诗篇 138章1节 到 138章8节   背景资料  上一笔  下一笔
Chit-ê首感恩、颂赞ê诗歌。Mā是一首以宫廷ê诗歌做主轴写出来ê诗歌,kah诗篇第四十、六十六篇ê诗歌真类似。

第1到3节,chia一开始就提起「诸神」,这thang翻译成「有权力者」,á是「异邦诸王」。Mā有ê译本用「天使」。Chit-ê意思是teh指无论是甚么款ê神、天使,á是有权力ê人,chit位君王tī in面前mā bē改变对上帝本来ê忠诚,会tī in面前敬拜耶和华上帝。原因是chit位上帝是「信实」而且「有无变ê疼」。M̄-nā án-ne,chit位真实ê上帝会鼓励敬畏他ê君王á是人民。

第4到6节,诗人tī chia讲tio̍h只要是明智ê君王,lóng会知影tio̍h颂赞真实ê上帝,因为chit位上帝是信实ê,只要他讲出ê应允,必定会实现。Chit位上帝mā是拯救ê上帝(chia用「荣耀」一词来表示上帝拯救ê能力),只要走chhōe他ê帮助,他必定会伸手救助。因为chit位上帝「看顾卑微ê人」,相对ê,任何「狂傲ê人」看见chit位拯救ê上帝出来,必定phi̍h-phi̍h-chhoah、无法度khiā立。

第6节真值得注意,诗人讲:像án-ne威严、伟大ê上帝,却犹原「看顾卑微ê人」,而hiah-ê狂傲ê人一定会hō͘上帝揪出来。因为狂傲人ê心中,无上帝(参考诗篇十四:1)。

    第7到8节,chit两节诗歌真亲像诗篇第廿三篇,tī敌人面前,上帝mā会排设宴席,hō͘他ê子民一点lóng m̄免惊惶不安。上帝ê慈爱会永远kah信靠他ê人同在。

重新查询 专卷研经 诗篇系列
错误回报,请联系comm[@]fhl.net