这是一首祈求上帝救助ê诗歌，mā是一个人ê哀歌。

第1到3节a句，显然地，chit位诗人面临极大ê痛苦，需要向上帝倾诉，而且是beh用高昂ê声音向上帝「呼求」。伊beh向上帝吐露心中tú-tio̍h ê性命「苦情」。即使是án-ne，伊iáu对上帝无失去信心。

第3节b句到4节，诗人感觉非常孤寂，因为chhōe bē-tio̍h thang帮助ê气力。除了上帝以外，无其它任何thang óa靠ê对象。

第5到7节，诗人深信上帝chiah是伊真实ê óa靠，是伊ê一生中间所ē-tàng信靠ê对象，即使敌人ê气力是hit种庞（pâng）大，比伊强大真chē，伊iáu是仝款坚信，只要信靠上帝，上帝一定会「恩待」伊，救助伊脱离「灾难」。