这是一首君王登基加冕ê时chūn所吟唱ê诗歌。有kóa诗篇学者认为chit首诗篇真重要ê原因，是因为第1节被耶稣引用来反问hiah-ê经学教师，hō͘ in哑口m̄敢koh再问伊问题（参考马可福音十二：36）。这mā就是为甚么古代众教父bat对chit首诗下了一句评语讲：「篇幅虽小，份量却重。」原因是它是一首关系君王ê诗歌。不过chit位君王是甚么人？目前无人ē-tàng hō͘ in肯定ê答案。不过真可能是teh期待一位拯救ê君王来临，如果án-ne，chit位君王应该是kah弥赛亚ê来临有关系，原因是犹太人早就kā chit首诗歌当做是「弥赛亚诗篇」teh吟唱，而且早期基督教会彼得bat引用（参考使徒行传二：34—36），以及希伯来书ê作者mā真chē所在引用它（参考一：13、五：6—10、七：11—19），致使chit首诗tī早期教会占有真重要ê份量。Tùi第1节ē-tàng看出诗人ê期待，就是hit位beh来ê君王是上帝家己拣选出来ê，因为án-ne，chit位君王ē-tàng kah上帝同席而坐，而且是成做大祭司「麦基洗德」ê样式（参考创世记十四：18），m̄-nā是君王ê角色，而且是带领人民认bat上帝ê祭司。

第1到3节，第1节真可能就是祭司向王宣告，表示肯定被拣选出来继位ê君王，是上帝所接纳派驻tī土脚管理上帝子民之君王。然后就讲chit种君王，必定会得tio̍h上帝ê赐福，m̄-nā国家ê气力会兴旺扩大疆域，而且充满tio̍h少年活力。

第4到7节，诗人讲上帝chiù-chōa，绝bē改变，chit种句话一再出现tī先知文献中（参考以赛亚书十四：24，耶利米书廿二：5，阿摩司书四：2、六：8）。

「麦基洗德」，tī亚伯兰时代，是撒冷王，mā是至koân上帝ê祭司（参考创世记十四：18）。Chia强调所有ê君王就会ná亲像一个「祭司」，hō͘人民认bat上帝，mā帮助人民有敬虔ê宗教心，知影用真实ê态度敬拜上帝，mā用仝款忠实ê心，爱护家己治理之下ê人民。Chit种君王必定会有上帝ê同在，任何外力侵犯lóng会hō͘「制伏」。