Chit-ê首诗篇除了第5节有无仝之外，其它ê lóng kah第十四篇仝款。Koh讲，就是对上帝ê称呼mā无仝款；tī现代中文译本第五十三篇用「上帝」，原文是用「以罗伊」，tī第十四篇用「上主」，原文是「耶和华」。对上帝称呼ê无仝，mā显示时代背景有差别；「耶和华」，这是比较khah久远ê名称，而「以罗伊」ê名之文献是比较khah晚。二者之间相差大约有两百年时间。

第1节，chia所讲ê「狂傲」，表示心中无上帝，á是根本m̄承认有上帝ê人。Chit种人就是kā家己当做上帝。Chit种人，siōng容易kā家己神化，认为家己所做ê事，lóng是正确ê。M̄-koh án-ne真危险。Tī chit种「狂傲」者身上，in就算去做「行善」ê事，mā bē是为tio̍h beh彰显上帝ê疼，因为in根本就m̄相信有上帝。因为án-ne，in去爱人、做好事，lóng是为tio̍h beh hō͘人认bat伊、感谢伊。

第2到3节，上帝自有一套标准来衡量世事，m̄是照人类ê标准。Chit二个之间ê cheng差真大（参考以赛亚书五十五：8—9）。

「明智」，意思是「智慧」，而智慧，是teh指认bat上帝。

「善」，这是teh指上帝ê形像，chit种形像表明上帝对性命ê疼。
认bat上帝ê人会谦卑，知影家己有ê才能lóng是tùi上帝来赏赐，只有狂傲ê人会认为he是伊家己ê才华。

第4节，chit节是上帝teh指控chiah-ê狂傲ê人，óa靠家己ê才能，欺骗招摇，甚至认为上帝lóng m̄知道。其实不然，上帝深知in tī隐密处ê所做所为。

第5节，ná亲像头前已经讲过ê，chit节kah第十四篇5到6节无相仝。Chit节真清楚讲tio̍h，一个人平时lóng m̄相信有上帝，甚至藐视信上帝ê人。有一工tú-tio̍h困境ê时，in就会发见家己ê才能并无作用，chiah会tī心中生出「非常惊惶」，而且chit种惊惶是超过以往所经历过ê，特别是当上帝进行审判ê时，in chiah惊觉原来是有上帝。Hit时，in就会感觉见笑万分。

第6节，chit节讲出以色列人民tùi巴比伦帝国奴隶之地得tio̍h释放，thang tńg去故乡重整家园，这就m̄是狂傲ê人有能力做得出来ê事。是上帝ê能力chiah有办法。因为án-ne，属tī上帝子民ê人，lóng会因性命ê得救而欢欣phut-phut-tiô。相对ê，只有狂傲ê人会感觉见笑。因为inchiah发见家己根本bē-tàng为力。