诗篇 136章1节 到 136章26节   背景资料  上一笔  下一笔
这是一首o-ló上帝ê伟大,kah感谢上帝拯救以色列人民脱离埃及,进入应允ê迦南地之诗歌,mā是一篇真美ê「史诗」,kah诗篇第一三五篇ê内容真接近。Chit首诗歌有一个真明显ê特色,就是每pái ê回应句lóng是「伊ê慈爱永远长存」。Chit种写法有一个用意,就是主领敬拜ê长老á是祭司,念第一句,民众就续落来回应chit句「他ê慈爱永远长存」。诗歌ê主题khǹg tī出埃及ê救恩史上,mā thang tùi chia看出以色列人民对出埃及ê事件看kah非常重要。

Chit首诗篇thang分做四个主题:一是第1到9节,讲述上帝创造ê伟大;二是第10到15节,描述上帝带领以色列人民脱离埃及ê辖制;三是第16到22节,讲述上帝带领以色列人民经过旷野了后,进入迦南地;四是第23到26节,o-ló上帝有永远ê慈爱,无因为以色列人民犯罪就弃sak in,m̄-nā继续照顾,mā继续养饲in。

第1到9节,tī前三节真清楚表明,chit位慈爱ê上帝,是高居万神之上。Mā就是讲除了chit位创造宇宙万物ê上帝外,无其他ê神。其它外国所崇拜ê神lóng是虚假ê。因为án-ne,大家tio̍h感谢ê是chit位真实ê神。

第4节ê「行大神迹」,就是用上帝ê创造来说明,上帝ê创造表明他特有ê智慧,m̄是人ê知识所ē-tàng领悟、明白,因为实在太深奥。这包括第5到9节所提起ê「诸天」(表示浩瀚ê宇宙)、「深水」、「大地」、「日头kah月娘」、「星宿」、「日时kah暗夜」等。Tī上帝奇妙ê手管理之下,一切运转lóng真顺利,井然有序。

第10到15节,chit段诗歌讲述上帝「伸出」他「坚强ê手kah膀臂」带领以色列人民离开埃及,并且用他奇妙ê双手kā「红海ê水」分开,hō͘以色列人民ē-tàng平安地行过去,m̄-koh却「淹灭了埃及王kah伊ê军队」,chiah-ê历史记录lóng thang tùi出埃及记第十二到十四章看会tio̍h。

第16到22节,chit段诗歌kah以色列人民离开埃及进入旷野了后ê记事有关。第17到22节chit段诗歌kah诗篇第一三五篇10到12节仝款,thang参考民数记第廿一章21到26节、33到35节,lóng有详细ê资料。

第23到26节,这第23节是真有意思ê一节诗句,mā说明基督教信仰ê要义:上帝m̄是只tī咱成功ê时chūn kah咱同在,tī咱失败、痛苦ê时chūn,他也kah咱做伙,一直陪伴咱行过siōng艰辛ê性命旅程,ná亲像他从来m̄-bat hiat-ka̍k以色列人民仝款,chit点chiah是基督教信仰siōng精华ê所在。

第23到24节mā是teh隐喻以色列弃sak上帝后,被掠到巴比伦去做奴隶ê时,上帝iáu-koh kah in做伙。

第26节回应了第1节,呼召所有民众beh来感谢上帝ê大慈爱。

重新查询 专卷研经 诗篇系列
错误回报,请联系comm[@]fhl.net