诗篇 38章1节 到 38章22节   背景资料  上一笔  下一笔
这是一首患重病ê人祈祷ê诗歌。Mā是hō͘列为七首悔改ê诗歌之一,另外ê六首是:第六篇、第三十二篇、第五十一篇、第一○二篇、第一三○篇kah第一四三篇。

古早人有一种认知:破病是因为犯罪ê缘故,病jú重,表示罪mā jú重。约翰福音第九章2节,耶稣ê门徒问伊有关hit位生落来就chheⁿ-mê-.ê人,讲:「是甚么人ê罪造成ê?是伊家己ê罪á是伊父母ê罪?」就thang看tio̍h chit种性命观,即使tī现今ê社会mā是非常普遍。M̄-koh耶稣并无认为是án-ne,ná亲像伊回答门徒所讲ê:「Chit-ê 人无犯罪,伊ê父母mā 无;是beh 通过伊来显明上帝ê 作为。(全民版)」(约翰福音九:3)

Chit首诗iáu有一个特点,就是分做三个段落,每一个段落lóng以称呼上主ê名开始,就是第1、9、15节等等。Iáu有,就是用呼求上帝ê名开始,mā以呼求上帝ê名结束。

第1到2节,chit节诗歌kah第六篇1节ê诗歌完全仝款。诗人认为伊ê受苦,是因为上帝伸手惩罚伊ê缘故。如果讲诗人chit-má是破病,án-ne,一定是病得真严重。诗人认为上帝惩罚伊,ná亲像用「箭」深深刺伤伊仝款,hō͘伊承受差不多无法度呼吸般ê压力。

第3到4节,诗人认为上帝对伊ê惩罚,已经超过伊所ē-tàng承受ê重,伊祈求上帝ē-tàng减轻,若无,伊kā无法度生存落去。Chia所用ê「体无完肤」、「粉身碎骨」,表示病情不轻。M̄-koh mā表示伊已经无法度继续承受chit种重病之惩罚。

第5到8节,这4节诗歌lóng tī说明诗人ê痛苦。因为破病身躯已经开始有褥疮ê现象,表示,诗人可能卧床甚久ê时间。诗人形容家己身上ê病况,chit-má已经痛到无法度伸直身躯,表示伊无法度khiā起来行动,mā因为chit-ê缘故,chiah会有卧床过久有褥疮发生,而伊mā只有ē-tàng用弯腰ê方式,以祈减轻痛苦,m̄-koh却是kui工目头结结。

第6节chia用「悲愁」,意思是teh指非常哀伤ê意思。

第8节ê「痛苦haiⁿ-haiⁿ叫」,是teh指大声hoah ê意思。原因是痛到无法度忍受,非常艰苦心ê意思。

第9到14节,这是诗人第二pái呼喊上帝ê名,祈求上帝拯救。
「我ê心愿」,这表示心内恳切地ê哀求。

第10节,thang看出诗人已经会失去眼神,lóng无精神ê款。

第11节,chit-ê诗人真可能患有癞ko病ê款,连亲朋好友lóng远远躲开伊,因为甚惊被传染。

第12节,诗人感受tio̍h性命垂危,随时lóng会有hō͘人害死ê可能。

第13到14节回应了第12节所讲到ê危险。伊m̄知该怎样说明,知影别人对伊窃窃私语,指指点点,m̄-koh伊却无法度辩驳。

第15到20节,这是第三段诗歌,mā是由呼喊上帝ê名开始。诗人呼喊上帝,期待上帝回答伊ê呼叫。

第17节,诗人讲痛苦总是跟tòe伊,形影不离,差不多hō͘伊无法度承受。

第18节是chit首诗歌ê中心,就是诗人承认家己ê过犯。并且为家己ê过犯「忧伤」,这表示忏悔ê意思。Ná亲像诗篇第五十一篇17节,大卫ê诗歌中所讲ê,忧伤痛悔ê心,上帝绝对bē拒绝。

第19到20节,诗人感受tio̍h性命沉重ê压力,并无因为家己为过犯忏悔有减轻ê现象。却是攻击ê力道jú来jú强,特别是当诗人确实忏悔后,阻碍ê气力iáu是增强。

第21到22节,chit两节是chit首诗歌ê结语。诗人祈求上帝m̄-thang「放下伊」、不管伊。伊祈求上帝「m̄-thang远离」伊,tio̍h救伊,若无,伊一定无法度生存落去。


重新查询 专卷研经 诗篇系列
错误回报,请联系comm[@]fhl.net