诗篇 35章1节 到 35章28节   背景资料  上一笔  下一笔
这是一首哀歌,tùi第1节、第11节、第23节等等经文,thang看出作者正面对tio̍h审判。诗人特别强调有人做假见证beh陷害伊,hō͘伊感觉孤苦无助。M̄-koh诗人知影上帝是公义ê神,一定会清楚做假见证ê人,必定会严厉惩罚chit种人。

Thang kā chit首诗分做三个段落,第一段是第1到10 节,tùi chit段诗歌中,ē-tàng想像会tio̍h作者必定是受tio̍h严厉ê打击,因为án-ne,祈求上帝为伊伸冤惩罚对敌者。第二段是第11到18节,Tī chit段诗歌中,伊描述被朋友出卖,对方以恶报善。第三段是第19到28节,chit段诗歌作者继续向上帝祈求,hō͘ hiah-ê仇敌失去幸灾乐祸ê机会。每一个段落lóng是用歌颂作结束,tùi个人tùi心底感谢上帝,续接到tī聚会中歌颂o-ló上帝,到最后公开宣布上帝ê公义,并且tio̍h kui工歌颂上帝。

第1到3节,chit段诗歌中用「攻击」、「大细盾牌」、「长矛大斧」、「迎击tui-jiok」等,chiah-ê lóng是军事用语。诗人ê祷词中,上帝就是一位率领tio̍h千万部队ê将军,ē-tàng击退来犯ê敌人。

第4到6节,第4节ê诗句mā出现tī第四十篇14节、第七十篇2节等等。诗人用「失望蒙羞」、「失败狼狈」等词来说明敌人ê目的无达成,落魄而逃ê景况。因为有上帝出手打击in,有上帝ê「天使」出来惩罚in,in就会亲像无用ê「糠秕」仝款,只要风小khóa一吹,就四散伊去。

第7到8节,类似chit两节ê句话mā tī诗篇第九篇15节出现。Chit两节thang看出想要害人ê人,最后就是害到家己。因为上帝siōng讨厌chit种人。

第9到10节,tùi chit两节thang看出诗人tī得tio̍h上帝ê拯救了后,发出歌颂上帝ê o-ló诗歌。诗人特别强调上帝是「保护弱小」,kah「保护sàn-chhiah人」ê上帝。

第11 kah 12节,tú好kah第13到14节呈现对比;前者是邪恶ê人ê作为,后者是诗人表示伊怎样对待chit位想beh陷害伊ê人。邪恶ê人,就ná亲像出卖知己朋友仝款,是一个忘恩负义ê人。

第15到18节,邪恶ê人lóng会有一个严重ê错误心态,就是对别人ê苦难lóng是抱tio̍h「幸灾乐祸」ê态度。M̄-koh诗人向上帝呼求脱离chit种人ê手,伊相信上帝一定会伸手救助。Á上帝果然垂听诗人ê祈祷,正当tī siōng危急ê时chūn,救助了伊,hō͘诗人ê性命ē-tàng得tio̍h脱离迫害ê危机。

第19到21节,诗人表示仇敌心中tú-teh盘算tio̍h怎样得tio̍h胜利,伊kā chiah-ê仇敌ê恶质态度lóng详详细说明出来,包括in欢喜讲造谣重伤ê话,koh khah严重ê是诬告善良ê人。因为án-ne,伊祈求上帝千万m̄-thang hō͘敌人获胜。

第22到25节,chit段诗歌thang看见诗人对公义ê上帝真有信心,伊深信只要公义ê上帝进行审判,受tio̍h冤屈ê人必定会得tio̍h「伸冤」。

第26到28节,诗人提出三个愿望:一是第26节所提起ê,hō͘敌人狼狈、蒙羞;二是第27节所提起ê,上帝ê子民得tio̍h伸冤;三是第28节所提起ê,tio̍h带领全体人民颂赞上帝。



重新查询 专卷研经 诗篇系列
错误回报,请联系comm[@]fhl.net