诗篇 2章1节 到 2章12节   背景资料  上一笔  下一笔
因为chit首诗篇被马可福音第一章11节,以及使徒行传第四章25到26节、第十三章33节lóng有引用过其中ê诗句。加上chit首诗篇第6节讲:「主讲:Tī 锡安— 我ê 圣山,我已经设立我ê 王。(全民版)」因为án-ne,hō͘人认为chit首诗歌应该是kah君王有关系。若是kah君王有关系,圣经作者就真清楚表示一个概念:君王ê权力tùi上帝来赏赐,绝对无法度乱使用。因为上帝是拣选君王来照顾人民,却m̄是用来欺压ê。

第1到3节,chia一开始就提起「列国」,指ê是附庸国家,á是被统治者,in lóng利用新王tú登基ê时,图谋反叛。M̄-koh in无注意tio̍h,chit位君王是上帝所选立ê。只要是上帝选立ê君王,反对chit位君王,等于是反对上帝仝款ê愚戆。因为án-ne,有反叛上帝选立ê君王之念头,kan-taⁿ会为家己带来koh khah大ê伤害。

第4到6节,诗人tī chia提供一个重要观念:上帝tī天顶俯视tio̍h地上人类ê言行举止。上帝非常清楚人ê心思意念。Chiah-ê心怀不轨ê图谋者,认为无人知影。其实,上帝真清楚,因为án-ne,会用「大受气告诫」chiah-ê列国。圣经一再提醒,只要上帝发出大受气,人类就会「惊惶失措」,m̄知该怎样办chiah好。

第7节,chit节是chit首诗siōng重要ê一节经文,讲chit位hō͘ 上帝所膏立ê君王,kah上帝之间ê关系有kah顶面仝款帝ê kiáⁿ一般ê亲密。换句话讲,上帝kah他ê子民之间ê关系ná亲像「父」kah「子」之间ê关系hit种地密切。圣经作者mā不时用「父」kah「子」ê关系,来形容上帝kah人之间无法度分离ê关系(参考以赛亚书六十三:16、六十四:8,耶利米书三:4、三十一:9,玛拉基书三:17,路加福音十五:11—32)。

第8节,这是上帝ê应允,beh赏赐hō͘他所拣选ê君王,ē-tàng治理世间列国。上帝会赏赐hō͘ chit种君王有智慧,知影用公义维护sàn-chhiah人,会保障孤苦无助ê人,会以正义治理、信实施政(参考以赛亚书十一:2—5)。

第9节,chit节被启示录引用了三pái(参考二:27、十二:5、十九:15)。诗人表达一个基本认知:一个公义ê君王,对hiah-ê作奸犯科ê人,绝对bē袖手旁观,伊一定会打击、严厉惩罚。

第10到12节,chit段诗歌是劝勉hiah-ê心有二意ê列国君王,tio̍h用敬畏ê心顺服上帝ê旨意,mā就是顺服上帝所膏立ê君王。

重新查询 专卷研经 诗篇系列
错误回报,请联系comm[@]fhl.net