使徒行传 6:8-6:15

注释:

【第8到15节】
Tùi第8节开始到第八章3节止，lóng是记载有关司提反受难ê事件，而司提反mā是第一位殉教ê信徒。

第8节，chit节开始就讲司提反「充满tio̍h上帝ê恩赐kah能力」，hō͘伊ē-tàng行神迹奇事。然后tī第10节koh提起司提反因为圣神「赏赐智慧」hō͘伊，帮助伊知影怎样kah犹太人ê宗教领袖辩论，hō͘ in无法度「辩驳伊所讲」。这tú好应验ā路加福音第十二章11到12节耶稣所讲ê话。

第9节，有「tùi基利家」来ê犹太人kah司提反辩论，使徒保罗mā是基利家人。M̄-koh chia并无清楚是m̄是就是teh指使徒保罗。

第11到12节，koh一pái看tio̍h宗教众领袖是知法犯法，虽然摩西律法规定「bē-tàng作假证陷害人」（参考出埃及记二十：16），in却为tio̍h beh陷害司提反，而作假见证。In teh陷害耶稣ê事件上mā是án-ne（参考马太福音廿六：59，马可福音十四：55—59）。现在in用钱买收了一kóa人诬告司提反，讲伊「毁谤摩西kah亵渎上帝」。

第13到14节，犹太人有两种事是绝对beh维护ê：其一是摩西律法ê尊严。其二是圣殿ê神圣。如果任何人违反这两件事，lóng thang用石头phah死。现在chiah-ê作假证ê人就是用chit两个理由控告司提反。

第15节，司提反并无惊惶被亵渎、诬告。Tùi伊「面貌kah-ná是天使」看会出来，这表示有上帝ê平安tī伊心中。

使徒行传 18:1-18:17

注释:

第十八章
【第1到17节】
使徒保罗等一阵人来到哥林多，这是一个大城市，mā是一个港口市镇，贸易兴盛，m̄-koh色情行业mā真热烈，连宗教活动lóng参杂tio̍h色情ê内容。

第2节，chit节提起罗马「皇帝克劳第命令所有ê犹太人离开罗马」。Chit项事是发生tī主后49年ê时chūn，原因真可能是因为tī罗马发生犹太人暴乱ê事件。M̄-koh，另有一种讲法是：耶稣koh活ê福音传入罗马ê时，引起hit-ê城ê犹太人极大ê不满，ê时常kah基督徒发生冲突，因为án-ne罗马皇帝受气下驱逐令。Chit节mā提起以制皮革业维生ê亚居拉kah百基拉chit对夫妇，mā来加入传福音ê行列，in是tùi tó位得tio̍h福音？并无资料，真可能原本就tī罗马教会聚会，in来哥林多城，就成做使徒保罗tī福音事工上真好ê伙伴，特别是tī第18到19节讲in夫妇两人tī福音事工上真积极。Teh写hō͘罗马教会ê书信中，使徒保罗讲「in为tio̍h我冒性命ê危险」，mā提起in ê厝提供了聚会ê场所（参考罗马书十六：3—5）。

第5到6节，西拉kah提摩太mā赶来加入传福音，使徒保罗就停止靠织帐棚维生，全心投入见证福音事工。M̄-koh伊传福音ê时，反对ê浪潮iáu-koh。伊用跺掉身上ê尘埃表示in m̄信所致使ê灭亡kah伊无关。第8节，chit节真有意思，因为连犹太人管chhap堂ê基利司布kah伊全家ê人lóng受洗归信耶稣，这表示犹太人ê宗教领袖mā有人接受耶稣koh活ê信息。

第9到17节，chia讲tio̍h上帝ê圣神启示使徒保罗，ài伊「m̄免惊，做你讲」，上帝beh kah伊同在。伊kah其他同工留tī哥林多长到一年半，教导信徒对信仰ê正确认知。Ná亲像以往仝款，每到一个所在传福音，使徒保罗等人lóng会去犹太人会堂见证福音，m̄-koh lóng tú-tio̍h犹太人极力ê破坏，甚至告到罗马统治者ê所在。因为罗马统治者一直认为he是属tī「犹太教」内部ê事，无beh受理。因为除了犹太人ê犹太教被罗马政府许可存在外，不准有其他宗教存在。Tī罗马政府ê了解中，基督教是属tī犹太教ê一支。Á控告使徒保罗无成功，却hō͘会堂主管所提尼受tio̍h伤害。

使徒行传 21:1-21:16

注释:

第二十一章
【第1到16节】
Chit一章thang分做三个段落来看，一是第1到16节；二是第17到26节；三是第27到40节。

第1到6节，chit段经文记载使徒保罗等一阵人继续ǹg耶路撒冷前去，路经泰尔ê时，tī chia chhōe-tio̍h信徒，并且接受chia信徒ê接待tòa七工。这mā说明tī chit外邦人地区，mā有信徒。耶稣就bat tī chia行过神迹，治好一位妇人ê cha-bó͘-kiáⁿ（参考马可福音七：24—30）。

值得注意ê是tī chia ê信徒「得tio̍h圣神ê指示，劝保罗mài上耶路撒冷去」，而tī第二十章22到23节ê记载，使徒保罗已经知影chit chōa去耶路撒冷会有灾难临身。Mā因为án-ne，伊明明知影可能有灾难会发生，并无因为泰尔ê众信徒一再挽留、苦劝阻止伊，就改变心意，伊iáu是tio̍h勇敢地行向耶路撒冷。

Koh讲，chia看tio̍h真有意思ê情景：使徒保罗无来过泰尔传福音，chia却有信徒，而且对伊非常ê善待。早年使徒保罗teh迫害信徒ê时chūn，有kóa人逃离耶路撒冷到各地去避难，mā同时传福音，真可能就是chiah-ê人kā福音传到泰尔ê。M̄-koh，，现在in并无因为使徒保罗过去对in ê迫害就记恨tī心，反tńg因为使徒保罗tī外面邦地区传福音ê见证，对伊珍惜有加。In全家大细全出来，送使徒保罗到海岸边，大家跪tī沙滩顶面祈祷，了后送使徒保罗上船。

第7到11节，使徒保罗一阵人来到该撒利亚，chia距离耶路撒冷已经真近了。早期教会第一pái推选出来七位门徒之一ê腓利tòa tī chia，in去tòa tī in tau。Chia mā提起腓利m̄-nā是福音工作者，伊有四个cha-bó͘-kiáⁿ mā lóng投入传福音ê工作。

Tī第10节chia提起有先知名叫亚迦布tùi犹太来，伊bat预言过天下会有严重饥荒（参考十一：28）。现在伊koh预言使徒保罗会tī耶路撒冷被犹太人「捆绑，然后被交hō͘外邦人」，即使是án-ne，都无阻止使徒保罗继续前往耶路撒冷ê坚定意志。伊真清楚表示，为耶稣ê缘故就是hō͘捆绑，甚至是死mā lóng心甘情愿。Tī该撒利亚有kóa信徒陪使徒保罗等一阵人，同行去耶路撒冷。

使徒行传 21:17-21:26

注释:

【第17到26节】
Chit段经文记载使徒保罗一阵人顺利地来到耶路撒冷，tī教会受tio̍h烧热烈ê欢迎。真重要ê tī第18节，chia讲使徒保罗一阵人隔工就先去见雅各（耶稣ê小弟），可见雅各Tī该教会已经是领袖。Á使徒保罗就向雅各kah其他长老报告tī外面邦地区传福音ê成果。

Tùi第19节开始到第25节，是雅各对使徒保罗所讲ê话。Chit段经文中thang看出当时ê耶路撒冷教会信徒已经有「数以万计」了，可见是间非常有影响力ê教会。Koh讲，chiah-ê信徒中间，有kóa人对使徒保罗tī外面邦地区传福音ê时，无要求犹太人信徒遵守割礼kah犹太人ê规矩，真无法度谅解。因为án-ne，in建议使徒保罗去圣殿行「洁净礼」，原因是伊lóng tī外邦地区tòa、lim，需要用chit种方式来表示伊遵守古礼，而且iáu-beh用「剃掉头毛」，以表示除去无清气，用chit种方式来证明家己是洁净ê。同时耶路撒冷教会mā安排四个已经下愿ê信徒陪同使徒保罗去献洁净礼，chiah-ê建议使徒保罗lóng接受了。不过，chit四个人行洁净礼ê费用tio̍h使徒保罗负担，chit点kah-ná有点á讲不过去，因为这费用真高，包括一只小母羊、一只小公羊、一只公绵羊，iáu有素祭kah奠祭（参考民数记六：14—20）。

使徒行传 23:1-23:11

注释:

第二十三章
【第二十二章30节到第二十三章11节】
因为使徒保罗表明家己有罗马公民身分，致使chit位罗马指挥官心里开始焦虑起来。伊需要查明到底是发生甚么重大e5事。因为an2-ne，伊召「祭司长kah全议会做伙」开会，hou7使徒保罗khia7 ti7 in面前，an2-ne thang听双方说明。
第廿三章1到3节，chit段是使徒保罗先行发言表明家己e5行事为人，long2是「清白」。M7-koh伊chiah讲完，就被「大祭司亚拿尼亚吩咐侍tui3」phah伊e5嘴巴。Chit位大祭司亚拿尼亚是ti7主后47年被设立e5，任职12年，ti7主后66年被犹太人游击队暗刣死亡。理由是伊亲罗马政府，贪婪成性，为tioh8钱出卖犹太人，只因为为tioh8 beh取悦罗马统治当局。使徒保罗对遭遇chit种回应真无欢喜，伊指责亚拿尼亚是「粉饰e5墙」，意思是teh指伊虚伪，外表好看而已。伊并且诅咒亚拿尼亚会hou7上帝「phah」，因为当大祭司，却无「根据律法审判」。
第4到5节，议员中有人替大祭司讲话，认为使徒保罗无礼貌，使徒保罗ma7承认家己咒骂大祭司m7-tioh8，随时表示因为m7-bat大祭司。
第6到10节，使徒保罗发现在chiah-e5议员中间，有e5是撒都该派e5人，ma7有法利赛派e5代表。因为an2-ne，伊先表明家己是「法利赛人」，而且老父ma7是法利赛人。然后伊讲hou7人掠来见官，是因为伊teh传「ng3望死人koh活」e5信息。Chit种讲法至少表明三点意义：（1）使徒保罗相信耶稣koh活e5事实，而这ma7是伊亲身e5经历。（2）使徒保罗ma7期待伊e7-tang3因耶稣e5 koh活而koh活。（3）伊一生e5传道工作就是teh见证耶稣koh活e5信息。因为撒都该人ma7是犹太人siong7 koan5议会三股主要力量之一（另外两股代表是经学教师kah民间e5长老）对死人koh活e5事向来持m7信e5态度，in ma7 m7相信「有天使kah神灵」。因为an2-ne，当in听tioh8使徒保罗讲相信死人koh活e5事，就kah相信有死人koh活e5经学教师当场吵了起来。结果原本beh审问使徒保罗e5事m7-na7无法度进行，反却是「争吵ju2来ju2剧烈」。相信有koh活e5法利赛派之经学教师，就表示「查不出」使徒保罗有任何错，同时表示使徒保罗讲e5话可能有「神灵a2是天使」启示，其实chiah-e5经学教师an2-ne讲，是利用使徒保罗teh对抗撒都该派e5人，并m7是in chiaN5实查证过使徒保罗无「任何错处」。因为罗马指挥官ma7听m7-bat chiah-e5，看in两派e5人吵得chiah-nih8厉害，只好命令兵士ka7使徒保罗带tng2来营房保护。
第11节，koh活e5主koh一pai2显现在使徒保罗身边，鼓舞使徒保罗「ai3有勇气」，并且启示使徒保罗「一定tioh8 ti7罗马」为主作见证。因为chit-e5启示，使徒保罗决定上诉到罗马法庭。