诗篇 11章1节 到 11章7节   背景资料  上一笔  下一笔
Chit首诗ê作者表明虽然身陷危险中,mā无放弃对上帝坚定ê信心。

第1到3节,诗歌ê开始,诗人就讲伊「以上主为避难所」。这是以色列人民进入迦南地了后,设立六座城市作为避难城(参考民数记三十五:13—14),庇护hiah-ê性命受tio̍h威胁ê人。诗人kā chit种观念引进chit首诗歌中,因为án-ne,强调只有上帝chiah是伊性命ê「避难所」。

M̄-nā án-ne,诗人真清楚向上帝表示:若是无上帝ê庇护,即使亲像飞鸟飞入深山bih起来,mā是无用。因为真正安全m̄是bih起来,却是有公义ê社会准则。公义chiah是建构一个社会稳定ê「根基」。

第4到7节,chit段诗歌讲上帝ê「宝座设tī天顶」。天,是上帝ê殿宇,上帝tùi天顶俯视地上ê人类,并且会对每一个世人提出审判。M̄-koh上帝mā khiā起tī土脚ê圣殿中,他m̄-nā tī天顶,mātī土脚。他「彻底了解」世人所做ê一切,ná亲像诗篇第廿六篇2节、诗篇第一三九篇1到2节等等诗人所讲ê。圣经一再kā咱讲,上帝清楚知影人心中ê意念(参考申命记三十一:21,箴言廿一:12)。上帝是公义ê上帝,因为án-ne,他喜爱行为正直ê人。

第6节,chit节kah创世记第十九章23到29节经文描述所多玛城kah蛾摩拉城之灾难仝款。因为罪恶盈满,上帝tùi天顶降落硫磺大火惩罚这两城。

第7节,「正直ê人ē-tàng朝见伊」,chit句话thang参考马太福音第五章8节:「心肝清气ê 人实在有福气,因为in 会见tio̍h 上帝!(全民版)」


重新查询 专卷研经 诗篇系列
错误回报,请联系comm[@]fhl.net