诗篇 137章1节 到 137章9节   背景资料  上一笔  下一笔
这是一首亡国了后写做ê诗歌,mā是属tī哀歌,内容充满哀怨、感伤。

第1到3节,这真清楚是以色列人民被掠到巴比伦去做奴隶ê时唱出来ê诗歌,时间应该是tùi主前597年第一批受掠ê人开始算起,一直到主前586年耶路撒冷沦陷止。以西结书第一章1节讲in ê集中营是tī巴比伦ê「迦巴鲁河边」。因为án-ne,chia第1节讲「巴比伦河畔」,可能就是teh指chit-ê「迦巴鲁河边」。Tī第2到3节ē-tàng看出奴隶ê悲哀,就是除了tio̍h努力工作外,有ê人(真可能是妇女)就成做娱乐巴比伦人ê女婢,甚至是「性奴隶」。巴比伦人侮辱以色列人民ê方式,就是ài in唱「锡安ê歌」,这增加in心内ê痛苦。

第4到6节,亡国ê心痛,已经无法度唱出歌颂上帝ê诗歌,而这to̍h是俘虏in ê巴比伦人想beh听ê,这是teh侮辱以色列人民,讲in所拜ê上帝无法度庇护in免受灾害。换句话讲,巴比伦人是teh讲以色列人民所拜ê上帝无用ê意思。M̄-koh诗人iáu-koh坚信,上帝是真实ê,上帝一定会记tiâu in。

第7到9节,chit三节诗歌是teh控诉以东人kah巴比伦人。以东人ê恶质行为thang tùi俄巴底亚书第10到14节;约珥书第三章19节;耶利米书第四十九章7到22节;以西结书第廿五章12到14节等等处经文看出,诗人祈求上帝对以东人进行惩罚,因为in趁巴比伦人攻击耶路撒冷城ê时,幸灾乐祸,而且是当巴比伦人ê杀戮帮手。

第9节真特别,chit节诗人讲tio̍h kā巴比伦人á是以东人ê婴á摔tī石头壳顶ê人,是有福ê人,chit种讲法并m̄是讲in tio̍h án-ne做,却是teh说明以色列人民所tú-tio̍h ê遭遇,就是巴比伦军队攻入耶路撒冷城内ê时,只要听见婴á啼哭,in就用chit种方式进行残酷ê手段屠杀婴á。因为án-ne,诗人祈求上帝,用巴比伦人ê方法惩罚in。这mā是旧约摩西律法中所提起ê「以眼还眼、以牙还牙」之惩罚á是报复方式。

M̄-koh咱知影tī耶稣基督内面,chit种报仇思想m̄是基督教信仰ê本质,因为耶稣ê教示是「tio̍h疼lín ê仇敌,并且为迫害lín ê人祈祷」(参考马太福音五:44)。使徒保罗mā讲:「Tio̍h 祝福迫害lín ê 人;tio̍h kā in祝福,m̄ -thang kā in 咒诅。(全民版)」(罗马书十二:14)
重新查询 专卷研经 诗篇系列
错误回报,请联系comm[@]fhl.net