诗篇 6章1节 到 6章10节   背景资料  上一笔  下一笔
Tī诗篇里总共有七篇是属tī所谓「悔改ê诗歌」,这是其中ê一篇,另外六篇是:第32篇、第38篇、第51篇、第102篇、第130篇、第143篇等。Chit首诗kah第38篇ê诗歌真类似,是一首描述诗人tī病痛中发出ê声音,并且有一种看法,认为病痛乃是上帝对人ê处罚。Chit种看法普遍存在人ê思想中。

第1节,chit节kah诗篇第三十八篇1节完全仝款。诗人开始就大声叫讲:「上主ah!」原因是诗人感受tio̍h身陷痛苦,是上帝对伊发出大受气。

第2到4节,tùi chit两节thang看tio̍h诗人病重,chit种痛苦呈现出来ê状况,是性命已经接近尾声,是病到快接近死亡ê时刻,chit时chūn诗人ê精神已经快支撑不住。伊知影,chit时chūn只chhun上帝chiah ē-tàng kā伊tùi死亡ê边缘中救tńg来。

第4节ê「因为你爱我」,chia ê「爱」,表示守约、信实。表示上帝是信实ê,守约ê。诗人相信chit位信实ê上帝绝对bē放弃伊,一定会救助伊脱离险境。 

第5到7节,chia所讲ê「坟墓」、「阴间」,kah死亡是仝一个字。Tī诗人作诗ê时代,iáu未有koh活ê观念出现,因为án-ne认为一个人siōng大ê不幸就是死亡,尤其认为因为破病来死,乃是上帝对人siōng大ê惩罚。因为án-ne,伊祈求上帝赐hō͘伊足以脱离死亡ê威胁kah阴影。

第7节ê「目睭红肿,视力衰退」,是kah第6节所讲ê每夜啼哭直到枕头湿透有关。

第8到10节,是祈祷得tio̍h上帝欢喜接纳ê回应。这mā teh表示诗人ê病况已经好转,m̄-koh同时,Tī chit段诗歌中ê第9节所讲ê「欢喜接纳」,表示无koh计较过去ê过错。Án-ne看起来,诗人是teh承认家己犯过错,taⁿ蒙得上帝赦免,chiah hō͘伊ê病情好转过来。

重新查询 专卷研经 诗篇系列
错误回报,请联系comm[@]fhl.net