诗篇 74章1节 到 74章23节   背景资料  上一笔  下一笔
Chit篇诗篇真清楚,是一首团体teh唱ê哀歌,主要是记载耶路撒冷圣殿被毁而唱ê哀歌。Tùi第3节:「咱ê仇敌已kā圣殿完全摧毁了;求你来,来巡视chit片瓦砾荒场。」是「圣殿完全摧毁了」ê记录。有几pái事件是kah圣殿ê毁坏有关系;一是主前586年,巴比伦王尼布甲尼撒带兵攻入耶路撒冷城,用火烧毁圣殿(参考列王记下廿五:8—9)。二是主前351年,波斯王亚塔瑟斯(Artaxerxes Ochus)为tio̍h要镇压犹太人ê暴动而进入圣殿,摧毁祭坛。三是主前167年,叙利亚王安提阿哥四世(Antiochus Epiphanes)kā猪献tī圣殿祭坛顶。Bē少学者认为chit篇诗是写tī第三pái事件了后。M̄-koh mā有学者认为应该是写tī第一事件了后,mā就是主前586年巴比伦侵入耶路撒冷,烧毁圣殿为背景。

无论背景是甚么时chūn,lóng thang明白这是一首哀歌,因为国家tú-tio̍h灾难,而且是非常大ê灾难,特别是圣殿被摧毁了,人民本来所óa靠ê信仰力量差不多是跟tòe圣殿ê烧毁而被摧毁。就tī chit种心境下,作者以第12到17节chit首诗鼓励人民,tio̍h对上帝有信心。他必定会伸出大能ê手,ná亲像以前他带以色列子民出埃及一般。

第1到3节,起头就询问上帝,为甚么「弃sak」了以色列人民,诗人恳求上帝m̄-thang koh再受气à,tio̍h记念in是他所拣选ê子民。第3节所提起ê「仇敌」真清楚是teh指巴比伦帝国,若无,就是希腊帝国时代ê安提阿哥四世。

第4到11节,chit段诗歌讲述chiah-ê摧毁圣殿ê人,in怎样捣毁圣殿中所有ê一切,in用几近狂欢ê方式,the̍h起斧头就tī圣殿里乱phut。除了放火烧外,iáu用「亵渎」上帝ê方式,想beh彻底摧毁in ê信心。

诗人tī chia询问上帝,看见chiah-ni̍h严重ê亵渎行为,上帝为甚么iáu m̄出手严厉惩罚chiah-ê仇敌?In会án-ne问ê原因,是因为chhōe bē-tio̍h先知了,因为án-ne in mā无法度明白上帝ê旨意,指示in chit种情况koh-khah-chē久?Kám讲上帝真正不管了mah?

第12到17节,诗人Tī chit段诗歌中koh一pái提起上帝创造ê伟大,以及带领过in ê祖先离开埃及、行过红海ê神迹奇事,用此方式来鼓励伊ê同胞tio̍h对上帝有坚定ê信仰。因为án-ne,无论敌人jōa-ni̍h-á强壮有力,lóng m̄-thang koh再惊惶,因为上帝过去所行过ê神迹奇事,就够额kā chiah-ê气力ná亲像怪兽般ê大帝国hō͘ in摧毁。

第13节b句到第14节ê「海怪」kah「海兽」,lóng是迦南人kah巴比伦人所深信海中ê毒龙、怪兽(参考以赛亚书廿七:1),mā用这海中怪兽来形容当时chiap-chiap侵犯以色列人民ê亚述、埃及、巴比伦等帝国。

第18到23节,koh一pái祈求上帝ài会记得chiah-ê仇敌怎样teh欺负软弱无助ê贫民,祈求上帝ê公义ē-tàng因为án-ne彰显。In tī得意中,以狂傲ê态度teh轻视上帝ê神圣。

重新查询 专卷研经 诗篇系列
错误回报,请联系comm[@]fhl.net