诗篇 73章1节 到 73章28节   背景资料  上一笔  下一笔
Tùi第七十三篇开始是诗篇ê第三集。有圣经学者讲chit-ê集总共有十七篇诗歌,其中有十一篇是属tī大卫宫廷内ê大音乐家亚萨(参考历代志上十五:16— 19)所写ê。其余是大卫á是其他乐师所写ê。亚萨真可能是乐团ê负责人,诗歌并无一定是伊写ê,m̄-koh可能由伊负责chhōe人完成chiah-ê作品mā无一定。

如果回想所读过ê诗篇第一篇,就会真清楚发见该首诗讲tio̍h「义人」kah「pháiⁿ人」之间ê差别结果。Chit首诗mā是提起「好、pháiⁿ」之间ê差别。编者kā chit首诗khǹg tī第三卷之首,mā是有意用来比并第一卷ê起头。不过,诗篇第一篇真清楚讲tio̍h,好人会兴旺,pháiⁿ人会lian去。Á chit首诗篇却m̄是án-ne,颠倒,chit首诗歌tùi开始到第17节,lóng明显ê提起pháiⁿ人(á是讲做恶ê人)是一再兴旺,m̄-koh,好人却m̄是án-ne,真类似约伯记ê内容。

第1到3节,是chit首诗篇ê序言,特别是tī第1节,诗人就kā结语用来当chit首诗篇ê起头,伊beh表示:上帝确实是恩待以色列人民,特别是对hiah-ê「心地清洁ê人」,上帝绝对会看顾。虽然是看见真chē邪恶ê人兴旺,m̄-koh伊深知上帝iáu是公义ê。诗人mā承认每pái看见pháiⁿ人兴旺,家己就会心怀不平。

第4到14节,chit段诗歌真详细地描述邪恶者所行所为ê事迹,包括kā「骄傲」当做展宝品仝款,kui身躯充满「暴力」,心中「充满诡诈」,siōng典型ê是「自高自大,图谋欺压别人」,in siōng 拿手ê方式,就是「操纵人间ê同类」,这变成一股大力量,致使「上帝ê子民mā转向in,一心相信in所讲ê一切」,chit点chiah是致使kui个社会崩溃、乱序ê原因。In siōng欢喜讲ê一句话,就是「上帝bē知影;至koân-.ê bē发觉」,in会án-ne讲,其实就是in ê心中根本就m̄相信有上帝。In心中就是「贪而无厌」等等。当诗人控诉chiah-ê恶形恶状ê pháiⁿ人ê后,续落来用第13到14节表示相对tī chit种邪恶者,家己却反tńg显得无奈kah软弱,甚至有一种误解,认为谨慎自守,并无甚么意义。

第15到20节,诗人表示tńg来到敬拜上帝ê所在—圣殿,终其尾明白过来,原来上帝是会惩罚ê,m̄是有看kah-ná无看tio̍h,mā bē袖手旁观。M̄是án-ne。当chiah-ê作恶ê人teh讲上帝看bē-tio̍h、bē知影ê时,其实,上帝真清楚in所做所为,正teh进行严厉惩罚ê审判。上帝beh hō͘ chiah-ê作恶者所有ê一切lóng消灭,陷入恐怖ê结局,in过去所有ê一切,lóng会亲像梦仝款,一觉醒来,就都无。

第21到26节,Tī chit段诗歌中,诗人表示家己ná亲像约伯teh告白仝款,对上帝ê认bat错误,若无,就是无清楚。chit-má已经知影以前ê「心怀不平」是真愚昧ê。M̄-koh仁慈ê上帝并无因为án-ne就拒绝、m̄-chhap伊,上帝iáu是仁慈地伸出他ê手,扶持伊、劝勉伊、接待伊,hō͘伊享受上帝ê荣耀。伊深深体会tio̍h,上帝chiah是伊性命ê óa靠。

第27到28节,因为明白上帝ê救恩,诗人表示一定会宣扬上帝chit项慈爱,beh带领大家来óa靠上帝。

重新查询 专卷研经 诗篇系列
错误回报,请联系comm[@]fhl.net