Chit篇诗篇通常kah第四十六篇、第四十八篇、第八十四篇、第八十七篇、第一二二篇等hông称做「锡安ê诗歌」，原因lóng是teh歌颂上帝ê居所—耶路撒冷，á是讲锡安。主要teh歌颂上帝用他奇妙ê作为，击败hiah-ê想beh侵占耶路撒冷ê敌人。Chit首诗篇ê背景可能就是主前701年，亚述皇帝西拿基立率兵包围耶路撒冷，犹大王希西家听从先知以赛亚ê话，率领耶路撒冷人民óa靠上帝ê保守、看顾，上帝差遣他ê天使进入亚述军营中，杀害chē kah十八万五千名亚述大军，天一下光，亚述皇帝看见chit场景，赶紧率领残余部队奔走tńg来尼尼微城（参考列王记下十八—十九：37，以赛亚书第三十七章）。

第1到3节，chia用「犹大」kah「以色列」，意思是全体以色列人民。Á「耶路撒冷」kah「锡安」mā是同意思。所谓chia有上帝ê居所、khiā家，指ê就是圣殿。「折断」、「毁坏」敌人ê「各种武器」，这真清楚teh说明任何精锐部队ê武器，出现tī上帝面前lóng是无用ê，上帝眼中无chit种武器，ná亲像埃及精锐部队mā不敌上帝对红海下一句命令仝款，就全军覆无。

第4到6节，上帝只要出责备ê声音，万物lóng会转变，何况是人类ê军队，koh khah无法度承受上帝忿怒声音ê tńg来击。上帝ê命令表明上帝ê荣耀（光荣）。

第7到9节，上帝ê审判表达两种意义，一是惩罚，另外一个是拯救。他beh拯救被欺压ê子民，伸手打击强势者ê傲慢。当上帝开庭审判，无任何人ē-tàng tī上帝「面前khiā得tòa」。

第10到12节，「劫后余生」，指hō͘ 上帝拯救而存活落来ê子民，感受tio̍h上帝拯救ê恩典，会koh khah清楚ê回应上帝拯救ê疼。Á所有看见上帝审判威严ê君王，lóng会知影án怎敬畏上帝。

第12节ê「挫折」，mā表示「切割」「截断」ê意思。