这是一首祈求上帝拯救ê诗歌。

第1到3节，tī第1节ê诗人祈求上帝「凭伊ê权能」，这mā是teh指上帝ê名ê意思。以色列人民一直有一个观念，只要上帝ê名一出现，听tio̍h ê人就会惊惶。Á上帝ê「大力」，chit-ê词通常用来形容上帝拯救以色列人出埃及ê神迹，mā用来形容他创造宇宙万物ê能力。Chit位诗人向上帝祈求，伊ê身边hō͘骄傲、强暴ê人围teh，chiah-ê人lóng是心中无上帝ê人。只要上帝一出手救助，chiah-ê人就会知影上帝绝对bē hō͘ chiah-ê人ê邪恶势力嚣张落去。

第4到5节，诗人tī chit两节讲出伊对上帝的确信。「保护」chit-ê词表示「遮盖」、「抵挡」。只要tī上帝内面，就一切lóng真安稳。按照「敌人ê恶行」，mā是teh指in所行邪恶ê事，为in带来灾祸。

第6到7节，chit两节表明上帝确实是垂听诗人祈求ê声音，hō͘伊tùi险恶ê环境中得tio̍h解救。因为án-ne，伊tio̍h献上感恩。