诗篇 5章1节 到 5章12节   背景资料  上一笔  下一笔
Chit首诗kah头前二首诗真相近,lóng是teh描写一个人心内挣扎、奋斗ê信仰告白。长老教会ê圣诗第363首「耶和华,早起ê时祢ē-tàng听我ê声」就是用Chit篇诗作词ê。

第1到2节,chit首诗歌一开始就向上帝祈求,特别是tī第1节讲出「吐气」,这是teh指哀叹ê意思。因为án-ne,chit首诗歌mā被列为是一首哀歌。

因为第3 节ê关系,一般lóng kā chit首诗看做是一首早起ê诗歌。以色列人民有一种观念,认为「清早」是向上帝祈祷siōng好ê时间,此时刻大约是tī早起六点ê时,因为清早起来准备好势了后,beh出门去工作前向上帝祈祷,一则chit时精神饱足,二则hit工ê工作需要上帝ê手带领。

第4到6节,诗人Tī chit段诗歌中kā咱讲上帝所讨厌ê事,乃是「邪恶」,这包括狂傲ê、作恶ê、讲白贼ê、嗜血ê、诡诈ê等。

第5节thang参考诗篇第十四篇1节,所谓「狂傲ê人」,是teh指心中无上帝ê人,因为án-ne,chit种人是不配khiā tī上帝面前。第6节所讲ê「嗜血」,意思是teh指伤害人ê性命,并无一定是teh指gia̍h刀枪ê,因为白贼mā足以伤害人ê性命,á是毁谤mā会造成人ê性命受伤,虚假ê见证koh-khah是比刀剑厉害。这kah第9节所提起ê仇敌之言,是bē-tàng信ê原因仝款。

第7到8节,诗人相信上帝是慈悲ê,chit点mā是kui本圣经共同ê教导。因为有上帝丰富ê慈爱,人chiah ē-tàng来到上帝面前敬拜他,因为上帝讨厌作恶ê人。当上帝接纳一个人来到圣殿中敬拜他,表示上帝接纳chit-ê人。一个hō͘ 上帝接纳ê人,上帝会引chhōa伊行「正路」。

第9到10节,ná亲像头前teh绍介诗篇ê时提过ê,「仇敌」表示诱惑ê气力,soah ē-tàng拆破chit种仇敌ê诡计ê,只有上帝chiah有办法。

第11到12节,体验tio̍h上帝拯救、带领行过险境ê人,lóng会有chit种兴高采烈ê欢呼,因为赢过仇敌ê诱惑。

第11节ê chit句「因为你有喜乐」,原本ê意思是「因爱你ê名」,意思是喜爱上帝ê名ê人,lóng会蒙上帝ê赐福。第12节ê「盾牌」,指ê是足以盖过一个人身躯ê盖kòa。换句话讲,chit种「盾牌」是teh指一个人hō͘ 上帝完全包tòa,bē hō͘仇敌伤害到伊。


重新查询 专卷研经 诗篇系列
错误回报,请联系comm[@]fhl.net