诗篇 139章1节 到 139章24节   背景资料  上一笔  下一笔
诗篇中有一部分诗歌被称做「智慧文学」ê诗歌,亲像第九十篇、第一二七到一二八篇等等。Á chit篇mā是极具代表性ê一首智慧文学之诗篇。

第1到6节,chit段诗歌thang看出诗人明确表白伊ê信仰态度:上帝是无所不知ê上帝。包括人ê「一举一动」,上帝lóng清楚知影。这mā是基督教信仰对chit位宇宙万物ê独一上帝之宣告。上帝确实知影人心内ê意念,即使是隐藏在内心深处,他mā清楚知影,m̄-koh相对ê,人对上帝ê认知是非常ê少。

第7到12节,chit段诗歌则诗人teh表示伊所认bat ê上帝,是无所不在ê上帝,chit点mā是基督教对创造宇宙万物ê上帝之第二个宣告。Tī chit段诗歌中,诗人讲无论人想beh到tó位隐藏,是无法度藏会tiâu ê。同时,tī siōng困境ê环境里,上帝mā会帮助敬畏他ê人,bē有甚么所在是ē-tàng阻止上帝ê手ê。因为宇宙万物、时间kah空间lóng是tùi上帝来ê创造,因为án-ne,「暗夜kah日时」、「乌暗kah光明」tī上帝看起来,lóng仝款。

第13到16节,chit段歌颂上帝创造人ê奇妙之诗歌,thang参考约伯记第十章8到12节,诗人tùi人体身上ê构造讲tio̍h上帝ê伟大,并且强调上帝对人ê了解非常透彻,无任何事thang躲避上帝ê眼目。换句话讲,人无论做甚么、tī tó位做toh一kóa事、想kóa甚么计画,lóng会记录tī上帝ê「册子」上,这册子以后会成做上帝审判ê根据(参考启示录二十:12)。

第17到18节,chit两节thang参考诗篇第四十篇5节。这是诗人teh歌颂上帝ê计画,细密到ná亲像海边ê细沙hit种无法度hō͘人详细算出来,表示上帝所做ê事,lóng是真周全ê、完美ê。第17节thang参考以赛亚书第五十五章8到9节。

第19到22节,诗人Tī chit段诗歌中表示伊是属tī上帝ê子民,学习上帝痛恨邪恶ê人,chiah-ê人会亵渎上帝,甚至亵渎上帝ê神圣。因为án-ne,只要是上帝所无欢喜,诗人mā是仝款无欢喜;只要上帝痛恨ê事,伊mā仝款beh痛恨。这表示,伊beh照上帝ê教导做tāi-chì,m̄敢有所违背。

第23到24节,头前讲述上帝对人ê了解非常透彻,因为án-ne,诗人希望上帝随时lóng鉴察伊,用chit种方式好hō͘家己就会领受上帝ê欢喜、接纳。

重新查询 专卷研经 诗篇系列
错误回报,请联系comm[@]fhl.net