诗篇 79章1节 到 79章13节   背景资料  上一笔  下一笔
这是一首哀歌,而且是团体使用ê哀歌。主要teh为耶路撒冷圣殿被敌人亵渎而唱ê哀歌。

第1到4节,「外族人侵入」,chit句话已经清楚说明主前第六世纪586年,巴比伦帝国ê军队攻陷耶路撒冷,并且摧毁了圣殿ê历史事件为背景。Tùi第2到3节thang看出,城内死伤惨重,惨不忍睹ê景象thang tùi耶利米哀歌第二章20节、第四章10节看tio̍h。Tùi siōng兴旺到衰微到灭亡,人民hông掠去做奴隶,hō͘人嘲(sau)笑、讽刺等,lóng是真正常ê事,因为无人会同情,而仇敌kan-taⁿ会幸灾乐祸。

第5到7节,诗人呼喊上帝,祈求上帝息怒,m̄-thang继续对他所拣选ê子民发受气。

第8节thang看出chit首诗ê特色,作者认为tú-tio̍h chit种灾难,是上帝所允准ê,因为是「kah祖先ê犯罪有关」。Chia所讲ê kah祖先犯罪有关,指ê是拜偶像,弃sak上帝。出埃及记第二十章5节kah耶利米哀歌第五章7节ê经文中,lóng提起拜偶像所带来ê惩罚,是延祸到kiáⁿ孙,甚至是到三、四代。

第9到10节,诗人koh一pái祈求上帝ê拯救kah怜悯,án-ne敌人才bē一直问以色列人民ê上帝到底tī tó位,意思是in ê上帝根本就不ài in了chiah会发生chit种质疑地(参考诗篇四十二:3、10、一一五:2)。

第11到12节,诗人ê背景是hō͘掠到巴比伦去做奴隶,并呼求上帝惩罚hiah-ê侮辱上帝神圣ê名ê敌人。Chia诗人祈求上帝用「七倍」来回应hiah-ê侮辱上帝ê名ê人,意思是teh指m̄-thang怜悯chit种人。

第13节,诗人已经开始感受á是看见上帝ê拯救正teh显明。因为án-ne,伊发出感谢ê诗歌,知影上帝teh beh伸出救助ê手来帮助in。

重新查询 专卷研经 诗篇系列
错误回报,请联系comm[@]fhl.net