诗篇 9章1节 到 9章20节   背景资料  上一笔  下一笔
有kóa学者认为chit-ê首诗歌kah第十篇原本是仝一个首诗歌,是一首歌颂上帝公义ê诗歌。后来会分做两篇,有可能是因为诗歌内容ê极大差别ê关系pah。因为第九篇是歌颂上帝ê诗歌,第十篇则tī tú-tio̍h迫害ê时,发出ê哀叹声,内容确实kah第九篇差别非常大。

第1到4节,chit首诗歌是tùi o-ló上帝、歌颂上帝「奇妙ê作为」开始。这「上帝ê奇妙作为」,chit种句话tī诗篇中一再出现(参考廿六:7、七十一:17、七十五:1、七十八:4、八十九:5、一○五:5、一○六:7、一四五:5)。每pái讲tio̍h上帝ê奇妙作为ê时,通常是teh代表三种意义:一是teh指是上帝创造ê伟大;二是讲述上帝带领以色列人民行出埃及;三是歌颂上帝公义ê审判。

第5到6节,chit两节thang看tio̍h诗人期待上帝kā致使伊侮辱ê仇敌hō͘ in消灭,因为仇敌主要目的,就是beh引诱in弃sak上帝。

第7到8节,chit两节是teh回应第5到6节,因为上帝已经kā chiah-ê邪恶ê气力消灭,因为án-ne,诗人发出歌颂ê声音,讲述无论是甚么人,lóng ài面对上帝公义ê审判。

第9到12节,chit段诗歌进一步teh讲述上帝ê公义所显现出来ê能力。公义ê上帝tī审判上有几个特别ê所在:一是成做受tio̍h压迫者ê避难所。二是上帝并无弃sak走chhōe他ê人。只要有人走chhōe上帝帮助,上帝一定会伸手救助。三是上帝特别关心苦难中ê人,因为án-ne,一定会严厉惩罚hiah-ê迫害困苦人ê人。

第13到14节,第13节ê「怜悯」,指「怜悯」ê意思。意思是teh指当hō͘ 上帝拯救出来了后,身上是伤痕累累。Chit时chūn,诗人请求上帝医身上ê伤痕。第14节ê「耶路撒冷」,这是teh指敬拜上帝ê所在。Chit位诗人讲伊beh tī敬拜上帝ê所在,公开宣扬上帝奇妙ê作为。

第15到16节,chit两节是对应句型。因为上帝ê公义,hō͘邪恶人掉进了家己设计ê网罗中。

第17节,chia所讲ê「作恶、拒绝上帝ê人」,chiah-ê人并m̄是m̄-bat上帝,其实是认bat,m̄-koh却拒绝承认有上帝。是故作m̄-bat,án-ne做起邪恶ê事,就放肆起来。换句话讲,chit种人是骄傲ê人。

第18节,贫困、软弱ê人,一直lóng是上帝特别关心ê对象,这mā是圣经一再hō͘咱ê认bat。因为án-ne,欺负chit种人,等于是teh轻视上帝ê能力kah公义仝款。

第19到20节,chit两节由全体会众齐声同唱,kah-ná长老教会ê诗歌中之「副歌」仝款。「知影家己不过是必死ê人」,这是非常好ê一句祈祷文,当人知影家己必定会死ê时,就会知影家己ê有限kah软弱。

重新查询 专卷研经 诗篇系列
错误回报,请联系comm[@]fhl.net