诗篇 4章1节 到 4章8节   背景资料  上一笔  下一笔
Tī第三篇有标题写「求助ê晨祷」,然后第四篇写「求助ê晚祷」。Án-ne,第三篇kah第四篇是相关连ê诗篇。

第1节,这是诗人感觉非常孤寂、无助ê时chūn,伊知影唯一ê希望,就是向上帝祈求帮助。

第2到5节,劝人m̄-thang koh再犯罪,tio̍h归向上帝,好好á反省家己所做ê事,是m̄是违背上帝ê旨意。

如果chit首诗歌是kah第三篇ê背景仝款。Án-ne就是大卫teh劝勉押沙龙,m̄-thang koh án-ne落去,因为这bē是上帝欢喜ê行为。

第3节,chit节所讲ê「选召」,有含分别为圣ê意思。上帝所选召出来ê人,必定是虔诚、忠心tī上帝ê人。「归属」,原来ê意思是teh指「忠心」,mā是teh指「委身」ê意思。上帝所拣选ê人,chit种人必定会忠心tī上帝,委身tī上帝,因为知影上帝对伊ê疼真深。

第6到8节,诗人tī chia讲出心中ê ǹg望,伊深信只要上帝带领,就算tī siōng困难ná亲像旷野地带,mā会得tio̍h性命ê甘霖一般,大地lóng受tio̍h雨水ê「福泽」,充满tio̍h上帝ê赐福。

第7节诗人讲出一个人性命ê丰富,是tī心内ê喜乐,因为喜乐ê心khah赢过丰富ê lim食享受。Thang kā此节比较khah马太福音第六章28到34节,会koh khah清楚此意。


重新查询 专卷研经 诗篇系列
错误回报,请联系comm[@]fhl.net