重新查询
经文:

哥林多前书 1:1-1:3

注释:

哥林多前、后书lóng是使徒保罗写ê书信,主要是谈论到有关基督徒生活kah信仰之间ê问题。Tī使徒保罗所写ê书信中,写hō͘哥林多教会ê书信占有真重要份量。前后两份书信共计有廿九章,讨论ê范围非常真阔。Tùi使徒行传第十八章1到4节thang看tio̍h使徒保罗到哥林多城,tī hia tú-tio̍h亚居拉kah百基拉chit对夫妻,因为in kah使徒保罗lóng是「靠制造帐棚维持生活」,所以in tī哥林多成做真好ê福音同工。Tī使徒行传第十八章第4节讲:「Ta̍k个安息日, 保罗lóng tī 会堂kah 人辩论,苦劝犹太人kah 希腊人来信主。(全民版)」Chit节讲出使徒保罗奠立了哥林多教会ê基础。原本使徒保罗是「靠制造帐棚维持生活」,后来因为西拉tùi腓立比ê教会带来一笔信徒ê奉献(参考哥林多后书十一:8—9),使徒保罗teh生活无虑了后,就kā全部ê时间投入传福音ê事工上(参考使徒行传十八:5)。

哥林多是希腊ê大城市,是罗马帝国统治下属tī亚该亚省ê首都,mā是一个非常繁华ê城市,不过社会风气非常败坏,道德低落,是一个多宗教信仰ê城市。Chiah-ê社会败坏ê现象mā发生tī教会内部,使徒保罗听tio̍h后感觉非常ê痛心,当伊tī以弗所三年ê福音事工teh beh结束,准备ài离开chìn前写chit封册,目的就是beh处理信徒tī信仰kah生活中所发生ê问题,并且透过此书信劝勉大家应该彼此相疼,因为每一个信徒lóng是上帝福音ê同工。

Ná亲像现代人写phe ê时会有一定ê样式,古代人tī chit方面koh khah是án-ne。新约圣经时代写phe lóng会先自我绍介,写明收phoe ê对象,然后是写上请安语。使徒保罗ê书信mā是循tio̍h chit-ê模式。

第1节,使徒保罗所写书信ê特色,伊自称是「基督耶稣ê使徒」,tī伊ê书信中一再出现chit种话句(参考罗马书一:1,加拉太书一:1,以弗所书一:1,歌罗西书 一:1,提摩太前书一:1、后书一:1,提多书一:1)。伊之所以每写一封书信就自称「使徒」,原因是tī伊离开开拓起来ê教会了后,真紧to̍h有人去传「另外一种福音」(参考加拉太书一:6),chiah-ê传「另外一种福音」ê人,siōng欢喜讲使徒保罗无「使徒」ê身分。若照使徒行传第一章22节记载有关拣选「使徒」ê条件,使徒保罗确实是无「使徒」ê资格。M̄-koh ná亲像伊写hō͘加拉太教会ê书信中所讲ê,伊之所以自称做「使徒」,并「m̄是因为人ê选召,mā m̄是受人ê委派,却是耶稣kah Hit位 hō͘他tùi死里koh活ê父上帝指派ê」(参考加拉太书一:1)。

Chia提起「所提尼」chit-ê兄弟,chit-ê名只tī chia出现,伊真可能就是使徒行传第十八章17节记载ê hit位tī哥林多城管理犹太人会堂者,因为使徒保罗tī hit-ê城ê犹太人会堂传讲耶稣ê福音,激怒犹太人,in掠tiâu伊,殴打伊。可能后来in因为听tio̍h使徒保罗所传讲ê福音,á是听tio̍h亚波罗传讲ê福音信息而归属信耶稣。

第2节,chit节真重要,chit节已经讲出普世教会ê观念,to̍h是所有信耶稣ê信徒,lóng是属tī「上帝教会ê信徒」,lóng是用基督为元首(参考以弗所书一:22)。

Tio̍h注意ê是chia ê「信徒」一词,表示「分别为圣」ê意思,kah一般人是无仝款ê。换句话讲,tī主耶稣内面,所有ê信徒lóng是属tī上帝ê子民,是神圣ê子民。而且tī耶稣里成了合做一个ê团契,是仝一个家庭ê份子。使徒保罗会án-ne讲,一定kah教会内部ê分裂事件有关。

第3节,chia讲出当时书信ê模式,就是请安kah祝福。Chia讲「恩典」,表示tùi上帝来ê赏赐,chit种tùi上帝来ê赏赐,是无法度用任何代价来换得tio̍h,却是上帝tī耶稣里白白hō͘ in ê。「平安」,chit-ê词m̄是表示无tú-tio̍h任何问题,却是指性命充满tio̍h饱足、欢喜,而且满有活力ê意思。


经文:

哥林多前书 1:4-1:17

注释:

Chit段经文mā呈现使徒保罗写书信ê特色,就是先o-ló收phoe ê对象,ná亲像伊写ê罗马书(参考一:8—12);以弗所书(参考一:15—18);腓立比书(参考一:3—8);歌罗西书(参考一:3—5);帖撒罗尼迦前书(参考一:2—10);帖撒罗尼迦后书(参考一:3—4)等等。M̄-koh teh写hō͘加拉太教会ê书信则例外,tī该卷经册一开始,使徒保罗就真严厉ê谴责该教会接受「另外一种福音」。M̄-koh一般来讲,伊ê书信lóng会先o-ló受信ê对象。

第4到5节,使徒保罗为哥林多教会献上感谢,因为伊知影上帝藉tio̍h耶稣赏赐hō͘该教会ê各项恩典是丰富ê,特别是tī「知识kah口才」上koh khah是án-ne。Chia ê「知识」,指ê是对真理ê领悟力,而「口才」是teh指传讲真理ê能力(参考哥林多前书十二:10),m̄-koh mā thang指讲灵语ê能力(参考哥林多前书十四:2)。

第6到7节,使徒保罗肯定哥林多教会ê信徒tī认bat耶稣koh一pái显现ê恩赐上,是有具备够额ê知识,chit点伊并无担心。

第8节,chit节提起关系「基督降临ê日子」,kah第7节「主耶稣基督显现ê时chūn」ê意思是仝款ê。早期ê教会认为chit工mā是上帝审判世界ê日子,是末世ê观念。Koh讲,tī he日子来临ê时,主耶稣将成做审判者,所有信靠伊ê人,lóng thang坦然无惊惶地面对审判。

第9节,上帝是「信实ê」,表示上帝呼召来成做耶稣信徒ê子民,lóng将亲密结连做伙,bē分离。这mā讲出使徒保罗一贯ê思想:kah耶稣同死,mā kah耶稣同koh活ê意思。上帝既然差遣耶稣到世界起来呼召人归属tī伊,他一定会信守chit-ê应允(参考约翰福音三:16)。

第一章10节到第四章21节:
Chit段经文是使徒保罗teh处理哥林多教会结党分派ê问题。伊认为chit种教会,并m̄是用耶稣做中心ê信仰团契,却是将以耶稣为信仰团契ê身躯hō͘分割了,这是非常无好ê现象。

第一章10到17节:
Tùi chit段经文thang明显看出早期教会已经出现分裂ê问题。提供这讯息hō͘使徒保罗ê是tī「革来」家聚会ê人。这革来是甚么人,已经无资料thang查询,m̄-koh真明显,信仰团契有分党结派ê现象出现,就可能带来教会分裂ê危机。

第10到11节,使徒保罗tī chia讲「奉咱ê主耶稣基督ê名劝lín」,chit句话已经表示伊续落来beh讲是真严肃ê事,一种带有chiù-chōa ê语句。伊ài大家讲话一致,「bē-tàng分裂,tio̍h团结」,这表示教会内部已经有「分裂」ê现象出现。

第12到13节,chia使徒保罗指出哥林多教会分裂做kúi-nā派别,包括有「保罗ê人」、「亚波罗ê人」、「彼得ê」、「基督ê」等四个派系。伊直接指出,chit种分派就是kā基督「分割」。伊ài大家想清楚:是甚么人为大家死tī十字架上?大家受洗是奉甚么人ê名?

第14到17节,伊Tī chit段经文中提起伊受呼召,并m̄是为tio̍h替人行洗礼,却是为tio̍h beh传福音,而且m̄是beh用「智慧ê语论」。Chit句「智慧ê言论」是teh指口才好,讲论hō͘人听感动ê意思。其实,tùi chit段经文thang看出当时哥林多教会中,因为分别tùi使徒保罗、彼得,kah亚波罗等人受洗,自认背景真有权威,所以就tī教会中形成一个小团体,就án-ne有人真不满,干脆kā家己归类tī「基督」ê派别中分别苗头。Tio̍h注意ê是,使徒保罗án-ne讲,并m̄是讲伊看轻行洗礼ê重要性,却是beh除去会hō͘某人行洗礼当做信仰权威。使徒保罗认为受甚么人行洗礼lóng m̄重要,重要ê是基督chiah是教会chit-ê信仰团契ê中心。伊强调真正重要ê,m̄是tī洗礼ê事顶面,却是传福音ê工作。福音ê本身就是耶稣基督(参考马可福音一:1)。受洗ê主要目的,是hō͘人归信耶稣,认耶稣为救主,án-ne chiah是重要ê。

经文:

哥林多前书 1:18-1:31

注释:

Tī chit段经文中,ē-tàng看出使徒保罗写chit本书信siōng主要ê中心题旨,就是beh说明基督死tī十字架上ê信息,khah赢过世间任何一切。使徒保罗强烈而且明确地指出:只有耶稣死tī十字架上ê信息,chiah是属tī耶稣基督chit-ê信仰团契ê中心。如果疏忽chit-ê重要信息,真紧to̍h会曲解福音ê本质。

第18到20节,chit节明确指出基督死tī十字架上ê信息,就是上帝拯救ê大能。然后tī第19节,使徒保罗引用以赛亚书第廿九章14节,经文ê背景是耶路撒冷有危机,被亚述帝国包围,为tio̍h beh解决围城ê危机,犹大bē记得走chhōe上帝ê协助,却是去chhōe hiah-ê所谓国家「智囊团」,想beh kah埃及联盟,认为óa靠人ê气力ē-tàng解决城被围困ê问题,结果是徒然无功。

第21到25节,这是真重要ê一段经文,使徒保罗tī chia提出一个真重要ê认bat:认bat上帝m̄是óa靠人ê知识,想以人ê知识明白耶稣死tī十字架上ê意义真oh。Ná亲像先知以赛亚书讲述ê,上帝kah人之间ê认知相差之远,就ná亲像天kah地之间cheng差仝款地远(参考以赛亚书五十五:8—9)。认bat上帝,一定tio̍h用谦卑ê心灵,tùi认罪开始,因为知影认罪ê人,chiah体会得出十字架ê意义。伊特别提起希腊人讲究智慧,而犹太人走chhōe神迹,m̄-koh只有信耶稣ê人chiah会知影十字架救赎ê可贵。

第26到31节,tī chit段经文中,使徒保罗讲出伊tī外邦人地区传福音ê心得,就是会接受福音信息ê人,lóng是tùi自认真卑微ê人开始ê,相对ê,hiah-ê自认真有学问、地位ê人,却无机会藉tio̍h耶稣kah上帝连结起来。

第26到29节,上帝拣选人,是teh表明他ê主权,m̄是根据人ê条件。其实这mā是使徒保罗ê亲身经验,伊原本看家己真高贵,而且鄙视(siùⁿ)信耶稣为救主ê基督徒,伊chiah会用残酷ê手路迫害信徒,最后,当伊tú-tio̍h koh活ê主耶稣ê时,感觉万分见笑,mā tùi hit时起,伊改变了性命态度,并投入一生ê气力奋力传福音。使徒保罗讲上帝án-ne拣选ê方式,是beh hō͘心中骄傲ê人感觉见笑,而知影谦卑落来。

第30到31节,使徒保罗讲信耶稣ê人,就ē-tàng藉tio̍h耶稣ê救恩kah上帝有合宜ê关系,并且因此而成做圣洁ê子民。所以真正thang夸口ê,就是伊认bat上帝ê救恩。第31节是引用耶利米书第九章23到24节语。

经文:

哥林多前书 2:1-2:5

注释:

Tī chit章中,使徒保罗继续强调耶稣十字架ê救赎恩典。使徒保罗一再强调:福音,m̄是用人ê智慧ē-tàng了解ê,却是上帝启示人ê心灵,hō͘人会得thang知影他tī耶稣里奇妙ê救恩。

Tī chit段经文中,使徒保罗真清楚表示,传福音kah是m̄是有高深ê学问,á是用súi ê词句并无关系,因为十字架表示上帝tī耶稣里ê疼,án-ne chiah是siōng重要ê信息。

第1到2节,tī chia使徒保罗提起「以前」到哥林多去传福音ê经验,这「以前」,就是使徒行传第十八章1到17节ê记事。Tī该段记事中,thang看出使徒保罗tī犹太人会堂被拒绝,m̄-koh tī「提多・犹士都ê厝里」却有会堂主管基利司布kah伊全家lóng信了主,iáu有真chē哥林多人mā信à。Á使徒保罗强调,当时伊lóng是只有讲「耶稣基督kah伊死tī十字架上ê事」而已,不过,因为讲耶稣kah伊死tī十字架上ê救恩,却致使犹太人联合起来攻击伊,并kā伊掠去官府。M̄-koh罗马总督却tháu放了伊。犹太人因此将愤怒转向会堂主管ê身上去。

第3到5节,tī hit种环境之下,使徒保罗深深体验tio̍h,用人ê学问(伊本身就是受过顶真ê法利赛派ê训练)是无用ê,mā m̄是用花言巧语ē-tàng hō͘人接受福音,却是因为圣神ê气力,chiah phah开人ê心门,而这就是上帝ê大能带来ê效果。所以福音ê事工就是圣神ê事工,传福音需要圣神ê感动作工,mā需要圣神ê引chhōa,因为有上帝ê灵ê感动,人才ē-tàng认bat有关上帝救恩ê事。若无,靠人ê智慧、能力,真容易hō͘福音变成人ê哲学思想。

经文:

哥林多前书 2:6-2:16

注释:

Tī chit段经文中,使徒保罗以人ê智慧kah上帝ê智慧之间ê差别做对照;伊特别指出上帝ê智慧是种奥秘,m̄是人ê智慧ē-tàng解开,除非有圣神tī人心内中做工chiah会有效果。

第6到8节,chia ê「灵性成熟ê人」,相对tī第三章1节所提起ê「信仰上ê婴á」。使徒保罗讲对chit种ē-tàng认真思考性命问题ê人,伊所传讲ê,是属tī「上帝奥秘ê智慧」。Chia所讲ê「奥秘」,原本是teh指隐藏,无为人知影ê事,taⁿ已因上帝ê启示,hō͘人明白、顿悟过来。Tī使徒保罗ê书信中,「奥秘」是teh指:1.有关上帝救赎ê工作(参考二:1),2.死人koh活(参考十五:51—52),3.上帝ê创造 (参考二:7),4.婚姻ê关系(参考以弗所书五:32)。5.外邦人信主耶稣,犹太人拒绝(参考罗马书十一:25)等。

第9节,比较麻烦ê是chit节ê出处Tī圣经中chhōe bē-tio̍h。主要teh表明:上帝赏赐hō͘他ê子民,lóng是siōng好ê,是世人过去m̄-bat看过、听过,甚至想像bē到ê。亲像:以色列人民ē-tàng经过红海,tī旷野食吗哪,甚至thang进入迦南地等等就是真好ê例。

第10到12节,chit三节真重要,chia讲出只有tī上帝ê灵里,chiah ē-tàng认bat上帝。换句话讲,tio̍h认bat上帝,并m̄是用人ê智慧、经历,甚至学历ē-tàng认bat ê,却是需要上帝圣神ê启示,而每一个接受耶稣做性命救主ê人,lóng是领受了上帝ê圣神,这是上帝hō͘基督徒siōng好ê恩赐。

第13到14节,使徒保罗真清楚讲,伊m̄是用人ê智慧传讲起帝救恩ê事,却是用圣神所教导ê言语。M̄-koh属灵ê人kah不属灵ê人之间是会有差别ê;后者无法度领受上帝ê恩赐,甚至会嘲(sau)笑上帝tī耶稣里ê救恩。

第15到16节,「属圣神ê人」,是teh指有上帝ê圣神同在者,chit种人teh判断世间ê事物ê时,会因为有圣神同在而充满智慧,hō͘伊清楚知影万物ê价值。Á chit点是一般人无法度理解ê。使徒保罗tī chia引用以赛亚书第四十章13节,表示只有tī上帝圣神启示之下,人才ē-tàng明白上帝拯救ê恩典。所以每一个信耶稣ê人,lóng会有圣神充满而明白上帝拯救ê计画,并且照上帝ê旨意去遵行。

经文:

哥林多前书 3:1-3:9

注释:

Tī前二章里,使徒保罗一再强调讲,伊m̄免智慧ê话语来传达上帝拯救ê信息。M̄-koh chit种讲法,并m̄是讲伊无重视智慧ê重要性,却是讲上帝ê拯救信息,并m̄是óa靠人ê智慧ē-tàng明白,因为拯救是属tī上帝ê事,一定tio̍h有上帝ê灵启示,人才ē-tàng晓悟。想得tio̍h上帝ê灵启示ê人,siōng基本ê条件就是beh有谦卑ê态度。骄傲ê人是bē晓悟上帝话语ê真谛。这就是使徒保罗所讲ê:「上帝偏beh拣选世人所认为愚拙ê,来hō͘聪明ê人见笑;上帝拣选世人所认为软弱ê,来hō͘坚强ê人见笑。上帝mā拣选世人所轻视、讨厌、认为不足轻重ê,来推翻一向hō͘人认为重要ê,hō͘人tī上帝面前无thang夸口口。」(一:27—29)tùi教会历史ê记录来看,chit种例一再出现,即使是tī今á日ê时代,基督教ê宣教工作iáu是充满tio̍h chit种史迹。

Tī chit-ê章经文内底,使徒保罗继续谈起第一章所提起过ê哥林多教会问题,就是教会内部有纷争,甚至分裂ê迹象。伊讲chit种现象就是信仰无成熟ê缘故,ná亲像婴á teh吸奶仝款,却无长大、茁壮。伊希望大家ē-tàng tī信仰上进步,mài koh再suh奶,而ē-tàng食饭。

Koh讲,tī使徒保罗ê书信中有一个特色,会谈起末日审判ê事。Tī chit一章经文中伊mā提起上帝ê审判,伊强调信徒一定tio̍h有好ê信仰基础chiah ē-tàng挡能tiâu上帝审判ê考验。

Tī使徒保罗看法中,出现分裂ê教会,就是信仰iáu未长大,chit种信徒,ná亲像是teh suh奶,m̄是食饭,是需要人养饲,而无法度自食其力。伊认为教会一定tio̍h清楚奠基tī上帝ê救恩上,上帝chiah是性命ê中心。

第1到2节,使徒保罗真清楚kā哥林多教会信徒讲,伊看in ná亲像iáu teh吸奶ê婴á。Chit种看法kah希伯来书teh描述伊hit-ê时代ê教会信徒仝款(参考希伯来书五:11—14),表示tī信仰ê基础上iáu真软弱。

第3到4节,使徒保罗会án-ne讲ê原因,是因为教会内部有纷争,chit种纷争是kah「嫉妒」有密切关系。Chit种纷争kah嫉妒ê形成,就是kā人当做权威,这是错误 ê态度,chit种用人当做教会信仰团契ê权威之观念是错误 ê。

第5到7节,使徒保罗tī chia强调讲,无论是属tī亚波罗派ê,á是自称属tī保罗派ê,á是其他派别ê,chiah-ê lóng仝款,tī福音事工上只不过是上帝ê奴仆而已。若是奴仆(chit-ê词等于奴隶)koh有甚么好夸耀ê?「每一个人lóng按照主所分派ê工作去做。」chit句话讲出福音事工有分类,m̄-koh无所谓toh部门重要,toh部门thang轻视。伊提出一个重要ê认bat:ē-tàng hō͘福音事工成长、发芽起来ê,并m̄是人ê能力,却是上帝。伊清楚指出就算是伊,á是亚波罗lóng仝款,只不过是上帝ê工人而已。

第8到9节,「上帝会按照每一个人ê工作报酬伊」,chit句话讲出审判ê来临,每一个人lóng tio̍h向上帝交帐。上帝清楚知影甚么人尽心尽力为福音事工努力,这kah toh一kóa人居tī hit种地位一点á关系mā无。「咱是上帝ê同工」,chit句话有两种意思:一是teh指使徒保罗讲伊kah亚波罗lóng是福音ê同工;二是teh指in两人lóng是上帝ê同工,领受上帝所hō͘ ê命令而传扬福音信息。使徒保罗tī chia beh表达一个信仰基本观念:所有ê基督徒lóng是「上帝ê奴仆」,是kah上帝同工。


经文:

哥林多前书 3:10-3:23

注释:

Tī chit段经文中,使徒保罗用建筑物做譬喻,用怎样ê材料,建造怎样ê厝,这主权lóng是tī建造者,m̄是奴仆á是材料本身thang决定ê。

第10到11节,建筑物siōng重要ê,就是根基。好ê根基,chiah ē-tàng hō͘建造起来ê建筑物屹立不摇。上帝已经立耶稣基督做教会唯一ê根基,无其它ê根基thang取代,chit点m̄-nā tī早期教会非常重要,tī今á日ê时代mā是仝款。无任何人ē-tàng取代耶稣tī十字架上ê救赎恩典。

第12到15节,tī chit段经文中,使徒保罗特别提起有kóa人建立ê根基m̄是用基督,却是各式各种ê物件,意思是teh指chiah-ê物件,无在tī价值chē少,而在tī审判ê日子来临ê时,其他ê根基lóng会露馅,经不起考验。Chia提起「大火」,就是审判ê意思。Ná亲像台湾俗语所讲ê:「真金m̄惊火。」好ê信仰根基,火jú烧,会jú光华亮丽。信仰mā是án-ne,奠立tī耶稣基督之基础上ê信仰,无论受tio̍h怎样ê考验只会发生闪亮ê光芒。

第16到17节,chit两节是chit章ê中心经文;使徒保罗用「上帝ê殿」来形容教会kah上帝之间ê亲密关系,信主耶稣ê人应该有chit种认bat。教会就是用基督为体(参考以弗所书一:23),所以分裂ê教会,等于是teh分裂基督ê身躯,teh毁损上帝ê圣殿仝款,会做chit种事ê人,bē是信主耶稣ê人。Á上帝一定会对chit种分裂教会ê人采取严厉ê审判。

Koh讲,chit两节mā teh提醒哥林多教会ê信徒,tī日常生活中,一定tio̍h有顶真ê态度,而bē-sái有淫荡ê行为。因为每一个人ê身上lóng有上帝ê记号。

第18到20节,tī教会内部,每一个人lóng m̄-thang自认为真有智慧,因为每一个人tī上帝面前lóng是愚拙ê。使徒保罗引用约伯记第五章13节语,说明上帝会hō͘ hiah-ê自命聪明ê人,掉落tī家己认为周全ê诡计中,这表示人无论jōa-ni̍h-á聪明,一定会谦卑落来,chiah会看见上帝ê大能。

第21到23节,chit三节真清楚说明使徒保罗ê观点:基督徒身上所有ê一切,全部lóng是tùi上帝来ê赏赐。一个真正有美好信仰ê人,bē kā所做ê事,全lóng看做是家己ê成就,应该tio̍h清楚知影,是上帝ê赏赐chiah有ê结果。无论是甚么人lóng仝款,只要进入基督教会ê信仰团契,大家lóng仝款同属tī基督、属tī上帝。

第22到23节,chit两节被「日本无教会主义」ê创始者内村鉴三引用有类似ê名言:「我为日本、日本为基督、基督为世界。」仝款ê,基督徒应该有chit种看法:我为福音,福音为基督,基督为上帝。

经文:

哥林多前书 4:1-4:13

注释:

使徒保罗tùi开始就建立一个siōng基本ê信仰认知:每一个信耶稣ê人,lóng是耶稣福音ê奴仆。有奴仆ê认知了后,就bē骄傲,认为家己真重要,真了不起而看bē起别人。只有kā家己建立tī福音事工上奴仆ê角色,chiah会知影tī福音事工上,无夸耀家己ê成就。

另外一个问题是,面对哥林多教会分党结派ê情形,并且是用伊kah其他如亚波罗、彼得等人ê名义所组成ê派系,伊mā一定tio̍h hō͘ in正确ê纠正,免得伊kah其他同工ê名koh一pái hō͘人误用,而损害了福音ê圣洁。

Tī chit段经文中,使徒保罗强调福音ê奴仆并无甚么好夸口ê,所以就无甚么资格去批评别人ê长短。因为奴仆ê工作,就是先kā家己ê本份ê tāi-chì做好。伊对hiah-ê用伊kah其他门徒名义结成党派ê人提出明确ê指责,讲in是骄傲ê一阵信徒,chit种信仰态度并bē-tàng取。

第1到2节,chit两节真清楚,使徒保罗提起任何参与福音事工ê人,lóng是福音ê奴仆。奴仆ê职责就是对主人忠心。Chia特别指出「上帝之奥秘」,意思是teh指福音ê信息,tī一般人看起来是愚戆ê,m̄-koh tī福音事工ê人看起来是性命拯救ê气力。

Koh讲,使徒保罗讲「应该kā阮当做是基督ê奴仆」,chit句话是使徒保罗tī宣教工作上为家己所做ê定位,mā是hō͘所有为福音事工献身ê每一个人非常重要ê认bat。Chit句话同时mā是teh kā哥林多教会ê信徒讲,m̄-thang kā使徒保罗、亚波罗、彼得等人看做是「领袖」,á是教会ê「头」,hit种看法是有错误 ê。既然是「奴仆」,就无所谓「领袖」thang讲。

第3到5节,使徒保罗提起:人ê审判事小,上帝ê审判chiah是siōng重要ê事。因为上帝是审判人心内动机ê上帝。只有他chiah明白所有ê一切,因为所有隐藏ê,lóng将tī上帝面前显露出来(参考希伯来书四:13)。所以使徒保罗tī chia koh一pái提醒信徒,m̄-thang随便评断人。因为人ê评断bē标准,mā无一定正确。

第6到7节,所谓「chiah-ê tāi-chì」是teh指分党结派ê事,使徒保罗特别用家己kah亚波罗做例,表示伊ē-tàng hō͘家己á是亚波罗hō͘人指责,m̄-koh无希望哥林多教会ê信徒彼此之间有分裂ê现象。因为一切lóng是tùi上帝来赏赐,无人ē-tàng自认比别人koh khah高贵、有地位。

第8到10节,chit段经文真清楚指出哥林多教会信徒ê骄傲,in认为家己比别人koh khah高贵,koh khah有才能。所以使徒保罗故意用非常明显ê对比,而且语带讽刺句来说明家己kah其他同工ê卑微,故意凸显哥林多教会信徒自认ê高贵,而使徒保罗故意kā家己kah其他同工自认ná亲像被罗马帝国俘虏beh送去竞技场被耻笑ê囚犯仝款。

第11到13节,这几节经文thang参考哥林多后书第四章7到12节、第六章4到10节、第十一章23到33节、第十二章10节等等。Tī chiah-ê经文中lóng ē-tàng看出使徒保罗所经历到ê困境。这真清楚说明一点:真正传福音ê人,是ài面对迫害者ê欺压、迫害,bē爽快到有时间去内争、相斗,chiah-ê lóng是闲来无所事事ê人chiah会有ê现象。M̄-koh身为基督信徒,lóng会因为领受耶稣ê救恩,无闲beh kā chit大好消息设法传扬出去。伊tī第12节chia讲家己是靠「「双手辛劳工作来饲家己」,chit点thang tùi使徒行传第十八章3节看出来,使徒保罗是óa靠织帐棚饲家己。

经文:

哥林多前书 4:14-4:21

注释:

Chit段经文kah前段经文显然有真大ê无仝;前段读起来有真强烈ê指责ê意思,而chit段经文,读起来就会感觉鼓励、劝勉ê意味真chiok厚。

Chit段经文ē-tàng看出使徒保罗对哥林多教会信徒信仰上ê缺失确实受气à;伊为tio̍h án-ne事iáu特别差派伊siōng kah意ê门徒提摩太专程走了一chōa哥林多教会,并且表示若提摩太去了iáu是无法度解决问题,án-ne他就beh亲自行一chōa。伊提醒哥林多教会ê信徒,重要ê m̄是在tī言语,却是tī实际ê生活见证,就是tī耶稣里有新ê生活,chit点mā是使徒保罗siōng强调ê信仰态度(请参考罗马书十二:1—2,哥林多后书五:17,加拉太书六:15)。

第14 kah 15节,使徒保罗提起「导师」kah「老父」之间ê差别;所谓「导师」,是teh指hiah-ê tī知识上ê帮助者、指导者,古早时ê「导师」mā充当监护安全、生活ê角色。M̄-koh「老父」,是teh指性命ê延续关系。使徒保罗开拓哥林多教会,是伊kā耶稣ê信息传hō͘哥林多城ê信徒,hō͘ in tī性命ê旅途上,因为kah耶稣ê连结而得tio̍h新ê性命。所以当伊讲「老父」ê时chūn,就是用耶稣做媒介讲ê。

第16节,chit节ē-sái讲是写hō͘哥林多教会书信ê主要目的之一,伊tī chia讲「Lín tio̍h学我ê模样」,tī第十一章1节伊koh讲:「Lín tio̍h效法我,像我效法基督仝款。」使徒保罗常对伊建立ê教会众信徒án-ne劝勉(参考腓立比书三:17,帖撒罗尼迦后书三:7—9)。

第17节,使徒保罗讲beh派伊看做像家己信仰上ê kiáⁿ提摩太(参考提摩太前书一:2)到哥林多教会去访问,tī chit-ê封信ê结尾处,伊koh一pái提醒哥林多教会tio̍h好款待提摩太(参考十六:10)。提摩太,伊是使徒保罗tī第二、三pái旅行传道ê时ê得力助手,老母是犹太人,老父是希腊人,m̄-koh为tio̍h传福音ê缘故,使徒保罗替伊行割礼(参考使徒行传十六:1—5)。因为in bat同齐tī哥林多城同工传福音,被真chē信徒o-ló有加(参考使徒行传十六:2、十八:5,哥林多后书一:19),所以伊认为派提摩太去,一定ē-tàng解决分裂ê问题。

第18到21节,chit段经文thang清楚看tio̍h tī哥林多教会内,有人欢喜乱放话,讲不实在,因为有人讲使徒保罗beh派提摩太去,是因为伊m̄敢去哥林多教会看in。这mā是教会分裂ê主要因素之一,就是有人讲不诚实。使徒保罗就是beh看māi hiah-ê专门teh教会内部散布谣言ê人到底是怎样à。使徒保罗说明一个真正属tī上帝国度ê子民,是靠实际ê生活行为来显明顺服上帝ê教示,改变家己,hō͘家己成做一个新造ê人,chit种人chiah是teh成全上帝国度ê实现。Tī第21节,使徒保罗问哥林多教会ê信徒:如果in承认伊是大家得tio̍h信仰ê「老父」,án-ne in希望伊用严厉管教ê方式带tio̍h鞭子去责罚in,iáu是beh伊带tio̍h关心保护ê疼去看in?这就beh看哥林多教会怎样回应使徒保罗ê劝勉。

经文:

哥林多前书 5:1-5:5

注释:

Tùi chit章就thang清楚看tio̍h哥林多教会内部确实发生真大ê问题,除了有分裂ê事之外,mā发生信徒生活ê堕落,而且chit种堕落是连一般道德生活ê水平lóng 不如,he就是严重ê淫乱ê tāi-chì mā出现。使徒保罗特别强调tio̍h kah chit种人断绝来往,伊用真严厉讲,就算kah chit种人同齐食饭lóng该拒绝(参考第11节)。伊ê意思是有án-ne行为ê人,就无法度tī教会内出现,beh kā chit种人tùi教会中驱逐出去。伊之所以án-ne严格要求ê原因,是认为chit种人tī教会内,会ná亲像酵母仝款,m̄-nā家己败坏,iáu会影响tio̍h其他ê信徒。Tī使徒保罗ê观点,教会是基督ê身躯(以弗所书一:23),mā是「圣神ê殿」,是属tī上帝ê殿(参考哥林多前书六:18—19),是圣洁ê记号,是神圣ê。

使徒保罗讲伊已经听tio̍h哥林多ê教会内发生「淫乱」ê事,伊tùi chit件事直接指出该教会应该感觉惭愧、见笑chiah-tio̍h,伊虽然无tī in中间,m̄-koh伊提醒该教会信徒,伊ê心lóng kah in做伙。所以对hiah-ê犯淫乱罪ê信徒,伊ài in kā chit种人交hō͘撒旦去。意思是teh指kā它tùi教会信仰团契驱离出去。

第1到2节,注意chia所用ê「淫乱」一词,m̄-nā是teh指iáu未结婚就有「性」行为chit方面ê事,mā是teh指违反一般道德规范ê事。换句话讲,chia指ê「淫乱」,并m̄是非常特别ê案子,却是一般人tī伦理道德上lóng真清楚,是bē-tàng发生ê事,亲像:乱伦,就ná第1节所讲ê「kah继母同居」。信徒中有人会做chit种事,确实是真难得tio̍h社会大众ê认同,会hō͘人掠做是基督徒是允准乱伦ê事。摩西律法非常清楚规定bē-tàng有乱伦ê行为,利未记第十八章8节就特别记载讲:「你 ê 老父ê后 bó͘ ê 下身,你m̄-thang 露现,因为he 是你ê 老父ê 下身。(全民版)」申命记mā有这chit种规定(参考申命记廿二:30)。Mā tùi chia thang看出哥林多城是一个道德生活规矩真乱ê城市,而教会tī chia m̄-nā无显明出信仰ê光芒,反tńg是受tio̍h影响非常大。Tùi chia看出一个重要ê讯息:如果教会内信徒ê生活án-ne堕落,hiah-ê夸耀家己是属tī「保罗」、「亚波罗」、「彼得」、「基督」等派别,m̄-nā无法度显示出chiah-ê人ê名号,颠倒地,是亵渎了in所传hō͘该教会信徒ê福音信息。所以使徒保罗强烈主张应该将chiah-ê犯淫乱罪ê信徒hō͘开除并驱离教会。

第3到5节,使徒保罗先谴责chiah-ê犯淫乱罪ê信徒,然后伊表明时刻lóng kah该教会信徒同在,虽然伊本人并无tī现场,m̄-koh伊表明伊ê心是kah in同在同齐。伊认为应该将chiah-ê犯淫乱罪ê信徒「交hō͘撒旦」,意思是tùi教会中驱离出去,伊讲hō͘ chit种人ê身躯败坏,有可能iáu有机会hō͘伊ê身躯得tio̍h拯救。

使徒保罗会有chit种看法,是当时ê教会有一个普遍ê观念,世界分做两个领域,其一是属tī上帝管理ê世界(教会),其二是属tī魔鬼、撒旦管理ê领域(社会)。使徒保罗将chit种观念tī教会内面强化起来,希望由基督徒组成ê教会,众信徒lóng ē-tàng成做「新造ê人」(参考哥林多后书五:17),hō͘旧ê一切lóng成做过去。换句话讲,大家是带tio̍h新ê性命tī教会内。对hiah-ê iáu继续犯罪ê人,hō͘ in tī教会外面ê世界里被消灭。M̄-koh问题是:如果教会是属tī上帝管理ê所在,án-ne,chit种人若tùi教会被驱离,不就等于是离开了上帝ê管理,án-ne tio̍h怎样办?使徒保罗并无tī chia有明白ê表示。Á是允准以án-ne了解:使徒保罗认为将chit种人tùi教会信仰团契驱离出去,有可能会hō͘ chit-ê人惊醒起来而悔改认错,án-ne就有机会拯救chit-ê人ê性命。


经文:

哥林多前书 5:6-5:13

注释:

Tī chit段经文中,使徒保罗真清楚表示:tī信仰团契中,是m̄准有chit种败坏伦理ê人渗透tī内面,因为chit种人真亲像酵母仝款,会影响koh khah chē信徒。信仰团契一定tio̍h是一个圣洁ê团体,这是伊Tī chit段经文中所khah强调ê,只有án-ne,chiah ē-tàng显明信仰团契ê意义。

第6到8节,「一点点á酵母ē-tàng hō͘全团ê面发起来」,chit种譬喻mā tī耶稣讲天国信息中引用过(参考马太福音十三:33)。使徒保罗认为tī耶稣ê信仰团契里,是已经被耶稣ê宝血洗涤洁净,所以就不应该有「邪恶ê酵」tī内面。

第9到11节,注意在第9节所提起ê「以前hō͘ lín ê信」chit句话,这表明使徒保罗写hō͘哥林多教会ê信m̄-nāchit-má保存ê「前」kah「后」两本书信而已,应该iáu有其他ê书信。可惜ê是已经chhōe bē-tio̍h hit几封信à。

Tī前一pái ê书信中,使徒保罗bat提起教会内面发生淫乱ê事,情况kah-ná无改善ê款,mā有可能是该信致使一kóa误会,讲使徒保罗要求除了tī教会内ê信徒之外,会友m̄-thang kah其他ê人来往,而造成有人认为信徒lóng是「圣徒」,lóng是生活行为真端正ê人。因为有chiah-ê误会传言,使徒保罗认为有必要作些澄清,所以伊继续写此封信说明原意。伊iáu-koh强调一点:m̄-thang hō͘淫乱ê事á是行为进入教会信仰团契中,这是伊ê坚持。伊甚至tī chia要求mài kah chit种人来往,免得败坏团契ê圣洁。

Chit章siōng重要ê经文tī我看起来应该是tī第11节,tī chit-ê节使徒保罗清楚指出哥林多教会真正ê问题是出tī信徒中有人出卖耶稣ê名chit件事。伊讲有人自称是耶稣ê信徒,却生活tī淫乱、贪婪、拜偶像、辱骂别人、酒醉、盗窃等行踏。为甚么使徒保罗认为基督徒bē-tàng kah有kóa败风伤俗行为ê信徒来往,却允准kah有án-ne行为ê非基督徒来往?原因真简单,伊认为基督徒应该有比一般人khah高ê标准过社会伦理道德ê生活,若无,就kah一般无信仰ê人无甚么差别。

第12到13节,使徒保罗非常清楚一件事:审判人ê事自有上帝会决定。所以对hiah-ê非基督徒应该怎样,he是上帝ê事,是属tī上帝ê权柄。M̄-koh,对tī基督徒,特别是使徒保罗亲手建立ê哥林多教会,伊非常关心in ê言行举止,m̄-nā án-ne,mā自认对in附带「管理」ê责任。因此koh一pái强调「beh tùi lín中间kā ná邪恶ê人开除」chit句话。

经文:

哥林多前书 6:1-6:11

注释:

Chit章mā是讨论教会内部秩序ê问题,头前讲tio̍h生活伦理ê事,chia谈ê是信徒彼此之间互动ê关系。使徒保罗认为chit种做法m̄-nā tī信仰上无见证,而且件非常见笑ê事。伊认为信徒若彼此之间有纠纷,应该由教会来排解chiah-tio̍h。

Koh讲,tī第五章讲tio̍h教会内部有淫乱行为出现,chit章ê第二部分koh一pái讲tio̍h基督徒生活,一定tio̍h重视圣洁行为,kā家己ê身躯看做是敬拜上帝ê殿,是上帝所khiā起同在ê灵性殿宇,有chit种观念,就bē有淫乱ê行为出现。

Chit段ē-tàng看出使徒保罗ê用心;伊虽然是犹太人,mā传承犹太人ê风俗:有问题由部落ê长老出面处理,无去外邦人ê法庭提诉讼。因为到外邦人ê法院去兴诉讼,he表示对信仰团契ê公信力无信任感,等于是teh侮辱信仰团契仝款。

第1到6节,tī chit段经文中,使徒保罗开场就直接提出怎样有人「敢」告官到非信主ê官员hia去?这表示教会内部有纷争,m̄-koh chit种纷争却无tī教会内部走chhōe解决。M̄信主ê人对事物ê看法,特别是对教会chit种信仰团契ê精神kah信仰内涵并无清楚,koh怎样ē-tàng成做仲裁者?使徒保罗认为教会ê元首就是基督(参考以弗所书一:22)」,即使有问题,mā应该是tī教会内部处理,因为教会ê问题是属tī信仰ê范围,一定tio̍h用信仰ê方式来解决。 

Koh讲,另外一个重要观念mā Tī chit段经文中提出来,就是基督徒ê荣誉观念,认为基督徒应该是有参与审判chit-ê m̄信ê世界ê荣誉(参考马太福音十九:28)。既然án-ne,koh怎样ē-tàng将教会内部发生ê纷争告到m̄信者ê官场去?伊讲这是非常「见笑」ê举动。显然哥林多教会内部分歧ê非常严重,而且大家lóng是「甚么人mā不服甚么人」ê态度,因为lóng认为家己真有权威chiah会án-ne。M̄-koh chit种态度就是m̄ kā耶稣看做是教会ê元首à。

第7到8节,「彼此告状」,表示哥林多教会内部纷争ê事真严重,而且是去非信徒ê法院兴诉讼ê事。伊认为就算是法院判赢了,tī使徒保罗看起来mā是输了,因为ná已经侮辱了耶稣圣洁ê名,koh有甚么信仰ê意义thang讲?无。伊讲「为甚么不宁可受点冤枉?为甚么m̄甘心食点亏?」chit句话thang比较罗马书第十二章17到21节,伊强调beh尽力kah人和睦相处,而且hō͘上帝替咱伸冤。

第9到10节,chia使徒保罗举出一连串ê罪名,指出chiah-ê人就是属tī「不义」ê人,包括有奸淫、当男妓(今á日所讲ê「牛郎」)、男性相奸者(参考罗马书一:27)、盗贼、贪婪、酒醉、毁谤人,á是勒索人等等,chiah-ê罪行会hō͘人kah上帝ê国有隔阂。

第11节,使徒保罗肯定tī信徒中间,有人因信了耶稣了后,就改变无koh像以前án-ne过浪荡ê生活。伊讲会悔改ê人,就是心灵已经hō͘ 上帝之灵洗涤清气ê人,已经kah上帝有合宜ê关系。

经文:

哥林多前书 6:12-6:20

注释:

因为希腊人是轻视肉体,in将肉体看做是无好ê,因此对淫乱ê事并无在意,而且有真chē城市人民tī chit-ê性事顶面mā真随便。哥林多城就是一个典型ê「淫乱之lóng」。Mā因为án-ne,致使哥林多教会ê信徒mā tòe深受影响。使徒保罗将教会看做是基督ê身躯,每一个基督徒lóng是建立tī基督ê基础上(参考以弗所书二:20)。所以无法度随便做tāi-chì,致使基督ê圣洁受亵渎。做基督教会ê一份子,就无法度随便以家己ê意见做tāi-chì, tio̍h考虑ê是整体ê。

Tī chit段经文中,thang看tio̍h使徒保罗提供一个重要ê信仰认知:一个人无法度将身躯kah灵魂分开。性命是一体ê,无肉体kah灵魂分开chit款tāi-chì。希腊人就是有chit种观念,chiah会放纵情欲。In认为肉体是会朽pháiⁿ ê物体,灵魂chiah是圣洁ê。M̄-koh,使徒保罗tī chia强调讲m̄是án-ne,伊讲身躯就是圣神ê殿,圣神tòa tī身躯内面(参考罗马书八:9),mā所以咱是属tī上帝ê。

第12到14节,当有人为tio̍h beh表示家己真有信心,所以甚么事lóng thang做。这固然无错,m̄-koh却无一定lóng有「益处」。注意使徒保罗tī chia用「益处」chit-ê词,tī希腊文是由两个字合起来ê;前部分是「συμ」(sum),意思是「做伙」。后半字是「ψερω」(pherō),意思是「带」á是「堆置」。Án-ne,咱看tio̍h「益处」ê原文「συμψερω」(sumpherō)就是「Kā物件khǹg做伙」ê意思。基督ê教会是一个信仰团契,是beh聚集众人做伙,m̄是beh分散。所以ài做任何事,就beh想tio̍h怎样chiah ē-tàng将众人聚集做伙,m̄是hō͘人分开,这就是使徒保罗用「益处」chit-ê词ê意思。一个ê时常夸耀家己ê灵命真强ê人,却往往犯罪,而且所犯ê罪行是连异教ê人mā m̄敢做ê事,chit种人tī教会内,只会hō͘人离开,bē hō͘人聚集。

Chia ài beh特别注意ê是tī第13节,使徒保罗提出一个例,就是有关「食物」ê问题。伊引用哥林多人常常挂tī口边ê一句话:「食物是为腹肚,腹肚是为食物。」使徒保罗并m̄是反对人性上有chit种需要,伊反对ê是滥无顾忌地放纵,所讲ê暴饮暴食,á是放纵情欲ê行为。伊koh一pái提醒哥林多教会ê信徒一定tio̍h ân-ân记tiâu,信耶稣基督ê人,就是为tio̍h基督而生活。基督徒性命之可贵就是tī koh活,因为上帝已经hō͘耶稣基督tùi死里koh活,mā tio̍h hō͘信靠伊ê人仝款koh活。

第15到17节,这是继续teh诠释头前一段提出ê问题。使徒保罗tī chia提起保持洁净身躯ê重要性,因为基督徒是kah耶稣结合做伙ê,伊tī第16节套用了夫妻关系来形容基督徒kah耶稣之间ê关系,是连结做伙,无法度分开ê,ná亲像夫妻ê关系一般。Chit种观念一再出现tī伊所写ê书信中(参考以弗所书五:25—32)。

第18到20节,使徒保罗希望哥林多教会ê信徒tio̍h避免淫乱事件发生,是ài in坚持信仰上ê忠贞,因为信耶稣ê人如果犯淫乱罪,所象徵出来ê m̄-nā是身躯上ê问题,koh khah严肃ê,是心灵上ê。因为每一个基督徒lóng是身上带有耶稣ê记号,是上帝ê殿。这殿是为tio̍h beh敬拜上帝。所以每一个信徒lóng tio̍h「属tī上帝」ê chit种观念。Á第20节讲「用重价买来」ê,chit种「重价」指ê就是耶稣死tī十字架上ê性命。

经文:

哥林多前书 7:1-7:7

注释:

Tùi第七章开始到第十五章:Lóng是teh回答哥林多教会所提出ê问题。

Chit章谈ê是有关婚姻ê问题。有ê人认为不应该结婚,保持独身以示圣洁;有ê人认为即使结了婚,mā应该避免一切性ê生活;tī chit章经文中mā论到订婚了后,是m̄是ē-tàng无结婚ê问题等等。Tī chit章经文thang分做下列几个段落来看:
第1到7节,对已经结婚者,劝勉tio̍h保持夫妻关系,包括维持性生活。
第8到9节,对鳏夫kah寡妇ê劝勉。
第10到11节,劝勉siōng好mài离婚,因为这是圣经ê教导。
第12到16节,论到信徒kah非信徒ê婚姻关系。
第17到24节,对受呼召ê时是m̄是有受割礼ê问题,以及原本是m̄是奴隶ê事。
第25到38节,论到是m̄是保持独身ê看法。
第39到40节,对寡妇是m̄是thang koh再婚ê看法。
会有顶面所讲chiah-ê婚姻关系ê问题出现,真可能是kah该教会有信徒对耶稣koh再临ê事有关。

Chit段就是讨论到有关已经结了婚ê夫妇,bē-tàng假借任何理由而hō͘原本该有ê夫妇之关系受tio̍h影响。

第1到2节,chit节thang看出使徒保罗开始beh回答in信中所提起ê问题。「一个cha-po͘人ē-tàng无结婚颠倒是好ê」,chit句话真可能是引用该书信上,并m̄是使徒保罗所讲,m̄-koh mā有可能是伊家己ê想法。因为伊家己就是无结婚,á是保持独身。M̄-koh,因为tī哥林多城有真chē淫乱ê事发生,甚至tī教会内mā发生。所以伊认为避免诱惑siōng好ê方法,就是有婚姻关系。

第3到7节,说明夫妻tio̍h彼此互相扶持kah尽各自ê责任,无甚么人比较重要ê问题,却是彼此互相关系。「除非为tio̍h beh专心祈祷」,chit句话指出顶面所讲过ê,有人认为耶稣teh beh koh再临,所以kah婚姻对象分开,伊认为就算是án-ne,mā是有一定ê时间m̄是久长,若无,真容易受tio̍h诱惑致使婚姻关系受tio̍h影响。M̄-koh使徒保罗认为tio̍h beh像伊án-ne保持独身,mā需要有上帝ê恩赐,心志chiah有办法坚持。

经文:

哥林多前书 7:8-7:16

注释:

Chit段经文讲tio̍h三个问题,包括有鳏夫kah寡妇、离婚ê事,以及kah非信徒结婚ê事。

第8到9节,chit两节针对无结婚ê人á是寡妇讲ê,伊认为若是ē-tàng保持独身siōng好,m̄-koh这并m̄是每一个人lóng ē-tàng做会到ê事。因为有人会受tio̍h诱惑来致使有不正当ê淫乱行为出现。所以伊建议若是án-ne,倒不如结婚会khah好。Tī伊ê看法里,如果一个人无结婚,却tī性行为上泛滥,á是随便,án-ne怎样ē-tàng成做圣洁ê人,过信仰ê生活?

第10到11节,chia真清楚,使徒保罗并无支持离婚,耶稣mā是án-ne ê观点(参考马可福音十:9)。若是已经离婚,就应该保持独身。

第12到16节,chit段经文是提起有关信徒kah非信徒结婚ê问题。看起来哥林多教会必定有真chē chit种婚姻个案,而且其中有一方因为teh生活行为上hō͘另外一方非常困扰,使徒保罗认为kah非信徒结婚,是一个hō͘对方感受tio̍h耶稣救恩ê机会,án-ne m̄-nā是对方个人而已,连带ê是kui个家庭lóng会归属基督ê名,成做圣洁ê家庭。若是非基督徒一方主动提出离婚,伊认为是ē-tàng接受ê。话虽án-ne,伊iáu是劝勉大家,既然结为夫妻,就beh知影和睦相处乃是基督徒受呼召ê意义之一。换句话讲,婚姻是需要努力经营ê,bē-tàng轻易离婚,因为好ê婚姻就是teh见证福音。

经文:

哥林多前书 7:17-7:24

注释:

Chit段经文讲tio̍h有关受呼召成做基督徒ê意义,m̄是在tī是m̄是有受割礼,á是有甚么社会地位kah身分背景。使徒保罗Tī chit段经文中强调:「每一个人应该保持蒙召ê时ê身分。」并无表示绝对bē-tàng改变,却是beh先kā蒙召ê时ê基督徒身分hō͘显明出来,真自然tek,会有机会改变现况。因为信仰本身就是一个极大ê气力,ē-tàng改变处境。

Chit段经文ê中心信息是非常强烈ê,因为使徒保罗清楚指出一个超出当时社会ê观念:tī上帝面前,每一个人lóng仝款,无贵贱之别,因为大家lóng是上帝用重价买来ê,lóng是属tī「基督ê奴隶」。Chit种观念tī哥林多城是真大ê挑战,因为连教会内面lóng有分门别派ê时chūn,其所在表明ê意义就是「贵、贱」ê区别,m̄-koh,使徒保罗将「主人、奴隶」ê观念带入信仰ê层面,hō͘所有ê信徒lóng tńg来到上帝面前,án-ne,大家lóng同是有罪ê人,mā lóng是耶稣用性命ê代价赎回来ê。

第17节,chit节ē-sái讲是chit段经文ê中心思想:每一个人蒙召,lóng有上帝特别ê旨意在其中。

第18到20节,chit三节提起一个蒙上帝呼召成做基督信徒,kah chit-ê人是m̄是有受割礼lóng无关系,mā无需要改变。使徒保罗teh写hō͘加拉太教会ê书信中mā án-ne强调,割礼á无,kah一个人是m̄是得救lóng无关系,重要ê,是活出新ê性命来,án-ne chiah是siōng重要ê事(参考加拉太书六:15)。

第21到22节,使徒保罗进一步强调:一个做奴隶ê人,会因为受呼召成做基督徒,虽然伊iáu是继续奴隶ê身分,m̄-koh,伊ê心灵是得tio̍h tháu放ê,是自由ê。M̄-koh只要有机会,就beh hō͘家己tùi主人手中得tio̍h自由。

第23到24节,chia所谓「上帝用重价买来ê」,是teh指耶稣tī十字架上ê牺牲换来得ê。是真珍贵而且值得保留ê身分。Ná亲像一个当主人ê人(相对tī奴隶,就是自由人),则知影家己成做基督徒,并m̄是用家己ê能力换来得tio̍h,却是上帝透过耶稣用重大ê代价赎回有ê,所以tio̍h kā家己看做是福音ê奴仆,这是一种身分ê认bat,mā是对家己信耶稣后性命价值ê改变。

经文:

哥林多前书 7:25-7:40

注释:

Chit-má使徒保罗继续回答哥林多教会信徒提起有关独身ê看法。Tùi表面起来看chit-ê问题,比起离婚ê事会khah简单,m̄-koh若认真想一下,并m̄是hiah-ni̍h单纯。因为tī chit段经文中mā提起有关已经订婚ê人,若想beh解除婚约,这就m̄是hiah-ni̍h简单。

第25到28节,使徒保罗Tī chit段经文中表示一个基本观念:结婚并m̄是罪恶,而无结婚mā m̄是错误。M̄-koh伊提醒,结婚必定会带来「种种ê拖累」,虽然伊无说明chiah-ê「拖累」是teh指甚么,m̄-koh thang理解是teh指一种负担,会有chit种看法,真可能是当时有人想beh专心传福音,却因为有家庭负担而无法度如心所愿,á是因为有家庭,致使生活负担koh khah重,而hō͘家庭出现纷争。

第29到31节,「时chūn无chē了」,chit句话是chit段经文ê中心思想。早期ê教会「末世」观念真chiok厚,认为耶稣就teh要koh来,所以ē-tàng减少任何ê负担,专心tī福音ê事工,就beh全力以赴。「现有ê chit-ê世界teh要过去à」,chit句话koh khah表明使徒保罗mā充满tio̍h末日来临ê观念。

第32到35节,tī使徒保罗ê观念中,一个人jú少世间ê挂虑,就会koh khah专心天顶ê事。伊无希望有世间ê事烦扰tio̍h人心,而无法度专心仰望天顶ê事。伊认为一个人受呼召,就是为tio̍h beh tī基督koh再临ê时chūn,kah基督「同齐活teh」(参考帖撒罗尼迦前书五:1—10)。伊希望大家专心斟酌tī基督koh再临ê事,全心、全力地为福音作siōng好ê见证。

第36到38节,chit段经文mā是ê时常受tio̍h议论ê一段经文。使徒保罗kám讲真正是beh kā大家讲无结婚khah好?甚至连订婚ê人lóng thang为tio̍h beh等基督koh再临ê缘故,kā原本已经确定ê婚事lóng取消?其实,当时ê人普遍有一种观念,就是「性」是一种罪恶ê行为,chit种观念tī基督徒ê身上特别chiok厚。结婚,夫妻会发生性ê行为。M̄-koh,有ê人结婚了,却为tio̍h beh保持所讲ê「圣洁」,而拒绝kah bó͘ á是丈夫有性行为。Koh讲,早期教会mā可能发生集体生活ê情形,虽然男女聚集做伙,m̄-koh,却无任何性行为发生,in认为ē-tàng克制家己情欲ê人,是信仰上坚定ê表现。M̄-koh,使徒保罗ê看法是:即使是家己真有抑制能力,mā bē-tàng因为án-ne就不时进行án-ne(同居)ê行为,因为这mā会成做一种诱惑、试探。Tī教会团契生活中,男女分开khiā起是必要ê。若是夫妻,就应该有夫妻共同生活ê责任,这mā是应该。若无,就m̄-thang有hō͘家己进入试探ê陷阱中。

第39到40节,chit两节经文是针对守寡ê妇女讲ê。看起来kah-ná使徒保罗对tī一直守寡ê妇人表示赞赏ê意思,其实,如果koh再对照提摩太前书第五章14节,伊讲「宁可少年ê寡妇koh再嫁,生儿育女,照顾家己ê厝」,原因是少年ê寡妇因为生理上ê需要kah上了年纪ê寡妇无仝,tùi chia就thang看出其实伊是看对象ê情况teh讲述。

请注意第39节最后一句话,讲寡妇koh再婚ê时,「应该以信徒为对象」,意思是teh指:tio̍h嫁hō͘仝款是基督ê信徒khah好。Chit句话原来ê意思并m̄是讲一定会koh再嫁hō͘「信徒」,chia所谓「以信徒为对象」,是讲如果一个信主ê姊妹守寡,想beh koh再嫁,一定tio̍h会记得家己是一个「信主」ê人。其实chit-ê观念mā是使徒保罗一贯强调ê,伊一再讲基督徒ê身上有耶稣ê「印记」(参考加拉太书六:17,chit所在用「伤痕」,表示十字架ê意思。另外参考以弗所书一:13、四:30)。

另外一方面,第39节ê「一个已婚ê cha-bó͘人tī丈夫活teh ê时chūn是受约束ê」,意思是teh指bē-tàng离婚,这kah第10节讲ê「bó͘ bē-tàng离开丈夫」是仝款ê。使徒保罗kah耶稣tī婚姻ê事顶面lóng是抱tio̍h仝款ê看法,就是丈夫往生ê时,bó͘ thang koh再嫁,如果丈夫iáu未往生,bó͘就bē-tàng koh再嫁。原因是婚姻tùi án-ne性命ê约。

经文:

哥林多前书 8:1-8:8

注释:

「关于祭过偶像ê食物」ê问题,先了解哥林多城ê人是怎样处理ê;ná亲像以色列人民teh处理祭坛顶献祭过ê食物仝款,beh kā献祭chhun落来ê某一个部分归hō͘众祭司食用(参考利未记二:3、10)。哥林多城ê人mā是án-ne,beh kā献祭hō͘神明ê食物留落来一部分分hō͘庙宇ê祭司,然后献祭者kah伊ê亲朋好友同齐分享,而且tī庙宇内设筵席欢乐。因此,食祭拜过偶像ê食物,其实mā是一种当时社会ê社交活动。Tī当时ê哥林多城,如果有人拒绝参加chit种宴席,会hō͘亲朋好友感觉真不hō͘面子,以后就会hō͘人拒绝往来。另外一方面,有ê时因为准备ê食物siuⁿ-chē,á是邀请ê人比预期beh来ê人iáu-beh少而chhun落来siuⁿ过chē ê时chūn,就án-ne in会the̍h-tio̍h菜市场去,以比较sio̍k ê价格出卖。有kóa基督徒认为买了chit种食物,等于kah参加in ê拜拜仝款,心里会感觉非常ê不平安,这就是第7节所提起ê,in ê良心会有不安。Mā有ê信徒则无掠做当然,认为无关系,何况价钱koh比较sio̍k,对某一kóa信徒来讲真有诱惑力。因chit种问题tī教会内部有争执,就án-ne in写phe问使徒保罗。

第1到3节,使徒保罗对这问题订出一个基本ê原则,就是知识m̄是hō͘人骄傲,而应该是hō͘人ê疼心加添。因此,有丰富ê知识,就先关心信心软弱ê人。Chia所谓ê「知识」,是teh指对hiah-ê所拜ê偶像神明,知影lóng是虚假,bē有任何影响。因此,会用自高ê眼光看待hiah-ê拜偶像ê人。使徒保罗认为不应该有chit种态度。一个真正认bat上帝ê人,就是hō͘上帝所认bat ê人,chit种人lóng是会认为家己对上帝ê认bat无chē。Ē-sái讲是上帝却清楚什么人是真正属tī他ê人,因为chit种人会遵行他ê旨意。

第4到6节,使徒保罗Tī chit段经文中,先提起偶像并m̄是真正神,因此,食了祭拜m̄是真正之神ê食物,无甚么值得紧张á是惊惶。因为基督徒所信ê神,kah一般人所信ê有真大差别;信耶稣ê人lóng应该是清楚知影,只有一位上帝,而且创造宇宙万物ê上帝。Kah拜偶像神明ê人所拜ê完全无仝;in拜真chē神,性命中有真chē主人teh管制in。M̄-koh基督徒只有一位主,就是koh活ê耶稣。第6节「万物lóng藉tio̍h伊而造」,chit句话thang参考约翰福音第一章1到4节kah罗马书第十一章36节。

第7到8节,chia使徒保罗提起,m̄是每一个人lóng有正确ê知识,认为偶像真灵,食了祭拜过偶像ê食物,就会大有能力。其实,真正有知识ê人会清楚知影,he是lóng无作用。因为偶ná像虚假ê,就算食了祭拜过偶像ê食物,mā无任何作用,根本m̄免惊惶。使徒保罗khah强调,无论祭祀礼仪jōa-ni̍h-á隆重,á是花费多高,chiah-ê lóng对改善人kah上帝之间ê关系一点帮助mā无。食了,无甚么利益,m̄食,mā无任何损失。意思就是,偶像就是不存在ê对象。
经文:

哥林多前书 8:9-8:13

注释:

Chit段经文是使徒保罗想beh提供给哥林多教会信徒参考ê信息,就是一个真正有知识ê人,伊bē只考虑家己ê满足、需要,koh khah会考虑tio̍h别人比家己软弱ê所在。

第9节,使徒保罗呼吁信徒一定tio̍h「小心」,chit-ê词是teh指「注意看」ê意思。伊讲m̄-thang kan-taⁿ致意个人ê「自由」,soah疏忽iáu有别人存在,结果却因为家己ê自由,倒成做别人ê绊脚石。Chia提起「犯罪」,意思是teh指离弃上帝。

第10到11节,chit两节将真正ê问题呈现出来。有知识ê人可能因为自信满满,认为tī庙里食祭祀过偶像神明ê食物无甚么问题,因为伊ê知识hō͘伊知影偶像神明是虚假ê,根本就无存在,mā m̄免惊惶。M̄-koh却hō͘有kóa信心软弱ê人看tio̍h,m̄-koh in并bē真正ê了解。有可能因为伊看见有知识ê人做chit款tāi-chì,hō͘伊痛苦而离弃信仰;á是因为看见,mā tòe去食,m̄-koh伊食,并m̄是因为伊真正了解,却是无了解下会带来错误 ê信仰认知,致使kā原本得tio̍h ê信仰hō͘混淆,结果会失去耶稣ê救恩,这就等于知识害死去chit-ê软弱ê信徒。

第12到13节,使徒保罗强调,hō͘一个信心软弱者会失去耶稣ê救恩,就等于是得罪了基督仝款,mā会hō͘家己失去耶稣救赎ê恩典,后果是得不偿失ê。因此,如果有án-ne软弱ê人在场,tio̍h因为in ê缘故,宁可m̄食。换句话讲,信心够额坚定ê人(指有知识者),m̄-thang我行我素,chit种态度真容易变成骄傲。只有疼心chiah ē-tàng帮助软弱ê人成长。因此,考虑tio̍h信心软弱者ê需要,mā是传福音ê方式。Ná亲像使徒保罗写hō͘罗马教会ê书信中所讲ê:「咱chiah-ê 有能力ê 人, 应该kā软弱ê 人tàu 担(taⁿ)重担,m̄ -thang 求家己 ê 满足。咱 ta̍ k 人 tio̍ h hō͘ 厝边欢喜,hō͘  in 得 tio̍ h 利益来建立信心。(全民版)」(罗马书十五:1—2)

经文:

哥林多前书 9:1-9:14

注释:

Chit-má使徒保罗开始讲tio̍h有关传道工作ê问题,chiah-ê kah-ná kah头前所谈ê问题lóng无关联,其实不然,因为tī第八章9到13节中,伊提起有关基督徒「自由」ê问题,特别是tùi食物ê问题看信仰生活中ê「自由」。自由应该kah责任相辅相成,有自由,就会有责任ê问题。Tī第八章里,伊一再强调基督徒ê自由一定tio̍h考虑tio̍h tī信仰上脆弱ê兄弟姊妹,m̄-thang因为家己tī信仰上ê认知比较周全,á是经历比较多,而伤害到hiah-ê信仰上tú起步,á是尚且在学习阶段ê人。

第九章是使徒保罗进一步以家己为例,teh解释「自由」ê问题。Tùi chit章thang清楚看tio̍h使徒保罗并无想beh替家己辩护甚么,伊只是想kā哥林多教会ê信徒讲:做一个基督徒,tī信仰里谈「自由」ê时,所beh付出ê代价远比一般人所要求ê水准koh khah高。如果无chit种信念kah认bat,谈信仰上ê「自由」是真空洞ê。Mā就是讲,一个人beh享受自由,就一定tio̍h为自由付上真chē代价。Koh khah重要ê是,「自由」siōng大ê特色是用「心甘情愿」为基础,所以谈信仰上ê「自由」,就无法度有心存骄傲ê态度,却是宁可屈就家己,kah卑微ê人做伙,这mā是耶稣ê教导(参考马可福音十:43—45)。

Chit段经文mā thang看出哥林多教会内部有人teh论到传福音者领受酬劳ê事。而且利用chit-ê机会tī背后议论讲使徒保罗可能因为m̄是真正使徒,所以m̄敢接受信徒beh hō͘伊ê酬劳。其实,tùi哥林多后书第十到十一这两章thang看出,哥林多教会中出现假先知,á是假使徒teh欺骗信徒,m̄-koh为tio̍h beh达tio̍h欺骗ê结果,就会利用机会中伤使徒保罗,捏造各种谣言。使徒保罗Tī chit段经文中,特别讲tio̍h家己原本thang享受一切,m̄-koh伊却甘愿放弃,只为tio̍h beh见证福音。伊hō͘哥林多教会信徒清楚知影:真正自由,是会自我约束,而且心甘情愿ê付出。Chit种自由chiah是真正自由。

第1到2节,chit两节讲tio̍h「使徒」身分ê问题。Chit种问题tī使徒保罗传福音ê过程中,一再出现。是有人专门teh使徒保罗开创ê教会散布chit种话,讲伊无跟tòe过耶稣,无算是使徒,所以,所传讲ê福音不真实,mā无权威。Mā因为tī加拉太教会中,chit种声音koh khah chē,chiah hō͘伊决定写phe去严肃警告,而该信ê踏话头mā是亲像chia仝款,讲tio̍h甚么是使徒ê身分(参考加拉太书一:1)。使徒保罗讲真正使徒,是kā福音传开来,而且因为圣神ê带领,hō͘听tio̍h ê人领受而且成做信徒。所以伊讲哥林多教会ê信徒就是伊成做「使徒」siōng好ê见证者。

第3到7节,tī chit段经文中,使徒保罗举出真chē反证来说明,就算伊接受哥林多教会hō͘伊ê报酬mā是应该ê,chit种报酬包括生活中食、lim ê需要。就算军人mā为tio̍h保护国家而the̍h军饷,á葡萄园主人mā会食家己栽种ê葡萄,顾羊人仝款会lim家己牧养ê羊ê奶等,chiah-ê lóng是一种真普通ê常识。

第8到14节,使徒保罗Tī chit段经文中继续说明伊传福音得tio̍h应得ê报酬ê正确性。伊tī第9节提起摩西律法记载tī申命记第廿五章4节,beh hō͘牛tī田里工作ê时,mā thang食田里ê草。作穑人tī田里掖种,á是收割ê时,大家lóng希望ē-tàng有所收成,chit本是应该有ê份。伊tùi chia切入主要ê问题:使徒保罗表示伊kah同齐ê同工并无án-ne要求哥林多教会ê信徒hō͘ in报酬,只有一个原因,就是无想beh造成误会,讲伊kah同工是去敛财、骗钱ê。伊进一步举出犹太人ê祭司,thang tùi献祭者所献祭ê物件中得tio̍h该得ê食物(参考利未记十:12—15,民数记十八:8—19,申命记十八:1—3),耶稣差派门徒出去传福音ê时,mā有chit种交带(参考路加福音十:7)。

经文:

哥林多前书 9:15-9:27

注释:

这是一段措辞非常激烈,态度坚定ê经文。伊非常清楚表明家己是用付出性命ê态度传福音,所以伊讲除了无要求有甚么权利之外,伊将传福音ê事,看做是性命中siōng大ê事,所以伊讲:「我不传福音就有祸了!」这是措辞真强烈句。Chit句话已经清楚说明tī哥林多教会内部已经出现有人teh讲使徒保罗kah伊ê同工是óa靠in teh过生活,mā就是将传福音当做是「谋生」ê职业。这hō͘使徒保罗非常愤怒。所以伊强调家己并无利用chit种「权利」。伊koh一pái强调:传福音是责任,既然是责任,将它做好原本是应该ê,无做好,á是无尽力去做chiah是罪恶!伊mā强调家己本来就是自由人,m̄-koh甘愿成做福音ê「奴仆」,而为tio̍h beh得tio̍h福音ê果子,伊愿意放落家己ê身段,只为tio̍h beh拯救人来信耶稣,chit点是伊一生ê siōng大ê心志。 

第15到18节,伊讲传福音并无甚么好夸口ê,因为伊讲过若beh夸口,就beh夸耀认bat耶稣(参考加拉太书六:14,腓立比书三:3)。伊自认是福音ê「奴仆」,所以奴仆一定tio̍h对主人ê事忠实,就án-ne伊讲了chit句有名:「我不传福音就有祸了!」因为这是上帝托付hō͘伊ê责任,hō͘伊责无旁贷。所以伊认为siōng大ê荣幸,就是无tùi传福音得tio̍h应该得tio̍h ê权利。因为耶稣就是伊性命中siōng大ê宝贝,伊认为án-ne就有够(参考腓立比书三:8)。

第19到22节,tī chit段经文中,使徒保罗kā家己传福音ê秘诀lóng显露出来,就是hō͘家己像耶稣仝款「道成肉身」到世间来。使徒保罗讲家己原本是「自由ê人」,m̄-koh愿意当大家ê奴仆,chit点mā是伊描述耶稣降生tī世界上ê情景(参考腓立比书二:7)。然后伊讲无论面对ê是甚么人,伊ná亲像hit-ê对象仝款,亲像对犹太人,ná亲像犹太人;对外邦人,ná亲像外邦人;对信心软弱ê人,伊就kah in仝款,学像软弱ê人。伊会án-ne,只有一个目的:「无论用甚么方法」,伊总是beh「救一kóa人」。

第23到27节,chit段经文thang参考腓立比书第三章12到14节。伊kā性命ê目标khǹg tī属天ê奖赏,mā因为án-ne,伊并无在意世间chiah-ê人对伊讲kóa甚么,mā bē因为有人hō͘伊甚么,伊就恋栈。伊劝勉哥林多教会信徒beh争取ê奖赏应当是来自天顶hit-ê bē朽坏ê冠冕,其他ê已经lóng无算重要ê à。

经文:

哥林多前书 10:1-10:13

注释:

使徒保罗tī chit-ê本hō͘哥林多教会ê书信中,用了真chē篇幅teh讨论有关基督徒ê「自由」问题。伊会chiah-ni̍h用心讨论「自由」ê信仰意义,是因为tī哥林多教会内,有kóa信徒乱使用了「自由」,认为只要信了耶稣成做基督徒了后,就ē-tàng随心所beh。In所持ê理由就是使徒保罗所讲ê「基督已经tháu放咱」chit-ê观念(参考加拉太书五:1)。M̄-koh当使徒保罗teh讲基督徒ê「自由」ê时,是非常强调「自由」一定tio̍h有koh khah顶真ê自律相配合,m̄是放纵。Koh讲,「自由」一定tio̍h考虑tio̍h kah身边做伙人ê软弱,m̄是用来展宝家己ê信心坚定。哥林多教会ê问题tùi chit本书信一开始就提起分党结派,致使教会内部有纷争,甚至iáu有ê信徒因为放纵情欲,发生kah继母同居ê事,使徒保罗谴责án-ne严重ê淫乱,是连「tī异教徒中mā无法度容忍ê」行为(参考哥林多前书五:1)。

严格律己ê生活态度,ē-sái讲是使徒保罗写hō͘所有教会书信中ê主要内容之一,tùi伊所写ê书信lóng会提起有关基督徒tī社会生活上应该有ê顶真态度,就thang看出伊tī chit方面ê用心。伊期待每一个信耶稣基督ê人lóng会知影怎样透过生活,hō͘人闻到基督ê香味,mā tùi基督徒ê生活中看tio̍h因为信仰带来「新造ê人」(参考哥林多后书五:17,加拉太书六:15,以弗所书四:23—24)ê新形像。

Chit-má使徒保罗koh tī第十章讨论到有关「自由」kah生活ê关连,伊kā重点锁定tī第31节:「Lín无论做甚么,á是食á是lim,lóng tio̍h为荣耀上帝而做。」这是一个非常重要ê信仰认知。

使徒保罗以以色列人民tī旷野ê经验举例,tī旷野中in因为试探上帝而遇tio̍h惩罚。如果食祭拜偶像ê食物,成做一种试探,就ài beh特别小心。所谓「试探ê食物」,指ê是哥林多教会有kóa信徒siuⁿ过「自信」了,认为家己真有信心,无论食、lim等lóng bē有问题。M̄-koh chit种态度ná亲像早期以色列人民tī旷野ê经验仝款,in mā食过吗哪,lim过tùi石磐顶出来ê泉水,m̄-koh,in即使经历过chit种性命旅途,iáu是跋倒了,in chhōe出tī认正当ê理由离弃上帝去拜偶像,结果惹起上帝极大ê愤怒。

第1到5节,chit段经文是讲tio̍h犹太人祖先以色列民族tī出埃及进入旷野了后漂流期间所发生ê事,包括tī上帝奇妙ê安排下,平安过红海;食过tùi天顶落来ê吗哪,而且tùi石磐中上帝出泉水止in口渴。比较值得注意ê是,使徒保罗tī chia讲「石磐就是基督」,将chit句话对照约翰福音第四章13到14节,耶稣对hit位撒马利亚cha-bó͘人讲,伊即使lim了祖先雅各所流落来ê井ê泉水iáu是会渴,m̄-koh lim伊所hō͘ ê水,chiah是永远不渴ê泉水,因为伊是永恒ê性命之泉。使徒保罗tī chia表示:基督,就是拯救者。Chit位拯救者,就是上帝,他一直teh陪伴以色列人民行过hit段siōng艰辛ê旅程。一个tī耶稣里ê人mā会仝款得tio̍h chit种恩典。可惜ê,是以色列人民因为对上帝怀疑,结果上帝hō͘ in tī旷野漂流ê时,只要年满二十岁ê,后来lóng无资格进入迦南应允之地。M̄-koh若是亲像以色列人民án-ne心硬,结果mā会是仝款无法度进入上帝国度享受永恒ê性命。

第6到10节,chit段经文使徒保罗引用了几个所在经文背景,包括出埃及记第三十二章6节,in tī旷野铸造金牛后,拜之,既lim koh跳。然后koh引用民数记第廿五章,in因为受tio̍h摩押cha-bó͘人ê诱惑,犯了淫乱罪,为tio̍h án-ne件事引起瘟疫,有二万四千人死亡(m̄是chia记载ê二万三千人)。然后koh引用民数记第廿一章4到9节,in因为埋怨上帝无hō͘ in食物kah水,结果上帝发怒,hō͘毒蛇咬死真chē人。第10节真可能是kah民数记第十六章记载可拉、大坍,kah亚比兰等人不服上帝奴仆摩西ê领导而遭灭绝ê事件有关。Tī第9节ê「试探基督」,mā thang用「试探主」,á是「试探上帝」来表示。基督ê意思就是拯救者。

第11到13节,使徒保罗Tī chit段经文中kā哥林多教会ê信徒讲,m̄免担心,in所面临ê试探,lóng m̄是甚么值得惊惶ê,chiah-ê lóng是一般人ē-tàng承受ê。因为「信实ê上帝」bē hō͘ in遇tio̍h承受不了ê试探,慈悲ê上帝绝对bē会án-ne对待信靠他ê子民。M̄-nā án-ne,颠倒,慈悲ê上帝会赐hō͘ in力量,hō͘ in tī遇tio̍h困境ê时,赏赐hō͘ in力量,行出一条性命ê大道。


经文:

哥林多前书 10:14-10:22

注释:

这是第一pái使徒保罗提起有关圣餐ê事,tī第十一章20到32节伊koh khah清楚说明圣餐所表明ê意义。特别ê所在是伊将圣餐ê事kah拜偶像、食祭拜过偶像ê食物同齐讨论。原因是哥林多教会中间有信徒自认真有知识,信仰真坚定,所以就参与庙会中祭祀后ê筵席,lim食hiah-ê拜偶像过了后ê食物。使徒保罗讲tī hiah-ê偶像背后所表明ê信仰,够额引人入罪。所以伊特别用耶稣ê圣餐来譬喻说明。

第14到15节,使徒保罗劝勉哥林多教会信徒,一定会远离拜偶像ê事,而这siōng好ê方式,就是mài去参与in任何祭祀崇拜ê行为。

第16到17节,使徒保罗认为圣餐就是ná亲像分享了基督ê血、身躯,mā就是kah基督已经完全合一à。使徒保罗会án-ne解释,有一个siōng基本ê前提,就是教会乃是基督ê身躯(参考以弗所书一:23),基督徒tī教会chit-ê信仰团契中,就ná亲像tī基督ê身躯内面仝款,是kah伊合做一个,无法度分开ê,因为已经kah耶稣ê性命结合做伙,chit种结合ê意义所表明出来ê,就是性命ê共同体。Ná亲像伊写hō͘加拉太教会ê书信中所讲ê:「Án ne,chit-má teh 活ê 我m̄ 是原来ê 我,是基督tiàm-tī 我内面teh 活;我chit-má teh 活,是靠信上帝ê Kiáⁿ teh 活;基督疼我,为tio̍h 我放sak 性命。(全民版)」(加拉太书二:20)

第18到22节,使徒保罗强调一个基本观念:献祭hō͘上帝,所表示ê m̄-nā kan-taⁿ是祭物本身,却是tùi祭坛所显明出来ê意义。因为祭坛表明ê是:上帝显现、出现,á是khiā起ê位置。所以做一个人献祭hō͘上帝ê时,伊m̄是单单将物件pái tī祭坛上而已,却是teh表明伊kah上帝之间有bē-tàng分ê关系。仝款ê,当拜偶像ê人,将祭物献tī祭坛上ê时chūn,伊所表达ê意思就是敬拜,m̄是单单将祭物khǹg tī祭坛上而已。续落来,伊强调一个人若是去享用拜偶像ê食物,koh怎样ē-tàng来享用主耶稣救赎ê圣餐?he是无法度án-ne做ê。因为偶像就是鬼附身ê记号,圣餐是耶稣救赎ê恩典,二者绝对bē-tàng混淆。

经文:

哥林多前书 10:23-11:1

注释:

Chit段经文是使徒保罗kui个论点ê中心:基督徒ê自由。头前有提过,哥林多城ê人往往将祭坛顶ê食物当做in社交活动ê佳肴,kā它用来宴请亲朋好友,而且地点就是tī in献祭ê庙宇。有时iáu会因准备siuⁿ过chē而会kā chhun落来ê食物送到市场上去贩售。所以tī一个基督徒极少数,而异教徒占绝大多数ê环境中,像哥林多城án-ne ê所在,tio̍h讲m̄食到、不买tio̍h献祭过ê食物,确实是真困难ê事。使徒保罗特别提出信徒应该tio̍h注意ê事。

第23到24节,使徒保罗一再提醒hiah-ê自认为信心真坚强ê信徒,in siōng kah意ê一句口头禅,就是「我有自由做任何事」,m̄-koh每pái有人án-ne讲,使徒保罗就会接落一句话讲:「并m̄是每件事lóng有益处。」(参考六:12)这是使徒保罗ê重点,mā是伊做tāi-chì为人ê中心思想。一个真正有信仰ê耶稣信徒,一定会想tio̍h别人ê需要,m̄是只关心家己ê利益而已(参考腓立比书二:4)。

第25到26节,使徒保罗mā相信市场上买来ê食物lóng是thang食ê。因为无人会真清楚toh一kóa是拜过偶像后被送到市场上贩售ê食物。M̄-koh食hiah-ê食物并无会损pháiⁿ身躯,所有食物lóng是tùi上帝来赏赐。Hiah-ê祭拜ê行为并bē hō͘上帝赏赐ê食物有任何影响。

第27到30节,使徒保罗讲若是有人「请lín食饭」,这m̄是指tī庙前ê宴席,tī chia所讲是teh指一般家庭、餐馆ê。伊讲出席hit种ê宴席,thang安心食每仝款食物,m̄免去问每一道菜ê出处。仝款ê,tī菜市场贩卖ê食物,有献祭过kah无献祭过ê食物,通常lóng是混杂做伙了,m̄免每样lóng问,因为连hiah-ê贩卖ê商人mā分无清楚。M̄-koh使徒保罗讲如果有人已经提醒toh一kóa食物是祭拜过ê,án-ne就mài食,无需要koh khah chē ê理由á是辩解,因为别人知影有基督徒对tī祭拜过ê食物真敏感,所以in提醒基督徒tī宴席中准备出来ê食物里有祭拜过ê物件。In会án-ne提醒,是因为in ê良心催hō͘ in一定tio̍h清楚kā受邀请ê基督徒讲,chit种善意,是弥足珍贵ê。注意第28节,chia讲如果有人邀请你参加宴席,而且kā你讲桌顶ê食物是祭拜过ê,hit人其实已经考虑tio̍h你ê信仰需要,chiah会kā你讲。你就beh知影hit位亲友真可能是teh试探你,ài beh看你食á是m̄食、lim á是不limà。如果你m̄食、不lim hiah-ê in已经祭拜过ê食物,以后hit人会koh khah小心ê准备食物。反之,如果无án-ne明确ê态度,有第一步ê食物诱惑,续落来ê,连串ê诱惑就pái tī目睭前teh等待你去承受。M̄-thang siuⁿ过自信,认为家己lóng thang赢过,总是ài时刻记tiâu:远离诱惑。Án-ne chiah是正确ê观念。

第31节,chit节thang讲tùi第八章开始,讨论有关基督徒社会生活ê总结论:一切lóng是为tio̍h荣耀上帝。Chit点mā ē-sái讲是基督徒siōng koân ê原则,m̄是为tio̍h家己,却是为tio̍h荣耀上帝ê名。

第32到33节,thang参考第九章19到23节所讲ê,为tio̍h beh争取koh khah chē ê人来信耶稣,无论对甚么人,包括了犹太人、希腊人、外邦人等等,使徒保罗讲宁可放弃家己ê需要、条件,只为tio̍h beh争取koh khah chē ê人成做上帝国度ê子民。使徒保罗teh传道生活中一直就是信徒ê表率,伊mā希望大家kah伊学,主要目的就是hō͘ koh khah chē ê人来信耶稣。

第十一章1节,tī第四章16节使徒保罗已经劝勉哥林多教会ê信徒效法伊。现在伊koh一pái ài哥林多教会信徒「效法」伊,ná亲像伊学习耶稣。伊写hō͘腓立比教会ê书信中án-ne讲:「Lín tio̍h有基督耶稣ê心志(全民版)」(腓立比书二:5)

经文:

哥林多前书 11:2-11:16

注释:

Chit章tùi第2节开始,直到第十四章40节止,lóng是teh讨论有关聚会ê秩序问题。

Tī chit段经文中,thang分做下列段落:
第十一章2到16节,讨论有关妇女teh聚会中应该tio̍h注意ê事。
第十一章17到34节,有关圣餐ê事。
第十二章,教会就是耶稣ê身躯,大家tī伊ê身躯上hō͘为肢体。
第十三章,论疼,所有ē-tàng存留落来ê,只有三样:一是信、二是望、三是疼。M̄-koh siōng重要ê就是疼。
第十四章1到23节,讲tio̍h讲灵语ê事。
第十四章24到33节,teh聚会中一定tio̍h严守敬拜ê秩序。
第十四章34到36节,koh一pái论到妇女teh聚会中ê角色问题。 

Chit段经文讲tio̍h有关妇女参加礼拜聚会ê时应该有ê礼仪。Chit对今á日真chē妇女来讲,kah-ná是真奇怪ê论调。M̄-koh,如果tńg来到使徒保罗ê时代,kah哥林多地方ê景况,就会比较容易知影使徒保罗之所以án-ne强调ê原因。

第2到3节,chit章开始使徒保罗对哥林多教会信徒讲o-ló 。续落来就讲「丈夫是bó͘ ê头」,chit句话mā出现tī以弗所书第五章23节。这是当时社会ê一个共识,bó͘是附属tī丈夫,这mā是东方社会ê共同观念。M̄-koh使徒保罗是Kā chit种社会共同价值引用到基督kah教会之间ê关系,ná亲像夫妻仝款。所以伊讲基督是教会ê头,基督之上,就是上帝。

第4到9节,chit段经文提起cha-po͘人kah cha-bó͘人之间tī公共场合中穿插kah行为上ê差别;chia提起当时希腊文化影响之下ê社会,cha-po͘人蒙头ê时,是因为厝内发生非常悲伤ê事。Á敬拜上帝是非常欢喜kah神圣ê事,表示对上帝siōng大ê敬意。所以当时ê cha-po͘人teh敬拜ê时chūn,绝对bē蒙tio̍h头,而若是厝内有发生哀伤ê事,mā bē去参加敬拜ê礼仪。相对ê,如果是cha-bó͘人,就一定tio̍h蒙tio̍h头。因当时ê cha-bó͘人只有妓女不蒙头。所谓「剃光头ê cha-bó͘人」,就是teh指hiah-ê受卖做奴隶ê cha-bó͘人。使徒保罗ê看法是:见证福音是真荣耀ê事,怎样ē-tàng kā家己ê角色hō͘卑贱了落来?另外一方面,当时ê社会,cha-bó͘人ê地位真低,稍为自认有尊严ê cha-bó͘人是bē随便暴露出伊ê身躯,in会用布将身躯包裹得真周密,tùi头到脚,只露出一对目睭。Chit种包巾叫作「雅西玛」(yashmak),即使tī今á日ê中东回教国家mā是án-ne,一个cha-bó͘人如果出了家门不包头巾而且蒙tio̍h面,he是非常危险ê事,mā表示chit-ê cha-bó͘人是一个行为不检ê cha-bó͘人。

使徒保罗会提起chit种事,真可能就是哥林多教会信徒对「自由」ê看法。是有人认为家己已经信耶稣了,性命得tio̍h耶稣ê tháu放。所以不koh受chit种传统、风俗规定ê约束。就án-ne,in tī教会内聚会ê时,故意将蒙面ê头巾the̍h落来。Ē-sái讲是,当in kā头巾the̍h落来后,常引起非信徒kah非众基督徒ê议论,甚至会讲基督徒ê聚会,有cha-bó͘人kah「阿弗洛狄特」神庙ê「庙妓」仝款,mā thang陪cha-po͘人困。Án-ne,m̄-nā无达tio̍h传福音ê目的,反tńg是伤害了耶稣ê名声。因为哥林多城乃是当时希腊世界出名ê「放荡」城市,如果信徒teh生活行为上无koh khah顶真,就koh khah oh得见证信仰tī生活上ê意义。

使徒保罗引用创世记第一到二章,有关上帝造人ê记事,使徒保罗只有讲cha-po͘人是上帝ê形像,伊可能是将第二章上帝造人ê时先造cha-po͘人而后造cha-bó͘人ê讲法,引入第一章上帝造人ê记事中。「cha-bó͘人却是tùi cha-po͘人造ê」kah「cha-bó͘人却是为tio̍h cha-po͘人造ê」,这两句话是平行句,意思lóng是teh表达cha-bó͘人kah cha-po͘人之间有bē-tàng分ê关系。M̄-koh tio̍h注意ê是圣经ê作者讲上帝之所以beh koh再造一个人,主要原因是为tio̍h beh「帮助」hit-ê本来被造ê人,chit点非常重要。是「帮助」,却m̄是成做附属品,tī认bat上chit点是非常重要ê。

第10到16节,tī chit段经文中,使徒保罗努力试beh hō͘大家知影,cha-po͘人kah cha-bó͘人之间是互相倚赖,特别是cha-po͘人kah cha-bó͘人若是teh指夫妻来讲,koh khah是án-ne。彼此之间ê性命是互相循环关系,特别是二者ê性命lóng是tùi上帝来ê创造。上帝chiah是性命ê主、头。有chit种认bat,就bē强调甚么人比较重要à。M̄-koh使徒保罗并无忽略当时社会对基督徒ê观感,特别是tī基督徒是少数ê社会里,koh khah容易成做社会大众聚焦ê对象,tī形象上koh khah需要谨慎。所以伊强调这m̄是甚么规矩不规矩ê律法问题,却是kah上帝之间敬拜ê礼仪,是心灵诚实á无,已经m̄是tùi外表teh探讨。

经文:

哥林多前书 11:17-11:34

注释:

这是一段非常重要ê经文,使徒保罗将主耶稣所留落来ê最后晚餐,mā就是Pôaⁿ过节暗顿定位为基督教会ê「圣餐」。早期ê教会有所讲ê「爱筵」(参考使徒行传二:46)。原本耶路撒冷教会ê爱筵是不分彼此,有钱ê人kah sàn-chhiah ê同齐分享。所以使徒保罗kā福音传到外邦地区,mā Kā chit种聚会后ê爱筵带到外邦教会,chit种方式就成做基督徒聚会ê一种模式。M̄-koh使徒保罗koh khah进一步将聚会后ê爱筵kah聚会中ê圣餐kā它区隔出来,chit点认bat非常重要,因为二者之间是有差别ê。

第17到19节,使徒保罗先指出哥林多教会信徒错误 ê行为,就是teh聚会中mā结党分派,chit点tī第一章已经有指出。使徒保罗知影这是无法度改变ê现象,感触地讲了chit句「这thang hō͘人看出甚么人有正确ê主张」,chit句话mā teh说明真理会jú辩jú明。因为真正真理并m̄是tī人ê学识,是 tī上帝ê疼。

第20到22节,chit两节就讲出第19节最后一句话ê意思,若是无实际ê疼ê行动,讲了一大堆知识语言mā是枉然。显然地,哥林多教会kā主耶稣ê圣餐kah爱筵混淆做伙。Á是讲早期教会并无chit种分别,因为耶稣kah门徒守最后Pôaⁿ过节暗顿,就是一种重要筵席。所以基督徒聚会就是一种筵席,而chit种筵席siōng重要ê所在,是无论甚么身分,大家lóng是同齐分享。M̄-koh,哥林多ê教会却无án-ne,却是「各人lóng急tio̍h食家己带来ê物件,soah致使有ê iau饿,有ê醉饱」,这就kah所讲ê爱筵完全无仝ê意义à。Koh讲,如果教会内部有纷争,则即使有爱筵,mā会失去它ê意义。Ài有爱筵,就m̄-thang有结党分派ê事。所以使徒保罗真不细jī地指出,in ê爱筵是等于是teh藐视上帝ê教会仝款ê khiap-sì。

第23到26节,chit段经文真重要,mā是今á日基督教会举行圣餐ê时,主持者所用词句ê根据。新约福音书中所使用ê(参考马太福音廿六:26—28,马可福音十四:22—24,路加福音廿二:19—20),其实就是引用使徒保罗tī chia所诠释ê圣餐ê意思。使徒保罗tī chia特别讲圣餐所用ê饼,就是耶稣ê身躯。其实mā teh暗示:教会是基督ê身躯,若是结党分派,就等于是撕裂基督ê身躯仝款。Á杯表明性命。所以lim杯中耶稣ê血,所表明ê就是kah耶稣ê性命连结,chit种连结mā teh表明一种新ê约开始,是kah上帝建立新ê约。这已经清楚teh说明基督信徒,就是kah耶稣ê性命亲密相结连,永远bē分离。Koh khah重要ê,用圣餐,就是teh宣告旧ê性命已经死去,全新ê性命teh beh开始,这是koh活ê ǹg望。

第27到32节,使徒保罗提醒哥林多教会信徒,每pái享用圣餐ê爱筵,就是需要先tùi反省家己,认罪悔改开始。若是无清楚chit点,食用圣餐,mā等于是teh藐视圣餐ê神圣意义。使徒保罗强调圣餐所beh表明ê,就是面对koh活ê主ê审判,所以面对审判ê主,大家享用圣餐ê时,态度就koh khah需要谦卑、谨慎。

第33到34节,既然圣餐是teh分享上帝tī耶稣里拯救ê疼,所以「彼此thèng候」,chit句话mā teh说明彼此之间互相接纳,而且会关心hiah-ê iáu未出现ê信仰伙伴,mā是一种彼此关心ê方式。若此,就会减少分党结派之现象继续恶化落去。

经文:

哥林多前书 12:1-12:11

注释:

Tùi第十二章开始,一直到第十四章,这三章lóng thang清楚看出发生tī早期教会ê另外一个问题,就是关系圣神充满ê事,mā因为对圣神ê问题看法差别,无形中tī教会内部mā产生分裂á是纠纷ê现象。

Tùi使徒行传ê记事中看tio̍h,耶稣ê门徒会开始见证福音,就是tī圣神感动kah充满之下,tùi不安kah惊惶中,变成勇敢见证耶稣koh活ê信息。所以开启了福音信息传播ê动力。续落来,使徒保罗kah其他同工就是tī圣神ê差遣下,开始踏出海外宣教事工,hō͘福音ê信息因此而传开,m̄-nā tī耶路撒冷,koh khah阔传到外邦地区去。作者路加tī使徒行传chit本史册中,差不多就是用「圣神」做主题teh描述众使徒kah早期信徒信仰上ê见证。圣神tī早期是引chhōa教会福音事工行向ê主要力量,真chē人表明家己有圣神充满,四界去传福音,见证耶稣ê救恩,福音ê事工即使tī被迫害ê环境下,犹原广传出去。不过,哥林多前书第十二到十四章却是teh探讨哥林多教会发生所讲ê「圣神问题」,kah使徒行传所描述圣神大大充满tī门徒身上,hō͘ in勇敢四界去见证福音信息ê情形大无相仝,tī哥林多前书这三章所讲tio̍h ê圣神问题,却是kah讲「方言」有密切关系。原因是有信徒乱使用了「圣神ê恩赐」chit-ê信仰认知,造成教会内部ê纷争。

Tī chit段经文,使徒保罗强调一个重要ê信仰观念:无圣神作工,人无可能认bat耶稣是救主。换句话讲,如果无圣神感动,任人án怎努力,mā是枉然。因为认主耶稣为救主,这是关系tio̍h性命ê问题,关系tio̍h性命得救ê事,就m̄是人ê能力所ē-tàng改变ê,一定tio̍h是来自圣神ê气力。圣神只有一个,m̄-koh,圣神ê工作是多样ê,mā因人ê需要而异。

Koh讲,既然是圣神ê工作,就无所谓「轻重」ê问题,因为圣神是上帝拯救世人性命ê气力,是属tī上帝ê,m̄是用人ê方式ē-tàng衡量ê。所以带领一个细汉ê孩童来认bat主耶稣,kah带领一个王公贵族悔改来信主耶稣,仝款重要,无轻重之别。

第1到3节,tùi第1节thang看出有关圣神ê问题是哥林多教会提出来ê。使徒保罗提出哥林多教会信徒原本m̄知福音信息,因此lóng是teh过拜偶像ê信仰生活,后来听tio̍h福音信息而信耶稣。所以使徒保罗强调这就是圣神ê工作,只有tī圣神感动之下,人chiah会信耶稣是主。Mā就是讲,若无圣神ê启示,人无可能认bat耶稣就是性命ê救主。

第4到6节,tī chit段经文中,使徒保罗强调圣神只有一个,m̄-koh圣神赏赐hō͘每一个人ê「恩赐」lóng无相仝。伊tī chia表明:每一个人身上ê才能 lóng是tùi上帝来圣神ê赏赐。所以每一个人lóng有无仝恩赐,m̄-koh却只有一位主,就是性命ê救主。Chia所谓「恩赐」,tī希腊文kah「恩典」是同字根「charis」,指ê是:自赏赐得tio̍h,m̄是靠人ê能力得tio̍h ê。所以所谓「圣神ê恩赐」,真清楚就是teh指tùi上帝来ê恩赐。Á上帝ê赏赐是白白ê恩典,m̄是任何代价thang换来得tio̍h。这mā说明一个人拥有圣神ê恩赐,m̄是用来夸耀ê,却是beh用来回应上帝赏赐ê疼。

第7到11节,使徒保罗Tī chit段经文中,讲出每一个人领受ê圣神恩赐无相仝,有ê人拥有知识,有ê得tio̍h信心,mā有人拥有医病ê能力,á是行神迹ê能力,á是传讲信息ê恩赐,mā有专门讲灵语者,mā有解释灵语ê能力者等等,m̄-koh chiah-ê无相仝ê圣神恩赐,lóng出tī仝款ê圣神。这已经teh说明争辩甚么人chiah是有上帝圣神ê恩赐,是错误 ê认知。

经文:

哥林多前书 12:12-12:31

注释:

Tī chit段经文中,使徒保罗特别用人ê身躯来譬喻教会chit-ê信仰团体。并且强调教会就是基督ê身躯。Án-ne,每一个人tī教会内ê信徒,lóng是连结tī耶稣chit-ê身躯上ê一个肢体。Á每一个肢体是无相仝ê,任何一个肢体lóng无法度讲别个肢体不重要,á是家己认为khah输别ê肢体,因为大家只不过lóng是基督ê肢体而已,m̄-koh连结做伙chiah是siōng重要ê事。

第12到13节,使徒保罗tùi身躯只有一个,而这身躯就是「基督」讲起,续落来伊讲大家lóng是tī基督chit-ê身躯上,续落来,伊kā重点指出来:无论是甚么人,á是犹太人,á是外邦人(tī chia用「希腊人」作代表),是奴隶,是自由人,lóng tī这基督ê身躯上领受仝款ê圣神洗礼。

第14到20节,tī chit段经文中,使徒保罗强调每一个肢体lóng有特别功用,lóng是上帝特别ê创造,他按照家己ê旨意造每一个肢体。换句话讲,无任何人ē-tàng批评上帝ê创造,因为人是hō͘造物,而上帝是造物者。Kā无仝功能ê肢体安置tī身躯上ê,是上帝,m̄是肢体家己。

第21到26节,chit段经文非常重要,已经teh讲出哥林多教会ê问题,就是有人会自认比别人koh khah重要,这并m̄是正确ê观念。使徒保罗koh khah进一步强调,若是有人自认真重要,就应该伸手去帮助hiah-ê hō͘人认为不重要ê,hō͘每一个肢体lóng有仝款ê地位,这就bē致使分裂ê现象出现。使徒保罗tùi chia提出对肢体ê一个siōng重要mā是siōng基本ê共同体ê观念。一个肢体受苦,所有ê肢体同齐受苦;一个肢体得荣耀,所有ê肢体就同齐快乐。

第27到31节,tī chit段经文中,使徒保罗先是koh一pái强调每一个信徒lóng是基督ê肢体,而后讲述tī教会内面有领受各种无仝恩赐ê人,包括有使徒、先知、教师、行神迹ê、医病ê、帮助人ê、管理者、讲灵语ê等等。伊劝勉哥林多教会信徒ài有chit种认bat,chiah是避免教会分裂ê第一课。Tī第31节,使徒保罗ài大家追求hit-ê koh khah重要ê恩赐—爱。

经文:

哥林多前书 13:1-13:10

注释:

Chit章ē-sái讲是使徒保罗书信中siōng-kài顶港有名声下港有出名ê一首súi诗歌。Tī使徒保罗ê看法里,爱m̄是一种恩赐,却是圣神所结ê果子。Tī第一章22到23节,使徒保罗bat形容讲:「犹太人要求神迹,希腊人走chhōe智慧,阮却宣扬被钉十字架ê基督。」chit句话thang koh再加添一句讲:「罗马人喜好权力。」m̄-koh,无论是神迹、智慧、权力,如果无爱ê基础,chiah-ê lóng会对人ê性命造成伤害。Á十字架就是爱ê记号,因为耶稣被钉十字架,就是teh表明上帝对人类ê疼。

Tī chit段经文中,使徒保罗先举出四种kah恩赐有关ê例,包括讲各种方言ê能力,讲道ê chiah ē-tàng、知识,坚定ê信心,以及赈济sàn-chhiah人kah献身ê勇气等,chiah-ê lóng一定tio̍h用疼做基础chiah有意义。然后伊进一步解释爱ê意义。

第1到3节,因为有人强调家己真会讲各种方言,表示家己真有圣神ê恩赐,就án-ne使徒保罗开始讲述无论甚么人ē-tàng讲jōa-chē种无仝ê语言,甚至ē-tàng讲「天使」(其实chit-ê世间无人有chit种能力),无论有jōa-chē能力,就算ē-tàng「牺牲家己ê身躯hō͘人烧」,这看起来kah-ná真有信心ê款,如果m̄是因为疼ê缘故,就算有真chē才华á是能力,mā是枉然。

注意第3节所提起ê「牺牲家己ê身躯hō͘人烧」,tī早期教会有ê人为tio̍h信主耶稣被用非常残酷ê刑罚—火刑—对待。亲像但以理书第三章就teh记载巴比伦王尼布甲尼撒下令建造一座高27公尺、宽3公尺ê大神像,并命令全国人民tio̍h向hit-ê神像敬拜,如果m̄听话就beh被「扔进焰火熊熊ê窑里」(参考但以理书三:1—7),m̄-koh有三个但以理ê朋友—沙得拉、米沙、亚伯尼歌,拒绝接受chit种命令,就因此被tàn tī火窑里烧,m̄-koh上帝kah in同在,三个lóng无受tio̍h任何伤。使徒保罗khah强调ê是,即使有án-ne坚强ê信心,mā是beh tùi疼ê出发点开始,m̄是因为有án-ne坚定信心,而成做展宝ê一个诱因。

第4到7节,tī chit段经文中,使徒保罗解释甚么是爱。Tī第4节ê「坚忍」,是kah第5节ê「不轻易发怒」有关系,因为「坚忍」是teh指对人容忍ê意思。Mā就是teh指对hiah-ê得罪咱ê人,会保持赦免ê心。第6节「无欢喜不义」,意思就是不tùi作恶ê事中得tio̍h快乐。Ná亲像有ê人会传述别人ê 错误,当做「茶余饭后」消遣题。「只喜爱真理」,这并m̄是一件容易ê事,mā m̄是人人lóng做会到ê事,人siōng大ê通病是,真无欢喜听tio̍h真理ê声音,因为真理ê另外一面,就是会kā人ê恶hō͘显露出来。真理mā thang讲是上帝ê另外一个记号。第7节ê「爱ē-tàng包容一切」,chia所讲ê「包容」,是teh指将别人ê 错误「修补」过来,是暗中修补,设法将别人所犯ê 错误 hō͘ in修正过来,m̄是hō͘ hit人tī众人面前sià面子、难堪。

第8到10节,使徒保罗tī chia讲「爱是永恒ê」,相对ê,其它ê则暂时ê,会跟tòe时间过去。所谓「永恒」,kah「终止」、「过去」,以及第9节ê「有限」、第10节:「ē-sái讲是,hit-ê完全ê一到,有限ê就会消失à。」chia ê「完全」,是teh指成熟,mā就是最终极ê目标,mā thang指上帝ê拯救来临ê意思。

经文:

哥林多前书 13:11-13:13

注释:

使徒保罗强调tī疼ê内面,人ê心思意念是会成长ê,一个有成长ê人,tī chit时chūn就会发见家己过去ê幼稚行为,就会知影怎样改正过来。

第11节,一个细汉gín-á,无论所想ê,á是行为举止,lóng会充满tio̍h gín-á气,这是真自然ê现象。M̄-koh若是长大,就会kā过去gín-á气ê表现渐渐弃sak掉。

第12节,chit节讲「tùi镜子里看见ê影像,雾雾无清不清」,chia ê「镜子」是teh指古代ê铜镜,无亲像今á日ê玻璃镜片。古早时ê镜子真贵,所以m̄是一般人买得起。若此,一般人所用ê「镜子」就是koh khah普通ê材料,只要ē-tàng显像出来to̍h ē-sái。使徒保罗引用chit种镜子做譬喻来说明,每一个人无论怎样有才华,对事物ê看法lóng会有雾雾无清不清ê一面。伊chit种讲法,已经teh隐喻哥林多教会内面,有真chē人对别人所讲,所做ê批评,并无一定是正确ê。「将来就会面对面」,这是teh指审判ê时刻,是非曲直lóng会显露出来。仝款,mā无任何一个人thang讲家己对上帝ê认bat siōng正确。只有tńg来到上帝面前,人chiah会真正认bat上帝。

第13节,是chit章ê结论。Tī使徒保罗ê书信中,会看tio̍h伊强调「信心」是得救ê泉源(参考罗马书十:9—10)。伊mā强调基督徒应该心存ǹg望。有人讲基督教ê信仰乃是「ǹg望ê宗教」。M̄-koh,使徒保罗tī chia强调,爱chiah是性命ê本质,若是无爱,则信心、ǹg望并无会真正对人ê性命有益处,因为信心、ǹg望lóng是属tī人ê,只有爱chiah是属tī上帝。Á上帝是永恒ê。所以只有爱,chiah会永远存在。属tī人ê部分,lóng会跟tòe人而消失。

经文:

哥林多前书 14:1-14:25

注释:

哥林多教会信徒可能有bē少人对讲灵语有执迷ê倾向,产生一种特有ê怪现象,就是大家kah-ná teh比赛,看甚么人比较有圣神ê恩赐,ē-tàng讲出比别人koh khah chē ê灵语,á是讲灵语用ê时间比较长。使徒保罗认为如果信仰是用来比较ê,he是对基督教信仰ê 错误认bat。如果信仰是用来夸耀家己ê灵性ê,he确实是误解了基督教信仰ê本质。

Tùi kui本圣经thang看tio̍h基督教信仰siōng中心ê信息,就是学习知影家己是一个罪人,需要上帝ê怜悯kah救恩。Á这救恩就是tī耶稣ê身上表明出来。因此基督教信仰是帮助一个人知影悔改信耶稣。Kā chit点掠tiâu,就会明白为甚么使徒保罗会用chiah-ni̍h chē篇幅说明有圣神恩赐ê人应该有ê态度。

Tī头前使徒保罗已经真清楚说明,无论有甚么才华,lóng是tùi上帝来圣神ê赏赐,koh讲,所有ê人lóng是基督ê肢体,大家lóng是连结tī基督ê身躯上。无任何一个肢体会讲家己是比别ê肢体koh khah重要,因为若有一个肢体痛苦,即使是siōng弱小ê肢体,mā会hō͘ kui个肢体同苦。所以彼此互相帮助chiah是属tī基督肢体ê信徒应该有ê认bat。chit-má chit段经文中,使徒保罗进一步说明哥林多教会ê信徒中,有人强调讲灵语(方言)ê重要性,使徒保罗认为无任何一个chiah ē-tàng是比别ê chiah ē-tàng重要。因为即使会讲各种方言,若是无爱,就无甚么意义thang讲。所以tī chit段经文中,伊特别劝勉hiah-ê会讲灵语ê人,ài会晓tī甚么时chūn讲?讲ê内容应该kah见证上帝tī耶稣里ê救恩有关chiah重要。

第1到4节,chia一开始使徒保罗就讲「Lín tio̍h追求疼」chit句话,已经清楚讲出第十四章ê基本内涵。使徒保罗beh指出哥林多教会真正ê问题,是大家彼此teh互相比较、竞争。欠缺包容kah互相鼓励、分享ê疼。Á siōng大ê问题,莫过就án-ne tī信仰ê事顶面比长短。续落来,使徒保罗先区分了讲灵语kah讲起帝信息二者之间ê差别;讲灵语是对上帝讲ê,讲起帝信息是对众人讲ê。前者是造就家己,后者是造就众人,mā等于teh帮助全教会。

第5到6节,tī chit两节中,使徒保罗表明家己对chit种因为会讲灵语而造成教会纷争ê事ê看法,伊认为ē-tàng帮助教会ê,是上帝ê信息,并m̄是讲灵语。伊讲如果一个人会讲灵语,却无带hō͘信徒帮助,án-ne讲灵语就对别人无特别ê益处。

第7到12节,tī chit段经文中,使徒保罗引用乐器做譬喻来说明教会信仰团契。伊讲如果只有一种声音,却无分别高低,就听bē出奏出ê是甚么作曲。伊讲灵语ê人mā是án-ne,若是无人听bat所讲ê灵语,ná亲像teh听外国人讲话仝款,完全听m̄-bat,就无法度得tio̍h帮助。所以追求上帝圣神ê恩赐,就应该是追求ē-tàng造就koh khah chē人ê「恩赐」chiah正确。可见使徒保罗所看ê,并m̄是某一个人ê能力,却是teh看整体教会ê利益。

第13到17节,使徒保罗tī chia强调tī信仰团契中,就是beh帮助别人á是讲彼此互相帮助,chit种信仰chiah会有意义,mā会带hō͘教会利益。所以做一个会讲灵语ê人,teh聚会中只有讲家己听bat ê灵语,别人lóng听m̄-bat,就算chit-ê人家己真满足kah上帝之间藉tio̍h灵语交通,对别人来讲mā bē有任何益处。

第18到19节,使徒保罗hō͘哥林多教会ê信徒知影,伊真有讲灵语ê恩赐,m̄-koh伊宁可讲五句帮助别人明白,mā m̄-thang讲千万句别人听m̄-bat ê灵语。

第20到21节,伊劝勉哥林多教会信徒,ài tī思想上成熟像大人,m̄-koh tī「pháiⁿ事顶面tio̍h亲像婴á」,这表示有纯洁ê心,ná亲像婴孩仝款,无pháiⁿ ê念头,自然就bē有害人ê行为出现。伊引用以赛亚书第廿八章11节以下ê经文,表示上帝藉tio̍h先知讲话hō͘以色列人民听,m̄-koh in m̄听。上帝只好藉tio̍h外国人来传讲伊ê信息hō͘以色列人民听,m̄-koh in iáu是无想beh悔改,因为听m̄-bat。使徒保罗用chit种隐喻ê方式,teh说明:讲灵语ê人,ná亲像讲人家听m̄-bat ,án-ne,koh怎样ē-tàng见证福音ê信息?意思是teh指对传福音并无任何帮助。

第22到25节,tī chia,使徒保罗kā哥林多教会信徒讲,teh聚会ê时chūn,就tio̍h考虑in中间是m̄是有初信ê,á是iáu未信ê人?若是有,就m̄-thang讲别人听m̄-bat ê灵语,因为对in teh追求信仰ê事顶面无帮助。

经文:

哥林多前书 14:26-14:40

注释:

Chit段经文讲tio̍h tī教会内ê聚会中应该有ê态度。基本上,使徒保罗讲究ê是秩序ê重要性。Tī教会聚会中,有秩序是进入敬拜ê第一步,如果连秩序lóng无,he是无法度hō͘人专心、敬虔ê注意听上帝ê话ê信息。Á chit种秩序,一定tio̍h约束某一kóa特别ài展ê人,因为聚会是beh敬拜上帝, m̄是teh显示个人ê能力。Koh讲,chit段经文mā讨论到关系妇女teh聚会中应该注意ê事。

第26节,聚会中有人唱诗歌、有人教导、有人讲灵语mā有人翻译等等,chiah-ê若是对聚会有帮助,就会利益参加聚会ê人。

第27到30节,chit段经文中,使徒保罗真清楚讲出敬拜上帝,就应该以上帝为主,m̄是用某一个人为重。参加聚会ê众人ài beh特别注意传讲信息ê人所讲ê内容。

第31到33节,teh敬拜上帝ê场合,任何人lóng thang分享家己ê性命见证。无人ē-tàng阻止别人见证。因为上帝喜爱ê,就是和谐,而无爱教会信仰团契有纷争ê事出现。

第34到35节,真有可能是tī哥林多教会中间,有kóa妇女mā学tio̍h讲灵语,结果因为以「灵语」为优先,无人敢阻止讲灵语ê妇女,结果kui个聚会lóng僵tī hia无法度结束,á是本来有准备ài分享信息ê人,mā无法度进行,干涉搅扰礼拜ê秩序。另外一点,mā有可能是当时哥林多妇女ê社会地位真低,当时ê观念是:妇女tī公众场合讲话是「不体面ê事」,指ê就是当时社会ê普遍观念。所以tī教会聚会中如果有妇女公开宣讲á是表示意见,真容易造成一般人对基督教信仰ê误解。Tùi第十一章5节thang看出使徒保罗并无反对妇女公开宣讲福音,伊要求ê是beh讲福音ê妇女,也tio̍h按照当时ê风俗,将头巾罩tio̍h。不过mā因为使徒保罗Tī chit两节ê讲法,chiap-chiap受tio̍h现代妇女ê批判,认为使徒保罗iáu是无因为耶稣ê福音,跳脱传统风俗ê思维。

第36节,使徒保罗tī chia指责哥林多教会信徒有人kā该教会当做是标准、中心,有种目中无人ê傲慢态度。表示该教会信徒bē彼此尊重,mā bē尊重其他地区ê教会,这是真无好ê行为。

第37到40节,使徒保罗劝勉哥林多教会信徒,无论家己是偏向讲灵语,á是重视传讲上帝ê信息,lóng tio̍h彼此互相容忍kah接受,mā只有án-ne,chiah ē-tàng免除彼此之间相争,避免无应该有ê纷争。

经文:

哥林多前书 15:1-15:11

注释:

这是真重要ê一章,使徒保罗用kui章ê篇幅teh谈论有关死人koh活ê问题,是新约圣经中谈论有关死人koh活siōng详细一章。Chit章mā为后来使徒信经提供非常重要ê信仰告白――肉体ê koh活。Mā tùi chit章ē-tàng看出哥林多教会信徒中,有人虽然信了耶稣,á是来加入信仰团契,m̄-koh却对koh活ê事感觉无法度理解,á是对koh活ê事持怀疑ê态度。Á使徒保罗传福音ê时,siōng重要ê一个信仰告白,就是所有信耶稣ê人,会kah耶稣同死,mā会kah耶稣同koh活(参考罗马书六:8)。

其实,有关koh活ê问题,并m̄是tī外邦人中间chiah有chit种问题,犹太人中间ê撒都该派ê人mā有chit方面ê问题;in并m̄相信有死人koh活chit款tāi-chì,所以in bat利用摩西律法中所规定ê「利未拉特婚姻条例」(Levirate Law)来试问耶稣关系koh活ê事。Á耶稣ê回答是:「今世ê 人有嫁有娶, m̄ -koh,会堪得tùi 死人中koh 活进入来世ê,就无嫁无娶。 因为in koh 活了后bē koh 死,kah 天使仝款,lóng 是上帝ê kiáⁿ 儿。(全民版)」(路加福音二十:34—36)

使徒保罗会án-ne强调肉体ê koh活,是因为希腊思想中,将人分做两个部分,一是肉体ê,另外一个是灵魂ê。肉体是污秽、无好ê,所以人死后,肉体就开始腐pháiⁿ。M̄-koh灵魂是洁净ê,所以当人往生ê hit一刻,灵魂就离开了身躯。所以当使徒保罗tī哥林多教会传福音hō͘ in ê时,lóng会强调身躯就是上帝圣神ê殿(参考六:19),这表示人ê身躯kah上帝有密切关系。Á上帝是圣洁ê,所以人ê身躯一定tio̍h保持圣洁,án-ne,死后koh活就是一个全新ê性命。Á这是希腊思想无法度接受ê想法。这mā是哥林多教会信徒中,有人认为只有灵魂会得救,身躯原本就会败坏死亡。所以chit种信徒虽然是信耶稣了,却iáu是teh过淫乱ê生活,in认为这bē影响tio̍h灵魂ê圣洁,chit点mā是使徒保罗非常受气ê事。其实,chit种态度m̄-nā发生tī哥林多教会,mā出现tī以弗所(参考以弗所书五:5)、歌罗西(参考歌罗西书三:5)等地区ê教会。

Tī chit段经文中,使徒保罗提供了真重要ê珍贵资料,就是描述thang见证耶稣koh活ê神迹ê人真chē,包括有他ê门徒,mā有chē kah五百gōa个跟tòe ê民众,koh khah重要ê,是chiah-ê亲目chiu金金看见koh活ê耶稣ê人iáu活teh,表示这是ē-tàng查证ê事,而且koh khah重要ê,使徒保罗ê转变就是因为伊亲自看见koh活ê耶稣。所以使徒保罗谈死人koh活ê信仰,是根据伊亲目chiu金金看见ê基础,mā是tùi chit点伊自认是hō͘上帝kah耶稣亲自拣选成做「使徒」ê一siōng重要理由(参考加拉太书一:1)。

第1到2节,chit两节mā是chit章经文ê引言。使徒保罗ài哥林多教会信徒记tiâu伊传hō͘ in ê信息,就是「耶稣基督kah伊死tī十字架上」ê信息(参考哥林多前书二:2)。伊讲传chit-ê福音,是「óa靠圣神ê大能来证实ê」,为tio̍h是beh hō͘哥林多教会ê信徒tī信仰上「不根据人ê智慧,却是用上帝ê大能做基础」(参考哥林多前书二:4—5)。这mā说明哥林多教会中,已经有人渗透入去讲「另外一种福音」了(参考哥林多后书十一:4),chiah-ê人后来就是使徒保罗所讲ê「超等使徒」(参考哥林多后书十二:11)。

第3到4节,chit两节真重要,使徒保罗讲已经kā家己所领受ná「siōng重要」ê信息传hō͘哥林多教会信徒。Chia所讲ê「siōng重要」一词,tī中文《和合本》是用「第一」,台语汉字mā是用「第一」,指ê就是「siōng重要」ê意思。表示chit两节所提起ê,mā是福音信息中siōng重要ê-耶稣为人ê罪死,而且埋葬,m̄-koh第三工有koh活。这mā是基督教信仰告白中siōng重要ê内容。Ài beh特别注意ê是,使徒保罗讲伊所传讲ê chiah-ê信息,lóng是「按照圣经所讲ê」,m̄是伊家己发明ê。圣经是上帝语,福音就是beh根据圣经上帝传,m̄是人家己创造ê信息。如果无照圣经,就无法度讲是福音。Chit点是非常重要ê认bat。

第5到7节,tī chit-ê几节经文中,使徒保罗讲tio̍h有关耶稣koh活了后显现hō͘甚么人看过ê记录;Tī chit段经文中,使徒保罗提起耶稣bat向(1)彼得、(2)十二使徒、(3)五百gōa个跟随者、(4)雅各等、(5)最后是使徒保罗家己。Tī圣经中有关koh活ê耶稣显现hō͘彼得看过,可能是路加福音第廿四章34节记载ê资料,说明十一位门徒(除了出卖耶稣基督ê犹大外)当teh讲:「主真正有koh活;伊已经显现hō͘西门看了!」(mā thang参考马可福音十六:7)「五百gōa个跟随者」,chit点tī福音书中chhōe bē-tio̍h chit-ê资料,m̄-koh可能盛传tī早期教会中。最后一位是「雅各」,伊真可能就是耶稣ê小弟;伊原本并m̄相信耶稣(参考约翰福音七:5),福音书mā无特别记载有关雅各看见耶稣koh活ê记事。不过,tùi使徒行传第十五章,以及加拉太书第二章lóng thang看tio̍h chit位雅各后来tī早期耶路撒冷教会有真大ê影响力。使徒保罗强调chiah-ê看过耶稣基督koh活ê人,iáu有真chē人活teh。换句话讲,早期教会teh见证耶稣koh活ê信息,并m̄是空谈,却是确实有人teh见证chit-ê tāi-chì,mā是因为án-ne,加上圣神充满ê气力,in勇敢地见证chit-ê tāi-chì,chiah hō͘福音大大广传开来。

第8到11节,使徒保罗kā家己排tī最后一位;伊遇tio̍h koh活ê耶稣,是因为当时伊当teh四界迫害耶稣ê信徒,然后发生tī伊前往大马士革beh继续掠信徒ê途中,koh活ê耶稣亲自显现hō͘伊看,并且kā伊讲话(参考使徒行传九:1—9)。Mā因为chit pái ê奇妙境遇,改变了使徒保罗ê一生。如果讲耶稣ê兄弟雅各有改变,则使徒保罗ê改变koh khah明确,而且对教会后来ê发展影响koh khah大。使徒保罗讲为tio̍h感谢koh活ê耶稣亲自向伊显现ê恩典,伊并无因此就骄傲,自认为有甚么特权,á是看bē起其他ê门徒,伊讲he是上帝ê恩典kah伊同齐同工,chiah hō͘伊kah其他使徒同齐传耶稣koh活ê信息。


经文:

哥林多前书 15:12-15:34

注释:

Tī chit段经文中,使徒保罗开始解释确信耶稣koh活ê信息之重要性,因为这是基督教信仰siōng根本ê基础。

第12到19节,显然地,tī哥林多教会中有人teh传说「无死人koh活ê事」,chit点hō͘使徒保罗感觉难过。伊强调若是基督无koh活,就无甚么好传ê,án-ne,耶稣ê信徒mā无甚么好信ê。因为基督若是无koh活,所有信耶稣ê人就是siōng可怜ê人,因为in ê信是白白浪费了性命。第19节真重要,就是因为有koh活,性命chiah有ǹg望。若是无koh活,人ê性命就是无ǹg望,chit种人siōng悲哀。

第20到28节,chit段经文使徒保罗用非常肯定ê句型讲出基督koh活ê信息,是ē-tàng确信,无需要怀疑。伊tī chia提起亚当犯罪,带hō͘全人类进入死亡中。M̄-koh因为耶稣koh活,hō͘所有信ê人进入koh活ê ǹg望里。第20节是非常重要ê一节,tī chit-ê节,使徒保罗提起耶稣ê koh活,chiah是死人koh活ê保证。就是因为有koh活ê ǹg望,人活teh chiah有希望。第21节thang参考罗马书第五章12节,使徒保罗引用创世记第三章1到19节有关亚当犯罪为例,认为罪就是tùi亚当开始引起而传落来,人传承ê罪tī性命内面。chit-má则因为耶稣ê koh活,hō͘人享受koh活ê恩典kah ǹg望。Koh活,就是phah败死亡ê威胁kah力量,这koh活mā是上帝siōng奇妙ê神能,hō͘所有一切致使死亡ê气力lóng屈服tī基督之下。使徒保罗án-ne讲,就是beh kā所有ê信徒讲,tī耶稣里,koh活带来性命siōng大ê气力,ē-tàng赢过所有威胁性命ê死亡。

第29到34节,chit段经文thang看tio̍h早期教会bat流行tio̍h一个风俗,就是为hiah-ê已经往生,代替hiah-ê无机会受洗就往生ê人受洗。会有chit种情形发生,是因为早期教会流行tio̍h一个观念:一个人如果无受洗,就无法度进入上帝国度。Mā等于是讲:一个人如果无受洗,就无法度得救。所以如果有人thang代替伊受洗,tī将来耶稣koh再临ê时chūn,伊thang因为有人替伊受洗而得救,已死ê性命因此koh活。chit-má chit种情形已经无koh存在ā,原因是咱认为信仰是beh家己亲自告白chiah算,无法度用代替ê。

Koh讲,有kóa信徒活teh ê时chūn,拒绝受洗,ē-sái讲是teh发生重大事故á是患tio̍h严重ê疾病ê时,特别是tī昏迷状况下,伊ê全家希望赶紧为伊行洗礼,认为án-ne thang tī将来koh活ê时chūn koh同在一块。Chit种情形tī今á日ê教会比较普遍。会有chit种情形发生,可能kah路加福音第廿三章42到43节所记载ê hit位kah耶稣同时钉十字架ê罪犯ê临ê时悔改有关。有人就是án-ne相信,只要tī临终chìn前赶紧悔改受洗,就好势。

使徒保罗提醒哥林多教会ê信徒,m̄-thang心存侥幸ê想法,tio̍h趁iáu清楚明白,tī信仰上坚定,而且tī生活上有见证,m̄是随便,致使性命死亡来临ê时,却iáu未接受洗礼成做基督忠实ê信徒,án-ne就非常可惜。


经文:

哥林多前书 15:35-15:58

注释:

Tī chit段经文中,使徒保罗以动物、植物ê形体变化,来譬喻koh活了后ê身躯变化。伊同意身躯是会朽pháiⁿ,m̄-koh,koh活却是永恒ê、不朽ê。所以tī会朽烂kah bē朽烂之间,有真大ê区别――血肉造成ê身躯无法度承受上帝ê国。一定tio̍h是属灵ê身躯chiah thang。所谓属灵ê身躯,就是tī耶稣基督内面得tio̍h救恩ê性命。

Thang án-ne讲,基督教信仰siōng特别ê所在,就是koh活。Koh活,是teh指性命ê koh活,是包括肉体在内ê koh活。Chit点mā是基督教掠准它宗教差别siōng大ê信仰内涵。Á这mā是希腊人,á是受过希腊教育思想真深ê人所无法度接受ê,原因ná亲像头前已经提起过ê,是希腊思想里认为人ê性命分做两个部分,其一是teh指肉体,另外一指灵魂。人死去了后,灵魂就会离开人ê肉体,灵魂是永远bē灭亡ê,因为灵魂是圣洁ê。肉体是腐败ê,会tī人死亡ê时chūn开始腐烂,终到消灭。所以对哥林多教会ê信徒来讲,in会提出「kám有死人koh活」chit种疑问,mā是真正常ê事。如果连犹太人宗教领袖之一ê撒都该人,lóng无法度接受有死人koh活ê事ê时,外邦人提出质疑mā是thang理解ê。这mā是使徒保罗用chiah-ni̍h长ê篇幅kah哥林多教会信徒讨论死人koh活ê信仰ê原因。

哥林多教会ê信徒koh提出第二个相关ê问题:如果有死人koh活,án-ne,koh活了后ê形体是甚么款式?相信这m̄-nā是哥林多教会信徒关心ê,mā是今á日ê基督徒siōng想了解ê问题。其实,耶稣ê门徒多马就有chit种疑问,伊听tio̍h其他门徒kā伊讲耶稣有koh活,伊ê第一个反应是除非伊亲目chiu金金看见,并且亲手摸到耶稣,若无,伊m̄信(参考约翰福音二十:25)。

Chit-má使徒保罗用例来说明koh活ê意义kah thang理解ê动植物现象来说明。
第35到39节,使徒保罗以农作物ê形体改变来说明koh活性命ê意义。耶稣mā bat用chit种话teh说明性命ê意义,伊讲过一粒麦á落tī地里死去,却生出真chē子粒来(参考约翰福音十二:24—25),说明性命并无一定是死去,却是更新、koh活起来。耶稣用麦á落tī地里死去做譬喻,teh说明性命ê失落kah得tio̍h,差别就在tī愿意牺牲á无。chit-má使徒保罗讲农作物ê「种籽」,如果是the̍h tī手里,它就只是一粒种籽,m̄-koh,若kā chit粒种籽栽种tī地里,结出来ê就是果子,成长起来ê形体已经kah原本光光ê子粒完全无相仝à。伊讲chit种无相仝ê形体,是上帝照家己ê意思所hō͘ ê。这讲法是根据创世记第一章27节所讲,上帝照家己ê形像创造人ê观念延伸出来ê。Mā就是讲,上帝是照他家己ê计画、旨意创造所有ê物件,chiah-ê受造ê万物lóng有无仝ê形体。所以koh活ê时chūn mā是仝款,因为koh活ê神迹乃是上帝siōng伟大ê创造,是上帝特别旨意之下完成拯救性命ê工作。

第40到41节,使徒保罗Tī chit两节提起宇宙间ê美,chit种美就是一种特殊ê形体。伊beh表明上帝ê创造是非常特别ê,无仝款物件是重复出现,而且siōng奇妙ê所在,就是每一个受造物,tī无仝ê时空下lóng以无仝款ê形体出现。甚么款ê环境,出现ê物件kah形体mā会有差别。Tī chia,伊用天顶ê星辰来譬喻变化,各有无仝ê光彩,chiah-ê lóng tī说明每种koh活物体ê变化,是无相仝ê。

第42到49节,tī chit段经文中,有一个主要ê内容,就是说明死亡kah koh活之间ê区别。伊用「第一亚当」kah「第二亚当」来形容,伊用「第一亚当」来表示人类犯罪了后,hō͘ 上帝惩罚而成做会死亡ê性命。Á「第二亚当」则teh代表耶稣,伊是koh活ê性命,是hō͘人kah上帝和好ê要素。Tī罗马书伊án-ne讲,只有顺服上帝ê法则chiah会有存活ê希望(参考罗马书八:6—8、13)。使徒保罗Tī罗马书中充分地说明「本性」带来死亡,m̄-koh上帝ê灵hō͘人存活。「本性」所代表ê就是人ê罪。上帝ê灵乃是救恩,是上帝对人性命感化ê气力。chit-má伊kā哥林多教会信徒讲,一个koh活ê性命,是属灵ê性命,mā是属灵ê身躯。相对ê,死亡ê性命是属tī本性(血肉)ê,chit种死亡所呈现出来ê现象有:朽pháiⁿ(第42节)、khiap-sì衰弱(第43节)。使徒保罗ài用「属灵」来表明一个kah上帝建立和好关系ê性命,chit种性命是有永恒ê性命。因为这是来自天顶ê,m̄是属tī地上ê性命。属tī地上ê lóng会死亡,只有属tī天顶ê chiah是永恒ê,无死亡。

第56到57节,chit两节是chit章siōng重要ê经文;chit两节讲出人会án-ne死亡,就是因为罪ê缘故;而koh活就是tī耶稣里得tio̍h ê。

第58节,使徒保罗最后劝勉哥林多教会信徒,m̄-thang hō͘ hiah-ê 错误 ê信息来摇动本来ê信心,而且tī福音事工上,所有努力见证福音ê,lóng会是koh活ê主耶稣拯救ê记号,绝对bē枉然白费。

经文:

哥林多前书 16:1-16:12

注释:

使徒保罗一直无bē记得耶路撒冷教会内有贫困信徒tú-tio̍h生活困境ê问题。所以伊每到一个所在,教会开拓起来后,就劝勉信徒tio̍h奉献济助耶路撒冷教会ê贫困信徒。伊会án-ne用心tī chit件事顶面,主要是beh hō͘耶路撒冷教会信徒bē用鄙视(siùⁿ)ê眼光看待外邦人ê教会,而ē-tàng感受tio̍h外邦教会ê信徒mā是真有疼心,会关心贫困者ê需要,这就是teh实践耶稣ê教示,mā是teh完成摩西律法ê「爱人如己」ê规律。Koh讲,伊认为犹太人基督徒分享属灵ê恩赐hō͘外邦人,外邦人信徒就应该tī犹太人物质生活上ê欠缺hō͘ in必要ê资助(参考罗马书十五:25—27),换句话讲,这是外邦信徒应该有ê责任。

使徒保罗希望哥林多教会信徒会先准备好beh捐助耶路撒冷教会信徒ê需要,伊可能会亲自去访问in,m̄-koh mā可能会派该教会所熟悉ê人去the̍h,chit种人应该就是第10节所提起ê提摩太。伊希望真正ē-tàng实chit-má去访问哥林多教会。

第1到4节,使徒保罗Tī chit段经文就真清楚讲tio̍h伊ài哥林多教会准备好beh捐助hō͘耶路撒冷教会ê钱。第1节提起伊bat吩咐加拉太教会ê信徒án-ne做(参考加拉太书六:9—10)。M̄-koh tī hō͘加拉太教会ê书信中,并无明确讲出ài怎样救助耶路撒冷教会信徒,m̄-koh却提起大家「tī信仰上同属一间ê人」,因此就应该tī公众ê「善事」上互相协助。这是一件重要ê认bat:大家lóng是一家人,彼此互相关心。虽然属tī无仝ê族群、教会系统,m̄-koh lóng是属tī耶稣基督ê信徒,chit-ê认bat是非常重要ê。chit-má使徒保罗要求哥林多教会信徒,tio̍h用存「小钱」ê方式来累积救助ê捐款。伊采用每一个礼拜日参加聚会ê时chūn,就「按家己ê收入照比例拨出一kóa钱,积存起来」。伊之所以án-ne建议,是无希望等伊到哥林多教会ê时,大家chiah想办法beh khêng救助ê款项。续落来伊讲in ē-tàng选派thang信任ê人将此款项带到耶路撒冷去。这mā thang看出早期教会对tī财物lóng真小心,因为奉献ê金钱一定tio̍h非常审慎处理,稍一不慎可能就会hō͘教会chit-ê信仰团契发生彼此m̄信任ê问题。

第5到7节,原本tī第4节记载使徒保罗讲「如果需要」伊亲自行一chōa哥林多,伊真愿意。可能时间上有困难,á是行程iáu未确定,m̄-koh可能会路过而已。其实,tī第四章19节伊就án-ne讲过:「总是,主若允准,我liâm-piⁿ to̍h会去lín hia。Hit 时,我to̍h 会知hiah-ê骄傲自大ê 人teh 讲甚么话,mā 会知in ē-tàng 做甚么。(全民版)」tī第十一章34节,伊koh讲:「若有人iau,tio̍h tī 厝里先食,chiah免得聚会ê 时soah 变做受上帝审判。其他ê tāi-chì,等我去lín hia ê 时chiah 来解决。(全民版)」咱thang想像会tio̍h使徒保罗是一再期待,希望ē-tàng到哥林多教会去一chōa。根据使徒行传第十九章21到第二十章3节,使徒保罗确实达成了chit-ê心愿,而且tī哥林多教会tòa三个月久ê时间。这就是伊tī第6节所讲ê过了一个寒天,因为每年ê十一月到隔年ê三月,有长到四个月时间,海上风涌强劲,无适合船只航行ê缘故。Koh讲,伊离开哥林多真可能tī时间上mā是提前,因为tī哥林多有人准备ài杀害伊(参考使徒行传二十:3),所以逼hō͘伊一定tio̍h提前离开tńg去马其顿。

第8到9节,chia提供了真重要ê资料,就是使徒保罗一直留tī以弗所。Án-ne,chit封写hō͘哥林多教会ê书信,就是tī以弗所停留期间所写ê。根据使徒行传第二十章31节ê记载,伊tī以弗所停留长到三年之久,ē-sái讲是伊tī外邦人地区宣教停留siōng久长ê所在。Tī第9节讲以弗所ê门「大开」,意思是有真好ê传福音机会。对tī传福音ê工作者来讲,掌握机会是非常重要ê。

第10到12节,使徒保罗tī chia提起可能会派提摩太到哥林多教会去。提摩太是使徒保罗第二pái传福音ê时所得tio̍h一位少年传福音ê同工。伊是路司得ê人,老母友妮基、外祖母罗绮lóng是犹太人(参考提摩太后书一:5),老父是希腊人。提摩太tī路司得kah以哥念lóng受信徒ê o-ló,使徒保罗带伊同行传福音ê时,为tio̍h减少不必要ê困扰,mā为伊行了割礼(参考使徒行传十六:1—3)。使徒保罗非常喜爱提摩太,甚至称伊是「tī信仰上ê真kiáⁿ」(提摩太前书一:2)。使徒保罗先差派提摩太去访问哥林多教会,希望该教会ê信徒ē-tàng好好á款待提摩太。伊之所以差派提摩太,是肯定伊ê工作能力。Tī哥林多前书第四章17节使徒保罗就bat肯定过提摩太,可见使徒保罗对伊真信任。

Chia mā提起亚波罗,伊是出身亚历山大城ê人,真有口才,而且对圣经非常熟悉。欢喜传福音,后来得tio̍h百基拉kah亚居拉ê帮忙,tī传福音ê事工上有真好ê见证(参考使徒行传十八:24—28)。Tī第一章十二节提起哥林多教会结党分派ê中间,有一阵人是非常拥护亚波罗ê。可见伊tī哥林多教会bat lóng受礼遇kah尊崇。使徒保罗知影亚波罗对哥林多教会有影响力,所以希望伊ē-tàng协助该教会,á是处理一kóa教会ê纷争。可惜ê是,亚波罗tī时间上有困难。


经文:

哥林多前书 16:13-16:24

注释:

Chit段经文是使徒保罗对哥林多教会信徒最后ê劝勉。使徒保罗ê书信lóng有一个特色,就是会附上一kóa向同工请安ê话。

第13到14节,这是使徒保罗对哥林多教会最后ê劝勉。伊用「khiā稳、勇敢、刚强」chiah-ê词句,lóng是平常罗马军队指挥官对属下兵丁ê训词。信仰ná亲像teh相刣仝款,这是使徒保罗ê时常使用ê比喻方式(参考以弗所书六:10—13)。第14节伊ài哥林多教会ê信徒「凭疼心去做」每一件事,这是非常重要ê提醒。因为chit-ê世界上,真正ē-tàng得tio̍h胜利ê,m̄是武器,mā m̄是勇气,却是爱。

第15到19节,chia提供一则宝贵ê资料,就是司提法ná kah伊ê全家,是亚该亚siōng早成做基督徒ê一个家庭,而且tī福音ê事工上真热心。Tī第一章16节记载chit-ê个家庭乃是使徒保罗亲自hō͘ in行洗礼ê。第17到18节提起司提法ná kah福徒the̍h lóng、亚该古等人,in可能就是第七章1节所提起ê,将哥林多教会写hō͘使徒保罗ê信带去ê人。第19节提起亚居拉kah百基拉chit对夫妇,in是罗马皇帝克劳第驱逐khiā起tī罗马城ê犹太人ê时,离开罗马来到哥林多,而tī哥林多城tú-tio̍h使徒保罗。Kah使徒保罗仝款,in mā是用「靠制造帐棚维持生活」,是使徒保罗ê好同工(参考使徒行传十八:1—4)。后来kah使徒保罗到以弗所去(参考使徒行传十八:18—19),当使徒保罗写chit封信ê时,chit对夫妻mā托使徒保罗带笔向哥林多教会ê信徒请安。Chia讲以弗所教会ê聚会地点是tī chit对夫妻ê厝里。可见当时ê教会规模并无大,m̄-koh对福音ê事工却真热心。

第20到24节,chia提起「以圣洁ê chim嘴彼此请安」,这是早期教会ê一个习惯,大家来到聚会ê所在,相见面ê时就彼此chim嘴,这是非常诚恳ê态度。使徒保罗讲伊是亲手写上请安ê话。不过mā有可能是伊请别人代笔,m̄-koh,由伊口述,当然所写ê内容是伊ê意思。第22节并m̄是使徒保罗书信会出现ê话句,m̄-koh却tī chia出现,真可能是伊teh写此书信ê时,心情有kóa激动。

重新查询