受和平安全」就好。
第20到21节，希西家王任内特有ê贡献，就是挖渠道，kā水引进耶路撒冷城内。因为耶路撒冷城位置khah高，tī防御（gū）上有利，却tī饮水上有弊。因为án-ne，伊chit项水利工程是非常重要ê。Koh讲，希西家王mā收集了所罗门王ê箴言（参考箴言第廿五章），显示伊对人文生活ê重视。
经文：列王纪下 21:1-21:18 注释:
Chit章记载南国犹大面临毁灭ê前兆，希西家王ê kiáⁿ玛拿西继承伊ê王位，m̄-koh伊却无跟tòe老父希西家学习做上帝看做对ê事，却是弃sak上帝ê话，去拜偶像神明。Tī玛拿西ê身上，看tio̍h ê就是极大ê恶例，m̄-nā kā in父亲希西家苦心所建立起来ê信仰典范kā它废除，iáu改变到差不多完全颠倒ê状况，m̄-nā拜偶像，而且kā家己ê kiáⁿ当烧化祭献hō͘偶像神明。Koh khah令上帝无法度忍受ê，是kā亚舍拉女神ê柱像khǹg tī圣殿里，这m̄-nā是teh污秽圣殿，mā kah当年所罗门王建造圣殿ê目的完全颠倒，明明是就是tī侮辱上帝ê神圣。伊以残酷ê手段对待人民，koh khah买命ê是án-ne ê国王，竟然ē-tàng统治长到五十五年，ē-sái讲是犹大王国掌权siōng久ê一位恶质国王。
是甚么原因hō͘玛拿西一登基就马上kā老父希西家王所辛苦建立ê信仰基业kā它废除，而且是完全ê改变？有kóa圣经学者认为是因为伊想beh讨好亚述帝国，减缓压力，因为án-ne，引进了亚述帝国敬拜偶像神明ê宗教信仰。Tī第十七章记载亚述帝国消灭了北国以色列后，就故意kā外族人引进撒马利亚，kā以色列人民四散tī其它城邦khiā起，除了是通婚ê政策外，另外就是beh破坏in tī宗教信仰上ê洁净。因为án-ne，tī第十七章41节讲：「Án-ne，chiah-ê 列国mā 敬畏上帝，mā 服事in ê 偶像。in ê kiáⁿ，in ê 孙，mā lóng 是án-ne，in ê 祖先所行ê， 到今á 日in mā 照án-ne 行。(全民版)」简单ê一节经文，却讲出亚述帝国tī phah乱以色列人民对上帝ê信仰是成功ê。玛拿西惊惶亚述，恢复in父亲希西家王所废掉ê一切偶像神明，可能就是为tio̍h取悦亚述帝国，m̄-koh，惊人m̄惊上帝，chiah是真正ê问题所在！玛拿西chit种举动，hō͘上帝无法度忍受，mā为犹大ê沦亡带来主因。
Chit段经文mā同时记载tī历代志下第三十三章1到20节。无论在列王记作者á是tī历代志ê作者lóng仝款写落来chit句话：「伊大大犯罪，对敌上主，激发上主ê愤怒。」chit两本经册作者lóng讲：「犹大人民m̄听从上主ê命令。玛拿西领in犯罪，比上主tùi伊子民面前赶出去ê本来住民所犯ê罪iáu koh khah严重。」chiah-ê话为南国犹大ê灭亡写落来注脚。Mā因为弃sak上帝，á是讲根本就m̄相信有上帝，因为án-ne，tī玛拿西手上「刣死真chē无辜ê人民，hō͘耶路撒冷街路流满血」，这是上帝无法度赦免玛拿西ê另外一个原因（参考列王记下廿四：4）。
第1到2节，玛拿西ē-sái讲是南北两国国王执政siōng久长ê一位，共计有五十五年，m̄-koh却mā是siōng惨ê一位国王。伊「做上主看做邪恶ê事」，是比过去迦南地ê人所做ê行为koh khah 可恶。
第3到7节a，chit段经文真详细描述做toh一kóa上帝看做非常邪恶ê事，包括有：重建拜巴力kah亚舍拉偶像，以及建筑chit种偶像神明ê祭坛；而且kā家己ê kiáⁿ烧献hō͘ chiah-ê偶像神明；行占卜、巫术、求问算命ê、通灵ê；koh khah 可恶ê是kā亚舍拉女神ê柱像khǹg tī圣殿中，这等于是teh侮辱上帝ê神圣。Ná亲像头前所叙述过ê，伊会án-ne做，是为tio̍h beh讨好亚述帝国。伊án-ne深惊亚述帝国ê原因，真可能就是亲像历代志下第三十三章11节所讲ê「亚述军队ê 将领侵犯犹大。In掠tiâu玛拿西，用鈎子鈎伊，铜链子锁伊，带伊到巴比伦去」，这hō͘伊惊惶到极点，m̄-koh却m̄知伊严重背离上帝ê作为，是惹了上帝极大愤怒ê原因，mā种下了犹大灭亡ê主要因素。
第7节b到9节，这是有关上帝对所罗门王建造耶路撒冷圣殿表达ê看法，圣殿是以色列十二支派人民共同敬拜ê场所，m̄-koh若是大家会遵守上帝ê诫命，上帝会伸手庇护in所khiā起ê土地。M̄-koh可惜ê是，玛拿西并无án-ne做。
第10到12节，chit三节指出上帝有差遣奴仆先知去传达上帝警告ê信息hō͘玛拿西，m̄-koh真显然地玛拿西并无听从众先知ê话，iáu-koh带领犹大人民弃sak上帝。因为án-ne，上帝决定beh降灾祸到「耶路撒冷kah犹大，hō͘每一个听见chit项事ê人lóng吓呆」，这真清楚讲出上帝beh降ê灾祸必定是非常严重。
第13到15节，上帝奴仆先知ê信息tī chia真清楚指出，上帝「惩罚耶路撒冷」ná亲像「惩罚撒马利亚仝款」，chit种信息已经真清楚指出，上帝会摧毁耶路撒冷。而且m̄-nā是án-ne，连国王kah人民lóng会亲像亚哈王朝仝款，就是王朝ê后代会被消灭殆尽，人民会hông掠去做奴隶。
注意第14节所提起「残存ê人民」，这原本是希西家王向上帝祈祷ê时所讲ê，祈求上帝看顾chiah-ê kan-taⁿ存ê选民（参考列王记下十九：4）。chit-má上帝奴仆先知所传出ê信息，却讲上帝连chiah-ê残存ê人民mā tio̍h放弃，kā in交hō͘仇敌。这mā充分显示上帝已经boài chiah-ê悖逆他ê选民。
第16到18节，chit段经文说明上帝决定beh摧毁玛拿西王朝，因为伊m̄-nā领人民弃sak上帝，mā杀害真chē无辜人ê血。就tī伊治理长到五十二年了后死去，由伊ê kiáⁿ亚们继位。
经文：列王纪下 21:19-21:26 注释:
Chit段经文讲述亚们继位了后，继续仿效in父亲玛拿西ê恶质ê行为。伊统治ê时间真短，大约只有两年左右。
第19到22节，ná亲像列王记作者所描述一个君王好kah pháiⁿ ê句型仝款；列王记作者认为好ê君王，就是仿效大卫王ê样式，尊崇上帝为大；相对ê，无好ê君王，就是带领人民去拜偶像。玛拿西就是非常恶质ê君王，伊甚至kā偶像神明带入圣殿内，误导犹大人民认为敬拜至koân ê万物之主上帝，kah拜偶像神明巴力kah亚舍拉仝款。Á继位玛拿西王位ê亚们mā是án-ne，学习in父亲玛拿西ê样式，当然就bē去「遵从上主ê诫命」。
第23到26节，chia提起有关宫廷政变失败ê事件，原因是亚们执政后，真紧就引起伊ê臣仆「反叛伊」，tī王宫内kā伊刺杀死。M̄-koh chiah-ê杀手并无因为án-ne而夺到王位，犹大人民反tńg kā chiah-ê谋害者刣死，然后立亚们ê kiáⁿ约西亚继位为王。chit-ê约西亚ē-sái讲是犹大末期siōng优秀ê一位君王。可惜ê是，伊ê改革mā无达tio̍h预期ê效果。
经文：列王纪下 22:1-22:10 注释:
Tùi chit章开始直到第廿三章30节，chit段经文lóng是teh描述约西亚王执政ê各项事迹。包括伊án怎整修圣殿ê，以及án怎清除圣殿内tùi伊阿公到老父时代所设立ê偶像神明等，并且án怎带领人民tńg来到独独耶和华上帝ê敬拜，koh khah重要ê，是tī伊任期内重新隆重地举行国家性ê Pôaⁿ过节。
有关约西亚王ê各种事迹，mā记载tī历代志下第三十四到三十五章。Tī约西亚统治ê时期，mā有一位真出名ê先知耶利米，伊就bat用真美ê诗句o-ló chit位君王，讲伊「头尾秉公行义」，mā「为穷苦无助ê人伸冤」（参考耶利米书廿二：15—16）；而另外一位先知西番雅，真有可能约西亚王ê改革运动kah chit位小先知ê信息有密切关系。
Chit段经文讲述约西亚王一登基，随时进行宗教改革ê工作，而方式就是先整修圣殿，无想tio̍h，就tī整修圣殿ê时chūn，发见了「律法册」，这ē-sái讲是非常重要ê一项发见，mā改变了约西亚王，hō͘伊一生ê时间lóng大力推动信仰改革。
第1到2节，chia开始就讲约西亚王继位ê时，年纪chiah只有八岁而已，伊统治了三十一年，án-ne，伊往生ê时chiah年纪kan-taⁿ 39岁，非常可惜。虽然年纪chiah-ni̍h轻就往生，m̄-koh tī伊活teh ê年岁中，却是极尽所ē-tàng ê推动信仰改革，mā ē-sái讲是犹大王国末代中，siōng杰出ê一位国王。作者用真典型ê句话讲：「约西亚做上主认为对ê事，跟tòe先祖大卫王ê脚步，不偏左不偏右。」
第3到7节，chit段经文讲约西亚在位ê「第十八年」，mā就是伊廿六岁ê时，就派人去kā圣殿中ê钱the̍h出来，交hō͘整修圣殿ê负责人，好支付工人工资，以及用tī购买整修一定tio̍h ê材料。Koh khah重要ê，伊深信所有整修圣殿工程ê人lóng真「诚实可靠」，这mā thang看出伊用人不疑ê态度。
历代志下第三十四章12到13节，作者真详细描写chiah-ê参与监督kah整修圣殿工程ê人ê名。
历代志下第三十四章3到7节，作者讲伊除了「废除了山丘上ê神庙、亚舍拉女神ê柱像，kah所有其他偶像」。并且讲tī伊领导下，伊ê臣仆lóng听从伊ê指挥，kā所有境内直到北国以色列各地ê偶像神明、祭坛全lóng拆除，甚至连异教神明ê祭司mā hō͘铲除，这并m̄是一件容易ê事，m̄-koh伊坚持ê毅力完成了chit件事。
第8到10节，chit段经文ē-sái讲是约西亚王时代siōng重要ê一段记事，就是tī整修圣殿ê时，忽然tī圣殿内发见了律法册。因为án-ne，做王室书记沙番去负责执行约西亚王ê命令ê时，tùi监督整修圣殿负责人大祭司希勒家得tio̍h chit-ê重要消息，沙番接受过该律法册，并且读了该册，然后tńg去报告hō͘约西亚王知影，并kā该律法册读hō͘王听。
所谓摩西律法ê册，指ê是甚么？一直有争论。有ê认为是「摩西五经」，有ê认为是申命记ê某一个部分，亲像申命记第十二到廿六章。M̄-koh mā有ê认为是利未记第十七到廿六章。
经文：列王纪下 22:11-22:20 注释:
Chit段经文描写一位女先知户勒大，听tio̍h chit-ê消息了后，kā上帝hō͘伊ê信息传hō͘约西亚。Chit-ê信息主要有两项：一是上帝会严厉惩罚耶路撒冷kah犹大人民，因为in悖逆上帝ê旨意。二是上帝肯定约西亚ê忠实，而且会知影谦卑顺服。因为án-ne，上帝beh惩罚犹大kah耶路撒冷人民ê时间表，会延后到伊往生后chiah进行。
第11到13节，当约西亚王听tio̍h沙番读hō͘伊听律法册ê内容ê时，伊用拆裂衫裤án-ne非常悲伤ê态度，表达心内ê艰苦心。因为ná亲像头前所讲ê，chit-ê律法册上记明以色列人民悖逆上帝，所以上帝beh用严厉ê方法惩罚这悖逆ê子民。为tio̍h án-ne，约西亚赶紧差派祭司、王室书记沙番ê kiáⁿ亚希甘等重要臣仆数人，去想办法询问上帝ê旨意，而且tio̍h确实明白chit卷律法册上ê教示，伊知影上帝会受气，就是因为无照律法册上ê记事去做。
第14到16节，chiah-ê王室重要臣仆去chhōe-tio̍h一位名叫户勒大ê女先知。当伊听tio̍h chit件消息，并且tī知影上帝ê旨意了后，就真坦白地kah约西亚王报告上主所讲ê话。
为甚么约西亚王不派人去询问先知耶利米，á是西番雅？有可能是kah伊ê丈夫沙龙担任主管圣殿礼服ê职务有关pah，mā可能是kah伊tòa ê所在比较近有关mā无一定。
第17节，chit节讲女先知户勒大所传出来ê信息，是关系犹大kah耶路撒冷ê，真清楚指出因为in悖逆上帝ê行为非常严重。因为án-ne，上帝决定beh严厉惩罚in。Chiah-ê行为lóng tī玛拿西kah伊kiáⁿ亚们时代ê行为thang看出来。
第18到20节，chit三节是关系hō͘约西亚王ê信息，说明约西亚王因为得tio̍h律法册了后，知影谦卑落来认罪悔改。因为án-ne，上帝应允伊tī「死以前」，bē「降灾难hō͘耶路撒冷」，上帝会hō͘约西亚「平平安安地离世」。
经文：列王纪下 23:1-23:20 注释:
这是列王记chit本经册中非常重要ê一章，因为自从所罗门死后王国分裂做做南kah北两国以来，作者讲无一个国王像约西亚án-ne用心tī信仰改革ê事顶面。伊除了宣读所发见ê「约」册，mā koh一pái带领人民kah上帝立约，并且决心beh遵守「约」册中所讲ê诫命。
Chit章ê记事mā记载tī历代志下第三十四章3到7节、29到33节等等。
约西亚王发见律法册了后，随时采取行动，除了第廿二章所提起伊询问先知ê意见外，mā知影tio̍h马上进行宗教改革，kā tùi阿公玛拿西到老父亚们所犯ê错误行为，全lóng改正过来，甚至范围远到北国以色列ê伯特利，而且siōng重要ê一件事，就是伊亲自以国王ê身分带领耶路撒冷人民同齐参与庆祝荒废已久ê Pôaⁿ过节庆典，hō͘伊成做国家庆典。列王记作者tī chit章用chit句话来描述约西亚王讲：「Tī 约西亚以前，无有王亲像伊尽心、尽性、尽力归向上主，照摩西一切ê 律法；tī 伊以后，mā无出一个王亲像伊án-ne。(全民版)」（廿三：25）可惜ê，是伊有宗教改革ê热情，却无政治ê智慧，因想beh反抗埃及出兵战死战场，而结束伊统治耶路撒冷三十一年ê时间，而chit时伊chiah只有三十九岁而已。
Chit段经文描述约西亚王尽帆拚推动宗教改革ê运动。伊事(tāi)先就是kā圣殿中所有ê偶像全部清除，chiah-ê lóng是tī伊阿公玛拿西时代设置ê，等于是污秽了所罗门建造圣殿ê原意。chit-má伊kā chiah-ê偶像神明lóng清除，表明伊对上帝ê忠实。同时，伊mā清除了所罗门晚年建造ê偶像祭坛、神像等，hō͘人民bē teh看见chiah-ê偶像神明而继续崇拜，致使犯罪。
第1到3节，约西亚kā国内所有领袖，mā包括先知、祭司等宗教领袖，并且kā耶路撒冷人民代表，无论是贫富等，lóng带到圣殿，伊亲自大声宣读chit本tī「圣殿里发见ê约册」，然后伊向上帝立约，而在场ê人民、代表mā kah伊仝款，lóng表示「一心一意遵守伊ê律法诫命，并实行约册上所规定ê命令」。Chit种方式mā等于是一种立约ê态度。
第4到9节，chit段经文真清楚描述约西亚进行清除偶像ê情景。伊下令祭司kah利未人，以及圣殿警卫，kā圣殿里所有用来拜巴力kah亚舍拉cha-bó͘人、星辰等器物全部lóng tùi圣殿里搬出去，然后tī耶路撒冷城外ê山谷lóng烧掉，续落来ài kā chiah-ê烧毁ê灰带去伯特利，其实，chit种方式mā是teh对统治北国以色列ê亚述宣示，犹大绝对bē顺服亚述，政治ê意味真强。
值得注意ê，是约西亚kā chiah-ê神明ê偶像烧毁了后koh磨成灰，然后kā灰掖tī人民ê坟墓上。Koh讲，tùi第5节thang看见当时犹大人民已经有流行拜日头、月娘，kah星辰ê习惯。另外mā tùi第7节看tio̍h当时偶像神明ê崇拜之堕落情况真严重，就是tī庙里设置有娼妓，包括有男娼，这是非常严重ê错误，表示犹大人民差不多就是迦南地宗教行为化à。
第10到14节，tùi第10节thang看出tī玛拿西执政ê时代，犹大人民已经因为迦南地神明敬拜ê方式受tio̍h极大ê影响，有人kā家己ê gín-á当做烧化祭般献hō͘偶像神明，而且玛拿西家己就是tāi先án-ne做ê国王（参考廿一：6），人民mā因为án-ne跟tòe学习。chit-má约西亚lóng kā chiah-ê祭坛摧毁殆尽，并且koh kā所罗门王时代所建造起来ê亚斯伊录等神明祭坛（参考列王记上十一：4—9），全lóng phah破、摧毁。
第15到18节，chit段经文thang参考列王记上第十三章1到3节、31到32节ê记载。Tī南北两国分裂ê时，北国以色列ê王耶罗波安就bat tī伯特利kah m̄-koh两地建造金牛hō͘人民去崇拜。chit-má伯特利是亚述统治下ê区域，m̄-koh chit时，约西亚án-ne做，有意表示thang kah亚述开战ê意思。
第16节是真值得注意ê一节，就是约西亚王发见有一座坟墓，后来知影he是先知ê，而hit位死去ê先知就bat对当时ê王传达仝款ê信息，讲ài伊清除偶像神明。约西亚命令kā chit位先知ê坟墓hō͘保存落来，mā包括tùi撒马利亚来ê先知，in ê坟墓lóng被完整保存落来。
第19到20节，chit两节mā teh暗示，tī约西亚王统治之下ê南国犹大，国势有增长茁壮之态。Mā tùi chit两节看tio̍h约西亚王ná亲像发了大怒ê款，m̄-nā清除了所有偶像神明、神庙、祭坛，并且是连根lóng tio̍h清除，伊kā chiah-ê帮助人民祭祀偶像神明ê祭司人员mā刣死，然后koh kā inkhǹg tī chiah-ê祭司所从事偶像崇拜ê祭坛火烧。伊án-ne执行严厉ê清除工作，mā是遵从申命记第十三章、第十七章2到7节ê规定。
经文：列王纪下 23:21-23:30 注释:
Chit段经文描写约西亚王除了清除国内所有ê偶像神明之崇拜外，mā带领全国人民以国家祭祀礼仪方式举办庆祝Pôaⁿ过节。并且简单ê记载伊因为参与抵抗埃及大军而战死战场。
第21到23节，短短ê三节经文，却讲出真重要ê一件宗教上大事。就是伊带领全国人民同齐举行庆祝Pôaⁿ过节ê庆典活动。本来Pôaⁿ过节lóng是每一个家庭tio̍h举行ê节期，m̄-koh tī伊ê时代，一般人民lóng kā Pôaⁿ过节当做是lim食sńg乐ê节期，无人会认真想tio̍h he是kah以色列民族ê存亡有密切ê历史kah信仰关系。这就是tī第21节所提起ê「遵照约册上ê记载守Pôaⁿ过节，记念上主—in ê上帝」。约西亚王看重chit节期，mā是帮助人民重新思考chit节期ê意义，明白上帝tī in历史中拯救ê恩典，án-ne，就bē bē记得上帝而去拜偶像神明。因为án-ne，伊亲自主持chit项节期庆典。Á过去从来无一个国王án-ne做ê。
其实mā thang án-ne了解：当约书亚带领以色列民族pôaⁿ过了约旦河进入迦南地了后，bat举行过一pái国家性ê庆典，了后，就不bat有过，原因除了各族分配了家己族群ê khiā起土地外，另外一个原因，可能是in无koh看重chit-ê节日，因为in已经渐渐地tùi迦南人中学习tio̍h当地ê宗教生活，而忽略对耶和华上帝ê忠实。Chit pái举行ê意义就特别ê重大，表明in ná亲像koh一pái kah上帝立约ê意思。
第24到25节，列王记描写约西亚王chiâⁿ如申命记第六章4到9节所讲ê，是尽心、尽意、尽力带领人民事奉上帝，伊ē-sái讲是对耶和华上帝siōng忠实ê一位君王，列王记作者hō͘伊一个真好ê评价：tī伊以前无，而tī伊以后mā无一个王像伊hit种。
第26到27节，tùi chit两节就thang看出上帝对玛拿西所做ê事，一直无法度赦免，就thang知影tī伊治理之下ê南国犹大，弃sak上帝ê行为是jōa-ni̍h-á严重。虽然约西亚王chiah-ni̍h努力改革宗教，m̄-koh chit两节mā隐约地teh暗示，约西亚推动chit项宗教改革运动，显然并m̄是真彻底，因为人民已经习惯拜偶像神明à。因为án-ne，虽然官方án-ne进行改革，m̄-koh人民iáu是私下脚偷偷á tī非公共场合拜偶像神明。
第28到30节，chit三节经文记载thang参考历代志下第三十五章20到27节，历代志作者有特别提起埃及攻打亚述ê迦基米施城，kah约西亚无关。M̄-koh约西亚m̄听，坚持beh出兵协助亚述，mā可能这是伊ê政治考量kah判断。Chit pái战役ê背景是：因为巴比伦帝国兴起，巴比伦皇帝tī主前612年出兵攻打亚述帝国，首都尼尼微城被攻陷。残存ê亚述军队逃到幼发拉底河西岸，等待埃及ê援军帮助。主前609年，埃及国王尼哥二世出兵ê时chūn，约西亚王想出兵beh阻止埃及ê援军路经米吉多，虽然ná亲像头前所讲ê，埃及王尼哥有警告，这kah犹大无关。当时ê埃及mā是中东地区非常强势ê国家，用犹大之力beh抵挡，he是无可能ê。M̄-koh约西亚王可能是惊惶埃及ê举动会影响tio̍h犹大ê独立，mā有可能是为tio̍h beh取悦巴比伦帝国。可惜ê是tī chit pái军事行动中，就tī「米吉多」chit-ê所在ê战场，伊被埃及兵ê箭射中而受重伤，伊ê侍从kā伊带tńg来耶路撒冷，结果就án-ne死去。Á chit时伊chiah kan-taⁿ 39岁而已。伊ê kiáⁿ约哈斯继任为王。
经文：列王纪下 23:31-23:37 注释:
Chit段经文是描述约哈斯kah约雅敬chit两个王ê情形，in lóng是tī埃及管辖之下ê傀儡君王。
第31到34节，chit段经文是关系约哈斯继任为王ê记载，非常可惜ê是，伊无kā老父约西亚王所努力一生ê铲除偶像神明崇拜ê事hō͘保存落来，颠倒，伊是学习玛拿西王ê pháiⁿ模样，「做上主看做邪恶ê事」。因为约西亚王ê战败，约哈斯kan-taⁿ继位三个月ê时间，就被埃及王尼哥二世hō͘俘虏伊去。M̄-nā án-ne，埃及iáu因为约西亚派兵phah埃及，要求索赔军事费用chē kah「三千四百公斤银á kah三十四公斤金子」，这致使原本已经m̄是真强壮ê犹大国势koh一pái衰退落去。
注意第34节，chit节讲埃及国王尼哥二世立约哈斯ê kiáⁿ以利亚敬为犹大王，并且koh kā伊ê名改为「约雅敬」。Chit种「改名」、「号名」，所代表ê意思，是犹大顺服了ê意思。Mā就是犹大成做埃及帝国ê附庸国。
耶利米书第廿二章10到12节，有先知耶利米所提起ê关系约哈斯之情景，就是hō͘掠到埃及去，就一直到死都无被tháu放tńg来。
第廿三章35到37节，chit段经文是约雅敬在位执政ê情景，chia讲伊继位ê时廿五岁，统治了十一年。为tio̍h beh赔偿埃及ê军费，伊koh一pái增加税赋，hō͘人民生活koh khah困苦。仝款ê，伊mā是继续伊兄弟约哈斯ê pháiⁿ模样，带领人民去拜偶像神明。
Koh khah乱讲ê是，当国家tio̍h赔偿chiah-ni̍h大笔ê钱hō͘埃及ê时，伊除了向人民课重税外，却iáu奢华到建造雄伟ê皇宫，m̄-nā贪图家己ê利益，而且做出「流了无辜ê血，以暴力压制人民」ê事（参考耶利米书廿二：13—17），莫怪chit种国家会灭亡，人民会hông掠去做奴隶。
经文：列王纪下 24:1-24:7 注释:
Chit章继续记载有关约雅敬kah约雅斤前后两个王执政ê情景。Chit时ê犹大国并无因为臣服tī埃及而得tio̍h安宁，因为当teh壮大ê巴比伦看犹大，ná亲像看待埃及仝款，lóng是伊beh讨伐ê对象，结果换做巴比伦帝国入侵犹大。巴比伦王尼布甲尼撒王ê策略，就是先tùi弱小ê国家着手，伊先选择叙利亚、摩押、亚扪，然后就是透过巴比伦联合chiah-ê小国组成联军进攻犹大。
尼布甲尼撒皇帝ē-sái讲是巴比伦帝国siōng强猛ê一位君王。伊是tī主前605到562年在位。主前605年，伊率军phah败埃及ê军队，致使本来ê中东政治局势大大改观。Ē-sái讲是，tī主前601年，当伊koh一pái出兵征讨埃及ê时，却tú-tio̍h挫败，原因是伊接tio̍h老父往生ê消息，而tī中东地区ê真chē小国，包括犹大在内，看见尼布甲尼撒王急忙tńg来国内，认为伊战败，就纷纷表态独立，反抗巴比伦帝国。Chiah-ê小国包括犹大在内，约雅敬kah约雅斤等王lóng m̄听从先知耶利米ê警告（参考耶利米书廿七：9—11节），反抗巴比伦帝国，结果反tńg带来亡国ê灾难。
Chit段经文是描写约雅敬执政下ê犹大国。
第1到4节，果然，巴比伦王尼布甲尼撒率兵攻打犹大，伊只有ē-tàng降服。因为埃及tī主前605年ê迦基米施之役，被巴比伦军队phah败。这真清楚，埃及无法度继续成做犹大ê庇护国。主前604年，mā是尼布甲尼撒执政ê第二年，巴比伦军队先扫荡了非利士，chit时约雅敬表示顺服，tùi埃及附庸国变成巴比伦ê附庸国。
Tio̍h注意ê是chia提起约雅敬臣服巴比伦三年了后，就背叛了巴比伦。这可能是因为主前601年，因为埃及背叛巴比伦，巴比伦即时调兵tńg去phah埃及。Chit时，约雅敬宣布背叛，巴比伦军队无法度调tńg来制裁，m̄-koh却指hō͘叙利亚、摩押，kah亚扪ê军队联合来攻打犹大。结果约雅敬被俘掳à。
历代志下第三十六章6到7节án-ne记载讲：「巴比伦王尼布甲尼撒就来kā 伊攻击，用铜链kā伊缚起来，beh kā 伊带来巴比伦。尼布甲尼撒koh kā 上主殿内ê 器具带到巴比伦，hē tī 巴比伦伊ê 庙内。(全民版)」chit种记事tú好就是列王记tī chia第2节所讲ê「消灭犹大」。因为国王已经被俘掳à。
第5到7节，约雅敬受掠了后，巴比伦王尼布甲尼撒就立伊ê kiáⁿ约雅斤继位。列王记作者tī chia讲，埃及已经无力thang帮助伊过去所统辖ê国家、部落、族群。换句话讲，已经无可能koh来帮助犹大à。
经文：列王纪下 24:8-24:16 注释:
Chit段经文是描写约雅敬ê kiáⁿ约雅斤治理之下ê犹大。历代志下第三十六章9到10节简单ê记载伊ê事迹。
第8到9节，约雅斤tī十八岁ê时继位治理犹大国。时间非常短，kan-taⁿ有三个月时间而已，kah伊ê阿公约哈斯仝款。仝款ê，伊mā是带头拜偶像神明ê君王。
第10到14节，chit段经文讲述约雅斤期间，巴比伦王尼布甲尼撒koh命hō͘伊ê大将带兵来攻打耶路撒冷。围城ê时间可能就是tùi主前592年12月开始，大约围城三到四个月，tī主前597年3月中旬，占领了耶路撒冷。这是历代志下第三十六章9到10节ê经文所讲ê，围城是三个月koh十工。尼布甲尼撒王亲自来耶路撒冷，「约雅斤kah伊ê母亲、kiáⁿ、将领、王宫臣仆lóng投降了」。巴比伦王并且kā约雅斤俘掳，mā同时kā「圣殿kah王宫理所有ê财宝lóng搬到巴比伦去」。Koh khah严重ê，就是mā同时俘掳了「高官kah战士，共一万人。伊koh kā所有ê工匠kah铁匠等lóng掳行，只有留落来siōng穷苦ê人」。Chit种犹大国实质上就整chhun落来一个名ê而已。Kui个犹大王国会án-ne沦落到只chhun「siōng穷苦ê人」chit种惨况，列王记ê作者就是用「做上主看做邪恶ê事」chit句话来形容堕落ê君王带来ê结果。耶利米书tī第廿三章24到30节有记载先知耶利米对这件事ê看法。
第15到17节，巴比伦王m̄-nā是俘掳了约雅斤，mā kā伊ê「母亲、妻细姨、臣仆，kah犹大ê领袖一并带去」，chit pái是koh一pái俘掳「七千人，iáu有一千工匠kah铁匠；in lóng是善战ê勇士」，这等于讲犹大ê国防全部lóng被解除à。其实，chit时chūn ê犹大ē-sái讲是亡国à。因为chia讲「工匠kah铁匠」mā lóng hông掠去，表示chiah-ê人是战场上真重要ê「技师」，因为古代制造、修理枪、矛、盾、战车等兵器lóng是chiah-ê人。当chiah-ê人hông掠去巴比伦ê时，mā就表示犹大连制造兵器ê人才mā无了，而且chiah-ê人lóng变成巴比伦ê奴隶，只有ē-tàng替巴比伦制造兵器。
Chit时chūn，尼布甲尼撒王立约雅斤ê叔父玛雅探做犹大王，因为约雅斤族里ê人lóng被俘掠去巴比伦做人质à。仝款ê，玛雅探mā被改名成做西底家。
经文：列王纪下 24:18-24:20 注释:
短短三节，简略地说明tī西底家执政时代，因为伊背叛巴比伦帝国，而结果是换来犹大彻底被消灭ê厄运。列王记作者维持贯有ê笔调，讲西底家「做上主看做邪恶ê事」，这是致使上帝对犹大发出大受气ê原因，决定hō͘犹大被消灭。
经文：列王纪下 25:1-25:7 注释:
Chit章经文记载有关耶路撒冷城终其尾tī主前586年被巴比伦帝国军队攻破，犹大ê以色列人民koh一pái hông掠去做奴隶，圣殿被焚毁。Á巴比伦皇帝尼布甲尼撒任命ê总督基大利却遇tio̍h暗刣。Chiah-ê记事mā同时记载tī历代志下第三十六章13到21节，m̄-koh简略了真chē。反tńg tī有关耶路撒冷圣殿被焚毁、犹大ê以色列人民hông掠去做奴隶ê记事顶面，耶利米书第五十二章12到33节有详细ê记载，而且有关总督基大利被暗刣ê事件上，耶利米书第四十章7节到第四十一章有真详细ê记载。历代志下第三十六章22到23节，则记载一段真重要ê资料，是关系波斯皇帝塞鲁士皇帝登基，随时下令tio̍h tháu放受掠tī巴比伦做奴隶ê以色列人民。
Chit段经文是记载巴比伦帝国皇帝尼布甲尼撒率军来攻打耶路撒冷圣殿，tùi西底家在位ê第九年十月十日，mā就是主前588年，围城长到一年六个月，一直到隔两年，mā就是主前586年ê四月九日，因为城里饥荒非常严重，人民无粮食，其实就是城不攻自破，就án-ne，犹大亡国。
第1到2节，chia一起头就讲「西底家背叛巴比伦王尼布甲尼撒」，为甚么伊beh背叛巴比伦？这真可能是kah当时埃及ê态度有关。主前596年当西底家登基做王ê时，伊bat宣誓beh效忠巴比伦，而巴比伦为tio̍h确保西底家真正效忠于伊，iáu俘虏了「一kóa显要作人质」（参考以西结书十七：13），而这siōng重要ê人质中，就是约雅斤王，而且kah伊同时被掠到巴比伦去ê iáu有伊ê母亲、妻细姨、一大堆王室ê重臣、善战ê勇士，以及犹大拥有才华ê匠人等八千人（参考列王记下廿四：15—16）。西底家原本是约雅斤ê叔父，名叫玛探雅，被尼布甲尼撒设立为王ê时，改伊ê名叫西底家。伊tī登基ê时iáu bat差派了沙番ê kiáⁿ以利亚萨kah希勒家ê kiáⁿ基玛利当特使，前往巴比伦晋见尼布甲尼撒王（参考耶利米书廿九：3），表示绝对忠诚顺服。
西底家ê态度会改变，并m̄是chit-má chiah开始，早tī伊执政第四年，mā就是主前593年，伊就bat暗中邀请以东、摩押、亚扪、泰尔，kah西顿等外交使节tī耶路撒冷开会，密谋反叛巴比伦ê联盟大事。M̄-koh五年了后，伊利用埃及发动反抗巴比伦ê时刻，趁机会反叛巴比伦，西底家真正认为埃及是可靠ê。根据耶利米书第三十七章5节、11节ê记载，当巴比伦军队围困耶路撒冷ê时，埃及确实bat出兵来救援，巴比伦王一听tio̍h，就马上撤军tńg去。Chit种经验hō͘西底家听从身边幕僚ê建言，ài伊赶紧趁此机会脱离巴比伦，m̄听从先知耶利米ê苦劝，ài伊投降。因为án-ne，当主前588年十月十日，巴比伦军队koh一pái围攻耶路撒冷ê时，而且一直围困到主前586年四月九日，前后一年六个月ê时间，埃及m̄-nā无出兵来相救；á是bat出兵，m̄-koh被巴比伦军队tī途中拦截（参考第6节ê巴比伦王尼布甲尼撒亲自守tiâu利比拉据点），而且bat表示beh联合起来同时反叛巴比伦ê以东等国，并无如约所讲ê，同时出兵。Á以东iáu趁巴比伦帝国军队攻破耶路撒冷城ê时，城内ê人民逃离出来，in iáu趁火抢劫，而且掠tiâu逃亡者交hō͘巴比伦军队（参考诗篇一三七：7，俄巴底亚书第12到14节）。就án-ne，耶路撒冷城终其尾被攻破。
第3节，chit节真清楚讲出城门会phah开ê原因是粮食严重缺乏，甚至传出人民交换gín-á煮来食（参考耶利米哀歌四：3—10）。可见粮荒ê严重已经非笔墨所ē-tàng形容。
第4到5节，tī chiah-ni̍h严重ê饥荒威胁下，守军就会弃城逃走。西底家mā带家眷跟tòe逃走。M̄-koh tī逃到耶利哥附近ê平原ê时被巴比伦军队追上掠，kah伊同齐逃亡ê军人lóng离开伊，各自散à。
第6到7节，为tio̍h beh彻底消除犹大以色列人民一再谋划反叛ê事，巴比伦皇帝ê做法真彻底，就是kā耶路撒冷—chit座以色列人民看做政治、经济、宗教等中心城市hō͘摧毁殆尽，同时kā以色列人民数百年来看做siōng重要ê信仰中心—耶路撒冷圣殿—mā hō͘完全摧毁烧pháiⁿ。同时当tio̍h西底家ê面前kā伊ê kiáⁿ刣死，而伊家己则被挖出目睭，然后被掠到巴比伦去。
Chit-ê巴比伦军队围城ê「十月十日」，后来成做以色列人民列为每年禁食ê记念日之一（参考撒迦利亚书八：19）。
经文：列王纪下 25:8-25:21 注释:
Chit段经文是描写耶路撒冷圣殿被摧毁，以及犹大人民hông掠去巴比伦做奴隶ê记事。耶利米书第五十二章12到34节有koh khah详细ê记事。
第8到12节，这是发生tī巴比伦皇帝尼布甲尼撒执政ê第十九年，mā就是主前586年五月十日，mā就是耶路撒冷城被破一个月后，巴比伦军队ê司令官尼布撒拉旦放火烧毁「圣殿、王宫，kah一切达官贵人ê房屋，然后kā thang掠tio̍h ê人lóng俘掳准备带到巴比伦去做奴隶，只「Kā一kóa siōng穷苦ê人留tī犹大，叫in tī葡萄园kah田里工作」。
早tī约雅斤ê时期，巴比伦王已经俘虏了一万八千个犹大人民去做奴隶，而且in差不多lóng是重要ê人物，「lóng是善战ê勇士」（参考廿四：14—16），taⁿ尼布甲尼撒王koh kā「hiah-ê chhun落来ê匠人kah投降巴比伦ê人lóng掠到巴比伦去」，chit时ê耶路撒冷城差不多已成做废墟。
第13到17节，chit段经文描述巴比伦军队摧毁圣殿ê情形，就是kā所有用来敬拜上帝ê一切器皿lóng带走。就án-ne，所罗门所建造起来非常富丽堂皇ê耶路撒冷圣殿，以及皇宫，tī一夕之间，完全被摧毁à。Ná亲像当年上帝对所罗门王所讲ê：「设使lín á 是lín ê kiáⁿ 孙，oa̍t-tńg 身无tòe 我，无守我赏赐 hō͘ lín ê 诫命 kah 律例，去服事别ê 神明，来kā 伊敬拜，我就beh tùi我赏赐 hō͘ in ê 地剪除以色列，而且我为家己ê 名所分别做圣ê chit 间殿，mā beh tùi 我 ê 面前 kā 伊弃 sak，hō͘ 以色列人tī 万国中做话柄，受讥刺。Chit 间殿虽然真koân，将来经过ê 人会tio̍h 惊kah gāng 去，koh 耻笑， 讲：『上主ná会án-ne 款待chit-ê 地，chit 间殿？』(全民版)」（列王记上九：6—8）chit种警语taⁿ mā应验ā，理由真简单，就是弃sak上帝，bē记得上帝chiah是in性命ê救主。
Chit-ê「五月七日」，巴比伦军队攻入耶路撒冷城ê日子，mā成做禁食记念日（参考撒迦利亚书八：19）。
第18到21节，chia讲巴比伦大将军mā同时kā大祭司西莱雅kah副祭司西番雅，以及「圣殿ê三个重要官员」mā掳行，ē-sái讲是并无讲出chit三个重要官员是甚么人。Chit-ê大祭司西莱雅，就是后来kah以色列人民回乡重建家园以斯拉ê老父（参考以斯拉记七：1）。Chia真清楚指出chit pái巴比伦大将军所掠去ê人，lóng是有代表性ê人物。M̄-koh chiah-ê有代表性ê人物并m̄是去巴比伦做奴隶，却是被带到巴比伦王尼布甲尼撒面前处死，koh tī处死chìn前还hō͘ in严厉ê凌虐、鞭phah等，chiah-ê lóng是beh hō͘犹大人民心生惊惶，m̄敢koh再反叛。第21节b简单ê一句「án-ne，犹大人民受掠，离开本国。」清楚说明犹大tùi án-ne亡国。时间就是主前586年。
主前721年北国以色列被消灭，然后tī主前621年，亚述被巴比伦消灭，án-ne，hō͘会得thang色列人民lóng tī巴比伦帝国统治之下，成做该国ê奴隶，一直到主前538年，波斯帝国兴起phah败巴比伦，in chiah得tio̍h机会tńg去故乡重建家园。
经文：列王纪下 25:22-25:30 注释:
Chit段经文有两件记事，一是记载巴比伦皇帝尼布甲尼撒任命管理犹大ê总督基大利被谋刣ê事件，以及以前被掠到巴比伦做人质ê犹大王约雅斤被tháu放，m̄-koh继续留tī巴比伦王宫做人质ê情景。
有关基大利被杀害ê记事，mā记载tī耶利米书第四十章7节到第四十一章。Á约雅斤被tháu放留tī巴比伦王宫ê记事，则记载tī耶利米书第五十二章31到34节。
第22到24节，会任命亚希甘ê kiáⁿ基大利为总督，真可能是因为亚希甘是支持先知耶利米而且救过先知耶利米（参考耶利米书廿六：24）。Koh讲，基大利mā是贵族出身，阿公沙番就bat当过约西亚王时代ê王室书记（参考列王记下廿二：3）。Á沙番就是极力推动宗教改革ê主要策划者之一。可惜ê是，当伊被任命为亡国了后ê犹大总督ê时，一阵死硬派ê人（现代用语kā它称做「鹰派」，主张kah埃及联合继续kah巴比伦对抗者）就来投靠。当然基大利真清楚chiah-ê人ê背景，就鼓励in留tī故乡，m̄-thang去埃及，只要「服事巴比伦王，一切lóng会顺利」。照耶利米书第四十章10节ê记载，基大利甚至允准in继续留tī原本ê故乡城镇，thang享受丰富ê收入，保留财产bē受tio̍h任何ê损伤。可惜这并m̄是chiah-ê人想beh ê。
第25到26节，结果就tī基大利担任总督无久，王室有一个少年一代名叫以实玛利ê人，带十个人来到米斯巴，利用晋见基大利ê机会，kā伊刺杀，连当时kah基大利做伙ê「以色列人kah巴比伦人」mā同齐杀害，结果却因为án-ne，害得koh-khah chē ê以色列人民一定tio̍h逃走去埃及避难，免得受tio̍h巴比伦王ê究责、报复。
若是tùi耶利米书第四十章13节到第四十一章18节ê记事来看，就会发见在这chìn前，bat有约哈难来kā基大利讲chit件暗刣ê消息，并hō͘伊知影策划chit件事kah亚扪王有关系。In希望基大利先下手反制，m̄-koh chit种建议被基大利tńg来绝à。基大利甚至ài in bē-tàng冤枉以实玛利。无想tio̍h，tú亲像约哈难所讲ê，当以实玛利进宫去晋见基大利，而且受tio̍h基大利诚恳地接待，同齐食饭ê时，趁机会kā基大利杀害，mā刣死所有在场ê以色列人民kah巴比伦军人。而且mā讲逃去埃及避难ê人，就是想beh抢救基大利而被拒绝ê约哈难，kah伊kah其他人tùi以实玛利手中抢救出来ê，lóng因为惊被巴比伦王追杀，而逃去埃及，in lóng是支持mā拥护基大利ê人。
后来基大利被杀害ê chit工（七月）mā被列为禁食ê日子（参考撒迦利亚书八：19）。
第27到30节，chit段记事mā记载tī耶利米书第五十二章31到34节。
Chia讲尼布甲尼撒王往生后，由以未・米罗达续接为王，伊好款待约雅斤，tùi监狱tháu放伊，并且礼遇伊。Á这已经是伊被掠到巴比伦做奴隶「后ê第三十七年十二月二十七日」，chit-ê时间就是主前562年3月22日到4月4日之间。伊上任继承王位，第一件事就是大赦约雅斤，hō͘约雅斤tùi监牢中出来，伊成自由身，并且「终生kah巴比伦王同桌进餐」，mā同时thang领取王室hō͘ in ê生活费用。
重新查询