Tī真chē无仝版本圣经中lóng有Tī chit首歌加上chit句旁注：「大卫逃避伊kiáⁿ押沙龙ê时chūn作ê诗。」可惜《现代中文译本》无标上这旁注。诗篇中有kúi-nā首诗歌lóng有旁注是kah大卫有关ê事，亲像第七篇、第十八篇、第三十四篇、第五十一到五十二篇、第五十四篇、第五十六到五十七篇、第五十九到六十篇、第六十三篇，以及第一百四十二篇等。

假使chit首诗歌是如「旁注」所讲ê，大卫teh逃避伊kiáⁿ押沙龙ê时所写ê，án-ne就需要参考撒母耳记下第十五到十八章。是因为押沙龙叛变窜夺王位，大卫感觉不妙，因为án-ne，带忠心ê臣仆逃离耶路撒冷。因为án-ne，chit首诗歌mā hō͘人认为是一首哀歌。

第1到3节，teh逃亡ê大卫，忽然感觉到处lóng是反对伊、攻击伊ê人，甚至chiah-ê人会讲上帝已经弃sak了大卫。即使tī chiah-ni̍h恶质ê环境下，大卫iáu是坚信上帝就是伊siōng好ê护卫者，是盾牌，一定会hō͘伊恢复信心。

第4到6节，第4节ê「我向上主呼求援助」中ê「呼求」，有「大声叫」ê意思。表明性命发生危险到teh要死亡ê时，诗人就大声叫上帝ê救助。伊深知上帝一定会垂怜伊ê苦难，就算tī siōng无助、软弱到ná亲像困（表示暗时），á是「睡醒起来」（表示日时头）看见敌人大军包围ê时chūn，伊mā不惊惶，因为上帝会护卫tio̍h伊，hō͘伊免受灾害。诗人tī chit两节中表达了基督教信仰siōng重要ê观念：只要有上帝kah我同在。我纵然行过死亡路径，mā m̄惊灾害（参考诗篇廿三：4）。

第7到8节，表示拯救ê上帝必定会「侮辱」hiah-ê欺负他ê子民ê仇敌，chit种侮辱ê方法，就是kā仇敌展宝ê胜利重重地击溃，hō͘ in ê面变形pháiⁿ看，ná亲像敲掉敌人ê嘴齿仝款。诗人深信，上帝一定会hō͘伊得胜，因为上帝会看顾家己ê子民。