诗篇 28章1节 到 28章9节   背景资料  上一笔  下一笔
Tùi第廿六到廿八篇,这三篇诗篇lóng有提起圣殿ê事。第廿六篇讲上帝就tī圣殿中,tī hia有上帝ê荣耀(拯救ê意思),敬畏上帝ê人lóng thang看见上帝ê荣耀。第廿七篇诗人认为任何人只要khiā起tī圣殿中,就ē-tàng得tio̍h「平安」。第廿八篇chia诗人讲伊tī圣殿「举手求告」上帝,上帝一定会垂听。这三篇诗歌lóng说明一个重要主题:一个人性命ê安危,lóng kah上帝有亲密关系。甚至一个民族、国家mā lóng是án-ne,只要有上帝同在,就算tī siōng危险ê环境中,mā会有平安。

第1到5节,诗人一开始就深信上帝就是「保护」者。Chia ê「保护」意思是teh指石磐。是siōng安稳ê所在。诗人因为知影向上帝祈求救助,一定会蒙上帝垂听,因为án-ne,伊特别讲伊beh到圣殿去向上帝祈求。伊tī chia祈求上帝kā伊分别出来,就是tùi作恶ê人中间区别出来。意思是teh指伊是神圣上帝ê子民,kah hiah-ê心中狂傲,m̄承认有上帝ê人是无仝款ê。In是作恶者,心中「藐视上主ê作为」,而且看bē起上帝「创造」ê奇妙。伊相信上帝一定会惩罚chit种人。 

第6到9节,chit段诗歌是teh祈求上帝得tio̍h帮助了后,歌颂上帝ê恩典。伊相信只要是专心信靠上帝ê人,lóng会得tio̍h上帝ê「卫护」。比较khah特别ê所在是tī第8到9节,因为chit两节是为大众祈求ê诗歌,mā因为án-ne,chit首诗就tùi属tī个人ê诗歌变成大众公用ê诗。第9节提起求上帝「牧养」属tī他ê子民,这正kah-ná诗篇第廿三篇1节所讲ê,上帝就是顾羊人,他ê子民就是羊群仝款。

重新查询 专卷研经 诗篇系列
错误回报,请联系comm[@]fhl.net