诗篇 63章1节 到 63章11节   背景资料  上一笔  下一笔
Chit首诗歌bat被誉为是诗篇中ê一粒「珍珠」,表示是一首非常súi ê诗篇。真亲像诗篇第四十二篇,渴慕上帝ê救恩。原因是诗人正面临「仇敌」ê攻击á是围teh,面对性命ê死亡威胁。诗篇提起仇敌、敌人等chit种用词,并无单是teh指对敌国家,却是只要是对性命造成威胁ê气力lóng算,亲像破病、失败、痛苦等等。圣经作者有时mā会kā chiah-ê仇敌用「魔鬼、撒旦」ê名称来表示。

第1到5节,诗人一开始就宣告家己ê信仰。伊宣认chit位宇宙万物ê创造者,就是性命ê主宰。因为án-ne,伊像干旱ê田地teh渴望甘霖ê滋润仝款,渴慕tio̍h上帝来帮助伊。

圣经ê作者mā ài用「荣耀」来形容上帝ê面。看见上帝ê荣耀,ná亲像看见上帝ê面仝款光彩。

Á「大能」用来形容上帝ê创造,以及所行ê神迹奇事。

特别注意第3节所提起上帝「永恒ê疼」之爱字,原本表示「盟约」,mā就是kah上帝立约。上帝kah他拣选ê子民立约,chit种约mā teh表明上帝ê疼。是永远ê约,就是等于永远ê疼。诗人tī chia表达:有上帝ê疼,性命chiah会有价值、珍贵。

诗人讲「一生一世」lóng tio̍h用歌颂上帝ê方式来回应上帝拯救ê疼。因为有上帝ê拯救,性命ná亲像丰盛ê宴席一般,永远bē有饥渴。这mā是耶稣所讲ê,伊来是beh hō͘人得tio̍h丰富ê性命(参考约翰福音十:10)。

第6到8节,chia koh一pái讲出上帝ná亲像母鹰,用它坚硬有力ê翼股teh庇护雏鸟,hō͘伊安然无恙。因为chit种庇护是时刻不离。

第8节ê「扶持」,表示用双手ê气力,ân-ân地抱tòa,án-ne,lóng m̄免惊会ka-la̍uh,á是分离。这ná亲像一对烧热恋中ê情侣一般,ná亲像雅歌ê诗人所讲ê:「伊ê 倒手扶我ê 头壳,伊ê 正手抱我。(全民版)」(雅歌二:6)表明上帝kah诗人之间不分离ê关系。

第9到11节,chit三节诗歌kah头前ê诗歌连连bē起来。第9到10节,诗人讲甚么人想beh杀害伊,就会遇tio̍h伊ê情人就是上帝,lóng无留情ê反击。Tī chit首诗篇ê结尾,诗人表示:任何向上帝下愿ê人,tī得tio̍h上帝ê回应后,lóng应该tio̍h o-ló上帝,thang hō͘ hiah-ê专门teh欺骗、hō͘人m̄-thang相信上帝ê人,ná讲白贼ê口被堵住,koh-khah án怎都讲bē出话来。

重新查询 专卷研经 诗篇系列
错误回报,请联系comm[@]fhl.net