这是一首歌颂上帝创造之美ê诗歌，以创世记第一章作题材写做。

第1节kah第9节是相呼应，mā是chit首诗ê特色。一个人ē-tàng看见上帝创造ê伟大ê时，就表示chit-ê人ê谦卑，因为骄傲ê人体会bē出、mā看bē出上帝创造ê伟大。这真亲像约伯tī最后kah上帝有过一段对话了后，伊明白上帝ê伟大而讲出án-ne赞叹ê话：「我早前耳孔听tio̍h 祢，taⁿ 我ê 目睭看tio̍h 祢；所以，我讨厌家己，tī 尘埃kah 火灰ê 中间悔改。(全民版)」（约伯记四十二：5—6）

第2节，讲「婴á kah幼童同齐歌唱」，这表示心中无邪念ê人，chit种人mā是不会晓夸耀家己ê人。耶稣bat对他ê门徒讲，上帝国度是「像细汉gín-á」 ê人chiah ē-tàng进入（马可福音十：15）。

第3到9节，ná亲像头前所提起ê，诗人借用创世记第一章创造ê故事来说明，人实在有够卑微到极点。M̄-koh上帝却hō͘人有他伟大ê形像，为上帝所创造ê世界作管理ê工作。这是人应该感谢ê大事。换句话讲，m̄是人有甚么伟大，却是因为上帝赋予人有特别ê权柄，chit种认bat非常重要。有án-ne认bat ê人，chiah会tùi心内发出感恩ê歌声。