诗篇 132章1节 到 132章18节   背景资料  上一笔  下一笔
这是诗篇第一二○到一三四篇等十五篇ê「登阶之歌」中siōng长ê一篇。Chit首诗ê特点是teh祈求上帝保护大卫王朝,以及立约ê约柜。

第1到5节,chia提起请求上帝会记得大卫「忍受ê一切辛劳」,这可能是teh指伊tī继任王位chìn前所tú-tio̍h ê各种苦难,尤其是hō͘扫罗追杀ê经历。Á诗人讲大卫王bat「下愿」、「chiù-chōa」,为tio̍h是beh替上帝「chhōe-tio̍h khiā家」,表示大卫beh为上帝建造圣殿。大卫王bat对先知拿单表示,伊tòa tī香柏木ê宫殿,却hō͘上帝ê约柜tòa tī帐棚里(参考撒母耳记下七:2),这hō͘伊感觉心内不安。

第6到9节,前段诗歌lóng用单数ê「我」,chit段诗歌则用大多数ê「咱」,表示另外一组诗班ê人teh吟唱。当大卫tī伯利恒ê时chūn,听tio̍h讲约柜是tī基列耶琳,mā就是《现代中文译本》ê「雅珥」,就派人beh去kā约柜带入耶路撒冷(参考撒母耳记下六:2—12),这雅珥可能是tī基列耶琳郊外ê小村落。第8节是引用民数记第十章35到36节,约柜teh代表上帝,每pái喊一pái「上主ah,起来!」,以色列人民就beh大声hoah、欢呼。然后祭司就kā约柜往前移动一段路程。

第10节,chia称大卫是上帝ê「奴仆」,表示上帝kah大卫之间有特别ê拣选关系。既然是上帝亲自拣选ê奴仆,诗人祈求上帝m̄-thang拒绝大卫。

第11到18节,chit段诗歌lóng teh表示上帝应允hō͘大卫kah伊ê kiáⁿ孙「永远继承」伊ê王位(参考撒母耳记下七:16)。另外一方面,上帝选锡安当做「永远tī chit所在khiā起」ê所在,án-ne,大卫kah伊治理ê国度,会因为有上帝kah伊以及以色列人民同在,而永远「昌盛」。

后来tī所罗门王ê手中圣殿建造完成,in用真隆重ê方式kā teh象徵上帝同在ê约柜运入圣殿ê至圣所。以色列人民一直有一个看法:只要有约柜tī-.teh,就表示上帝tī in中间。约柜tī圣殿中,就表示上帝tī圣殿中。有约柜ê所在,就有上帝ê约ê记号。上帝必定会实践他kah人所立ê约。

重新查询 专卷研经 诗篇系列
错误回报,请联系comm[@]fhl.net