诗篇 15章1节 到 15章5节   背景资料  上一笔  下一笔
Chit首诗歌讲述一个beh敬拜上帝ê人,应该有ê态度kah准备。

Chit首诗mā hō͘人看做是一首「智慧」ê诗歌,原因是以色列人民ê看法中,知影敬拜上帝ê人就是有智慧根基ê人,而chit首诗歌是teh描述敬拜上帝ê人应该有ê品德。诗人tī chia讲tio̍h怎样ê人chiah ē-tàng到敬拜上帝ê所在,而且ē-tàng看见上帝ê荣耀?有几个基本要件:

第2节提起三项:1.行为正直。Chit种正直是用上帝ê话为准则;2.顺从上帝。意思是teh指清楚知影上帝ê命令;3.讲话真诚。这是teh指心内所想ê,tùi嘴中讲出来。无经过修饰,mā无任何掩遮。是坦荡荡、赤the̍h-the̍h面对上帝。

第3节提起两项:chia提起「不毁谤」,kah「不造谣」是仝款ê意思。另外一项是「m̄做失礼朋友ê事」,意思是teh指bē出卖朋友。

第4到5节,chit两节提起koh khah积极ê一面,就是一个忠实tī上帝ê人,必定会用轻视ê态度对待hiah-ê作恶ê人。相对ê,对tī hiah-ê敬畏上帝ê人,会用尊重ê态度看待。忠实ê子民一定会遵守上帝ê命令,bē tī借钱hō͘需要ê人ê时,iáu索取利息,因为对生活有困难ê sàn-chhiah人索取利息,是错误ê态度。Á chit句「无受o͘-se来陷害无辜」ê话,是teh指法庭ê官员,á是对政府官员讲ê。这mā是摩西律法ê教导,只有拒绝o͘-se,chiah会有公义ê审判。

重新查询 专卷研经 诗篇系列
错误回报,请联系comm[@]fhl.net