诗篇 47章1节 到 47章9节   背景资料  上一笔  下一笔
这是一首歌颂上帝chiah是土地ê主,无上帝ê允准,任甚么人mā无法度tī土脚安居、占有ê诗歌。Chit首诗歌后来常常hông用tī新年ê时chūn歌颂。

第1到2节,诗歌一开始,诗人就大声呼吁所有ê人lóng tio̍h来高声歌颂上帝。因为chit位上帝是「至koân ê上主」,全世界lóng是属tī他ê。原因是他是创造宇宙万物ê主宰。

第3到4节,诗人讲beh歌颂上帝ê原因,是因为所有ê气力tùi上帝来赏赐,包括土地lóng是。因为án-ne,ē-tàng tī统治ê土地顶面安居,就应该tio̍h感谢上帝。

第5节kah撒母耳记下第六章15节有密切关系,因为所用ê字句lóng有欢呼吹号。Tī撒母耳记,记载大卫带上帝ê约柜进入耶路撒冷,包括大卫kah所有以色列人民,lóng高声歌颂上帝。

第6到9节,「上帝坐tī宝座顶面」,chit句话表示两种意义,一是teh指耶路撒冷圣殿,因为圣后面有约柜,这表明是上帝显现ê所在;二是teh指天顶。诗人用chit种方式teh表示:chit位创造宇宙万物ê上帝,是至koân ê,无法度用人ê气力来比并。大家lóng tio̍h顺服他ê领导,因为只有他chiah是万王之王。

重新查询 专卷研经 诗篇系列
错误回报,请联系comm[@]fhl.net